Það hriktir í heimsveldinu í vestri. Hrævareldar og hrægammar í Úkraínu

Það eru eins og margir vita, náin tengsl millum stjórnvalda í Washington og meginstraumsfjölmiðla, þar í landi. Þeim er iðulega beitt á vígvelli stjórnmálanna.

Fyrir skemmstu skrifaði utanríkisráðherra Bandaríkjanna, Anthony Blinken, sem nú er á bólakafi við að stilla til friðar í Miðausturlöndum, Kremlverjum bréf, í líki kjallaragreinar í Washington Post.

Samkvæmt því hriktir greinilega í stoðum heimsveldisins í vestri, sem berst fyrir frelsi og lýðræði í Úkraínu. Það er svo að sjá, að bandarísk yfirvöld hafi takmarkaða trú á vígtólunum, sem þau senda í belg og biðu, enda þótt skriðdrekarnir með þotuhreyflunum verði sendir einhvern tíma til viðbótar þeim þýsku úr öllum áttum. Það virðist reyndar orðið þegnskylda að senda bryndreka til Úkraínumanna. Stríðsdjörf yfirvöld á Íslandi ættu að láta skattgreiðendur kaupa eins og einn og dubba utanríkisráðherra upp til bryndrekastjóra - í lopapeysu auðvitað.

Sem sé! Þrátt fyrir ógrynni fjár úr vösum skattgreiðenda og vígtól af öllu tagi í samræmi við stríðsáætlanir vígahugsuða Atlantshafsráðsins (Atlantic Council), og þrátt fyrir sigurvissuheitstrengingar Volodomyr og aðdáanda hans á Norðurlöndum og víðar, er nú komið ólundarlegt samningshljóð í strokkinn.

Digurbarkalegir Bandaríkjamenn daðra við þá hugsun að semja við Rússa, án þátttöku Volodymyr eins og vera ber. Hann hefur aldrei verið annað en tuskubrúða Nató. Ég gæti sem best trúað því, að hann verði settur í stofufangelsi á höfðingjasetri sínu í Florída í fyllingu tímans, þegar yfirvöld Vesturlanda snúa endanlega við honum baki.

Djúpríkinu, þ.e. alþjóðlegum og bandarískum auðjöfrum, líst greinilega ekki á blikuna lengur. Það liggur við borð, að þegar Rússar kjósa að fara í raunverulegt stríð, mun hitna mjög í kolunum. Auðvaldarnir óttast greinilega að missa spón úr aski sínum; auðævin, sem fólgin eru í jörðu og frjósömu akurlendi. Hrægammarnir hafa þegar læst klóm sínum í þessar auðlindir og mega ekki á heilum sér taka við tilhugsunina að missa höfnina í Ódessa. Því er það líklega, að gælt sé við hugmyndina um, að ekki verði amast við þeim landamærum, sem Rússar í Rússlandi og Úkraínu hafa dregið upp.

En hin yndisfagra Kremlarfrú, Maria Sakharova, snýr bara upp á sig, „vender den kolde skulder til,“ enda hafa Vesturveldin svikið eða sagt upp samningum við Rússneska ríkjasambandið - meira að segja um notkun kjarnorkuvopna - síðustu þrjá áratugina eða svo. Það gildir vissulega líka um Minsksamningana, sællar minningar, sem Frakkar, Þjóðverjar og Sameinuðu þjóðirnar höfðu ábyrgst.

Vesturlönd eru einfaldlega ekki samningshæf, óábyrg. Þrátt fyrir friðardaður í fjölmiðlum gæla stríðsbrjálaðir Bandaríkjamenn enn við þá hugmynd að senda orrustuþotur til viðbótar skriðdrekum og Bretar stæla sig af gervigreindarhermönnum sínum.

Maria segir á þessa leið: Þar sem Úkraínumenn hafa hafnað opinberum friðarsamningum, munu vopnin verða látin tala. Málið er í höndum hernaðarsérfræðinganna. Rússar hafa einnig gefið þýska kanslarann, Olaf Scholtz, upp á bátinn, eins og hverja aðra strengjabrúðu í höndum Bandaríkjamanna og arftaka „Nazi Wehrmacht“ (þriðja stríðsríki Adolf Hitler). Hann anar áfram í blindi á söguna, hefur ekkert lært af fyrri mistökum þjóðar sinnar, sem var margir liðu fyrir.

Okkur er enn í fersku minni, hvernig skriðdrekar líta út og hverju þeir koma til leiðar. Þeir eru orðnir eins konar tákn. Tákn dauða og banvænnar hugmyndafræði og mannhaturs. Þeir eru ógn við jarðarkringluna alla. Hvað sjá Þjóðverjar fyrir sér? Skriðdreka í felulitunum, skreyttum járnkrossum, táknum þýska hersins, sem fá að aka um götur borga vorra og þorpa?

Það er okkur skýrt fyrir hugskotsjónum, hvaða afleiðingar það hafði á sínum tíma. Hverjar eru endurminningarnar í Berlín? Ákvörðun Þjóðverja að senda Leopard skriðdrekana til Úkraínu er söguleg, fyrir þær sakir, að þeir hafa þar með afsalað sér sjálfstæðri utanríkisstefnu. Olaf Scholtz hefur varpað fyrir róða öllu því, sem forverar hans frá lokum síðari heimsstyrjaldar, hafði tekist að byggja upp. Svo mörg eru orð Maríu.

Það ber ekki á öðru, en uppþot og upplausn sé í aðsigi í Nató. Tyrkir leika sér að Svíum og Finnum og eru bandalaginu ótrúir með ýmsum hætti. Stíga í vænginn við Rússa, sem vilja dansa. Tyrkir fnæsa á Bandaríkjamenn og hernámsvini þeirra í Sýrlandi. Þeir gætu sem hægast fundið upp á því að hverfa úr bandalaginu.

Og nú ljúka Ungverjar upp munni og taka afstöðu gegn stríðsæsingasefjun á Vesturlöndum eins og sauðsvartur ámúginn gerir líka í vaxand mæli. En RÚV hefur líklega ekki frétt af því.

http://johnhelmer.org/russian-foreign-ministry-rejects-blinken-and-nuland-proposals-condemns-scholz-for-reviving-hitlers-plan-to-destroy-russia/ https://expose-news.com/2023/01/31/militaries-update-arsenals-and-silicon-valley-capitalises/ http://en.kremlin.ru/events/president/news/70394 https://www.rt.com/news/568643-hungary-west-mistake-ukraine/ https://www.wsws.org/en/articles/2023/01/26/pers-j26.html http://johnhelmer.net/blinken-concedes-war-is-lost-offers-kremlin-ukrainian-demilitarization-crimea-donbass-zaporozhe-and-restriction-of-new-tanks-to-western-ukraine-if-there-is-no-russian-offensive/ https://www.atlanticcouncil.org/in-depth-research-reports/issue-brief/the-stabilization-and-reconstruction-of-ukraine/ https://www.atlanticcouncil.org/content-series/atlantic-council-strategy-paper-series/preparing-for-victory-a-long-haul-strategy-to-help-ukraine-win-the-war-against-russia-and-secure-the-peace/ https://johnhelmer-net.translate.goog/blinken-concedes-war-is-lost-offers-kremlin-ukrainian-demilitarization-crimea-donbass-zaporozhe-and-restriction-of-new-tanks-to-western-ukraine-if-there-is-no-russian-offensive/?_x_tr_sch=http&_x_tr_sl=en&_x_tr_tl=no&_x_tr_hl=en&_x_tr_pto=wapp#more-70567 https://edition.cnn.com/2023/01/26/europe/ukraine-tanks-fighter-jets-intl?cid=external-feeds_iluminar_msn https://www.theamericanconservative.com/viktor-orban-we-are-in-a-war-with-russia/ https://www.washingtonpost.com/opinions/2023/01/24/blinken-ponders-post-ukraine-war-order/ https://thecradle.co/article-view/20878/a-panicked-empire-tries-to-make-russia-an-offer-it-cant-refuse

Greindin sem glutraðist niður. Vísinda- og menningarkreppan. II: Greindarpróf, arfur og umhverfi

Mikill styrr hefur staðið um notkun greindarprófa. T.d. skrifaði norski sálfræðingurinn, Jan Ewald Smedslund (f. 1929) á áttunda áratugi síðustu aldar, grein með nafninu: „Hví ég nota ekki greindarpróf“ (Hvorfor jeg ikke bruker intelligenstester). Hann óttaðist, að greindarpróf hefðu hlutgervingu hins prófaða í för með sér. Fyrrgreindur Carl Liungman gerði létt grín að ýmsum spurningum í greindarprófunum.

Tölfræðileg undirstaða greindarprófanna er bjölludreifingin, sem segir, að mælingar á eiginleikum manna (psychometrics) dreifist samkvæmt ákveðnu lögmáli, þannig að langflestir mælast um miðju. Á blaði lítur dreifingin út eins og bjalla. Hana mætti líka kalla eðlisdreifingu (normal distribution). Við greindarmælingar fær kjörmiðlungurinn 100. Það er kallað greindarvísitala 100. Staðalfrávik eru svo ákveðin frá þessari tölu. Getur verið 10 eða 15 eftir atvikum. Vísitalan 115 væri því einu staðafráviki yfir meðalgreind, 85 undir.

Upphaflega voru greindarpróf samin í byrjun síðustu aldar í Evrópu til að greina nemendur, sem ekki ættu erindi í skóla. Svissneski sálfræðingurinn, Jean Piaget, sem áður er nefndur til sögu, og frönsku sálfræðingarnir, Alfred Binet (1857-1911), og Theodore Simon (1873-1961), lögðu fyrstir gjörva hönd á þróun prófanna.

Í Bandaríkjum Norður-Ameríku, við Stanford háskólann, tók Lewis Terman (1877-1956) við boltanum. Útgáfa hans, kölluð Stanford-Binet, var síðar endurbætt í samstarfi við Maud A. Merrill (1888-1978). Sú útgáfa, Terman-Merrill, var víða lögð til grundvallar staðfæringum á upphaflega prófinu, t.d. í Noregi og á Íslandi. Á Íslandi er prófið kennt við Matthías Jónasson (1902-1990), í daglegu tali kallað Matthíasarprófið.

Þróun prófanna hélt áfram. Trúlega er greindarpróf rúmensk-bandaríska sálfræðingsins, David Wechsler (1896-1981), algengasta greindarpróf á Vesturlöndum, Ísland meðtalið. Það nær til allra aldurskeiða. Sögulegur greinarmunur er gerður á greindarprófum og öðrum prófum eins og hæfileikaprófum og taugasálfræðilegum prófum. En öll mæla þau greind í víðasta skilningi.

Þrætunum um eðli greindarinnar er hvergi nærri lokið. En handhæg skilgreining er: Greind er það, sem mælist á greindarprófum. Til hægðarauka styðst ég í framhaldinu við þá skilgreiningu.

Norski sálfræðingurinn, Olav Storsve og félagar, segja: „Það er ítrekuð og þaulrannsökuð staðreynd, að góð fylgni sé á milli greindarprófa, enda þótt inntak þeirra sé afar frábrugðið [frá prófi til prófs]. Þeir, sem standa sig vel á t.d. Raven myndgreiningaprófi (Raven matrices), sýna einnig góða frammistöðu á WAIS [Wechsler greindarprófi fyrir fullorðna]. Prófþættir Wechsler prófanna hafa einnig [tölfræðilega] fylgni við hvern annan. Þáttgreining [factor analysis] mismunandi prófa sýnir oft og tíðum almennan greindarþátt (general intelligence), svo og nokkra sérstaka hæfniþætti.“

Bandaríski sálfræðingurinn, Arthur Jensen, sem fyrr er nefndur til sögu, skrifaði árið 1969 gagnmerka grein í Harvard Educational Review með titlinum; „Hversu mikið getum við aukið greind og frammistöðu i námi“ (How Much Can We Boost IQ and School Achievement). Arthur kynnti niðurstöður greindarmælinga í Bandaríkjunum, sem sýndu fram á talverðan mun á meðalgreindarvísitölu hvítra og svartra manna. Meðaltal blökkumanna reyndist um 15 stigum lægra en hvítra.

Arthur fjallaði í grein sinni einnig um sérstaka örvunarkennsluskrá (Head start) fyrir blökkubörn úr fátækrahverfum. Hún var þáttur í aðgerðaáætlun Lyndon Baines Johnson (1908-1973), forseta, gegn fátækt. Áætlunin var sett á koppinn 1965. Árangurs var beðið með eftirvæntingu. Menn fýsti m.a. að varpa ljósi á þýðingu greindar fyrir nám, svo og áhrif umhverfis og örvunar á greindarþroska og nám. Að þessu leyti er árangurinn umdeildur eins og við mátti búast. Ofstækið keyrði um þverbak, m.a. með hótunum um líflát. Arthur var á tímabili skipuð sveit lífvarða.

En Arthur velkist ekki í vafa um eðli greindarinnar, frekar en formæður og -feður Íslendinga, sem sögðu: „Fjórðungi bregður til fósturs.“ Það er býsna nálægt lagi, samkvæmt áratuga rannsóknum á greind. Arthur telur greind erfast að 80% eða hér um bil.

