Bloggfærslur mánaðarins, febrúar 2022
”Staðreynd í stað skelfingar,” eru einkunnarorð hins óvenjulega ónæmis- og veirufræðings frá Kanada, Byram W. Bridle. Hann er prófessor í ónæmisfræði við háskólann í Guelph.
Byram hefur, ásamt tveim starfsbræðrum sínum, stutt vörubílstjóranna í Kanada, forsætisráðherra sínum, Justin Trudeau, til mikillar mæðu. Sá mikli stjórnvitringur úr skóla Alheimsefnahagsráðsins (World Economic Forum), hefur látið hafa eftir sér:
„[A]ndmælendur [covid ] bólusetninga, [eru] öfgamenn, sem trúa ekki á vísindin, sem oft og tíðum eru kvenhatarar, oft kynþáttahatarar. … Eigum við umbera svona fólk.“ Stjórnarskrárbundin mannréttindi lætur hann sér í léttu rúm liggja: „[Þ]að má einu gilda, hvort vegið sé að rótum grundvallarréttinda. Við höldum ótrauð áfram með þær [bólusetningarnar].“
Byram, ásamt félögunum, Roger Hodkinson og Paul Alexander, sem báðir eru ónæmis- og veirufræðingar, buðu Justin og þrem embættismönnum í heilbrigðisþjónustunni, sem borið hafa hitann og þungann af sóttvarnaraðgerðum í Kanada, til opinberrar umræðu um aðgerðirnar, og þá vísindalegu hugmyndafræði, sem að baki liggur. Þeir létu ekki sjá sig.
Byram sagði: „Við leggjum land undir fót til höfuðstaðar þjóðarinnar til að gefa til kynna ásetning okkar um að eiga virðingarvert spjall um vísindin og lækningafræðin, sem liggja covid-19 til grundvallar. … Rök í þá veru, að okkur skuli meina um vettvang, sem gefi hugmyndum okkar gildi, eru nú hriplek. … Kanadamenn vakna um þessar mundir til vitundar um þann auðsæja veruleika, að sitthvað sé bogið við ástandið í landinu og langt handan þess.
Það má einu gilda, hvaða skilningur er lagður í málefnið; ritskoðun og hefting virðingarverðrar, vísindalegrar umræðu er röng. Það er nauðsynlegur þáttur vísindanna að fræða alþýðu manna með gegnsæjum hætti.“
https://viralimmunologist.substack.com/p/doctors-supporting-the-freedom-convoy
https://www.bitchute.com/video/clfdugP213LE/
Hugmyndin um bólusetningabréf er ekki ný af nálinni. Það hefur verið beint og óbeint í undirbúningi í Bandaríkjum Norður-Ameríku (BNA)og á alþjóðagrundvelli í áratugi. Hér eru nokkrar stiklur framvindunnar:
Þegar árið 1986 var samþykkt í Alríkisþingiðí BNA lög um bólusetningar barna (Childhood Vaccine Injury Act). Ríkisvaldið tók við ábyrgð lyfjafyrirtækjanna á hugsanlegu heilsutjóni vegna þeirra.
Fjórtán árum síðar eða þúsaldarárið 2000, varð Bill Gates, Microsoft auðjöfurinn, heltekinn mannúð og stofnaði með kerlu sinni þáverandi, Melinda, sjóð, sem ber nafn þeirra. Bill fékk snemma bólusetningar á heilann, meðan Melinda rótaðist um í kvenfrelsunarflaginu.
Hjónakornin létu hendur standa fram úr ermum. Á árinu (2000) voru þau meðstofnendur að „Heimssamtökunum um bólusetningar og ónæmingu,“ (Global Alliance for Vaccines and Immunisation – Gavi, ásamt Alþjóðbankanum (World Bank), Barnaheillasamtökum SÞ (Unicef, Alþjóðaheilbrigðisstofnuninni (World Health Organization – WHO), lyfjaframleiðendum, rannsóknarstofnunum, ríkisstjórnum og einkaaðiljum.
Alþjóðaheilbrigðisstofnunin tók upp á því árið 2009 að breyta skilgreiningu á heimsfaraldri (pandemic). Ákvæðið um, að farsótt þurfi bæði að vera hættuleg og banvæn, sem sé drepsótt, var strokað út. Nú dugar sú skilgreining, að sóttin sé smitandi og fólk berskjaldað fyrir henni, þ.e. hafi ekki komið sér upp náttúrulegu ónæmi.
Með ofangreinda skilgreiningu að vopni lýsti þáverandi forstjóri WHO, kanadísk-kínverski læknirinn, Margaret Chan Fung Fu-chen (f. 1947), svínaflensuna frægu heimsfaraldur og mælti með fjöldabólusetningu. En það var gervibóla.
Nú færðust hjónakornin, Gates, öll í aukana, þrátt fyrir mislukkaðan svínaflensuheimfaraldur. Snemma á árinu 2010 lýstu þau því yfir, að komandi áratugur skyldi verða „áratugur bólusetninganna.“ Þetta gerðist á árlegum fundi Alheimsefnahagsstofnunarinnar (World Economic Forum) í Davos í Sviss. Þau seildust í rassvasann eftir tíu milljörðum dala til að koma þessari áætlun á koppinn. En drög að henni voru þarna lögð. Alþjóðaheilbrigðisstofnuninni var falin verkstjórnin.
Á sama ári (2010) birtu samherjar þeirra, Rockefellerstofnunin (Rockefeller Foundation) skýrslu, þar sem meðal annars var fjallað um framtíðarsviðsmyndina, „Sporgöngu eða gæsagang eða fjóturfót,“ (Lockstep), þ.e.: „Heim, sem einkennist af þéttingsföstu stjórnunargripi að ofan og valdsboðsgjarnari stjórnun, takmörkuðum nýjungum og aukinni andstöðu lýðsins.“
Önnur er kölluð „Samsnilli“ (Clever together). Þar er lýst samstilltri veröld þegna með lífauðkennabréf (biometric ID), þar sem árangursríkar lausnir spretta upp, svo leysa megi aðsteðjandi vanda og greiða úr alþjóðlegum flókum. Það liggur beint við að álykta, að svo fremi sem andstaða lýðsins hverfi, muni samstilling nást.
Tveim árum síðar eða árið 2012 var áætlunin lögð fyrir Allsherjarþing Sameinuðu þjóðanna. Þingið, þ.e. 194 þjóðir, greiddu atkvæði með svokallaðri „Heimsbólusetningaráætlun“ (The Gobal Vaccine Action Plan – GVAP). Eitt meginmarkmiðanna var skapa næstu kynslóð bóluefna og finna tæknilegar lausnir í því sambandi.
Fyrsti kaflinn í Heimsbólusetningaráætluninni var Evrópska bólusetningaráætlunin 2015-2020, sem var samþykkt á svæðisráðstefnu WHO í Kaupmannahöfn árið 2014. Þar var m.a. til umfjöllunar bólusetningarandstaða og hvernig mætti notast við rafeindatækni til að skrá óbólusetta og bólusetta, skrá staðsetningu þeirra og félagslegar aðstæður.
Árið 2017 stóð Alheimsefnahagsráðið fyrir stofnun „Bandalags um farsóttarundirbúningsnýjungar“ (Coalition for Epidemic Preparedness Innovations - CEPI), sem kynnt var í Davos á fundi í janúar. Eðli málsins samkvæmt skyldi efla alþjóðlegt, breitt samstarf stjórnmálamanna um sóttvarnir og bóluefni. Þarna tóku þátt m.a. Erna Solberg, fyrrverandi forsætisráðherra Noregs, og okkar gamli kunningi, Bill Gates. Hann kynnti á blaðamannafundi áætlanir um að framleiða erfðabóluefni (DNA og RNA), sem að loknu smávægilegu öryggiseftirliti mætti dreifa um heiminn.
Stofnendur CEPI eru Noregur, Þýskaland, Japan, mannþrifasjóður Bill og Melinda, Wellcome fjárvörslusjóðurinn og Alþjóðaefnahagsráðið.
Ári síðar eða árið 2018 var hleypt af stokkunum þriggja ára áætlun, „Sameiginlegu bólusetningarátaki“ (Joint Action on Vaccination), í því skyni að æfa og samhæfa upplýsingarherferðir eða áróður fyrir bólusetningum. Tuttugu Evrópuríki taka þátt í áætluninn. Fjármagnið kemur frá Evrópusambandinu (European Union). Eitt af mikilvægustu verkefnunum er talið að vinna bug á andstöðu við bólusetningar.
Á sama ári, 2018, skerst Bill Gates enn í leikinn og tekur frumkvæði að áætlun um sameiginleg, alþjóðleg rafeindaskilríki eða stafræn skilríki. Hún var kölluð ID2020 (Digital Identity Alliance). Samtökin eru kölluð mannþrifasamtök (nongovernmental organization), en það er þekkt fyrirkomulag auðjöfra og stjórnvalda um ýmis konar verkefni, sem kunna að vera varasöm lýðræðinu. Ávarp samtakanna er háleitt, „trúin á mannréttindagildi sjálfsauðkenningar (identity) og eignaréttar hvers og eins á henni.“ Flóttamannastofnun SÞ (United Nations High Commissioner for Refugees – UNHC) átti aðild að áætluninni.
