Veiruvígvöllurinn Tvísprautaðir ólánsamastir

Það er fróðlegt að litast um veiruvígvöllinn á líðandi stundu. Í fyrsta sinni virðist eins og samheldni heimisins yfirvalda sé að bresta. Meðan danska Mette segir faraldurinn yfirstaðinn, þráast Þórólfur og Katrín við. Sérfræðingur lögreglunnar í sóttvörnum veitir einna hörðustu viðspyrnuna og hangir á grímuskyldunni eins og hundur á roði.

Verstu öfgastjórnvöld veraldar eru nú á undanhaldi, nema Austurríkismenn. Þar verða að líkindum sett lög um bólusetningu fullorðinna. Kanadísku vörubílstjórarnir gerðu uppreisn gegn sefasýkinni á sínum vígstöðvum. Starfssystur og -bræður víða um Evrópu fylgdu í fótspor þeirra. [RÚV á eftir að segja okkur frá því.) Eitt ríki í Kanada hefur nú látið undan. (Ætli Justin yfirstrumpur hafi komið úr felum?)

Nákvæmari (og vonandi sannferðugri) tölur berast víða að. Hér fjallar kanadíski farsóttarfræðingurinn, Paul Alexander um splunkunýja skýrslu frá skoskum yfirvöldum. Umsögn hans er á þessa leið:

Hinir bólusettu sýkjast umvörpum, sérstaklega tvísprautungarnir. En svo virðist, sem þeir óbólusettu sýkist síður. Það gæti stutt kenningu Geert Vanden Bossche þess efnis, að ónæmiskerfið læri eða þjálfist á náttúrulegan hátt. (Geert er hollenskur veirufræðingur. Hann var í uppáhaldi hjá Bill og Belinda Gates, þar til hann fór að vara við covid-bóluefnunum. Sjóður þeirra er voldugur hluthafi í hlutaðeigandi lyfjafyrirtækjum. Staðreyndasporhundarnir hafa miskunnarlaust glefsað í Geert. Hann hefur tvisvar sent ákall til Alþjóðaheilbrigðisstofnunarinnar um að mæla ekki með bólusetningu við Omicron, en Pfizer vinnur nú að framleiðslu slíks efnis og hugsanlega hefur Katrín fest kaup á því þegar eins og hinum fyrri. Við fáum ekki að sjá samninginn við lyfjafyrirtækin til að ganga úr skugga um það.)

Í Skotlandi hafa bólusetningar verið almennar, tæp 90% fullorðinna. fengið tvær sprautur. Tvísprautungar búa við mesta sýkingaráhættu, þeir óbólusettu minnsta. Þrísprautungar eru einnig í meiri hættu en óbólusettir. Þó hafa allir hópar smitast af Omicron í auknum mæli, síðan í desember.

Það á greinilega ekki af þeim tvíbólusettu að ganga. Þeir leggjast öðrum hópum fremur á sjúkrahús. Tví- og einbólusettum er einnig fremur hætt við dauða.

https://www.voiceforscienceandsolidarity.org/

https://palexander.substack.com/p/devastating-negative-efficacy-public?token=eyJ1c2VyX2lkIjo0Njk0NzAxNCwicG9zdF9pZCI6NDgxODgyMzIsIl8iOiJvVEw4TCIsImlhdCI6MTY0Mzk3MzQxNSwiZXhwIjoxNjQzOTc3MDE1LCJpc3MiOiJwdWItNTc5MzU2Iiwic3ViIjoicG9zdC1yZWFjdGlvbiJ9.VGCSrQ92ACzV03tQswZJYNvjyUQ1FIoP-AoFu8eeX3w

https://www.publichealthscotland.scot/media/11404/22-02-02-covid19-winter_publication_report.pdf

Stjórnmálalegar sóttvarnir Yfirlit rannsókna

Einn af helstu sóttvarnarspekingum Íslendinga er lögreglumaður. Hann birtist í fréttum RÚV nýlega og fór mikinn um nauðsyn grímunnar sem sóttvarnartækis. Fréttamanneskja RÚV innti hann ekki eftir heimildum fyrir því.