Umfangsmiklar rannsóknir bandarísku sálfræðinganna, Sandra Wood Scarr (1936-2021) og Richard A. Weinberg (f. 1943), studdu niðurstöður Arthur. Þær benda nefnilega sterklega til, að enda þótt ung börn þeldökkra svari vel örvun í fóstri hjá hvítum fósturfjölskyldum í æsku, hnígi greindarþroski þeirra á unglingárum að meðalgreind kynþáttarins (regression).

(Það má til fróðleiks geta þess, að í anda „Head start“ sendu stjórnendur Kaupmannahafar árið 2017 strákaskussa í sumarbúðir (DrengeAkademiet) við mikla hrifningu þáverandi forsætisráðherra, Lars Lökke Rasmussen. Þar fengu þeir ofurkennslu (turbo-kursus) til að hressa uppá lærdóminn. Allt kom fyrir ekki í því efni, en útsvarsgjaldendur urðu 20 (dönskum) milljónum fátækari.

Rannsóknir Arthur voru gerðir í Bandaríkjunum, en enski sálfræðingurinn, Richard Lynn (1930), hefur manna mest rannsakað greind á síðustu áratugum. Hann hefur í grófum dráttum staðfest niðurstöður Arthur með tilliti til Bandaríkjanna.

Í alþjóðlegu yfirliti túlkar hann niðurstöður greindarmælinga af þróunarsálfræðilegum sjónarhóli. Hann hefur tekið að láni hugtakið „þjóðernisklasa“ (ethnic cluster) frá hinum kunna, ítalska erfðaþróunarfræðingi, Luigi Luca Cavalli-Sforza (1922-2018). Richard skiptir íbúum heimsins í tíu þjóðernis- eða kynhópa (racial groups). Einna athyglisverðastur er klasinn, sem tekur til íbúa Norður-Afríku, Indlands, Miðausturlanda og Pakistans (NIMP).

Umfangsmiklar greindarmælingar hafa verið gerðar um allan heim með greindarprófum, sem samin voru fyrir Evrópubúa. Engu að síður hefur það komið í ljós, að Austur-Asíubúar (Kínverjar, Japanar og Kóreumenn) standa sig best. Meðalgreindarvísitala þeirra er 106, bleikskinna 100, blökkumanna í Bandaríkjunum 85, og 70 hjá blökkumönnum sunnan Sahara i Afríku.

Ofangreindur erfðaklasi, NIMP, hefur verið mældur víða. Meðalgreindarvísitala þessa hóps er á bilinu 84-92, hæst í Bretlandi. Þó er þar að finna athyglisverðan undirklasa, þ.e. Gyðinga, sem fluttu frá Mið- og Norður Evrópu til nútíma Ísrael, Askenasí (Ashhenaim). Meðalgreind í þeim undirklasa er 103. Dreifing (range) mælinga á þessum hópi í Bandaríkjunum og Bretlandi er 107 til 115.

En aðlögun í þróun greindarinnar sést greinilega. T.d. mælist rýmisgreind frumbyggja Ástralíu, að meðaltali 119, enda þótt almenn greind mælist, að meðaltali, um 62. Svipuð afbrigði greindar má sjá hjá skógarnegrum (bushmen) í Afríku. Mæld greind þeirra er 54, að meðaltali – áþekk meðalgreind átta ára gamals barns á Íslandi – en engu að síður stinga þeir fullorðnum Íslendingum ref fyrir rass, þegar meta skal raunstærð hluta í fjarlægð. Sama gera bandarískir blökkumenn með tilliti til skilnings á hrynjandi. Inúítar (Eskimóar) eru okkur langtum fremri í myndminni, mælast 106. Svo það er margt skrítið í greindinni, ekki síður en kýrhausnum.

Almennt sýna mælingar, að Austur-Asíubúar og blökkumenn skipa sér í sitt hvort hornið með tilliti til greindar og fjölda annarra þátta, þar sem mældur er þroski, manngerð, æxlun og félagskipan. Mæld eru 60 atriði.

Greindin sem glutraðist niður Vísinda- og menningarkreppan. I: Hugtakið greind

(Þetta er fyrsti pistill í röð níu um efnið. Heimildalisti fylgir þeim síðasta.)

Endur fyrir löngu sat fjöldi áhugasamra sálfræðinema við Háskólann í Árósum og beið gestakennara frá Björgvin í Noregi, Kjell Raaheim (1930-2017), að nafni. Hann var á sínum tíma sálfræðinga fróðastur á Norðurlöndum um huga, skynbragð, vit og greind (intelligence). Mig minnir, að efni fyrirlestursins hafði verið skilningur á greind.

Um síðir birtist Kjell. Þá höfðum við beðið drykklanga stund. Prófessorinn sagði farir sínar ekki sléttar. Þegar hann settist í farkost sinn við Háskólann í Björgvin til að aka út á flugvöll, lét hann öllum illum látum og drap svo á sér.

Kjell baðaði út öngum, hafði ekki hundsvit á bílum. Þá bar þar að stráksa á hjóli, sem vildi grennslast fyrir um örvæntingu karls. Hjálpsamur var gutti. Bað sálfræðinginn snjalla að taka læsinguna af vélarhlífinni, stakk sér á kaf í vélarrúmið og kallaði að vörmu spori; „settu í gang.“ Og viti menn! Bíllinn rauk í gang.

Þessa sögu sagði Kjell okkur hlægjandi og trúði okkur svo fyrir, að hann hefði mælst með greindarvísitölu 127, sem er dágott.

Greind hefur löngum vakið áhuga fræðimanna. Gríski læknirinn, Galen (130-201), hélt því fram endur fyrir löngu, að Afríkumenn, blakkir á hörund, sýndu síðri greind en Evrópumenn. Á miðöldum tóku nokkrir persneskir og arabískir höfundar undir sjónarmið Galen eins og t.d. Al Jahiz (d. 868), sem sagði: „Vil teljum engan vafa leika á, að Zanjþjóðin [blökkumenn frá Austur-Afríku] vanti manna mest uppá greind og skarpskyggni, og sé síst í færum til að bera skynbragð á afleiðingar athafna sinna.“

En með bók Francis Galton, „Erfðasnillingnum“ (The Hereditary Genius) frá 1869, hefst kerfisbundin skoðun á sambandi kynþáttar og greindar. Francis reyndi að gera sér grein fyrir hlutfalli afreksmanna meðal þjóða. Hann komst að þeirri niðurstöðu, að Grikkir hafi á blómskeiði sígildrar, grískrar menningar, verið greindastir manna á jarðríki, og Kínverjar í svipuðum flokki. Skota á láglendi taldi Francis heldur greindari en Englendinga. Afríkumenn, sunnan Sahara eyðimerkurinnar, taldi hann, ásamt frumbyggjum Ástralíu, búa yfir minnstri greind.

Aðferð Francis varð innblástur bandaríska stjórnmálafræðingnum, Charles Alan Murray (f. 1943), sem skrifaði bókina: „Afrek mannanna: Leitin að yfirburðum í listum og vísindum á árabilinu 800 f. Kr. til 1950“ (Human Accomplishment: The Pursuit of Excellence in the Arts and Sciences, 800 B.C. to 1950). Bókin kom út árið 2003. (Charles skrifaði líka „Bjölludreifinguna“ (The Bell Curve), ásamt bandaríska sálfræðingnum Richard Julius Herrnstein (1930-1994), sem kom út árið, sem hann lést.)

Charles skoðaði 4.139 manns, sem gert höfðu blómagarð mannkyns frægan. Hann samdi stigatöflu á grunni þeirra heimilda, sem fyrir lágu. Með skírskotun til hennar benti höfundur m.a. á þá staðreynd, að afreksmenn, þ.á.m. Nóbelsverðlaunahafar, hefðu að langmestu leyti verið evrópskir karlar í tengslum við úrvalsstofnanir æðri menntunar. Hann segir: „Stjórnvöld, sem tryggja í raun frelsi til athafna efnilegra fræðimanna og listamanna, stuðla þannig að framrás afrekaflaumsins.“

Þessar konur hlutu hæst stig á afrekaskrá Charles: japanski rithöfundurinn, Murasaki Shikibu (973-1014/1025), enski rithöfundurinn, Adeline Virginia (Stephen) Woolf (1882-1941) og pólsk-franski eðlisfræðingurinn, Maria Salomea Sklodowska/Marie Curie (1867-1934).

Kjarnaboðskapur Charles er sá, að sannfæring fólks um tilgang lífsins, ásamt trú á hugsjónir fegurðar, sannleika og góðmennsku, séu aflvakar afreka í mannlífinu.

Greind er margs konar og mæld á margan hátt. Íslenska samheitaorðabókin segir samheiti vera; „gáfur, skilning, skynsemi, vit, vistmuni.“ Hæfileikum og skynbragði mætti augljóslega bæta þar við og fleiri orð lýsa greind eins og: brjóstvit, hyggindi, speki, spekt, skerpa, minni og viska.

Oft er svo tekið til orða á íslensku; að kunna skil á, vera gæddur skynsemi, leggja skilning í og sýna dómgreind. Greind er trúlega best skilgreind sem hæfni til úrlausnar flókinna verkefna.

Stundum er talað um almennan þátt greindar (general factor), sem fyrst var skilgreindur af enska sálfræðingnum, Charles Edward Spearman (1863-1945). Bandaríski sálfræðingurinn, Arthur Robert Jensen (1923-2012), skilgreindi hugtakið frekar og tengdi við hugtakanám (conceptual learning) eða annars stigs nám (Level II). Fyrra stigið eða stig I, kallaði hann tenginám (associative learning).

Svipuð hugtök koma fyrir hjá rússneska sálfræðingnum, Lev Vygotsky (1896-1934), og svissneska sálfræðingum, Jean William Ritz Piaget (1896-1980), sem kom við sögu greindarprófa, eins og síðar mun verða vikið að.

Sá fyrrnefndi talaði um vísindaleg hugtök og hugsun (rökfærslu og sértækni (abstraction)). Sá síðarnefndi kenndi hugsun og nám á þessu stigi við sértækni (abstraction). Um væri að ræða eins konar „frelsun“ hugsunarinnar frá hinum áþreifanlega veruleika, þ.e. til sértækrar (abstract) hugsunar, kerfibundinnar eftirgrennslanar, athugunar og ígrundunar, um eigin hugsanir og annarra. Hugsunin á þessu stigi yrði þjálli, málið fjölskrúðugra og rökfimin meiri.

Bandaríski sálfræðingurinn, Raymond Cattell (1905-1998) vildi skipta greind í tvö meginsvið, þ.e. annars vegar eðlisgreind (fluid intelligence), þ.e. hugtakaskilning og rökhyggju, og hins vegar reynslugreind (crystallied intelligence), þ.e. hæfileikann til að nýta sér áunna þekkingu, nýta sér reynslusjóðinn.

Það hefur staðið mikill styrr um greindarhugtakið, svo heiftúðugur reyndar, að Bandaríska sálfræðingafélagið heyktist á að veita hinum aldna vísindahöfðingja, Raymond, verðskulduð heiðursverðlaun fyrir rannsóknir hans á greindinni.

Árið 1975 gaf sænski heimspekingurinn, Carl G. Liungman, út bókina: „Goðsögnina um greindina. Bók um greind, arf og umhverfi“ (Myten om intelligensen. En bok om intelligens, arv og miljö). Þar gerði hann m.a. létt grín að greindarprófum.

Augljóst þótti og þykir enn, að greind manna sé óhjákvæmilega háð skilgreiningu, menningu, menntun og jafnvel kyni. Meira um það síðar. Nýrra rit er „Bjölludreifingin: Greind og stéttaskipting í lífi bandarísku þjóðarinnar“ (The Bell Curve: Intelligence and Class Structure in American Life), eftir fyrrgreindan, Charles A. Murray, og landa hans, sálfræðinginn, Richard Herrnstein. Bókin kom út árið 1994.

Hinseginuppeldi og hinseginborg. Reykjavíkurborg, Kennarasambandið og hatrið: II

Nýíslenska hinseginskólakerfis Íslendinga, samkvæmt starfsmönnum Dalheima, lítur svona út:

„BDSM-hneigð að laðast að fólki sem deilir löngunum um samþykkt og meðvituð valda-skipti. Eikynhneigð að laðast lítið eða ekkert kynferðislega að öðru fólki. Fordómar eru fyrirfram gefnar hugmyndir sem ekki byggja á rökum eða reynslu. For-dómar byggja oft á staðalmyndum um hópa. Fordómar og mismunun haldast venjulega í hendur og geta leitt til félagslegrar útskúfunar og undirokunar ákveðinna hópa. Gagnkynhneigð að laðast að fólki af öðru kyni.

Hán er persónufornafn sem sumt kynsegin fólk notar, sbr. hann, hún og hán. Það beygist með eftirfarandi hætti: hán, hán, háni, háns og tekur hvorugkyns endingar. T.d. hán er svangt. - Hinsegin er hugtak sem nær yfir fólk sem tilheyrir minnihlutahópum á grundvelli kyn-hneigðar, kynvitundunar, kyneinkenna og/eða kyntjáningar. Svo sem samkynhneigðir, trans fólk og intersex fólk. - Intersex fólk hefur kyneinkenni sem ekki er auðveldlega hægt að flokka sem annað hvort karl- eða kvenkyns.

