Greindin sem glutraðist niður. Vísinda- og menningarkreppan. VII: Greind og hnignun menntunar

Hvað veldur því, að greindin gufar upp? Hvað er um að vera? Orsakirnar eru vafalaust margar. Helmuth Nyborg eins og margir fleiri benda á hnignun æðri menntastofnanna á Vesturlöndum. Hann segir:

Frá árinu 1968 hefur atferlisrannsóknum hnignað við marga háskóla. Þeir eru orðnir að hugmyndafræðilegum vettvangi, þar sem vinstrisinnaðir starfsbræður lifa og hrærast í uppeldislegri bjartsýni sinni á jafnréttishugsjónir með tilliti til kynja og kynþáttar. Því þykir þeim að sér vegið, þegar stundaðar eru rannsóknir, sem beinast að þýðingu lífeðlis á frábrigði greindarinnar, jafnt milli einstaklinga og hópa. Þetta tekur út yfir allan þjófabálk, jafnvel svo, að lífvarða, vopnaða hríðskotabyssum, sé þörf til að vernda frelsi til rannsókna og tjáningar.

Helmuth tiltekur hugmyndafræði marxismans, kvenfrelsunar og andkynþáttahyggju, menningarróttækni, jafnréttishugmyndafræði, ásamt hugmyndum um „Hvítu skömmina,“ og „Nýlenduskömmina.“ Kjarni hennar er þessi gagnvart vísindum:

Vísindi má lesa eins og hvern annan texta, lesa með siðferðileg gleraugu á nefinu og endurtúlka i ljósi þeirra.

Vísindi eru tæki stjórnmálanna til að kynna þá hugmynd; 1) að maðurinn sé skapaður af samfélaginu; 2) að frábrigði í fari fólks, kyn og kynþáttur, séu óréttlátar hugsmíðar, sem þurfi að leiðrétta; 3) að lífeðli sé atkvæðalaus (neutral) jarðvegur frábrigða hópa og einstaklinga.

Vísindi eru kúgandi. 1) Þeir, sem öðruvísi hugsa, eru óheiðarlegir, þá verður að draga í dilk, smána og gera að djöflum. 2) Koma þarf í veg fyrir, að rannsóknarniðurstöður þeirra nái til eyrna þeirra, sem með völd stjórnmálanna fara.

Vísindi eru bylting. Fagleg þekking á sálfræði hæfileikanna, sálfræði frábrigðanna (mismunar) og erfðafræði atferlisins verður að víkja fyrir stjórnmálalegum rétttrúnaðarviðhofum og -fræðum. Þetta á sér stað í nafni framfara.

Helmuth segir enn fremur: Breytingar á viðhorfum og afstöðu gagnvart vísindum og mannlegu eðli, endurspegla kerfisbundin, fræðileg svik, sem eru öndverð fræðimennskunni. Svikin eru almenn í þeim skilningi, að nokkrir málsmetandi vinstrisinnar og stofnanir, auðsýna ólöglega sviksemi. Í samvinnu við hinn þögla meirihluta hefur þeim tekist að spilla atferlisvísindunum, og afvegaleiða stefnumörkun á Vesturlöndum á sviði mennta, atvinnu og innflutnings á fólki.

Fjölmargir mætir vísindamenn taka í sama streng. Raunar má segja, að ríki vísindakreppa í hinum vestræna heimi.

Þegar árið 2005 skrifaði grísk-bandaríski lækningatölfræðingurinn, John P.A. Ionanidis (f. 1965), grein í vísindatímarit um aðferð og endurgerð rannsókna. Titillinn var ógnvænlegur: „Hvers vegna flestar birtar rannsóknaniðurstöður eru rangar“ (Why Most Published Research Findings Are False). Það er óhætt að segja, að rannsóknarniðurstöður hans hafi valdið titringi í vísindasamfélaginu – og varla hefur um hægst.

John komst að þeirri niðurstöðu, að það væri býsna algegnt, að athuganir væri ekki unnt að endurtaka eða endurgera, svo sannreyna mætti fyrri niðurstöður. Niðurstöður hans hafa síðar verið staðfestar að töluverðu leyti í öllum greinum, ekki síst í lækningafræðum og félagsvísindum. Þetta er kallað endurgerðarkreppan (replication crises eða reproduction crises). Því er einboðið, að niðurstöður verði að skoða í gagnrýnu, aðferðafræðilegu ljósi.

Fátt er mikilvægara í lífi og starfi en hæfileikinn til að gera grein fyrir, að beita rökum og rökföstum hugtökum, að læra, beita skynsemi og dómgreind, sýna glöggskyggni og rökhyggju. Þetta eru sjálfar undirstöður hugþroska fullorðins manns.

Kanadíski sálfræðingurinn, Steven Pinker, sagði um hana: ”Fegurð rökhyggjunnar felst í því, að henni má beita til að brjóta rökleysurnar til mergjar.”( „Upplýsingu nú þegar. Málsvörn skynsemi, vísinda, mannúðarhyggju og framfara“ (Enlightenment Now. The Case for Reason, Science, Humanism, and Progress.) Hann heldur áfram:

„Virðing fyrir vísindalegri hugsun er ekki fólgin í þeirri óbilandi trú, að allar vísindalegar tilgátur á líðandi stundu séu sannar. Flestar hinna nýju eru það ekki. Hringrás tilgátna og afsönnunar er sjálf lífæð vísindanna. Sett er fram tilgáta og síðan reynir á, hvort hún stenst tilraunir til að hafna henni. …

Hin vísindalega aðferð er haldbest í baráttunni við hindurvitni, fáfræði og dómgreindarbrest. En sjálfsrýni og meðrýni annarra er nauðsynleg á vísindalegum vettvangi sem og annars staðar. Það er auðvelt að gera sig að fífli. Norður-ameríski eðlisfræðingurinn, Richard Phillips Feynman (1918-1988), sagði skorinort um fyrstu reglu vísindanna: „[Þ]ú ættir ekki að blekkja sjálfan þig – og þig er auðveldast að blekkja.“

Tíðindi af austurvígstöðvunum. Brjálaði Bandaríkjamaðurinn

Smám saman er hulunni flett af hráskinnaleiknum í Úkraínu, tildrögum hans og framvindu. Það kemur sífellt betur í ljós, að það vakti aldrei fyrir leppyfirvöldunum í Kænugarði og stjórnendum þeirra í Washington og Brussel að semja frið við Rússa í Úkraínu og rússneska ríkjasambandið. Minsk samkomulagið var einungis til að draga rússneska viðsemjendur á asnaeyrunum, meðan á uppbyggingu úkraínsk Natóherafla stóð.

Í ljósi utanríkisstefnu Bandaríkjanna þarf þetta ekki að koma á óvart. Á grundvelli þessarar stefnu var á tíunda áratugi síðustu aldar gerður varnarmálasamningur Bandaríkjanna og Úkraínu fyrir tímabilið 1993-2001, sem Frank Morgese við Hernaðarháskólann í Pennsylvania hefur skrifað um (U.S. – Ukraine Security Cooperation 1993-2001: A Case History).

Það hefur verið dustað rykið af öðru mikilvægu plaggi frá sama tíma um tildrög afskipta Bandaríkjamanna í Úkraíniu. Skýrslan er samin af Barry Posen, prófessor í stjórnmálafræði og herkænskufræðingi. Hún er kölluð: „Varnarstefna fyrir Úkraínu“ (A Defense Concept for Ukraine). Skýrslan var fyrst gefin út árið 1994, en grafin upp nú.

Nokkur atriði úr skýrslunni: Líklegt er talið, að ögra megi Rússum til innrásar í Úkraínu; í Úkraínu verður að æsa til þjóðernisviðhorfa; styðja verði ráðsnilld með skelfilegum sjónvarpsfréttum; fjölga þurfi tækifærum Úkraínumanna til að valda umfangsmiklu (disproportionate) tjóni; flytja verði herafla og landher Nató til Póllands; stjórn- og herkænska Úkraínumanna skuli vera til þess fallin að ala á ótta Rússa við þátttöku Nató í stríðinu.

En hernaður Úkraínumanna mun engu að síður misheppnast skelfilega og her þeirra verður útrýmt; klofin Úkraína mun síðan fá hliðstætt hlutverk í nýju, köldu stríði, og Þýskaland í því fyrra; mikilvægt er að hvetja Úkraínumenn til að sprengja eigin borgir og innviði í tætlur; Úkraínumönnum verður að takast að sannfæra granna sína um, að þeir hafi á að skipa milljón mönnum, sem eru fúsir til að fórna sér; Úkraínumönnum verður að lærast að leggja ást á Pólverja og sætta sig við að verða sorphaugur fyrir gömul vopn; auðsær skynsemisskortur aðgerða í því umfangi, sem hér er gert ráð fyrir, ætti ekki að verða til trafala; gangi þetta ekki upp, skyldi skjóta kjarnorkusprengju á Rússa.

