Innrætta heilabúið. Baráttan um drekann og viljann. Michael Nehls

Þýski læknirinn, ónæmis- og sameindalíffræðingurinn, Michael Nehls, hefur skrifað áhugaverða bók, „Innrætta heilabúið. Hvernig verjast má víðtækri árás á andlegt frelsi vort“ (Das indoktrinierte Gehirn: Wie wir den globalen Angriff auf unsere mentale Freiheit erfolgreich abwehren - The Indoctrinated Brain: How to Successfully Fend Off the Global Attack on Your Mental Freedom).

Höfundur bendir á það, sem margir vita, að máttur hugans sé á undanhaldi – sérstaklega meðal hinna ungu – samtímis því, að þunglyndi færist mjög í aukana. Það er líka eftirtektarvert, að Alzheimerstilvikum fjölgar og fórnarlömbin verða yngri og yngri.

Í bókinni færir Michael rök fyrir því, að hér sé um ásetningsskemmdarverk að ræða, undirbúning eða lið í áætlunum um hina miklu endurræsing (New Reset). Michael hefur skrifað fjölda bóka og greina um miðtaugakerfið og taugahrörnunarsjúkdóma.

Það er alkunna, að maðurinn sé spendýr. Miðtaugakerfið eða heilinn endurspeglar þróunarsöguna. Við verðum stundum furðu lostin, því hátterni okkar svipar mjög til hrossa, kúa og sauða. Hjarðhegðun heitir það.

Stóri munurinn á okkur og hinum spendýrunum er nýheilinn (neocortex), þriðji þróunaraukinn við spendýrsheilann, tungumálið, minnið og síðast en ekki síst; gagnrýnin rökhugsun. Minnið er margs konar og á víða rætur í miðtaugakerfinu. Við munum til styttri og lengri tíma. Örvun hugans er lífsnauðsynleg andlegu atgervi.

Í heilabúinu er svæði, sem kallast dreki eða sæhestur (hippocampus, skírður eftir lögun sinni). Þar er talið, að langtímaminnið eigi sér bólstað. Dreki hefur þá sérstöðu í miðtaugakerfinu, að hann framleiðir nýjar frumur, sem geyma minningar og nám, samtímis því að flokka og halda reiðu á minni og þekkingu, svo og minnistengdum tilfinningum. Þar er lífsminnið (autographical memory) að finna. Um er að ræða eins konar minnisskjalaskáp (index neurons).

Án lífsminnisins væri okkur fyrirmunað að vita, hver við erum. Okkur væri ókleift að svara spurningunni; „Hver er ég?“ Skert lífsminni veldur því, að manngerð okkar, sjálfsskilningur, brotnar niður. Þetta sjáum við greinilega við taugahrörnunarsjúkdóma eins og Alzheimers.

Höfundur segir: „Heilbrigður dreki er bráðnauðsynlegur einstaklingseðli og sköpunarmætti, þjónar sem grunnstoð sjálfstæðrar hugsunar og áætlanagerðar. Án drekans – svo dregin sé upp einföld mynd – hverfur okkur fortíðin og hugboðið um framtíð.“

Ennfremur: „Trufluð framleiðsla nýrra drekafruma leiðir til „sjálfsrýrnunar“ (ego depletion), sem einkennist af heilaþoku (mental fatigue). Heilaþokan leiðir til þess, að við forðumst nýjar hugsanir vegna þess, að drekinn hefur misst hæfileikann til að varðveita minningar (nýnám).“ Framleiðsla nýrra drekafruma á sér einkum stað í djúpum svefni.

Hreyfing, hugsun, nám og samneyti við aðra, er örvandi, leysir úr læðingi vaxtarvaka, sem eru dreka nauðsynlegir, örva hann til dáða og auka framleiðslu nýrra taugafruma (adult hippocampus neurogenesis). Þannig verður til andlegt ónæmiskerfi (psychological immune system) vort.

Andlegt ónæmiskerfi er hugtak, sem þýski sálfræðingurinn, Rainer Mausfeld, kynnti. En sálónæmisfræðin (psychoneuroimmunology) hefur í áratugi fjallað um áhrif sálrænna þátta á ónæmiskerfið. Skýr og rökrétt hugsun er snar þáttur í andlegu ónæmiskerfi, segir Rainer. Hún auðveldar okkur að gjalda varhug við áróðri. „En þegar eðlislægt ónæmiskerfi vort er úr lagi gengið eða gert óvirkt, verðum við varnarlaus fórnarlömb gerræðisafla (manipulation).“

Versti fjandi andlegrar heilsu og heilbrigðrar starfsemi drekans, er langær ótti, kvíði, hræðsla. Við hræðumst hið ókunna, aðsteðjandi hættur. Þegar ótti grípur hjörðina, er „skrúfað fyrir“ sjálfstæða og gagnrýna hugsun og hin fornu spendýrslögmál gilda. Leiðtogi hjarðarinnar á auðveldan leik.

