Andarslitur lýðræðisins og úkraínsku unglingarnar í Noregi

Öðru hverju stíga á stokk herfræðingar, stjórnmála- og fræðimenn, og tíunda áhyggjur sínar af þróun vestræns lýðræðis. T.d. lýsir ástralski stjórnarerindrekinn, John Lander, fyrrum sendiherra þjóðar sinnar í Kína og Íran, hvernig ríkisstjórnin sverfur að lýðræði og lýðfrelsi á öllum sviðum. Þetta virðist eiga sér stað hvarvetna á Vesturlöndum.

Í Bandaríkjunum bendir Ron Paul á, að síðustu afrek þingmanna þar um slóðir, þ.e. löggjöf, sem bannar TikTok og sambærilega miðla annars vegar, og heimila hins vegar ógnarlegar viðbótarfjárveitingar til manndrápa í Ísrael og Úkraínu, megi líta á sem síðasta naglann í líkkistu Bandaríkjanna. Það er hér um bil spaugilegt, að Bandaríkjamenn bollaleggi að nota þýfi, þ.e. fjármuni Rússa, til að standa straum af vopnakaupum frá bandarískum vopnaframleiðendum.

Bandaríkjamenn eiga í vök að verjast gegn illum öflum í veröldinni, sem vilja þá feiga, lýðræði þeirra og frelsi, enda hafa þeir gert fjölda þjóða sér handgengnar í varnarstríðum sínum. Í Úkraínu hafa hundruð þúsunda ungra drengja og karlmanna fallið eins og flugur. Sumir þeirra taka þó hvatningu Rússa og gefast upp. Aðrir flýja eins og fætur toga. Til að mynda þeir 15.860, sem hafa fengið vernd gegn herþjónustu í Noregi, en liggja undir ámæli hernaðaryfirvalda. Þeir ættu að sjá sóma sinn í að vernda lýðræði Vesturlanda eins og Noregs og Íslands.

Það virðist vera að renna upp fyrir stríðsóðum stjórnmálamönnum Vesturlanda, að tapist Úkraína, hafi þeir sungið sitt síðasta heimsyfirráðavers. Stríðskempan, Boris Johnson, sem hefur beitt sér af atorku gegn friðarsamningum, fer ekki í grafgötur með það.

En hvað er þá til ráða? Emmanuel Macron, nýr franskur Napóleon, hefur þegar fjölgað í frönsku herliði sínu í Úkraínu og nýlega fjallaði Foreign Affairs, sem oft og tíðum leggur línurnar um stjórnarstefnu Bandaríkjanna, um stofnun herliðs frá Evrópu til að berjast gegn Rússum.

En líklegt má telja, að þeim frelsishetjum verði fljótlega velgt undir uggunum með heitum tortímingarkveðjum. Það ber ekki á öðru, en mesta herveldi sögunnar og framlenging þess fyrir botni Miðjarðarhafs, Ísrael, neyðist til að endurskoða hermáttinn, eftir að Íranar sendu ofurflaugar sínar í heimsókn eins og Rússar hafa gert í Úkraínu. Ofurflaugarnar ráða Vesturveldin ekki við.

Því kann vel að fara svo, að Ísraelsríki í núverandi mynd hverfi af sjónarsviðinu eins og Henry Kissinger spáði. Sannfærist ísraelska þjóðin um samsæri yfirvalda sinna og vina þeirra í Hamas, kynni að sverfa til stáls á vettvangi stjórnmálanna einnig.

Það er næstum grátbroslegt, að sárafátæk þjóð Jemena, skuli einust þjóða gera sér far um að virða alþjóðalög, þ.e. að reyna að koma í veg fyrir þjóðarmorð.