Af þessari skipulögðu þróun er skiljanlegt, að margir hafi áhyggjur um öryggi í veröldinni. Nú hefur komið í ljós, að fyrrum forsætisráðherra Ísraels, Naftali Bennet, hafi meira að segja reynt með nokkrum árangri að miðla málum milli Rússa og Úkraínumanna. En yfirvöld Vesturveldanna voru þar þrándur í götu og stöðvuðu viðræðurnar. Það fór á sömu leið í Miklagarði, þegar friðarsamningar voru í augsýn.

Fréttir svissneska dagblaðsins, Neu Zürcher Zeitung, um friðarumleitanir af hálfu Joseph Biden, eru tvíræðar. Forstjóri leyniþjónustunnar, William J. Burns, á þar að hafa verið milligöngumaður. Newsweek hefur einnig fjallað um skýrslu, þar sem þetta kemur fram, sem og Washington Post. Newsweek staðhæfir, að Bandaríkjaforseti hafi boðið Vladimir Putin um fimmtung Úkraínu, svo átökum mætti linna. Svo virðist sem áhrifamenn í Washington séu ekki öldungis á eitt sáttir um stríðsböltið. Rússar þvertaka fyrir, að slíkt boð hafi borist.

Það eru fleiri um þá hituna að miðla málum í stríði Nató og Rússlands í Úkraínu. Hinum nýja forseta Brasilíu, Lui Inácio Lula da Silva, datt í hug, að G20 ríkin væru kjörin til þess að miðla málum. Áður hefur hann borið saman tilburði Bandaríkjanna til að steypa löglega kjörinni stjórn Venesúela af stóli við innrás Rússa í Úkraínu. Rússar hafa kurteislega afþakkað.

Indverjar eru einnig í hópi ríkja, sem eindregið hvetja til friðarsamninga, rétt eins og Tyrkir, Brasilíumenn og Ísraelar á sínum tíma. Í viðtali við ástralska sjónvarpsstöð benti utanríkisráðherra Indverja, Subrahmanyyam Jaishankar, viðmælanda sínum á þá staðreynd, að miklu fleiri ríki en rússnesk ríkjasambandið – í Evrópu einnig – hefðu spillt friðhelgi fullvalda ríkja. Þess má til fróðleiks geta, að Indverjar hreinsa nú rússneska olíu fyrir alþjóðamarkað, m.a. þann bandaríska.

En þrátt fyrir friðarumleitanir úr ýmsum áttum hafa Bretar gert lýðum ljóst, að þeir muni þjálfa úkraínska herflugmenn, samkvæmt þjálfunarskrá Nató. Þeir hafa tjáð sig um þá sannfæringu sína, að bráðum muni Úkraínumenn þiggja orrustuflugvélar frá Bandaríkjunum í viðbót við skriðdrekana.

Það eru líka fréttir af hinum blóðuga vígvelli. Breska varnarmálaráðuneytið upplýsir, að Bahamut sé í þann mund að falla í hendur Rússa, þar sem leiguhermenn Rússa, Wagnerhersveitin, fer í fararbroddi.

En það blása aðrir vindar um bandarísku leiguliðaherveitina, Mozart, sem er ein af fleirum af sama toga í Bandaríkjunum. Hún barðist undir herstjórn „brjálaða Bandaríkjamannsins“ eins og Úkraínumenn kalla Andy Milburn. Þessari stríðshetju þykir sopinn góður. Því er líklegt, að hann hafi talað af sér í viðtali.

Andy sagði nefnilega, að Úkraínumenn væru spillt þjóð og samfélagið í upplausn (fucked up). Trúlega hefur játning hans, þess efnis, að úkraínsku hermennirnir, sem hann þjálfaði, hefðu myrt rússneska stríðsfanga, komið honum í koll. „Það var mikið um það,“ sagði hinn málhreifi Andy.

Þegar rann af Andy, sagði stríðshetjan, að viðmælandinn, Max Blumenthal, væri útsendari Rússa, því væri ekki mark takandi á orðum hans. Úkraínskur herforingi tók svo til orða, „getur hann ekki bara farið heim og hætt að bjarga okkur“?

En trúlega munu barir Kænugarðs sakna bandarískra aðdáenda Mozart. Það gerir vafalaust líka fylgdargyðjan, sem Andy réði fyrir 90.000 dali á kostnað fyrirtækisins. Þjónusta þess er greidd af skattgreiðendum Vesturlanda. En herforinginn er eins og sönnum riddara sæmir, hvergi af baki dottinn. Hann ku ætla sér að stofna nýjan her.

Hinn herskái Andy kynni að slást í för með Þjóðverjum, sem á nýjan leik ætla sér landvinninga í austri. Alla vega hefur utanríkisráðherra þeirra, Annalena Baerbok, lýst yfir stríði á hendur Rússum, sem Nató hefur skilgreint sem erkifjendur sína. Leopard skriðdrekum er aftur stefnt í austur í hendur úkraínskra nýnasista á vígstöðvunum.

Minningarnar frá Stalingrad gerast nú nærgöngular hjá rússnesku þjóðinni. Samtímis er alið á óttanum um allsherjar heimsstyrjöld.

https://www.welt.de/politik/deutschland/article243421273/Auswaertiges-Amt-erklaert-Baerbocks-Krieg-gegen-Russland-Satz.html https://libya360.wordpress.com/2023/02/01/1993-the-barry-r-posen-plan-for-war-on-russia-via-zombie-state-ukraine/ https://worldbeyondwar.org/medea-benjamin-nicolas-davies-negotiations-still-the-only-way-forward-to-end-ukraine-war/ https://www.youtube.com/watch?v=XSoa91i-l3s https://edition.cnn.com/europe/live-news/russia-ukraine-war-news-2-8-23/h_23b1a4ec924c3c54d73cb8a5729a13e9 https://www.thepostil.com/wp-content/uploads/2023/01/US-Ukraine-Security-Cooperation-1993-2001-A-Case-History.pdf https://www.thepostil.com/wp-content/uploads/2023/01/A-Defense-Concept-for-Ukraine-Posen-1994.pdf https://korybko.substack.com/p/the-uks-training-of-ukrainian-fighter?utm_source=post-email-title&publication_id=835783&post_id=101610763&isFreemail=true&utm_medium=email https://www.rt.com/news/570739-brazil-lula-ukraine-peace/?utm_source=substack&utm_medium=email https://steigan.no/2023/01/usas-krig-mot-russland-er-allerede-avgjort/?utm_source=substack&utm_medium=email https://thegrayzone.com/2023/02/03/crazy-american-andy-milburns-drunken-mercenary-group/ https://korybko.substack.com/p/the-russian-ambassador-to-india-indirectly?utm_source=substack&utm_medium=email https://www.youtube.com/watch?v=qK9tLDeWBzs&t=10774s https://www.youtube.com/watch?v=ogTzJXBZs5E https://www.youtube.com/watch?v=4-MJh1NpNok https://steigan.no/2023/02/rapport-biden-skal-ha-tilbudt-russland-20-prosent-av-ukraina-for-a-avslutte-krigen/?utm_source=substack&utm_medium=email https://www.newsweek.com/joe-biden-vladimir-putin-ukraine-territory-end-war-nzz-report-1778526 https://www.visionnews.online/post/germany-sends-nazi-battalion-leopard-1-tanks-to-help-fight-russia?postId=f5aca8ed-1b87-4a33-a258-11f74f609aeb&utm_campaign=19fd117a-a0b6-4cc4-b9ab-fdce8cd4c2a0&utm_source=so&utm_medium=mail&utm_content=e9a7e085-803a-4579-abe4-900186d5c146&cid=13822ff6-9cac-4fec-a138-6b457b06a2f5 https://www.hurriyetdailynews.com/nato-allies-want-longer-ukraine-war-to-weaken-moscow-turkey-173158 https://news.antiwar.com/2023/02/03/report-biden-pushed-peace-plan-that-recognized-russias-control-over-20-of-ukraine/ https://news.antiwar.com/2023/02/05/germany-open-to-theories-that-a-western-country-attacked-nord-stream-pipelines/ https://www.washingtonpost.com/national-security/2023/01/19/cia-william-burns-zelensky-ukraine-russia/ https://www.axios.com/2022/03/08/israel-russia-ukraine-ceasefire-critical-point https://tass.com/politics/1571089 https://news.antiwar.com/2023/02/05/former-israeli-pm-bennett-says-us-blocked-his-attempts-at-a-russia-ukraine-peace-deal/ https://archive.md/D7XzH

Frelsum börnin frá feðrum sínum

Frelsun barna frá feðrum sínum og konur frá körlum yfirleitt, er eitt sjálfbærnimarkmiða Sameinuðu þjóðanna og Alheimsefnahagsráðsins (World Economic Forum). Þar er íslenska ríkisstjórnin að sjálfsögðu með í för, með Katrínu Jakobsdóttur í broddi fylkingar.

