Árið 2022 í blíðu og stríðu. Litið um öxl. Heillaóskir

Íslendingar búa flestum þjóðum betur. Á Garðarshólma hafa flestir nóg að bíta og brenna og geta yljað sér við heita ofna eða í heitum laugum. Fjöldi manns hefur orðið þeirrar hamingju aðnjótandi að eignast börn eða barnabörn, notið þeirrar fullnægju að verða vitni að lífsins gangi. Það er lögmál þess að stefna til ljóss, framtíðar, friðar og fróðleiks.

En þó kann lífið að snúast gegn sjálfu sér eins og trúfræðingar liðinna alda hafa bent á. Í kristinni trú eru mannkindar illu öfl sögð komin frá Kölska eða Djöflinum. Því miður hefur hann verið á kreiki á liðnu ári eins og endranær.

Hið gengna ár hefur m.a. verið svið magnþrungins leikrits um yfirráðin yfir hugum manna, eigum þeirra, og baráttunni fyrir góðum siðum, lögum og reglum. Án þeirra tortímast öll samfélög.

Á árinu hefur stöðugt verið blásið lífi í stríðið gegn drengjum og karlmönnum, Ásmundur á kassanum skipaði sér eftirminnilega í sveit fjandmanna drengja. Veirustríðið stendur enn eins og stafræna stríðið. Valkyrjur Vesturlanda sýndu og sýna enn stuðning við hið viðbjóðslega stríð í Úkraínu, þar sem unglingspiltar eru skotnir í tætlur.

Allt eru þetta raunar orrustur í stríði hinna brjáluðu og auðugu gegn íbúum heimsins. Þessir stríðsmenn sækjast eftir allsherjar yfirráðum í veröldinni. Samnefnari þeirra er Alheimsefnahagsráðið (World Economic Forum).

Reglan hefur á snærum sínum stjórnmálamen og fjölmiðla, svo og vísindamenn og – stofnanir, sem framleiða hentugan „stórasannleik,“ sem beitt er í stríðinu um sálina, um hugarfarið. Við erum hrædd til hlýðni eins og „sannleikurinn“ um hamfarahlýnun og drepsóttir eru dæmi um.

En til allrar hamingju er til fólk, sem andmælir sviptingu frelsis til tjáningar, hugsunar og athafna, maldar í móinn. En eins og allir ættu að vita er við ofurefli að etja. Auðkýfingaúrvalið og stjórnvöld hafa mörg spil á hendi, bæði á for- og baksviði leikhússins. Það er miskunnarlaust reynt að þagga niður í þeim, sem andmælum hreyfa og taka ósvinnunni ekki með þegjandi þögninni.

Julian Assange er trúlega þekktastur andófsmanna. Andófs hans fólst í því að birta upplýsingar um glæpi bandarískra stjórnvalda. Þau sem og stjórnvöld annarra „lýðræðisríkja,“ hafa blygðunarlaust stungið slíkum upplýsingum undir stól. Almenningur, kjósendur, mega ekki af þeim vita.

En það er mörgu, sem haldið er leyndu fyrir sauðsvörtum almúganun eða hann hreinlega vill ekki hleypa inn í hugskotið, svo ógnvekjandi er það. Það hefur t.d. kostað mig innri átök að skoða í alvöru þau illvirki, sem þær, auðkýfingaúrval og skuggastjórnir, iðka að tjaldabaki. Þær stjórna okkur að miklu leyti.

Á síðastliðnu ári fjölgaði heiðvirðu fólki, sem eins og Julian, ljóstruðu upp um glæpsamlegt og siðlaust háttalag auðvaldsúrvalsins. Samtímis hefur fjölgað sviðsettum morðum á þeim. Það yrði of langt mál að gera þeim öllum skil hér. En blessuð sé minning þeirra.

Fréttamenn News Punch m.a. reyna að upplýsa okkur um nefndar skuggahliðar mannlífsins, þ.m.t. misþyrmingar og morð úrvalsins á börnum til djöfulsathafna, fórna og kynsvalls.

Uppljóstrarar þessir hafa hlotið skelfileg örlög, flestir ráðnir af dögum, skotnir eða hengdir – eða lent í flug- eða bílslysum. En líklega hefur enginn hlotið skelfilegri dauðdaga en leikarinn, Anne Heche, sem var um það bil að ljúka við kvikmynd um misþyrmingar úrvalsins á börnum. Misþyrmingar hafði hún mátt reyna á eigin skinni og sál.

Eftir sviðsett slys í bíl og bruna, var lýst yfir heiladauða Anne. Henni var troðið í líkpoka, sem hún barðist við að losna úr. Það tókst og hún reyndi að flýja (sbr. upptöku) böðla sína. En böndum var á hana komið. Líffæri Anne voru gefin til ígræðslu.

Þetta gæti vissulega - eins og kuldakastið á Íslandi um þessar mundir - verið Vladimir Pútin að kenna, en það mun fréttastofa RÚV væntanlega fjalla nánar um í fréttaannáli sínum.

Ég óska heilla og hamingju á nýju ári - í þeirri bjargföstu trú, að fólk flest sé fært um að gera greinarmun á réttu og röngu og taka afstöðu á grundvelli sannleiks og staðreynda, um það, sem mestu máli skiptir í farsælu samfélagi.

https://newspunch.com/autopsy-reveals-media-covered-up-anne-heche-murder-after-she-vowed-to-expose-pedophile-ring/ https://www.dailywire.com/news/anne-heche-was-working-on-sex-trafficking-film-before-death https://www.dailystar.co.uk/showbiz/anne-heches-never-seen-final-27730444 https://rumble.com/v2361de-we-are-defeating-the-new-world-order-2022-was-the-year-conspiracy-theories-.html

Lífmælingaauðkennið, snjallbuddan, stafræni leiðtoginn og Greiðsluveitan

Tæknijöfrar, fyrirtæki, embættismenn og stjórnvöld falbjóða stöðugt nýja tækni okkur til hægðarauka. Stundum er snúið að átta sig á, hver tekur ákvarðanir um innleiðingu þessarar hagræðingartækni. Þegar ekki er um raunverulega valkosti er að ræða, verður að líta á þennan „hægarauka“ sem hreint tækniofbeldi. Það er t.d. orðið vonlítið að nýta sér þjónustu banka og opinberra stofnanna, nema eiga snjallsíma. Þau þægindi geta verið dýru verði keypt. Snjallsíminn er nefnilega upplagt njósnatæki eins og annar töluvbúnaður. Eftirlitið í veirufári stjórnvalda var dæmi um slíkt.

Það hefur lengi legið í loftinu – með fyrirmyndum frá Kína t.d. – að enn skyldi auka „hægðaraukann,“ þ.e. að setja inn í auðkennin allra handa upplýsingar um snjallberann, sem meira að segja umbreytist í „tölvumenni“ eða „snjallmenni,“ ef áætlanir G7 ríkjanna, Evrópusambandsins og Alheimsefnahagsstofnunarinnar ganga eftir – sem allt stefnir hraðbyri í að óbreyttu.

Nú þegar ganga sumir um eins og örmerktur búfénaður með örflögu undir húð. Það má í slíka snjallflögu forrita hitt og þetta. Hver ætli verði húsbóndi þessa nýja búpenings?

Það hefur verið á allra vitorði, að Úrsúlu og vini hennar hjá Evrópusambandinu hefur dreymt um að örmerkja fólk, svo greina megi að hafrana frá sauðunum í sambandi við bólusetningar. Almæltar eru hugmyndir um að samþætta vegabréf (gamaldags auðkenni) og bólusetningabréf. Nú er komið eindregið framkvæmdahljóð í strokkinn.

Stjórnvöld víða um álfu, ásamt bankamönnum, forstjórum einkafyrirtækja og opinberra, gera nú gangskör að því að beita nýjustu kennsla- og lífmælingatækni (biometric) til að smíða nýju auðkennin. Ísland tekur þátt í tilraunaverkefni um snjallbudduna og viðeigandi snjallmælingar, ásamt Danmörku, Lettlandi, Þýskalandi, Ítalíu og Noregi.

Samsteypa, sem kölluð eru NOBID samsteypan (consortium), samvinna norrænna ríkja og ríkja við Eystrasalt, hefur yfirumsjón með tilraunaverkefninu. Því er lýst sem alevrópsku (pan-european) greiðslukerfi í tengslum við evrópska snjall- eða rafbuddu Evrópusambandsins.

Seðlabanki Íslands hefur sett á stofn fyrirtæki til að sinna þessu, enda eru Íslendingar brautryðjendur. Það heitir Greiðsluveitan. Svo segir á heimasíðu þess:

„Greiðsluveitan er sjálfstætt starfandi einkahlutafélag í eigu Seðlabanka Íslands. Hjá því starfar hópur sérfræðinga sem sinnir hinum ýmsu verkefnum tengdum starfsemi félagsins. [Við hvað ættu þeir annars að starfa?]

Greiðsluveitan hefur innleitt stjórnunarkerfi vegna upplýsingaöryggis samkvæmt ISO/IEC 27001:2013 staðlinum og hefur hlotið vottun þess efnis …

Greiðsluveitan hefur hlotið vottun frá Creditinfo sem framúrskarandi fyrirtæki 2012 – 2020. …

Tilgangur félagsins er að starfrækja greiðslukerfi og önnur þjónustukerfi tengd greiðslumiðlun í samræmi við gildandi lög og reglur, þ.á m. að viðhalda og tryggja öryggi og virkni þeirra, svo og skyld starfsemi.“

Fyrirtækið virðist hafa umsjón með Greiðsluráði. Því fyrirbæri er svo lýst: „Nýtt greiðsluráð á vegum Seðlabanka Íslands hefur verið stofnað og hélt það sinn fyrsta fund miðvikudaginn 2. febrúar 2022.

Greiðsluráð er umræðu- og upplýsingavettvangur stjórnvalda, markaðsaðila og annarra hagsmunaaðila um málefni greiðslumiðlunar og fjármálainnviða. Markmiðið er að draga fram sjónarmið þeirra aðila sem hafa hagsmuni af og nýta fjármálainnviði og veita stuðning við framþróun og nýsköpun í greiðslumiðlun.

Eftirtaldir aðilar eiga fulltrúa í ráðinu: Neytendasamtökin, Samtök verslunar og þjónustu, Viðskiptaráð Íslands, Samtök fjármálafyrirtækja, Reiknistofa bankanna, Samtök iðnaðarins, fjármála- og efnahagsráðuneytið, menningar- og viðskiptaráðuneytið og Seðlabanki Íslands.

Greiðsluveitan ehf., dótturfélag Seðlabanka Íslands, annast undirbúning funda og seðlabankastjóri, sem er formaður ráðsins, stýrir fundum þess. Gert er ráð fyrir að greiðsluráð fundi tvisvar á ári. Allt efni tengt greiðsluráði verður birt fljótlega eftir hvern fund á sérstöku svæði á vef Seðlabanka Íslands.“

Það er enn fremur upplýst, að unnið hafi „verið að endurskipulagningunni í anda þess sem kom fram í hvítbók um framtíðarsýn fyrir fjármálakerfið sem fjármála- og efnahagsráðuneytið gaf út 2018.“

Hvergi hef ég rekið augun í upplýsingar á heimasíðu fyrirtækisins um lífmálsauðkennið, sem það vinnur að. Hvergi hef ég heldur rekið augun í kynningu á tilraunaverkefninu. Ei heldur skoðanakönnun meðal almúgans.

En á heimasíðu „Island.is“ rakst ég á eftirfarandi texta á ensku (lauslega snarað af mér):

„Snjallbudda Evrópusambandsins felur í sér öruggt lífmælingasmáforrit. Að því fullbúnu mun það auðvelda þegnum Evrópuríkja að færa sönnur á skilríki sín, opna aðgang að opinberri þjónustu og þjónustu einkafyrirtækja, jafnframt því að geyma viðkvæm snjallskjöl á einum staði. Tillaga samsteypunnar [NOBID], í þá veru að útfæra eitt fjögurra tilraunaverkefna, er í fullu samræmi við lykilmarkmið Evrópusambandsins um heildarumgjörð stafrænna skilríkja.“

Að sögn Andra Heiðars Kristinssonar, hins „stafræna leiðtoga“ Íslendinga „eru Íslendingar hreyknir umsóknaraðiljar í NOBID verkefninu (project).“

Á sömu síðu er einnig upplýst, að 95% þrettán ára og eldri hafi rafskilríki í snjallsíma sínum eða á korti. Og meira að segja gamlingjar, þ.e. eldri en sjötíu og fimm ára, slá ekki slöku við, 75% hafa umrædd skilríki.

Á heimasíðu Stjórnaráðsins má lesa: „Andri Heiðar Kristinsson hefur verið ráðinn stafrænn leiðtogi í fjármála- og efnahagsráðuneytinu, en starfið var auglýst í nóvember síðastliðnum. Efling stafrænnar þjónustu er eitt af forgangsmálum stjórnvalda og hefur ríkisstjórnin ákveðið að stafræn samskipti verði meginsamskiptaleið almennings við hið opinbera fyrir lok ársins 2020.