Samtökin um stafræn skilríki nýta sér lífkennatækni (biometric) og tækni, sem viðskiptalífið, stjórnvöld og manngæskusamtök hafa á boðstólnum. Það vill svo til, að Microsoft er einn þátttakenda í þessu mannþrifastarfi, ásamt Rockefeller stofnuninni, GAVI, bólusetningarsamtökum evrópskra ríkja og fyrirtækja, Ideo-org, mannheillafyrirtæki, sem vill beita sér fyrir betra heimi, og Accenture, sem stefnir að hámarkssæld í heilbrigðisþjónustu. Tilraunin hófst í Bangaladesh.
Hér er raunar um að ræða áfanga í Áætlun SÞ 2030 um sjálfbæra þróun fyrir veröldina, þ.e. að binda enda á fátækt, vernda hnöttinn og bæta líf allra íbúa veraldar. Þó verður sérstaklega litið til þess að valdefla konur og stúlkur. Það er þó sérstakt verkefni kvenfrelsunardeildar SÞ, „UN Women.“
Á árinu (2018) átti aðalframkvæmdastjóri Alþjóðaheilbrigðisstofnunarinnar og forseti Alþjóðabankans (World Bank) frumkvæði að því að stofna „Alheimsundirbúnings- og vöktunarstjórn“ (The Global Preperedness Monitoring Board – GPMB) ásamt „stjórnmálaleiðtogum, forstöðumönnum stofnana og heimsþekktum sérfræðingum,“ sem hefur það verkefni að auðga stefnumörkun með víðtæku, óháðu áliti, þegar heimsfaraldur dynur yfir.
Leiðtogi þessara heimsins almannavarna var Gro Harlem Brundtland, fyrrverandi forsætisráðherra Noregs. Meðal stjórnarmanna er sjálfur veirualvaldur BNA, Anthony Fauci, og forstjóri fjárvörslusjóðsins, Wellcome Trust, Jeremy Farrar.
Ári síðar gaf nefnd stjórn út skýrsluna, „Heimur í hættu“ (World at Risk). Þar er m.a. skýrt frá löngum undirbúningi fyrir heimsfaraldur og ríkisstjórnum lagðar lífsreglurnar um aðgerðir og framvindu þeirra.
Síðar á sama ári, þ.e. 2018, gaf Evrópusambandsráðið (EU commission) út plagg, sem ber heitið „Elfd samvinna gegn bólusetningarhæfum sjúkdómum“ (Strengthened Cooperation Against Vaccine Preventable Diseases). Plaggið felur í raun í sér vegvísi að framkvæmd bólusetningar Evrópubúa., þ.e. framkvæmdaráætlun. Þar er m.a. fjallað um þá framtíðarsýn, „að það bresti á með óvæntum heimsfaraldri,“ sem kynni að réttlæta markaðsleyfi fyrir „nýjungabóluefni.“
Evrópskir framleiðendur voru hvattir til að taka stöðu við rásmarkið, því þeir hefðu lykilhlutverki að gegna. Mikilvægt er talið, að stafræn bólusetningarbréf verði innleidd. Lög, er að þessu lúta, skulu verða samþykkt 2022.
Fjárfestingarsjóðurinn, Svarti Klettur (Black Rock) tók nú við sér (2019). Sjóðurinn átti fund með seðlabankastjórum G7 ríkjanna um þá efnahagskreppu, sem í vændum væri, sbr. skýrslu sjóðsins „Viðbrögð við næstu kreppu. Frá óhefðbundinni peningastefnu til fordæmalausrar samhæfingar við stefnumörkun“ (Dealing with the next downturn: From unconventional monetary policy to unprecendented policy coordination). Samhæfingin felst helst í því að afmá mörkin milli fjármálastjórnar seðlabankanna og fjárlaga ríkisstjórnanna. Gert er ráð fyrir skýru verðbólgumarkmiði og fyrirkomulagi um neyðarskattlagningu.
Áætlun Svarta Kletts og G7 er kölluð „Handagangur í öskjunni,“ (Go direct), þ.e. að seilast í ríkissjóði eftir fjármagni. Til að bæta gráu ofan á svart fólu ríkisstjórnirnar Svarta Kletti að stjórna þessari áætlun.
Nú leið hratt að „veirusleppingunni“ eða „veiruflóttanum“ í Wuhan. Í september 2019 komu saman í Brussel, til skrafs og ráðagerða, Evrópusambandsráðið, Alþjóðaheilbrigðisstofnunin, talsmenn Pfizer, GAVI og manngæskustofnun Bill og Melinda. Fundurinn hét því mikilfenglega nafni, „Alheimsleiðtogafundur um bólusetningar“ (Global Vaccination Summit). Þar var m.a. rætt um heimsfarsóttina, sem í vændum væri, og náið samstarf við lyfjafyrirtækin.
Skömmu síðar eða í október 2019 hófst æfingin, „Atburður 201“ (Event 201), við John Hopkins háskólann í BNA. Æfð voru viðbrögð við kórónaveiru úr leðurblökum, sem smitast hafði í menn gegnum svín. (Þær skepnur hafa enn ekki gleymst í hagnýtum veirufræðum.) Bakhjarlar voru mannþrifastofnun Bill og Melinda og Alheimsefnahagsráðið. Málsmetandi fólki úr atvinnulífi, háskólum, heilbrigðisstéttum og fleirum, var boðið að æfa sig.
Boðskapur bakhjarlana er m.a. þessi: Það ber brýna nauðsyn til, að ríkisstjórnir eigi samstarf við hefðbundna fjölmiðla, jafnt sem félagsmiðla, til að fylgjast með og bregðast hratt við rangfærslum eða falsfréttum. Þetta krefst hæfileikans til að skapa flóðbylgju snöggsoðinna, nákvæmra og rökréttra upplýsinga. … Fjölmiðlafyrirtæki verða að skuldbinda sig til að tryggja, að viðurkenndum fréttum sé skipað í forgang, og að falsfréttir séu þaggaðar niður, m.a. við hjálp tækninnar.
Nú fór heldur betur að draga til tíðinda. Í desember á sama ári (2019) kom fyrsta tilkynning kínverskra stjórnvalda um veiruna vondu, sem er orðinn heimilisvinur á hverju íslensku heimili. (Hún var þó að öllum líkindum komin á kreik, að minnsta kosti tveim mánuðum fyrr.) Veiran var framleidd á snjáðri, franskri rannsóknarstofu í Wuhan, með aðstoð frá háskólanum í North-Virginia í BNA, sem ljáði henni erfðatækni til að efla sýkingarmátt veirunnar í lungum hýslanna, manna.
Rúmum þrem mánuðum síðar, þ.e. í mars 2020, kvað aðalframkvæmdastjóri WHO, Tedros Adhanom Ghebreyesus, heilbrigðisfræðingur frá Erítreu, upp þann dóm, að alheimsdrepsótt væri skollin á. (Tedros þessi hafði áður verið á launaskrá hjá Bill Gates.)
Mannvinirnir, Bill og Melinda Gates, létu sitt ekki eftir liggja í baráttunni og juku í aprílmánuði framlag sitt til WHO, úr 100 milljónum í 250 milljónir Bandaríkjadala.
Það var svo snemma sumars eða í júní 2020 að Evrópuráðið kynnti sameiginlega áætlun um þróun, framleiðslu og dreifingu bóluefnis gegn covid-19.
Mánuði síðar, í júlí 2020, fór svo Alþjóðaefnahagsráðið á kreik og ýtti úr vör „Sameiginlega [stafræna]vegabréfsverkefninu“ (Common Pass Project) á heimsvísu. Verkefnið er fjármagnað af Rockefeller stofnuninni, Google, J.P. Morgan, SÞ og fjárfestingarsjóðnum Svarta Kletti (Black Rock). Þessi sjóður hefur til umráða upphæðir, sem nema andvirði þjóðarframleiðslu Þýskalands.
Tedros lýsti því svo yfir, að hjarðónæmi næðist eingöngu með bólusetningum. Þá var rudd brautin fyrir neyðarmarkaðsleyfi covid-bóluefnanna.
Þrátt fyrir, að áætlanir og framvinda sé þekkt, hefur engu að síður vafist fyrir leiðtogum Vesturlanda að gera grein fyrir ákvörðunum sínum. Leyndarhyggjan er yfirþyrmandi. T.d. hafa dönsk yfirvöld neitað aðgangi að skjölum, sem hafa að geyma röksemdir dönsku stjórnarinnar fyrir lokun skóla og verslana þann 11. maí 2020. Mette forsætisráðherra laug meira að segja upp á embættismenn sína í þessu efni.
Erna var líka í vondum málum í Noregi. Hún skellti í lás degi síðar en Mette í Danmörku. Hún reyndi þó ekki að ljúga upp á embættismenn sína. Engu að síður heyrast raddir um landsdóm (riksrett), m.a. frá félagsfræðingnum og fyrrverandi ráðherra, Gudmund Hernes.
Katrín II mikla Jakobsdóttir svarar fyrirspurnum um málið á Alþingi út í hött. Hugsanlega tekst Umboðsmanni Alþingis að þvinga hana til skýrari svara. En Katrín er keik eins og allir vita, dáð af þjóðinni. Þegar systir hennar í kvenfrelsunartrúnni, Mette hin danska, umsvifalaust lokaði öllum skólum landsins af því bara, hélt Katrín þeim opnum, því ríkið ætti að mennta börn og sjá til þess, að konur yrðu ekki of heimakærar.