Michael segir, að þeir, sem sækist eftir yfirráðum yfir mannkyni, þurfi að sljóvga eða smána það til frambúðar. Tveir meginkostir séu í stöðunni; fækka sjálfstæðum hugsuðum eða skerða einstaklingseðli þeirra. Hvort tveggja tókst við þvingunaraðgerðir, meðan á veiruvitfirringunni stóð.

Markmiðið er „Hin mikla, andlega endurræsing,“ að undirbúa mannkyn með þeim hætti, að það „sjálfviljugt“ þiggi með þökkum alræði, þrátt fyrir að það eigi ekki hljómgrunn í mannlegu eðli.

Baráttan um drekann stendur enn. Öllum hlýtur að vera minnisstætt, hvernig fólk hefur látlaust verið ruglað í ríminu, hvernig alið hefur verið á ofsahræðslu við veirur, smit, stríð (Rússarnir koma) og helvítishlýnunina, svo dæmi séu tekin. Fólki var stíað í sundur, alið á tortryggni og óheilindum, gamalmenni voru afskipt, börnum var bannað að fara í skóla og fullorðnum að vinna. Sífellt var hamrað á hættunum og með ýmsum tilbrigðum. Fólk gat ekki á heilu sér tekið. Frásagnir yfirvalda og lyfjafyrirtækja grópuðust í drekann og skertu almennt minni, lífsminni og sjálfstæða hugsun. Þrælslundin blómstraði.

Eiturefnin, sem fólki var talin trú um að láta sprauta í sig, hvað eftir annað, ullu og valda enn skaða á líkamanum. Heilinn og drekinn meðtaldir. Minni og einbeiting er skert, þunglyndi heldur innreið sína eða elnar.

Michael segir: „Rannsóknir, árið 2007, höfðu þegar sýnt fram á, að broddhvítan (spike protein) í SARS-CoV-1, sem notuð var sem átylla fyrir yfirlýsingar um heimsfaraldur 2002, yllu truflunum á lífsminninu, með því að leysa úr læðingi holskeflur taugasýkingarefna. Þau koma öll í veg fyrir endurnýjun taugafruma og geta sem hægast haft rýrnun drekans í för með sér.“

Hann segir aukin heldur: „Afleiðingin er dæmalaus dánartíðni, sem hvergi nærri skýrist af smiti eingöngu, sem og verulegt tap andlegs og sálræns atgervis fólks víðsvegar í samfélaginu. [Þetta skýrist af] hnitmiðuðum árásum á miðstöð lífsminnisins og endurspeglar herkænsku, sem hvort tveggja er lævísleg og vísindalega vel unnin.“

Látlaus áróður stjórnvalda (t.d. samstilltu þríeyki forseta Bandaríkjanna), heilbrigðiskerfis og lyfjaiðnaðar, einhliða frásögn, grópaðist í drekann og yfirtók hjá mörgum sjálft lífsminnið, þurrkaði út reynslu, þekkingu og gagnrýna hugsun. Ríkjandi frásögn varð að sögninni um eigin líf, varð hluti af eigin manngerð. Samtímis hefur drekinn skroppið saman (shrinking).

Efasemdir um þessa frásögn eða rétttrúnaðinn voru túlkaðar sem árás á þá, sem heilaþvegnir voru. Sjálfsvarnarheiftin var svo mikil, að leiddi jafnvel til vin- og fjölskylduslita, rétt eins og rétttrúnaðurinn um kynleysu og kvenfrelsi.

Michael segir: „Lífsminnið er hinn raunverulegi vígvöllur og þar með hið andlega ónæmiskerfi samfélagsins. Verulegt heilsutap fólks á öllum aldri ber ekki að líta á sem fylgitjón (colllateral damage) bjagaðra viðbragða við covid-19, heldur sem rökrétta afleiðingu af leynilegum og úthugsuðum taugaskerðingarheilaþvotti (neuropathological).“

Höfundur segir einnig: „Herkænskan beinist gegn drekanum – miðstöð lífsminnisins í heilanum – til að leggja grunn að sigri tækninnar. Með því að þurrka út einstaklingseðli og sjálfstæða hugsun er jarðvegurinn plægður fyrir athugasemdalausa undirgefni við tæknifrásagnirnar.“

Heilbrigðisstéttir brugðust skyldum sínum og eiði og hafa stuðlað að heilsufarslegu tjóni og gera enn. Það virðist einu mega gilda, hversu margar óháðar rannsóknir hafa sýnt fram á eitrunaráhrif þeirra bólusetninga, sem þvingaðar voru/eru í almenning.

Viðauki: „Dreki (sæhestur). Tekur þátt í minni (jafnvel sérstaklega stað og stund) , námi, hreyfingum, rúmskyni og hefur letjandi virkni.

Líkur eru til, að dreki “riti” ekki minnissporin sjálfur, heldur hafi miðlandi eða umbreytandi hlutverki að gegna. T.d. er talið að dreki nemi efni af táknrænum toga (representative) eða efni tengt atburðum/frásögn (episodic) á grundvelli upplýsinga frá tengisvæðum í heilaberki (cerebral association cortex) til skemmri tíma, en minnisfesting til lengri tíma litið fari fram í nýja heila (cerebral neocortex). Nýlegar rannsóknir (2010) benda til, að insúlín kunni að vera einn „höfuðpaura“ við áðurgreinda miðlun. T.d verður vart minnistruflana, námstruflana, við sykursýki tvö (type 2 diabetes mellitus). Truflanir verða með svipuðum hætti við Alzheimers sjúkdóm, sem reyndar stundum er nefndur þriðja gerð sykursýki (type 3 diabetes).