Þessi frelsun á sér stað á öllum vígstöðvum og víða um heim, t.d. í Ástralíu. Hinn ötuli baráttumaður fyrir jafnrétti, Bettina Arndt, hefur ritað grein um aðför stjórnar Anthony Norman Albanese, leiðtoga Verkamannaflokksins.

Samkvæmt greininni skal umbylt fyrri endurbótum á fjölskyldulöggjöfinni, í þá veru að tryggja jafnrétti foreldra til ábyrgðar og uppeldis barna við skilnað, m.a. með því að tryggja gagnkvæman rétt föður og barns til samvista við hvort annað. Þessi löggjöf er nokkurn veginn sambærileg þeirri íslensku, sem varð til fyrir einarða baráttu feðra og hliðhollra stjórnvalda. Kvenfrelsunarhreyfingin hefur aldrei tekið þessar breytingar í sátt.

Meginvopn kvenfrelsunarhreyfingarinnar í baráttunni fyrir forréttindum mæðra eru ákærur um ofbeldi feðra. Það kemur því ekki á óvart, að í hinni nýju löggjöf sé öryggi alfa og ómega. Drottnunarvopi kvenna, ákærum um kynferðislega áreitni, kynbundið ofbeldi, ofbeldi karla gegn börnum, ofbeldis- og eitureðli karla, og svo framvegis, skal nú beitt til hins ýtrasta á vettvangi fjölskyldunnar.

En það eru svo sem ekki ný tíðindi. Á Íslandi börðust kvenfrelsarar á Alþingi og í lögreglunni hatrammlega fyrir innleiðingu svokallaðrar „austurrískrar leiðar,“ sem felur í sér, að feður/karlar eru brottrækir gerðir af heimilum sínum, ásaki móðir/sambýliskona (eða einhver annar) þá um ofbeldi.

Kvenfrelsunarfræðimennirnir styðja drottnunartilburði kvenna með dæmalausum rannsóknum sínum, á borð við þær, semVinnumálastofnun nú auglýsir; þriðja hver kona á Íslandi telur sig hafa orðið fyrir kynferðislegri áreitni (óskilgreint og engin heimild gefin upp). Slíka kvenfrelsunarrannsóknir eru legio, bæði á Íslandi og Ástralíu – og reyndar um allan hinn vestræna heim.

Vinnumálastofnun hefur nú blásið í herlúðra kynjastríðsins gegn körlum, sem háð er undir gunnfána jafnréttis, og skotið Vel-virk-um, svo og bandalagi Rauða krossins, forsætisráðherra og Ríkislögreglustjóra, Stígamótum og fleiri, ref fyrir rass. Samkeppnin á karlfjandsamlegum ofbeldismarkaði er býsna kröftug. Stríðið er fjármagnað af skattgreiðendum.)

Sálfræðingurinn, Jennifer McIntosh, sem komst að því, að feðrum væri ekki treystandi fyrir börnum sínum að nóttu til, er dæmi um slíka rannsókn. Sú rannsókn eins og mýgrútur annarra, ritrýndra áróðursrannsókna, hefur sýnt sig að vera aðferðafræðileg vitleysa.

Eftirtalin atríði munu verða felld úr gildandi löggjöf eða fá minni þýðingu, að dómi Bettina: Börnum verður ekki tryggður réttur til uppbyggilegs samneytis við báða foreldra; heldur ekki rétti barna til að þekkja báða foreldra og njóta umhyggju þeirra; á sömu lund fer um rétt barna til að dvelja hjá báðum foreldrum og öðru þýðingarmiklu fólki í lífinu, eins og ömmu og afa; rýrð er skylda beggja foreldra til að eiga hlutdeild í ábyrgð og skyldunum í sambandi við þroskun og aðbúnað barna; sömuleiðis rýrnar vænting um, að foreldrar verði á eitt sáttir um uppeldi barns til framtíðar.

http://www.warshak.com/e-libe/wp-content/uploads/2017/05/CR68-e-Stemming-the-Tide-6.5.pdf https://www.bettinaarndt.com.au/articles/youve-been-mcintoshed/ https://www.theguardian.com/law/2023/jan/29/government-to-scrap-equal-time-test-for-parents-in-custody-disputes-with-child-welfare-paramount https://12ft.io/proxy?q=https%3A%2F%2Fwww.afr.com%2Fpolitics%2Ffederal%2Ftime-s-up-for-equal-rights-in-court-custody-battles-20230201-p5ch1n https://bettinaarndt.substack.com/p/winner-takes-all?utm_source=substack&utm_medium=email

Greindin sem glutraðist niður. Vísinda- og menningarkreppan. VI: Greind, vöxtur og viðgangur

Eins og vænta mátti, helst árangur í skóla, sbr. kannanir með PISA (Programme for International Student Assessment), TIMSS (Trends in International Mathematics and Science Study), PIRLS (Progress in International Reading Literacy Study) og SAT (Scholastic Apitude Test – innökupróf í háskóla), nokkurn veginn í hendur við frammistöðu á greindarprófum.

Svo virðist sem frammistaða á greindarprófum sýni tölfræðilega fylgni við aðra þætti í samfélaginu eins og t.d. þjóðarframleiðslu (Gross Domestic Product) og lýðræðisþátttöku jafnvel. Færð hafa verið rök að því, að greindarvísitala undir 90 kynni að torvelda lýðræðislegt þjóðskipulag.

Fylgni má einnig sjá milli greindarvísitölu og greiningarhæfni, sértækrar (abstract) hugsunar, skapandi hugsunar, menntunar, upphefðar, snilli, djúphyggni í ástundun fjölda áhugamála, málsnilldar, rökvísi, minnis, verkkunnáttu, félagsþroska og árangurs í starfi.

Þar að auki virðist hærri greindarvísitala haldast í hendur við hugfærni (cognitive abilities), fórnfýsi, þroskaða og rökrétta siðvendni, félagshæfni, fjárhagslega stöðu, traust, heiðarleika og ráðvendni. Einnig hafa verið færð rök að því, að greindarvísitala undir 90 kynni að torvelda lýðræðislegt þjóðskipulag.

Þýski sálfræðingurinn, Heiner Rinderman (1966), og enski sálfræðingurinn, James Thompson, gerðu merkilega útreikninga á ýmsum upplýsingum frá 90 þjóðum, víðs vegar um jarðarkringluna, t.d. mældri greind, fjölda vísindamanna, fjölda einkaleyfa, fjölda Nóbelsverðlaunahafa, svo og stjórnmálalega þætti eins og skilvirkni í stjórnsýslu, lýðræði, réttarfar, frjálslyndi, samfélagslega þætti eins og morðtíðni, alnæmi og fl.. Niðurstaðan var á þá leið, að driffjaðrir þróunarinnar væri að finna meðal tiltölulega fámenns hóps (um 5%) með háa greindarvísitölu. Gáfnafar stjórnmálamanna virtist ekki skipta sköpum í þessum útreikningum.

Heiner og James komust að því, að bein samsvörun væri milli aukningar greindarvísitölu og þjóðarframleiðslu. Rannsókn þeirra gaf einnig tilefni til að álykta, „að það sé hæfileikinn til úrlausnar vandamála, sem vænlegastur sé til árangurs – ekki ofbeldi heldur hugsun.“ Árið 2018 gaf Heiner út bókina, „Hugvitsauðvald: Mannauður og hagsæld þjóða“ (Cognitive Capitalism: Human Capital and the Wellbeing of Nations) um rannsóknir sínar. Á grundvelli þeirra setur hann fram svokallaða „snillibrots“ kenningu (smart fraction theory), sbr. ofangreint.

Í fyrri rannsóknum skoðaði Heiner fylgni þeirra alþjóðlegu þekkingarprófa, sem fyrr er getið, þ.e. TIMSS, PIRLS, og PISA. Niðurstaðan sýnir mikla fylgni milli meðaltalsgreindar þjóða og árangurs á þessum prófum. Hann staðfesti því í grófum dráttum niðurstöðu Richard Lynn og finnska stjórnmálafræðingsins, Tatu Vanhanen (1929-2015), sem þeir greina frá í bók sinni, „Greindarvísitölu og þjóðarauði“ (IQ and the Wealth of Nations).

Það má til fróðleiks geta þess, að Tatu fékk heldur bágt fyrir hjá yfirvöldum í heimalandi sínu, þegar hann lét hafa eftir sér, að lág greindarvísitala gæti skýrt fátækt í Afríku, að einhverju leyti. Finnska leynilögreglan rannsakaði málið, en komst svo að þeirri niðurstöðu, að Tatu hefði ekki viðhaft hatursorðræðu um þjóðernishóp.

Greindin sem glutraðist niður Vísinda- og menningarkreppan. V: Greind og Flynn lögmálið

Vitanlega vísa kvenfrelsarar þróunarsálfræði, erfðasálfræði og hugfræði (cognitive science/cognitive psychology) á bug. Greind er eins og kyn hugsmíð vondra, hvítra karla, sem ekki kunna vísindi, samkvæmt þeim.

