Bloggfærslur mánaðarins, febrúar 2022

Lýðeinræðið er handan við hornið. Naomi R. Wolf

Naomi R. Wolf hefur skrifað athygliverða og fróðlega grein um þær hættur, sem að lýðræðinu stafa. Hún spáði, skömmu fyrir samþykkt neyðar- eða herlaga í Kanada, fyrir um þær aðgerðir, sem Justin Trudeau, myndi gefa fyrirskipanir um; líkamlega valdbeitingu gegn vöruflutningabílstjórum sínum og hótunum um inngrip í afkomu og fjölskyldulíf. Auk þess yrðu bílstjórarnir notaðir sem blórabögglar fyrir efnahagsóreiðu í ríkinu. Allt þetta hefur gengið eftir.

Naomi bendir á, að Justin hafi nú svo víðtækar heimildir, að honum sé hægur vandi að gera andstæðinga sína í stjórnmálum óvíga. Jafnvel senda þingmenn heim eins og gerðist í Ástralíu. Einræðissinnar á borð við Justin virðast líta svo á, að þing sé valkvætt – og að þeir hafi valdið til að velja, hvort það starfi og þá hvernig.

Naomi víkur einnig að ofbeldi gegn mótmælendum í París fyrir skömmu. Þar situr skólabróðir Justin við völd. Alheimsefnahagsráðið hefur skólað þá báða eins og Katrínu Jakobsdóttur. Naomi bendir á augljósa hliðstæðu við Hitler og Mussolini. Þeir voru líka strengjabrúður auðjöfra og kosnir á þing.

Hún lítur sér nær, til eigin lands hinna frjálsu. Jósef hefur nú í hyggju að framlengja veiruneyðarástandinu, sem gefur honum feiknaleg völd. Hún segir m.a.:

„Lýst var yfir Covid-19 neyðarástandi í Bandaríkjunum fyrir hartnær tveim árum, í upphafi alheimsfaraldurs. [12. mars 2020.] Þar, sem nú er um „faraldur“ að ræða, stríðir það gegn allri skynsemi og vísindum að framlengja neyðarástandinu.“

Framlenging felur m.a. annars í sér vald til að verja skattgreiðslum borgaranna til að halda veiruleiksýningunni áfram, m.a. með grímuþvingunum og þrálátum þrýstingi til bólusetninga og bólusetningabréfs, lokana og einangrunar.

Naomi hvetur okkur til að gjalda varhug við ískyggilegri umræðu um andlega heilsu í þessu sambandi. Það gæti verið aðdragandi að aðgerðum gegn fólki með óæskilegar skoðanir. Í sömu andrá gerir hún stjórnunarklókindi Alþjóðaefnahagsráðsins að umtalsefni. Ráðið hefur hossað fulltrúum sínum upp í leiðtogastöður hvarvetna, m.a. í Boston. Nú æfa þeir sig í gerræðistilburðum í Kanada með heilsu að yfirvarpi.

https://www.independent.org/news/article.asp?id=14026

Bloggar | 28.2.2022 | 18:22 | Slóð | Facebook

Úkraína, ólga og óöld nasista. Þjóðhetjan Stepan Bandera

Stepan Andriyovych Bandera (1909-1959), var af grískum ættum. Hann fæddist í Galísíu (Halychyna, Galicja), landsvæði, sem ýmist hefur verið hluti af smákonungsveldi eða stærri ríkjasamsteypum eins og sambandsríki Póllands og Litháen og Ungversk-austuríska keisaradæminu. Svæðið liggur í námunda við núverandi landamæri Póllands, vestanvert í því ríki, sem nú er kallað Úkraína.

Galísía hefur um aldir verið suðupottur mismunandi þjóðarbrota, tungumála og trúarbragða, Gyðingar þar á meðal. Héraðið hefur af sagnfræðingum verið nefnt „fátækasta hérað Evrópu.“

Galisía fór ekki varhluta af sífelldum óeirðum í álfunni og fólksflutningum. Þar hafa verið róstur frá alda öðli, landsvæðið leikvangur hagsmunastríða stórvelda álfunnar. Í fyrri heimstyrjöldinni laust þar saman Rússum annars vegar og Miðríkjasambandinu hins vegar (Þjóðverjar, Austurríkismenn, Ungverjar, Ottómanar (Stórtyrkir)og Búlgarar), í baráttu um olíuauðævi héraðsins.

Þegar þeim djöfulgangi lauk, var Galísía innlimað í Pólland, eftir tilvist skammlífs úkraínskt alþýðulýðveldis í Vestur-Úkraínu. Pólverjar og Rússar sömdu frið í Riga í Lettlandi árið 1923. En þar fæddist Ukraína Ráðstjórnarríkjanna (Sovétríkjanna).

Við þessa skiptingu varð hluti úkraínsku þjóðarinnar innlygsa í Póllandi. Rúmur tíundi hluti Pólverja voru þá í raun af úkraínsku bergi brotnir. Þeir stofnuðu skæruliðasamtökin „Úkraínskra þjóðernissinna.“Stepan var aðalhugmyndafræðingur þeirra og tók þátt í skæruhernaði og morðum, dæmdur til dauða fyrir morðið á innanríkisráðherra Pólverja. Hann var þó ekki líflátinn og losnaði úr fangelsi í kjölfar innrásar Þjóðverja í Pólland árið 1939.

Stepan gerðist hliðhollur Þjóðverjum, sem gerðu hann að málaliða sínum, áður en seinni heimsstyrjöldin skall á. Stepan stundaði m.a. njósnir og skemmdarverk á vegum þýsku hernaðarleyniþjónustunnar, Abwehr. Hann lýsti yfir endurreisn úkraínska lýðveldisins, sem Pólverjar höfðu gert að engu. Skömmu, eftir að Þjóðverjar hófu sókn sína í austurveg, veittu þeir umtalsverðu fjármagni til úkraínskra hersveita (Nachtigall og Roland), sem höfðu það verkefni að stunda undirróður og skemmdarverk innan landamæra Ráðstjórnarríkjanna.

Sveitir þessar nutu verndar hernaðarleyniþjónustunnar og ríkisleyniþjónustu Þýskalands, Gestapo. Þegar þýsku hersveitirnar náðu Úkraínu árið 1941, lýstu úkraínskir nasistar yfir sjálfstæðu úkraínsku ríki. Samtímis hófu þeir falsanir, mannrán, ofsóknir, aftökur og fjöldamorð á Gyðingum, Pólverjum og Rússum. Grimmdin var ógnarleg. Kunnust eru trúlega voðaverkin með pyndingum, limlestingum og drápi á tugum þúsunda Pólverja í Volhynia í Austur-Galisíu - að mestu leyti konum og börnum. Fólk var krossfest, kviðrist, limlest, hálshöggvið, brennt og því nauðgað. Slátruninni linnti ekki, fyrr en Rauði herinn skarst í leikinn árið 1945.

En það voru ekki bara Þjóðverjar, sem studdu úkraínsku nasistana. Það gerði einnig breska leyniþjónustan, M16, allar götur frá upphafi fjórða áratugarins. Það gerði einnig hernaðarleyniþjónusta Bandaríkjahers (Counter Intelligence Corps – Army CIC) frá lokum seinni heimsstyrjaldar og Alþjóðleg samtök gegn rússnesku byltingunni. Stepan var myrtur af rússnesku leyniþjónustunni í München.