Vefjarýrnun hefur sést við tilteknar tegundir geðklofa (schizophrenia). Hrörnun af svonefndu CA 1 svæði virðist hafa í för með sér skerðingu hæfileika þess að bera kennsl á fólk (Alzheimer).

Hjá þunglyndissjúklingum, einkum þeirra, er þjást af djúpri geðlægð (major depression), er talið (2003), að um byggingargalla eða skemmd (structural) sé að ræða, sem trufli samband við mikilvægar taugaboðshringrásir milli randkerfis og hvalaheila (limbic-cortical networks).

Eina þekkta svæði (1997) heilans, þar sem nýfrumumyndun verður allt fram á fullorðinsár (langtímaminni). Þéttriðnar taugabrautir liggja til framlægra kjarna í stúku (anterior thalamic nuclei) ýmist beint eða gegnum dreka (fornix) og vörtulíki (mamillary bodies). Af sjónarhóli líffærafræðinnar er litið á dreka sem eins konar tengisvæði nærliggjandi barkarsvæða, en aðskilinn frá nýja heila (neocortex). Hann skiptist á grundvelli frumubyggingar og tenginga aðlægra og frálægra taugabrauta, sem mynda þéttriðið net örvunartaugafruma og GABA virkunar fruma, sem oftast hafa letjandi áhrif.“

https://www.naturalnews.com/2024-03-11-book-of-the-year-full-transcript-dr-michael-nehls-author-of-the-indoctrinated-brain-interviewed-by-mike-adams-astonishing-information-your-brain-is-under-globalist-attack.html https://www.bitchute.com/video/MTRy7iN7gIIg/ https://www.naturalnews.com/2023-12-25-michael-nehls-indoctrinated-brain-global-mind-manipulation.html https://michaelnehls.substack.com/p/neuro-warfare-engineering-consent https://michael-nehls.com/ https://rumble.com/v40q6g5-the-indoctrinated-brain-with-michael-nehls-m.d.-ph.d..html https://michaelnehls.substack.com/archive https://rumble.com/v3ylvh4-dr.-michael-nehls-mrna-injections-erase-autobiographical-memory-in-hippocam.html https://expose-news.com/2024/04/04/the-indoctrination-brain-the-most-evil-thing-ever-done/ https://beeley.substack.com/p/playing-god?utm_source=post-email-title&publication_id=716517&post_id=144274180&utm_campaign=email-post-title&isFreemail=true&r=ry8jq&triedRedirect=true&utm_medium=email https://rumble.com/v4t0725-doctors-ordered-to-euthanize-millions-of-vaccinated-patients-to-cover-up-di.html

Kvenfrelsunarmisþyrmingar drengja

Nýlega sagði RÚV frá því, að mótmæli hefðu eina ferðina enn brotist út í Ástralíu vegna drápa á konum. Umfjöllunin var jafn einhliða og umfjöllunin um sama efni í Bandaríkjunum, þar sem ógiltur var dómur yfir Harvey Weinstein, sem kvenfrelsarar um heim allan hafa úthrópað sem holdgerving karlillskunnar og eitraðar karlmennsku. (Hvet lesendur til að kynna sér málsskjölin.)

En Ólöf Ragnarsdóttir, sem virðist hafa að sérstöku áhugamáli vonsku Rússa, Ísraela og Írana - og karla yfirleitt - lætur ekki þar við sitja. Hún sagði okkur ábúðarfull um dráp þjóðarvarðliða Írana á stúlkukind, sem þeir fyrst nauðguðu. Þetta sagði Ólöf, að BBC hefði rannsakað í þaula og því ekki efni til að efast. Og svo endurtók hún sannfæringu sína um hina stúlkuna, sem velsæmislögreglan hefði drepið, því hún hefði verið slæðuskussi.

En það er orðið býsna langt síðan hún hefur flutt okkur sambærilegar fréttir af rússneskum voðamennum. En þær hljóta að koma. Ólöf er býsna glúrin við að þefa uppi fréttaskeyti um efnið frá „Trusted News Initative,“ hinni sannsögulu og traustvekjandi fréttaveitu nokkurra ríkis- og einkamiðla.

Það er líklega skýringin á því, að Ólöf hefur ekki séð ástæðu til að fjalla um baráttu samtaka í Ástralíu, sem kalla sig „Ástralíumenn í þágu vísinda og frelsis“ (Australian for Science and Freedom) og „Mæður sona“ (Mothers of Sons), sem berjast fyrir því, að karlmenn, sem verða fyrir margvíslegum ásökunum af kvenna hálfu, fái að njóta sakleysis, uns sekt er sönnuð, og réttlátra réttarhalda. Það eru í Nýju Suður-Wales hvorki meira né minna en fjögur hundruð kynofbeldismál, þar sem rökstuddur grunur leikur á dómsfúski eins og í tilviki Harvey Weinstein.