Bandarísk-nýsjálenski heimspekingurinn, James Robert Flynn (1934-2020) er þó ekki öldungis sammála kvenfrelsurunum. Á allra síðustu áratugum gerði hann rannsóknir á þróun greindarinnar á Vesturlöndum og víðar. Við hann er kennt svokallað Flynn lögmál (Flynn effect).

Lögmálið segir í stuttu máli það, að fram eftir tuttugustu öldinni jókst greind manna verulega, greindarvísitalan hækkaði, svo um munaði, m.a. samkvæmt mælingum með ofangreindum prófum. Fyrrnefndur Helmuth, sem áður hefur verið minnst á, telur þó, að það taki einungis til almennrar greindar.

Hverju sem því líður, eru blikur á lofti. Aukningin minnkaði, t.d. í Danmörku og Noregi, frá um miðjan áttunda áratug síðustu aldar. Á tíunda áratugnum og síðar virðist enginn vöxtur hafa verið. Í Noregi eru meira að segja teikn um, að greindarvöxturinn gangi til baka. Sömu þróun hefur verið veitt athygli víða annars staðar, þó ekki í „þriðja heiminum.“

Sálfræðingar og aðrir brjóta að vonum heilann um tildrög þessa og eðli; næring, skólakerfi, kennsluhættir, erfðir, breyting á þýði (þeim, sem rannsókn nær til), t.d. við fólksflutninga frá einni menningu til annarrar, og svo framvegis?

Áðurnefndur Olav Storsve og félagar hans komast að þeirri niðurstöðu, „að greindarvöxturinn, vaxtarstemma greindarinnar (utflatning), sem fylgdi í kjölfarið, og lækkun meðaltals greindarvísitölunnar, megi einvörðungu rekja til umhverfisþátta.

Í Noregi er talið líklegt, að tilurð velferðarríkisins, eftir aðra heimsstyrjöld, hafi haft afgerandi áhrif [með tilliti til greindaraukans]. „[Sú staðreynd], að lægstu þrep greindarvísitölunnar hurfu frá kynslóð til kynslóðar, bendir til, að betri menntun og heilbrigðisþjónusta, sem og aðrir [slíkir] þættir, hafi fyrst og fremst stuðlað að styrkingu þeirra, sem minna máttu sín.“

Finnski kerfisfræðingurinn og heiðursprófessorinn, Kyösti Tarvainen, tekur undir vangaveltur Olav og félaga, en beinir sjónum sértaklega að aðflutningi fólks til Vesturlanda frá ólíkum menningarsvæðum. (Það ber ekki á öðru, en að skrif hans hafi verið þurrkuð út af veraldarvefnum, meira eða minna. T.d. hefur „researchgate.net“ undanskilið greinar hans um greind og aðflutning fólks til Norðurlandanna.)

Kyösti bendir eins og fleiri á, að hömlulítill innflutningur fólks með framandi menningarbakgrunn skapi umtalsverðar áskoranir fyrir gestgjafana. Rannsókn hans leiðir í ljós mun á meðalgreind innfluttra Múhameðstrúarmann og innfæddra, sem nemur 20 greindarvísitölustigum. Í rannsókn Olav Storsve og félaga á greindarmælingum nýliða í hernum, reyndist munurinn 5 stig.

Kyösti segir: „Á grundvelli rannsóknarinnar er því spáð, haldist aðflutningur óbreyttur, að árið 2100 muni sjást rýrnun heildargreindar, sem í Svíþjóð næmi 8 stigum, 6 í Noregi, 4 í Finnlandi og 3 í Danmörku.“ Fyrrgreindum, Richard Lynn, reiknaðist til, að Bretar hefðu glutrað niður 6.9 stigum á 90 ára tímabili, frá 1920 til 2010.

Margumræddur, Helmuth, gerði útreikninga á áhrifum aðflutnings fólks úr framandi menningu á almenna greind. Hann spáði greindarbresti, sem næmi 6 stigum á árabilinu 1979-2072 í Danmörku. (Síðar var aðflutningur reyndar heftur. Það breytir spánni. Greinar Helmuth virðast einnig hafa tilhneigingu til að hverfa af veraldarvefnum.)

Lífsglaðir níðingar og nautnabelgir í Nicaragua

Bandaríski blaðamaðurinn og spaugarinn, Lee Camp, er fáum líkur. Í þætti sínum um Nicaragua fer hann á kostum. Hann ber saman líf Bandaríkjamanna og íbúa Nicaragua á grátbroslegan hátt.

Bandarískir áróðursmeistarar finna íbúum og samfélagi í Nicaragua flest til foráttu. Viðskiptabann á þjóðina er réttlætt með mannréttindabrotum, sem þar eru algeng, og ófrelsið skelfilegt, að sögn bandarískra fjölmiðla. Meintir alræðistilburðir leiðtogans, José Daniel Ortega Saavedra (f. 1945), keyra fram úr hófi, samkvæmt sömu fjölmiðlum.

Það er líka ljóður á ráði þjóðar Nicaragua, að hún ætlar í samstarfi við Kínverja um að grafa nýjan skipaskurð milli Kyrrahafs og Atlantshafs. Og svo segir leyniþjónusta Bandaríkjanna, að sjálfur erkifjandi þeirra með hornin og klaufirnar, Vladimir Putin, stundi þarna skuggalegt ráðabrugg, skipuleggi jafnvel innrás í Bandaríkin.

Þrátt fyrir þetta mælist ánægjan með leiðtoga Nicaragua, Daniel Ortega (sem NBC fréttastofan ruglar saman við lepp Bandaríkjanna í Panama, Manuel Antonio Noriega), rúmlega tvöföld á við vinsældir Jóseps Biden; stjórnvöld í Nicaragua eru margfalt vinsælli en stjórnvöld í Bandaríkjunum.

Íbúar Nicaragua eru sagðir flýja fátækt og ánauð leiðtoga síns í flokkum. En 8.7 milljónir Bandaríkjamanna hafa flúið land hinna frjálsu og hugprúðu, sem státar af öflugu, ofbeldisfullu og stundum banvænu lögregluliði, hneppir milljónir manna í fangelsi, stundar nær linnulausan stríðsrekstur og ákærir fólk fyrir minnstu „yfirsjónir“ eins og „hatursorðræðu“ í gamanmálum. Um 16% Bandaríkjamanna eða rúmar 50 milljónir óska þess, samkvæmt endurteknum skoðanakönnunum, að flytjast búferlum, bara ef þeir gætu.

Og til að bæta gráu ofan á svart eiga íbúar Nicaragua heimsmet í áhyggjuleysi og hugarró, samkvæmt mælingum Gallup. Hvorki meira né minna en 73% þeirra skipa sér í þann flokk (en 67% Íslendinga). Enda þótt 37 milljónir vansælla Bandaríkjamann taki lyftiduft (þunglyndislyf) að staðaldri, komast þeir hvergi nærri íbúum Nicaragua í hamingju og hugarró. Og hvergi taka konur meiri þátt í opinberu lífi en þar. Það er ekki nema von, að gera þurfi árás á samfélag þeirra.

Þjóðin er fámenn, tæpar sjö milljónir. Nicaragua er staðsett í Mið-Ameríku og hefur eins og allflestar þjóða álfunnar þurft að glíma við þrálát afskipti stóra bróður, Bandaríkja Norður-Ameríku. Ríki í Mið-Ameríku og í Karabíska hafinu hafa oft og tíðum verið leppríki þeirra. Auðhringar Bandaríkjamanna hafa valsað um álfuna og arðrænt með stuðningi hersins og leyniþjónustunnar.

En nú vill svo til, að þrátt fyrir tilburði Bandaríkjamanna til litaskrúðsbyltingar árið 2018, þ.e. að beisla óánægju innanlands í þágu stjórnarbyltingar, hefur ekki tekist að velta leiðtoga þeirra af stóli. Þvert á móti nýtur Daníel ámóta vinsæla á heimavelli og dásadjöfullinn, Vladimir Putin, í Rússlandi, sem Bandaríkjamenn eru í þann mund að leggja að velli á vígvöllum Úkraínu.

Samtímasaga í hnotskurn: Daniel Ortega er sem sé leiðtogi Sandinsta þjóðfrelsishreyfingarinnar (Frente Sandinista de Liberación Nactional - Sandinista National Liberation Front – NSLN). Hún hlaut nafn eftir frelsishetju þjóðarinnar í andófinu gegn hernámi Bandaríkjamanna (1927-1933), César Augusto Sandino (1893-1934). Hreyfingin var stofnuð 1962 af kennaranum, Carlos Fonseca Amador (1936-1976), og fleirum.