Reyndar hefur enn ekki birst rannsókn, sem bendir til gagnsemi grímunnar. Þvert á móti hefur hún reynst hættuleg viðkvæmum og skapar ungum börnum slæm skilyrði máltöku og skapara þeim annan þroskavanda.

Rannsóknir á „sóttvarnaraðgerðum“ koma nú af færibandi. Kanadíski farsóttarfræðingurinn, Paul Elias Alexander, birti skömmu fyrir áramót ítarlega unnið yfirlit rúmlega fjögur hundruð rannsókna um efnið.

Samantekin niðurstaða er á þá lund, að venjulegar aðgerðir stjórnvalda eins og innilokanir (lockdown), sóttvarnarhús, grímu/grímuskylda og skólalokanir, hafi reynst gagnlausar við að hefta útbreiðslu veirunnar og fækka dauðsföllum.

Hamlandi aðgerðir eru hrikalegt klúður, sem hefur valdið óhemju tjóni, sérstaklega í ranni hinna fátæku og viðkvæmu í samfélaginu- ekki síst börnum. Börn (bandarísk), fædd í faraldrinum, sýna mælanlega þroskaskerðingu, m.a. heftan málþroska. Tilvísunum til talmeinafræðinga vegna málhelti hefur fjölgað gríðarlega.

Unnið er að skoðun á beinum aukaverkunum þeirra bóluefna, sem margar ríkisstjórnir skylda þegna sína til að undirgangast. Líklegt mál telja, að í opinbera aukaverkanagagnabanka rati einungis einn til tíu af hundraði aukaverkana.

https://brownstone.org/articles/more-than-400-studies-on-the-failure-of-compulsory-covid-interventions/

Covid vígstöðvarnar – RÚV, Rogan, Arnar Eggert og Jón Magnús

Það er margt að gerast á covid-vígstöðvunum um þessar mundir. Vestræn samfélög bólusetja börn sín fimm ára og eldri í óða önn. Á meðan sækir Pfizer um markaðsleyfi hjá Malvæla- og lyfjastofnun Bandaríkja Norður-Ameríku fyrir sama mRNA lyfið handa enn þá yngri börnum. Að þessu sinni er ætlunin sem sé að tvísprauta börn undir fimm ára aldri. Forstjóri Pfizer hefur áður tilkynnt, að lyf gegn Omicron sé í deiglunni.

Samtímis er tekist á um sálir almennings. Upplýsingastríðið geisar af fullum þunga. Hlaðvarparinn, Joe Rogan, ógnaði lyfjarisunum og bólusetningayfirvöldum meira en flestir, jafnvel meira en vörubílstjórarnir í Kanda, sem Justin Trudeau flúði undan og sagði „örlítinn, grenjandi minnihluta.“ En lyfjarisarnir flýja ekki. Og heldur ekki stóru fjárfestingarsjóðirnir eins og „Svarti klettur“ (Black Rock). Hagsmunatengslin eru kunn.

Það ætti einnig að vera alkunna, að sömu hagsmunaaðiljar hafa keypt eða niðurgreiða mýgrút fjölmiðla í hinum vestræna heimi. Það á einnig við um félagsmiðla. Einnig eiga þeir fyrirtæki (fact checkers), sem sérhæfa sig í baráttu gegn því, sem þeir kalla rangfærslur (misinformation) um tilraunabóluefnið, sem ríkisstjórnir víða um heim hafa fest kaup á. Fjölmargar æðri menntastofnanir og vísindamenn eru háðir þeim um fjármagn. Það er ekki ólíklegt, að þeir, sem sendu opið bréf til Spotify um skaðsemi Joe, séu í þeim hópi. Það mun einhver leiða í ljós. Allavega er aðferðin alkunn.