Það hefur nefnilega verið ein af mikilvægustu mælistikunum á baráttu kvenna fyrir frelsi sínu að geta sakfellt karlmenn með eigin vitnisburði. Hið þekkta viðkvæði er: Konum skal alltaf trúa. Önnur mælistika á jafnrétti kynjanna er því, hversu mörgum körlum dómskerfið kemur á bak við lás og slá. (Sjá einnig fróðlegan Fésbókarpistil þann 1. maí frá Jóni Steinari Gunnlaugssyni um efnið.)

Þriðja mælistikan á kvenfrelsun og jafnrétti kynjanna er réttur kvenna til að ala upp syni sína samkvæmt kvenfrelsunarbíblíunni. Einn þáttur þess er að flæma feður af heimilum sínum, svo þeir þvælist ekki fyrir í uppeldinu, nema þeir séu kvenfrelsunarfeður náttúrulega. Hinn góðkunni, fyrrum kvenfrelsari, Janice Fiamengo, hefur skrifað um þetta athyglisverða grein með fjölda tilgreindra heimilda.

Eins og allir vita þrengja drengir að lífsrými stúlkna. Janice segir; „drengjum er kennt að biðjast afsökunar [á tilvist sinni]. Það kemur illa við stúlkur hversu „plássfrekir“ þeir séu [og það sé] vandamál. Það ætti að auka næmi þeirra fyrir vansæld stúlkna og viðkvæmni, og þeir verða að temja sér að hafa þarfir stúlkna í fyrirrúmi.“

Í Ástralíu var skólastrákum t.d. skipað að standa á fætur og biðja kvennemendur afsökunar á sjálfum sér og þeirri kúgun, sem þeir beittu stúlkurnar.

Einn kvenkennaranna orðaði þetta svo: „Þegar ég var í kennaraskólanum (college) leit ég á það sem köllun lífs míns að kenna stúlkum kvenfrelsun. En mér varð ljóst, að það væri enn þá mikilvægari köllun að kenna strákum kvenfrelsun.“

Önnur lýsir þriggja ára syni sínum á þessa lund: Í almenningsgörðum „flögrar“ hann um á álfavængjum í skyrtu systurinnar. Honum er umhugað um að nota ennisband með rauðri og hvítri slaufu, þegar hann situr fyrir við myndatöku í leikskólanum. Mikilvægi áhugamálanna er í þessari röð: dúkkur, dans, leikfangabílar, naglalökkun og draugasögur. Sonur minn er skapgóður og fjörugur, en eins og stendur laus við truflandi kynímyndir.

Jody Allard skammast yfir því, að unglingsynir hennar harðneiti að taka ábyrgð á nauðgunarmenningunni. Hún segir: „allir, sem standa ekki með okkur, eru okkur andsnúnir. Sérstaklega og einkanlega karlmenn. Jafnvel mínir eigin synir – jafnvel þínir.“

Það er svo sem ekki kyn, að annar sonanna sé haldinn sjálfsmorðsþunglyndi. En það hefur ekkert með hana að gera eins og gefur að skilja: „Þunglyndi sonarins er ekki mitt. Ég lagði ekki drög að því og er ekki ábyrg fyrir því.“ Lane nokkur Brown hryllir við kynlífsáhuga (catcalling) karla á konum og einsetti sér að taka strákkvölina sína, tæpra tveggja vetra, í sérstaka siðun í þessu efni, þannig að honum dytti ekki í hug, „að stúlkur væru til þess að horfa á eða barasta að leika eiginkonur í leikskólanum.“ Grundvallarásetningur mömmu er sá, að hann muni aldrei stynja upp orðum, sem væru til þess fallin að valda skömm ellegar kinnroða.

Eins og gefur að skilja þurfa mæður á uppörvun og stuðningi að halda við að temja eitruðu karlóhemjuna í sonunum. Það er raunar orðið sérstakt umfjöllunarefni í dálkum kvennablaða. Louise Leontiades miðlar reynslu sinni:

„Sé vargahegðun (predatory behavior) karla eins allsráðandi og virðist vera og ég hef reynt, eru tölfræðilegar líkur til þess, að sonur minni muni misbjóða (violate) einhverjum, einhvern tímann í lífinu.“

Hin ástralska, Polly Dunnig, lenti í tilvistarlegri og hugmyndafræðilegri kreppu. Hún varð fyrir þeirri ógæfu, kvenfrelsari aftur um þrjá ættliði, að verða ólétt af sveinfóstri. Hún sagði í því sambandi: „Kvíðinn vegna hins ógnvænlega verkefnis [að ala upp dreng], kvaldi mig vikum saman …“

Það slaknaði þó á kvíðanum, þegar hún fann köllunina í uppeldinu; að kenna syninum og móta hann þannig, að stráksi yrði lifandi afsönnun forréttinda karla. „Ég ætla mér að ala upp kvenfrelsunarstrák,“ sagði hún.