Frelsishreyfingin gerði uppreisn gegn gerræðislegri stjórn Somoza fjölskyldunnar. Þegar sá síðasti af þeirri ætt, Anastasio Somoza Debayle (1925 – 1980), lýðkjörinn, sagði af sér árið 1979, tók Daniel Ortega við völdum.

Somozaættin ríkti í skjóli Bandaríkja Norður-Ameríku. Þegar henni var velt af stóli árið 1979 hófu Bandaríkjamenn skæruhernað gegn þjóðinni. Ronald Wilson Reagan (1911-2004) setti á stofn sérstakan her til óhæfuverkanna, Contras.

Hernaður Bandaríkjamanna stóð yfir allan níunda áratug síðustu aldar. Alþjóðadómstóllinn (International Court of Justice) felldi dóm þess efnis, að hernaður Bandaríkjamanna bryti gegn alþjóðalögum. Þeir skelltu skollaeyrum við þeim dómi.

(Ég rek ekki minni til, að íslensk yfirvöld hafi fordæmt innrás Bandaríkjamanna eða lagt á þau viðskiptabann. Það myndu Katrín og Þórdís Kolbrún vafalaust gera í dag, enda þótt utanríkisstefna Íslendinga felist í að fylgja vinum sínum og velja sér þeirra lið, að sögn Þórdísar Kolbrúnar.)

Daniel Ortega var lýðkjörinn forseti 1984-1990, tapaði síðar fyrir Violetta Chamorro, en náði aftur kjöri árið 2007. Bandaríkjamenn voru viðriðnir þá kosningu. Forseti þeirra, Jimmy Earl Carter (f. 1924), hét því að virða stjórn Daniel.

https://news.gallup.com/opinion/gallup/467315/feels-personal-peace-earth.aspx https://www.newworldencyclopedia.org/entry/Sandinista_National_Liberation_Front https://www.britannica.com/place/Nicaragua/Ortegas-return-to-power https://www.bbc.com/news/world-latin-america-15544315 https://www.britannica.com/biography/Daniel-Ortega https://www.theguardian.com/world/2018/jul/08/nicaragua-president-daniel-ortega-attacks-coup-mongers-in-speech https://www.britannica.com/topic/Somoza-family https://www.telesurenglish.net/news/Live-from-Nicaragua-An-Uprising-or-a-Coup-book-20190717-0018.html https://www.theguardian.com/world/2006/nov/08/1 https://www.youtube.com/watch?v=2FyEXQoLz0k https://www.cnbc.com/2023/01/07/73percent-of-residents-in-this-country-say-they-are-always-at-peace.html https://www.youtube.com/watch?v=2jkaP5i8FWY

Greindin sem glutraðist niður. Vísinda- og menningarkreppan. IV: Greind og kvenfrelsunarofstæki

Í ljósi ofangreinds munar á atgervi og greind fólks af mismunandi uppruna og kyni, kemur varla á óvart, að jákvæð fylgni mælist milli almennrar greindar og árangurs í skóla og í starfi, viðbragðstíma, stærðar heila, getuviðbragða í heila (brain evoked potentials), sýrustigs í heila (pH level), efnaskipta í heila og hraða taugaboða (conduction velocity).

Gamall kennari minn, erfðasálfræðingurinn, Helmuth Nyborg (f. 1937), er meðal þeirra, sem í áratugi hefur rannsakað lífeðli og erfðir úr sálfræðilegu sjónarhorni (genetic psychology). Hann hefur látið mörg vísindaleg verk frá sér fara, m.a. „Kynvaka, kyn og samfélag. Lífeðlisatferðisfræði (Hormones, Sex, and Society. The Science of Physicology).“ Hún er aðgengileg á vefnum (krækja neðan máls). Þýsk-enski sálfræðingurinn, Hans Eysenck ritar formála. Önnur bók Helmuth: „Taugasálfræði kyntengds munar á heila og sérstakra hæfileika“ (The Neuropsychology of Sex-Related Differences in Brain and Specific Abilities), er einnig aðgengileg á netinu.

Grein, sem Helmuth skrifaði árið 2005, ber titilinn; „Kynjatengdur munur á almennri greind g; stærð heila og félagsstaða (Sex-related differenes in general intelligence G, brain size, and social status),“ og birtist í vísindaritinu, „Manngerð og einstaklingsmunur (Personality and Individual Differences). Tímaritið hefur um fjögurra áratuga langa vísindalega birtingarsögu.

„Almenn niðurstaða: „Þegar réttri aðferð er beitt kemur í ljós stigvaxandi forskot karla í efri þrepum g-greindar. Það tengist umfangi heila, og útskýrir, alla vega að hluta, algilda drottnun karla í samfélaginu.“

Rannsóknarniðurstöður Helmuth ollu miklu fjaðrafoki, sem lyktaði með, að hann rekinn úr starfi 2006. Brottvikningin var þó dregin tilbaka, þar sem vísindamaðurinn var um það bil að fara á eftirlaun. En engu að síður var hann sakaður um „ámælisverða fræðimennsku“ (grov videnskabelig uredelighed). Forstöðumaður sálfræðiskorar lét hafa eftir sér: „Helmuth Nyborg starfar hvorki samkvæmt gildismati skorarinnar, né fellur hann að þeirri mynd, sem við viljum sýna af skorinni.“

Sex árum síðar urðu svipaðar hræringar, þegar Helmuth birti í nefndu tímariti, greinina, „Hnignun vestrænnar menningar: Tvöfalt tilslökunarúrval í anda kenninga Darwins“ (The decay of western civilization: Double relaxed Dawinian selection), þar sem hann komst að þeirri niðurstöðu, að tilflutningar fólks frá Miðausturlöndum gætu haft áhrif til lækkunar á greind landslýðs.

Skemmst er frá því að segja, að smávægilegar villur fundust í gögnum Helmuth, sem hann hafði forgöngu um að leiðrétta, en breyttu ekki niðurstöðum. Fyrir rétti árið 2016 var hann sýknaður af öllum ákærum og honum greiddar bætur.

Umræður, meðan á hremmingunum stóð og í kjölfar þeirra, eru athygliverðar fyrir margra hluta sakir. T.d. fullyrtu kvenfrelsarar, að greindar- eða hæfileikapróf væru hönnuð af körlum (sem í aðalatriðum er rétt) til að réttlæta með vísindalegum hætti kúgun kvenna. Í leiðara í dagblaðinu, „Stjórnmálin“ (Politikken) var talað um hneyksli, árás á konur. Vísinda- og tjáningarfrelsi bar einnig á góma.

Eðlisfræðingurinn, Benny Lautrup, prófessor við Niels Bohr stofnun Kaupmannahafnarháskóla, skrifaði t.d. í Jótlands-Póstinn (Jyllands-Posten): „Hefði Nyborg komist að þeirri niðurstöðu, að greindarmunurinn væri konum í vil, hefði hann trúlega aldrei verið ákærður fyrir fúsk. Það er hið þverstæðukennda [í málinu]. Málið minnir á ofsóknir (processer) í Ráðstjórnarríkjunum, þar sem öllu valdakerfinu var beitt til að berja vísindamann einn á báti til hlýðni við stjórnmálarétttrúnað samtímans.“

Eins og flestir vita nú orðið ríða kvenfrelsunarfræðingar röftum í samfélögum, embættiskerfi og ríkisstjórnum, með þá kenningu sína, að kyn sé – eins og önnur fyrirbæri – einungis hugarfóstur eða hugarfar, þ.e. hugsmíði. Því geti fólk valið sér kyn.

Helmuth hefur þráfaldlega bent á þær ógöngur, sem kvenfrelsunarbaráttan við æðri menntastofnanir hefur stefnt vísindum í. Hann skrifaði til að mynda, ásamt Emil O.W. Kirkegaard, grein í Politikken þann 6. janúar 2021. Þeir segja m.a.:

„Konur og karlar hafa ævinlega valið mismunandi menntun og störf. Kynjafræðimennirnir segjast vilja breyta því. Frá lokum síðustu aldar hefur verið gaukað að þeim ógrynnum fjármuna (millioner) til að stuðla að jafnrétti meðal kynjanna. En í grundvallaratriðum er kynjamunurinn óbreyttur.

Það vekur gagnrýnar spurningar. Gerðu þér t.d. í hugarlund hið óhugsandi: Gæti hrikt í grunnstoðum kynjajafnréttishugmyndafræðinnar eins og hún leggur sig? Grundvallast hún á röngum forsendum? Gæti munur á kynjahlutverkum verið af hinu góða? Sé svo, hafa þá kynjafræðingarnir eytt takmörkuðu rannsóknafjármagni til einskis í áratugi? Hefur einhver, sé þannig í pottinn búið, dug í sér til að taka óhjákvæmilegum afleiðingum og beita á nýjan leik vísindum við rannsóknum á muni kynjanna“? Höfundar segja enn fremur:

„Innleiða skal þvingunarkvóta meðal leiðtoga í atvinnulífinu og víðar. Framleiða skal fleiri skýrslur í anda kvenfrelsunar og kynna enn þá fleiri skjalarannsóknir [arkivforskning – þ.e. andstætt við vísindi, byggð á athugunum, raunvísindi]. Gagnrýnendur framsækinna áætlana skulu tugtaðir af menntunarráðgjöfum, vinstri skakklappaherforingum í háskólunum – eða reknir.