Útdæling á skattfé stendur nú yfir. Almannafé rennur í stríðum straumum til auðjöfra, lánastofnana, stórfyrirtækja og fjárfestingarsjóða. Efnahagur heimsins er í sárum. Nýtt upphaf er í sjónmáli.
https://topforeignstocks.com/2020/04/13/the-top-10-contributors-of-who/
https://www.gpmb.org/about-us
https://www.gpmb.org/annual-reports/annual-report-2019
https://www.gpmb.org/docs/librariesprovider17/default-document-library/annual-reports/gpmb-2019-execsum-annualreport-en.pdf?sfvrsn=660402fa_28
https://www.theguardian.com/business/2021/jan/25/covid-19-workers-lost-earnings-ilo-job-losses https://steigan.no/2021/09/i-2019-la-blackrock-fram-planen-for-den-kommende-krisa-en-finansiell-operasjon-uten-sidestykke/
https://www.blackrock.com/corporate/literature/whitepaper/bii-macro-perspectives-august-2019.pdf
https://www.blackrock.com/corporate/insights/blackrock-investment-institute/publications/global-macro-outlook/august-2019
https://www.un.org/sustainabledevelopment/development-agenda/
https://www.berlingske.dk/politik/sundhedsministeriet-moerklagde-afgoerende-detaljer-om-slettede-e-mail-der
https://www.gavi.org/
https://steigan.no/2021/12/kuppet-mot-verdens-befolkning-ble-forberedt-i-davos-i-2017-og-erna-solberg-var-med/
https://steigan.no/2022/01/hva-har-vaert-kommandolinjene-i-det-globale-koronakuppet/
https://www.morgenbladet.no/aktuelt/kommentar/2021/04/22/problemet-var-at-det-ikke-fantes-noen-stor-rod-knapp-hos-helsemyndighetene-skriver-charlotte-haug/
https://jyllands-posten.dk/politik/ECE12724106/rapport-fastslaar-myndighederne-anbefalede-ikke-nedlukningen-saadan-som-mette-frederiksen-paastod/
https://www.ft.dk/-/media/sites/ft/pdf/publikationer/haandtering-af-covid19-foraar-2020.ashx https://swprs.org/wp-content/uploads/2020/04/rockefeller-foundation-scenarios-2010.pdf#page=18
https://www.accenture.com/us-en
https://id2020.org/manifesto
https://id2020.org/alliance
https://newsvoice.se/2021/04/grona-passen/
https://www.youtube.com/embed/AoLw-Q8X174?feature=oembed
https://www.youtube.com/watch?v=HApdZBVtH0c
Angelique Coetzee er suður-afrískur læknir til þrjátíu og þriggja ára og formaður læknasamtakanna í heimahögunum. Það var hún, sem fyrst gerði viðvart við Ómikron tilbrigði veirunnar vinsælu, sem ræktuð var í Georgíu og Whuhan. En þá hafði afbrigðið þegar verið greint í Hollandi.
Það kom strax í ljós, að einkenni voru væg. Aðallega var um að ræða ungia karlmenn, sem smituðust, bæði óbólusettir og bólusettir. (Þeir, sem eina sprautu hafa fengið í Suður-Afríku, eru skilgreindir óbólusettir.)
Í heimalandi Angelique þótti þetta svo sem ekkert tiltökumál. Það er alkunna, að veirur stökkbreytist. En svo þótti ekki í Evrópu. Það bætti varla úr skák, að hún kallaði bægslaganginn „storm í vatnsglasi.“ Hún sætti óviðurkvæmilegum þrýstingi og tilburðum til útskúfunar fyrir bragðið.
Í Evrópu ætlaði sem sé allt af göflunum að ganga, m.a var flug til Suður-Afríku bannað. Reglur voru hertar um tilgangslausa grímunotkun, lengri sóttkvíar og jafnvel sektir. Því stjórnuðu stjórnmálamenn. En mörgum þeirra verður iðulega fótaskortur í skynseminni og vísindunum eins og allir vita.
En öðru máli ætti að gegna um vísindamenn og fagmenntaða embættismenn. En því var ekki að heilsa. Angelique segir: „Ég fékk blátt bann við því frá vísindamönnum og evrópskum stjórnmálamönnum að nefna einu orði, að viðbrögð við þessu nýja tilbrigði væru afar væg.“
M.a. hafði formælandi heilbrigðisyfirvalda í Hollandi, Jaap van Dissel, samband, og tjáði Angelique, að það væri eiginlega of snemmt að fullyrða um viðbrögð við veirunni. Þar að auki hefði hún ekki hugmynd um önnur afbrigði, sem kynnu að skjóta upp kollinum. Og þá mátti einu gilda, hvort hún hefði fylgt gildandi reglum frá Alþjóðaheilbrigðisstofnuninni eður ei.
https://steigan.no/2021/12/legen-som-fant-omicron-dere-overreagerer/
https://steigan.no/2022/02/legen-som-oppdaget-omikron-fikk-ordre-om-a-holde-kjeft-om-a-kalle-den-alvorlig/
https://nypost.com/2021/11/30/omicron-detected-in-europe-before-s-africa-reporting-officials/
https://www.europereloaded.com/doctor-who-discovered-omicron-i-was-ordered-to-label-this-variant-serious/
https://www.dailymail.co.uk/debate/article-10256373/Dr-ANGELIQUE-COETZEE-discovered-Omicron-says-reacting-threat.html
Þegar grúskað er í talnagögnum, er skýr samanburður nauðsynlegur. Þegar áhrif lyfja eru skoðuð, er affararsælast að miða við lyfjahreinan hóp annars vegar og lyfjatökuhóp hins vegar. Samsetning hópanna skal að sjálfsögðu grundvallast á trúverðugu úrtaki þess skara (þýði, population cohort), sem rannsaka á. Reynslan hefur eftirminnilega kennt okkur, að engin rannsókn, hversu vönduð sem hún er, afhjúpi allan sannleika um áhrif lyfs eða bóluefnis.
Víðast hvar halda heilbrigðisyfirvöld ákveðnar skrár yfir aukaverkanir lyfja. Talið er, að einungis tíundi hluti aukaverkana sé skráður í hinum opinberu skrám. Stundum hafa ný lyf valdið afmyndun, margvíslegum heilsuvanda og dauða. Því er nauðsynlegt að rýna í þessar skrár.
Það hafa rannsóknarblaðamenn Exposé gert. Þeir leita fanga í gagnagrunni alríkisstjórnar Bandaríkja Norður-Ameríku, sem heitir „Tilkynningaskrá um meinviðbrögð við bólusetningum“ (Vaccine Adverse Event Reporting System - VAERS). Þeir fara þá leið að bera saman meinviðbrögð við flensubólusetningum og gegn covid-19 á grundvelli gefinna bóluskammta. Þeir skoða aftur til 2008, hvað flensubólusetningu varðar. Skoðað tímabil covid-19 bólusetninga er frá upphafi þeirra til loka janúar á þessu ári.
Meginniðurstaðan er sú, að „covid-19 sprauturnar séu 49sinnum banvænni en flensusprauturnar.“ Höfundar slá ákveðinn varnagla við samanburðinn, þar sem flensubóluefni hafi að miklu leyti verið gefin viðkvæmum hópum, frábrugðið því, sem almennt á við um covid-19 bóluefnin. Því gæti flensubóluefnið virst hættulegra heldur en það er í raun og veru. Prýðilegt yfirlit fæst við að skoða töflurnar í greininni.
Yfirlitið um varanlega fötlun, afskræmingu nýbura og dauða, vakti upp minningar um hið skelfilega lyf, Thalidomide, sem ég heyrði um í æsku minni. Það setti bókstaflega að mér hroll. Lyfið fékk markaðsleyfi (þó ekki í BNA), þegar ég var fimm ára. Þegar það var tekið af markaði í byrjun sjötta áratugar síðustu aldar, hafði það valdið ólýsanlegum hörmungum. Langtímaáhrif þeirra á fóstur komu seint í ljós.
Fullyrt var, að lyfið væri hættulaust þunguðum konum og brjóstmylkingum. Svo var Distaval (thalidomide) auglýst: „Það er fullkomlega öruggt að gefa Distaval þunguðum konum og mæðrum með börn á brjósti. Meináhrif á móður og barn eru engin.“ (Þetta eru reyndar þau skilaboð, sem íslensk heilbrigðisyfirvöld senda verðandi mæðrum og feðrum nú um erfðabóluefni (mRNA) Phizer. Rannsóknin, sem vísað er til þessu til staðfestingar, er ekki síður meingölluð og hinar Pfizer rannsóknirnar. Meira um það síðar.) Talið er, að um tíu þúsund kornabörn hafi orðið fyrir meináhrifum. Um helmingur þeirra lést skömmu, eftir fæðingu.
Niðurlag höfunda er svohljóðandi: Í samanburði við bóluefni við inflúensu og á grundvelli gefinna skammta, eru covid-19 sprauturnar að minnsta kosti;
17sinnum líklegri til að valda meinviðbrögðum;
65sinnum líklegri til að skapa þörf fyrir bráðalækningu;
23sinnum líklegri til að skapa þörf fyrir sjúkrahúsinnlögn;
57.5sinnum líklegri til að valda fæðingargöllum;
19sinnum líklegri til að valda varanlegri fötlun; 18sinnum líklegri til að setja fólk lífshættu;
49sinnum líklegri til að valda dauða.