https://informationclearinghouse.blog/2024/04/24/blood-on-their-hands-79-us-senators-approve-billions-more-in-military-aid-for-israel/10/ https://www.globalresearch.ca/ukraine-war-funding-failed-russian-sanctions/5855512 https://rumble.com/v4r2z35-michel-chossudovsky-the-dangers-of-nuclear-war.html?utm_source=substack&utm_medium=email https://informationclearinghouse.blog/2024/04/24/final-nail-in-americas-coffin/11/ https://steigan.no/2024/04/krigslobbyen-i-usa-europa-ma-sende-soldater-til-ukraina/?utm_source=substack&utm_medium=email https://www.indianpunchline.com/ukraine-us-doubles-down-russia-is-cool/ https://www.voltairenet.org/article220735.html https://steigan.no/2024/03/sagaen-om-de-fire-klovnene/?utm_source=substack&utm_medium=email https://steigan.no/2024/03/ukraina-frankrike-er-allerede-tapt-i-odessa/?utm_source=substack&utm_medium=email https://informationclearinghouse.blog/2024/03/16/european-powers-stab-each-other-in-the-back-over-ukraine-proxy-war-defeat/13/ https://steigan.no/2024/03/ola-tunander-om-den-totalitaere-mediemaskinen/?utm_source=substack&utm_medium=email https://korybko.substack.com/p/ukraine-is-facing-the-scenario-of?utm_source=post-email-title&publication_id=835783&post_id=142636067&utm_campaign=email-post-title&isFreemail=true&r=ry8jq&triedRedirect=true&utm_medium=email https://janataweekly.org/the-military-situation-in-the-ukraine/ https://ninacappelen.substack.com/p/hvem-profitterer-pa-bistanden-til https://informationclearinghouse.blog/2024/03/23/its-war-the-real-meat-grinder-starts-now/15/ https://steigan.no/2024/03/fransk-general-sier-haeren-forbereder-seg-pa-de-hardeste-slag/?utm_source=substack&utm_medium=email https://www.globalresearch.ca/foreign-mercenaries-fighting-kiev-regime-forces-should-leave-immediately/5852795 https://www.globalresearch.ca/biggest-us-allied-lies-about-war-ukraine/5852670 https://www.newdawnmagazine.com/articles/why-did-russia-really-invade-ukraine https://korybko.substack.com/p/putins-talk-of-setting-up-a-sanitarysecurity?utm_source=post-email-title&publication_id=835783&post_id=142715159&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.voltairenet.org/article220630.html https://steigan.no/2024/04/linjene-fra-hitlers-sikkerhetssjef-til-nazinettverkene-i-dagens-ukraina/?utm_source=substack&utm_medium=email https://www.unz.com/estriker/the-collapse-of-the-american-empire-part-i-demographics/ https://steigan.no/2024/04/biden-ber-xi-jinping-om-stabilisering-av-forholdet-mellom-kina-og-usa/?utm_source=substack&utm_medium=email https://citizensparty.org.au/betrayed https://geopoliticaleconomy.substack.com/p/ukraine-war-end-western-hegemony-boris-johnson?utm_source=post-email-title&publication_id=457596&post_id=143973970&utm_campaign=email-post-title&isFreemail=true&r=ry8jq&triedRedirect=true&utm_medium=email https://jackrasmus.com/2024/04/23/ukraine-war-funding-failed-russian-sanctions-print/ https://korybko.substack.com/p/whats-really-behind-polands-interest?utm_source=post-email-title&publication_id=835783&post_id=144023179&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.globalresearch.ca/is-the-gaza-israel-fighting-a-false-flag-they-let-it-happen-their-objective-is-to-wipe-gaza-off-the-map/5835310 https://www.globalpolitics.se/kommer-sionismen-att-forstora-sig-sjalv/

Nauðgun og nauðung í Ísrael og Palestínu. Vanessa Beeley

Vanessa er óháður, breskur blaðamaður, sem starfað hefur í áratugi í heimi arabískrar menningar. Hún hefur nú bækistöð í Sýrlandi. Vanessa hefur skrifað fjölda greina og flutt mýgrút erinda í fjölmiðlum á Vesturlöndum og víðar.

Í þessari grein, grundvölluð á góðri heimildavinnu, beinir Vanessa sjónum að kynofbeldi Ísraelsmanna og ofbeldi gegn börnum. En slíkt ofbeldi er venjulega rauður þráður í skrímslun andstæðinga, bæði við undirbúning stríðs og meðan á því stendur.