Hættið bólusetningum við covid-19, segir Retsef Levi

Er það ekki tímanna tákn, að sú fræðigrein, sem flestir fjölmiðla í veröldinni hafa sótt sannleik í um veirufárið, sé pantað svindl frá sóttvarnaryfirvöldum Bandaríkjanna? Ritstjóri hennar var meira að segja sjálfur æðsti veiruprestur Bandaríkjanna og Alþjóðaheilbrigðisstofnunarinnar (World Health Organization), Anthony Fauci, og aðalhöfundur hennar, Kristian G. Andersen, starfsmaður sama heiðursmanns.

Hver lygin hefur rekið aðra um rannsóknir á tilurð veirunnar, áhrif hennar, meinviðbrögð hinna bólusettu, þar sem hjarta- og krabbamein eru árberandi, andlát af völdum bólusetninga og viðbrögð yfirvalda – og hagsmunatengsl við framleiðendur.

Það fjölgar stöðugt í hópi marktækra sérfræðinga, sem vara við bólusetningum, bæði við covid-19 bóluefnum og öðrum bólusetningum, sem lyfjaiðnaðurinn þrýstir á um. Það heyrast stöðugt háværari kröfur vammlausra vísindamanna og almennings um afhjúpun leyniskjala, leyniaðgerða stjórnvalda og hagsmunatengsla þeirra.

Krafist er skýringa á sviptingu lýðréttinda og njósnum. Það er víða, sem pottur í brotinn í því efni. Norska leynilögreglan skráir andmælendur bólusetninga, rétt eins og leyniþjónusta Ísraels, Kanada, Bandaríkjanna og víðar. Veirunjósnir voru stundaðar á Íslendingum á tímabili. Hvað varð um þau gögn?

Stjórnvöld auka sífellt eftirlit með þegnunum. Heilbrigðiskerfið býr nú þegar yfir viðkvæmum upplýsingum og yfirvöld dómsmála herða stöðugt róðurinn með tilliti yfir vöktunar og eftirlits með almenningi, sem og heimilda handa lögreglu til notkunar ofbeldisbúnaðar. Hvað skráir íslenska „leynilögreglan“ í raun?

Samtímis auknu eftirliti ríkisvaldsins herðir alþjóðaauðvaldið og Alþjóðaheilbrigðisstofnunn takið á þjóðum heims. Hún er hvergi nærri af baki dottin við þá ráðagerð, að öðlast alræði yfir heilsu manna í veröldinni.

Alþjóðaheilbrigðisstofnunin lætur heldur ekki sitt eftir liggja við að viðhalda blekkingum um faraldurinn, sem hún ýtti úr vör. Hún hefur nú samið handbók um, hvernig megi fela afleiðingar bólusetninga og þeirra viðbragða, sem hún stjórnaði.

Stofnunin óttast, að þegar fólk sjái í gegnum bólusetningalygarnar, muni það rísa öndvert gegn yfirvöldum, sem hafa misst allan trúverðugleika. Þessi merka handbók heitir: „Bólusetningakreppuhandbókin – þrepskiptar leiðbeiningar um þjóðlegar ónæmisáætlanir“ (Vaccine Crisis Communication Manual – a step-by-step guidance for national immunization programmes). Markmiðið með handbókinni er að leiðbeina stjórnvöldum við að endurreisa traust þegnanna á bólusetningum.

Í nýlegri grein, „Hvernig sjúklingar létust fyrir gróða“ (How COVID Patients Died for Profit), segir bandaríski læknirinn, Joseph Mercola, á þessa leið:

Þegar í maí 2020 var ljóst, að sú lækning að stinga sjúklingum í öndunarvél, stappaði nærri dauðadómi í sjálfu sér. Á bilinu 50 til 86% covid-sjúklinga, sem fengu þessa meðferð, létust. Í sama mánuði höfðu læknar komist að því, að súrefnisholpípa í nefi, meðan sjúklingur lág á grúfu (cannulas and proning), var árangursríkari aðgerð en öndunarvél. Það var hugmynd Alþjóðaheilbrigðisstofnunarinnar, að með öndunarvél mætti takmarka loftúðasmit og vernda þannig aðra sjúklinga og starfsmenn. Með öðrum orðum var sjúklingum fórnað til að vernda aðra. Þegar þess er gætt, að margir covid-sjúklingar voru sjúkdómsgreindir á grundvelli ómarktæks, jákvæðs PCR prófs, verður þessi lækning enn þá rangsnúnari fyrir bragið. Sjúkrahúsin (í Bandaríkjunum) fengu auk þess dágóðar tekjur af því að sjúkdómsgreina fólk með covid-19 veiruna og stinga þeim í öndunarvél.

Ísraelskur sérfræðingur um lyfjaöryggi, Retsef Levi, segir:

Bólusetningum „á að hætta, því þær hafa í för með sér fordæmalaust tjón, þar með talin andlát barna og unglinga. … Sannanir eru ríkulegar og órækar, þess efnis, að mRNA bóluefnin hafi í för með sér alvarlegt tjón [ … ], sérstaklega meðal hinna ungu.“

https://steigan.no/2023/02/har-jeg-lost-en-folkehelseinstituttgate/?utm_source=substack&utm_medium=email https://www.nature.com/articles/s41591-020-0820-9 https://brownstone.org/articles/biomedical-security-state-british-edition/ https://steigan.no/2023/02/representantenes-hus-i-usa-vedtok-lov-som-avslutter-to-ar-med-grunnlovsstridig-maktovergrep/?utm_source=substack&utm_medium=email https://steigan.no/2023/02/og-na-er-jeg-ogsa-dette-en-ekstremist/?utm_source=substack&utm_medium=email https://brownstone.org/articles/the-west-must-never-again-go-totalitarian/ https://expose-news.com/2023/02/02/ardern-caused-33x-increase-excess-deaths-with-mandatrory-covid-vaccination/ https://brownstone.org/articles/amendments-who-ihr-annotated-guide/ https://brownstone.org/articles/covid-insider-farrar-and-his-eugenics-agenda/ https://brownstone.org/articles/it-all-began-with-fear/ https://apps.who.int/iris/bitstream/handle/10665/352029/WHO-EURO-2022-3471-43230-60590-eng.pdf https://expose-news.com/2023/02/02/investigation-into-bhf-for-suppression-data/ https://mail.google.com/mail/u/0/#trash/FMfcgzGrcPPGWpNZdNxbCkVMzHfPTSnB https://www.hartgroup.org/joint-open-letter-to-charity-commission/ https://www.hartgroup.org/an-independent-review-of-vaccine-safety-is-urgently-required/ https://www.hartgroup.org/we-rightly-mourn-the-dead-but-mustnt-forget-the-disabled/ https://nyheter.swebbtv.se/professor-israel-morklagger-information-om-vaccinets-biverkningar/ https://twitter.com/DrAseemMalhotra/status/1619943713874259974 https://mail.google.com/mail/u/0/#inbox/FMfcgzGrcPPGFFMzlrZNRsMhNnNwXRXq https://articles.mercola.com/sites/articles/archive/2023/02/02/covid-lab-leak.aspx?ui=50823ccf152775dc8e8154c0ff79da522ef0aa959b384df904857f2fc49c6730&sd=20221129&cid_source=dnl&cid_medium=email&cid_content=art1ReadMore&cid=20230202&cid=DM1338917&bid=1710655680 https://articles.mercola.com/sites/articles/archive/2023/02/01/how-covid-patients-died-for-profit.aspx?ui=50823ccf152775dc8e8154c0ff79da522ef0aa959b384df904857f2fc49c6730&sd=20221129&cid_source=dnl&cid_medium=email&cid_content=art1HL&cid=20230201_HL2&cid=DM1338276&bid=1709638840 https://nyheter.swebbtv.se/professor-vaccinet-det-storsta-fiaskot-nagonsin-maste-stoppas-omedelbart/ https://twitter.com/DrAseemMalhotra/status/1619943713874259974 https://twitter.com/RetsefL/status/1619945525670981632?ref_src=twsrc%5Etfw

Greindin sem glutraðist niður. Vísinda- og menningarkreppan. III: Greind og kynjafrábrigði

Það er eðlislægur munur á greind og þroska karla (karldýra) og kvenna (kvendýra), rétt eins og kynþátta. Bandaríski þróunar- og vitþroska sálfræðingurinn, David Cyrril Geary ( f. 1957) hefur fjallað um þennan mun í bók sinni, „Karlkyn, kvenkyn: þróun kynjamismunar manna“ (Male, female: The Evolution of Human Sex Differences),“ sem kom út á vegum bandaríska sálfræðingafélagsins árið 2010. Hann segir m.a.:

Flæði kynvaka (androgen) á fósturskeiði hefur í för með sér meiri áhuga á því að handfjatla og leika sér að hlutum og virðist auðvelda nám í þá veru. Gagnaugablað (parieteal cortex) er virkt við beitingu verkfæra og við ímyndun - eins og snúnings til dæmis. Það gegnir einnig samhæfingarhlutverki við þá hluta heilans, sem virkjast við að grípa hluti og handfjatla þá. Þegar drengir hafa náð um sex vetra aldri virðist hægra heilahvelið hafa þroskast til sérstakrar rýmisgreindar. Hjá stúlkum býr þessi greind hins vegar í heilahvelunum báðum, að minnsta kosti fram á unglingsaldur.