Karllæg kyntjáning er í samræmi við vænt-ingar um tjáningu bornar til karlmanna. Kvár er fullorðin kynsegin manneskja, sbr. karl, kona og kvár. - Kvenlæg kyntjáning er í samræmi við vænt-ingar um tjáningu bornar til kvenmanna. - Kyneinkenni eru líffræðilegir þættir sem eru notaðir til að úthluta kyni (ákvarða kyn) og ná t.d. yfir hormónastarfsemi líkamans, litninga, kynfæri og æxlunarfæri. - Kynhneigð segir til um það hverjum fólk verður skotið í, ástfangið af og/eða laðast að.

Kynsegin fólk tengir hvorki við að vera karl eða kona, er blanda af hvoru tveggja eða flakkar á milli. - Kyntjáning segir til um hvernig við tjáum kyn okkar út á við, svo sem hvernig við klæðum okkur, berum okkur, tölum, klippum hárið okkar og hvernig almennt fas okkar er. Almennt mæld á skala á milli karlmannleika og kvenleika. - Kynvitund segir til um okkar innri upplifun af eigin kyni, hvernig við viljum lifa og vera í okkar kyni.

Margkynja fólk fæðist með dæmigerð ky-neinkenni sem er auðveldlega hægt að flokka sem annað hvort karlkyns eða kvenkyns (er ekki intersex). - Óræð eða ódæmigerð kyntjáning er á ein-hvern hátt á skjön við væntingar bornar til fólks út frá kyni. - Pankynhneigð að laðast að fólki óháð kyni.

Samkynhneigð (hommar/lesbíur) að laðast að fólki af sama kyni. - Sís eða sís-kynja er fólk sem býr yfir kyn-vitund sem samræmist kyninu sem því var út-hlutað við fæðingu (er ekki trans).

Stálp er kynsegin barn, sbr. stelpa, strákur og stálp. - Trans karl er karl sem var úthlutað kvenkyni við fæðingu. - Trans kona er kona sem var úthlutað karl-kyni við fæðingu. - Tvíkynhneigð að laðast að tveimur kynjum.“

Í einum leikskóla borgarinnar gefur þessa kynjakennslu að líta:

„Flest telja sig skilja og vita hvað kyn er – en það er aðeins meira en bara strákur/stelpa. Hver er munurinn á líkama fólks og kyni þeirra? Á því hvernig það tjáir sig eða hvern það elskar? Hér eru nokkrar einfaldar skýringar fyrir börn, fjölskyldur og kennara:

Hver ertu? Kynvitund segir til um hver við erum og hvernig við upplifum kyn okkar. Við getum verið stelpa, strákur, hvorugt eða bæði (og þá verið kynsegin). Við getum notað persónufornafnið hún, hann eða hán m.a. Þessi upplifun getur verið í samræmi eða andstöðu við það sem er ætlast til út frá líkama okkar.

Líkaminn. Við giskum á kyn ungabarna út frá líkömum þeirra. Oftast giskum við á stelpa eða strákur út frá kynfærum barnsins. Líkamar geta þó verið alls konar. Í sumum tilfellum giskum við rétt, í öðrum ekki. En það er kynvitund barnsins sem síðan ræður kyni þess.

Kyntjáning. Við notum klæðnað, föt, leikföng, hlutverk og hegðun til þess að sýna fólki kynið okkar. Þetta er allt tengt menningarbundnum hugmyndum um kyn. Kyntjáning okkar getur verið eins og er ætlast til af okkur eða öðruvísi, hún getur þróast og tekið breytingum.

Ást og skot. Þegar við verðum eldri getum við orðið skotin í annarri manneskju. Þessi manneskja getur verið með kynvitund, líkama og/eða kyntjáningu sem er svipuð, ólík eða eins og okkar eigin. Stundum þróast skot í ást.“

Kennarar hjá Reykjavíkurborg, í samvinnu við Kyn- og mannréttindaskrifstofu Reykjavíkurborgar, hafa ekki einasta skapað nýtt tungumál til að auðvelda kynuppeldi barnanna, heldur hafa hánin samið nýja líf- og kynfræði.

(Ætli kyn- og tungumálasérfræðingur VG og ríkisstjórnar Íslands, Svandís Svavarsdóttir, hafi komið að málinu? Hún er forkólfur íslensku ríkisstjórnarinnar við samningu löggjafar á nýíslensku, tungufiskari hennar, sem úthlutað var kvenkyni á sínum tíma (að ég held).)

Það er kannski ekki kyn, þótt kanadíski mannfræðingurinn, Philip Carl Salzman spyrji: „Hvaða útsmognu öfl eru það, sem hrundu allri þessari menningareyðileggingu af stað. Hver sprautaði þessu tortímandi eitri inn í menntakerfi vort, sem verður sífellt brjálæðislegra?“

Trúlega hefur hann fundið svarið, sem blasir nú við. Stríð gegn feðrum/karlmönnum, eyðilegging stofnana eins og skóla, kyns, fjölskyldu og tungumáls, er undirbúningur þess að „endurbyggja betur“ (build back better), þ.e. „Endurræsingarinnar miklu.“ Ætli Kynjaskrifstofan og KÍ hafi hugleitt það?

Þegar svo er sagt og spurt, skal taka fram, að það er óumdeilanlegt, að hinsegin fólk á öllum aldri skuli njóta sömu mannréttinda og allir aðrir. En skólakerfið og kennarar ættu að hugsa sinn gang. Er það í þeirra valdi að semja nýtt tungumál, nýja líf- og kynfræði, og gerast trúboðar kvenfrelsunar- og kynleysufræða?

Dettur þeim í hug, að allir hinseginnemendur skipist í einsleitan hóp? Hvernig má það vera, að sjálfsagt tillit til hinseginnemenda, sem kveðið er á um í stjórnarskrá lýðveldisins og grunnskólalögum og gott siðferði býður, skuli blásið upp í trústefnur stjórnmálanna.

En hvað er fjölbreytileiki? Nær hann bara til kyns? Hvað með nemendur, sem eiga erfitt með að segja r? Eða þá lestrega drengi, sem finnst mýgrútur af í skólakerfinu; eða manngerðarfatlaðar stúlkur; eða drengi, sem draga sig í hlé, skrópa og hverfa úr skóla; eða stúlkur, sem skera sig í örvæntingu. Það er fjöldi dæma um afbrigði- og fjölbreytileika.

Eiga nefndir nemendahópar líka að fá sérstakan fána, gleðigöngu og nýtt tungumál – svo dæmi séu tekin. Er „óhinseginnemendum“ mismunað? Ætlar borgarstjóri að mála borgina í þeirra litum? Ætlar hinseginskrifstofa Reykjavíkurborgar að skipuleggja gleðigöngu fyrir gagnkynhneigða nemendur?

Hvers vegna eru hinsegin nemendur einangraðir í eigin félagsmiðstöð? Hvaða skilaboð senda stjórnmála- og embættismenn Reykjavíkurborgar til hinseginnemenda? Trúlega, að þeir séu öðrum nemendum mikilvægari. Eru skólayfirvöld að skapa hinsegindýrkun og sértrúarflokk?

Gæti verið, að vangaveltur sem þessar séu hatursorðræða í skilningi Katrínar og afturkippur í baráttu fyrir mannréttindum hinseginfólks, að mati Kennarasambands Íslands? Hafa þau ekki verið tryggð í stjórnarskrá íslenska lýðveldisins í rúma öld?

Svo virðist sem hugmyndir um afturkipp í réttindabaráttu hinseginfólks séu ættaðar frá sex hinseginbörnum á „Hinsegin félagsmiðstöðinni,“ sem Katrín átti fund með. Hún segir:

„Það var ekki gott að hlusta á lýsingar þeirra af hatursfullri framkomu og orðræðu sem þau lenda öll í vikulega, stundum daglega og hefur staðið yfir í marga mánuði. Þau lýsa breytingu á viðhorfum í garð hinsegin fólks sem er umfangsmikil og alvarleg – og ekki síður alvarlegt er að við höfum ekki tekið nægilega fast á móti þessari þróun, ekki staðið nægilega þétt við bak hinsegin barna og ungmenna.

Nú þurfum við öll að taka höndum saman; stjórnvöld munu grípa til aðgerða sem munu m.a. byggjast á tillögum hóps um leiðir til að sporna við hatursorðræðu sem mun skila af sér von bráðar. Það er þörf á fræðslu fyrir okkur öll: börn, foreldra, skólasamfélagið, stjórnvöld og stofnanir. Hinsegin ungmenni eiga að fá að upplifa öryggi, eiga sitt daglega líf og æsku laus við ótta og árásir.“

Það er auðvelt að vera sammála Katrínu um, að hinseginungmenni eigi að fá að upplifa öryggi, eiga sitt daglega líf og æsku laus við ótta og árásir. En eiga það ekki skilið öll önnur börn og ungmenni? Hver skal fræða okkur í haturs- og hinseginakademíu Katrínar og ríkisstjórnarinnar?

Eins og fram hefur komið spinnur Katrín iðulega saman hugmyndir sínar um hatursorðræðu og hinseginleika barna. Þau liggja henni sértaklega á hjarta eins og Ásmundi á kassanum, enda hafa þau boðað aðgerðaáætlun.

T.d. færðu þau framkvæmdastjóra tómatsósuframleiðanda eða „Ketchup Productions“ 5 milljóna króna gjöf frá skattgreiðendum. Hugmyndin er að framleiða sjónvarpsþætti um skaðsemi hatursorðræðu, sem RÚV ætlar að sýna. Þættina skal svo einnig nota í skólum til fræðslu. Áður hafi parið gaukað 9 milljónum að Samtökunum 78 til „átaks vegna hinsegin barna“ eins og RÚV orðar það. Í frétt RÚV stendur:

„Katrín segir það málefni standa stjórnvöldum nærri. Bakslag hafi orðið og unga fólkið, margt hvert, hafi orðið fyrir mjög erfiðri lífsreynslu og því skipti máli að efla fræðslu um þessi mál meðal annars í skólum. Hún segir að bakslagið verði að stoppa og hún hafi nýlega átt góðan fund með hinsegin börnum og ungmennum.

„Það á ekki að gera lítið úr þeirri reynslu sem þau hafa orðið fyrir, mér finnst hún í raun og veru alveg sláandi. Þessi fundur hefur setið í mér frá því að hann var haldinn því það er auðvitað eitthvað að ef við getum ekki bara leyft fólki að vera eins og það er. Þessi börn og ungmenni hafa mátt þola það að það sé gelt á þau, að það sé talað til þeirra með niðrandi hætti, að þau séu elt. Þetta er auðvitað ekkert sem við eigum að líða í okkar samfélagi,“ segir Katrín Jakobsdóttir.““ (Það var oft og tíðum hneggjað á mig, enda þótt giskað hefði verið á, að ég væri karlkyns, en því vil ég nú breyta í kynnsegin.)

Og Katrín gerir svo sannarlega gangskör, dugnaðarforkurinn sá. Lög um hatursorðræðu ætlar hún þinginu að samþykkja og skylda opinbera starfsmenn á námskeið um hatur og hinseginleika í HH-akademíu sinni.

Katrín hlýtur nú að hafa afrekað nógsamlega í íslensku samfélagi til að hljóta viðurnefnið, hin mikla. Hún verður Katrín mikla önnur. Sú fyrri gerði garðinn frægan í Rússlandi.

https://reykjavik.is/frettir/hinsegin-fraedi-varpa-ljosi-normid https://www.stjornarradid.is/efst-a-baugi/frettir/stok-frett/2022/12/29/Sjonvarpsthaettir-um-skadsemi-hatursordraedu/ https://www.dv.is/fokus/2020/10/25/timavelin-lesbisk-fostra-supervinnu-og-hjallastefnan/ https://www.visir.is/g/2012121129492/stigamotaverdlaunin-veitt-i-dag https://www.mannlif.is/frettir/innlent/katrin-jak-tok-a-moti-hinsegin-ungmennum-hinsegin-ungmenni-eiga-ad-fa-ad-upplifa-oryggi/ https://frettin.is/2021/11/03/hildur-lillendahl-verkefnastjori-gaedamala-borgarstjornar-kastar-grjotum-ur-glerhusi/ https://www.visir.is/g/2014140228845 https://www.dv.is/fokus/2023/1/23/hildur-lillendahl-med-skilabod-til-karla-thessi-hegdun-bokstaflega-thaggar-nidur-okkur-og-vidheldur-kugun-kvenna/?fbclid=IwAR0vx1ViYAJM5v3bXPV3ik3gJdVYbEtnoLoHCGa8bg24Y9TXA2Cs2gd9Omk https://www.academia.edu/8016443/Glimmersprengjan_sem_ekki_sprakk https://www.academia.edu/31550012/EJWS_Queering_the_trans_Gender_and_sexuality_binaries_in_Icelandic_trans_queer_and_feminist_communities https://www.ki.is/kennarastarfid/starfid-og-starfsthroun/skolamalathing-ki/?fbclid=IwAR2sXx3m-i-FoAX96kF_u9CEcysnpei5GGxCvP7jyAn0618AvwnlRfHHth0

Hinseginuppeldi og hinseginborg. Reykjavíkurborg, Kennarasambandið og hatrið: I

Flutt voru áhugaverð erindi á Skólamálaþingi Kennarasambands Íslands 2022: „Fögnum fjölbreytileikanum í skólanum.“ (Þingið sjálft fór þó að einhverju leyti út um þúfur sökum rafmagnsleysis.)