Flestir kannast líklega við áróður Ísraela í þessa veru; fjöldanauðganir Hamashermanna á ísraelskum konum (í kúlahríðinni miðri), afhöfðun ungbarna og steikingu þeirra. Á Alþingi Íslendinga og í fjölmiðlum tóku menn andköf af hryllingi.

Það leikur varla nokkur vafi á því, að um lygar sé að ræða í grundvallaratriðum. Ísraelar hafa lært áróðurskúnstirnar af Bretum m.a., sem kunna þær manna best – eða fyrirtæki á þeirra vegum. Þau gera garðinn frægan í Úkraínu sviðsettu að öllum líkindum Bucha „fjöldamorð“ Rússa og annað kræsilegt.

Fjölmiðlar á Vesturlöndum reiða sig t.d. á ZAKA hreyfinguna, sem er sambærileg Hvítu hjálmunum, sem leyniþjónustur Bandaríkjamanna og Breta beittu til áróðurs og uppreisna í Sýrlandi. Forystumaður hinnar fyrstnefndu er sjálfur dæmdur nauðgari og barnaníðingur. Ásakanir um skipulögð fjöldamorð, nauðganir og barnadráp Hamashermanna, eru yfirleitt falskar. Vanessa hefur tekið saman fjölda heimilda um þetta.

Fáir virðast gera sér grein fyrir, að Ísraelsmenn hafi fangelsað þúsundir Palestínumanna, allt frá börnum og upp í gamalmenni. Fangar þeirra eru iðulega beittir harðræði og flestir fangelsaðir fyrir engar sakir af hernámsliðinu. Kynofbeldi er algengt. Vanessa skýrir frá nokkrum rannsóknum og fréttum, sem aldrei hafa náð eyrum Vesturlandabúa, um þetta ofbeldi, t.d. um brennu sextán ára pilts og átján mánaða barns, litla Ali. Báðir voru brenndir lifandi.

Það eru margar heimildir um barnadráp Ísraelsmanna. T.d. voru þrettán börn sölluð niður í grennd við Shifa sjúkrahúsið í Gaza, samkvæmt Euro-Med Monitor.

Ísrael er stundum kallað himnaríki barnaníðinganna. Sjálfsagt muna margir eftir tengslum Jeffrey Epstein við ísraelsku leyniþjónustuna, en færri kannast við Malka Leifer, Gyðing og skólastjóra frá Melbourne í Ástraliu. Hún flúði undan réttvísinni í Ástralíu til Ísraels, hinnar Guðs útvöldu þjóðar, sem býr í einasta lýðræðisríkinu fyrir botni Miðjarðarhafs.

Fleiri barnaníðingar hafa notið sömu verndar. Israel Post segir þá skipta þúsundum. Haarets lýsir landinu sem „öruggu skjóli (hot spot) fyrir gyðingleg kynrándýr í útlöndum.“ Í þessu fríða föruneyti eru eitt hundrað prestar. Flestir eru óþokkarnir úr röðum Síonista.

Það er ekki bara ísraelskum fjölmiðlum, sem ofbýður ofbeldisviðbjóðurinn. Nýleg rannsókn á vegum Sameinuðu þjóðanna, sem m.a. vísaði á bug ofangreindum ávirðingum á hendur Hamashermönnum, lýsa sérstaklega uppnámi (distress) yfir kynofbeldi í garð kvenna og stúlkna í ísraelskum fangelsum – sem og öðrum pyndingum. Karlar sleppa ekki heldur.

Því miður er þetta gömul saga og ný. Réttlæting nauðgunar og nauðungar er meira að segja fléttuð inn í trúarfræði þessara illmenna, sbr. prestana Shmuel Eliyahu og Mordechai Kedar við Bar-Ilan háskólann.