Strax sem hvítvoðungar sýna drengir meiri virkni heldur en stúlkur. Þessi munur viðhelst fram yfir barnsaldur og lýsir sér í grófari hreyfileikjum. Það eru engin áhöld um það, að vélbúnaður og hreyfingar, tengdar honum, ásamt viðeigandi leikjum, vekja sérstakan áhuga drengja. Stúlkur með kynvakabrenglanir (CAH) leika sér að strákaleikföngum allt að því þrisvar sinnum lengur heldur en eðlilegar stúlkur.

Þykjustubardagar eða leikbardagar tíðkast hjá ungviði margra tegunda fremdardýra (apa). Hún er mest áberandi hjá karldýrum og tíðust, þar sem samkeppni karldýra er heiftúðugust. Sum bragðanna eins og bit, eru ásköpuð. Stimpingar, líkamleg ýgi og drottnun verða áberandi snemma á gelgjuskeiði drengja eins og hjá öðrum karldýrum. Leikir snúast oft og tíðum um afl, drottnunargirni og árás. Drengir/karlar búa yfir meira afli heldur en stúlkur/konur og kasta því lengra, hraðar og af meiri nákvæmni.

Þriggja ára gamlir hneigjast drengir til hópþátttöku fremur en tvímenningssamneytis. Um fimm ára aldur andar köldu gagnvart félögum annarra hópa. Sex ára mynda drengir stærri hópa heldur en stúlkur gera. Þeir keppa fyrir hóp sinn og samhæfa aðgerðir innan hóps samtímis því að rýna í gagnaðgerðir hins hópsins. Drengir eru stoltir yfir því að vera fulltrúar síns hóps og hvort heldur er um að ræða velþóknun eða vanþóknun félaganna, eru þeir hvattir til dáða fyrir hópinn.

Drengir/karlar skapa sér stærra lífsrými en konur, þ.e. hætta sér fyrr lengra að heiman, t.d. í tengslum við veiðar, makaleit eða staðháttakönnun. Rannsókn á ferðum kvenna og karla, sem hvort tveggja náði til samfélaga veiðimanna-safnara og iðnaðarsamfélaga nútímans, bendir til, að karlar ferðist allt að fjórum sinnum lengra, heldur en konur yfirleitt. Rannsóknir benda til, að drengir/karlar eigi auðveldara með að átta sig á umhverfinu, m.a. dýpt þess og afstöðu (þrívídd), rata, leggja staðhætti og staðsetningar á minnið, og smíða verkfæri. Þessi hæfni á sér trúlega samsvörun á sameiginlegum heilasvæðum.

Rannsóknir gefa vísbendingu um, að konur styðjist í meira mæli við tungumálið, þegar þær reyna að átta sig og rata um tiltekið umhverfi. Karlar reiða sig aftur á móti á sjón og rýmisgreind. Á unglingsskeiði og snemma á fullorðinsaldri sýna flestir drengja þá þegar yfirburði við lausn þrívíddarverkefna. Hins vegar skara stúlkur fram úr í ákveðnum þáttum rýmisminnis, t.d. staðsetningu vaxta í umhverfinu og greiningu fínni tilbrigða litrófsins.

Líkt og hjá mörgum fremdardýrum öðrum (öpum) sýna stúlkur aukinn áhuga á ungabörnum og eldri börnum á gelgjuskeiðinu. Þetta gæti verið tengt aukningu kynvaka (estrogen) á þessu tímabili. Leikir þeirra snúast um oftar en ekki um tengsl, fjölskyldu og uppeldi barna.

Munur karla og kvenna endurspeglast einnig beinlínis í greindarprófunum. Greind hefur mælist heldur hærri hjá drengjum að meðaltali, og almennt mælast drengir oftar á endimörkum bjölludreifingarinnar en stúlkur.

Drengir eru almennt næmari fyrir umhverfi sínu eins og minnsta var á. Það gæti stuðlað að þroskun heilans og greind. Áhaldasmíði er einnig miklu algengari hjá körlum og drengjum á fyrri þróunarstigum heldur en konum – svo og leikni í að beita þeim.

Í skóla virðist náttúrufræði, vélfræði og tæknifræði, höfða fremur til drengja heldur en stúlkna. Frammistaða í stærðfræði er breytileg og að litlu leyti betri. Lestur heillar drengi síður en stúlkur. Þeim er einnig hugleiknari tækni, samkeppni (í íþróttum) og stjórnmál.

Nokkur tilbrigði vitsmuna eins og almenn greind og rýmisgreind, ofar meðallagi, stærðfræði og vélfræði, auðvelda nám í raun- og tæknigreinum. Karlmenn búa oftar yfir nefndum vitsmunum. Mælingar sýna yfirburði karla á bilinu frá 2:1 að 5:1.

Fyrir um það vil einni öld síðan birtust fyrstu rannsóknarniðurstöður þess efnis, að stúlkur væru ánægðari í skóla og stæðu sig betur en piltar. Einkum á þetta við um skrift, málfræði, réttritun og lestur – í minna mæli þó. Tíu ára gamlar yfirlitsrannsóknir á sama efni víðsvegar um veröldina, staðfestu þá niðurstöðu. Skipulag skóla virðast henta stúlkum betur.

Karlar mælast auk þess miklu fleiri í námunda við efsta þrep mælistigans á öllum sviðum eðlis- og efnafræði. Greind kvenna, sem nema áðurgreind fög, er jöfn karla. Þær eru einungis færri. Það er ástæða til að ætla, að þennan mun megi að einhverju leyti rekja til kynvals tegundarinnar, þar sem hann tengist rýmisgreind og áttvísi. Sama má segja um meiri áhuga pilta á heimi hluta og tækni. Þó gæti félagslegur eðlismunur kynjanna haft meiri áhrif en sjálfur vitþroskinn.

Rannsóknir skömmu fyrir síðustu aldamót bentu ákveðið til kynjamunar, hvað starfsval snertir. Ungar konur tóku stefnu á heimilisstörf, listir, ritstörf, félagsþjónustu og skrifstofustörf, en ungir karlar höfðu meiri áhuga á viðskiptum, lögfræði, stjórnmálum, stærðfræði, raunvísindum, landbúnaði, íþróttum og vélfræðum.

Stærðfræðinemendur snemma á þrítugsaldri, sem stefndu á æðra nám, vöktu athygli. Í þessum hópi voru karlmenn áttfalt fleiri heldur en konur. Skýringuna er trúlega að finna í öðruvísi áhuga karla og kvenna. Í því sambandi er áhugavert, að jafnvel þótt konur standi sig með ágætum í náminu og þeim séu boðin vellaunuð störf að námi loknu, heltast þær úr starfsframalestinni á fertugsaldri og kjósa að sinna heimili og börnum.

Hvað stærðfræðinámi viðkemur er almennt óverulegur munur á kynjunum, en þó virðast drengir hafa forskot á sumum sviðum rúmfræði og við úrlausn orðbundinna verkefna – sérstaklega, þar sem gætir nýjabrums eða krafist er skilnings á rými. Mælingar á stærðfræðigáfu endurspegla mælingar á greind. Drengir raðast efst og neðst í stigann.

Félags- og tilfinningaþroski er einnig mismunandi. Stúlkur og konur eru nákvæmari í túlkun tilfinninga eins og þær birtast í svipbrigðum í andliti, líkamsstöðu og raddbrigðum. Þessi munur kynjanna kom í ljós við rannsóknir víða um heim.

Þetta er þó ekki alveg óbrigðult, því körlum lætur betur heldur en konum að greina reiðileg svipbrigði í ásjónu annarra karla. Þetta á sem sé ekki við um ámóta svipbrigði í andliti kvenna. Aftur á móti eru þeir næmari fyrir svipbrigðum í andliti kvenna, sem túlka má sem óbeit, ótta og depurð, heldur en í ásjónu kynbræðra sinna.

Í umfangsmikilli rannsókn Marco Del Gludice og félaga, sem birtist árið 2012, á manngerðarmuni kynjanna á alheimsvísu, kom m.a. þetta í ljós: Greinilegastur mældist munurinn annars vegar á næmi (sensitivity), hlýju (warmth) og kvíða, sem er meiri hjá konum, og hins vegar á skapfestu (emotional stability), drottnunargirni (dominance), regluvitund (rule-consciousness) og árvekni (vigilance), sem er meiri hjá körlum.