Og svo sá mamma Polly ljósið: „Ást okkar á konum er svo sterk, að dætur vildum við eignast. Því munum við ala syni okkar upp í ást og virðingu fyrir konum. Þannig stuðlum við að kvenfrelsun með því að eignast syni.“

Kvenfrelsunarfeður eru líka liðtækir eins og Justin Coulson, sem skrifað hefur grein um að kenna strákum að virða konur og Justin Wayne Parker., sem kennir okkur, hvernig megi kenna sonum okkar að virða konur. Báðir ganga út frá því staðlaða viðhorfi, að eingöngu drengjum komi til hugar að misbeita eða misnota annað fólk.

Janice bendir á, að nær ógerlegt sé að finna kynjákvæð dæmi um uppeldi drengja:

„Andkarllegt uppeldi þykir þeim skiljanlegt, sem aðhyllast trúarsetningar kvenfrelsaranna. Kvenfrelsunarforeldrar lifa í þeirri trú, að þeir geri samfélaginu greiða með því að losa syni sína úr viðjum sjálfsupphafinnar og eitraðrar karlmennsku. Þeim virðist ekki koma til hugar, að hér sé um að ræða, hvorki meira né minna, en tilfinningalega og sálarlega misnotkun.“

p.s. Síðustu fréttir af íslenska kynofbeldisvígvellinum, samkvæmt RUV, eru þær, að enn á ný sé boltamaður ákærður fyrir kynofbeldi, sá hinn sami og greiddi þriggja milljóna syndaaflausn til Stígamóta og annað eins í miskabætur til tveggja kvenna, sem hann reyndi að hrista af sér.

Það má einu gilda, hvort hann þiggur boð um kynlíf eða ekki. Hann er sekur, hvort sem er. Í fyrra tilvikinu fyrir kynbundið ofbeldi, í seinna tilvikinu fyrir að misnota yfirburðastöðu sína. Mamman fer fram á þrjár milljónir í miskabætur.

A feminist's guide to raising boys | Family | The Guardian How to raise feminist boys – she will survive (wordpress.com) Young Men Need to Learn About Street Harassment, Too - Bloomberg Having a son went from a dilemma to being the most valuable lesson of my life (smh.com.au) 10 Ideas for Raising a Feminist Son - Thrive Global How I'm Raising My Sons as Feminists (mother.ly) How to Raise a Feminist Son - The New York Times (nytimes.com) How to raise a feminist - Today's Parent (todaysparent.com) My teen boys are blind to rape culture - The Washington Post Joe Biden Interview on Rape Culture and Campus Sexual Assault | Teen Vogue Teaching Boys Feminism « Feminist Teacher https://bettinaarndt.substack.com/p/news-about-restoring-the-presumption?utm_source=post-email-title&publication_id=448263&post_id=144016076&utm_campaign=email-post-title&isFreemail=true&r=ry8jq&triedRedirect=true&utm_medium=email https://fiamengofile.substack.com/p/when-feminism-is-child-abuse?utm_source=post-email-title&publication_id=846515&post_id=144213995&utm_campaign=email-post-title&isFreemail=true&r=ry8jq&triedRedirect=true&utm_medium=email

Undur og org í Ísrael. Barnamorðinginn brjálast enn

Bandarískar fréttaveitur sýna leiðtoga Ísraelsríkis orga sig rauðan af vanþóknun. Fólk í Bandaríkjunum (og víðar) leyfir sér að mótmæla morðum Ísraelsríkis á varnarlausu fólki. Benjamin ber enn á helfararbumbuna og krefst þess, að bandarísk stjórnvöld stöðvi mótmælin. Hann lítur á sjálfan sig sem fulltrúa Gyðinga í veröldinni.

Bandarískir þingmenn, sem umvörpum eru fjármagnaðir af áróðurs- og styrktarfélögum í þágu Ísraelsríkis, hlaupa til og semja nýja löggjöf (Antisemitism Awareness Act), sem bannar Gyðingahatur, þ.e. sambærileg haturslöggjöf „Katrínar forseta.“ Barnamorðinginn heldur því nefnilega fram, að sá óþverrasíonismi, sem hann er fulltrúi fyrir, sé hin rétta myndbirting Gyðingdóms.

En það er að sönnu fráleitt, sbr. mótmælasögu Gyðinga sjálfra gegn ofbeldisfullri nýlendustefnu Ashkenazi Gyðinga frá Austur-Evrópu, sem tóku virkan þátt í Gyðingadrápum. (Sjá t.d. bók Daphna Levits: „Glímuna við Síonisma: Andmælaraddir Gyðinga (Wresting With Zionism: Jewish Voices of Dissent). Göfugustu Gyðingarnir mótmæla barnamorðingjanum og drápsfúsri hirð hans eins og alvöru spámenn þeirra og afreksmenn gerðu fyrir öld og áratugum.

Mótmælin virðast áköfust í háskólum, sem haldið er á floti af Gyðingum, og að einhverju leyti fjármögnuð af óeirða- og undirróðursmanninum, George Soros, sem víða hefur komið við, þegar uppreisnar- og eyðileggingar hefur verið þörf, bæði innan Bandaríkjanna og utan. Nefna má Georgíu, Armeníu, Úkraínu, Íran, „Black Lives Matter“ og margar undirróðursaðgerðir aðrar.