Hvernig má það vera, að þrátt fyrir þessar tölur og sambærilegar, sé knúið á um bólusetningu kornabarna, þ.e. sex mánaða til fjögurra ára, sbr. krækta frétt frá Matvæla- og lyfjastofnun Bandaríkja Norður-Ameríku (Food and Drug Administration)? Spyr sá, sem ekki veit.
https://pubmed.ncbi.nlm.nih.gov/21507989/
https://www.sciencemuseum.org.uk/objects-and-stories/medicine/thalidomide#:~:text=Thalidomide%20is%20a%20drug%20that,morning%20sickness%20in%20pregnant%20women.
https://wonder.cdc.gov/vaers.html
https://www.fda.gov/news-events/press-announcements/coronavirus-covid-19-update-fda-advisory-committee-meeting-discuss-request-authorization-pfizer
https://dailyexpose.uk/2022/02/10/us-gov-data-covid-jabs-49x-deadlier-than-flu-jabs/
Franski Nóbelsverðlaunahafinn og veirufræðingurinn, Luc Montaigne (f. 1932), lést þann áttunda þessa mánaðar. Það er einungis liðinn tæpur mánuður síðan, að hann bar vitni við þingréttarhald í Luxemborg (þann 12. Janúar). Luc var verðlaunaður 2008 fyrir uppgötvanir í sambandi við alnæmisveiruna (HIV), sem svo er kölluð.
Hann segir m.a. á þessa leið um covid-19 bóluefnin: Þessi bóluefni eru eitruð. Þau eru ekki raunveruleg bóluefni. Hið innsprautaða mRNA (erfðabóluefnið) afritast stjórnlaust í öllum líkamanum. Það er með engu móti unnt að segja fyrir um, hvar afritunin á sér stað. Því er þetta hræðileg óvissa.
Nýlega höfum við komist að því, að upplýsingar voru birtar fyrir ári síðan, þess efnis, að einn þáttur í mRNA (bóluefninu) væri hvítu- eða prótínsýkill (prion). Þetta getur haft í för með sér ófyrirséðar erfðabreytingar á hvítu (prótíni).
Í læknisstörfum mínum fylgdi ég eftir 21 sjúklingi, sem fengu tvo skammta af Pfizer bóluefninu, og einum, sem fékk Moderna bóluefnið. Pfizersjúklingarnir létust allir af Creutzfeldt-Jakobssjúkdómi. (Taugahrörnunarsjúkdómur í miðtaugakerfi, heila.) Sjúkdómsvaldurinn var hvítusýkill (prion).
Luc heldur því fram, að bólusetningar stöðvi ekki covid-19 veiruna heldur efli hana að allri dáð, stuðli að tilbrigðum sem séu smithæfari og öflugri. Hin nýju tilbrigði munu hrista af sér bóluefnin og valda viðtækari heilsufarsusla.
Bólusetningin skapar sem sé ný tilbrigði veirunnar. Þetta er útskýrt sem „mótefnisveiruhvati“ (antibody dependent enhancement – ADE), þ.e. stundum bregður svo við, að mótefni gegn tiltekinni veiru magna sjálfa veirusýkinguna, auðvelda aðgengi veirunnar í frumuna eða afrita hana. Þannig elnar sjúkdómurinn í stað þess, að hann réni.
Bólusetningarherferðina kallar Luc „óásættanleg mistök, vísindaleg sem og lækningaleg.“
Í grein, sem birtist fyrir réttu ári síðan, komst bandaríski veirufræðingurinn, John Barthelow Classen), að svipaðri niðurstöðu. Hann bendir á: Við greiningu á Pfizer bóluefninu gegn covid-19 fundust tveir áhættuorsakaþættir með tilliti til hvítusýkingar (prion) í mönnum. Hvíturunan í RNA bóluefninu felur í sér raðir, sem líklega valda ummyndun innanfrumu tengihvítu (TDP-43) og kjarnlægrar (nuclear) bindihvítu (Fused in Sarcoma – FUS), sem samlagast tilbrigði eða gerð (conformation) hvítusýkilsins.
Belgíski veirufræðingurinn, Gert Vanden Bossche, hefur tekið í svipaðan streng: „Hjarðbundnar smitvarnir og hjarðbólusetning með lekum covid-19 bóluefnum [þ.e. bóluefni, sem sleppur út í blóðrásina og smitar hin ýmsu líffæri] í miðri farsótt verður einungis til þess að rækta afar smitandi tilbrigði [veirunnar].“
Eftir flestum sólarmerkjum að dæma, virðast ofangreindir enn þá sannspáir – því miður. Það þarf varla að taka fram, að flugumenn lyfjaiðnaðarins (fact checkers) segja alla ofangreinda sérfræðinga óvita.
https://pubmed.ncbi.nlm.nih.gov/12725690/
https://steigan.no/2021/08/fransk-nobelpris-vinner-advarer-vaksinene-stimulerer-til-farligere-varianter-ber-folk-om-a-ikke-ta-vaksinen/
https://steigan.no/2022/02/nobelprisvinner-montagniers-siste-budskap-vaksinene-trigger-hiv-og-creutzfeldt-jakobs-sykdom/
https://scivisionpub.com/pdfs/covid19-rna-based-vaccines-and-the-risk-of-prion-disease-1503.pdf
https://thenewamerican.com/french-nobel-prize-winner-warns-vaccines-facilitate-development-of-deadlier-covid-variants-urges-the-public-to-reject-jabs/
https://rairfoundation.com/bombshell-nobel-prize-winner-reveals-covid-vaccine-is-creating-variants/
https://odysee.com/@Kairospresse:0/Parlement_Luxembourgeois_Montagnier:d?r=5AoNrwnMxzjfijT6DrE72cBuAbqiyQoF
Það hefur væntanlega ekki farið fram hjá nokkrum manni, að vörubílstjórar í Kanada hafi gert uppreisn gegn smitvarnaofbeldi kanadísku ríkisstjórnanna, bæði alríkisstjórnarinnar og fylkisstjórnanna. Forsætisráðherra eins þeirra, Saskatchewan, hefur nú ákveðið af aflétta öllum hömlum.
En alríkisforsætisráðherrann, stjörnunemandinn (ásamt Katrínu Jakobsdóttur) úr skóla Alþjóðaefnahagsráðsins (World Economic Forum), Justin Pierre James Trudeau (f. 1971) situr enn við sinn keip. Keipurinn er svohljóðandi (16. sept 2021):
Kanadamenn, „andmælendur [covid ] bólusetninga, [eru] öfgamenn, sem trúa ekki á vísindin, sem oft og tíðum eru kvenhatarar, oft kynþáttahatarar. … Eigum við umbera svona fólk.“
Það er ekki nema von, að Justin sé illa við vörubílstjórana sína, og vilji leggja í stríð við þá og veiruna eins og veiruvinurinn sunnan landamæranna, Jósef Biden. En vísindi reynast mörgum fjötur um fót, líka Justin. Veiruvísindin, sem hann lepur úr skel Alþjóðaheilbrigðisstofnunarinnar (WHO) og lyfjafyrirtækjanna, er harla misjafn mjöður.
T.d. hefur hann líklega ekki lesið markaðsleyfisskýrslu Pfizer. Því þar stóð ekkert um, að bólusetning kæmi í veg fyrir smit. En Justin eins og Katrín og Þórólfur og Alma og Víðir, trúir því fullum fetum. Og óneitanlega flytur trú stundum fjöll.
Reyndar virðast talnaspekingar Justin hafa reynt að villa um fyrir okkur með tölum, svo forsætisráðherrann missi ekki niður um sig vísindabuxurnar. En rannsóknarblaðamennirnir bresku hjá „Exposé“ þekkja klækina og skoðuðu opinberar skýrslur í krók og kring.
Þeir segja m.a.: Skoðun á gögnum kanadísku ríkisstjórnarinnar hefur leitt í ljós, að níu af hverjum tíu covid-19 sýktum einstaklingum séu fullbólusettir og að í yfirstandandi bylgju séu sjö af hverjum tíu sjúklingum á sjúkrahúsi fullbólusettir og sama hlutfall eigi við um andlát víðs vegar um Kanada.
Þetta gerist þrátt fyrir það, að einungis sex af hverjum tíu íbúum Kanada séu fullbólusettir. Þetta gæti bent til þess, að covid-19 sprauturnar séu ekki bara gagnslausar heldur geri illt verra.
Justin vill vera láta, að kanadískur almúgi eigi við „faraldur hinna óbólusettu“ að etja. Á Íslandi lætur RÚV einnig að því liggja í daglegri þulu sinni um veiruheilsu þjóðarinnar og endurómar opinbera skelfingarstefnu ríkisstjórnar og sóttvarnaryfirvalda. Katrín og Justin kynnu að hafa lært á sömu bók.
Höfundar segja: „En yfirbragð þessara gagna er sviksamlegt og leiðir fólk á villigötur með afdrifaríkum hætti. Þegar dýpra er skyggnst kemur raunverulega í ljós, að Kanadamenn eigi við að stríða farsótt hinna bólusettu, sem versnar með viku hverri.“
Margir kannast við hlutfallsbrelluna í talnafræðunum, t.d. þegar aukning verður úr einum í tvo. Það er vitaskuld 100% aukning eða tvöföldun, en segir kléna sögu í sjálfu sér. (Brella m.a. notuð í markaðsleyfisskýrslu Pfizer.)