Lyfjafyrirtækin, meginstraumsfjölmiðlar, samfélagsmiðlar og valdhafar eru samtaka um að þagga niður í öllum þeim, sem gera athugasemdir við „vísindin,“ sem liggja til grundvallar framleiðslu bóluefnisins, innihald þess og áhrif. Vísindamenn, sem ekki mega vamm sitt vita, sem hafa unnið vísindaleg afrek, jafnvel fengið Nóbelsverðlaun fyrir uppgötvanir sínar, birt fjölda ritrýndra vísindagreina, hafa gott orðspor og sitja í góðum stöðum, verða allt í einu „falsspámenn,“ fá þá köllun að blekkja almenning um bóluefni Pfizer og Moderna. Þeim er útskúfað og þeir tapa jafnvel lífsviðurværi sínu og eigum.

Það voru samtalsþættir Joe Rogan við tvo af þessu tagi, Robert Malone og Peter McCoullough, sem leystu úr læðingi þá atburðarás, sem við erum vitni að á líðandi stundu. Sjónvarp okkar allra flutti gagnmerka frétt af málinu í gær, 1. feb. 2022. „Stjórnendur streymisveitunnar Spotify hafa lofað bót og betrun,“ eru upphafsorð fréttaflutningsins. Hvet alla til að hlýða á hana.

RÚV kallaði til vitnis tvo gagnmerka fræðinga. Annar þeirra er Arnar Eggert Thoroddsen, aðjunkt í félagsfræði við Háskóla Íslands, og tónlistargagnrýnandi. Hann „segir að rök hlaðvarpsstjórnandans Joe Rogan um málfrelsi dugi skammt þegar rangar upplýsingar um kórónuveirufaraldurinn og bólusetningar eru bornar á borð í þáttum hans. … [bullið] sem oft vellur upp úr gestum Rogans og Rogan sjálfum jafnvel.“

Arnar Eggert heldur áfram: „Það er ákveðin málábyrgð, sem trompar þetta blessaða málfrelsi. Læknasamfélagið og vísindasamfélagið er fyrir lifandis löngu búið að sanna það, að þetta er algjör vitleysa, sem er verið að spýja þarna út. Þannig, að það er ekki hægt að bjóða fólki uppá þetta. …“

Hinn er Jón Magnús Jóhannesson, læknir, sem dvelur að sögn í Bandaríkjunum og fæst við rannsóknir á Covid-19. Hann segir m.a.: Það er ekki spurningin um tjáningarfrelsi, því um er að ræða mann, sem dreifi falsfréttum, og það sé auðsannanlegt. Hann ber fyrir sig – að sögn fréttakonu – að skaði sé þegar skeður, þegar falsfréttum eða falsvísindum sé dreift.

Sannast nú sem oftar, að Íslendingar eru ekki á flæðiskeri staddir með fræðimenn, hugsuði og djúpskyggna fjölmiðla.

Í tveim síðustu tilvísunum má lesa um og hlýða á frétt, þar sem annar póll er tekinn í hæðina, þar sem fólk líka spýr út úr sér bulli. Þar er t.d. greint frá tildrögum þess, að Neill Young ákvað að versla við Amazon í stað Spotify. Þar er bent á hráskinnnaleik auðjöfra og fjárfestingarsjóða, sem eiga ríkra hagsmuna að gæta í lyfjaiðnaðinum og hasla sér völl í tónlistariðnaðinum. Þar glittir í „Svarta klett“ einu sinni enn.