Fjármála- og efnahagsráðuneytið hefur sett á fót verkefnastofu um stafrænt Ísland til að tryggja framgang markmiða ríkisstjórnarinnar. Verkefnastofan vinnur með ráðuneytum, stofnunum og öðrum opinberum aðilum að því að efla stafræna þjónustu við almenning og tryggja þannig skýr, einföld og hraðvirk samskipti.“

Óskar þú lífmælingaauðkennis? Kaust þú þessa snjallstefnu stjórnvalda?

https://www.stjornarradid.is/efst-a-baugi/frettir/stok-frett/2020/01/31/Andri-Heidar-Kristinsson-radinn-stafraenn-leidtogi-i-fjarmala-og-efnahagsraduneytinu-/ https://island.is/s/stafraent-island https://www.sedlabanki.is/utgefid-efni/frettir-og-tilkynningar/frettasafn/frett/2022/02/02/Nytt-greidslurad-heldur-sinn-fyrsta-fund/ https://www.greidsluveitan.is/um-fyrirtaekid/ https://petersweden.substack.com/p/paying-with-microchip-implant?utm_source=substack&utm_campaign=post_embed&utm_medium=web https://steigan.no/tag/digital-id/ https://island.is/en/news/iceland-in-a-european-cooperation-with-eu-digital-identity-wallet https://www.nobidconsortium.com/ https://www.nobidconsortium.com/press-release-14-december-2022/ https://tkp.at/2022/04/29/frankreich-rollt-digital-id-aus-wenige-tage-nach-macrons-wiederwahl/ https://steigan.no/2022/12/norge-i-spissen-for-a-utvikle-eus-digitale-lommebok/?utm_source=substack&utm_medium=email https://steigan.no/2022/08/jat-til-kontanter-nei-til-overvaking-og-kontroll/ https://tkp.at/2022/03/15/oesterreichs-naechster-schritt-in-die-totale-digitale-kontrolle-id-austria/ https://www.nrk.no/sorlandet/bankid-pa-mobil-blir-historie_-_-vil-gjore-hverdagen-enklere-1.15919766 https://tkp.at/2022/05/14/norwegen-biometrische-digital-identitaet-kommt/ https://petersweden.substack.com/p/digital-id-biometrics?s=r

Kjarnorkusprengjan sem ætluð var Rússum en aldrei var sprengd. Herstöðvaþjóðin: II

Forsætisráðherra Breta, Winston Leonard Spencer Churchhill (1874-1965), hafði reyndar aðra áætlun á prjónunum, „Áætlunina óhugsandi“ (Operation Unthinkable). Þessum léttgeggjaða leiðtoga datt það snjallræði í hug að vopna fanga úr hópi stríðsmanna Nasista og senda þá, ásamt breskum hermönnum, til innrásar í borgir Austur-Evrópu. Beita átti kjarnorkusprengjum þeim, sem Bandaríkjamenn framleiddu í erg og gríð.

En Harry S. Truman bað stríðsbróður sinn að hinkra ögn, því fullbúnar sprengjur dygðu aðeins til að granda Hirosima og Nagasaki. Þeim var varpað á varnarlausa borgara, þrátt fyrir mótmæli ýmissa vísindamanna og álit sjálfs yfirhershöfðingjans og síðar forsetans, Dwight David (Ike) Eisenhower (1890-1969), sem taldi það hernaðarlega marklaust.

Sprengjuáætlun hergagnframleiðenda og Harry S. Truman var kölluð „Sprengjuhvellurinn“ (Operation Drop Shot). Hugmyndin var að framleiða 300 til 400 kjarnorkusprengjur og 29.000 vopn með gríðarlegum sprengjukrafti, sem varpa skyldi á 200 skotmörk í eitt hundrað borgum Ráðstjórnarríkjanna. Þegar þessi vitfirringaráætlun náði ekki fram að ganga, bollalögðu Bandaríkjamenn árið 1956 vetnissprengjuárás á Ráðstjórnarríkin, Austur-Evrópu og Kína.

Bandaríkjamenn létu ekki þar við sitja. Á Ítalíu og í Tyrklandi staðsettu þeir kjarnorkuvopn, sem voru nógu langdræg til að geta hitt skotmörk innan Ráðstjórnarríkjanna. Svar stjórnmálamanna þeirra var staðsetning kjarnorkuvopna á Kúbu, undir forystu Fidel Castro (1926-2016). Honum höfðu Bandaríkjamenn fleygt í fangið á Ráðstjórnarríkjunum með viðskiptaþvingunum og innrásum, rétt eins og Rússum nú í fangið á Kínverjum.

Samtímis hélt leynihernaður Bandaríkjanna áfram í Austur-Evrópu undir stjórn Harry S. Truman. Hann iðkaði þá skringilegu stjórnmálaiðju að gera fjendur úr bandamönnum, en vini úr fjöndunum. Íslendingar kynnu að hafa lært þá utanríkisstjórnlist af honum. Þeir leggja eins og kunnugt er, fæð á þjóðir, sem hafa verið þeim vinveittar, beita þær viðskiptaþvingunum, og eggja til stríðs við þær, en lofsama fyrrum kvalara sína og bindast þeim tryggðaböndum. Þangað leitar klárinn, sem hann er kvaldastur. Um taumana halda tvær herskáar mæður og kvenfrelsarar, Katrín Jakobsdóttir og Þórdís Kolbrún Reykfjörð Gylfadóttir úr sitt hvorum jafnaðarmannaflokknum.

Leyniþjónustu Bandaríkjanna, sem frá árinu 1947 hét „Central Intelligence Agency“ (CIA), var óspart beitt í Austur-Evrópu til að grafa undan stjórnvöldum. Í Úkraínu gekk CIA inn í samstarf þýskra nasista við þá úkraínsku (Organization of Ukrainian Nationalists). Leynilykillinn (code name) var „PBCRUET-AERODYNAMIC.“ Samstarfið hélt áfram óslitið, þar til Bandaríkjamenn steyptu lýðræðiskjörinni stjórn Úkraínu af stóli 2014. Markmið úkraínskra nasista var/er arfhreint úkraínsk ríki.

Það var reyndar Harry S. Truman, sem setti ófreskjuna, CIA, á stofn. Einhvern veginn fór þó svo, að hann missti tökin á eigin afkvæmi. Forsetinn lét þau orð falla, að hann hefði aldrei órað fyrir, að CIA yrði bandarísk Gestapo (Geheim Staatspolizei – þýska leyniógnarlögreglan á tímum nasista).

Þegar mest á reið, þ.e. skömmu áður en í algleyming komust atburðir, sem oft eru kallaðir „Kúbu kjarnorkukreppan“ (Cuban MIssile Crises) og áttu sér stað árið 1962, höfðu Bandaríkjamenn borið gæfu til að kjósa til forseta John Fitzgerald Kennedy (1917-1963), einn fárra forseta Bandaríkjanna, sem ekki hefur lotið ægivaldi hergagnaiðnaðarins, heimsauðvaldsins, og fremur hrifist af fríði, en djöfuls stríði. En trúlega galt hann fyrir með lífi sínu ári síðar, þegar hann var myrtur.

Á sama hátt má segja, að heimsins börn hafi verið svo heppin, að hinn litríki Nikita Sergeyevich Khrushchev (1894-1971), sem barði í ræðustól Sameinuðu þjóðanna með skæði sínu, hafði þá tekið við stjórnartaumunum í Ráðstjórnarríkjunum af ógnvaldinum, Jospeh Vissarionovich Stalin (1878-1953).

Fyrrnefndir tvímenningar bjuggu yfir nægilegu siðviti og skynsemi til að átta sig á hættunni á gereyðingarstyrjöld, þar sem allir drægju hið styttsta strá. Engu að síður mátti litlu muna, að illa færi. Vegna misskilnings hafði kjarnorkusprengju rétt um það bil verið skotið úr kafbáti undan ströndum Kúbu undir merkjum Ráðstjórnarríkjanna. Það hindraði hins vegar kafbátaforinginn, Vasily Aleksandrovich Arkhipov (1926-1998), á elleftu stundu. Honum eigum við það að þakka, að ekki braust út kjarnorkustríð árið 1962.

Víkjum þá aftur að Ted sögu Hill: Leyniþjónusta hersins (U.S. Army‘s Signal Intelligence Service), forveri Þjóðaröryggisstofnunar Bandaríkjanna (National Security Service) kom upp um þá félaga, Klaus og Ted, þegar árið 1950. Klaus var handtekinn af Bretum, leyniþjónustu þeirra M15. Hann sat í fangelsi í níu ár. Herinn hélt „verndarhendi“ yfir Ted til að koma í veg fyrir, að bróðir hans flæktist inn í njósnamálið. Hann gat herinn ekki misst.

Ted og Joan fluttu til Englands með dætur sínar þrjár til að forðast múgsefjunarbrjálæði og ofsóknir John Edgars Hoover (1895-1972), fyrsta forstjóra FBI, gegn öllum, sem hugsanlega gætu verið hliðhollir jafnaðarmennskuhugmyndum og -ríkjum.

Drápsæði bandarískra stjórnvalda er lítt hamið. Illvirki, sem áður voru dulsmál leyniþjónustu þeirra, hers og -lögreglu, eiga sér nú í meira mæli stað fyrir opnum tjöldum, en með öflugum upplýsinga-, fjölmiðla- og sálhernaði – hjarðheilaþvotti. Öflugur stuðningur svokallaðra áhugamanna- eða velgjörðastofnanna auðvaldsins á Vesturlöndum (non governmental organization) skiptir stundum sköpum.

Fyrrum forseta Bandaríkjanna, Donald John Trump, ofbauð morðæði og „lygastríð“ bandarískra stjórnvalda. Hann sagði 9. október 2019: „Bandaríkin hafa varið átta biljónum [miljón miljónum] dala til afskipta og stríðsátaka í Miðausturlöndum. Hinir mikilhæfu hermenn okkar hafa þúsundum saman orðið fyrir fjörtjóni eða hlotið örkuml. Milljónir manna hafa látið lífið hinum megin víglínunnar.“ Síðan Bandaríkin komust á koppinn hafa þau einungis haldið friðinn í fimmtán ár.

Blaðamaðurinn, Nicolas J.S. Davies, hefur reynt að slá máli á drápin. Hann hefur komist að því, að á síðustu árum hafi 2.4 miljónir verið drepnar í Írak, 1.2 miljónir í Pakistan og Afganistan, fjórðungur úr miljón í Líbíu, um ein miljón í Sýrlandi, í Sómalíu um 650.000 og í stríði Sáda, með stuðningi BNA í Jemen, um 175.000.

Drápin eru iðulega réttlætt sem „stríð gegn hryðjuverkum“ eða hreinlega til að tryggja frelsi og lýðræði. Það stef er sígilt og hefur verið notað frá fyrstu heimsstyrjöldinni. Bandaríkin hafa gert innrásir í 84 ríki fram á þennan dag og fjármagnað innrásir leiguliða í fjölda ríkja.

Bandarísk yfirvöld virðast staðráðin í að tryggja okkur lýðræði og frelsi. Um 95% utanríkisherstöðva í veröldinni eru bandarískar. Bandaríkin hafa stofnað um 800 herstöðvar í rúmlega 70 ríkjum. Í 90 ríkjum öðrum hafa þau hernaðarlega aðstöðu. Þar að auki fjármagna bandarísk yfirvöld um 50 herstöðvar víðs vegar um veröldina – einkum þó í Mið- og Suður-Ameríku – hjá vinveittum ríkjum. Þar að auki sigla þau um heimsins höf með kjarnorkuvopn (eins og Rússneska ríkjasambandið reyndar gerir líka). Höfundur bókarinnar, „Herstöðvaþjóðin“ (Base Nation), David Vine, hitti með titlinum naglann á höfuðið.

Margir spyrja sig, hvort kjarnorkustríð sé í uppsiglingu í Úkraínu. Rússar þvertaka fyrir, að þeim munu beita kjarnorkuvopnum, að fyrra bragði. Úr herbúðum Bandaríkjanna koma tvöföld skilaboð þessa efnis. En það vekur athygli, að Bandaríkin sögðu upp samningi við Rússa um framleiðslu og takmörkum meðaldrægra kjarnaeldflauga (Intermediate-Range- Nuclear Forces Agreement) árið 2018. Donald Trump var víst illa við alþjóðasamninga. Sendiherra Bandaríkjanna, Jon Meade Huntsman, kallaði samninginn þann árangursríkasta í sögu þeirrar viðleitni að takmarka útbreiðslu kjarnavopna.