Kanadísk yfirvöld beitta öðru kunnuglegu blekkingarbragði, velja ónothæfan samanburðargrundvöll. Í umgetininni skýrslu hefst talnarunan um miðjan desember 2020. Eins og kunnugt er kom veiran okkur þá í opna skjöldu og gerði strax í janúar á næsta ári usla meðal hinna veikburða (eins og einnig er títt um vondar flensur). Á þessum tíma var einungis 0.3% Kanadamanna bólusettir. Því gefur auga leið, að slíkur samanburður á örlögum bólusettra og óbólusettra er út í hött.
Flestum, sem hafa hlýtt á bólusetningaróð stjórnvalda, kemur líklega á óvart, að full bólusetning virki ekki eða tiltölulega skamma hríð – jafnvel bara að hluta – og fullbólusett fólk smiti. Það er á þessum grundvelli nánast yfirskilvitlegt, að fólki versni, að fólk verði sjúkt eða jafnvel láti lífið við bólusetningu eins og dæmum fjölgar stöðugt um.
En rannsóknir standa yfir og sumar gætu gefið vísbendingar eins og sú, sem krækt er neðanmáls. Lykiluppgötvanir eru:
1)Bólusetning við covid-19 stuðlar að (confer) víðtækari tengingu ónæmisefna (ónæmisglóbúlín – IgG) við tilbrigði móttakahneppa (receptor-binding domain) heldur en verður við SARS-CoV-2 sýkingu. (Önnur þekkt cóvid öndunarfærasýking, Severe acute respiratory syndrome.)
2)Hæning eða mörkun (imprinting) við upphaflega berskjöldun ónæmisvakans (antigen) breytir (mótefnis)svari (IgG) við veirutilbrigðum.
3)Vefjarannsóknir á bóluefniseitlahnútum (mRNA-hnútum) leiðir í ljós fjölda virkjaðra eitilbúa. (Germinal centers – framleiðsla og þroskun svokallaðra B-fruma, einnar tegundar hvítra blóðkorna, sem er mikilvæg við mótefnaframleiðslu).
4) Broddónæmisvakinn og bóluefnið (mRNA) er þrálátt vikum saman í hinum virkjuðu eitilbúum eitlahnútanna. [Jafnvel allt að sextíu dögum, eftir aðra sprautu.]
Niðurstaðan er þessi: „Andstætt við sundruð eitlabú í eitlahnútum, þegar sýking ríður yfir, örvar mRNA bólusetningin í nokkrum tilvikum öflug eitlabú, sem innihalda mRNA [erfðaefni] úr bóluefninu og broddónæmisvaka, allt að átta vikum, eftir bólusetningu. …
„Frábrugðið því, sem gerist við [náttúrulega] sýkingu, sem hefur í för með sér öflugt, en skammlíft ónæmissvar (IgA og IgM), leiðir bólusetning til áberandi skekkju (bias) við myndum mótefna (IgG), þegar snemma í ferlinu… Að minnsta kosti einhver hluti broddmótefnisvakanna (spike antigen) í kjölfar bólusetningar með BNT162b2 [t.d. covid-19 bóluefni Pfizer] dreifist með blóðrásinni.“ Það veldur skemmdum m.a. á innþekju æðanna (vascular endothelium).
Þetta endurspeglar niðurstöður japanskra rannsókna á rottum – gögn birt samkvæmt upplýsingalögum – þess efnis, að (flutnings)örfitungarnir (lipid nano particles) og innihald bóluefnisins safnist upp í eggjastokkum, eistum, milta, við nýru og svo framvegis. (Þetta segja staðreyndasporhundarnir að sé orðum aukið.)
Ofangreindar niðurstöður gætu bent til þess, að líkamanum væri um megn að losa sig bæði við örfitungana (lipid nanoparticle), sem bera sýkingarefnið (broddfituna – spike protein) inn í frumurnar, og örfitungana sjálfa. En því var einmitt haldið á lofti af formælendum erfðabólusetningarinnar (mRNA-bólusetningar með efnum Moderna og Pfizer).
Því er hugsanlegt, að í einhverjum tilvika sé um að ræða framleiðslu sýkingarbroddhvítu (spike protein) umfram það eina skipti, sem eðli málsins samkvæmt ætti að duga til myndunar ónæmis. Þannig gæti ónæmiskerfinu verið ofgert. Vonandi eru rannsóknir í deiglunni, sem varpa frekara ljósi á málið.
https://www.cell.com/cell/fulltext/S0092-8674(22)00076-9?rss=yes#relatedArticles
https://health-infobase.canada.ca/src/data/covidLive/Epidemiological-summary-of-COVID-19-cases-in-Canada-Canada.ca.pdf
https://dailyexpose.uk/2022/02/06/canadas-pandemic-of-the-fully-vaccinated/?subscribe=success#subscribe-blog-1
Alþýðuréttarhöld (fordæmisréttarhöld – common law, natural law) við yfirheyrslur í kviðdómi (grand jury) eru nú hafin á alheimsgrundvelli. (Grand Jury Proceeding by the Peoples‘ Court of Public Opinion.) Rannsóknin beinist að meintum glæpum gegn mannkyni, þar sem sökudólgar eru m.a. lyfjafyrirtæki, veirusérfræðingar og stjórnvöld.
Alþýðuréttur grundvallast á þeirri sannfæringu, að hver og einn sé jafngildur þegn samfélagsins og að sjálfsvald hans megi ekki skerða, nema almenningsheill liggi við, svo metið af jafningjum eða ríkisvaldi. Alþýðuréttur starfar handan hins opinbera réttarkerfis ríkisvaldsins, en réttarhöldin miða að því að safna vitnisburði, sem gæti dugað til saksóknar í hinu opinbera réttarkerfi.
Dómstóll alþýðunnar rekur ættir til uppreisnar almennings og aðals í Englandi gegn konungi vegna allra handa ofbeldis og ofríkis af hans hálfu. (Lögbókin, „Magna Carta Libertatum,“ birt 1215.)
Nefnd grundvallarhugsun um mannhelgi og mannréttindi endurómar t.d. í sjálfstæðisbaráttu Bandaríkjamanna, frönsku byltingunni, Nürnberg- yfirlýsingunni (gegn tilraunaofbeldi), mannréttindasáttmála Sameinuðu þjóðanna, yfirlýsingu Mennta-, vísinda og menningarmálastofnunar SÞ (United Nations Eductional, Scientific and Cultural Organization – UNESCO) um lífsiðferði og mannréttindi (2005).
Það eru fjórir meginliðir í umfjöllun kviðdómsins (hér endursagt í grófum dráttum á grundvelli framsögu þýska lögfræðingsins, Reiner Füllmich):
1)Það er í raun engin kórónaveirufarsótt, heldur ásetningur um að baka tjón m.a. við beitingu PCR prófa til að hrella þjóðir heims og halda þeim í heljargreipum óttans. Áætlunin á langa forsögu. Hún dregur dám af svínaflensunni fyrir u.þ.b. tólf árum síðan, sköpuð af hatursfullu, geðveikluðu fólki, sem rekið var áfram af hvötinni til að ríkja yfir veröldinni. Þetta fólk nýtur stuðnings stjórnvalda og fjölmiðla, sem margir hverjir eru í þeirra eigu.
2)Veirusýkinguna má lækna með ýmsum hætti. En meðferð var bönnuð af yfirvöldum til að stuðla að bólusetningu með hættulegu bóluefni.
3)Það eru sömu aðiljar, sem með sviksömum hætti og endurskilgreiningu á farsótt, settu svínaflensuna á svið, sem einnig sköpuðu Covid-19 fárið. Þá eins og nú snerist málið um auð. Stjórnvöld hafa gengið í eina sæng með auðjöfrunum í Alheimsefnahagsráðinu (World Economic Forum) og ganga erinda þeirra. Þau er því ekki okkar stjórnvöld lengur. Bill Gates og Angela Merkel voru útskrifið úr skóla þess árið 1992. Síðar komu m.a. Sebastian Kurz, Justin Trudeau, Jacinda Ardern, Francois Macron. [Katrín okkar Jakobsdóttir er einnig skólagengin hjá Alþjóðaefnahagsstofnuninni og virkur þátttakandi.]
4)Takmark umræddra er að ná völdum í veröldinni með því að rústa minni og meðalstórum fyrirtækjum, takmarka fólksfjölgun og ráðskast með erfðavísa mannkyns. Lýðræðið er þeim fjötur um fót eins og stjórnarskrá og löggjöf. Í því skyni að eyðileggja hvort tveggja, skapa þeir ringulreið og skelfingu. Alheimsstjórn er undirbúin undir merkjum Sameinuðu þjóðanna, sem nú þegar er undir stjórn þeirra og Alheimsefnahagsráðsins. Þannig verða þurrkuð út séreinkenni þjóða og menning. Fólk verður skyldað til að bera stafrænt vegabréf, þar sem allt er skráð. Það auðveldar taumhald á fólki. Þar að auki er í bígerð rafmynt fyrir alla veröldina, sem útgefin verður í einum Alþjóðabanka.
Skipulagning kórónuveirufaraldursins hófst í síðasta lagi vorið 2001, „áætlun myrkur vetur“ (operation dark winter). Síðar komu æfingar eins og „sporgöngu og fótfjötra“ -æfing Rockefeller stofnunarinnar (Lockstep exercise) árið 2010 og að endingu „Atburður 201“ (Event 201) í október 2019 í Nýju Jórvík (NY).