Árið 1991 ákváðu Úkraínumenn að segja skilið við Ráðstjórnarríkin, sem voru í andaslitrunum, þrátt fyrir hvatningu Bandaríkjaforseta, George Bush eldri (1924-2018), til hins gagnstæða. En hann sneri við blaðinu og beitti sér fyrir stórfelldri efnahagsaðstoð til Úkraínumanna. Samtímis því deildu þeir við Rússa um Svartahafsflotann og Krím, um leið og glæpastarfsemi jókst og umferð með fíkniefni sömuleiðis. Mansal jókst einnig, vændi varð „útflutningsgrein“ og fíkniefnasjúklingum fjölgaði skart. Spilling í efnahags- og stjórnmálum varð landlæg.

Á síðustu árum hefur minning Stepan verið heiðruð með ýmsu móti. Í Lviv, stærstu borg gömlu Galisíu, hefur verið reist stytta honum til heiður. Á aldarafmæli Stepan var hans víða minnsti í Úkraínu samtímis því, að frímerki með andlitsmynd af honum var gefið út. Þjóðsöngur úkraínska nasistalýðveldisins var endurvakinn og önnur ríkistákn þess.

Þriðji forseti þeirrar Úkraínu, sem er eins og fyrr segir, arfleifð samninga Pólverja og Rússa í Riga árið 1923, Viktor Andriyovych Yuschencko (f. 1954), gerði Stepan að þjóðhetju Úkraínumanna árið 2010. En þess má geta, að Viktor komst til valda í kjölfar Glóaaldingulu byltingarinnar (Orange revolution - Pomaraancheva revoliutsiia), andófsaðgerðum vegna spillingar og kosningahneyksla árin 2004 til 2005 - með dyggum stuðningi Vesturveldanna.

Arftaki Stepan er Andriy Biletsky (f.1979), sem sat á þingi í fimm ár, frá 2014 til 2019. Hann er meðstofnandi þjóðernisflokksins, Þjóðernisjafnaðarmannafylkingarinnar (Social-National Assembly).

Sá er einn nokkurra öfgahernaðarhópa í landinu, eins og til að mynda Hægri vígvöllurinn (Right Sector) og C14. Síðarnefnda sveitin berst undir merkjum Svoboda flokksins, þ.e. „Frelsisflokksins.“

Öfgaherflokkarnir hafa unnið hafa ýmis konar mykraverk. Morðæðið í Odessa árið 2014 er eitt þeirra. Þar féllu um eitt hundrað og fimmtíu úkraínskir Rússar í valinn, samkvæmt mati Evrópusambandsins. Sömu hópar kynnu að vera viðriðnir aftökur tæplega þrjú hundruð óbreyttra borgara eða kvenna á ólíkum aldursskeiðum í Donbass í austur Úkraínu.

Foringi C14 er Yevhen Karas (f. 1987). Foringi Hægri vígvallarins til 2015 og hershöfðingi í „Úkraínska sjálfboðaliðshernum“ (Ukrainian Volunteer Army), er Dmytro Anatoliyovych Yarosh (f. 1971). Það kom til tals, að Hægri vígvöllurinn yrði lögleiddur sem Þjóðvarðlið. Dmytro sat á úkraínska þinginu frá 2014 til 2019. Árið 2016 stofnaði hann „Stjórnunarfrumkvæði Yarosh“ (Governmental Initiative of Yarosh).

Það eru töluverðir kærleikar með öfgahópunum og Vesturlöndum. Þeir berjast fyrir inngöngu í Evrópusambandið og Nato og njóta dyggs stuðnings öfgahópa í Vestur-Evrópu, sem einnig veita þeim liðsinni á vígvellinum, rétt eins og herskáir Múhameðstrúarmenn Íslamska ríkinu.

Úkraínsku nasistunum er vinsamlega tekið af málsmetandi þingmönnum í Washington eins og t.d. John Sidney McCain (1936-2018). Nasistarnir njóta stuðnings leyniþjónustu Bandríkjanna og stjórnvalda jafnframt. Leiðtogi Frelsisflokksins er Oleh Yaroslavovych Tyanhnybok (f. 1968). Hann segir flokk sinn „ástarflokk,“ þ.e. hafi ást á öllu, sem úkraínskt er.

Það tókust greinilega ástir með John og Oleh. Sá fyrrnefndi sagði: „Hinar hugrökku konur og hugrökku karla skulu ekki ganga að því gruflandi, að þau eru ekki ein og afskipt. Vinir þeirra umhverfis hnöttinn sýna þeim samstöðu.“

Árið 2010 var Frelsisflokkurinn fjórði stærsti flokkur á úkraínska þinginu. Flokkurinn er þátttakandi í Samtökum evrópskra þjóðernissinna (Alliance of European National Movements). Ástarflokkurinn á einnig vísa bandamenn í svokölluðum borgarahópum eða mannvinasamtökum (non-governmental organizations), sem fjármögnuð eru af Evrópusambandinu, ríkisstjórnum vestrænna ríkja og auðkýfingum eins og hinum ungversk-bandaríska George Soros (f. 1930). (Ungverjar hafa áratugum eða öldum saman verið þátttakendur í ýmsum hildarleikjum á þessum slóðum.)

Leiðtogar Frelsisflokksins áttu reyndar líka hlýlega fundi með aðstoðarutanríkisráðherra (Assistant Secretary of State for European and Eurasian Affairs) Bandaríkjanna, Victoria Nuland (f. 1961), sem færði þeim gildan sjóð frá stjórnvöldum í landi hinna frjálsu. Hún var fulltrúi Bandaríkjastjórnar í samskiptum við leiðtoga Sjálfstæðistorgsbyltingarinnar (Maidan) eða „Sæmdarbyltingingarinnar“ (Revolution of Dignity) árið 2014, þegar lán frá stjórninni voru ábyrgst. John Forbes Kerry utanríkisráðherra (f. 1943), sat einnig til borðs við þá athöfn. (Stjórnir Vesturveldanna hafa verið ósparar á styrki til Úkraínu, m.a. frænkur okkar í Noregi.)

Úkraínumenn rækta nú „ástir“ sínar við forseta Bandaríkjanna, Joseph Biden (f. 1942), og Alríkisþingið. Þeir hafa m.a. ráðið atvinnumenn í þingþrýstingi til að afla sér frekari stuðnings og hernaðaraðstoðar í viðbót við þau hergögn og fjármagn, sem þeir hafa þegið frá skattgreiðendum Vesturveldanna.