Dwight D. Eisenhower varaði á sínum tíma við uppgangi og valdi auðjöfranna í hergagnaiðnaðinum. John. F. Kennedy gerði það líka. Í frægri ræðu, skömmu áður en honum var banað, sagði hann m.a.:

„Hugdjörf og óttalaus verðum við að starfa í þágu friðar, en ekki gereyðingar.“

http://www.informationclearinghouse.info/57388.htm https://www.britannica.com/biography/Georgy-N-Flerov https://www.history.com/this-day-in-history/klaus-fuchs-arrested-for-passing-atomic-bomb-information-to-soviets https://www.britannica.com/technology/nuclear-weapon/The-Soviet-Union#ref521147 http://www.jinr.ru/posts/remembering-founding-fathers-georgy-flerov/ https://spartacus-educational.com/Theodore_Hall.htm https://www.codepink.org/what_the_pentagon_doesn_t_want_you_to_know_about_china https://www.youtube.com/watch?v=PAiRmhXvJHs https://covertactionmagazine.com/2022/12/27/biden-protects-cia-by-withholding-5000-critical-documents-on-jfk-assassination/?mc_cid=9fe7062f99&mc_eid=5cd1ec03b1 https://www.dailymail.co.uk/news/article-11572881/CIA-spate-explosions-Russia-veteran-claims-CIA-NATO-ally-sabotage.html https://www.britannica.com/technology/nuclear-weapon/The-Soviet-Union https://caitlinjohnstone.com/2021/06/22/so-much-of-what-the-cia-used-to-do-covertly-it-now-does-overtly/ https://medium.com/traveling-through-history/only-15-years-of-peace-in-the-history-of-the-united-states-of-america-c479193df79f https://www.mi5.gov.uk/klaus-fuchs https://www.youtube.com/watch?v=Kv0IB-TwFH8 https://nypost.com/2021/02/03/admiral-warns-of-possibility-of-nuclear-war-with-russia-china/ https://www.history.com/topics/world-war-ii/the-manhattan-project http://www.informationclearinghouse.info/57392.htm https://covertactionmagazine.com/2022/09/26/is-that-a-chilling-echo-of-dr-strangelove-we-are-hearing-from-bidens-nominee-to-oversee-americas-nuclear-weapons-arsenal/ https://www.armed-services.senate.gov/hearings/nomination_-cotton https://www.theatlantic.com/international/archive/2018/10/trump-withdraw-inf-treaty-why/573715/ https://covertactionmagazine.com/2022/12/15/you-should-thank-this-russian-naval-officer-that-you-and-your-loved-ones-are-alive-today/?mc_cid=299b3e3b6d&mc_eid=5cd1ec03b1 https://steigan.no/2019/10/trump-innrommer-at-usa-har-drept-millioner-i-kriger-basert-pa-logner/ https://www.thenation.com/article/world/ted-hall-espionage-fbi/ https://nsarchive2.gwu.edu/nukevault/ebb538-Cold-War-Nuclear-Target-List-Declassified-First-Ever/ https://www.youtube.com/watch?v=QWJsx526LYw https://www.imdb.com/title/tt21376858/ https://covertactionmagazine.com/2022/09/12/ukraine-the-cias-75-year-old-proxy/ http://ronridenour.com/ https://spartacus-educational.com/Theodore_Hall.htm https://covertactionmagazine.com/2022/12/03/is-history-repeating-itself-and-who-will-be-todays-ted-hall-an-interview-with-the-director-of-a-compassionate-spy/?mc_cid=68c12cf8ef&mc_eid=5cd1ec03b1 https://consortiumnews.com/2018/03/22/how-many-millions-of-people-have-been-killed-in-americas-post-9-11-wars-part-one-iraq/ https://consortiumnews.com/2018/04/03/how-many-people-has-the-u-s-killed-in-its-post-9-11-wars-part-2-afghanistan-and-pakistan/ https://consortiumnews.com/2018/04/03/how-many-people-has-the-u-s-killed-in-its-post-9-11-wars-part-2-afghanistan-and-pakistan/ https://covertactionmagazine.com/2022/12/02/can-an-american-scientist-who-smuggled-critical-nuclear-secrets-to-the-russians-after-world-war-ii-be-considered-a-good-guy-new-film-says-yes/?mc_cid=9cd4a0b213&mc_eid=5cd1ec03b1

Kjarnorkusprengjan sem ætluð var Rússum en aldrei var sprengd. Herstöðvaþjóðin: I

Undir lok annars heimsstríðs fóru stórveldin að bera víurnar í kunnáttufólk Þriðja ríkis þýskra nasista, m.a. til að tryggja sér auðævin, sem þar var að finna, þ.m.t. þýfi víða úr Evrópu. Þar urðu Bandaríkjamenn hlutskarpastir, enda höfðu þeir tryggt sér samvinnu við stríðsglæpamenn í stjórnkerfi og lögreglu/leyniþjónustu Þjóðverja. Hugsanlega lágu þó mestu auðævin í vísindamönnum nasista og tækni þeirra. Þar urðu Bandaríkjamenn líka hlutskarpri ráðamönnum og njósnurum hinna látnu Ráðstjórnarríkja (Sovétríkja).

Í stríðslok voru Þjóðverjar komnir langt áleiðis með þróun langdrægra eldflauga. Þær áttu að flytja sprengjur og tryggja endanlegan sigur nasista, skapa þeim lífsrými (Lebensraum). Þriðja ríkið fól nefnilega í sér heimsyfirráð. Sjálfur yfirsmiður slíka eyðingartóla nasista var Wernher Magnus Maximillian Freiherr von Braun (1912-1977), sem vann einnig afrek á sviði geimferða.

Leyniþjónusta bandarískra stjórnvalda laumaði Wernher von Braun, ásamt um 1600 þýskum vísindamönnum, sem þeir höfðu smalað um gjörvalla Evrópu, til Bandaríkjanna, og forðuðu þeim þar með undan stríðsglæparéttarhöldunum í Nürnberg (Operation Paperclip).

Wernher von Braun og hið þýska teymi hans bar hitann og þungann af geimkapphlaupi Ráðstjórnarríkjanna og Bandaríkjanna. Ráðstjórnarríkin leiddu það kapphlaup framan af. Tíkin Laika var send út í geim árið 1957 með eldflauginni, Sputnik 2, og Yuri Alekseyevich Gagarin (1934-1968) fjórum árum síðar, örfáum vikum á undan Bandaríkjamönnum.

En það átti sér annað hlaup stað, kapphlaupið um gerð kjarnorkusprengjunnar, sem eldflaugarnar áttu að flytja. Þegar Þjóðverjar voru úr leiki, kepptu vísindamenn Ráðstjórnarríkjanna, Bandaríkjanna og Breta (Project Tube Alloys) um að hreppa hnossið fyrstir.

Kjarnorkusprengjan er skelfilegt vopn, sem enginn í veröldinni hefur beitt, nema Bandaríkjamenn. Í forsetatíð Harry S. Truman (1884-1972) sprengdu þeir japönsku borgirnar, Nagasaki og Hirosima, í tætlur, og drápu við sprenginguna um 200.000 óbreytta borgara. Ógnarlegur fjöldi þeirra, sem lifðu af, hlutu örkuml og fjölmargir létust af sárum sínum.

Bandarískum yfirvöldum þótti ekki nóg að gert, ölvaðir af þrá eftir heimsyfirráðum. Auðjöfrar hergagnaiðnaðarins (military complex) hvöttu ári síðar forseta sinn, Harry S. Truman, fyrrum leiðtoga Lýðræðisflokksins (Democrats), varaforseta og arftaka Franklin D. Roosevelt í embætti, til að láta framleiða kjarnorkuvopn hundruðum saman, svo ganga mætti milli bols og höfuðs á fyrrum bandamönnum þeirra í Ráðstjórnarríkjunum, 193 þjóðum og þjóðarbrotum, innan vébanda fimmtán lýðvelda.

Til glöggvunar má rifja upp, að sigurvegarar annarrar heimsstyrjaldar, ráðamenn Ráðstjórnarríkjanna, Breta og Bandaríkjamanna, skiptu veröldinni upp á milli sín í áhrifasvæði á Jalta/Krím ráðstefnunni (Yalta/Crimea Conference) í stríðslok árið 1945.

Þar tók þátt hinn dauðvona forseti Bandaríkjanna, Franklin D. Roosevelt, forsætisráðherra Breta, Winston Leonard Spencer Churchill (1874-1965) og ógnvaldur Ráðstjórnarríkjanna, Joseph Vissarionovich Stalin (1878-1953).

Auðjöfrar Þriðja ríkisins (sem reyndar áttu samvinnu við þá bandarísku) höfðu haft augastað á olíulindum Kákasussvæða Ráðstjórnarríkjanna, enda stefndi þýski herinn hraðbyri þangað. En framrás hans var stöðvuð, eftir harðvítuga varnarbarnáttu Rauða hersins. En ágirnd auðjöfra Vesturlanda var óbreytt. Þeim lék hugur á á komast yfir auðævi þessa víðáttumikla ríkis, rétt eins og gas- og olíulindir Írans, Afganistans og Miðausturlanda.

Fyrrgreind kjarnorkuvopnaárás á Ráðstjórnarríkin átti að eiga sér stað, ári eða tveim, eftir stofnun Varnarbandalags vestrænna þjóða árið 1949 eins og „North Atlantic Treaty Organization“ (NATO) er iðulega nefnd.

En óvæntur atburður breytti þeirri rás atburðanna. „Samúðarnjósnarinn“ kom nefnilega til sögunnar. Nýlega var hleypt af stokkunum heimildarmynd um hann, „Samúðarnjósnarinn“ (A Compassionate Spy) eða sagan um Theodore Alvin Holtzberg/Ted Hall (1925-1999). Framleiðandendur hennar eru Dave Lindorff og Mark Mitten. Leikstjóri er Steve James. Þeir studdust m.a. við frásögn ekkju Ted, Joan, og myndband, sem Ted hafði skilið eftir handa kynslóðum framtíðarinnar.

Handritshöfundar og framleiðendur heimildarmyndarinnar tóku fjölda viðtala, m.a. við Daniel Axelrod, annan höfund bókarinnar, „Hvernig er borinn er sigur af hólmi í kjarnorkustríði: Hinar leyndu stríðsáætlanir Pentagon [hernaðarráðuneyti Bandaríkjanna]“ (To Win a Nuclear War: The Pentagon‘s Secret War Plans), sem kom út, þegar árið 1986.

Þeir ráðguðust einnig við höfunda bókarinnar, „Sprengingin: Hin leyndadómsfulla saga um hið óþekkta njósnasamsæri um kjarnorkuvopn í Bandaríkjunum“ (Bombshell: The Secret Story of America‘s Unknown Atomic Spy Conspiracy). Bókin kom út árið 1997. Höfundar eru: Marcia Kunstel og Joseph Albright.

Á grundvelli upplýsingalaga fengu þeir einnig afhentar skýrslur Alríkislögreglunnar (Federal Bureau of Investigation – FBI) um eldri bróðurinn, Edward Nathaniel Hall (1914-2006), sem var heilinn á bak við smíði langdrægra eldflauga (Inter-Continental Ballistic Missile).

Bandaríski blaðamaðurinn, Ron Ridenour, hefur skrifað grein um þessa heimildarmynd með langri fyrirsögn: „Umdeild ný heimildarmynd afhjúpar, hvernig eðlisfræðingur hersins á unglingsaldri, Ted Hall að nafni, bjargaði íbúum Rússlands frá svikráðaárás árin 1950-1951 – og gæti sem hægast hafa komið í veg fyrir kjarnorkuragnarök heimsins“ (Controversial New Documentary Reveals How A Teenage Army Physicist Named Ted Hall Saved The Russian People From A Treacherous U.S: Sneak Attack in 1950-51 – And May Well Have Prevented A Global Nuclear Holocaust.“ Umfjöllun mín um efnið tekur að miklu leyti mið af grein Ron.

Í téðri heimildarmynd fæst á ný staðfesting á samtímalygi, þar sem sannleikurinn er hulinn kjósendum og skattgreiðendum vegna öryggishagsmuna eða samkvæmt geðþótta embættismanna samfélagsins. Söguna þarf að skrifa upp á nýtt, eftir því sem leyndarhjúpnum er svipt af fortíðinni.

Umræddur Ted var undrabarn. Sautján ára lauk hann prófi í eðlisfræði frá Harvard háskólanum og ári síðar eða 1944, var unglingurinn ráðinn til starfa við kjarnorkurannsóknarsetrið í Los Alamos, New Mexico, sem þá var undir vísindalegri stjórn bandaríska eðlisfræðingsins, Julius Robert Oppenheimer (1904-1967) og undir herstjórn Leslie Richard Groves (1896-1970), herforingja. Kjarnorkuvopnaáætlun Bandaríkjamann var kölluð Manhattan áætlunin (Project). Henni var ýtt úr vör árið 1943.

Sérgrein Ted var sú tegund kjarnorkuvopna, sem Bandaríkjamenn slepptu á íbúa Nagasaki. Hann sá fyrir sér þá ógn, sem stafað gæti af þessu ofurvopni í eigu eins ríkis. Í nafni mannúðar taldi hann það siðferðilega rétt, að fleiri ríki hefðu aðgang að því.

Þess má og geta, að vísindarit Vesturlanda virtust hafa fengið birtingarbann á greinar um kjarnorkurannsóknir, kjarnaklofnun (nuclear fission), skömmu eftir upphaf styrjaldarinnar. Það rak rússneski eðlisfræðingurinn, Georgii Nikolayevich Flyorov/Georgy N. Flerov (1913-1990), augun í, og hvatti því yfirvöld til að hefja smíði kjarnorkusprengju.

En það voru fleiri en Ted, sem höfðu siðferðilegar efasemdir. Eðlisfræðingarnir, Niels Bohr (1885-1962) og Albert Einstein (1879-1955), vildu gefa starfsbræðrum sínum í Ráðstjórnarríkjunum hlutdeild í þekkingunni til að smíða kjarnorkuvopn. Niels Bohr var vaktaður fyrir bragðið af Alríkislögreglunni. Pólsk-breski eðlisfræðingurinn, Joseph Rotblat/Józef Rotblat, sem starfaði að sprengjusmíðunum, sagði hins vegar upp stöðu sinni, þegar ljóstrað var upp um fyrirætlanir Bandaríkjastjórnar um að varpa kjarnorkusprengju á óbreytta íbúa Japans.

Þannig æxlaðist, að Ted gerðist njósnari Ráðstjórnarríkjanna í vitorði með starfsbróður sínum, hinum þýsk-breska Klaus Emil Julius Fuchs (1911-1988). Það kemur ekki greinilega fram, hvort hann hafi þá haft beina nasasjón af undirróðri hergagnafurstanna, sem beittu forseta sínum, Harry S. Truman, til að framleiða nokkur hundruð kjarnorkusprengja til að ganga milli bols og höfuðs á Ráðstjórnarríkjunum.