Bakhjarlar þeirrar síðastnefndu voru Miðstöð heilsufarsöryggis við John Hopkins háskólann, Rockefeller stofnunin, Alheimsefnahagsráðið og Stofnun Bill og Melinda Gates. [Þær tvær síðarnefndu hafa einnig veitt ógnarlegum fjármunum í kvenfrelsunarbaráttuna. Markmið kvenfrelsaranna er líka að tæta sundur fjölskylduna, siði og menningu þjóða.]
Spjótin beinast einkum að eftirtöldum:
Christian Drosten (f. 1972), veirufræðingi frá Þýsklandi („föður“ PCR „prófsins“).
Anthony Fauci (f. 1940), forstjóra Ofnæmis- og smitsjúkdómastofnunar BNA (National Institute of Allergy and Infectious diseases).
Tedros Adhanom Ghebreyesus (f. 1965), ættaður frá Eritreu, MA í ónæmisfræði og doktor í lýðheilbrigði (community health).
Bill Gates (f. 1955), bandarískum auðjöfri, sem hefur ítök víða um heim.
Black Rock, alþjóðlegum fjárfestingasjóði, sem teygir anga sína um alþjóðasamfélagið.
Pfizer, alþjóðlegt lyfjafyrirtæki. [Fyrirtækið hefur í áratugi verið alræmt fyrir svik og pretti. Íslensku Pfizer fóstbræðurnir, Þórólfur og Kári, höfðu að fyrra bragði samband við fyrirtækið til að bjóða því til tilraunasamvinnu á Íslendingum með bóluefni þess.]
Almenningur víða um heim gerir á líðandi stundu uppreisn gegn veirufári stjórnvalda. Mótmæli almennings í Þýskalandi (mánudagsgöngutúrarnir) og vörubifreiðarstjóra í Kanada eru mest áberandi, en málshöfðanir í hinu opinbera réttarkerfi eiga sér einnig stað. T.d. fara nú indverskir foreldrar fram á skaðabætur fyrir börn sín, sem fallið í valinn vegna bólusetningar. Þeir fara jafnframt fram á rannsókn á spillingu í stjórnkerfinu.
Þekkt er málshöfðun á Íslandi, þar sem látið var reyna á gildi PCR prófs og lagaheimild fyrir þeirri ráðstöfun að þvinga sakarábera í sóttvarnareinangrun. Það mál tapaðist. Þórólfur varðist með tilvísun til „ábyrgra“ stofnana í útlöndum, m.a. til stofnunar Anthony Fauci.
Nýlega var Pfizer dæmt til að opinbera öll grundvallargögn í sambandi við framleiðslu á og tilraunir með bóluefni sitt. Fyrirtækið færist undan með þeirri röksemd, að gögnin séu svo viðamikil og starfslið svo fámennt, að það muni taka áratugi að ljósrita þau.
https://www.tiktok.com/@cavemoux/video/7061591429088414982?lang=en
https://steigan.no/2022/02/storjuryen-for-a-avdekke-covid-forbrytelsene-mot-menneskeheten/
https://www.grand-jury.net/
https://www.youtube.com/watch?v=ELTFNkCdzjA
Bandaríski þingmaðurinn, Ron Johnson, er einn þeirra, sem leita þekkingar og svara við ýmsum áleitnum spurningum um veiruvána og bólusetningar. En það er við ramman reip að draga. Leyndarhyggjan er yfirþyrmandi, sama hvert litið er. Stjórnvöld, kosin af almenningi, kinoka sér við – eins og þau íslensku – að starfa fyrir opnum tjöldum. Svo það er von, að fólk spyrji, hvað búi að tjaldabaki. Þrátt fyrir leyndarhyggjuna hafa nokkrir ljóstrað upp samvisku sinnar vegna, ekki síst um aukaverkanir af lyfjunum, sem stjórnvöld jafnvel sprauta í fólk undir þvingunum.
Í réttarhaldi Alríkisþings BNA fyrir skömmu síðan, ljóstraði lögfræðingurinn, Thomas Renz, því upp, að aukaverkanir bólusetningar á bandaríska hermenn hefðu farið hljótt. Venjulega er það þannig, að aukaverkanir megi tilkynna til opinberra fylgikvillaskráa, en almennt er talið að einungis eitt til tíu prósent aukaverkana rati þangað. Hins vegar er aðra sögu að segja, þegar markviss leit er gerð að fylgikvillum.
Thomas upplýsti um eftirfarandi bráðbirgðatölur samkvæmt herlæknunum Samuel Sigoloff, Peter Chambers og Theresa Long. Hér er stiklað á stóru. Samanburðargrundvöllur er meðaltal fimm síðustu ára, áður en pestin skall á:
Tilvikum háþrýstings hefur fjölgað um 2.181%.
Miðtaugarkerfissjúkdómar hafa aukist um 1.048%.
Illkynja æxlum í vélinda hefur fjölgað um 894%.
Heila- og mænusiggssjúkdómnum (multiple sclerosis) hefur fjölgað 680%.
Guillain-Barré heilkenni (ónæmiskerfið ræðst á eigið úttaugkerfi) hefur fjölgað um 551%.
Brjóstakrabbamein hefur aukist um 487%.
Tilvikum um eyðingu taugaslíðurs (demyelination) hefur fjölgað um 487%.
Illkynja æxlum í skjaldkirtli og öðrum innkirtlum hefur fjölgað 474%.
Tilvikum um ófrjósemi kvenna hefur fjölgað um 471%.
Tilvikum um starfsemistruflanir í eggjastokkum hefur fjölgað um 437%.
Fósturlátum hefur fjölgað um 300%.
Afmynduðum nýburum hefur fjölgað um 150%.
Krabbi í eistum hefur aukist um 300%.
Tilvikum um hjartsláttaróreglu hefur fjölgað um 302%.
Thomas benti enn fremur á, að fjarlægð hefðu verið gögn úr gagnabanka hersins um hjartaáföll (myocarditis). Hann bendir einnig á staðreyndir úr þríelfdu gagnsafni, „Áætlun Salus“ (Project Salus); þ.e. gagnasafni á vegum Varnarmálaráðuneytisins (Defense Medical Epidemiology Database DMED), samþættum gagnagrunni Varnarmálaráðuneytisins (military-civilian integrated health database) og gagnagrunni Miðstöðvar sjúkdómsstjórnunar og heilsuverndar (Centers for Disease Control og Prevention - CDC).
Þar kemur m.a. fram, að „71% nýrra sjúklinga er að fullu bólusettur og 60% sjúklinga, innlagðra á sjúkrahús, eru að fullu bólusett. Þetta er spilling á efsta stigi. Rannsókna er þörf. Rannsaka verður varnarmálaráðherrann. Rannsaka þar CDC.“ Hann heldur áfram:
„Gerðar eru tilraunir á hermönnum okkar, þeir bíða heilsutjón og eru stundum jafnvel drepnir,“ segir Thomas. [Bandarískir hermenn voru einnig tilraunadýr, þegar búa átti til svínaflensufaraldur á sínum tíma.]
Jósef Biden hefur skyldað herfólkið til bólusetningar með bóluefni Pfizer og bóluefni góðkunningja síns, Anthony Fauci, hluthafa í Moderna, og farsóttarleiðtoga Bandaríkja Norður-Ameríku (þeirra Þórólfur).
En nokkrir þráast við og hafa stefnt ríkisvaldinu.
https://openvaers.com/images/r18hs017045-lazarus-final-report-20116.pdf
https://vaccineimpact.com/2022/genocide-military-medical-whistleblowers-reveal-miscarriages-birth-defects-and-infertility-rates-exploded-in-2021-following-covid-vaccines/
https://childrenshealthdefense.org/defender/covid-vaccines-miscarriages-cancer-neurological-disorders-military/
https://childrenshealthdefense.org/defender/covid-policies-serve-big-pharma-not-people/
https://childrenshealthdefense.org/defender/ron-johnson-dod-respond-covid-vaccine-injuries/
https://palexander.substack.com/p/senate-discussion-with-senator-johnson?token=eyJ1c2VyX2lkIjo0Njk0NzAxNCwicG9zdF9pZCI6NDgyOTc1MzUsIl8iOiJvVEw4TCIsImlhdCI6MTY0NDMzOTY2MiwiZXhwIjoxNjQ0MzQzMjYyLCJpc3MiOiJwdWItNTc5MzU2Iiwic3ViIjoicG9zdC1yZWFjdGlvbiJ9.LEwKIAWIRdW-4a7z13WaSqjeZD7WPBBhF_BxNCMfZK4
https://www.bitchute.com/video/8i91cq2LTdfP/
https://www.youtube.com/watch?app=desktop&v=9jMONZMuS2U
https://rumble.com/vt7f7z-attorney-thomas-renz-statement-on-dod-whistleblowers-findings.html
Eins og sumum lesenda mun kunnugt eru lyfjafyrirtækin skylduð til að sýna fram á gildi og öryggi bóluefna, sem þau hyggjast setja á markað. Krafist er rannsóknar, sem þau inna sjálf af hendi. Hún er síðan metin af þar til bærum iðiljum í stjórnkerfinu eins og Lyfjastofnun. Stjórnvöld gera almennt ekki sjálfstæðar rannsóknir.