https://eabbas.substack.com/p/israels-policies-escaping-scrutiny?utm_source=cross-post&publication_id=2410345&post_id=143371468&utm_campaign=716517&isFreemail=true&r=ry8jq&triedRedirect=true&utm_medium=email https://www.globalpolitics.se/usa-forsoker-utpeka-forfattaren-till-fns-rapport-om-israels-folkmord-som-antisemit/ https://informationclearinghouse.blog/2024/04/04/stop-reporting-on-bidens-angry-feelings-toward-israel-its-not-news-its-not-interesting/14/ https://sonar21.com/israel-catching-well-deserved-flack-for-its-undisciplined-brutality/ https://steigan.no/2024/04/israelsk-propagandist-bak-narrativ-om-massevoldtekt-utfort-av-hamas-avslort-som-grov-svindler/?utm_source=substack&utm_medium=email https://covertactionmagazine.com/2024/04/06/the-ghosts-of-gaza-are-whispering-every-night/?mc_cid=af5fe30ca7&mc_eid=5cd1ec03b1 https://beeley.substack.com/p/israels-culture-of-rape-and-child?utm_source=post-email-title&publication_id=716517&post_id=143376576&utm_campaign=email-post-title&isFreemail=true&r=ry8jq&triedRedirect=true&utm_medium=email

Gervigreind og morðæði Ísraela. Í minningu Amr Abdallah

Ísraelum er margt til lista lagt. Tölvusnillingar eru þar á hverju strái. Njósna-, eftirlits- og drápsforrit þeirra eru viðurkennd um víðan völl og útflutningsvara. Eitt þeirra var t.d. notað til snjallnjósna um leiðtoga Evrópu. Vígvöllurinn á Gaza er tilraunastofan.

Einn ofangreindra snillinga er leiðtogi ofurnjósnadeildar Ísraela, kölluðuð 8200. Hann gengur undir dulnefninu, Y.S. og gaf fyrir þrem árum út bókina: „Teymi véla og manna: Hvernig má samvirkja mann- og gervigreind til að bylta veröldinni“ (The Human-Machine Team: How to Create Synergy Between Human and Artificial Intelligence That will Revolutionize Our World).

Tæknin, sem fjallað er um, byltir nú veröldinni, að einhverju leyti. Njósna- og eftirlitsforritið, Guðspjallið (Gospel), hefur nú þefað uppi og greint lungann af íbúum Gaza. Tengiforritið, „Lofnarblómið“ (Lavender), greinir þá samkvæmt Hamashollustu á mælikvarða frá 0 og upp í 100.

Annað tengiforrit Guðspjallsins heitir, „Hvar er pabbi.“ Það rekur slóð þeirra, sem Guðspjallið hefur gefið varhugaverðan fjölda stiga á Hamas-mælikvarðanum. Lágt settir Hamasliðar eru sprengdir með „bjálfasprengjum“ (dummies), sem vega á víð og dreif. Gildari Hamasliðar eru drepnir á heimilum sínum, ásamt heimilismönnum. „Hvar er pabbi,“ sér til þess. Þá er send stýriflaug á vettvang. Unglingspilturinn Amr var myrtur í einni slíkri.

Það er hrollvekjandi til þess að hugsa, að þrátt fyrir mótmæli gegn barnamorðingjanum, Brjálaða-Bensa, virðast langflestir Ísraelar kynda undir drápsæðinu. Hatur í garð Palestínumanna er meira að segja kennt í skólum. Börnum er einnig kennt um yfirburði stofnsins, þ.e. hinna fornu Hebrea, sem fæstir Ísraelsmanna geta rakið ættir til.

Bandaríski sagnfræðiprófessorinn, „Lawrence Davidson, kallar yfirburða- og drápshyggjuna „sjúka menningu“ (sick culture belief system).

Ísraelar halda áfram, þrátt fyrir málamyndavandlætingu Joe Biden og gervihótanir. Hræsnisfulla karlkvölin ætlar að láta byggja bryggju, svo auðveldara verði að flytja Palestínumenn á brott. Þreifingar um móttökuland standa yfir. Kannski þeir hafni í Austur-Afríku. En þangað vildu Síonistar fyrir engan mun flytja Gyðinga Evrópu.