Jónína Hauksdóttir, varaformaður KÍ, setti þingið. Hún útskýrði, að mannréttindi varði okkur öll hvarvetna. „Að undanförnu hefur blásið á móti í réttindabaráttunni [hinseginfólks],“ segir Jónína. Því á KÍ að gera sitt besta til að andæfa. Varaformaðurinn vitnar til Nelson Mandela í þessu sambandi. Kennarar eiga að taka ábyrgð á uppeldi barnanna, þótt foreldrar séu þar í aðalhlutverki, t.d. með að breyta „orðræðunni, … taka afstöðu gegn hatursorðræðunni og kúgun og hafna fordómum í garð hinsegin fólks … taka þátt í baráttunni. … Kennarasamband Íslands styður við bakið á baráttu hinsegin fólks. Öll eiga jafnan rétt á því að njóta mannréttinda.“

Svandís Anna Sigurðardóttir (notar fornafnið „hún,“ segir hún), hinseginsérfræðingur, kynjafræðingur úr kvenfrelsunarsmiðju Háskóla Íslands, starfandi á Kynja- og mannréttindaskrifstofu Reykjavíkurborgar, flutti erindi með heitinu, „Regnbogavottun Reykjavíkurborgar.“ Höfundur velkist ekki í vafa um, að ”hinseginvænn skóli sé góður skóli fyrir öll börn.” Níu leikskólar hafa þegar fengið vottun. Starfsmenn þurfa að sækja hinseginnámskeið. M.a. læra þeir hinsegin fornöfnin. Meirihluti starfsmanna er jákvæður, en vantar fræðslu, segir Svandís Anna.

En þó telur hún sig sjá bakslag eins og kvenfyrirlitningu og hinseginfyrirlitningu. Nefnir til sögu einhverja, sem eru að berjast gegn „transbörnum.“ Þeir sækja í skólanna og því þurfum við að standa „mjög þétt“ saman, segir Svandís. Hún telur verkefnið vellukkað, en það vanti meira fjármagn. Hún tilfærir engar rannsóknir fyrir þeirri staðhæfingu.

Svandís Anna hefur m.a. skrifað, ásamt Írisi Ellensberger, greinina: „Glimmersprengjan sem ekki sprakk. Um jafnréttisbaráttu, gagnkynhneigt forræði og hinsegin fólk.“

Svo er fyrirlesarinn kynntur af Reykjavíkurborg: „Svandís Anna Sigurðardóttir er sérfræðingur um málefni hinsegin fólks á mannréttinda- og lýðræðisskrifstofu. Svandís geislar af orku og gleði og ekki annað hægt en að smitast af áhuga hennar og þekkingu. Svandís Anna er ein af fólkinu okkar í borginni.

Svandís hefur brennandi áhuga á málefnum hinsegin fólks enda sjálf hinsegin. Hún nam sagnfræði við Háskóla Íslands en langaði að fá meiri fjölbreytni í námið og valdi fyrir forvitnissakir kynjafræðina. Þar naut hún þess að kynnast nýrri hugsun og fjölbreyttari sýn á kyn og kynverund. Frá kynjafræði spratt áhuginn á hinsegin málefnum.

Hún er núna fyrsti starfsmaður hins opinbera sem starfar að hinsegin málefnum. Reykjavíkurborg vinnur að því að gera starfsstaði sína hinseginvænni og býður upp á sérstaka Regnbogavottun sem inniheldur fræðslu og efni sem vinnustaðir geta sóst eftir. Tveir vinnustaðir hafa þegar hlotið regnbogavottun Reykjavíkurborgar en það eru Vesturbæjarlaug og Ylströndin.“

Kynja- og mannréttindaskrifstofan er undir gæðaeftirliti verkefnisstjóra gæðamála, Hildar Lilliendahl Viggósdóttur. Ég hef ekki fundið menntunar- og persónulýsingu á henni frá Reykjavíkurborg, en hún kynnir sig kannski best sjálf:

„Kæru karlar, nennið þið plís að hugsa ykkur um næst þegar þið finnið hjá ykkur óstjórnlega þörf fyrir að leiðrétta eða (hr)útskýra fyrir konu að hún hafi nú smá rangt fyrir sér um minnsta smáatriði sem enga sérstaka þýðingu hefur fyrir umræðuefnið. Og jafnvel þótt það sé stærra atriði sem þið teljið hafa þýðingu, bara ekki gera það. Vegna þess að þessi hegðun bókstaflega þaggar niður í okkur og viðheldur kúgun kvenna.“

Á árinu 2014 sagði Hildur: Ég hef „aldrei haldið því fram að ég sé engill.“ En hún gæti hafa verið tekin í englatölu síðan.

Blaðamenn Vísis, Jóhannes Stefánsson og Stefán Árni Pálsson, leitast við að lýsa gæðastjóranum hjá Reykjavíkurborg, í grein með titlinum: „Myndirðu nauðga Hafdísi Huld með tjaldhæl?“ Þar segir m.a.: „Hildur hefur í gegnum tíðina verið róttækur femínisti og barist ötullega fyrir réttindum kvenna. Hún hefur hlotið viðurkenningar frá Stígamótum fyrir baráttu sína.“

Hugmyndina um tjaldhælsnauðgunina segir hún koma frá eiginmanninum. Hildur baðst velvirðingar á ummælunum.

Greinarhöfundar segja enn fremur: „Þá hafi hún einnig deilt skilaboðunum „Hver vill koma út að drepa?““ Síðar var Hildur dæmd fyrir svipuð ummæli í garð tveggja karla.

Annars eru fremur algengar hugmyndir kvenfrelsara um dráp – yfirleitt á karlmönnum – og nauðgun með hælum er síður en svo óþekkt viðfangsefni meðal kvenfrelsara.

T.d. sagði Andrea Dworkin (1946-2005), meiri háttar kvenfrelsunarfræðimaður: „Mig dreymir um að sjá karl svo lúbarinn, að hann liggi í blóðbaði með skóhæl á kafi í munni sér sem væri epli í gini svíns.“

Beinum nú sjónum að hinum erindunum. Sólrún Óskarsdóttir, skólastjóri í Brákarborg, sem fyrstur leikskóla hlaut regnbogavottun Reykjavíkurborgar, flutti erindið: „Fyrirmyndir fjölbreytileikans hjá fyrsta skólastiginu.“ Sjálf er ég fyrirmynd eins og „þið öll,“ segir Sólrún. Allir vita, að ég á eiginkonu. Sólrún notar kynhneigð sína til að brydda upp á hinseginumræðum í leikskólunum og til fagna fjölbreytileikanum. „Kennarar eru ofurhetjur hversdagsins,“ fullyrðir Sólrún, og leggur áherslu á virðingu og athygli gagnvart hinseginbörnum, m.a. með því að flagga regnbogafánanum.

Harpa Birna Jóhannsdóttir, kennari í Tónlistarskóla Reykjanesbæjar, og Mara Birna Jóhannsdóttir, tónlistarnemi, fluttu erindi með heitinu: „Hinseginleikinn í tónlistarskólanum, er hann til?“

Harpa Birna kynnir sig sem lespu. Hún leggur áherslu á, að hinseginleiki sé pólitík. Því vill hún mega ræða sína persónulegu hagi við nemendur. „Bakslag í baráttu hinseginfólks er staðreynd,“ segir fyrirlesari „og stöðugt er vegið að tilverurétti okkar. … Hatrið er orðið áþreifanlegt,“ heldur hann áfram, og hvetur til fræðslu, eftirtektar og aðgerða í þágu hinseginfólks. Annars er hætt við, að það nái ekki að blómstra.

Mara Birna, sem sjálf er hinsegin (skiljast má, að hún sé kynskiptingur) ber sig barasta nokkuð vel, hefur sjálf ekki orðið fyrir aðkasti og á marga vini í eigin skóla. Hún hefur þó athugasemdir í sambandi við skiptingu í karla og kvenraddir í kórum, „sem er rosalega úrelt kerfi, … rosalega fráhrindandi fyrir fólk, sem er með raddsvið, sem ekki passar við þessa kynvitund í rauninni,“ og ætti að endurskoða. T.d. transkonur, sem eru með dýpri raddir en „sískonur.“ Þó eru nokkrir kórstjórar, sem tala kynhlutlaust um raddir.

Ræðumenn, að frátaldri Möru Birnu, taka fram, að barátta fyrir réttindum hinsegin fólks sé á hverfanda hveli. Enginn þeirra lætur þó í ljósi, í hverju það felst. Fræðsla er ofarlega á baugi hjá öllum fyrirlesurum, en enginn gerir nákvæmlega grein fyrir henni.

Í erindum tveggja kemur fram að breyta eigi hugtökum, annars vegar fornöfum og hins vegar raddskilgreiningum í kórstarfi, til að auðvelda hinseginfólki, þ.e. lesbíum, hommum, beggjakynungum, kynskiptingum, kinsegin fólki (lesbian-bisexual-gay-transgender-queer) og öðrum þeim, sem kynnu að lýsa yfir öðrum, tiltölulega fátíðum afbrigðum kynskilnings, kynlífs eða kynferðis. (Hinn skynsami uppeldisfræðingur, Margrét Pála Ólafsdóttir giskaði einu sinni á, að kynafbrigðilegir nemendur væru um 5% allra nemenda.)

Sólrún og Svandís Anna fræða okkur ekki frekar um atlæti og þroska fjögurra ára tvíkynja barns til dæmis. Ei heldur um atlæti og uppeldisaðstæður barns um tíu ára aldur, sem telur sig af röngu kyni. Það er ekki minnst á samstarf við foreldra hinseginbarna.

En höfundum er afar tíðrætt um mannréttindi. Í þeirri umræðu er fátt fast í hendi, en trúlega er skilgreining Kynja- og mannréttindaskrifstofu Reykjavíkurborgar, lögð til grundvallar:

„Hún byggir á jafnræðisreglunni og miðar að því að allar manneskjur fái notið mann-réttinda án tillits til uppruna, þjóðernis, stéttar, tungumáls, litarháttar, trúarbragða, lífs- og stjórnmálaskoðana, trúleysis, kyns, kynhneigðar, kynvitundar, kyntjáningar, kyneinkenna, aldurs, fötlunar, holdafars, líkamsgerðar, heilsufars, atgervis eða annarrar stöðu.“

Höfundar erindanna bjóða ekki kynfræðilega útlistun á fullyrðingum sínum og útlistunum. En flest ber að sama brunni í erindum þeirra, þ.e. kunnuglegum kvenfrelsunarfræðum um kyn og kynleysu. Hluti þeirra fræða er, að tungumálið hafi verið samið af vondum körlum til að kúga konur. Því ber brýna nauðsyn til að breyta því eins og gert er á Dalheimum, hinseginvottuðu frístundaheimili Reykjavíkurborgar. Í þeim ranni er þetta skrifað:

„Það er ýmislegt sem hægt er að gera til að vera hinseginvænt frístundaheimili. T.a.m. eru salernin okkar ekki skilgreind eftir kyni. Við pössum upp á orðræðuna, stríðni og tökum samtalið þegar upp kemur misskilningur. Við notum hinsegin hugtök í daglegu tali, hægt að sjá ítarlegan lista fyrir neðan. [Sjá framhald.]

Við setjum okkur markmið að vera með hinsegin efni sýnilegt og reglulegt. Við setjum okkur markmið að bæta hinsegin málefnum við núverandi verkefni og skipulag. Við verðum með sýnileika hinseginleikans, með plakati og fána (þegar við fáum það) og ætlum að finna meira efni sem sýnir hinseginleikann í alls konar mynd.“ Framhald með heimildalista.

Öndvegisóvinur ríkisins. Jordan Peterson og Menningarbyltingin á Vesturlöndum

Hinir rosknu muna eflaust eftir menningarbyltingu formanns kínverska byltingarflokksins, Mao Zedong (1893-1976), og forystu hans allrar, um miðjan sjöunda áratug síðustu aldar. Í henni fólst hugmyndafræðilegur heilaþvottur Kínverja, þó einkum ungviðisins.

Maó færði þeim Rauða kverið. Þar stóð allt, sem máli skipt,i til að skapa nauðsynlegan rétttrúnað, hollustu og hlýðni við flokksforystuna, ríkisvaldið. Hinir vantrúa, samkvæmt dómstóli rauðliðanna svokölluðu, voru ýmist drepnir, hæddir og niðurlægðir, meiddir, eða sendir í endurhæfingarbúðir. Þeir voru dæmdir til fjörbaugsgarðs eða skóggangs eins og Íslendingar forðum.

Færri gera sér grein fyrir keimlíkri menningarbyltingu á Vesturlöndum, sem hófst um svipað leyti, svokallaðri annarri bylgju kvenfrelsunar. Hugmyndafræðilega er hún reist á þeirri staðhæfingu, að karlar séu illir óvinir kvenna. Yfirstéttarfrúin, Elizabeth Cady Stanton (1815-102), aðalhugmyndafræðingur kvenfrelsaranna, orðaði það svo:

„Karlinn er þrunginn tortímingu; harðneskjulegur [og] sjálfselskur. Hann unnir stríði, ofbeldi [og] sigurvinningi, miklast af sjálfum sér og leggur að fótum sér. Eins og í hinum veraldlega heimi sáir hann í siðferðið ósætti, glundroða, sjúkdómum og dauða.“ ... „Yfirburðir kynferðis okkar sem kvenna eru óendanlegir. … „ Þetta hefur verið leiðarstef kvenfrelsara síðan.