Öll bóluefni á markaði gegn covid-19 voru markaðssett samkvæmt neyðarleyfi. Yfirvöld töldu í orði kveðnu, að um væri að ræða mannskæðan heimsfaraldur og notuðu undanþáguákvæði í sóttvarnarlögum til að beita umtalsverðum skerðingum á frelsi fólks til athafna og atvinnu. Breyttu lögum jafnvel.
Svo virðist sem stjórnvöld hafi gert sér að góðu greiningar lyfjayfirvalda á rannsóknum fyrirtækjanna. En það fjölgar þeim einstaklingum, samtökum og fyrirtækjum, sem rýna þessar rannsóknir sjálfstætt. Það er pottur brotinn eins og svo oft áður, þegar um er að ræða sambærilegar rannsóknir fyrirtækjanna. Það á bæði við um „vísindin“ og spillinguna í stjórnkerfinu.
Fyrir skömmu síðan hélt Deanna Mcleod áhugaverðan fyrirlestur um tilraunir Pfizer á þingi alþjóðlegra samtaka heilbrigðisstarfsmanna (World Council for Health). Fyrirlesturinn bar titilinn: „Meira tjón en gagn: Sannreyndargreining á sex mánaða tilraun Pfizer“ (More Harm Than Good. Evidence-based Analysis of the Pfizer 6 Months Trial). (Höfundar eru 32 að tölu og 84% þeirra hafa hagsmuna að gæta. Hlutabréf í fyrirtæki tveggja þeirra hækkuðu um 600 milljónir dala, þegar leyfið var fengið.)
Deanna er kanadísk að ætterni, starfar hjá sjálfstæðu greiningarfyrirtæki á sviði heilbrigðisrannsókna, Kaleidoscope Strategies. Í þessari umfjöllun fylgi ég að mestu hinum prýðilega fyrirlestri hennar.
Rannsóknir á gagnsemi lyfja eru tiltölulegar einfaldar í sniðum, þar sem unnið er með einn áhrifaþátt eða breytu (variable), þ.e. lyfið, sem gefið er. Rannsóknir eru þrepaskiptar, þannig, að rannsóknir á fyrsta þrepi eru gildastar. Þess háttar rannsóknir eru sagðar unnar samkvæmt „hinum gullna staðli.“ Þrepin eru þessi:
Þrep 1: Yfirlitsrannsóknir á einsleitum tilraunahópi annars vegar og samanburðarhópi hins vegar. Þátttökuhóparnir eru valdir samkvæmt tilviljunarúrtaki (randomized sample) úr þeim heildarhópi, sem rannsóknin tekur til (cohort, population – þýði). Annar hópanna fær lyf og hinn lyfleysu (óvirkt efni). Þátttakendur fá ekki að vita í hvorn „dilkana“ þeir eru dregnir. Rannsóknirnar eru tvíblindar (double-blind), þ.e.a.s. hvorki þátttakandi, né rannsakandi mega fá hugboð um hópaðild eða tegund lyfjagjafar.
Þrep 2: Yfirlitsrannsóknir á misleitum rannsóknagögnum með áherslu á samanburð og framskyggni (prospective), þ.e. greining þeirra áhrifa og aðstæðna, sem í ljós koma í framvindunni. T.d. er fylgt tilteknum hópi manna um nokkurt skeið, rannsóknarhópi eða ferilhópi (chort, population, þýði). Margar merkar rannsóknir hafa verið gerðar með þessari aðferð.
Þrep 3: Yfirlit sannreyndra (evidence based) tilviks-samanburðarrannsókna. Bornir eru skipulega saman sjúkdómshópur og samanburðarhópur með tilliti til atvikasögu, í þeirri viðleitni að greina sjúkdómsvalda. Á þessu þrepi er einnig að finna afturvirka (retrospective) hópgagnaöflun, þ.e. rifjuð eru upp atvik í lífi þátttakenda í rannsóknahópnum.
Þrep 4: Rannsóknir á tilteknum hópum án samanburðarhóps.
Þrep 5: Einstaklingsbundnar athuganir, tilvikaskýrslur, sérfræðingsálit.
Grundvöllurinn að þessari þrepaskiptingu eru dýrarannsóknir, tilraunaglasarannsóknir (in vitro), hugmyndir og vangaveltur við kenningasmíð. Í tilraunum Pfizer voru þær ekki til lykta leiddar.
Almenn niðurstaða Deanne er þessi: „Það er engum vafa undirorpið, að Pfizer – og eftirlitsstofnanir – létu alveg frá upphafi hjá líða að fylgja gildandi rannsóknarreglum um hámarks öryggi og gagnsemi (virkni - efficacy).
Við höfum kynnt fyrsta-þreps sannindamerki (evidence) um heilsutjón á grundvelli gagna frá Pfizer.
Sérhver ríkisstjórn, sem samþykkt hefur bólusetningu – svo ekki sé talað um skyldubólusetningu - vissi eða hefði átt að vita á grundvelli fyrirliggjandi gagna, að heilsutjón biði þegna þess.
Sérhver ríkisstjórn, sem gefið hefur samþykki til þessara heilsufarsinngripa fyrir þegna sína, hefði átt að tryggja skynsamleg markmið rannsóknar með hnitmiðuðum árangurs- eða atviksmælingum (endpoint), vísindum, þar sem hámarksöryggi væri í heiðri haft.
Sérhver embættismaður, sem býr yfir þessari þekkingu og ræður þegnunum enn sem fyrr að þiggja eitrað bóluefni, sýnir að minnsta kosti vanrækslu.“
Þetta er vissulega í hrópandi mótsögn við niðurstöður vísindamanna Pfizer: „Á grundvelli eftirfylgnigagna um sex mánaða skeið og þrátt fyrir stigminnkandi virkni BNT162b2 [bóluefnisins frá Pfizer], er niðurstaðan sú, að öryggi hafi verið ákjósanlegt [við tilraunirnar] og bóluefnið sýnt verulega virkni í þá veru að koma í veg fyrir covid-19 [smit].“
Niðurstöður rannsóknar Pfizer á börnum á aldrinum 5 til 11 ára, eru þessar: „Sýnt var fram á, að Covid-19 bólusetningaráætlun, þar sem gefnir voru tveir 10-örgramma [míkrógramm, einn þúsundasti úr grammi] skammtar af BNT162b2 með tuttugu og eins dags millibili, er örugg, ónæmisvekjandi og áhrifarík hjá börnum á aldrinum fimm til ellefu ára.“ (Þetta er rannsóknin, sem kynnt var Alþingi, áður en ákvörðun var tekinn um bólusetningu barna. Það yrði of langt mál að tíunda með hvaða hætti lyfið olli heilsutjóni hjá börnum. Vísa til taflanna á glærunum í fyrirlestrinum.)
Eins og gefur að skilja skal þýði (population, chort) tilraunarinnar skilgreint. Það gefur auga leið, að ekki er unnt að gera tilraunir á öllu þýðinu. Því er tekið trúverðugt (representative) úrtak (sample) úr því.
Þýði þeirrar rannsóknar, sem hér er til umfjöllunar, er sérstakt eða „snyrt“ eins og oft á við um kvenfrelsunarrannsóknir t.d. Þar að auki hafði hluti þýðisins verið berskjaldaður bæði fyrir fyrri sprautu og milli sprauta, og því ugglaust haft veiruna eða mótefni gegn henni í blóði. Þekkt er, að PCR próf er ónákvæm aðferð til veirugreiningar og gagnlítil við sjúkdómsgreiningar.
Þegar tilrauninni var hleypt af stokkunum var staðan sú í Kanada (og í grófum dráttum á Vesturlöndum öllum), að nánast öll dauðsföll af völdum Covid voru meðal 79 ára eða eldri, þar af 81% á hjúkrunarheimilum. Rúmlega þriðjungur þeirra var afskaplega veikburða og 80% gamalmennanna skyldi ekki reyna að endurlífga, ef svo bæri undir. Fyrri hópinn skyldi ekki leggja inn á sjúkrahús, ef þeim ölnaði sóttin. Það lá ljóst fyrir, að eldri borgarar hálfáttræðir og eldri, voru um 85% áhættuhópsins. Í tilraunaúrtakinu voru þeir 4%.
Um 95% þeirra, sem látist hafa af völdum veirunnar, hafa að minnsta kosti barist við einn sjúkdóm til viðbótar, að meðaltali haft við fjóra aðra sjúkdóma að stríða. Í þýði Pfizer var hins vegar einungis rétt rúmur fimmtungur þátttakenda af þessi tagi.
Þýðið náði ekki til þungaðra kvenna, mæðra með barn á brjósti, fólks með ofnæmi, geðsjúklinga, fólks með ónæmistruflanir, fólks, sem áður hafði smitast, fólks á steralyfjum eða fólks með blæðingasjúkdóma. En engum meðal þessara hópa hefur verið ráðið frá bólusetningu (nema þunguðum konum á tímabili á Íslandi og víðar reyndar).
Í rannsókninni hefði, eðli málsins samkvæmt, átt að beina athyglinni að öllum hugsanlegum orsökum andláta og smita, svo að mælanlegt væri (endpoint). Spurningin hefði átt að vera: Er það svo, að þeir, sem eru bólusettir, verði síður sjúkir og látist síður en þeir óbólusettu?