Palestínumönnum er vitaskuld fækkað við gervigreindardrápin, en hungurvofan tekur sinn toll einnig. Eins og er á allra vitorði, ásökuðu Ísraelsmenn starfsmenn hjálparsamtaka Sameinuðu þjóðanna um hollustu við Hamas. Það dugði til þess að stórskerða framlög Vesturlanda. Í staðinn voru önnur samtök, „Alþjóðaeldhúsið,“ send á vettvang. Þau hafa m.a. verið þóknanleg Bandaríkjamönnum og Úkraínumönnum. Ísraelsmenn sprengdu þrjá bíla þeirra í tætlur. Því hefur þeirri aðstoð verið hætt.

Stór-Ísrael er innan seilingar – eða hvað? Tekst Ísraelsmönnum að egna til allsherjarstríðs í Miðausturlöndum með vitorði Bandaríkjamanna og Breta? Eða ætli fórn rauðu kvíganna frá Texas sefi drápsæði Ísraelsmanna og minnki landvinningaþörfina?

Við verðum að trúa og vona. Alla vega virðist engin guð ætla að skerast í leikinn. Bænir Kristmanna og Gyðinga um heimsendi og endurkomu Messíar eða Krists, gætu hafa fengið hljómgrunn á himni og jörðu.

Yfirvöld og ríkisstjórnir skerast heldur ekki í leikinn. Sú íslenska þegir þunnu hljóði. Það er alkunna, að þögn sé sama og samþykki.

https://informationclearinghouse.blog/2024/04/04/for-israel-foreign-aid-workers-blood-is-thicker-than-palestinians/11/ https://informationclearinghouse.blog/2024/04/04/stop-reporting-on-bidens-angry-feelings-toward-israel-its-not-news-its-not-interesting/14/ https://www.globalresearch.ca/israel-quest-palestinian-free-palestine-continues/5853557 https://www.youtube.com/watch?v=fbNPrEypMjU https://informationclearinghouse.blog/2024/04/02/daily-polls-show-that-israelis-continue-to-choose-this-war/11/ https://steigan.no/2024/04/rode-kviger-truer-med-a-sette-full-fyr-pa-midtosten/?utm_source=substack&utm_medium=email https://informationclearinghouse.blog/2024/04/04/sick-cultures-when-belief-systems-turn-pathological/16/ https://informationclearinghouse.blog/2024/04/04/this-was-deliberate-murder-by-the-israelis/13/ https://informationclearinghouse.blog/2024/04/04/lavender-the-ai-machine-directing-israels-bombing-spree-in-gaza/11/ https://www.972mag.com/lavender-ai-israeli-army-gaza/ https://informationclearinghouse.blog/2024/04/04/philip-giraldi-israels-quest-for-a-palestinian-free-palestine-continues/13/ https://beeley.substack.com/p/israels-serial-convention-violation?utm_source=post-email-title&publication_id=716517&post_id=143255342&utm_campaign=email-post-title&isFreemail=true&r=ry8jq&triedRedirect=true&utm_medium=email https://chrishedges.substack.com/p/the-death-of-amr?utm_source=post-email-title&publication_id=778851&post_id=143186629&utm_campaign=email-post-title&isFreemail=true&r=ry8jq&triedRedirect=true&utm_medium=email

Kolbrjálaðir stjórnmálamenn, kjarnorkuváin og Stanislav Petrov. Nató sorg

Það hlýtur að liggja í augum upp, að svokölluð alþjóðalög (samþykktir Sameinuðu þjóðanna og alþjóðasamningar) gilda einungis fyrir þau ríki, sem ekki hafa mátt til að andæfa þeim. Þetta „lögmál“ er morgunljóst með tilliti til stríðsátaka í veröldinni, einkum Ísraels og Úkraínu – og ekki síst framferði Nató.

Kjarnorkuváin hefur vofað yfir veröldinni, síðan Bandaríkjamenn vörpuðu hryllilegum sprengjum sínum yfir Japan undir lok seinni heimstyrjaldarinnar. Það munaði minnstu, að Bandaríkjamenn og Bretar legðu Ráðstjórnarríkin í kjarnorkurúst, að annarri heimstyrjöldinni lokinni. Til allrar hamingju greip heilbrigt fólk í taumana.

Sumir muna væntanlega eftir Kúbudeilunni 1962, þegar lá við kjarnorkustríði. Þá var það rússneskur skipherra, sem í raun aftraði kjarnorkustyrjöld.