Uppsögn samninga Evrópuþjóða við Rússa um „Nord Stream 2“ gasleiðsluna töldu þeir sérstakt vinarbragð, því að öðrum kosti myndu þeir missa spón úr aski sínum, þar sem Nordstream myndi rýra gildi leiðslunnar, sem liggur í gegnum Úkraínu. Ákalli Úkraínumanna hefur nú verið svarað.

https://en.wikipedia.org/wiki/Massacres_of_Poles_in_Volhynia_and_Eastern_Galicia

https://www.theguardian.com/world/2014/may/02/ukraine-dead-odessa-building-fire

https://www.businessinsider.com/john-mccain-meets-oleh-tyahnybok-in-ukraine-2013-12?r=US&IR=T

https://steigan.no/2022/02/det-er-oppdaget-massegraver-med-sivile-ofre-i-donbass/ https://www.youtube.com/watch?v=5SBo0akeDMY

https://en.wikipedia.org/wiki/Dmytro_Yarosh

https://www.theguardian.com/world/2014/sep/10/azov-far-right-fighters-ukraine-neo-nazis https://steigan.no/2021/05/ukraina-feiret-seiersdagen-med-a-bombe-sivile-i-donbass/

https://en.interfax.com.ua/news/general/184696.html https://steigan.no/2014/10/hvor-var-du-under-nazi-massakren-i-odessa/

https://www.britannica.com/place/Ukraine/Independent-Ukraine

https://steigan.no/2021/03/tausheten-om-krigen-i-donbass/

https://www.kyivpost.com/article/content/ukraine-politics/stepan-bandera-becomes-ukrainian-hero-57781.html

https://www.kyivpost.com/article/content/ukraine-politics/mp-euromaidan-exposed-to-neo-nazi-trends-334612.html

https://archive.ph/20140102201229/http://www.appeal-democrat.com/news/regional_news/europe/nationalists-march-in-ukraine-s-kiev/article_c2c05de8-c3ab-5fdd-a475-d01beb7f5448.html

https://www.cambridge.org/core/journals/slavic-review/article/abs/peasants-into-perpetrators-the-ounupa-and-the-ethnic-cleansing-of-volhynia-19431944/06C077944BEF4845FFC986FBC3CFD1B5

https://steigan.no/2022/02/facebook-tillater-ros-av-den-nazistiske-azov-bataljonen/

https://theintercept.com/2022/02/24/ukraine-facebook-azov-battalion-russia/

https://foreignpolicy.com/2019/04/17/theres-one-far-right-movement-that-hates-the-kremlin-azov-ukraine-biletsky-nouvelle-droite-venner/

https://en.wikipedia.org/wiki/Stepan_Bandera https://steigan.no/2018/01/ukrainas-framtidige-nazi-leder/

https://www.channel4.com/news/ukraine-mccain-far-right-svoboda-anti-semitic-protests

https://www.jpost.com/Diaspora/Ukrainian-parliament-recognizes-militia-that-collaborated-with-Nazis-396848

Bloggar | 28.2.2022 | 18:06 | Slóð | Facebook

Vildarvinir úkraínskra nasista á Vesturlöndum. Herþjálfun

Fjórum árum áður en byltingareinvaldur Ráðstjórnarríkjanna, Georgíumaðurinn, Joseph Vissariononovich Stalin eða Ioseb Besarionis dze Jughashvili (1878-1953) geispaði golunni, og áður en Úkraínumaðurinn, Nikita Sergeyevich Khrushchev (1894-1971) eða „Krússi“ bjó til sjálfsstjórnarhéraðið eða -lýðveldið, Úkraínu (Krímskagi var þar innifalinn), reyndi leyniþjónusta Bandaríkja Norður-Ameríku að ybba kíf í landinu, m.a. með fjárstuðningi við andstöðuöfl og þjálfun hermanna. En sú bylting rann út í sandinn.

En nú er öldin önnur. Glóaldingula byltingin í Kænugarði 2014 tókst betur. Fé var borið á Úkraínumenn og hermenn þeirra þjálfaðir. Bandaríkjamenn og Vesturveldin hafa bundist samtökum við úkraínska nasista, sem hafa verið áberandi í sjálfstæðisbaráttu þjóðar sinnar. Bandaríkjamenn hafa nú einnig stuðning af Nato, sem stofnað var sama ár og CIA varð að láta í minni pokann í fyrstu tilraun, þ.e. árið 1949.

Kanadamenn láta sitt ekki eftir liggja, frekar en aðrar þjóðir Nato og Evrópusambandið. Fjárframlög þeirra til Úkraínu, síðan Glóaldingulu byltingin rann sitt skeið á enda, nema 890 milljón dölum. Þeir hafa aukin heldur þjálfað Azov hersveit nasista, sem þeir sátu á rökstólum við árið 2018.

Kanadamenn hafa reyndar stofnað eigin hersveit (Joint Task Force Ukraine). Þessi hersveit er hlut stærri herfylkis, sem m.a. er skipuð Dönum, Svíum, Litháum, Pólverjum, Slóvökum, Bretum og Bandaríkjamönnum.

Centuria eða svartstakkarnir er félagsskapur ýgra öfgamanna í tengslum við Azov hersveitina. Leiðtogi Azov og svartstakkanna er Oleksiy Kuzmendo. Talsmenn Svartstakkanna hefa tjáð sig opinberlega um þjálfun á vegum Kanadahers og fleiri Nato-landa.

https://ottawacitizen.com/news/national/defence-watch/allegations-of-canadian-troops-training-neo-nazis-and-war-criminals-sparks-military-review

https://twitter.com/kooleksiy/status/1289994301087178753?lang=en

https://steigan.no/2022/02/canadiske-tjenestemenn-som-motte-azov-bataljonen-fryktet-at-offentligheten-skulle-fa-greie-pa-det/

https://www.canada.ca/en/department-national-defence/services/operations/military-operations/current-operations/operation-unifier.html

https://ottawacitizen.com/news/national/defence-watch/canadian-officials-who-met-with-ukrainian-unit-linked-to-neo-nazis-feared-exposure-by-news-media-documents

https://www.ctvnews.ca/world/far-right-extremists-in-ukrainian-military-bragged-about-canadian-training-report-says-1.5631304

https://www.belltower.news/centuria-was-a-far-right-militia-behind-an-attack-on-a-kyiv-club-126645/

https://www.jpost.com/diaspora/western-countries-training-far-right-extremists-in-ukraine-report-682411

Bloggar | 28.2.2022 | 17:56 | Slóð | Facebook

Pfizer býður nú lyf gegn ástarsorg og kældum kvensköpum

Kunnuglegar aukaverkanir covid-19 „bólusetningarefna“ frá Pfizer og Moderna (mRNA) eru m.a.; dauðdagi vegna hjartabilunar, hjartaslaga, æðateppu, bráðýgs krabba og svo framvegis.

Skýrslur um þessar aukaverkanir skila sér illa í opinberar aukaverkanaskrár, líklega að hámarki um tíunda hluta. Skosk yfirvöld hafa verið einna heiðarlegust í skýrslugerð sinni, en þykir nú nóg komið af svo góðu. Það hefur nefnilega komið í ljós, að þar í landi standa þríbólusettir verst að vígi fyrir nýjum covid sýkingum. Svipaðar tölur hafa verið birtar í Englandi. Einungis brot tilkynninga eru rannsökuð.

En tryggingafélögin sitja ekki auðum höndum. Gífurleg aukning kvilla og andláta hefur fengið þau til að rumska. Nýlega tilkynnti tryggingafélag í Bandaríkjunum um ferfalda aukningu andláta, sem komu eins og þrumur úr heiðskíru lofti hjá fullfrísku fólki á besta aldri. Nú hefur þýskt tryggingafélag bent á svipuð örlög bólusetningarþega á sínum heimaslóðum.

Yfirvöld og fjölmiðlar, hollir hinu opinbera ævintýri um gagnsemi þessara bólusetninga, reyna nú að útskýra aukaverkanir með nýjum ævintýrum eins og ástarsorg og kældum kvensköpum (winter vagina).