Ei heldur var það viðfangsefni rannsóknarinnar að kanna smit og útbreiðslu, eftir að bólusetning hafði átt sér stað. Því eru engin efni til að álykta um gagnsemi svokallaðra bólusetningarbréfa (vaccine passport).
Það er fleira að athuga í sambandi við hönnun rannsóknarinnar. T.d. hafði fullnaðarrannsókn á dýrum ekki átt sér stað og ósjáanleg lífmerki (biomarker – lífeðlisleg einkenni, sem gætu bent til sjúkdóms) voru ekki mæld og skoðuð eins og t.d. bólgumyndun, hjartatjón, gegndræpi (barrier permeability – dreifing bóluefnis milli líffærakerfa), súrefnisskortur (hypoxia), fornæmi fyrir Alzheimers sjúkdómi og sjálfsónæmissjúkdómum (autoimmune). Sex mánaða rannsókn gefur vitaskuld engar upplýsingar um langtíma áhrif.
Við framvinduna er einnig ýmislegt að athuga. Snemma var t.d. tvíblindu aflétt og rannsóknar- og samanburðarhópar voru látnir renna saman, þ.e. eftir tveggja mánaða framvindu.
Blandað var saman tveim rannsóknum, þ.e. að rannsókn á áhrifum bólusetningar á unglinga á aldursbilinu 13-15 ára var blandað saman við rannsóknir á fullorðnum, sem hófust fjórum mánuðum áður. Það er því um viðbótarrannsókn (bridging study) að ræða.
Umgetin tilraun var ekki hönnuð til að greina á milli öryggis og gagnsemi bólusetningar á tilraunahópi annars vegar og samanburðarhópi hins vegar. Á þeim grundvelli voru talnagögn framreiknuð frá grunnrannsókninni til viðbótarinnar. Markmið tilraunarinnar var að meta, hvort um væri að ræða veiklun ónæmismáttar (non-inferiority – hlutleysa) í mótefnaþéttni (titre) hjá börnum í samanburði við unga fullorðna.
Gögnin frá Pfizer benda til gagnsemi að 91.3%, þ.e. mildun einkenna, miðað við samanburðarhóp, og vernd að 96,7% gegn alvarlegum veikindum. En gögnin sýna einnig aukna áhættu á sjúkdómum og dauða við bólusetningu, borið saman við samanburðarhóp, t.d. aukna tíðni hjartavöðvabólgu (myocarditis, heart issues) hjá ungu fólki.
Í spálíkani Pfizer er því spáð, að hjartabólgurnar muni ekki valda dauða. Þessar tölur verður þó að taka með fyrirvara, þar sem nýrri gögn um áhrif á unglinga voru meðreiknuð. Það gerir að verkum, að tímabundið gagn virðist meira en ella. Fullorðinnagögnin fengu þannig „örvunarskammt.“
Gögn Pfizer segja ekkert um, að þau hindri útbreiðslu sjúkdómsins.
Eftir að bóluefnið kom á markað hefur einungis verið um að ræða óvirka vöktun aukaverkana við skráningu í opinberar aukaverkanaskrár. Þessi skráning gefur ekki rétta mynd af tegundum og tíðni aukaverkana. Til þess þarf virka skráningu. En það hefur fórnarlömbum stundum reynst þrautin þyngri og læknar láta oft hjá líða vegna umstangs í kringum þær.
Uppljóstrari, svæðisstjóri hjá undirverktaka Pfizer, benti á ofangreint, svo og fölsun gagna og rangskráningu sýna.
https://www.nejm.org/doi/full/10.1056/NEJMoa2116298
https://www.medrxiv.org/content/10.1101/2021.07.28.21261159v1
https://worldcouncilforhealth.org/multimedia/deanna-mcleod-evidence-analysis-pfizer/
Um miðjan desember í fyrra (2021) skrifaði hópur lækna, lögfræðinga og heimspekinga skoðanagrein í dagblaðið, Aftenposten, í Noregi. Titill greinarinnar er: „Það er ófullnægjandi lögum samkvæmt að segja, að „mikil aukning“ sé væntanleg, án sóttvarnaaðgerða“ (Å si at man venter „en stor ökning“ uten et smittverntiltak er ikke tilstrekkelig etter loven).
Þar í landi hafa stjórnvöld fylgt sömu aðgerðauppskrift og Íslendingar. (Erna Solberg og Katrín Jakobsdóttir eru skólasystur frá World Economic Forum.) Hún hefur einkennst af dómgreindarleysi og sefasýki með látlausum hræðsluáróði. Vísindum og „ábyrgum stofnunum“ erlendis hefur verið miskunnarlaust beitt í þessum ljóta áróðri. Þegar Þórólfur og græn fjólubláa ríkisstjórnin vísar til vísinda er venjulega átt við rannsóknir lyfjafyrirtækjanna, sem eru meingallaðar. Tölvulíkön hafa einnig verið í miklu uppáhaldi. Þau reikna samkvæmt forsendum. Forspárlíkanið í Háskóla Íslands hefur verið notað eins og völvan í Delfi forðum, vandræðalega spaugilegt.
Hugsandi fólk er nú að rumska og hristir af sér dómgreindardoðann. Nú er krafist svara og ábyrgðar. Þeir segja m.a.:
„Umræða undanfarinna daga [í desember] um sóttvarnir hefur greinilega leitt í ljós, að norsk yfirvöld sýna miður góða frammistöðu í því, sem lýtur að gagnsæju, sannreynanlegu mati á meðalhófi. Þetta gefur haft í för með sér ógn fyrir réttarríkið og lýðræðið.“
Þess er krafist, að Landlæknisembættið (Helsedirektoratet), gefi skýrslu, studda tölulegum upplýsingum, um:
1)Ógnina, þ.e. áætlaða áhættu fyrir íbúana, t.d. spá um sjúkrahúsinnlagnir og andlát vegna covid-19, spá um annað heilsutjón og mat á burðum heilbrigðiskerfisins til að sinna öðrum sjúklingum.
2)Áætluð gagnsemi af aðgerðum. T.d. að hve miklu leyti þess sé vænst, að innlögnum fækki í kjölfar grímuskyldu, bann við veitingu áfengra drykkja eftir miðmætti og niðurskipun við borð.
3)Áætlun um tjón og kostnað við smitvarnir. T.d. heilsutjón unga fólksins vegna andlegrar vanheilsu, hversu mörg fyrirtæki fari á hausinn, hversu margir launþegar séu sendir í leyfi og kostnað af uppbótaraðgerðum.
Bent er á, að ríkisstjórnin hafi ekki sýnt döngun til að skipa óháðan hóp sérfræðinga til að meta gildi aðgerðanna og forsendur þeirra. Í mars s.l. kom út skýrsla um gagnsemi sóttvarnarráðstafanna og kostnað í því sambandi. Höfundar komust að þeirri niðurstöðu, að í því efni sé engu unnt að slá föstu og mat sé huglægt.
Í niðurlagi greinarinnar er vitnað í Hans Fredrik Marthinussen, sem er prófessor í lögvísindum:
„Vönduð rökfærsla er kjarninn í hinu lýðræðislega eftirliti með yfirvöldum. Því það er einungis, þegar almenningi er gert fært að fara í saumana á mati yfirvalda, að raunverulegt tækifæri býðst til að gagnrýna þær ákvarðanir, sem teknar eru.“
Í vefmiðlinum Steigan.no er rökleysuleikrit norskra stjórnvalda skoðað betur. Í niðurlagi greinarinnar segir:
„Það hefur stjórnmálalegar og lögbundnar afleiðingar. Samkvæmt sóttvarnalögum eru aðgerðirnar ólöglegar. Það hefur varla nokkru sinni áður verið skýrari grundvöllur til málshöfðunar á hendur ríki og ríkisstjórn. Hvað stjórnmál varðar, hefur ríkisstjórnin skitið upp á bak og valdið atvinnulífinu, menningarlífinu og þegnunum miklu tjóni að nauðsynjalausu. En ætli nokkur á Stórþinginu hafi nógu öflugt hryggjarstykki til að stíga í pontu og krefjast þess, að Störe stjórnin axli ábyrgð?“
Nú er að sjá, hvort Alþingismenn hafi burði til að sinna skyldu sinni að þessu leyti.
https://steigan.no/2022/02/aftenposten-fhi-har-bommet-gang-pa-gang/
https://www.aftenposten.no/meninger/debatt/i/MLmlem/aa-si-at-man-venter-en-stor-oekning-uten-et-smitteverntiltak-er-ikke-t
RSS
Eldri færslur
- Maí 2024
- Apríl 2024
- Mars 2024
- Febrúar 2024
- Janúar 2024
- Desember 2023
- Nóvember 2023
- Október 2023
- September 2023
- Ágúst 2023
- Júlí 2023
- Júní 2023
- Maí 2023
- Apríl 2023
- Mars 2023
- Febrúar 2023
- Janúar 2023
- Desember 2022
- Nóvember 2022
- Október 2022
- September 2022
- Ágúst 2022
- Júlí 2022
- Júní 2022
- Maí 2022
- Apríl 2022
- Mars 2022
- Febrúar 2022
- Janúar 2022
- Desember 2021
- Nóvember 2021
- Október 2021
- September 2021
- Ágúst 2021
- Júlí 2021
- Júní 2021
- Maí 2021
- Apríl 2021
- Mars 2021
gudjonelias
ingolfursigurdsson