Hvernig skal skilja þessi firn? Bandaríski blaðamaðurinn, Michael King, segir sem svo, að hér sé „snillingurinn“ Dónaldur Trump að verki með lævíslega aðför að Ísrael, sem hann styðji í orði kveðnu. Varla hefur Gyðingurinn, George, snúist á sveif með fjandmönnum Ísraels? Ætli spádómur Henry Kissinger um fall Ísraels sé að rætast?

Meðan á þessu stendur hamast Bandaríkjamenn, þrátt fyrir nasablástur forseta síns, við að undirbúa frekari þátttöku í sameiginlegu stríði Bandaríkjanna, Ísraels og Breta (og Nató/Evrópusambandsins) fyrir botni Miðjarðarhafs, með byggingu bryggju, sem Ísraelar hafa áður verið andsnúnir. Þar bætast um þúsund bandarískir hermenn við heraflann.

Væntanlega verða þeir þó ekki sendir ofan í göngin til að eltast við Hamashermenn. Ísraelsmenn hafa keypt sér erlenda málaliða til þess arna á alþjóðadrápsmarkaðnum.

Það verður fróðlegt að sjá, hverju samrunaheimsveldi Ísraela og Bandaríkjamanna tekur upp á næst. Erkifjandinn, Íran, hefur skákað þeim svo eftirminnilega með ofurflugskeytum sínum, að kjarnavopn eru líklega einustu drápstólin, sem það á upp í erminni – og ekki hefur verið beitt.

Bretar taka óbeinan þátt í Gazaslagnum frá herstöð sinni á Kýpur og beinan þátt í aðgerðum gegn litla Jemen, sem fullum hálsi rífur kjaft, í raun einasta þjóð veraldar, sem reynir að fara að alþjóðalögum, sem bjóða aðildarlöndum að koma í veg fyrir þjóðarmorð.

Bein og óbein áhrif Ísraelsríkis á stjórnmál Vesturlanda, trú- og fjármál, eru svo gífurleg, að klókur maður komst svo að orði: „Sannleikurinn er sá, að allur heimurinn, nema Gaza, er hersetinn af Ísrael.“

Syndaskrá ísraelskra stjórnvalda er löng. Þeim er sjaldan álasað fyrir samvinnu og fjárstyrk til Hamassamtakanna, sem taka þátt í þessum skelfilega skollaleiki á Gaza og í Ísrael (þ.e. einhver deild innan þeirra). Það er með engu móti unnt að skýra innrás samtakanna í Ísrael öðruvísi en sem svo, að þeim hafi verið „boðið“ inn. Árásin var skipulögð í þaula og ísraelsk stjórnvöld höfðu nasasjón af henni. Þó virðast Hamasliðar ekki hafa vitað af tónleikahaldi á svæðinu.

Þessi manndráp eru enn einn smánarbletturinn á mannkyni.

https://covertactionmagazine.com/2024/04/06/the-ghosts-of-gaza-are-whispering-every-night/?mc_cid=af5fe30ca7&mc_eid=5cd1ec03b1 https://steigan.no/2024/05/amerikanske-stovler-pa-bakken-i-gaza/?utm_source=substack&utm_medium=email https://www.realnewsandhistory.com/anyt-05-01-24/ https://covertactionmagazine.com/2024/04/29/jewish-prophets-who-predicted-nightmarish-escalation-of-israeli-palestine-conflict-were-blacklisted-and-ignored/?mc_cid=aa16e92c2c&mc_eid=5cd1ec03b1 https://efrat.substack.com/p/gazas-new-temporary-port-cui-bono?utm_source=post-email-title&publication_id=1148466&post_id=144195898&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.globalresearch.ca/israel-uses-foreign-mercenaries-gaza/5856051 https://www.globalresearch.ca/top-universities-pro-palestine-encampments/5856022 https://expose-news.com/2024/05/02/george-soros-is-funding-pro-palestinian-student-groups/ https://expose-news.com/2024/04/30/reese-reports-the-zionist-death-grip-on-the-united-states-government/ https://beeley.substack.com/p/zionism-as-a-fascist-ideology-and?utm_source=post-email-title&publication_id=716517&post_id=144120836&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.globalresearch.ca/second-round-retaliation-israel-iran/5855218 https://informationclearinghouse.blog/2024/04/26/first-rafah-then-hezbollah-then-iran-israels-government-plans-for-more-war/11/ https://informationclearinghouse.blog/2024/04/25/naomi-klein-zionism-is-a-false-idol-that-betrayed-every-jewish-value/10/ https://informationclearinghouse.blog/2024/04/25/israeli-council-considers-issuing-international-arrest-warrant-for-netanyahu-report/12/ https://www.globalresearch.ca/israel-s-plans-to-wage-nuclear-war-on-iran-history-of-israel-s-nuclear-arsenal/4477 https://korybko.substack.com/p/the-antisemitism-awareness-act-is?utm_source=post-email-title&publication_id=835783&post_id=144232903&utm_campaign=email-post-title&isFreemail=true&r=ry8jq&triedRedirect=true&utm_medium=email

Höfuð snáksins; bakmenn endurræsingarinnar miklu, veiruvitfirringarinnar, kven- og kynfrelsunar, svo og hamfarahlýnunar. Elizabeth Nickson

Elizabeth Nickson er kanadískur blaðamaður. Hún hefur starfað á fjölda miðla, en er nú sjálfstæð og óháð. Hún er höfundur nokkurra bóka.