En Pfizer og baráttufélagar þess fyrir bættu heilbrigði á heimsvísu slá ekki slöku við í slyngri lyfjamennt. Pfizer hefur sett á markað lyf gegn „hjartnæmum“ aukaverkunum við bólusetningarlyfi sínu. Börn og unglingar eru þegar orðnir skotspónar.

Það setur óneitanlega að mér hroll, svo margar lyfjahrollvekjur hef ég séð í geðheilbrigðisþjónustunni, þar sem meginreglan er sú, að gefa lyf við hinum og þessum geðkvillum, eins og þeir hverju sinni eru skilgreindir. Síðan kemur lyf við aukaverkunum þess og enn síðar lyf við aukaverkunum af aukaverkanalyfinu. Þegar ný lyf eða ný afbrigði (stundum bara nýtt nafn) hefst hringrásin aftur. Það gerist jafnvel, að lyf sé gefið vegna aukaverkana.

Lyfjaiðnaðurinn teygir krumlu sína í átt til sífellt yngri barna. Samhliða þessu smíða sjúkdómsgreiningarkerfin stöðugt nýja sjúkdóma eða þynna út skilgreiningar þeirra. Og læknar eru heilaþvegnir og stjórnvöld greiða fyrir lyfin í nafni almannaheilla og lýðheilsu.

https://dailyexpose.uk/2022/02/21/tripple-jabbed-covid-vaccine-effectiveness-negative-minus-206-percent/

https://markcrispinmiller.substack.com/p/they-all-died-suddenly-just-this?fbclid=IwAR2ifMMVe9-mP2Cjij_1dTz1wnlV-tiy5RIP-bK4RUol1DGW0snoq622XkY&utm_source=url

https://www.thesun.co.uk/health/16862556/cold-weather-affect-body/

https://abcnews.go.com/Politics/broken-heart-cases-surge-covid-women/story?id=82543558

https://www.welt.de/politik/deutschland/plus237106177/Coronavirus-Mehr-Impf-Nebenwirkungen-als-bisher-bekannt.html

https://childrenshealthdefense.org/defender/pfizer-blockbuster-drug-heart-conditions-covid-vaccines/?utm_source=salsa&eType=EmailBlastContent&eId=4f2f54b4-584f-4bca-83ae-e9d2703c5086

Bloggar | 25.2.2022 | 16:04 | Slóð | Facebook

Staðreyndaiðnaður og áróður. "Fact checkers“

Væntanlega hafa flestir orðið varir við aðvörunarorð frá alþjóðlegu samfélagsmiðlunum. Það er varað við falsfréttum, óhollu lesefni, og samtímis bent á annað betra, að dómi hlutaðeigandi miðils. Þetta er afar áberandi, þegar umræða um Covid-19 á í hlut. Stundum eru miðlarnir hreinsaðir af tilteknum viðhorfum og skoðunum.

Þessi ósköp eru mörgum hugleikin, m.a. Larry nokkrum Romanoff. Hann er fyrrverandi stjórnunarráðgjafi og athafnamaður. Larry fræðir m.a. um Poynter stofnunina (Poynter Institute) í grein, sem krækt er neðanmáls:

Poynter er fjármagnað af m.a. George Soros (Stofnuninni til framdráttar opnu samfélagi – Foundation to Promote Open Society), Mannvinastofnun Bill og Melinda Gates, Fésbók, Charles Koch stofnuninni, „Fréttafrumkvæðisdeild“ Google (Google News Initiative), Þjóðlega lýðræðissjóðnum (hið borgaralega andlit leyniþjónustu Bandaríkja Norður-Ameríku – CIA), Pierre Omidyar (eBay), sem fjármagnar alheimsveiruáróður Alþjóðaheilbrigðisstofnunarinnar, ásamt fleirum. Það var einnig fyrirtæki Pierre, Luminate, sem fjármagnaði áróðurmynd um Hvíthjálmana, mannvina- og undirróðurssamtök í Sýrlandi.

Poynter kynnir sig sem ágóðasnauðan (non-profit) alheimsleiðtoga á sviði blaðamennsku, sem í þjónustu lýðræðisins menntar, þjálfar, styður við og talar fyrir siðsemi og sjálfstæði í fréttamennsku.

Fyrirtækið gumar af undirdeild sinni sinni, „Craig Newmark miðstöð siðfræði og stjórnunar,“ svo og þrem sannreyndarfyrirtækjum, þ.e. PolitiFact og Media Wise til viðbótar „Alþjóðlega sannreyndarnetkerfinu“ (International Fact-Checking Network – IFCN).

Ofangreint netkerfi semur staðla fyrir staðreyndamálaliða á heimsvísu. Þeir, sem þráast við að fylgja stöðlunum, eiga það á hættu að heltast úr leitarvélalestinni. Því má líta á fyrirtækið sem eins konar upplýsinga- og fréttalöggæslu.

Þessi fréttalögga stjórnar í raun ritskoðun á Fésbókinni og öðrum svipuðum vettvöngum. Poynter hefur fleiri járn í eldinum. Það er líka blaðamannaskóli, sem þjálfar rithöfunda og blaðamenn. Fyrirtækið stefnir að algjöru fjölmiðlunargerræði.

Poynter njósnar sömuleiðis og safnar upplýsingum í því skyni að öðlast yfirráð yfir auglýsingamarkaðnum. Forstjóri þess, Barrett Golding, lét orð falla á þessa leið: Falskar fréttir eru atvinnugrein. Stór hluti hennar sækir tekjur sínar til auglýsinga. Það er von okkar að skráin (yfir 515 óáreiðanlegar fréttastofur) komi auglýsendum, sem vilja spyrna vilja gegn falsfréttum, að gagni, rétt eins og blaðamönnum, fréttaáhugamönnum og rannsakendum.

Larry er ekki kunnugt um staðreyndamálaliða, sem starfa utan netkerfisins, enda þótt sumir séu á mála hjá almannatengladeildum nokkurra háskóla, því þær eru fjármagnaðar af sömu aðiljum. Þreifiarmar Poynter ná víða. Í Noregi heitir armurinn Faktisk.no.

Ofangreindur Larry er viðfangsefni Poynter meðal margra annarra. Krækju á boðskap þeirra má sjá neðanmáls. Vinnubrögðin virðast dæmigerð. Staðreyndamálaliðinn býr til fullyrðingu, sem eignuð er Larry, áður en lesandinn er leiddur í staðreyndan sannleika, sem reyndar er margsannaður erkiþvættingur, sóttur í sérpantaða vísindagrein, skrifuð fyrir atbeina Anthony Fauci, „veirueinvalds“ Bandaríkja Norður-Ameríku.

Atlaga staðreyndamálaliða Agence France-Presse (AFP) á Samtök kanadískra fræðimanna um covid-19 (Canadian Covid Care Alliance) fyrir greiningu á vísindafúski Pfizer, er annað dæmi um vinnubrögð sannreyndarfyrirtækjanna. AFP kynnir sig til leiks á alþjóðavísu sem áreiðanlegan, ágóðasnauðan (non-profit) miðil, sem flytji lesendum sínum sannreyndar og yfirgripsmiklar fréttir af heimsmálunum.