Andrea Dworkin (1946-2005), útfærði grunnkennisetningu Elizabeth þannig: „[Karlinn] lifir og hrærist í anda yfirburða sinna, sem hann rekur til tilvistar reðursins. … Mig dreymir um að sjá karl svo lúbarinn, að hann liggi í blóðbaði með skóhæl á kafi í munni sér sem væri epli í gini svíns.“

Mary Daly (1928-2010) leggur eitraða karlmennsku nokkurn veginn að jöfnu eitraðri jörð: „Afeitrun jarðarinnar verður að eiga sér stað, eigi líf að þrífast til framtíðar. Ég hygg, að hún verði samhliða þróun, sem hafi í för með sér verulega fækkun karlmanna.“

Valerie Solanas (1936-1988) sagði: „Það er skjall að kalla karlmann skepnu; hann er vél, reðurgervi.“ Það er einmitt Valerie Solanas, sem samdi hið Rauða kver eldri kvenfrelsara, annarrar bylgju þeirra; Kvenbyltingarávarpið (SCUM Manifesto): Hér er dæmi um boðskapinn:

„[K]arlinum er ljóst, að upplýst og vitundarvakin kvenþjóð boðar hans skapadægur.“ „Konan mun, hvort sem henni líkar betur eða verr, í fyllingu tímans taka öll völd, jafnvel þótt væri bara af þeirri einu ástæðu, að hún neyðist til þess – þegar öllu er á botninn hvolft hverfur karlinn af sjónarsviðinu.“

Það „rennur sífellt skýrar upp fyrir þeim [körlum], að hagsmunir kvenna séu þeirra hagur; að þeim sé einungis fært að lifa fyrir tilstuðlan kvennanna; að aukin hvatning til kvenna til að lifa lífi sínu og rætast sem konur, en ekki karlar, geri hann sjálfan lífvænlegri. Þeim er orðið ljóst, að auðveldara sé að lifa fyrir tilstuðlan kvenna, heldur en að hrifsa til sín eiginleika þeirra, ...“

Yngri kvenfrelsarar hafa stuðst við annað kver, sem flytur reyndar sama boðskap: „Listina að leggja karl að velli – leiðarvísi,“ (How to Destroy a a Man Now (DAMN). A Handbook). Í kverinu „valdeflir höfundur konur með því að leiðbeina þeim skref fyrir skref í þeirri viðleitni að eyðileggja orðspor karla og steypa þeim af valdastóli.“ Höfundur er Angela Confidential.

Auðjöfrar Bandaríkjanna sáu viðskiptatækifæri í hugmyndfræði kvenfrelsaranna og í hreyfingunni, sem spratt upp af því fræi. Þeir tóku hreyfinguna upp á arma sína og fjármögnuðu, m.a. við háskólana, sem þeir styrktu eða áttu. Kvenfrelsunarfræði hefur skotið rótum í flestum æðri menntastofnunum vestrænna ríkja og er nú ríkjandi viðhorf til mannlífs og menntunar.

Kvenfrelsunarhugmyndafræðin hefur kollvarpað allri æðri menntun. Við innritun er krafist hollustu við kvenfrelsun og kennslan dregur dám af hugmyndafræðinni í öllum greinum og listum. Þannig er t.d. orðin til kvenfrelsunarjöklafræði. Andstaða eða mótþrói leiðir til brottreksturs eða endurhæfingar á kvenfrelsunarnámskeiðum. Þau eru svipuð þeim úrræðum, sem dæmdir eða meintir ofbeldiskarlar eru látnir sæta. (Ofbeldiskonur venjulega ekki.)

Kvenfrelsunarfræðmenn á styrkjum auðjöfra og skattgreiðenda, keppast við að „rekja garnirnar“ úr illum körlum. Þeir hafa m.a. komist að því; að samfarir karls og konu sé nauðgun af hans hálfu; að kynofbeldi í garð kvenna sé karli eðlislægt; að sérhver sveinstauli sé efni í nauðgara móður sinnar; að þegar karlar gefi konu undir fótinn, séu þeir í raun að sýna kynferðislega áreitni eða kynbundið ofbeldi. Og það skal þeim refsa grimmilega fyrir, sbr. ítrekaðar „mee-too“ byltingar (eins og RÚV kallar fyrirbærið). Kvenfrelsunarkverin leiðbeina um útskúfunina.

En þrátt fyrir áratuga fræðaiðkun komu kvenfrelsunarfræðimenn þó ekki auga á hið augljósa, að þeir gerðu sjálfar sig og konur að ginningarfíflum. Það vakti aldrei fyrir auðjöfrunum að frelsa konur frá karlmönnum, heimilum, fjölskyldum, börnum og æxlunarnauð. Þeir vildu ódýrara vinnuafl og fýsti að eyðileggja fjölskylduna, svo hægara yrði um vik að stjórna fólki með auglýsingum og áróðri. Það hefur heppnast ljómandi vel. Tvær fyrirvinnur hafa nú svipuð laun og ein fyrirvinna áður og fjöldi barna fer á mis við feður sína við skilnað. Aukin heldur ýtir ríkisvaldið þeim iðulega út fátækt.

Það hljóp svo aftur á snærið hjá kvenfrelsurum, þegar hjá fræðimönnum þeirra vöknuðu hugmyndir um kynleysu, þ.e. að mannskepnan sé kynlaus og geti þess vegna valið sér kyn, að vild. Það hlakkaði líka í þeim, þegar eitt kvenfrelsunarljósanna komst að því, að konur væri kúgaður minnihlutahópur, sem ætti samleið með öllum, sem kúgaða teldu sig. Þá varð til samskipunarkvenfrelsunin (intersectional feminism).

Afleggjari samskipunarkvenfrelsunar eru „eymdarfræðin“ nýju (wokeism), hin nýja „Maó-hyggja.“ Nú skulu kúgaðir allra landa ráðast að hvítum körlum, sem eru undirrót alls hins illa í veröldinni og umfram allt kúgunar kvenna og kynskiptinga.

Útskúfun, ham- og kynskipti, urðu fræðileg lausnarorð kvenfrelsaranna. Þau náðu meira að segja til tungumálsins. Seilst var djúpt í hugmyndafræðisjóð marxismans. Gamla „speglunarkenningin“ var dregin á flot eins og hver annar sótraftur. Ein túlkun hennar er nefnilega á þá leið, að í sálinni speglist völdin í samfélaginu. Þess vegna sé tungan eins og t.d. íslenska, tunga hvítra, eitraðra karla. Og skiljanlega þarf þá að vinda bráðan bug að því að endurhæfa hana eins og karlpeninginn. Það hamast ráðuneyti Katrínar og Alþingi Íslendinga við á líðandi stundu. Dæmi: Tillaga nr. 56 frá starfshópi Svandísar Svavarsdóttur í sjávarútvegsmálum: „Kvenna/kvára“ fyrsta togarann í íslenskum sjávarútvegi þannig að konur/kvár séu a.m.k. 30% starfsfólks um borð.“ Svandís er einnig aðalhöfundur lagatexta um kynrænt sjálfræði. Þegar henni verður velt úr sessi, gæti hún sem hægast orðið fiskari.

Það eru ófáir karlar, sem dæmdir hafa verið til skóggangs af kvenfrelsunardómstólunum, oft og tíðum með hjálp fjölmiðla. Kanadíski fjölmiðlasálfræðingurinn, Jordan Peterson, hefur lengi barist í kvenfrelsunar og ritskoðunarandstreyminu, þ.e. bent á það, að kvenfrelsunarkeisarinn sé í raun berrassaður eins og keisarinn í ævintýri Hans Christian Andersen (1805-1875), „Nýju fötum keisarans.“

Jordan staðhæfir hnakkakerrtur; að kyn sé raunveruleiki; að málfræðileg kyn beri ekki vott um kúgun kvenna af völdum karla; að kynofbeldi sé ekki sértakt einkenni karla; að innrita skuli nemendur í háskóla á grundvelli getu og hæfni, en ekki kvenkyns; að ráða skuli í störf og embætti á grundvelli verðleika, en ekki kvenkyns; og svo mætti lengi telja.

Jordan hefur aukin heldur neitað að beygja sig undir kvenfrelsunarbreytingar á tungumálinu. Hann hefur verið kallaður alls konar illum nöfnum – einnig hér á sælueyjunni – eins og „kynskiptafól, kynfól og kynþáttahatari.“

Að þessu sögðu er ekki kyn, þótt hann hafi hlotið öndvegissæti fjandmanna ríkisins, sameinaðra kvenfrelsara, ritskoðara og eymdarfræðinga.

En nú kemur atlaga úr óvæntri átt. Sálfræðingafélagið í Ontario hótar að ógilda starfsleysi hans sem sálfræðings, þiggi hann ekki tilhlýðilega endurhæfingu um tjáningu á veraldarvefnum.

Andóf Jordan gegn bólusetningaofbeldinu hefur sennilega ráðið úrslitum og afskipti hans af ofbeldinu gegn vörubílstjórunum eða öllu heldur áætlunum lögreglustjóra um að fjarlægja börnin í bílalestinni. Andóf gegn forsætisráðherra Kanada, Pierre Trudeau, vegur vafalaust líka þungt.

Ríkisvaldið, auðvaldið, kvenfrelsarar og fjölmiðlar eru hættulegir óvinir.

https://www.britannica.com/event/Cultural-Revolution https://frettin.is/2023/01/14/fjolskyldubotakerfid-gerir-fedur-ad-oreigum/ https://www.visir.is/g/2019191119863?fb_comment_id=2367162866726086_2367467166695656 https://torontosun.com/opinion/columnists/lilley-jordan-peterson-launches-court-challenge-as-college-of-psychologists-attempts-to-pull-his-licence-over-social-media-posts https://www.msn.com/en-ca/news/other/read-the-tweets-that-got-jordan-peterson-investigated-by-college-of-psychologists/ar-AA162vR3 https://calgaryherald.com/news/provincial/read-the-court-filing-by-jordan-peterson-against-the-college-of-psychologists-of-ontario/wcm/beef4b34-0906-4361-a14a-574ba11ddbd0 https://dailycaller.com/2023/01/12/protesters-rally-jordan-peterson-education-college-psychologists-ontario/ https://petermcculloughmd.substack.com/p/dr-jordan-peterson-accused-of-heresy https://www.visionnews.online/post/jordan-peterson-must-undergo-re-education-for-thoughtcrime-or-face-losing-clinical-licence?postId=0a69fa6c-bb5b-479b-81c0-7c7e356c6532&utm_campaign=58b0dbda-4960-4a15-aa09-25c107a3d5bc&utm_source=so&utm_medium=mail_lp&utm_content=192cbf73-c313-4d6a-bb9a-a35d01157392&cid=13822ff6-9cac-4fec-a138-6b457b06a2f5 https://www.youtube.com/watch?v=aMcjxSThD54 https://www.youtube.com/watch?v=gQYCJIDHGnQ https://brownstone.org/articles/jordan-peterson-enemy-of-the-state/ https://krossgotur.is/greinin-hans-gunnlaugs-jonssonar/?fbclid=IwAR3N1yB6YoP6IqhpS1_rMA_fIcPRoLKl-0WVhvltmIyz4d8pT0eutasq-jQ

Konungur eitraðrar karlmennsku. Andrew Tate og skólinn

Hinn bresk-bandaríski, Andrew Tate (f. 1986), er fyrrum áhrifavaldur á samfélagsmiðlum, beinskeyttur og kjaftfor. Andrew hefur nú verið gerður útlægur af þessum miðlum sökum „kvenfyrirlitningar,“ þó ekki af Twitter, samkvæmt kvenfrelsaranum, Ólöfu Ragnarsdóttur, á fréttastofu RÚV (16. Jan. 2023).

Ólöf gefur ófagra kvenfrelsunarlýsingu á Andrew, þegar hún greinir frá handtöku hans í Rúmeníu fyrir nauðgun, mansal og auðgunarglæpi. (Minnir óneitanlega á ákærur sænsku lögreglunnar á hendur Julian Assange.)

En í samtali Andrew Tate við Tucker Carlson, lætur Andrew að því liggja, að hann sé umræðunnar sláttumaður og segir m.a.: „Ég er útlægur gerr [af samfélagsmiðlum] einfaldlega vega þess, að í ljáfarinu var umtalsverður hluti viðmælenda, sem lýstu stuðningi við hefðbundin karlgildi. Unglingspiltar og ungir karlmenn [snemma á þrítugsaldri] litu upp til mín og þráðu að líkjast mér.

Ég lifi bara hefðbundnu lífi karlmanns. Ég á hraðskreiðar sjálfrennireiðar, stórt hús, sand af seðlum og íðilfagra kærustu. Þetta þótti þeim [samfélasmiðlum] ógnandi. Og einhverra hluta vegna tóku þeir ákvörðun um að koma mér fyrir kattarnef veraldarvefsins og setja í staðinn einhvern þann, sem þeim þykir heppilegri fulltrúi þess, sem þeir þykjast aðhyllast. …

Að mínum dómi er afar snúið að vera karlmaður. Áskoranir (issues) karla eru ekki virtar viðlits. Þeir, sem veröldinni stjórna, þykjast bera hag karlmanna fyrir brjósti. En þegar baráttumenn eins og ég birtast á sjónarsviðinu og öðlast um síðir gríðarlegt fylgi meðal almennings, er ég þaggaður í hel. …

Fjöldi pilta, sem vex úr grasi um þessar mundir, eru vansælir með þessa [karlbælingar]þróun. Þeir eru gerðir ósýnilegir. Áætlanir (agendas), sem troðið er ofan í kok þeirra, eru þeim framandi […] og óumbeðnar.