Á Vesturlöndum hefur það lengi verið þekkt, að konum hættir fremur til depurðar en körlum. Í rannsókn Rosemary L. Hopcroft og Dana Burr Dradley frá 2007, sem náði til 29 landa vítt og breitt um heiminn varð niðurstaðan þessi: „Niðurstöður sýna, að hvergi sé líklegt, að karlar hneigist fremur til þunglyndis en konur. Enda þótt vísbendingar séu um, að depurð sé alvarlegri þar, sem jafnræði [eða sanngirni, equity] kynjanna er áfátt, sýna niðurstöður stærri þunglyndisgjá milli kynjanna í samfélögum, þar sem gætir meira jafnræðis.“

 

Það hriktir í heimsveldinu í vestri. Hrævareldar og hrægammar í Úkraínu

Það eru eins og margir vita, náin tengsl millum stjórnvalda í Washington og meginstraumsfjölmiðla, þar í landi. Þeim er iðulega beitt á vígvelli stjórnmálanna.

Fyrir skemmstu skrifaði utanríkisráðherra Bandaríkjanna, Anthony Blinken, sem nú er á bólakafi við að stilla til friðar í Miðausturlöndum, Kremlverjum bréf, í líki kjallaragreinar í Washington Post.

Samkvæmt því hriktir greinilega í stoðum heimsveldisins í vestri, sem berst fyrir frelsi og lýðræði í Úkraínu. Það er svo að sjá, að bandarísk yfirvöld hafi takmarkaða trú á vígtólunum, sem þau senda í belg og biðu, enda þótt skriðdrekarnir með þotuhreyflunum verði sendir einhvern tíma til viðbótar þeim þýsku úr öllum áttum. Það virðist reyndar orðið þegnskylda að senda bryndreka til Úkraínumanna. Stríðsdjörf yfirvöld á Íslandi ættu að láta skattgreiðendur kaupa eins og einn og dubba utanríkisráðherra upp til bryndrekastjóra - í lopapeysu auðvitað.

Sem sé! Þrátt fyrir ógrynni fjár úr vösum skattgreiðenda og vígtól af öllu tagi í samræmi við stríðsáætlanir vígahugsuða Atlantshafsráðsins (Atlantic Council), og þrátt fyrir sigurvissuheitstrengingar Volodomyr og aðdáanda hans á Norðurlöndum og víðar, er nú komið ólundarlegt samningshljóð í strokkinn.

Digurbarkalegir Bandaríkjamenn daðra við þá hugsun að semja við Rússa, án þátttöku Volodymyr eins og vera ber. Hann hefur aldrei verið annað en tuskubrúða Nató. Ég gæti sem best trúað því, að hann verði settur í stofufangelsi á höfðingjasetri sínu í Florída í fyllingu tímans, þegar yfirvöld Vesturlanda snúa endanlega við honum baki.

Djúpríkinu, þ.e. alþjóðlegum og bandarískum auðjöfrum, líst greinilega ekki á blikuna lengur. Það liggur við borð, að þegar Rússar kjósa að fara í raunverulegt stríð, mun hitna mjög í kolunum. Auðvaldarnir óttast greinilega að missa spón úr aski sínum; auðævin, sem fólgin eru í jörðu og frjósömu akurlendi. Hrægammarnir hafa þegar læst klóm sínum í þessar auðlindir og mega ekki á heilum sér taka við tilhugsunina að missa höfnina í Ódessa. Því er það líklega, að gælt sé við hugmyndina um, að ekki verði amast við þeim landamærum, sem Rússar í Rússlandi og Úkraínu hafa dregið upp.

En hin yndisfagra Kremlarfrú, Maria Sakharova, snýr bara upp á sig, „vender den kolde skulder til,“ enda hafa Vesturveldin svikið eða sagt upp samningum við Rússneska ríkjasambandið - meira að segja um notkun kjarnorkuvopna - síðustu þrjá áratugina eða svo. Það gildir vissulega líka um Minsksamningana, sællar minningar, sem Frakkar, Þjóðverjar og Sameinuðu þjóðirnar höfðu ábyrgst.

Vesturlönd eru einfaldlega ekki samningshæf, óábyrg. Þrátt fyrir friðardaður í fjölmiðlum gæla stríðsbrjálaðir Bandaríkjamenn enn við þá hugmynd að senda orrustuþotur til viðbótar skriðdrekum og Bretar stæla sig af gervigreindarhermönnum sínum.

Maria segir á þessa leið: Þar sem Úkraínumenn hafa hafnað opinberum friðarsamningum, munu vopnin verða látin tala. Málið er í höndum hernaðarsérfræðinganna. Rússar hafa einnig gefið þýska kanslarann, Olaf Scholtz, upp á bátinn, eins og hverja aðra strengjabrúðu í höndum Bandaríkjamanna og arftaka „Nazi Wehrmacht“ (þriðja stríðsríki Adolf Hitler). Hann anar áfram í blindi á söguna, hefur ekkert lært af fyrri mistökum þjóðar sinnar, sem var margir liðu fyrir.

Okkur er enn í fersku minni, hvernig skriðdrekar líta út og hverju þeir koma til leiðar. Þeir eru orðnir eins konar tákn. Tákn dauða og banvænnar hugmyndafræði og mannhaturs. Þeir eru ógn við jarðarkringluna alla. Hvað sjá Þjóðverjar fyrir sér? Skriðdreka í felulitunum, skreyttum járnkrossum, táknum þýska hersins, sem fá að aka um götur borga vorra og þorpa?

Það er okkur skýrt fyrir hugskotsjónum, hvaða afleiðingar það hafði á sínum tíma. Hverjar eru endurminningarnar í Berlín? Ákvörðun Þjóðverja að senda Leopard skriðdrekana til Úkraínu er söguleg, fyrir þær sakir, að þeir hafa þar með afsalað sér sjálfstæðri utanríkisstefnu. Olaf Scholtz hefur varpað fyrir róða öllu því, sem forverar hans frá lokum síðari heimsstyrjaldar, hafði tekist að byggja upp. Svo mörg eru orð Maríu.

Það ber ekki á öðru, en uppþot og upplausn sé í aðsigi í Nató. Tyrkir leika sér að Svíum og Finnum og eru bandalaginu ótrúir með ýmsum hætti. Stíga í vænginn við Rússa, sem vilja dansa. Tyrkir fnæsa á Bandaríkjamenn og hernámsvini þeirra í Sýrlandi. Þeir gætu sem hægast fundið upp á því að hverfa úr bandalaginu.

Og nú ljúka Ungverjar upp munni og taka afstöðu gegn stríðsæsingasefjun á Vesturlöndum eins og sauðsvartur ámúginn gerir líka í vaxand mæli. En RÚV hefur líklega ekki frétt af því.

http://johnhelmer.org/russian-foreign-ministry-rejects-blinken-and-nuland-proposals-condemns-scholz-for-reviving-hitlers-plan-to-destroy-russia/ https://expose-news.com/2023/01/31/militaries-update-arsenals-and-silicon-valley-capitalises/ http://en.kremlin.ru/events/president/news/70394 https://www.rt.com/news/568643-hungary-west-mistake-ukraine/ https://www.wsws.org/en/articles/2023/01/26/pers-j26.html http://johnhelmer.net/blinken-concedes-war-is-lost-offers-kremlin-ukrainian-demilitarization-crimea-donbass-zaporozhe-and-restriction-of-new-tanks-to-western-ukraine-if-there-is-no-russian-offensive/ https://www.atlanticcouncil.org/in-depth-research-reports/issue-brief/the-stabilization-and-reconstruction-of-ukraine/ https://www.atlanticcouncil.org/content-series/atlantic-council-strategy-paper-series/preparing-for-victory-a-long-haul-strategy-to-help-ukraine-win-the-war-against-russia-and-secure-the-peace/ https://johnhelmer-net.translate.goog/blinken-concedes-war-is-lost-offers-kremlin-ukrainian-demilitarization-crimea-donbass-zaporozhe-and-restriction-of-new-tanks-to-western-ukraine-if-there-is-no-russian-offensive/?_x_tr_sch=http&_x_tr_sl=en&_x_tr_tl=no&_x_tr_hl=en&_x_tr_pto=wapp#more-70567 https://edition.cnn.com/2023/01/26/europe/ukraine-tanks-fighter-jets-intl?cid=external-feeds_iluminar_msn https://www.theamericanconservative.com/viktor-orban-we-are-in-a-war-with-russia/ https://www.washingtonpost.com/opinions/2023/01/24/blinken-ponders-post-ukraine-war-order/ https://thecradle.co/article-view/20878/a-panicked-empire-tries-to-make-russia-an-offer-it-cant-refuse