Hlutleysi og áreiðanleiki fyrirtækisins fellur um sjálfan sig við fyrstu skoðun. Í stjórn þess sitja m.a. fimm menn með bein stjórnmálaleg tengsl; tveir þeirra við ríkisrekna fjölmiðla og þrír við fulltrúa ríkisstjórnarinnar. Aukin heldur er félagsskapurinn fjármagnaður að mestu leyti af franska ríkisvaldinu, sem er mikið í mun að sannfæra franska þegna um covid-19 bólusetningarboðskapinn. Það yrði of langt mál að tíunda umræðuna hér. Bendi á krækju.

Það eru fleiri, sem leggjast á sveif með Poynter. „Trúverðugleikasamsteypan“ (Credibility Coalition) er mikilvægur samherji við að breiða út réttar skoðanir. Bakhjarlarnir eru engir aukvisar eða afturkreistingar. Gamlir kunnningar á borð við Mannkærleikastofun Bill og Melinda Gates og leyniþjónustu Bandaríkjanna í borgaralegu gervi sínu, birtast þar ljóslifandi, sem og „hugsmiðja“ (think tank), tengd Nato, Atlantic Council. Það vekur athygli, að meðal fjölda sjóða, mannþrifasamtaka, hagsmunasamtaka, auðkýfinga og opinberra bakhjarla, er að finna Norsk Kringkasting (norska RÚV) og norska rannsóknarráðið (Forskningsrådet Norge).

Trúverðugleikasamsteypan segist vinna að því markmiði að skapa sameiginlegan staðal fyrir trúverðugleika upplýsinga með því að eiga frumkvæði að aðgerðum, þar sem fólk og stofnanir hittast við margvíslega sýslu. Blaðamenn, fræðimenn, háskólakennarar, nemendur, leiðtogar, tækimenn og hinir ósérhæfðu, en áhugasömu, skapa marksækið umhverfi til rannsókna. Markmiðið er sem sagt að efla samvinnu í leit að sannleikanum, gæðum og áreiðanleika upplýsinga á netinu. En það skiptir sköpum fyrir samfélag borgaranna, segja hinir vísu.

Ég slæ botninn með orðum Larry: „Það er ekki leitin að sannleikanum, sem er mikilvægasti tilgangur þessa staðreyndaiðnaðar, heldur er um að ræða lævíslegt tilbrigði við ritskoðun, hinsta viðleitni til að snerkja snærið um upplýsingaskjattann til að varna því, að óþægilegir sannleiksmolar velti úr honum. Fari svo, er þeim eytt umsvifalaust. Annar áhrifaríkur tilgangur sannreyndarinnar er að kæfa vitneskju um glæpi og óhæfuverk, sem framin eru af „Alþjóðlegum samtökum launráðamanna“ (International Cabal of Gangsters) og hlífa þeim við vítum almennings. Einasta skilyrði fyrir brautargegni þeirra er trúgjarn og óupplýstur almúgi.“

https://www.poynter.org/?ifcn_misinformation=larry-romanoffs-statements-claiming-who-has-taken-part-in-creating-various-viruses-in-the-laboratories-the-organization-has-spread-the-new-coronavirus-in-the-world-so-that-the-pharmaceutica

https://www.canadiancovidcarealliance.org/wp-content/uploads/2022/01/Fact-Checking-The-Fact-Checkers-1.pdf

https://steigan.no/2021/06/faktasjekker-industrien-er-en-global-kampanje-for-a-sla-ned-dem-som-vil-avlore-sannheten/

https://www.atlanticcouncil.org/

https://thegrayzone.com/2019/02/18/ebay-oligarch-pierre-omidyar-funding-media/https://thegrayzone.com/2019/02/18/ebay-oligarch-pierre-omidyar-funding-media/

https://thegrayzone.com/2019/02/20/pierre-omidyar-regime-change-cia-cutouts/

https://www.poynter.org/major-funders/

https://www.moonofshanghai.com/2021/06/en-larry-romanoff-propaganda-and-media_28.html

Bloggar | 23.2.2022 | 14:57 (breytt kl. 14:58) | Slóð | Facebook

PCR prófið og veirufárið. Christian Drosten

”PCR-prófið” hefur dunið í eyrum okkar síðustu tvö árin eða svo. Það hefur skilið á milli feigs og ófeigs. Þeir, sem fallið hafa á prófinu, hafa verið skikkaðir af Sóttvarnaeinræðisherra ríkisins (Embætti landlækni) til sóttrefsivistar á heimilum sínum eða sóttvarnafangabúðum.

Reyndar hafa allar greinar ríkisvaldsins tekið undir í sóttvarnahljómkviðunni. Embætti ríkislögreglustjóra tekur virkan þátt í sefjuninni. Lögreglumaður embættisins er einn helsti sérfræðingar þjóðarinnar í sóttvörnum með grímuskyldu sem sérsvið. Íslenskur dómstóll lagði blessun sína yfir frelsissviptingu einkennalauss fólks, öndvert við dómara í Portúgal.

Sá góði dómari studdist við rannsóknir á PCR-prófinu og hélt í heiðri læknisgjörningnum: „Læknisfræðileg sjúkdómsgreining felur í sér læknisgjörning, sem eingöngu er á valdi læknis, lögum samkvæmt, og sem hann einn er fullkomlega ábyrgur fyrir.“ (Úr þýsku, portúgölsk krækja neðanmáls.)

Dómarinn í Portúgal studdist einkum við rannsókn Rita Jaafar og félaga, sem greint er frá í tímaritinu „Smitsjúkdómum“ (Clinical Infectious Diseases). Með skírskotun til rannsóknarinnar segir dómarinn, að sýni veirugreining með greinimörk við 35 snúninga (lotur) eða fleiri (í greiningarþeytivindu) - eins og lenska er í rannsóknarstofum í Evrópu og Bandaríkjunum - jákvæða niðurstöðu, séu líkur á sýkingu 3%.

Í veirufárinu á Íslandi hefur heilbrigðiskerfið verið „tekið í gíslingu“ eina ferðina enn, nú með PCR prófið að vopni. Viðbúnaður hefur miðast við alvarlegan eða banvænan sjúkdóm, enda þótt snemma í faraldrinum hafi verið ljóst, að svo var ekki.

Einkennalausir starfsmenn heilbrigðiskerfisins eins og annarra þjónustugeira og fyrirtækja, hafa umvörpum verið sendir í einangrun og nær viðstöðulaust er hrópað; „úlfur, úlfur.“ Þar er stöðugt uppi fótur og fit, hverju neyðarstiginu á fætur öðru lýst yfir.

Þar að auki tala ábúðarmiklir forsvarsmenn heilbrigðiskerfisins ákaft fyrir varhugaverðum og mannfrekum bólusetningum alls þess, sem kvikt er og tvífætt, og heimta meiri peninga frá skattgreiðendum, því að öðrum kosti sé líf sjúklinga í hættu. (Það er reyndar þrástef, þegar kerfið eða starfsmenn þess hafa hagsmuna að gæta.)

Sömu talsmenn taka að öðru leyti virkan þátt í sefjuninni. Í samvinnu við RÚV berast stöðugar harmafréttir af fólki, sem látist hefur vegna covid-19. Fréttamanneskjur RÚV taka bókstaflega andköf, þegar skýrt er frá afdrifum þeirra óbólusettu. Látlaust er aldið á sóttarskelfingu. Aldrei er sauðsvörtum almúganum gerð grein fyrir því, hvort sjúklingar hafi látist af völdum veirunnar eða verið einkennalausir hýslar hennar. Þaðan af síður er okkur gerð grein fyrir, hvað felst í PCR-prófi og hvað það í raun sýnir. En það hafa aðrir gert.