Harry þessi Truman var kaldrifjaður stjórnmálamaður. Árið 1940 sagði hann í tengslum við „Aðgerð Barbarossa“ (innrás Þjóðverja í Ráðstjórnarríkin 1941 - Operation Barbarossa): „Ef Þjóðverjar virðast sigurstranglegir, ættum við að rétta Rússlandi [Ráðstjórnarríkjunum] hjálparhönd. En halli á Þjóðverja ættum við að steðja Þjóðverjum til hjálpar, svo þeir drepni sem allra flesta [íbúa Ráðstjórnarríkjanna].“

Ráðstjórnarríkin, sem forseti Bandaríkjanna vildi gera slíka illgirnisskráveifu, höfðu áður verið bandamenn Bandaríkjamanna í stríðinu gegn nasistum og misst tæplega 30 milljónir manna eða um 14% af heildaríbúafjölda. Svipaður fjöldi var alvarlega særður, 70.000 þorp voru lögð í rúst sem og 1.710 borgir og 4.7 milljónir húsa. Til samanburðar töpuðu Bandaríkjamenn 0.3% af íbúafjölda sínum, Englendingar 1%.

Með hjálp Ted smíðuðu vísindamenn Ráðstjórnarríkjanna eftirlíkingu af Nagasaki sprengjunni. Tilraunarútgáfa af sprengjunni var sprengd 29. ágúst 1949. Það fældi, að sögn, Bandaríkjamenn frá að senda fyrrum bandamönnum sínum kjarnorkukveðju og leggja áætlanir um innrás studda kjarnorkuvopnum á hilluna.

En bandarískir hergagnaframleiðendur og stjórnvöld voru engan veginn af baki dottin. Ráðstjórnarríkin skyldu lögð að velli. Hugmyndafræðiglamur leiðtoga Ráðstjórnarríkjanna um alheimsbyltingu öreiganna notuðu þeir til að særa stjórnvöld og leyniþjónustur Vesturlanda til að efla andspyrnu- eða hryðjuverkahópa víðs vegar um Vestur-Evrópu, sem grípa skyldu í taumana, ef íbúar þeirra dirfðust að kjósa yfir sig jafnaðarmenn eða byltingarjafnaðarmenn (sósíalista, kommúnista), sem líklegir væru til að grípa stjórnartaumana. „Gladio-áætlunin“ (Operation Gladio) var það kallað. (Sams konar hryðjuverkahópar CIA og annarra Vesturlanda virðast að störfum innan Rússneska ríkjasambandsins í dag.) (Annar hluti fylgir.)

Þegar faðir er fjarri kemur kynþroskinn fyrir hjá dætrunum Áhrif föðurleysis á börn

Neikvæð áhrif föðurleysis og ófullkomins sambands við föður eru alkunn. Upplausn fjölskyldna hefur aukist verulega síðustu áratugi. Í kjölfarið rofnar eða minnkar samband barna við föðurinn, þar sem yfirgnæfandi hluti þeirra býr áfram í móðurranni. Sama á við um barn-móður fjölskyldur.

Hefðbundna fjölskyldan er stöðugt á undanhaldi. Í Bandaríkjum Norður-Ameríku (BNA) fæðist um helmingur barna mæðra undir þrítugu utan hjónabands. Synir táningsmæðra eru yfirleitt í sérstökum áhættuhópi með tilliti til þroska og aðlögunar. Í tæpum 70% tilvika fara konur fram á skilnað.

Mæður verða stöðugt daprari í bragði og neyta ógnarlegs magns þunglyndislyfja. Í langflestum tilvika fá mæður forsjá barnanna eða búa þeim heimili. Mikill fjöldi drengja nýtur ekki föðurhandleiðslu. T.d. elst um þessar mundir um þriðjungur barna upp við föðurleysi í Bretlandi og BNA.

Fjarlægð föður, hvort heldur óeiginleg eða eiginleg, getur verið býsna afdrifarík fyrir þroska og heilbrigði barna. Norskar rannsóknir á sjómannssonum benda til, að þeim hætti til að ruglast öðrum drengjum fremur í ríminu um kynímynd sína og kynhlutverk. Skoðanir á íslenskum föngum karlkyns (en það eru þeir langflestir) á áttunda áratugi síðustu aldar gáfu til kynna meinsemdir í tengslum við föður í bernsku. Bandarískar rannsóknir sýna, að langflestir þeirra ungu karlmanna, sem bíða fullnustu dauðadóms, hafa enga átt föðurfyrirmynd eða hana ófullnægjandi.

Athyglisbrestur (ADHD), geðsjúkdómar, þroskaskerðing og námsörðugleikar færast í vöxt, jafnvel svo, að talað er um „taugaþroskakreppuna“ (neural crises). Börn þunglyndra mæðra eru allt að tvisvar sinnum líklegri til að glíma við ADHD, svo og þeir drengir, sem ekki búa við aðhlynningu feðra sinna.

Drengjum er þrefalt hættara, en stúlkum, við að ánetjast tölvuleikjum. Þeim er einnig hættara við að ánetjast klámi, áfengi og öðrum fíkniefnum. Þeir hrökklast umvörpum úr framhaldsskóla og stunda síður nám við æðri menntastofnanir. Þeir eru reknir þrisvar sinnum oftar úr skóla, en stúlkur. Einkunnir þeirra eru yfirleitt lakari, nema séu þeir stúlkulegir í hátt. Þá fá þeir svipaðar einkunnir.

Slök frammistaða í lestri er sérstakt áhyggjuefni, því lestur er nefnilega fyrirboði árangurs í lífinu. Greind drengja hrakar einnig. Það er skiljanlegt í ljósi aðbúnaðar þeirra í samfélagi og skóla. Rannsóknir frá Bretlandi benda til, að drengir hafi glutrað niður 15 stigum greindarvísitölu síðan 1980. Jafnvel þótt samvistir með föður fyrir 11 ára aldur stuðli ákveðið að aukinni greind þeirra, er föðurleysið samt sem áður geigvænlegt.

Athuganir á stúlkubörnum, er basla með ýmis konar átvanda, sýna, að fjarlægð föður á viðkvæmustu mótunarárunum geti að einhverju leyti skýrt vandræði þeirra. Andstætt því, sem oft er talið, gefa rannsóknir vísbendingar um, að stúlkur eigi jafnvel erfiðara uppdráttar en drengir í sambúð við stjúpa eða fósturföður við „föðurmissi“ í kjölfar fjölskylduupplausnar.

Færa má rök fyrir því, að stúlkubörn, sem ekki njóta góðra samvista við föður sinn, séu giska fákunnandi í samskiptum við hitt kynið. Í ákveðnum tilvikum gerast þær ósparar á blíðu sína í örvæntingarfullri leit að umhyggju karlmanns (les: föður). Það eru sorgarsögur.

Nýlega birtist grein í bandaríska dagblaðinu, Epoch, um kynþroska stúlkna, eftir Martha Rosenberg. Titill greinarinnar er: „Hví verða stúlkur fyrr kynþroska en áður“ (Why Are Girls Reaching Puberty Earlier). Greinin er eftirtektarverð. Þar segir m.a., að stúlkur verðir stöðugt fyrr kynþroska. Árið 1840 urðu þær kynþroska 16.5 ára, þ.e. fengu tíðablæðingar. Árið 2020 voru þær 12.4 ára (early onset puberty/precocious puberty).

Snemmkominn kynþroski virðist tengjast auknum líkum á offitu, sykursýki, hjartasjúkdómum, vanþroska beina og vöðva, öndunarerfiðleikum, krabbameini og truflun hugþroskans.

Andlega eru þær einnig bágstaddari en hinar, með tilliti til; þunglyndis, fíkniefnaneyslu, átvanda og hegðunarerfiðleika (t.d. í samskiptum við drengi, í kynlífi). Það eru einnig vísbendingar um, að líkamsvöxtur þeirra verði rýrari.

Rannsókn bandaríska sálfræðingsins, Julianna Deardorff, og félaga, er áhugaverð. Skýrt er frá henni í grein, sem titluð er: „Fjarvera föður, vísitala líkamsþunga og kynþroskaaldur stúlkna: Mismunandi áhrif fjölskyldutekna og uppruna“ (Father Absence, BMI [Body Mass Index], and Pubertal Timing in Girls: Differrential Effects by Family Income and Ethnicity).

Bent er á, að fjöldi rannsókna bendi á tengsl föðurfjarveru og snemmkomins kynþroska stúlkna. Greinarhöfundar gerðu framskyggna (prospective) rannsókn á 444 stúlkum á aldrinum sex til átta ára. Áhrif virtust greinilegust í hátekjufjölskyldum. Þeir segja:

Stúlkur, sem verða kynþroska snemma, eiga heilsubrest á hættu, þar með talinn tilfinninga- og fíknvandi, og krabbamein í æxlunarfærum og brjóstum síðar á lífsleiðinni. Þær lifa kynlífi fyrr. Mikilvægi þessa þroskaskeiðs með tilliti til heilsufars um langan aldur er umtalsvert og tekur til alls konar líkamlegra og andlegra kvilla.

Þegar litið er til fleiri rannsókna er ljóst, að umhverfisáhrif kynnu líka að hafa umtalsverð áhrif á kynvakaþroska og – framleiðslu eins og t.d. málmar; blý, mangan, ál, kopar, kvikasilfur, nikkel og selení. Þessi óþverraefni eða skaðvaldar (endocrine disruptor) eru notaðir í alls konar neysluvarning og bóluefni. Við skoðum fundust rúm tvö hundruð aðskotaefni í blóði nýbura, þar á meðal bisfenól (bisphenol A), sem getur haft svipuð áhrif og kvenkynvaki (estrogen).

https://www.ncbi.nlm.nih.gov/pmc/articles/PMC3079910/ https://www.theepochtimes.com/obesity-us-girls-entering-puberty-earlier-than-ever-linked-to-obesity_343667.html https://pubmed.ncbi.nlm.nih.gov/31791040/ https://www.ncbi.nlm.nih.gov/pmc/articles/PMC4471670/ https://pubmed.ncbi.nlm.nih.gov/35742410/ https://pubmed.ncbi.nlm.nih.gov/36193542/ https://www.mayoclinic.org/diseases-conditions/precocious-puberty/symptoms-causes/syc-20351811 https://www.theepochtimes.com/health/why-are-girls-reaching-puberty-earlier_4888506.html https://www.theepochtimes.com/health/puberty-before-age-10-a-new-normal_2135653.html

Kvennavernd á Íslandi. GREVIO skýrslan og kvenfrelsunarkirkjan: II

Sérfræðingasveit GREVIO nýtti örfáa daga sína vel, átti tal við fulltrúa margra ráðuneyta og sveitarfélaga, þ.m.t. starfshóp Katrínar um GREVIO og Landsnefnd kvenfrelsunarstofnunar Sameinuðu þjóðanna (UN Women).

Sérfræðingarnir létu ekki þar við sitja. Þeir sátu á rökstólum við fjölda hálfopinberra stofnana og félaga. Þar á meðal – auk áðurnefndra - er Alþýðusamband Íslands, en þar voru tveir harðsvíraðir kvenfrelsarar í forystu, kvennaathvörfin tvö, Kvennaráðgjöfin, Konur á Íslandi (W.O.M.E.N), „Trans“ Ísland, Samtökin 78, Blaðamannafélag Íslands, Rauði krossinn, og svo fleiri, sem sýsla með ofbeldi karla gegn konum.

Það kom mér þó á óvart, að RÚV, Öfgar og Líf án ofbeldis ættu erindi á viðmælandalistann. Það kom hins vegar ekki á óvart, að Karlaathvarfið og Félag um foreldrajafnrétti (áður Ábyrgir feður) hafi ekki verið virt viðlits.

Sérfræðingafereykið gefur Íslendingum hrós fyrir að hafa minnkað „launamun“ (engin nánari greining á því); fyrir brautryðjandakennslu í skólum um jafnrétti (sem venjulega merkir misrétti af hálfu karla); vitundarvakningarherferðir (enn þá ein stendur nú yfir) og kennslu drengja um jákvæða karlmennsku.

Sérfræðingarnir ljúka lofsorði á viðeigandi yfirvöld fyrir þann skilning, að konur verði oftar fyrir heimilis- og kynofbeldi. En það er síendurtekin kennisetning kvenfrelsunarkirkjunnar. Sömuleiðis er lofað það framtak að hafa fulltrúa barnaverndarnefndar með í för, þegar feður/karlar eru fjarlægðir af heimilum sínum. Barnahús, Bjarmahlíð og Bjarkarhlíð eru taldar lofsverðar stofnanir. Bjarma- og Bjarkarhlíð eru styrktar af hinu opinbera og sinna einkum konum, ofbeldisfórnarlömbum karla – að sögn.

Að dómi nefndra sérfræðinga GREVIO verða Íslendingar að girða sig betur í brók í kvennavernd. M.a. þarf betri samhæfingu, betri talnagögn, meiri peninga til kynofbeldisiðnaðarins, betri starfsþjálfunaráætlanir fyrir konur í kreppu til að tryggja efnahagslegt sjálfstæði þeirra og valdeflingu; gefa þeim kost á neyðarsíma allan sólarhringinn um allt land; hraða afgreiðslu dómsmála og dæma fleiri karla; fjölga kvennaathvörfum; koma á skráningu og úrvinnslu gagna um morð karla á konum; beita nálgunarbanni á feður/karla í meira mæli; tryggja að konur taki á móti kvenkyns flóttamönnum; gera frekari skoðanir á þvingunarhjónaböndum, þvinguðum ófrjósemisaðgerðum, þvingaðri fóstureyðingu og heiðursmorðum.

Að síðustu er svo bent á, að dómstólar ættu að taka meira tillit til ofbeldis foreldris (les: föður) gegn börnum sínum við úrskurði um forsjá og samveru barna og foreldra. Áhyggjum er lýst af skyldu til sáttaumleitanna, áður en ofbeldi af hálfu foreldris (les: föður) er skoðað. Þetta er sérstakt baráttumál félagsskapar mæðra: Lífs án ofbeldis.