Í grundvallaratriðum segi ég einungis þetta við karlmenn: Sjáið til! Lífið er barátta, því verður þú að leggja hart að þér og stunda líkamsrækt, heilbrigð sál í heilbrigðum líkama. Þú ættir að láta sem vind um eyru þjóta eða hlusta með gagnrýnu hugarfari á allt, sem þér er sagt, kasta þrælslundinni fyrir róða, [og] tileinka þér sjálfstæða hugsun.

Stofnaðu til samvinnu í bræðralagi og hafnaðu slæmum förunautum í lífinu. Það felur í sér að sniðganga karlmenn, sem neyta eiturlyfja og stunda tölvuleiki eða sýna óheiðarleika eða óheilindi.

Leggðu þig fram um að laða til þín vænt fólk og viturt (high quality) og skapa þér raunveröld, sem auðveldar andóf gegn kerfisinnrætingu (matrix) og stuðlar að eiginlegri hamingju.“

Andrew þessi hefur valdið gríðarlegum taugatitringi hjá kennslukonum í Bretlandi. T.d. segir Alice Evans, í grein í BBC:

„Við verðum öll að leggjast á eina ár og styðja unga karlmenn til endurskilgreiningar á karlmennskunni – firra sig eitraðri hugmyndafræði Tate og annarra úr hans sauðahúsi.“

Eins og allir vita, miðar kvengervingu drengja býsna vel, víðast hvar á Vesturlöndum, ekki síst í Bretlandi og Íslandi. Þar er lögð er ofuráhersla einmitt á innrætingu í skóla, sbr. Kynungabók þá, sem Katrín okkar allra lét vinkonur sínar vinna í boði skattgreiðenda.

Breskir eiga líka sína Kynungabók, sem bergmálar hræðslu téðra kennslukvenna við Andrew. Bókin sú eða skýrslan kom út árið 2022 og heitir :„Staða drengja í Breska konungsveldinu. Skilningur kyns í lífi breskra drengja og umbreyting þess“ (The State of UK Boys. Understanding and Transforming Gender in the Lives of UK Boys).

Skýrslan er gefin út af „Alheimsfrumkvæðinu gagnvart drengjum“ (Global Boyhood Initiative), sem stofnað var árið 2020 af Kering stofnuninni (Kering Foundation), Equimundo (áður Promundo-US) í samvinu við Alþjóðaáætlunina (Plan International) og Gillette, sem er samstarfsaðilji á alþjóðavísu.

Alheimsfrumkvæðið hefur það „að markmiði, að leiðbeina drengjum til að; veita hlutdeild í tilfinningum sínum á heilbrigðan hátt; viðurkenna aðra og tengjast þeim; stíga á stokk og mótmæla dólgshætti og ójafnrétti; losa sig undan staðalímyndum.“ Vafalítið er þar átt við staðalímyndir af körlum. Þessi kvengervingarsamtök hafa gefið út fleiri skýrslur, skrifaðar í anda sömu hugsjónar, sbr. heimasíðuna.

Heróp Kering stofnunarinnar er: „Stönsum ofbeldi. Bætum líf kvenna. … Upprætum ofbeldi, sem þriðjungur kvenna í veröldinni verður fyrir.“ Þetta segir líklega flest það, sem segja þarf um þau samtök.

Equimondo eru miðstöðvar karlmennsku og félagslegs réttlætis, þar sem félagar hafa, síðan 2011 „stuðlað að nærandi, réttsýnni og ofbeldisfirrtri karlmennsku.“ Köllun samtakanna er sú, „að koma á jafnrétti kynjanna og félagslegu jafnrétti með því að rjúfa skaðsemivítahringi kynslóðanna og stuðla að hegðun, sem lýsi umhyggju, samúð og ábyrgð í fari drengja og karlmanna á lífsleiðinni.“

Alheimsáætlunin snýst í aðalatriðum um að hlúa að stúlkum: „að hafa … áhrif á viðkvæm utangarðsbörn, sérstaklega stúlkur, að styrkja í meiri mæli tækifæri til breytinga, staðbundið og alþjóðlega, til að umbreyta lífi stúlkna.“

Ofangreind samtök lýsa sér sem mannúðar eða mannvinasamtökum. Ég hef ekki fundið, hverjir leggja til fjármagnið í reksturinn. En markmiðin ríma við sjálfbærnimarkmið Sameinuðu þjóðanna, markmið Alheimsefnahagsráðsins, löggjöf Evrópusambandsins, Evrópuráðsins og Íslands.

Umrædd skýrsla er eins og Kynungabók og ritröðin, „Kynjamyndir í skólastarfi,“ (höfundar nokkrir þeir sömu), nokkurs konar vegvísir handa kennurum, uppalendum og öðrum, sem vilja uppræta eitraða karlmennsku. Lesanda býður þessi boðskapur:

„Snemma skal krókinn beygja, ef koma skal á jafnrétti kynjanna og uppræta ofbeldi og mismunun af öllu tagi. Því þarf að virkja drengi, þegar þeir fá innrætingarboðskap um, hvað felst í því að vera drengur eða karlmaður.“

Lesendur eru beinlínis varaðir við þeirri ofuráherslu, sem lögð er á rannsóknarniðurstöður þess efnis, að karlar og drengir geti verið fórnarlömb ofbeldis í nánum samböndum, enda þótt þeir hafi mál Johnny Depp og Amber Heard í fersku minni.

Hins vegar er mikil áhersla lögð á upprætingu kynja með skírskotun til kynskipta- eða kynleysuhyggju (transgenderism) og hug- eða félagssmíðahyggju (social constructivism). Skýrsluhöfundar benda á, að kyn hafi ekkert með kynfæri, kynvaka eða annað lífeðli að gera.

„Kyn er skoðað í ljósi hugtaksins um félagslegt kyn, þar sem tengsl einstaklings og umlykjandi félagslegra valdamynstra koma í brennidepil. Það felur í sér, að kyn sé ekki bundið kynfærum, kynvökum eða [öðrum] lífeðlislegum þáttum – reyndar er það svo, að margir fræðimenn draga í efa, hvort „meðfædd“ (biological) einkenni séu í raun til, óháð því samfélagi, sem ljær þeim merkingu.

Þvert á móti, lýsir kynhugtakið; hvernig kyn er mótað; hvernig samfélög flokka, skipuleggja og stjórna tegundum (category) kynja; menningarskilningi á kynhlutverkum; einstaklingsbundinni kynvitund; og hvernig einnig má taka sér fleiri en eina tegund kynferðis.“

Umsögn Janice Fiamengo um skýrsluna er þessi:

„Í skýrslunni er gersamlega ekkert jákvætt að finna um karlmennsku. Henni er ýmist lýst sem „eggjandi valdi,“ „drottnunargjarnri“ og „kúgandi.“ Það er meira að segja gripið til hugtaksins „strákkjánapriks“ (boysplaining) til að skrumstæla, hvernig drengir eru sagðir koma fyrir sig orði.“

Skelfing kennslukvennanna og samfélagsmiðla vegna áhrifa Andrew er skiljanleg. Meint „kvenfyrirlitning“ hefur líka komið í ljós gagnvart umhverfisgyðjunni, Grétu Thunberg, sem Andrew gerir góðlátlegt grín að. Það bætir ekki úr skák.

Nú er að sjá, hvernig þessum groddalega spaugara reiðir af í dómskerfinu. Hann er greinilega orðinn fleirþjóðlegur glæpamaður. Ólöf segir, að hald hafi verið lagt á eigur hann til að greiða meintum þolendum mansals og nauðgana skaðabætur. Og ekki lýgur Ólöf!

https://boyhoodinitiative.org/ https://plan-international.org/ https://www.keringfoundation.org/en/ https://boyhoodinitiative.org/wp-content/uploads/2022/11/State-of-UK-Boys-Long-Report.pdf https://twitter.com/Cobratate/status/1608212791009374208 https://www.youtube.com/watch?v=yXV_UknHrio https://www.youtube.com/watch?v=yXV_UknHrio https://www.nytimes.com/2022/12/30/world/europe/andrew-tate-romania-arrest.html https://www.bbc.com/news/education-64234568 https://www.thirdway.org/report/wayward-sons-the-emerging-gender-gap-in-labor-markets-and-education#:~:text=the%20opposite%20direction.-,Over%20the%20last%20three%20decades%2C%20the%20labor%20market%20trajectory%20of,news%20for%20men%20is%20poor. https://www.bbc.com/news/technology-62602913 https://www.youtube.com/watch?v=2FEEt3mqFTo https://fiamengofile.substack.com/p/andrew-tates-career-as-the-baddest?utm_source=substack&utm_medium=email

Covid-19 bólusetningar. Viðamesta árás á mannkyn eftir aðra heimsstyrjöld, segir Naomi Wolf

Eins og lesendur kynnu að reka minni til var lyfjarisinn, Pfizer, dæmdur til að birta leyndarskjöl frá rannsóknafúski sínu á áhrifum covid-19 bólusetninga. Sama á við um skjöl Malvæla- og lyfjastofnunar Bandaríkjanna (Food and Drug Administration – FDA).

Áður hefur fulltrúi fyrirtækisins viðurkennt, að það hafi aldrei verið rannsakað, hvort bólusetning kæmi í veg fyrir smit.

Undir stjórn Amy Kelly frá lýðræðismiðlinum, DailyClout, hafa 3500 sérfræðingar hinna ýmsu greina rannsakað umrædd skjöl. Niðurstöðurnar hafa nú verið birtar á rafbók.

Naomi Wolf, einn af stofnendum ofangreinds miðils, segir: „Um er að ræða skráningu glæpa, sem furðu valda sökum yfirgrips og ítarleika. Flóðbylgjum frumheimilda og greininga er safnað saman í eitt rit, sem nú kemur fyrir sjónir heimsins barna. Svo virðist sem um sé að ræða verstu árás á mannkyn, síðan að annarri heimsstyrjöldinni lauk.“

Bókin kom út þann tíunda janúar í ár. Staðreyndasnápar (fact checkers) lyfjafyrirtækjanna eru þegar allir á iði eins og við mátti búast. Þeir hamast eins og áður við að breiða yfir bólusetningamisgjörðir lyfjafyrirtækjanna og Bill Gates í Suður-Ameríku, Afríku, Asíu, þ.á.m. Filippseyjum og Indlandi.

Það eru fleiri „ábyrgar stofnanir“ (eins og Þórólfur kallar þær) vestanhafs, sem hafa verið þvingaðir til að birta skjöl. Það á t.d. við um meinviðbragða- eða aukaverkanaskráningu „Sjúkdómsvarnastofnunar Bandaríkjanna (Centers for Disease Control and Prevention - CDC).

Þar kemur m.a. fram: „Greiningar CDC sýna, að alvarlegar aukaverkanir, sem tilkynntar voru á tæpum tveim árum vegna mRNA Covid-19 bóluefna, voru 5.5 sinnum fleiri en allar tilkynntar, alvarlegar aukaverkanir, vegna allra [annarra] bóluefna fyrir fullorðna, síðan árið 2009.“

Og það fjölgar enn í hópi hjartalækna, sem stíga á stokk og tjá sig um algengar hjartabilanir, sem einu sinni voru fátíðar.

Lyfjaeftirlit Bandaríkjanna er annálað fyrir hagsmunaárekstra. Sífellt koma misfellur í ljós í starfi þessarar „ábyrgu stofnunar.“ T.d. eru virtar að vettugi rannsóknir, sem sýna fram á rangar forsendur ákvarðana stofnunarinnar, t.d. um markaðsleyfi fyrir mRNA örvunarskammta frá Moderna.

Það hefur áður verið sýnt fram á samstarf háskóla, FDA og varnarmálaráðuneytis Bandaríkjanna í sambandi við tilurð covid-19 veirunnar og bólusetninga við henni. Varnarmálaráðuneytið hefur skoðað hana með tilliti til veiruhernaðar. Í Ástralíu hafa nú kveðið sér hljóðs vísindamenn, sem halda því fram, að bólusetningaherferðin þar í landi hafi verið að undirlagi og undir stjórn nefnds ráðuneytis, þ.e. bandaríska hersins.

Tölur hvarvetna á Vesturlöndum sýna umtalsverða umframdánartíðni, sem varla verður útskýrð öðruvísi en sem aukaverkun bólusetninganna, t.d. í Bretlandi. Japönsk stjórnvöld boða rannsókn á umræddum bólusetningum og aukaverkunum við þeim. Bandarísk stjórnvöld lina bólusetningatakið. Læknar bætast stöðugt í þann hóp, sem vara við þessum bólusetningum.

Spilling í stjórnkerfinu, æðri menntastofnunum og lyfjafyrirtækjunum, hefur verið þekkt um allnokkurs skeið. Nú hefur einnig komið í ljós, að bandarískir þingmenn séu einnig á mála hjá lyfjarisunum. Stórfyrirtæki virðast sömuleiðis hafa lagst á sömu bólusetningaár og þvingað starfsmenn sína til bólusetningar, sbr. málaferli tveggja starfsmanna Disney.