Höfundur PCR-prófsins er Christan Drosten (f. 1972), þýskur veirufræðingur. Þegar þýskir rannsóknarblaðamenn reyndu að sannreyna upplýsingar um Christian, kom eitt og annað dularfullt í ljós. Skráning og eintak af doktorsritgerð hans fannst ekki, hvorki í brottskráningarháskóla hans, Goethe háskólanum í Frankfurt, né Þjóðarbókhlöðu.

Þrátt fyrir þetta hefur Christian verið helsti ráðgjafi þýskra yfirvalda í sóttvarnarmálum og próf hans notað samkvæmt tilskipun Alþjóðheilbrigðisstofnunarinnar um allan heim til greiningar á veirunni. Christian er margverðlaunaður fyrir vísindaleg afrek sín. Þó hefur hann engan veginn reynst spámannlega vaxinn, þegar aðrar farsóttir hefur borið á góma, t.d. SARS (Severe acute respiratory syndrom – önnur kórónuveirusýking) og svínaflensan, sællar minningar.

Þýska blaðið, Stern, kallaði hann, þegar í mars 2020, veirustjörnu, eftirsóttasta mann Þýskalands. Á sama ári var hann sæmdur heiðursmerki. Christian féll þessi heiður í skaut, fyrir PCR-próf sitt, sem hann bjó til með ógnarhraða. Prófið var tilbúið í janúar 2020, í sama mánuði og veirunnar varð vart í Evrópu - „próf ársins.“ Christian hélt því fram, að svo næmt væri prófið, að það greindi sérhverja erfðasameind veirunnar.

Prófhöfundur sagði m.a.: „Ef slík sóttkveikja flögraði um slímhimnuna í nösum hjúkrunarkonu daglangt, án þess að hún kenndi sér nokkurs meins eða yrði hennar vör, væri hún skyndilega orðin MERS (Middel east respiratory syndrome – kórónuveirutengd öndunarfærasýking) sjúklingur.“

Það er svo sem ekki að furða, að um leið og prófið var tekið í notkun, hafi sjúklingum fjölgað nógu skart til þess, að Alþjóðaheilbrigðisstofnunin gæti þann 12. mars 2020, lýst yfir neyðarástandi á hverju byggðu bóli jarðarinnar. Stofnunin átti áður í vandræðum með að réttlæta slíka skelfingu, þar sem staðfest tilvik á heimsvísu voru aðeins nokkrir tugir. En PCR prófið bætti hressilega úr skák í því efni.

Próf Christian var framleitt af vini hans, Olfert Landt, sem einnig er meðhöfundur að prófinu og rannsóknanna að baki því. Olfert þessi á Berlin Biotech Company TIB Molbiol Syntheselabor GmbH. Þeir félagar höfðu fengið þessa frábæru viðskiptahugmynd um tveim áratugum áður, þegar þeir framleiddu PCR-próf fyrir greiningu á SARS og fleiri veirum síðar.

Í Berliner Zeitung segir Olfert á þessa leið: Hugmynd og hönnun kom frá Charité Berlin (háskólasjúkrahús og rannsóknarstofnun, sem Christian veitir forstöðu). Við bjuggum til útgáfu í öskju. Veiran var bara til í Wuhan, en við vorum snöggir að setja saman erfðamengið (genome) úr gervierfðavísum (synthetic gene).

Þegar í upphafi faraldursins framleiddi fyrirtækið eina og hálfa milljón PCR öskjuprófa í viku hverri. Mánuði síðar hafði framleiðslan þrefaldast. Christian hlaut ríkulega umbun fyrir þessa örlagaríku uppgötvun sína. Mest munaði um þá upphæð, sem Mannkærleikssjóður Bill og Melinda Gates gaukaði að honum; 335.000 dali. Því má svo við bæta, að tólbaksiðnaðurinn hefur verið býsna gjafmildur einnig.

Það fer fjarri því, að allir séu jafn sannfærðir um ágæti vísindanna að baki prófinu og gildi þess og Alþjóðaheilbrigðisstofnunin. Tuttugu og tveir víðkunnir vísindamenn gerðu frekari rannsóknir, sem liggja til grundvallar þeirri niðurstöðu, að prófið sé ónothæft sem greiningartæki.

Í bréfi til hins ritrýnda vísindarits, „Evrópukögunar“ (Eurosurveillance), sem birti niðurstöður Christian og félaga 23. janúar 2020, fóru þeir fram á, að greinin yrði dregin til baka. Í útgáfustjórn tímaritsins situr títtnefndur Christian og Chantal Reusken, meðhöfundur umræddrar greinar.

Mike Yeadon, einn hinna tuttugu og tveggja höfunda, og Stefano Scoglio, sem tilnefndur var til Nóbelsverðlauna í læknisfræði árið 2018, hafa báðir reynt að vara við PCP prófinu. Kary Mullis, sem hlaut Nóbelsverðlaun í efnafræði fyrir PCR kjarnsýrugreininguna (polymerase chain reaction), sagði aðferðina engan veginn fallna til sjúkdómsgreininga. (Staðreyndaflugumennirnir segja þó, að hann hafi ekki haft vit á þessu.)

Gagnrýni á PCR-prófið hefur einkum lotið að eftirfarandi meginatriðum:

Veiran góða er manngerð, hönnuð og framleidd á tilraunastofum við háskólann í Norður-Virginíu og Wuhan. Því er hvergi til náttúrlegt sýni af henni til rannsókna og viðmiðunar við greiningu. Þetta hafa m.a. spænsk og íslensk heilbrigðisyfirvöld gefið út.

Kjartan Hreinn Njálsson, aðstoðarmaður Landlæknis, segir: „Við höfum engin frumgöng varðandi Sars-CoV-2 eða þau gögn er varða einangrun veirunnar og þá lífeðlisfræðilegu og sameinda líffræðilegu ástæður sem tengja veiruna við veirusjúkdóminn Covid-19.“

Tæknin við hönnun veirunnar er í grundvallaratriðum sú sama og beitt er við erfðabreytingar dýra og plantna. Framleiðsla veirunnar var fjármögnuð af bandarískum yfirvöldum gegnum stofnunina, „Umhverfisheilsubandalagið“ (Eco Health Alliance).

Til upplýsingar má geta þess, að Mannvinastofnun Bill og Melinda Gates verðlaunaði kínversku veiruhöfundana með 900.000 dölum. Stofnunin lét ekki þar við sitja. Kínverska vísindaakademían fékk 359.820 dali í sinn hlut. Annar rannsóknarhópur kínverskur var verðlaunaður með 71.700 dölum af parinu gjöfula.

Á heimsvísu er ósamræmi í greiningu og mælingu veirunnar, þ.e. sú veiruögn, sem greind er, sýnið, er stækkað mismikið. Við tuttugu snúninga magnast sýnið meira en milljónfalt. Christian hefur reyndar sjálfur viðurkennt, að það sé harla tilviljunarkennt, hvort niðurstaða slíkrar rannsóknar sé já- eða neikvæð. Kínverskar og þýskar athuganir benda til, að 75 til 80% séu rangar, þ.e. jákvæðar niðurstöður.