Jón Gunnarsson, dómsmálaráðherra, sem greinilega hefur frelsast í kjölfar tíðra samtala við ríkislögreglustjóra og forsætisráðherra, er hamingjusamur með niðurstöðu fjórmenninganna frá GREVIO:

„Þetta er jákvæð skýrsla í nær alla staði fyrir Ísland og undirstrikar fyrst og fremst þann einhug sem hefur ríkt innan míns ráðuneytis, og reyndar allrar ríkisstjórnarinnar, um þann forgang sem þessi mál eiga að njóta. Nú þegar þessi fyrsta skýrsla GREVIO um Ísland hefur verið birt er verkefnið í höndum starfshóps sem forsætisráðherra og dómsmálaráðherra hafa nú þegar skipað til að móta landsáætlun um innleiðingu á Istanbúl-samningnum hér á landi.“

Flokkssystir Jóns, Diljá Mist Einarsdóttir, lögfræðingur, hvetur bróður sinn í trúnni til dáða. Í fyrirspurn á Alþingi segir hún:

„Hyggst ráðherra bregðast við tilmælum og ábendingum í nýrri skýrslu GREVIO, eftirlitsnefndar Evrópuráðsins með Istanbúl-samningnum, sem felur í sér aðgerðir og baráttu gegn heimilisofbeldi og ofbeldi gegn konum? Ef svo er, hvernig?“

Diljá Mist er mikill kvenfrelsari. Hún sprurði nýlega í grein í Vísi: „Verða konur fyrir fordómum í heilbrigðiskerfinu?“ Hún svarar vitaskuld játandi:

„Ég hef átt fjölmörg samtöl við vinkonur mínar og kunningjakonur um viðmót í heilbrigðiskerfinu og hvort það kunni að vera litað af kynjuðum staðalmyndum. Þegar ég komst að því að nýlega hefði heilsufar á Íslandi verið kortlagt í úttekt á vegum heilbrigðisráðuneytisins út frá kynja- og jafnréttissjónarmiðum, ákvað ég að beina fyrirspurn að heilbrigðisráðherra um eftirfylgni vegna þeirrar vinnu. Í byrjun þessa þingvetrar fékk ég svar frá ráðherra við fyrirspurn minni um kynja- og jafnréttissjónarmið í heilbrigðisþjónustu. Það er skemmst frá því að segja að svar heilbrigðisráðherra er ekki mjög ítarlegt.“ (Þetta viðmót hlýtur að valda kvenfrelsurum áhyggjum, því það eru næstum bara konur í heilbrigðisþjónustunni.)

Diljá Mist er líka ójafnaðarmaður. Í Silfri RÚV sagði hún nýlega: "Við Sjálfstæðismenn munum aldrei tala fyrir kerfi eða umhverfi þar sem fyrsta eða æðsta markmið er að jafna kjör fólks."

Stjórnarráðið segir um skýrsluna:

„Ísland hlýtur hrós fyrir margvíslega þætti og fram kemur að skýrslan varpi ljósi á skýran vilja og skuldbindingar íslenskra stjórnvalda til þess að koma á kynjajafnrétti, sérstaklega með baráttu gegn ofbeldi gagnvart konum og því að bæta lagalega stöðu þolenda og minnka launabil kynjanna. Enn fremur hlýtur Ísland hrós fyrir að vera leiðandi í innleiðingu jafnréttiskennslu á öllum skólastigum, vitundarvakningu um ofbeldi gegn konum og fleiri slíkum herferðum auk margvíslegra aðgerða stjórnvalda á hinum ýmsu sviðum þar sem lögð er sérstök áhersla á bætta stöðu kvenna og stúlkna. Fram kemur í skýrslunni að starfsfólk lögreglu sé vel þjálfað til að takast á við kynferðisbrot og heimilisofbeldi og margvíslegar lagabreytingar sýni að íslensk stjórnvöld leggi áherslu á aðgerðir sem miða að baráttunni gegn kynbundnu ofbeldi. Þá hlýtur Ísland lof fyrir að vera leiðandi í stofnun úrræða eins og Barnahúss, Bjarkarhlíðar og Bjarmahlíðar sem talin eru til fyrirmyndar.“

Félagsskapurinn, „Líf án ofbeldis“ telur skýrsluna aftur á móti „kolsvarta“ og segir: „Nefndin lýsir þungum áhyggjum af meðferð sýslumanna, dómstóla og barnaverndaryfirvalda á málum þolenda heimilis- og kynferðisofbeldis, hvað varðar forsjá og umgengni, og gagnrýnir meðal annars harðlega notkun hugmynda sem skortir vísindalegt réttmæti þegar þolendur greina frá ofbeldi annars foreldrisins (les: feðra), hugmynda um foreldraútilokun (e. Parental alienation), hér oftast talað um tálmun á umgengni.“ (Hér er sérstaklega átt við baráttu mæðranna gegn hugtakinu, „foreldrafirringu,“ sem er þeim skelfilegur þyrnir í augum, og ofbeldis feðra gegn börnum sínum. Þær fullyrða, að dómstólar taki ekki tillit til slíks ofbeldis.)

Það ætti lýðum að vera ljóst, hverjum klukkan glymur; drengjum, feðrum, karlmönnum og fjölskyldum. Það er átakanlegt til þess að hugsa, að aldargömul firra – samkvæmt öllum gildum vísindum um manninn – nokkurra vansælla yfirstéttarkvenna, hafi orðið að trúarbrögðum á Vesturlöndum.

Firran er sú, að konum af tegundinni, homo sapiens, stafi hætta af karlpeningi kynsins, að hver og einn sveinstauli, sem skríður úr móðurkviði, sé kúgari móður sinnar og annarra kvenna.

Trúarsetningar kvenfrelsunartrúarbragðanna hafa ratað inn í Sáttmála Sameinuðu þjóðanna, Evrópusambandsins og Evrópuþjóða. Þær hafa eins og trúarbrögðin um hamfarahlýnun, verið bræddar saman í sjálfbærnimarkmiðum SÞ og framtíðarsýn Alheimsefnahagsráðsins (World Economic Forum). Þar ráða ferðinni sömu auðvaldsöfl og fjármögnuðu Kvennakirkjuna, þar til hún komst að mestu leyti á jötu skattgreiðenda fyrir harðfylgi kvenfrelsara úr flestum stjórnmálaflokkum.

Hin alþjóðlega kvenfrelsunarkirkja heyrir undir tvo páfastóla eins og kirkja kristinna manna fyrr á öldum, þ.e. hjá SÞ og Evrópusambandinu/Evrópuráðinu. Þeir stunda trúboð um allan heim. Það er fjármagnað af skattgreiðendum og fyrrgreindum auðjöfrum, sjóða þeirra og stofnana. Kvenfrelsunarvísindastofnunum er m.a. gert hátt undir höfði.

Vísindamennsku þeirra gætti mjög, meðan á covid-19 faraldrinum stóð. Boðskapurinn var einfaldur að venju: faraldurinn kemur miklu verr niður á konum og hvetur eiginkarla og feður til að berja á konum sínum og afkvæmum. Því þyrfti að puðra meira skattfé í kvenvænan kynofbeldisiðnað. Melinda Gates var meðal margra kvenfrelsara, sem fluttu þennan boðskap, enda styrkir sjóður hennar og Bóluefna-Bills kvenfrelsunarkirkjuna rausnarlega.

Á Íslandi er einnig keimlíka kirkjudeild að finna, Kvennakirkjuna. Aðalhugmyndafræðingar hennar eru Auður Eir Vilhjálmsdóttir og núverandi biskup Íslands, Agnes Sigurðardóttir. Auður Eir er einnig þekkt fyrir hlutverk sitt á hinu alræmda Stúlknaheimili, Bjargi. (Sbr. pistil undirritaðs: „Ofbeldiskonur. Stúlknaheimilið Bjarg.

Auður Eir Vilhjálmsdóttir.“) Auður Eir skrifar: „Ég naut þeirrar miklu gæfu að vera með í annarri bylgju kvennaguðfræðinnar og eiga vinkonur sem voru þar jafn frá sér numdar og ég var.“ [Önnur bylgja kvenfrelsunar mótaði sérstaklega hernaðaráætlunina gegn körlum, m.a. með tilliti til kynofbeldis. Rannsóknir leiddu líka í ljós, að Jesús hafi verið blökkukona.]

Á heimasíðu Kvennakirkjunnar má fræðast: „Stefnur kvennaguðfræðinnar eru ýmsar og viðfangsefnin líka. Sumar skrifa biblíuskýringar, aðrar skrifa um feðraveldið, um kirkjuveldið, um frelsun og frelsi kvenna, um mátt kvennasamstöðunnar, um stjórnun kvenna, um starfsmöguleika kvenna, sögu kvenna og margt fleira. …

Kvennaguðfræðin „segir frá konum sem börðust fyrir afnámi þrælahalds á 19. öld og gegn böli áfengisneyslu, fátæktar og menntunarskorts og fyrir því að kristin trú yrði boðuð víða um heiminn. Margar fremstu baráttukvenna kvennahreyfingarinnar sóttu mátt sinn til kristinnar trúar.“

Baráttan gegn „böli áfengisneyslu“ snýr að karlmönnum. Frenjurnar ásökuðu þá um að sinna ekki heimilum sínum, konum og börnum. Sú ruglaðasta meðal þeirra óð um öldurhúsin með exi til að leggja áherslu á trúboð sitt. Það er full ástæða til að lofa nefnda baráttu gegn þrælahaldi. En það var ekki kynbundið. Það leikur varla vafi á því, að kvennaguðfræði sé samofin kvenfrelsunarfræðunum og að leiðtogar kirkjunnar séu – eins og stjórnkerfið allt – undir hana seldir.

Eins og raun ber vitni um ræður kvenfrelsunarforsjá ríkjum í samfélaginu á nær öllum stigum þess og sérhverjum vettvangi. Dugi þeim ekki formleg völd til framdráttar er tíðum beitt ásökunum um allra handa kynofbeldi af karla hálfu. Dómar götu- og fjölmiðlaréttarins, stofnanna (m.a. kirkjunnar) og fyrirtækja, eru óvægnir. Karlar tapa, jafnframt þótt saklausir séu af öðru en þeirri erfðasynd að vera fæddir í „röngu kyni.“ (En því má náttúrulega redda á Landsspítalanum.)

Kostnaðurinn við kvenfrelsunarstyrjöldina er geigvænlegur. Kostnaður við kvenfrelsunarstjórnsýsluna er væntanlega gríðarlegur. Alþingismenn virðast ekki hafa áhuga á því að taka hann saman.

Kvenfrelsunarlögfræðingar, kynjafræðingar og fleiri af því sauðahúsi, fjöldaframleiddir við Háskóla Íslands og háskóla erlendis, hafa fundið sér skálkaskjól og framavettvang í kvenfrelsunarkirkjunni; stjórnsýslu, atvinnulífi og kynofbeldisiðnaði.

Það er hörmulegt í sjálfu sér, en hörmulegust er þó fórn drengja á altari kvenfrelsunarkirkjunnar.

https://www.stjornarradid.is/library/02-Rit--skyrslur-og-skrar/Istanb%C3%BAl-samningurinn.pdf http://www.kvennakirkjan.is/ https://www.mbl.is/frettir/kosning/2022/01/17/gudfinnur_saekist_eftir_4_saeti/ https://vimeo.com/483496509 https://www.althingi.is/altext/cv/is/?nfaerslunr=703 https://www.coe.int/en/web/istanbul-convention/secretariat https://www.gardencourtchambers.co.uk/barristers/louise-hooper/sao https://www.stjornarradid.is/efst-a-baugi/frettir/stok-frett/2022/11/15/Grevio-skyrsla-um-varnir-og-barattu-gegn-heimilisofbeldi-og-ofbeldi-sem-beinist-ad-konum/ https://www.stjornarradid.is/efst-a-baugi/frettir/stok-frett/2022/11/30/Vitundarvakning-gegn-kynferdisofbeldi-i-addraganda-jola/ https://twitter.com/luarasi https://rewi.uni-graz.at/de/neuigkeiten/detail/article/das-private-ist-rechtspolitisch-gewaltschutz-in-recht-und-praxis/ http://www.era-comm.eu/oldoku/SNLLaw/15_Istanbul_Convention/121DV84_Wittmann_Puri_EN.pdf https://www.jafnretti.is/is/samfelag-og-vinnumarkadur/kynbundid-ofbeldi/istanbulsamningurinn https://www.jafnretti.is/static/files/Skyrslur/evropusattmali-um-jafna-stodu-kvenna-og-karla-i-sveitarfelogum-og-herudum.pdf https://kvenrettindafelag.is/wp-content/uploads/2021/11/GREVIO-Submission-Iceland-2021-updated.pdf https://www.facebook.com/lifanofbeldis/ https://www.jafnretti.is/is/um-jafnrettisstofu/frettir/fyrsta-skyrsla-eftirlitsnefndar-um-stodu-innleidingar-istanbulsamningsins-a-islandi https://www.mbl.is/frettir/innlent/2022/11/14/skortur_a_hjalparurraedum_fyrir_konur/ https://www.frettabladid.is/frettir/vilja-ad-gerendur-seu-oftar-fjarlaegdir/ https://www.mbl.is/frettir/innlent/2017/08/16/berglind_og_ragna_nyir_skrifstofustjorar/ https://kvenrettindafelag.is/skyrsla-vegna-uttektar-evropuradsins-a-forvornum-og-barattu-gegn-ofbeldi-gagnvart-konum-og-heimilisofbeldi-a-islandi/ www.coe.int/conventionviolence https://rm.coe.int/grevio-inf-2022-26-eng.../1680a8efae?fbclid=IwAR3czccCgnVJ1JZrsuG1zg7TQsG2NScol-iRhn0Tmt7JnX7CI47tgAlGkYk

Afleiðingar viðbragða við covid-19 á börn og unglinga

Fjöldi rannsókna sýnir fram á, að innilokanir og grímunotkun, meðan á faraldrinum stóð, hafi trúlega skert þroska og heilsu barna og unglinga.