Tuttugu árum síðar og einu betur, bjargaði rússneskur eftirlitsmaður, Stanislav Petrov (1939-2017), veröldinni aftur. Varnarkerfin sögðu Bandaríkjamenn hafa gert kjarnorkuárás. Um að ræða tölvurugl, að hans dómi. Því var ekki gerð „gagnárás.“

Brjálæðingar á Bandaríkjaþingi krefjast beitingar kjarnorkuvopna gegn Rússum. Vladimir Putin hefur endurtekið bent á, að Rússar muni beita slíkum vopnum, verði tilvist þeirra ógnað umfram það sem Nató gerir nú, sjálft 75 ára afmælisbarnið. Talsmaður stríðsbandalagsins, sem meira að segja hefur kvenfrelsun á stefnuskrá sinni, er beinlínis raunalegur og hjákátlegur. (Pepe Escobar kallar hann rytjulegan (tawdry) og greindarrýran, norskan trjádrumb.)

Afmæli Nató markar sorgardag fyrir Íslenska þjóð. Fyrir þrem aldarfjóðungum síðan laut þjóðin endanlega í lægra haldi fyrir kvölurum sínum og gaf sig þeim á vald, kastaði hlutleysisstefnu sinni fyrir róða og hervæddist gegnum staðgengla. (Sumir fengu einnig bita í askinn sinn.) Íslendingar eru meðábyrgir fyrir öllum gjörðum Bandalagsins.

Hinn dauðvona framvörður vestrænnar heimsvaldastefnu, Ísrael, leggur sig fram um að draga Bandaríkin (og Nató) enn frekar inn í styrjöld sína í Miðausturlöndum. Ísraelar búa yfir kjarnorkuvopnum og bjóða öllum birginn. Barnamorðingjum er til alls trúandi. Tölvusnilli þeirra kemur að góðum notum við morðiðjuna.

Morðæði Ísraela virðast engin takmörk sett. Starfsmenn hjálparsamtaka (World Central Kitchen), sem eru þóknanleg bæði þeim sjálfum og Vesturlöndum, voru sprengdir upp. (Minni þó á, að ekki er allt sem sýnist og áróður berst úr hverjum króki og kima.)

Gagnrýni á ódæði ísraelsku stríðsfasistanna lýsir að sjálfsögðu andgyðinglegu viðmóti í þeirra garð – að eigin sögn. Ísraelsstjórn heldur því blákalt fram, að hún sé fulltrúi Gyðinga í veröldinni og að ódæðin séu framin í þeirra nafni.

Til allrar hamingju heyrist þó enn í boðberum friðar, gæsku og skynsemi. Slíka rödd hefur Matthew Hohs, sem fyrir skemmstu talaði í Öryggisráði Sameinuðu þjóðanna, þar sem Bandaríkjamenn (og Bretar) veita Ísrael skjól til þjóðarmorðs og frekari landtöku.