Við greininguna er sjónum eingöngu beint að hluta umræddrar veiru, þ.e. tiltekinni röðun erfðavísa í henni, þ.e. ekki veirunni allri, sem reyndar aldrei hefur tekist að einangra. Verði þessarar erfðavísaraðar vart, er út frá því gengið, að um sýkingu sé að ræða. Útgefin erfðavísaröð frá Alþjóðaheilbrigðisstofnuninni er auk þess svo almenn, að vænta má, að hún finnist í sérhverjum manni. Því geta allir greinst jákvæðir.

Sjálf prófgögnin hafa reynst varhugaverð, þ.e. þegar smituð af kórónaveirunni. T.d. hafa þau verið notuð í Þýskalandi. Þrjú hundruð manns voru send í sóttkví vegna gallaðra prófa. Bretar endursendu 741.000 próföskjur.

Í öllu því handapati, sem fjöldasýnatöku fylgir, ásamt vanþekkingu og þjálfunarskorti nýliða, má augljóslega gera ráð fyrir spillingu sýna, bæði sökum smits í andrúmslofti og ófullkomins hreinlætis. Þar að auki er jafnaðarlega að finna í koki og nösum alls konar smitandi örverur, sem kynnu að valda sjúkdómseinkennum, ef einhver eru. Einkenni allra öndunarfærasýkinga eru svipuð.

Ulrike Kämmerer við háskólann í Würzburg, segir um PCR-prófið: „Jafnvel þó skilyrði við greiningu séu ákjósanleg, er þaðð engan veginn nothæft sem „góður staðall“ óklínískra aðgerða í því skyni að hefta útbreiðslu veiru. Sérstaklega er hætt við því, að fjöldaprófanir, án strangrar aðgerðaviðmiðunar, leiði til ónákvæmra prófniðurstaðna.

Einkum er fyrsta verklýsing frá Alþjóðaheilbrigðisstofnuninni léleg tæknilega séð, villugjörn og líkleg til að gefa af sér falskar niðurstöður. … [Aðferðin] dugar ekki til að segja fyrir um, hvort sýni, fundið jákvætt, bendi til sýkingar hjá hlutaðeigandi.“

Ulrike spyr sig, hvers vegna próf Christian hafi orðið fyrir valinu, þegar Kínverjarnir höfðu próf þegar á reiðum höndum. En það kynni að skýrast af hagsmunatengslum. Mannvinasjóður Bill og Melinda Gates styður stofnun Christina veglega.

PCR-hagsmunatengslin liggja vitaskuld einnig til Íslands, sem er stórkaupandi PCR askjanna. Íslenskir skattgreiðendur greiða einnig fyrirtæki góðagjörðaparsins, Bill og Melinda Gates, Íslenskri erfðagreiningu, fyrir greiningar. Greiningaræði Landlæknisembættisins er orðið skattgreiðendum feikna dýrt.

Reynt var að birta pistilinn á Facebook, sem ritskoðar og neitar birtingu með þessum orðum:

"This URL goes against our Community Standards on spam: pandemic.news. To protect people on Facebook from spam, we don't allow content that contains such URLs.

https://www.eurosurveillance.org/content/10.2807/1560-7917.ES.2020.25.3.2000045 https://www.gatesfoundation.org/about/committed-grants/2020/03/inv005971 https://mittval.is/kari-hagnadist-tifalt-a-pcr-profunum/ https://dailyexpose.uk/2021/12/03/new-study-proves-covid-is-a-fraud/ https://pandemic.news/2021-10-25-moh-has-never-isolated-the-sarscov2.html https://www.telegraph.co.uk/news/2020/03/30/uks-attempt-ramp-coronavirus-testing-hindered-key-components/ https://dailyexpose.uk/2022/02/16/debunking-the-corona-conspiracy-debunkers-by-a-top-british-biomedical-scientist/ https://usercontent.one/wp/www.ooc.one/wp-content/uploads/2020/12/THE-INVENTED-PANDEMIC-the-lack-of-VIRUS-ISOLATION-and-the-INVALID-COVID-19-test.pdf https://vlex.pt/vid/851822033?_ga=2.155956985.353358071.1605737091-350727261.1605737091 https://www.eurosurveillance.org/board https://www.kla.tv/17953 https://www.charite.de/service/pressemitteilung/artikel/detail/erster_test_fuer_das_neuartige_coronavirus_in_china_entwickelt/ https://dailyexpose.uk/2022/02/16/debunking-the-corona-conspiracy-debunkers-by-a-top-british-biomedical-scientist/ https://academic.oup.com/cid/article/72/11/e921/5912603 https://www.kla.tv/Vaccination-en/18870 https://cormandrostenreview.com/report/ https://www.kla.tv/17757 https://www.youtube.com/watch?v=7SKDHfA82HAhttps://www.youtube.com/watch?v=7SKDHfA82HA https://taz.de/Produzent-von-Corona-Tests/!5671485/ https://www.transparency.org.uk/corruption-coronavirus-covid-19-latest https://www.bmj.com/content/371/bmj.m4425

Bloggar | 23.2.2022 | 14:08 | Slóð | Facebook

Hugstjórnun og hernaður. Veira og voðaverk

Á baráttudegi verkalýðsins árið 2020, gerði Alþjóðaheilbrigðisstofnunin (World Health Organizatio – WHO) samning við alræmt almannatengslafyrirtæki, Hill og Knowlton, um að semja áróðursáætlun fyrir framvindu heimsfaraldursins, sem stofnunin hafði lýst yfir tveim mánuðum áður. Undir rifjum þessa fyrirtækis er runninn áróðurinn fyrir lokun, sóttkvíum, einangrun, fjarlægð og grímum. Á afrekaskrá þessa fyrirtækis eru áróðuráætlanir fyrir tóbaksiðnaðinn, asbestiðnaðinn og stríðið í Írak, svo nokkuð sé nefnt.

Tilhvöt samningsgerðarinnar felst í þessum orðum frá stjórnendum WHO; Það hefur aldrei verið mikilvægar en nú að tryggja réttan skilning á málflutningi stofnunarinnar, er lýtur að lýðheilsu og hinum rétta hljómgrunni um víða veröld. WHO er hinn lýsandi skilningsviti heimsbyggðarinnar, geislar vísindalegum og sannreyndum upplýsingum. Þrátt fyrir það hefur stofnunin orðið fyrir gagnrýni, m.a. fjölmiðlaumfjöllun, sem er til þess fallin að grafa undan áreiðanleika WHO sem uppsprettu upplýsingar um lýðheilsu heimsbyggðarinnar.

Áróðurfyrirtækið tók til óspilltra málanna. Duldar hetjur voru leitaðar uppi, t.d. sérfræðingar um heilsufar, sem gefa góð ráð í fjölmiðlum. Minni háttar áhrifavaldar eru þeir kallaðir, sem hafa á að skipa hollum aðdáendum og miðla réttum boðskapi. Meiri háttar áhrifavaldar eru hins vegar þeir kallaðir, sem hlotið hafa frægð og frama og njóta hollustu umtalsverðs aðdáandaskara.