Hér er ný rannsókn um efnið, gerð af teymi vísindamanna undir stjórn sálfræðiprófessorsins, Ian H. Gotlib, við Stanford háskólann. Um er að ræða fjölaðferða rannsókn. M.a. eru sneiðmyndir teknar. Hún birtist í tímaritinu, „Líffræðilegri geðfræði“ (Bilogical Psychiatry) Þar stendur m.a.:

„Það er ekki bara svo, að covid-19 faraldurinn virðist hafa haft í för með sér verri andlega heilsu og hraðari öldrun heilans, heldur skapar hann vísindamönnum áskoranir við greiningu langtíma rannsókna á eðlilegri þróun, sem raskað var af faraldrinum.“

Afleiðingunum svipar til þeirra, sem sjást við misþyrmingar barna í æsku, misnotkun og vanrækslu.

Þetta er eitt framlag af mörgum, sem benda í sömu átt. En úrtakið var fámennt og kynskakkt, þ.e. skoðuð var heila og þroski 163 stúlkna á San Francisco svæðinu. Höfundar vísa til um fjörutíu skyldra rannsókna.

Vondar afleiðingar covid-19 bóluefnanna á börn og unglinga eru nú svo augljós, að jafnvel „Sjúkdómaeftirlits- og heilsuverndarstofnun Bandaríkjanna“ (Centers for Disease Control and Prevention – CDC) hefur undið sér í rannsóknir á þeim.

Í rannsókn þeirra kemur m.a. fram, að 37% framhaldsskólanema (high school students) töldu heilsu sinni hafa hrakað, meðan á faraldrinum stóð; 44% skýrðu frá þrálátri depurð og vonleysi síðasta árið; rúmlega 55% töldu sig hafa orðið fyrir tilfinningalegri misnotkun (abuse) af hendi foreldris/fullorðins á heimilinu; 11% skýrðu frá líkamlegu ofbeldi; 29% sögðu foreldri/fullorðinn á heimilinu hafa misst vinnu sína.

Debra Houry, varaforstjóri CDC, segir: „Unglingar, sem eru lespur, hommar eða til beggja kynja, skýrðu frá enn verri heilsu; tilfinningalegri misnotkun af hálfu foreldris eða umsjónaraðilja, og tíðari tilraunum til sjálfsvígs en jafnaldrar þeirra.“

Á grundvelli fagþekkingar var að miklu leyti unnt að rýna eðli veirunnar, sjá fyrir hegðun hennar og afleiðingar kúgandi viðbragða stjórnvalda, þ.e. sviptingu mannréttinda, grímuskyldu, lokanir, einangrun og fjarlægðarþvinganir. Bara gríman ein og sér hefur seinkað mál-, tilfinninga- og félagsþroska barna á viðkvæmasta þroskastigi. Þetta hefur haft örlagarík áhrif á námshæfni, m.a. lestur og skrift. Í fátækum ríkjum veraldar hafa viðbrögðin leitt til hungursneyðar og aukins þrældóms barna. Átakanlegt!

Það er ljóst, að bólusetningin sjálf hefur valdið mörgum börnum, ungmennum og fullorðnum, heilsutjóni – sumum fjörtjóni. Enn eru ekki öll kurl komin til grafar í því efni. Bóluefnin hafa að öllu líkindum skert getu ónæmiskerfisins til að verja líkamann fyrir alls konar sóttkveikjum. Því má gera ráð fyrir auknum og alvarlegri veikindum eins og nú má sjá t.d. í Bretlandi þar sem börn deyja vegna streptókokkasýkingar. Það verður erfitt að fela það undir stóru „regnhlífinni,“ „þrálátum covid-sjúkdómi“ (long covid).

Aðgerðir stjórnvalda – á Íslandi m.a. – lýstu fumi og fáti, án nokkurs faglegs eða vísindalegs rökstuðnings. Þau okkar, sem reyndu að vara við á fyrstu stigum, voru ekki virt viðlits af heilbrigðisyfirvöldum og stjórnmálamönnum, sem bera ábyrgð á þessum hörmungum.

Skaðsemi viðbragða þeirra, gerræði og einsýni, mun vonandi verða brotin til mergjar við dómstóla – líka á Íslandi. Nokkur mál hafa reyndar þegar komið til kasta dómstóla.

Það er skelfilegt til þess að hugsa, að nefnd viðbrögð hafi verið skipulögð og æfð fyrir tilstilli alþjóðlegs auðvalds, stofnana þeirra – m.a. Alþjóðaheilbrigðisstofnunarinnar (World Health Organization)- og sjóða, ásamt stjórnvöldum.

Skoðanaofbeldi hagsmunaaðilja og samvinna fjölmiðja, stjórnvalda og leyniþjónustu um þá ósvinnu, var við brugðið og ekki síður ógnvænlegt.

https://profiles.stanford.edu/ian-gotlib https://www.prosecutenow.io/?fbclid=IwAR2BPY9sLA_Uob0JA_3X9rnrlGlY_OFO8n1neJYYwvtpjaWu0_NkbcqBjU8 https://expose-news.com/2022/08/22/female-children-57percent-increase-deaths-after-covid-vaccination/ https://humsci.stanford.edu/ https://krossgotur.is/twitter-skjolin-adeins-blabyrjunin/?fbclid=IwAR2YNzfWeQU3eK23-Pc0VrqADfhP5pDGtn7sKx2J5ln5VecOeRAA4XbbPCA https://expose-news.com/2022/10/01/usa-children-injured-covid-vaccination/ https://www.unicef.org/press-releases/child-labour-rises-160-million-first-increase-two-decades https://expose-news.com/2022/12/14/strepa-covid-vaccination-killing-children/ https://data.unicef.org/resources/child-labour-2020-global-estimates-trends-and-the-road-forward/ https://expose-news.com/2022/09/24/europe-more-excess-deaths-2022-than-2020-2021/ https://www.project-syndicate.org/commentary/tackling-covid19-hunger-education-crisis-by-gordon-brown-and-mark-lowcock-2021-02 https://www.ed.ac.uk/news/2020/shutting-schools-increases-covid-19-deaths-study-f https://expose-news.com/2022/10/02/23k-children-dead-europe-after-covid-vaccination/ https://psykologtidsskriftet.no/fagessay/2021/06/sosial-nedstengning-og-suicidalitet-hos-ungdom https://expose-news.com/2022/10/25/58k-children-injured-covid-vaccination-in-the-usa/ https://www.indiatoday.in/education-today/news/story/closure-of-1-5-million-schools-in-india-due-to-covid-19-pandemic-impacts-247-million-children-1775892-2021-03-05 https://www.uib.no/igs/135092/bergen-i-endring-covid19-studien-bie-studien https://www.economist.com/international/2022/07/07/covid-learning-loss-has-been-a-global-disaster https://www.bt.no/btmeninger/debatt/i/weRXan/ungdom-rammes-hardt-av-roedt-nivaa?fbclid=IwAR2yWwgRsrsbVvAydpGOwDgm8t-AfXSms2CTH7rEGmFJ4ItZT_ZHYIVpVo0 https://www.cdc.gov/media/releases/2022/p0331-youth-mental-health-covid-19.html https://www.sciencedirect.com/science/article/pii/S2667174322001422?via%3Dihub

Kvennavernd á Íslandi. GREVIO skýrslan og kvenfrelsunarkirkjan: I

Eins og marga vafalaust rekur minni til var árið 2011 gerður evrópskur samningur um vernd kvenna og barna á vettvangi Evrópuráðsins, „Samningur Evrópuráðsins um forvarnir og baráttu gegn ofbeldi á konum og heimilisofbeldi“ (Council of Europe Convention on Preventing and Combating Violence Against Women and Domestic Violence).

Í daglegu tali er skírskotað til hans sem Evrópusamningsins, Miklagarðs- eða Istanbul samningsins (Istanbul Convention). Samningurinn hefur verið undirritaður af tæplega fjörutíu ríkjum álfunnar, fullgiltur á Alþingi Íslendinga árið 2018.

Í samningnum stendur: Samningsaðiljar „gera sér grein fyrir að ofbeldi gegn konum er birtingarform sögulegs ójafnvægis í valdahlutföllum milli kvenna og karla sem leitt hefur til drottnunar karla yfir og mismununar gegn konum og kemur í veg fyrir fullan framgang þeirra [og] viðurkenna að ofbeldi gegn konum er í eðli sínu kynbundið ofbeldi og ofbeldi gegn þeim er eitt helsta félagslega tækið til að neyða konur til að skipa lægri sess í samfélaginu en karlar, ...“

„[K]ynbundið ofbeldi gegn konum“ merkir ofbeldi sem er beint að konu vegna þess að hún er kona eða ofbeldi sem konur verða hlutfallslega meira fyrir,...“

Jafnréttisstofa lýsir samningnum svo:

„Samningur um forvarnir og baráttu gegn ofbeldi á konum og heimilisofbeldi, svokallaður Istanbúlsamningur, var samþykktur á vettvangi Evrópuráðsins 11. maí 2011 og undirritaður af íslenskum stjórnvöldum sama dag.

Um er ræða fyrsta bindandi samninginn sem tekur heildstætt á baráttunni gegn ofbeldi gegn konum. Í megindráttum kveður hann á um skyldur opinberra aðila til að:

Tryggja réttindi brotaþola [bæði notað um konur (venjulega), sem samkvæmt dómsúrskurði eru ofbeldisþolendur, og konur, sem eru sakaráberar (venjulega)]; vernda og aðstoða þær konur sem verða fyrir ofbeldi; fræða almenning, stjórnvöld og fagaðila; sinna forvörnum gegn ofbeldi; bjóða ofbeldismönnum úrræði og meðferð. [Hér er átt við karlmenn.]

Í mars 2016 náðist fyrsti áfangi í fullgildingu Istanbúlsamningsins hér á landi með gildistöku breytinga á almennum hegningarlögum. Þar eru m.a. var sett í lög ákvæði um heimilisofbeldi, nauðungarhjónabönd og þvingaðar ófrjósemisaðgerðir auk breytinga er lúta að lögsögu og fyrningarreglum.

Samkvæmt samningnum hafa stjórnvöld einnig skyldur sem kalla á aðgerðir til að fyrirbyggja og veita vernd gegn ofbeldi. Skyldur þessar snúa m.a. að; rekstri kvennaathvarfa; starfrækslu neyðarnúmers; þjónustu við þolendur; meðferðarúrræði fyrir gerendur.”

Katrín Jakobsdóttir segir í þessu sambandi: „Ég er stolt af því að tilheyra pólitískri hreyfingu, Vinstri hreyfingunni – grænu framboði, sem hefur um langa hríð haft kvenfrelsi sem einn af hornsteinum sinnar stefnu. Þessar áherslur hafa ratað inn í ríkisstjórnarsamstarfið og get ég meðal annars nefnt að aðgerðaáætlun um úrbætur í meðferð kynferðisbrota hefur verið fjármögnuð að fullu og Istanbúl samningurinn var fullgiltur sl. vor.“

Samningurinn dregur dám af svipuðum samningi Sameinuðu þjóðanna (Sþ). Grunnstefið er það sama: Kvenvernd, valdefling kvenna og vernd barna gegn feðrum sínum. Samningur um afnám allrar mismununar gagnvart konum var samþykktur af SÞ árið 1979, oftlega kallaður kvennasáttmálinn.

Beijing (Peking) aðgerðaáætlun Sþ sá dagsins ljós 1995.

„[F]yrir konum og femínistum er Peking aðgerðaráætlunin ein sú merkasta sem tuttugasta öldin gaf af sér,“ segir Jafnréttisstofa. Félags- og jafnréttismálaráðherra segir í árskýrslu sinni 2018 um samninginn: „Hann er fyrsti lagalega bindandi alþjóðasamningurinn sem tekur heildstætt á baráttunni gegn ofbeldi gegn konum og kveður á um réttindi brotaþola og skyldur opinberra aðila til að sinna forvörnum gegn ofbeldi, veita vernd og aðstoða konur sem verða fyrir ofbeldi, fræða almenning, stjórnvöld og fagaðila og bjóða ofbeldismönnum [körlum] úrræði og meðferð.

Fullgilding samningsins af Íslands hálfu er í samræmi við efni stjórnarsáttmála ríkisstjórnarinnar og áherslur hennar í jafnréttismálum þar sem sérstaklega er fjallað um aðgerðir til að útrýma kynbundnu ofbeldi.“

Fjöldi sveitarfélaga í Evrópu, innan vébanda „Evrópuráðs sveitarfélaga og héraða“ (Council of European Municipalties and Regions) hefur skrifað undir „Evrópusáttmála um jafna stöðu kvenna og karla í sveitarfélögum og héruðum“ (The European Charter for Equality of Women and Men in Local Life).

Aftur að Evrópuráðssamningum: Ráðið kom sér saman um að setja á stofn eftirlitsskrifstofu, sem heitir því langa nafni: „Secretariat of the monitoring mechanism of the Council of Europe Convention on Preventing and Combating Violence againt Women and Domestic Violence.“ Hópurinn segir sig óháðan.

Eftirlitsskrifstofan er hópur tíu kvenna: Sérfræðingahópur gegn ofbeldi í garð kvenna og heimilisofbeldi“ (GREVIO – Group of experts on action against violence against women and domestic violence – Istanbul convention). Sendisveit sérfræðinga á vegum hópsins kom á vormánuðum (2022) til Íslands til að kanna frammistöðu landans.