Ég geri hér að umtalsefni tvær merkar greinar, sem Elizabeth hefur skrifað um þá nýju veröld, sem er í burðarliðnum við endurræsinguna miklu (Great Reset), sem Alheimsefnahagsráðið (World Economic Forum) hefur lofað okkur.

Elizabeth hefur um sumt sérstakan sjónarhól. Hún hefur alist upp meðal þess fólks, sem eru bakhjarlar Alheimsefnahagsráðsins. Það er þetta fólk, sem hamast við að fækka heimsverjum, svipta þá eigum, sjálfsvaldi og frelsi.

Elizabeth lítur um öxl til sjöunda áratugs síðustu aldar, þegar „ásetningur þeirra var að rugla í ríminu (break) börn þriggja kynslóða (sem ljúka ætti með kynskurði), eyðileggja hugsun þeirra, koma fjölskyldum þeirra á vonarvöl, sannfæra þær um, að barneignir væru böl, að vöxtur, velmegun og sjálfsstjórn, væri sem ókleifur hamar – jafnvel tortímandi.“

Morðið á John F. Kennedy (1917-1963) markar að sumu leyti þáttaskil í þeirri áætlun, sem blasir við augum í dag; fólki og hópum er att gegn hver öðrum, atferlisvísindin tekin í þjónustu þeirra, sem vilja móta hugsun fólks og hegðun. Úr þessari deiglu var umhverfishreyfingin stofnuð sem og önnur bylgja kvenfrelsunar. Sömuleiðis náðu „þeir“ tökum á fjölmiðlum og beittu fyrir sig leyniþjónustum. MKUltra, heilaþvottarannsóknaráætlunin, er eitt skilgetinna afkvæma leyniþjónustu Bandaríkjanna - CIA.

Kvenfrelsunarhreyfingunni var sérstaklega komið á laggirnar í því skyni að eyðileggja hjónabandið og gera barneignir óaðlaðandi.

Hverjir eru þeir? Kært barn ber mörg nöfn; Ólympíujöfrarnir (Olympians), Úrvalið (Elect), Bilderbergersveitin (Bilderbergers), Þriggja hundraða ráðið (the 300), Hálfguðirnir (demi-gods), Svarti aðallinn, sem og fleiri kjánaheiti.

Þeir fara með veggjum, laumast og læðast, stunda alls konar kukl, sem ekki þolir dagsins ljós. Þeir eru sólgnir í völd eins og Hillary Clinton, en enn þá spilltari en hún, Joe Biden og sonarómyndin. Þeir hafa verið á stjái um þúsund ára skeið og gera sjálfa sig hlægilega með því að rekja ættir sínar aftur til Súmera og Faróa.

Hunter Biden er eins konar holdgervingur þeirra; djúpsál, myndbirting viðbjóðslegrar úrkynjunar og kynlífsþráhyggju. Að mínum dómi, segir Elizabeth, var Hunter tekinn í söfnuðinn og missti vitið í fíkniefnaneyslu, blóðdrykkju, drápum og kynfórnum. Það eru blótin, sem færa þeim völd.

Hvernig hefur slík grimmd skotið rótum, spyr Elizabeth. Grimmdin birtist í áætlunum um að endurræsa veröldina, stinga öllum í stundarfjórðungsfangelsi, örmerkja fólk, hafa með því eftirlit og fóðra það á gerviefnaglás.

(Úkraína er nú orðið fyrirmyndarríki að þessu leyti. Yfirvöld hafa tögl og haldir í gegnum snjallforrit, sem tæknirisarnir hafa hannað, sbr. viðtal við þýska blaðamanninn, Tom-Oviver Regenauer. Alþingi Íslendinga hefur nýlega endurnýjað stuðning sinn við Úkraínu.).

Og enn spyr Elizabeth. Hvernig má það vera, að heilbrigðisstarfsmenn hafi sprautað skaðvænlegu bóluefni gegn covid-19 í fólk (sbr. samantekt Edward Dowd á meinviðbrögðum)?

Svarið er fólgið í fyrirlitningu úrvalsfólksins á öllum – eða því sem næst. Þau eru svo vel efnum og búin og búa við slík fríðindi, að á sérhvern utanaðkomandi er litið sem hjarðdýr, sem megi ráðskast með.

Stríðshugmyndafræðin gegn okkur var mótuð gagngert á nítjándu og tuttugustu öldinni í leynifélögum á borð við Fabianfélagið (Fabians) og af rithöfundum á þeirra vegum eins og H.G. Wells (1866-1946) og Huxley bræðra (Aldous Leonard(1894-1963) og Julian Sorell (1887-1975)).