https://www.ruv.is/frett/2022/02/01/malfrelsi-veiti-ekki-leyfi-til-thess-ad-dreifa-bulli

https://www.ruv.is/sjonvarp/spila/frettir-kl-19-00/30762/9kjfl0/frekari-aflettingar-framundan

https://childrenshealthdefense.org/defender/joe-rogan-musicians-threaten-remove-music-spotify/?utm_source=salsa&eType=EmailBlastContent&eId=c3dd48f2-678c-48a3-8f6f-e9c8e5e93497

https://www.youtube.com/watch?v=Z-AEmqvyikM

Grímur, grunnhyggni og galin stjórnvöld - Paul Alexander

Þegar Þórólfur skipaði svo fyrir, að Íslendingar skyldu grímuvæðast til varnar veirunni úr tilraunastofunni í Wuhan, fann ég eina rannsókn um hugsanlega gagnsemi hennar. Sú var dönsk. Niðurstaðan var, að gríma skipti ekki máli í sambandi við smit. Þar var ekkert minnst á andlega hlið málsins, hvorki fyrir líðan fullorðinna, né líðan barna og þroska.

En rannsóknum fjölgar. Kanadíski heilbrigðisfræðingurinn, Paul Elias Alexander, segir: „það er mikilvægt að gera sér grein fyrir því, að það er engin og hefur aldrei verið til sannreynd vitneskja (evidence), sem styður [þá fullyrðingu], að grímunotkun einkennalausra stöðvi veirudreifingu, meðan á farsótt stendur.“

Grein Paul (neðsta krækja) er ítarleg með fjölda tilvísana til þeirra rannsókna, sem nú koma í stríðum straumum um hinar ýmsu hliðar faraldursins. Hér er getið örfárra atriða: Höfundur vísar m.a. til varnaðarorða þýska læknisins, tauga- og lyfjafræðingsins, Margareta Griesz-Brisson. Hún hefur bent á það, sem margir vita, að heilinn sé afar næmur fyrir súrefnisskorti. Fólk, sem gengur með grímur, andar að sér grímulofti, sem er naumt að súrefni, en ríkt að koltvísýringi (carbon dioxide). Því gætu viðkvæmir liðið súrefnisskort.

Höfundur tengir grímunotkun við aðgerðir stjórnvalda. Hann fer ófögrum orðum um innilokanir, sóttkvíar og einangrun, og bendir á fjölda rannsókna víðs vegar um heiminn, sem greina frá ófarnaði, tjóni, ógn og niðurlægingu, í því sambandi.

Paul víkur einnig að skólastarfi, sem hefur verið mjög í brennidepli að undanförnu á Íslandi. M.a. hafa kennarar óttast smit frá nemendum sínum. Í því efni bendir höfundur á rannsóknir víða um lönd, sem eindregið benda til, að smit meðal barna sé fátítt, að smit barna á meðal sé óalgengt. Þar að auki smita börn foreldra sína sjaldan. Smitist börn á annað börn eru einkenni væg, þörf á sjúkrahúsinnlögn sjaldgæf og lífshætta afar takmörkuð.

Í þessu ljósi er það hér um bil spaugilegt, að ríkislögreglustjóri, Sigríður Björk Guðjónsdóttir, og framkvæmdastjóri lækninga hjá Heilsugæslu höfuðborgarsvæðisins, Sigríður Dóra Magnúsdóttir, fari hamförum um heilsufarsvá og álag á heilbrigðisstofnanir landsbyggðarinnar sökum takmarkaðrar afléttingar ólöglegra sóttvarnaaðgerða ríkisstjórnarinnar. Þetta er enn eitt dæmið um sjálfdrifnar veiruvitranir í heilbrigðiskerfinu og hjá Almannavarnardeild ríkislögreglustjóra.

Þess ber að geta, að „staðreyndasporhundar“ (fact checkers) stjórnvalda, lyfjafyrirtækja og meginstraumsfjölmiðla, hafa gert aðför að bæði Paul og Margareta.

https://www.ruv.is/frett/2022/02/01/til-greina-kaemi-ad-kalla-inn-einkennalitid-starfsfolk

https://childrenshealthdefense.org/authors/paul-elias-alexander-ph-d/

https://palexander.substack.com/p/over-150-studies-and-pieces-of-evidence

https://palexander.substack.com/p/421-studies-and-pieces-of-high-quality

https://palexander.substack.com/p/masks-for-children-the-evidence-indicates