Skýrsla sérfræðinga GREVIO, útgefin 14. nóvember 2022. Kaflaskiptingin er þessi: Í fyrsta kafla er fjallað um almenn grundvallaratriði í sáttmálanum sjálfum; í kafla tvö er fjallað um samþættingu ákvæða og gagnsöfnum; í kafla þrjú er sjónum beint að ofbeldisvörnum; í fjórða kafla tekur við umfjöllun um vernd og stuðning við fórnaralömb; löggjöf er meginefni fimmta kafla; sjötti kafli er helgaður lögreglurannsóknum og réttarfari. Efnislegri umfjöllun lýkur á kafla um flóttamenn og móttöku þeirra.

Sendinefnd GREVIO sækir víða fanga um upplýsingar, m.a. hjá opinberum aðiljum. Það vekur athygli, að Kvenréttindafélag Íslands, Mannréttindastofa Íslands, Kvennathvarfið í Reykjavík og Stígamót, skrifuðu sameiginlegt álit, sem sérfræðingar GREVIO studdust við. En það var viðauki við skýrslu íslenskra yfirvalda til eftirlitsstofnunarinnar.

Sérfræðingahóp GREVIO skipuðu albanski blaðamaðurinn og kvenfrelsunaraðgerðasinninn, Iris Lurasi, forseti GREVIO; svissneski kvenfrelsarinn, Marie-Claude Hofner. Hún hefur m.a. haft sérstakar áhyggjur af konum og börnum, sem hafa lokast inn á heimilum sínum í covid-19 faraldrinum með ofbeldismanninum, heimilisföðurnum; breski mannréttindalögfræðingurinn, Louise Hooper, sérhæfð í kynjarétti; og Sabrina Wittmann, lögfræðingur og framkvæmdastjóri áðurnefndrar skrifstofu. „Das Private ist rechtpolitisch“ (réttarfarið nær til einkamála), segir hún. Það hljómar kunnuglega úr baráttu kvenfrelsaranna til breytinga á lögum og beitingu þeirra í baráttu sinni gegn körlum og fyrir valdeflingu kvenna.

Hildur Sunna Pálmadóttir, ráðgjafi hjá Dómsmálaráðuneytinu, valdi viðmælendur sérfræðinganna. Hildur Sunna er lögfræðingur og sérfræðingur ráðuneytisins í kynofbeldi. Stjórnarráðiðið segir:

„Vitundarvakningu dómsmálaráðherra, Neyðarlínunnar, ríkislögreglustjóra og hinna ýmsu samstarfsaðila gegn ofbeldi verður fram haldið með áherslu á að vinna gegn ofbeldi og áreitni í aðdraganda hátíðanna. Þetta er í samræmi við tillögur starfshóps um forvarnir og vitundarvakningu gegn kynbundnu ofbeldi en starfshópinn skipa Sigríður Björk Guðjónsdóttir [Ríkislögreglustjóri, lögfræðingur], Guðfinnur Sigurvinsson [stjórn¬sýslu¬fræðing¬ur og aðstoðarmaður þing¬flokks Sjálf¬stæðis¬flokks-ins,“ segir Morgunblaðið], Hildur Sunna Pálmadóttir [lögfræðingur] og Eygló Harðardóttir.“ Eygló er list- og viðskiptafræðingur, fyrrum ráðherra Framsóknarflokksins, segir Alþingi. (Hún þáði m.a. ráðgjöf hjá flokkssystur sinni, Sif Friðleifsdóttur, fyrrum ráðherra, fyrir fimmtán milljónir fyrir nokkrum árum.)

Á meðal útvalinna viðmælenda eru háttsettir embættismenn (high-level public figures) eins og Sigríður Björk Guðjónsdóttir, ríkislögreglustjóri og kvenfrelsari. Hún var einn ákafasti talsmaður „austurrísku leiðarinnar“ í heimilisofbeldismálum. Sú leið fólst í því að fjarlægja karla/feður af heimilum sínum, væri undan þeim kvartað.

Ragna Bjarnadóttir, deildarstjóri hjá Dómsmálaráðuneytinu er einnig nefnd til sögu. Morgunblaðið segir: „Ragna Bjarnadóttir lauk embættisprófi í lögfræði frá Háskóla Íslands 2006 og meistaraprófi frá Oxfordháskóla 2009. Ragna var aðstoðarsaksóknari hjá embætti ríkissaksóknara árin 2006 til 2008, aðstoðarsaksóknari og deildar-stjóri hjá lögreglustjóranum á höfuðborgarsvæðinu 2009-2010, var lögfræðingur hjá Mannréttindadómstóli Evrópu 2011 til 2014 og hefur verið stundakennari við laga-deildir HÍ og Háskólans í Reykjavík. Frá árinu 2016 hefur Ragna starfað sem lög-fræðingur í innanríkisráðuneytinu, nú dómsmálaráðuneytinu.“ (II hluti fylgir.)

Auðnulaus með örflögur í heilanum og flugu í höfðinu. Uppfærsla homo sapiens og stundarfjórðungssnjallborgin

Útvortis líffæri okkar, snjallsíminn, er á leið inn í miðtaugakerfið. Innan fárra ára er líklegt, að saman fari skylda til bólusetninga (aragrúi bóluefna er þegar til reiðu) og skylda til ígræðslu örflaga til innri og ytri samskiptatækni, temprunar og stjórnunar.

Ígræðslur eru þegar hafnar, bæði í heilsubætandi augnamiði og til hagræðingar. Þannig er tækniofbeldið iðulega kynnt. T.d. býðst ensk-pólskt fyrirtæki til að skjóta örflögu inn í handarbakið, sem má nota til að opna með bílinn og/eða samþykkja greiðslur. (Svipuðum skilríkjum er skotið inn í makkann á hrossum.)

Áhugamenn um ofangreint og hagsmunaaðiljar undir forystu Alþjóðaefnahagsráðsins (World Economic Forum), vilja, að við búum í svokölluðum snjallborgum, Þar er hamingjan er innan seilingar. Í snjallborginni munum við njóta stjórnunar frá samhæfingarmiðstöð yfirvalda, sem m.a. deilir út hlýðnistigum.

Innistæða hlýðnistiga (social credit score) mun ráða því, hvað við getum gert og hugsað. (Í Kína er mótuð fyrirmynd.) Andófshugsanir - og haturorðræða að sjálfssögðu - verður svæfð í miðtaugakerfinu af innbyggðum ritskoðurum hugsunar- og ritskoðunareftirlits yfirvalda. Það mun vinna með svipuðum hætti innvortis og það gerir nú útvortis í fjölmiðlum, embættis- og dómskerfi.

Góð heilsa verður tryggð með líftækninæringu, bólusetningum og lyfjum. Eftirlitið verður í höndum Landlæknis. Fylgst verður hræringum innan rifja sem og útvortis, svo gera megi áreiðanlega sjúkdóms- eða geðgreiningu. Eins og svo oft áður í sögunni kemur geðlæknisfræðin að gagni við að greina andleg heilsufrávik, vopnuð sjúkdómsgreiningaskrá.

Geðgreiningar og þvingunarmeðferð af ýmsu tagi í þágu valdhafa er hvergi nærri ný af nálinni. Andóf var t.d. sjúkdómur í Ráðstjórnarríkjunum sálugu og Þýskalandi nasistanna. Nú eru öndverðar skoðanir á covid-19, þ.e. miðað við rétttrúnað lyfjafyrirtækja og yfirvalda, orðinn geðsjúkdómur á Vesturlöndum. Aðsóknargeðveiki heitir það. Slíkir sjúklingar sæta nauðungarinnlögn og lyfjagjöf.

Efasemdarmenn um trúna á hamfarahlýnun, veiruhamfarir, kynleysuna og kúgun karla á konum, munu hljóta sömu örlög og þeir karlmenn, sem um þessar mundir eru dæmdir fyrir kynóþokkaskap eða eru staðnir að vantrú á gildi kvenfrelsunarguðspjallsins. Þeir eru skikkaðir í meðferð eða hugmyndafræðilega endurhæfingu eins og hugmyndafræðivillingarnir í Kína.

Líknarsjálfsvíg (medically assisted death - MAID) verður á boðstólnum í heilbrigðiskerfi snjallborganna fyrir vansælar afætur og „gagnslaus átvögl“ (useless eaters). Kanadíska heilbrigðiskerfið býður slík úrræði nú þegar og í Evrópu hefur verið hannaður hentugur búnaður í þessu skyni. Í Kanada er í undirbúningi löggjöf, sem heimilar ríkisvaldinu að veita börnum líknarsjálfsvígsþjónustu, að foreldrunum forspurðum. (Sama þróun og við kynskiptingu.) Andlát af völdum líknarsjálfsvíga er sjötta algengasta dánarorsökin í Kanada á líðandi stundu.

Stundum er skammt á milli lífs og dauða. Í ljósi þeirrar staðreyndar, að sæðisframleiðsla karlmanna minnkar stöðugt og ófrjósemi eykst hjá báðum kynjum vegna covid-19 bólusetningar, hafa vísindamenn gert gangskör að því að framleiða „gervilífmóður“ (artificial womb). Hún hefur þann stóra kost að frelsa konur endanlega frá þeirri kúgun að bera börn.

(Kvenfrelsarar hafa reyndar bent á, að nóg sæði sé til í sæðisbönkum. Því sé engu að kvíða. En þó megi slá varnagla með því að setja um tíunda hluta karlmanna á vetur, samkvæmt mælistikum þeirra um heilbrigða karlmennsku.)

Í snjallsamfélaginu er því von til þess, að kúgun karla á konum réni umtalsvert, enda er valdefling og frelsun kvenna og barna, sérstakt markmið í áætlunum Sameinuðu þjóðanna um sjálfbærni 2030 og í áætlunum Evrópuþjóða og Alheimsefnahagsráðsins.

Endanleg frelsun kvenna verður væntanleg tryggð með svokallaðri gervilífmóður. Snillingarnar, sem dútla sér við þróun þessa þjóðþrifatækis, kalla uppfinningu sína „enduruppgötvun þróunarinnar.“ Í gervilífmóðurinni má fikta að vild við erfðirnar og velja kyn fósturs. Tæknin er raunar óspart notuð í dag á Vesturlöndum til að fækka sveinbörnum. Þetta er sannkölluð líftæknigervilífmóðir.

Eins og gefur að skilja eru uppgrip í taugaboðsstjórnunar- og líftækni um þessar mundir. Aurasálin og mannvinurinn, Bill Gates, hefur nú þegar sótt um einkaleyfi á tæknitaugaboðum innan rifja, því – eins og áður er ýjað að – verður eftirlitið (biometric surveillance) holdtekið (under the skin), samkvæmt Yuval Noah Harari, framtíðarhugmyndfræðingi Bill og félaga í Alheimsefnahagsráðinu. (World Economic Forum).

Snjallborgir rísa á líðandi stundu. Í eyðimörk í Miðausturlöndum hefur verið grafinn grunnur að snjallborg á vegum olíufursta nokkurs. Í Öxnafurðu (Oxford) er þegar farið að beita svonefndu stundarfjórðungsskipulagi á eldri hluta borgarinnar. Það snilldarskipulag felur í sér, að allt, sem hugurinn girnist, megi nálgast innan stundarfjórðungs. Komið verður í veg fyrir ráp milli borgar-, lands- og heimshluta. Þú munt geta ferðast og átt samskipti í þrívídd eða farið í tölvuleik, ef þér leiðist. Tölvuleikir verða í boði stjórnvalda eins og bóluefni og lyf.

Detti þér í hug að skreppa út í rétt eða gerði – eins og okkur var úthlutað í covid-fárinu - munu nagandi áhyggjur af hamfarahlýnun, banvænum gróðurhúsalofttegundum eða sólbruna, heyra sögunni til. Yfirvöld munu beita nýjustu sólskjaldartækni (geoengineering) til að firra þig slíkum áhyggjum.

Vottuð réttrúnaðarfjölmiðlun, eftirlitsmyndavélar, innra og ytra eftirlit, mun auðvelda valdhöfum það vandasama hlutverk að hlúa að heilsu þinni, hugsun og hamingju, útvega réttar fréttir, móta skilning þinn á veröldinni, úthluta hlýðnistigum og sjá um fjárvörslu og ráðstöfun rafskildinga þinna í Rafmyntabanka ríkisins.

Matvæladreifing yfirvalda mun sjá til þess, að engin óhollusta verði á boðstólnum, bara afurðir frá skordýrabúgörðunum úr erfðabreyttum örhúsdýrum (micro livestock), m.a. erfðatæknikjeti - Bill Gates hefur þegar tryggt sér margvísleg einkaleyfi í þessu sambandi – og nú þegar er alls konar gómyndi á vegum fyrirtækja hans og annarra á boðstólnum.

Þó gæti verið, að á tímabili gefist kostur á katta- og hundakjötskássu, því þeim óværum verður að slátra – samkvæmt boði Klaus Schwab – til að takmarka myndun gróðurhúslofttegunda.

Þú munt ekki þurfa að rogast með bólusetningavottorð, vegabréf eða skilríki af nokkru tagi. Lögregla og önnur yfirvöld skanna barasta örflögu undir húð eins og áður er tæpt á. Aukin heldur munu alþjóðleg njósnaforrit í snjallsímanum senda upplýsingar til alþjóðlegra yfirvalda eins og hins nýja alvalds, Alþjóðasmitvarnastofnunarinnar, sem Alþjóðaheilbrigðisstofnunin hefur í bígerð.