Faðir bræðranna, Thomas Henry (1825-1895), var stundum kallaður almannatengill Charles Darwin (1809-1882), en kenningar hans um þróun lífsins á jörðinni voru afbakaðar í félagslega Darwinhyggju (social Darwinism), sem urðu grundvöllur mannbótastefnunnar (eugenics), sem enn hefur víðtæka skírskotun.

Samkvæmt stefnunni er sumt fólk betra en annað og hefur því lífsins rétt. Uppræta skal hina óæskilegu. Það á einnig við um kynstofna eða kynþætti. Þekkt tilbrigði við þessa hugmyndafræði eru Aríar (hugarfóstur þýskra nasista) og Gyðingar.

Thomas var einnig félagi í Hringborðinu (Round Table) og Rhodes-félaginu. Hvor tveggju eru félög breskra heimsvaldasinna og auðkýfinga. Einn þeirra, Cecil John Rhodes (1853-1902), átti meira að segja hluta Afríku (Ródesíu).

Leyniþjónustan átti sinn fulltrúa, sagn- og alþjóðafræðinginn, Arnold Joseph Toynbee (1889-1975), sem einnig stjórnaði um hálfrar aldar skeið „Konunglegu stofnununni um alþjóðamál“ (Royal Institute for International Affairs).

Hugmyndafræðin og framtíðarsýnin er eftirminnilega kynnt í bókum fyrrgreindra höfunda. Opið samsæri sögðu þeir, uppdrættir af nýrri (fagurri) veröld, áætlun um heimsbyltingu, sem m.a. fæli í sér einn „heimsheila.“ Aldous talaði um „lokabyltingu,“ „alræði án tára,“ þar sem fólk öðlaðist þrælslund.

Bróðir Aldous, Julian, hafði einnig afdrifarík áhrif sem fyrsti yfirmaður Mennta-, menningar- og vísindastofnunar Sameinuðu þjóðanna (UNESCO – United Nations Educational, Scientific and Cultural Organization).

Markmiðið – eins og lesa má t.d. í ritum Aldous - væri að stofna til samfélags eða fangabúða án þjáninga, þar sem fólk væri svipt frelsi, en léti hjá líða að ybba kíf. Áróður og lyfjastuddur heilaþvottur kæmi í veg fyrir það. (Þarna eru við reyndar stödd í dag – eða hvað?)

Fólk af þessu sauðahúsi sótti í dýrkun gamalla frjósemis-, vímu- og svallguða eins og Dionýsusar (Dionysus). Dulvitringur þeirra var rússneski rithöfundurinn, Helena Petrovna Blavatsky (1831-1891). Leiðtogi breskra fasista, Oswald Ernald Mosley (1896-1980) lét einnig ljós sitt skína.

Fyrrgreindir stríðsjöfrar, ásamt Rockefeller-ættinni, Henry (Heinz) Kissinger (1923-2023), Alþjóðaseðlabankanum (Bank of International Settlements), Seðlabankanum í Nýju Jórvík, gamalgrónum fjölskyldum í Evrópu og fleirum, tóku eftir aðra heimstyrjöldina til óspilltra málanna við að eyðileggja samfélag Norður-Ameríku.

Eyðileggingin var einkum þríþætt; skapa óreiðu í borgunum og ala á óeiningu; skapa menningarleg áföll eins og morð, aftökur og sjúkdóma (covid), í því skyni að bæla viðnámsþróttinn, svo og eyðileggja menninguna, konur og börn.

Endurræsingin bergmálar víða á Íslandi, m.a. í sambandi við forsetakosningarnar. Það eru hvorki meira né minna en þrír forsetaframbjóðendur, sem eru Alheimsefnahagsráðinu hliðhollir; Katrín Jakobsdóttir og Höllurnar tvær. Katrín er holdgervingur baráttu þess fyrir kvenfrelsun og brenglun kyns. Auk þess berst hún fyrir rétti kvenna til geðþóttaeyðingar fóstra sinna fram að fæðingu. Í slíkum rétti felst endaleg frelsun konunnar – eða þar til klakstöðvarnar taka við.

Katrín bergmálar eins og Halla smalastúlka, ofstækisfulla umhverfisstefnu Ráðsins og Sameinuðu þjóðanna (Sjálfbærnimarkmiðin). Aukin heldur eru tveir frambjóðendur (Katrín og Baldur/Felix (tveir fyrir einn) hlynntir kynbreytingum á börnum eins og Bandaríkjaforseti.

Alheimsúrvalið (höfuð snáksins) hefur erindi sem erfiði.

https://rumble.com/v33js3w-del-bigtree-wed-dowd-black-rock-vaccinated-folks-collapses-disabilities-dea.html https://www.kla.tv/28792 https://steigan.no/2024/04/ukraina-administreres-av-apple-microsoft-og-amazon/?utm_source=substack&utm_medium=email https://steemit.com/stanfordresearch/@duanehayes/stanford-research-institute-changing-images-of-man https://rumble.com/v33js3w-del-bigtree-wed-dowd-black-rock-vaccinated-folks-collapses-disabilities-dea.html https://elizabethnickson.substack.com/p/the-demonic-flooding-of-america-was https://elizabethnickson.substack.com/p/they-break-every-family-every-country