Það er víðar spilling og grunur um spillingu. Ursula von der Leyen er nú til skoðunar hjá Evrópusambandinu fyrir „ástrík“ spillingarsamskipti við (forstjóra) Pfizer.

Þreifiarmar lyfjaauðvaldsins ná ekki einungis til alþjóðastofnanna, embættisveldis og ríkisstjórna, heldur hefur það meira og minna stjórnað fréttaflutningi um heilbrigðismál á Vesturlöndum eins og opinberun leynigagna frá Twitter sýna, svo vart verður um villst.

Stóru fréttaveitur Vesturlanda – einkum bandarískar – hafa stundað meint brot á lögum um hringamyndun (antitrust) og stofnað „Frumkvæði traustra fréttaveitna,“ (Trusted News Initiative). Þátttakendur eru bæði opinberar/hálfopinberar fréttaveitur og fréttastofur í einkaeigu, t.d.: BBC, Washington Post, Reuters, Associated Press, Meta (Facebook, Instagram), Twitter, Microsoft (Linkedin) og Googe (YouTube).

Hópur undir forystu Robert Kennedy, yngri, hefur nú stefnt þessu einokunarfréttabandalagi.

En á líðandi stundu kynni að sjást brestur í samstöðunni. Meira að segja hinir hundtryggu kerfisverndarfjölmiðlar, CNN, Reuters og Politico, skrifa nýlega, að nú sé óhjákvæmilegt að opna augun fyrir hugsanlegu sambandi bóluefnis Pfizer og hjartaslags. Alla vega virðist samsærivindbelgingurinn farinn úr seglunum. Fox leyfir sér að tala við hinn skynsama þingmann, Ron Johnson, sem gagnrýnt hefur bólusetningarherferð yfirvalda.

En á norrænu vígstöðvunum er annað hljóð í strokknum. Erkikvenfrelsarinn, Gro Harlem Brundtland, kvartar: „Við erum um það bil að missa tökin á því, hvað fólki er sagt.“

En Bill Gates er hvergi nærri af baki dottinn í þeirri yfirlýstu viðleitni sinni að bólusetja öll heimsins börn. Það rekur hvert nýjabrumið á fætur öðru í því sambandi; bólusetning í matvöru (eða gervifæðunni, sem hann framleiðir), bólusetning gripa, sem menn leggja sér til munns, og bólusetning með erfðabreyttum mýflugum, svo dæmi séu tekin.

Gamall draumur breska hagfræðingsins, Thomas Robert Malthus (1766-1834), og erfðabótahugmyndafræðinganna (social Darwinism, eugenics) um fækkun og erfðasnyrtingu mannkyns, lifir enn þá góðu lífi.

Bill og aðrir auðmenn úr röðum alheimsstjórnunarsinna eins og lærifaðir hans, Warren Buffet; George Soros, sem fjármagnar einnig svokallaðar litskrúðsbyltingar (color revolutions) og kollsteypur yfirvalda, sbr. Úkraínu og Íran; Michael Bloomberg; Ted Turner og Ophrah Winfrey, svo nokkrir séu nefndir til sögu.

Hversu lengi ætlar Katrín Jakobsdóttir, ráðuneyti hennar og embættismenn, að þegja þunnu hljóði um hætturnar af covid-19 bóluefnaherferð sinni? Hversu lengi ætla íslenskir Alþingismenn að sofa svefni hinna óréttlátu um þessar hættur?

https://rumble.com/v253haf-rfk-jr.-announces-covid-misinformation-lawsuit-on-tucker-carlson-tonight.html?eType=EmailBlastContent&eId=b3b9762b-a7d5-454b-906c-3de7f6591435 https://edition.cnn.com/2023/01/11/health/moderna-bivalent-transparency/index.html https://rumble.com/vte5nq-proof-from-dod-database-of-adverse-events-of-covid-vax.html https://alexberenson.substack.com/p/urgent-17-percent-of-teenagers-had?utm_source=substack&utm_medium=email https://www.dailywire.com/news/lawsuit-says-disney-was-a-state-actor-colluding-with-government-to-force-vaccine-on-employees https://childrenshealthdefense.org/defender/moderna-mrna-omicron-targeted-spikevax-bivalent-covid-vaccine-cola/ https://expose-news.com/2023/01/15/bbc-led-network-withholds-vital-information-about-covid-injection-safety/ https://steigan.no/2023/01/absurditetenes-plusslogikk/?utm_source=substack&utm_medium=email https://ago-mo-gov.translate.goog/home/news/2023/01/09/missouri-attorney-general-releases-more-documents-exposing-white-house's-social-media-censorship-scheme?_x_tr_sl=en&_x_tr_tl=no&_x_tr_hl=en&_x_tr_pto=wapp https://www.dailysignal.com/2023/01/12/not-just-misinformation-emails-white-house-facebook-admits-suppressing-often-true-content-covid-19-vaccines/ https://steigan.no/2023/01/sikre-effektive-og-dodelige/ https://www.reuters.com/business/healthcare-pharmaceuticals/us-says-pfizers-bivalent-covid-shot-may-be-linked-stroke-older-adults-2023-01-13/?taid=63c20b7ae2457e0001b9548c https://news.yahoo.com/cdc-fda-see-possible-between-203157273.html https://www.lifesitenews.com/opinion/us-military-was-secretly-behind-australias-covid-jab-rollout-report/ https://www.theblaze.com/op-ed/horowitz-whistleblowers-share-dod-medical-data-that-blows-vaccine-safety-debate-wide-open#toggle-gdpr https://checkfact.org/ansedde-medicinske-redaktoren-peter-doshi-havdar-att-covidvaccinen-saknar-vetenskapligt-stod-utan-data-sa-ar-det-inte-vetenskap/ https://expose-news.com/2023/01/15/ministry-truth-bbc-trusted-news-initiative-caused-2mil-excess-deaths/ https://stopworldcontrol.com/gates/ https://childrenshealthdefense.org/defender/cdc-vaers-covid-vaccines-serious-injuries/ https://childrenshealthdefense.salsalabs.org/tni-1?wvpId=2632c6be-8647-4bb0-b529-2b0dc034760d https://dailyclout.io/the-fda-failed-to-present-nejm-study-to-advisors-before-vote-to-recommend-bivalent-boosters/ https://dailyclout.io/the-fda-failed-to-present-nejm-study-to-advisors-before-vote-to-recommend-bivalent-boosters/ https://orthomolecular.activehosted.com/index.php?action=social&chash=502e4a16930e414107ee22b6198c578f.257&s=86ab7e73aebf3e11ce85c02b5381f21bhttps://orthomolecular.activehosted.com/index.php?action=social&chash=502e4a16930e414107ee22b6198c578f.257&s=86ab7e73aebf3e11ce85c02b5381f21b https://dailyclout.io/groundbreaking-new-book-sends-shockwaves-through-pfizers-criminal-enterprise/ https://www.naturalnews.com/2023-01-09-vaccinating-food-supply-globalists-force-jab-unvaccinated.html https://www.nytimes.com/2021/04/28/world/europe/european-union-pfizer-von-der-leyen-coronavirus-vaccine.html https://strategic-culture.org/news/2022/11/20/commission-chief-faces-corruption-probe-over-pfizer-contracts/ https://childrenshealthdefense.org/defender/cnn-moderna-fda-cdc-covid-boosters/?utm_source=salsa&eType=EmailBlastContent&eId=10d12693-233d-4c3f-988c-b8f75096a994 https://www.sciencedirect.com/science/article/pii/S001393512201982X https://childrenshealthdefense.org/defender/kathryn-edwards-pfizer-covid-vaccine-conflict/?utm_source=salsa&eType=EmailBlastContent&eId=68d9b3d6-2e25-4d03-82a3-fc3bbaf2eeec https://www.cnbc.com/2022/09/03/covid-19-omicron-shots-available-but-their-effectiveness-is-unclear-.html https://expose-news.com/2023/01/12/emergency-doctor-calls-for-immediate-suspension-of-mrna/ https://petersweden.substack.com/p/50000-excess-britain?utm_source=substack&utm_medium=email https://www.politico.com/news/2023/01/10/pentagon-drops-covid-19-vaccine-mandate-for-troops-00077364 https://www.statnews.com/feature/prescription-politics/federal-full-data-set/ https://alexberenson.substack.com/p/more-evidence-that-american-data?utm_source=substack&utm_medium=email https://naomiwolf.substack.com/p/pixels-bots-and-human-cruelty?utm_source=substack&utm_medium=email https://childrenshealthdefense.org/defender/pfizer-bivalent-covid-vaccine-booster-babies-kids/

Tilvistarangist Jósefs Biden Saltnámurnar í Bakhmut

Fáir rita af meiri skynsemi um hið andstyggilega stríð í Úkraínu og utanríkismál yfirleitt, en B.K. Bhadrakumar, indverskur sendiherra á eftirlaunum. Í grófum dráttum hefur hann þetta að segja um síðustu þætti Úkraínuleikritsins á hinu stóra leiksviði heimsmálanna.

Það er opinbert leyndarmál, að Natóríkin/Bandaríkjamenn miðla úkraínska hernum upplýsingum úr rauntímanjósnum sínum um Rússa. Það er líka almælt, að vestrænir/bandarískir „ráðgjafar“ beiti þeim hátæknivopnum, sem í Úkraínu finnast, sbr. atvikið, þegar herskipinu, Moskvu, var sökkt á Svartahafi í fyrra, og fjöldi rússneskra nýliða drepinn í Donetsk nýlega.

Rússar hafa ekki farið í launkofa með þá vissu sína, að Bandaríkjamenn stjórni árásum með eldflaugakerfinu, Himar. En slíkum vopnum var einmitt beitt til að drepa rússnesku hermennina í Donetsk.

Bhadrakumar veltir því fyrir sér, hvort Rússar muni einnig færa sig upp á skaftið og beina skeytum sínum að bandarískum hermönnum í Úkraínu. Enn hefur enginn þeirra snúið heim í líkpoka af völdum Rússa, að talið er.

Það er greinilegur titringur hjá ráðamönnum Vesturveldanna. Alvöru innrás frá Rússum virðist yfirvofandi. Engu að síður hvetja Rússar enn til samninga, þrátt fyrir, að bæði Þjóðverjar og Frakkar hafi gengist við samningssvikum, þ.e. játað, að Minsk samkomulagið hafi einungis verið gert til að vígvæða Úkraínumenn í friði.

Bhadrakumar gerir nýlega grein stríðshaukanna, Condoleezza Rice og Robert Gates að umtalsefni, „Tíminn er ekki hliðhollur Úkraínumönnum“ (Time is not on Ukraine´s side). Höfundar eru báðir meðal merkustu hugmyndafræðinga Bandaríkjamanna um drottnun landa sinna í veröldinni. Það kalla þeir og önnur vestræn stjórnvöld, þar á meðal þau íslensku, „regluvædd samskipti ríkja“ (rule based). Því telja þeir skiljanlega, að sigur Rússa í laumustríði Bandaríkjamanna og Nató muni verða álitshnekkir fyrir Bandaríkin og ógna „einmiðjuveröld“ (unipolar) þeirra.

En reyndar er að það svo, að Bandaríkjamönnum og bandamönnum þeirra fatast stöðugt í laumuleiknum og verða sífellt opinskárri. Því er nú orðið um opinbert leyndarmál að ræða, enda þótt það hafi heitið falsfréttir og samsæriskenning fyrir nokkur síðan. Bhadrakumar segir:

„Rice og Gates gefa óbeint í skyn, að Rússar séu sigurstranglegri, í blóra við sigri hrósandi frásagnir vestrænna ríkja. Það ber ekki á öðru en árásin, sem í vændum er af Rússa hálfu, valdi þeim taugatitringi.“

Grein Rice og Gates hefur einnig skírskotun til nýlegra átaka í þinginu um kjör þingforseta. Sá hefur áður lýst sig andvígan óhóflegri aðstoð til Úkraínumanna. Erfiður þingforseti veldur

Jósef vafalaust hugarangri. Hernaðarfjárlög í forsetatíð Jósefs nálgast nú eina trilljón dala. Jósef leggur stöðugt meiri þrýsting á Nató um vopnasendingar til Úkraínu, sbr. yfirlýsingu þýska kanslarans, Olof Scholz, og Jósefs. Frakkar hafa einnig orðið fyrir sterkum þrýstingi frá bandarískum stjórnvöldum.

Fyrir skemmstu sendi Laura Cooper, varavarnarmálaritari (deputy assistant secretary of defense) út fréttatilkynningu, þar sem segir á þessa leið:

Að teknu tilliti til heildarhernaðarsjónarmiða verður seint lögð nógsamlega áhersla á þær skelfilegu afleiðingar, sem sigur Rússa í Úkraínu og herám, hefði í för með sér. [Það er raunar einber áróður, því Rússar hafa, fram að þessu, ekki lýst yfir fyrirætlan um að hertaka Úkraínu.] Það myndi hafa í för með sér mestu röskun landamæra í Evrópu, síðan annarri heimsstyrjöldinni lauk. Frammistaða okkar við að andæfa slíku hernámi, styðja og vernda úkraínsku þjóðina, mun fá hljómgrunn í Evrópu og veröldinni allri.