Bresk og bandarísk stjórnvöld hafa heldur ekki látið sitt eftir liggja. Þau leituðu m.a. til almannatengslafyrirtækisins, Bell Pottinger. Þessu fyrirtæki höfðu þau áður falið áróður fyrir stríðsrekstri í Írakstríðinu, m.a. með því að gera falskar áróðurmyndir um grimmd Íraka. Í eftirminnilegri áróðurmynd segir grátbólgin unglingsstúlka, Nayira, frá því, hvernig vondir hermenn frá Írak bana ungbörnum í Kúvæt. Áðurnefnt fyrirtæki, Hill og Knowlton Strategies, hafði yfirumsjón með þessum fölsunum. Starfsemi þeirra er kölluð atferlisvísindi (behavioural science).

Purpose Inc kemur líka við sögu. Þetta fyrirtæki hafði veg og vanda af áróðrinum í Sýrlandi í sambandi við borgarastyrjöldina þar um slóðir frá árinu 2014. Markmiðið var: Hátternisbreytingar, breytingar á skynjun og túlkun, stjórnmálalegar stefnubreytingar og innviðabreytingar.

Kunnasta áróðursbragð þess er trúlega „Hvíthjálmarnir“ eða „Borgarvarðlið Sýrlendinga“ (Syrian Civilian Defense). Samtökin skilgreindu sig sem hlutlaus mannúðar- og hjálparsamtök að baki víglínunnar. Það er alkunn brella stjórnvalda og sjóða til að komast til áhrifa, hræra í óeirðargrýtum eða skapa ófrið. Samtök eins og „Amnesty International“ og „Human Rights Watch“ reiddu sig á upplýsingar frá Hvíthjálmunum, sem m.a. blésu lífi í áróðurglæðurnar um notkun efna- og gereyðingarvopna, sem bandarísk og bresk stjórnvöld vildu telja okkur trú um að væri beitt þar eins og í Írak.

Áróður Hvíthjálmanna var fjármagnaður af bandarískum og evrópskum skattgreiðendum, trúlega einnig af NATO og Japönum. Fjáröflunarfyrirtæki þeirra var kallað Mayday Rescue Foundation. Handbók Hvíthjálmanna eða Purpose Inc um það, hvernig bregðast megi við efasemdum um Sýrlandsherferð þeirra, heitir „Sannleiksdrápið“ (Killing the Truth). Í ljósi staðfestra afbrota þessara mannþrifasamtaka, m.a. verslunar með líffæri, er nafngiftin harla kaldhæðnisleg.

(Samtökin voru stofnuð af breskum hermanni, James Le Mesurier, málaliða hjá Olive Group, sem nú hefur sameinast öðru málaliðafyrirtæki, Academi (fyrr þekkt sem Blackwater)).

Þetta er sem sé fyrirtækið, sem WHO kaus til að hanna áróðurinn í veirustríði sínu gegn heimsbyggðinni. Aðalherferðin er kölluð, „Sannreynd“ (Verified). Markmiðið kemur ekki á óvart: „Berjast gegn rangfærslum um Covid-19 með því valda flóði vísinda, lausna og samheldni á veraldarvefnum.“

Í lýsingu á einni orrustunni, „Staldrað við“ (Pause), er sagt frá því, að barist hefðu liðlega 50 áhrifavaldar og 200 samtök víðs vegar um veröldina til að letja fólk til að senda falsfréttir á veraldarvefnum.

Fyrirtækið segir um falsfréttir: Þær eru verulegt vandamál á alheimsvísu, frá stórborgum til dreifbýlis. Þörf er fjöldaátaks til að hindra dreifinguna. Í þessu skyni kom Purpose sér upp samvinnufyrirkomulagi, sem gerði okkur kleift að virkja alla markhópa, án tillits til staðsetningar og menningar. Þeir voru hvattir til dáða í 250 samningum á ólíklegustu stöðum um allan heim.

Við hittum fólk að máli í önn dagsins og lögðum að því að beita menningunni í þágu boðskaparins í „Stöldrum við“ orrustunni. Fjöldi málsmetandi fólks hefur ljáð okkur raust sína, þ.m.t. Chelsea Clinton, Malala og Neil Patrick Harris.

Einnig var stofnað til samvinnu við TikTok. Umsögnin er svohljóðandi: TikTok vex hraðar en nokkur annar vettvangur samfélagsmiðla í veröldinni. Langflestir notenda eru varla hálfþrítugir. Við sóttum innblástur í hugmyndina um „að hitta fólk fyrir á þess eigin forsendum og sáum auk þess færi til að ná eyrum yngra fólks, þegar lagt var í vikulanga herferð í samvinnu við TikTok í Brasilíu.“

Fleiri fjölmiðlar eins og New York Times, Al Jaseera, EuroNews, DW og France24 og fleiri, voru einnig skotmark. Purpose segir m.a.: Sannreynd (Verified) hefur náð til milljarða manna um allan heim í traustri samvinnu við hefðbundna miðla og samfélagsmiðla. Svo víðtæk samvinna um fjölmiðlun hefur leitt til umræðu víðs vegar. Sökum herkænsku, sem fólst í hnitmiðaðri og víðtækri fjölmiðlaumfjöllun, hefur „Sannreynd“ öðlast orðspor sem áreiðanleg og vinsæl herferð. Samtímis náðum við til þeirra, sem voru óvarðastir fyrir röngum upplýsingum.

Það er varla undrunarefni, að helstu samherjar, auk WHO, sé mannvinastofnun Bill og Melinda Gates, Pierre og Pam Omidyar (eBay), Google, Bloomberg, Rockefeller stofnunin, Unilever, Nike, Tom og Jerry og Amnesty International.

Norski vefmiðillinn, Steigan.no segir: „Kórónukreppan hefur sótt afl til gengdarlauss áróðurs á heimsvísu. Þaggað hefur verið niður í gagnrýnendum og fræðimönnum í fremstu röð eða reynt að gera þá að athlægi og ómerkingum. [Þess í stað] hefur linnulaust verið haldið á lofti málflutningi í þágu stóru lyfjafyrirtækjanna og eigenda þeirra í Black Rock og State Street [fjármagnsfyrirtækjanna] í öllum meginstraumsfjölmiðlum …“

https://www.purpose.com/case_studies/verified/

https://steigan.no/2016/09/hvite-hjelmer-helter-eller-terrorister/

https://thesyriacampaign.org/wp-content/uploads/2017/12/KillingtheTruth.pdf

https://steigan.no/2016/09/white-helmets-bruker-barn-i-kampanje-for-full-krig/

https://en.wikipedia.org/wiki/Bell_Pottinger https://steigan.no/2018/12/fn-panel-om-white-helmets-organhandel-og-andre-forbrytelser/

https://www.thetimes.co.uk/article/thatcher-s-pr-guru-ran-iraq-propaganda-for-pentagon-lw5zlsfkx?region=global

https://thegrayzone.com/2017/05/23/video-white-helmets-executions-rebel-syria/

https://thegrayzone.com/2021/05/07/syria-white-helmets-mayday-fraud-netherlands/

https://www.hkstrategies.com/en/specialist-expertise/behavioral-science/

https://steigan.no/2019/02/vanessa-beeley-the-tale-of-the-white-helmets-in-the-western-mediaon-the-ground-in-syria-and-beyond/ https://efile.fara.gov/docs/3301-Exhibit-AB-20200714-38.pdf

https://steigan.no/2022/02/pr-firmaet-som-ga-oss-white-helmets-driver-pr-kampanjen-for-koronadiktaturet-for-fn/

Bloggar | 21.2.2022 | 16:06 | Slóð | Facebook

Staðreyndaiðnaður og áróður. â€žFact checkers“