https://www.youtube.com/watch?v=cz0zWo0pKZ8 https://steigan.no/2024/03/rettighetsekspert-rimelige-grunner-til-a-sla-fast-at-folkemord-blir-begatt-i-gaza/?utm_source=substack&utm_medium=email https://steigan.no/2024/04/israelsk-angrep-rammet-iransk-konsulat-i-damaskus-iransk-general-meldt-drept/?utm_source=substack&utm_medium=email https://korybko.substack.com/p/israels-bombing-of-the-iranian-consulate?utm_source=post-email-title&publication_id=835783&post_id=143183528&utm_campaign=email-post-title&isFreemail=true&r=ry8jq&triedRedirect=true&utm_medium=email https://chrishedges.substack.com/p/a-genocide-foretold?utm_source=post-email-title&publication_id=778851&post_id=143113553&utm_campaign=email-post-title&isFreemail=true&r=ry8jq&triedRedirect=true&utm_medium=email https://beeley.substack.com/p/israels-attacks-on-syria-take-a-new?utm_source=post-email-title&publication_id=716517&post_id=143065166&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.globalresearch.ca/us-israeli-open-secret-supporting-al-qaeda-recruiting-jihadists/5660883?utm_source=substack&utm_medium=email https://steigan.no/2024/03/israel-raser-deler-av-gaza-for-a-befeste-langsiktig-tilstedevaerelse/?utm_source=substack&utm_medium=email https://www.972mag.com/lavender-ai-israeli-army-gaza/ https://korybko.substack.com/p/the-polish-reaction-to-israels-bombing?utm_source=post-email-title&publication_id=835783&post_id=143255800&utm_campaign=email-post-title&isFreemail=true&r=ry8jq&triedRedirect=true&utm_medium=email https://steigan.no/2024/04/israel-bombet-utenlandske-hjelpearbeidere-tre-ganger-til-de-alle-ble-drept/?utm_source=substack&utm_medium=email https://steigan.no/2024/04/iran-det-er-grenser-for-var-talmodighet/?utm_source=substack&utm_medium=email https://twitter.com/RealPepeEscobar/status/1775574496847548806?ref_src=twsrc%5Etfw%7Ctwcamp%5Etweetembed%7Ctwterm%5E1775574496847548806%7Ctwgr%5E44d9330a3caea5f9464e39ad84478214d59be683%7Ctwcon%5Es1_&ref_url=https%3A%2F%2Fsteigan.no%2F2024%2F04%2Fnato-75-ar-og-hevet-over-kritikk%2F https://spartakus.no/2024/04/03/medieovervakerne-ep-8-nato-75-ar-og-hevet-over-kritikk/ https://www.bbc.com/news/world-europe-24280831 https://www.globalpolitics.se/forre-marinkarskaptenen-matthew-hohn-talar-i-fns-sakerhetsrad-en-apokalyptisk-punkt-utan-atervando/ https://www.youtube.com/watch?v=XTiCJedDorg

Pældu ekki í píku minni

Eins og öllum, ungum og öldnum, er ljóst, ríður á að frelsa konur í ríkara mæli en áður hefur verið gert. Stundum mætti reyndar halda, að helsi kvenna aukist með auknu frelsi.

En það verður ekki undan því vikist, að karlar séu umvörpum illa innrættir og hugsi ljótt. Karlar telja konur t.d. vera kynverur. Aukin heldur er kynofbeldi snar þáttur í fari karlpeningsins. Aumingjans konurnar fá ekki rönd við reist vegna geislandi greddu karlkynsins.

Íslenski kynjafræðingurinn, Þorsteinn Einarsson, telur konur kúgaðar á vöktum. Þriðja vaktin er áberandi hryllilegust. Þorsteinn hefur skrifað um þetta bók, sem ég hvet karla til að kynna sér. Hann hlaut á sínum tíma opinberan styrk til að stuðla að vitundarvakningu um eitraða karlmennsku. En betur má, ef duga skal.

Það hlýtur að gefa auga leið, að gredda karla skapi konum óöryggi, jafnvel þótt það varði við lög, skynji kona kynfýsn í fari karlmanns. Og það er alkunna og réttarregla, að konum skuli trúa. En það er ekki nóg að gert.

Því skora ég á kynbræður, klára, kvára og kirli, að leiða ekki hugann að kynfærum kvenna og kaupa splunkunýtt frelsunarbarmmerki þeirra, sem á stendur: „Pældu ekki í píku minni“ (Don‘t think about my vagina). Vonir standa til að safna megi 34 milljónum Bandaríkjadala til styrkja öryggistilfinningu þeirra og vist í eigin líkama. Það er svo sannarlega kominn tími til að reita af sér fjaðrir forréttindanna.

Aðgerðasinninn, Lia Van Elk, er gagnorður: „Ég kæri mig ekki um, að hinn og þessi pjakkur leiði hugann að píku minni. … Það er niðurlægjandi.“ Myllumerki herfararinnar fyrir hreinni kynhugsun karlmanna er: „No Va.“

Hreyfing Lia er í örum vexti og nýtur m.a. stuðnings Sheila Rothman, fulltrúa kvenfrelsunarherfararinnar, „Hún-í-þágu-hennar“ (SheForShe). Sheila tekur undir með Lia: „Hugarórar karla eiga ekki að snúast um píku mína. No Va eykur árveki mína gagnvart karlbundinni [kyn]rándýrslegri hugsun.“

Vafalaust vaknar líka hreyfingin: „Hann-í-þágu-hennar“ (HeForShe). Það væri betur. Það má alla vega hugga sig við, að frelsun kvenna og dætra þeirra sé eitt af Sjálfbærnimarkmiðum Sameinuðu þjóðanna og íslensku ríkisstjórnarinnar.