Skýrar játningar um eðli stríðsins komu frá Oleksii Reznikov, varnarmálaráðherra Úkraínu. Á leiðtogafundi Nató í Madrid í júní síðastliðnum, voru Rússar úthrópaðir sem mesti ógnvaldur bandalagsþjóða – Íslendingar eru þar meðtaldir. Þetta endurtók Oleksii í viðtali við úkraínska sjónvarpsstöð og sagði:

„Úkraínumenn eru í þann mund að gera þessa ógn að engu. Við göngum erinda Nató á líðandi stundu. Íbúar bandalagsins láta ekki blóði sínu. Það gerum við. Þess vegna ber þeim skylda til að útvega okkur vopn.“

Varnarmálaráðherrann er sigurviss og þess fullviss, að þegar sigur verði í höfn munu Úkraínumenn hljóta náð fyrir augum Nató og verða boðin aðild einu sinni enn:

„Þeir [Nató] eru kennarar okkar í dag, en á morgun munu liðsforingjar okkar, liðþjálfar, og jafnvel óbreyttir hermenn, kenna þeim, hvernig berja skal á Rússum. Rússar verða enn sem fyrr ógn við Nató og Evrópu alla.“

Frá eigin brjósti: Þrátt fyrir hávært stríðsæsingatal og daður Bandaríkjamanna við hugmyndina um að nota kjarnorkuvopn til að tryggja heimsveldi sitt, leyfi ég mér að vona, að sanngirni, siðvendni og ábyrgðartilfinning, fái hljómgrunn á vígstöðvunum eða almenningur velti stríðsbrjáluðum embættis- og stjórnmálamönnum úr sessi.

Það er nöturlegt til þess að vita, að þrátt fyrir aðvaranir skynsömustu og raunsæjustu stjórnmálamanna Bandaríkjamanna, skuli meingeitur í síðustu ríkisstjórnum þeirra, í vitorði með Nató, hafa hrundið af stað hörmungunum í Úkraínu með þvergirðingshætti, illum ásetningi og samningsbrotum.

Það er átakanlegra en tárum taki, að þjóðhöfðingi „friðsamra“ Íslendinga og Alþingi sjálft, lýsi yfir gagnrýnislausum stuðningi við tortímingaröfl í Úkraínu, Íslendingum til ævarandi skammar. Það hefur t.d. vakið athygli blaðamannsins, Ron Ridenour, sem kunnugur er íslenskum stjórnmálum frá fornu fari. Í grein sinni um afstöðu Íslendinga hæðist hann beinlínis að Katrínu okkar allra og yfirlýstri friðsældarstefnu VG í samskiptum við önnur ríki.

Það bætir heldur ekki úr skák, að spilltir úkraínskir embættismenn auki stöðugt svartamarkaðsverslun með vopnin frá Vesturlöndum og bjóði þar með hættu á hryðjuverkum heim. Samtímis gerir úkraínska þingið nasistann, Stepan Bandera, að „þjóðardýrlingi,“ meðan úkraínska leynilögreglan – í samráði við þá bandarísku, samkvæmt uppskrift frá Vietnam - ofsækir, lemstar og drepur landsmenn sína, sem ekki fylgja nasistastjórninni að málum. Slava Ukraini!

Eftirmáli: Vafalaust hafa margir velt fyrir sér gildi vígstöðvanna við Bakhmut/Artyomsol. Bahmut hefur verið kölluð hermannahakkavélin. Þangað hafa Úkraínumenn beint straumi hermanna sinna, sem margir hverjir eru óharðnaðir strákhvolpar. Nú hefur Volodymyr, eftir því sem best verður séð, viðurkennt ósigur þar, þ.e. í Soledar, sem er hluti svæðisins.

Skýringin kann að felast í mannvirkjunum neðanjarðar, því þarna eru saltnámur miklar, þar sem m.a. má birgja vopn, jafnvel heilu skriðdrekana. Um þær liggja líka járnbrautarteinar. Námurnar kynnu að hafa ámóta hernaðargildi og stálverið, Azovstal, í Maríupol. Af Rússa hálfu berjast þar aðallega leiguliðar hinnar rússnesku Wagner herdeildar undir stjórn Evgeny Prigozhin, skjólstæðings Vladimir Putin. Gárungarnir kalla hana stundum einkaher forsetans.

https://scooptrade.com/underground-fortress-of-the-armed-forces-of-ukraine-what-is-the-complexity-of-the-assault-on-soledar/ https://covertactionmagazine.com/2022/06/17/does-iceland-set-benchmark-for-peaceful-and-politically-engaged-people/ https://thegrayzone.com/2022/04/17/traitor-zelensky-assassination-kidnapping-arrest-political-opposition/ https://www.moonofalabama.org/2023/01/ukrainian-defense-lines-and-what-happens-when-they-are-breached.html?fbclid=IwAR0sdACs8grpOIEymYbTodu3jx9ktQsw5RF2kvQ0kbN0T2VVw4hlMs5cjBs#more https://peoplesdispatch.org/2023/01/05/ukraines-glorification-of-stepan-bandera-draws-criticism-even-from-key-ally/ https://covertactionmagazine.com/2023/01/12/the-waltz-of-the-bloody-clowns/?mc_cid=69acff3f0e&mc_eid=5cd1ec03b1 https://korybko.substack.com/p/bidens-naval-secretary-confirmed?utm_source=substack&utm_medium=email https://covertactionmagazine.com/2023/01/06/the-trillion-dollar-silencer/?mc_cid=ff0f624537&mc_eid=5cd1ec03b1 https://sonar21.com/what-is-ukraine-hiding-in-the-bakhmut-salt-mines/ https://www.defense.gov/News/Transcripts/Transcript/Article/3261666/pentagon-press-secretary-brigadier-general-pat-ryder-and-deputy-assistant-secre/ https://korybko.substack.com/p/russias-national-security-council?utm_source=substack&utm_medium=email https://www.msn.com/en-us/news/politics/kevin-mccarthy-may-have-just-won-himself-the-most-dysfunctional-congress-ever/ar-AA163YTt https://www.youtube.com/watch?v=9Oqi0oIprFg https://www.defense.gov/News/Releases/Release/Article/3261263/more-than-3-billion-in-additional-security-assistance-for-ukraine/ https://sputniknews.com/20230107/bombshell-admission-ukraine-is-carrying-out-natos-mission-against-russia-defense-chief-says-1106118578.html https://www.globaltimes.cn/page/202212/1282817.shtml https://www.whitehouse.gov/briefing-room/statements-releases/2023/01/05/joint-press-statement-following-a-call-between-the-president-joe-biden-and-the-chancellor-of-the-federal-republic-of-germany-olaf-scholz/ https://www.washingtonpost.com/opinions/2023/01/07/condoleezza-rice-robert-gates-ukraine-repel-russia/ https://steigan.no/2023/01/usa-er-sa-fornoyd-med-stedfortrederkrig-at-de-vil-kopiere-erfaringene-i-ukraina-til-kinas-nabolag/?utm_source=substack&utm_medium=email https://covertactionmagazine.com/2022/04/25/cia-behind-secret-plots-to-kidnap-torture-and-assassinate-ukrainian-dissidents-for-president-zelensky-says-ukraine-defector/ https://steigan.no/2023/01/falskspillerne-kollektivt-forraederi/?utm_source=substack&utm_medium=email https://kyivindependent.com/national/hollande-there-will-only-be-a-way-out-of-the-conflict-when-russia-fails-on-the-ground https://news.am/eng/news/738501.html https://valdaiclub.com/about/experts/341/ https://caitlinjohnstone.com/2022/12/23/the-claim-that-the-ukraine-war-advances-us-interests-discredits-the-claim-that-its-unprovoked/ https://www.youtube.com/watch?v=VCJZVtKIwrU https://twitter.com/RnaudBertrand/status/1498838459821166592?s%3D20%26t%3DI45c0tgzQzDHd0_3UyZEdw https://twitter.com/RnaudBertrand/status/1498491107902062592 https://www.indianpunchline.com/nato-nuclear-compass-rendered-unavailing/ https://www.indianpunchline.com/in-ukraine-its-patriot-vs-iskander-for-now/ https://www.indianpunchline.com/ukraine-war-tolls-death-knell-for-nato/ https://www.indianpunchline.com/us-climbs-escalation-ladder-in-ukraine/ https://www.indianpunchline.com/bidens-existential-angst-in-ukraine/

Frjósemi, frjóvgun, fósturrækt og erfðasnyrting

Fyrir skemmstu var haldinn árdegisfundur í norska Lífftækniráðinu. Þar menn mættu til skrafs um framtíð frjóvgunar og æxlunar mannkindarinnar.

Á heimasíðu þess má lesa: Allar götur frá því að spendýr litu dagsins ljós fyrir 178 milljónum ára síðan, hefur mannkyn búið til börn með sams konar hætti. Að getnaði komu karl- og kvendýr og getnaður átti sér stað innvortis. En stórstígar framfarir í læknis- og líffræði boða fleiri leiðir í þessu efni. Glasafrjóvganir, frysting eggja, egg- og sæðisgjafir, eru núorðið algengar. En æxlunarrannsóknum er hvergi nærri lokið. Gervileg, endurritaðar húðfrumur, sem umbreytast í sæðis- og eggfrumur, ásamt fósturvísum úr stofnfrumum, kynnu að hljóma eins og vísindaskáldsaga væri. En svo er ekki.

Einræktun (cloning) dýra er líklega flestum kunn, sbr. hundinn, Samson, Dorritar, finnsku ærina, Dolly, og nú síðast hafa apar m.a. verið einræktaðir.

Þegar hafa fæðst tíu milljónir barna við gervifrjóvgun, þ.e. þar sem egg er frjóvgað útvortis og síðan komið fyrir í legi móður (ectogenesis). Það er bráðum hálf öld, síðan þessi tækni náði fótfestu. Dæmi eru um 74 ára gervifrjóvgunarmóður.

Þetta hefur augljóslega kvenfrelsunargildi í för með sér. Því nú geta konur, sem þó vilja verða mæður, einbeitt sér að starfsframanum á barnseignaraldri. Þær geta aukin heldur valið frjóvguð egg úr fortíðinni.

Samtímakarlar verða því óþarfir, enda er sæði þeirra orðið æði dapurlegt. Samtímis hnignun sæðisins eykst ófrjósemi. Mannkindin býr við ófrjósemiskreppu. Elon Musk óttast, að ekki takist að nema land á Mars, sökum fólksfækkunar hérna niðri.

Umrædd tækni býður annarri og þekkri tækni heim, þ.e. að snyrta fóstrið með tilliti til kyns og annarra erfðaþátta. Þess háttar erfðasnyrtingu er þegar beitt.

Tæknin býður upp á umsvifamikla ræktun fóstra í ræktunarverum, því eins og ýjað er að, eru gervilífmæður fáanlegar. Fóstrin verða fóðruð með gervigreindarbúnaði, sem vakir yfir næringu þeirra og þroska. Aukin heldur munu myndavélar gera foreldrum kleift að fylgjast með þroskuninni í snjallsíma sínum. Foreldrar munu einnig geta haft áhrif á örvun fóstursins í hljóði og mynd.

Gervilegið frelsar konur í enn ríkara mæli frá því ofbeldi skaparans að ætla þeim að ganga með börn. Fyrirtækið ECOLife hyggst rækta 30.000 fóstur á ári og gælir við þá hugmynd, að þá upphefjist nýtt þróunarstig mannkyns, því leggöng konu og mjaðmagrind, kynnu að hafa heft þroska fóstursins við fæðingu. En það gerist ekki í ræktunarverinu. Fæðing felst í því að ýta á takka.

Fósturræktunarver falla vel að hugmyndum Alheimsefnahagsráðsins (World Economic Forum). En samkvæmt hugmyndafræði þess eru allar líkur á, að nýburar verði settir í uppeldisver, þar sem þau verða forrituð, bólusett, örvuð og nærð, svo þau megi lifa hamingjuríku tölvumennislífi í snjallborgum.

https://www.dagbladet.no/nyheter/bonnfaller-om-spermgrep/77943521 https://metro.co.uk/2019/05/14/human-babies-born-using-an-artificial-womb-possible-in-a-decade-8156458/ https://www.eurekalert.org/news-releases/971211? https://fertility.womenandinfants.org/treatment/preimplantation-genetic-testing https://scienceandstuff.com/ectolife-artificial-wombs/ https://www.who.int/health-topics/infertility#tab=tab_1 https://www.weforum.org/agenda/2022/06/global-decline-of-fertility-rates-visualised/ https://academic.oup.com/humupd/article/23/6/646/4035689?login=false https://www.timesofisrael.com/sperm-counts-worldwide-fell-by-62-in-under-50-years-israeli-led-study-finds/ https://dolly.roslin.ed.ac.uk/facts/the-life-of-dolly/index.html https://www.visir.is/g/2019771376d https://www.firstpost.com/health/dil-dhadakne-do-how-scientists-grew-a-piece-of-a-human-heart-in-a-laboratory-10928871.html https://www.vice.com/en/article/gyk3jq/artificial-womb-pregnancy-future-ectogenesis https://jme.bmj.com/content/44/11/751 https://www.firstpost.com/explainers/how-scientists-grew-the-worlds-first-synthetic-embryo-without-eggs-or-sperm-11139411.html https://www.firstpost.com/explainers/ectolife-the-worlds-first-artificial-womb-facility-11805801.html https://steigan.no/2023/01/det-skjer-mye-spennende-innafor-reproduksjonsteknologien/?utm_source=substack&utm_medium=email