Leyfi til athafna og hugsana verður skilyrt kolefnissporinu. Nú þegar á sér stað gamalkunn samvinna yfirvalda og fyrirtækja – fjárfestingarsjóðirnir, ekki síst Svarti klettur (Black Rock) og Vanguard eru umsvifamiklir – um svokallaða umhverfis-yfirvalda-fyrirtækja-stjórnun (environmental, social, and corporate governance - ESG). Þetta er hliðstætt fyrirkomulaginu við bólusetningu heimsbyggðarinnar.

Það vill þó svo bölvanlega til, að hvorki meira né minna en nítján ríki Bandaríkja Norður-Ameríku neita að láta stjórnast, hafa fengið „kul í iljarnar,“ og mótmæla boðberum kvenfrelsunarsnillinnar um kolefnishlutlaust og veirulaust öreigaalsæluumhverfi, þ.e. snjallborgir, Sameinuðu þjóðanna og Alheimsefnahagsráðsins.

Hin snjalla Katrín Jakobsdóttir berst með oddi og eggju fyrir slíku sælusamfélagi, samkvæmt sjálfbærnimarkmiðum Sameinuðu þjóðanna fyrir 2030 og lærimæðra sinna og -feðra í Alheimsefnahagsráðinu. Hún er dyggileg studd af stjórn sinni.

https://articles.mercola.com/sites/articles/archive/2022/12/12/the-great-reset.aspx?ui=50823ccf152775dc8e8154c0ff79da522ef0aa959b384df904857f2fc49c6730&sd=20221129&cid_source=dnl&cid_medium=email&cid_content=art3HL&cid=20221212_HL2&cid=DM1305034&bid=1667419833https://articles.mercola.com/sites/articles/archive/2022/12/12/the-great-reset.aspx?ui=50823ccf152775dc8e8154c0ff79da522ef0aa959b384df904857f2fc49c6730&sd=20221129&cid_source=dnl&cid_medium=email&cid_content=art3HL&cid=20221212_HL2&cid=DM1305034&bid=1667419833 https://thegrayzone.com/2022/12/06/files-anomaly-6-firm-spyware/ https://corbettreport.substack.com/p/marc-morano-writes-the-great-reset?utm_source=substack&utm_medium=email https://www.foreignaffairs.com/world/autocrat-in-your-iphone-mercenary-spyware-ronald-deibert?utm_medium=promo_email&utm_source=pre_release&utm_campaign=pre_release_120522&utm_content=20221212&utm_term=all-special-send https://expose-news.com/2022/12/12/the-weaponisation-of-psychiatry/ https://www.medrxiv.org/content/10.1101/2022.11.22.22282650v1 https://www.youtube.com/watch?v=O2RIvJ1U7RE https://thefreethoughtproject.com/be-the-change/world-economic-forum-reveals-plan-to-block-out-the-sun-with-space-bubbles-seriously https://www.theepochtimes.com/one-size-fits-all-dangerous-drugs-must-give-way-to-personalized-medicine_4905019.html https://humansbefree.com/2022/08/world-economic-forum-there-are-rational-reasons-to-microchip-your-child.html?fbclid=IwAR24IAk77up0_3qbTAmrs9rMnqFSPZpqf1UMdml7e55_APnIzK5oAdvP-bQ https://expose-news.com/?s=fertility https://www.nationalreview.com/corner/canadian-childrens-activity-book-indoctrinates-kids-into-euthanasia/ https://scienceandstuff.com/ectolife-artificial-wombs/ https://expose-news.com/2022/12/12/artificial-wombs-would-reinvent-evolution/ https://www.thefp.com/p/scheduled-to-die-the-rise-of-canadas https://stopworldcontrol.com/cry-freedom/?inf_contact_key=2c7c7811fbfa24096bae4724c75e3d82cc0558ed5d4c28cbfab114022b1ec50d https://www.deseret.com/2022/11/4/23401482/canada-euthanasia-laws-mature-minors-medical-aid-in-dying https://www.facebook.com/kla.tv.island/videos/791064165290753 https://rumble.com/v1zvd5y-wef-wants-to-slaughter-millions-of-pet-cats-and-dogs-to-fight-climate-chang.html https://unfccc.int/blog/the-15-minute-city https://breggin.com/admin/fm/source/6905_breggin/uploads/2008/01/psychiatrysrole.pbreggin.1993.pdf https://expose-news.com/2022/12/11/a-third-of-all-jobs-will-disappear-by-2030/ https://www.facebook.com/kla.tv.island/videos/1075209883170607 https://www.facebook.com/kla.tv.island/videos/419927800277085/ https://thehighwire.com/videos/whistleblower-nurse-exposes-rise-in-fetal-demise/ https://www.facebook.com/kla.tv.island/videos/838449040729627 https://rumble.com/v1z2ae8-bill-gates-patent-gives-him-exclusive-rights-to-computerize-the-human-body.html https://articles.mercola.com/sites/articles/archive/2022/12/10/redesign-of-food-system-plot-for-control.aspx?ui=50823ccf152775dc8e8154c0ff79da522ef0aa959b384df904857f2fc49c6730&sd=20221129&cid_source=dnl&cid_medium=email&cid_content=art1HL&cid=20221210&cid=DM1303633&bid=1665969977 https://www.thetimes.co.uk/article/oxford-set-to-cut-its-famous-traffic-jams-by-degrees-nqkrd5xhd https://expose-news.com/2022/12/10/blackrock-and-vanguard-come-under-fire/ https://articles.mercola.com/sites/articles/archive/2022/12/10/surveillance-capitalism.aspx?ui=50823ccf152775dc8e8154c0ff79da522ef0aa959b384df904857f2fc49c6730&sd=20221129&cid_source=dnl&cid_medium=email&cid_content=art3HL&cid=20221210&cid=DM1303633&bid=1665969977 https://www.skynews.com.au/opinion/prepare-for-climate-lockdowns-rogue-british-council-wants-to-strip-you-of-freedoms-and-everyday-liberties/video/71b628310f0285f653a23cd62d7fadf6 https://www.visionnews.online/post/climate-lockdowns-canterbury-joins-oxford-as-second-city-to-introduce-controversial-scheme https://www.oxfordmail.co.uk/news/23073992.traffic-filters-will-divide-city-15-minute-neighbourhoods/ https://www.visionnews.online/post/oxfordshire-county-council-pass-climate-lockdown-trial-to-begin-in-2024 https://www.dailysignal.com/2022/08/24/canada-is-euthanizing-its-sick-and-poor-welcome-to-world-of-government-health-care

Konur þurfa að leggja meira á sig til að ná langt í starfi

Vísir birti grein þann áttunda desember með þessum titli. Höfundur er Auður Ösp Guðmundsdóttir. Hún fjallar um BA ritgerð, unna af nemenda í uppeldis- og menntafræðum við Háskóla Íslands.

Almennt er ekki gert ráð fyrir vísinda- eða fræðaafrekum í BA ritgerð. Engu að síður gefur þessi og fleiri á sama fræðastigi, smjörþefinn af vísindamennsku hinnar ábyrgu menntastofnunar. Greinarhöfundi hefur greinilega metið það svo, að ritgerðin hafi sérstakt fréttagildi. Það endurspeglast væntanlega í titlinum.

Þegar gluggað er í ritgerðina sjálfa kemur margt fróðlegt í ljós. Hér er stiklað á stóru, en ég hvet lesendur með áhuga á kvenfrelsunarvísindum til að skoða hana nánar:

„Á vinnumarkaði mæta konur oft ótal hindrunum og þegar konur verða mæður þá virðast þær aukast til muna. …

Það er gjarnan litið á mæður sem aðal umönnunaraðila barna sinna. Það er lögð áhersla á að þær verji tíma með börnum sínum og sinni þeim eftir bestu getu. …

Eigindleg aðferðafræði var notuð í rannsókninni. Tekin voru fjögur viðtöl við mæður á aldrinum 37 til 39 ára sem áttu það sameiginlegt að vera á framabraut og jafnframt í gagnkynja parasambandi. Gögnin voru greind með þemagreiningu Braun og Clarke (2006; 2013). …

Slík viðtöl henta vel þegar afla á upplýsinga frá viðmælanda um efnið sem verið er að rannsaka (Helga Jónsdóttir, 2013; Lichtman, 2013). Viðtölin fela í sér samtal milli viðmælanda og rannsakanda þar sem rannsakandi hefur ákveðið umræðuefnið fyrir fram en viðmælandinn mótar áherslurnar út frá eigin þekkingu og reynslu. …

Til að nálgast viðmælendur notaði rannsakandi tvær úrtaksaðferðir, tilgangs- og sjálfboðaliðaúrtak. Með tilgangsúrtaki er leitað eftir viðmælendum sem deila sameiginlegri reynslu á því sem rannsakað er hverju sinni. Sjálfboðaliðaúrtak byggir á því að viðmælandi bjóði fram þátttöku sína. …

Ég vil þakka Lóu Guðrúnu Gísladóttur, leiðbeinanda mínum, fyrir góðan stuðning og traust í ferlinu. Einnig vil ég þakka foreldrum mínum fyrir mikinn stuðning í gegnum námið og þá sérstaklega mömmu sem hefur gefið sér mikinn tíma í yfirlestur verkefna. …

Ég hef lengi haft áhuga á að skoða jafnrétti kynjanna og því lá beinast við að lokaverkefni mitt til BA prófs í uppeldis- og menntunarfræði myndi tengjast kynjajafnrétti. Að mínu mati er móðurhlutverkið eitt magnaðasta en jafnframt áhugaverðasta hlutverk sem hægt er að taka að sér. Ég dáist að mæðrum og er heppin að eiga eina frábæra sjálf. …

Kynferði er þáttur sem getur haft mótandi áhrif á líf einstaklinga (Þórdís Þórðardóttir og Steinunn Helga Lárusdóttir, 2016). …

Konur þurfa til að mynda enn að berjast fyrir ótal réttindum því oftar en ekki bitnar misréttið á þeim (Gyða Margrét Pétursdóttir, 2012a). …

Það er gjarnan litið svo á að það sé í eðli kvenna að verða mæður og hugsa um börn (Annadis Greta Rúdólfsdóttir og Berglind Rós Magnúsdóttir, 2020). …

Það er von rannsakanda að niðurstöðurnar veiti góða innsýn í málefnið og veiti samfélaginu aukinn skilning á stöðu mæðra á framabraut. Það er einnig óskandi að niðurstöður rannsóknarinnar bendi á þær hindranir sem geta fylgt því að samræma þessi krefjandi hlutverk og að þær opni augu samfélagsins fyrir því sem má gera betur. …

Vinna mæðra felst ekki einungis í því að elda mat og sækja í tómstundir heldur sinna þær einnig meginþorra tilfinningavinnu heimila (Curran o.fl., 2015). Tilfinningavinna er hugtak sem hefur verið mikið í umræðunni undanfarið og það má skilgreina hana sem athafnir sem eiga að auka undir velfarnað annarra og það að veita tilfinningalegan stuðning. …

Í rannsókn Ciciolla og Luthar (2019) kemur fram að þessi mikla og jafnframt ósýnilega vinna mæðra geti leitt til tilfinningalegra vandamála, þreytu og þunglyndis. …

Þessi tilfinningarvinna hefur einnig verið þekkt undir nafninu hugræn byrði (e. mental load) eða þriðja vaktin. Undanfarið hefur aukin athygli verið vakin á þriðju vaktinni og hana má skilgreina sem ólaunaða og ósýnilega ábyrgð sem konur og mæður bera meginþungann af (Power, 2020). …

Þegar konur komast í háttsettar stöður halda þær áfram að mæta hindrunum og áskorunum í starfi vegna kyns. …

Allar mæðurnar voru samdóma því að starfsumhverfi þeirra væri karllægt og þar ríkti „mikið feðraveldi.“ …

Flestar höfðu þær lent í atvikum þar sem karlkyns samstarfsfélagi talaði niður til kvenna á einn eða annan hátt. … Rannsóknin gaf mér góða innsýn inn í líf mæðra á framabraut. …

Ég vona að mæðurnar verði sannspáar um að hlutirnir séu að breytast í rétta átt og að hið svokallaða feðraveldi sé á undanhaldi með nýjum kynslóðum.“

Eftir lestur margra ritgerða af þessu tagi er erfitt að verjast þeirri hugsun, að um ákveðið sniðmót sé að ræða. Fræðilegar forsendur eru þær sömu, gamlar og nýjar kvenfrelsunartuggur um feðraveldið og kúgun kvenna.

Aðferðin er oft kölluð „eigindleg.“ Þá spjallar rannsakandi, kvennemandi, við fáeinar konur, sem áhuga hafa á efninu. Það kalla þær „þemagreiningu.“ Venjulega þykir skilningur karla á þeirri kynsameiginlegu veröld, sem um er fjallað, ekki áhugaverður.

Kannanir miðast iðulega við hinn margrómaða reynsluheim kvenna, t.d. um skiptingu verkefna á heimili. (Ég rek ekki minni til þess, að spurt hafi verið um, hvort bóni bílinn.)Venjulega eru mæður heimildin um þroska, uppeldi og aðbúnað barna.

Niðurstaðan er líka stöðluð: Konur eru fórnarlömb karla. Rannsóknir sem þessar koma á færibandi.

Höfundar þeirra fá síðar störf hjá hinu opinbera, margir við uppeldi og kennslu – einstaka við kvenfrelsunarjöklafræði, aðrar rata inn í kynofbeldisiðnaðinn eða kvenfrelsunarstjórnsýslu hins opinbera.

https://skemman.is/bitstream/1946/42512/1/Lokaverkefni%20-%20BDBxx.pdf https://www.visir.is/g/20222349858d?fbclid=IwAR0uOIFaPzBsVqfKIfaNdeuw66NBo6cCQLODESLP4NZVtyMHnXw3j3IeB6E