Það gefur að skilja, að ekkert gott leiði af klofklúrum hugleiðingum karla. Jafnréttisstofa beinir líka þeim tilmælum til fólks að hugsa góðar hugsanir. Hún hefur löngum reynst hollráð. Karlar ættu eindregið að fara að þeim tilmælum. Annars er hætt við að hugsanalögreglan grípi til sinna ráða, þ.e. afbrotavarnadeildin, sem Jón Gunnarsson svo kallar.

Það er löngu orðið tímabært að reisa skorður við kynofbeldislegri líffærahugsun karla. Kvenfrelsarar hafa bent á þessa ósvinnu allar götur frá áttunda áratugi síðustu aldar, þegar kastljósinu var í alvöru beint að þessum þætti í kúgun kvenna. Laura Mulvey færði t.d. rök fyrir því, að auga upptökuvélarinnar í kvikmyndaiðnaði hlutgerði konur í augliti karlsins.

Lynn Davies, prófessor í kvennafræðum við háskólann í Buffalo, spurði: „Hví ætti ekki að skilja hugaróra karla með skírskotun til sama reðurmiðaða hagumhverfis (phallocentric economy) og konuna [sjálfa] í reðurmiðuðu rými.“ Svo sannarlega tímabær spurning.

Það er þó sá galli á gjöf Njarðar, að lespur gætu átt við hugarangur að stríða í þessu sambandi. Sheri Wells, segir t.d.:

„Það bera brýna nauðsyn til að hrifsa píkuna undan stjórn karlanna. Og má þá einu gilda, hvort konur hafi fæðst með eina slíka eða ekki. Það væri að mínu skapi, ef kynskiptakonur tæku heilshugar þátt.“ En „[þ]ví miður er það svo, að margar þeirra verða áhugalitlar um píkur makans (partner) tiltölulega snemma í sambandinu. Áskorunin er [reyndar] stundum sú að minna bólfélagann á, að píkan sé þarna. Svo málið er [að sönnu] snúið.“

Hamingjusamlega eru konur óþreytandi í þeirri viðleitni að vekja karla til umhugsunar um kúgandi hugsun og hátterni í garð kvenkynsins. Það á t.d. við um leikritahöfundinn, Carolina Bianchi. Aðalleikarinn í kvenfrelsunarverki hennar lætur svæfa sig á sviðinu. Síðar koma konur með búksjá (speculum), stinga henni upp í leggöng hinnar svæfðu og skoða þannig táknrænt ummerki um nauðgun hennar. Verkið verður sviðsett í Melbourne bráðum.

Það fylgir sögunni, að nú deila lögfræðingar um, hvort kona geti misþyrmt sjálfri sér kynferðislega með vitund og vilja, án þess að það varði við lög. Svo nú liggur á að tryggja sér miða á sýninguna. Það mætti vissulega líka fara þess á leit við Íslandsdeild „Kvennastofnunar“ Sameinuðu þjóðanna að fá hana til Íslands.

Höfundur greinarinnar, Janice Fiamengo, hefur brugðið á leik, því það er fyrsti apríl í dag. En, en! Önnur frásagnanna er römm alvara. En hvor?

Hvernig sem því líður er enn í gildi heróp Kvennaverkfallsins eða forkonu Félags hjúkrunarfræðinga: „Fokk feðraveldinu.“

https://fiamengofile.substack.com/p/women-say-dont-think-about-my-vagina?utm_source=post-email-title&publication_id=846515&post_id=143141021&utm_campaign=email-post-title&isFreemail=true&r=ry8jq&triedRedirect=true&utm_medium=email