Sorgir, spilling og eymd í Úkraínu

Þúsundir ungra karlmann falla í hinu viðbjóðslega stríði í Úkraínu um þessar mundir. Samtímis því, að um fjórðungur Bandaríkjamanna lifir undir fátæktar mörkum, fjármagna stjórnvöld þeirra dauða, eymd og eimyrju. Það gera íslensk stjórnvöld líka.

Stjórnvöld beggja þjóða – og fleiri - fjármagna einnig spillingu hinna ríku í Úkraínu. Þeir eru blóðsugur á þjóð sinni. Allt frá því, að Bandaríkjamenn og Nató fóru að undirbúa kollsteypu lýðræðislega kjörinnar ríkisstjórnar Úkraínu til að vernda lýðræðið og stuðla að frelsi, hefur spillingin þrifist, sbr. þátt Biden feðga.

Þegar hergagnasendingar hófust fyrir alvöru, keyrði um þverbak. Verulegur hluti vopnanna var seldur á svarta vopnamarkaðnum og umtalsverður hluti fjármunanna rataði inn á bankareikninga úkraínsku mafíunnar, sem, ásamt bandarískum og breskum stjórnvöldum, stjórna strengjabrúðunni, Volodymyr.

Tvöfeldnin og yfirdrepsskapurinn er yfirgengileg. Meðan úkraínskir unglingar eru strádrepnir í sláturhúsinu á austurvígstöðvunum eru verðmæti úkraínsku þjóðarinnar sett á brunaútsölu á Wall Street og í einkasamningum við bandarískt/alþjóðlegt auðvald.

Það er kaldhæðni örlaga úkraínsku þjóðarinnar, að leiðtogar hennar og mafía skuli leggja á ráðin um eignayfirtöku erlendra aðilja undir leiðsögn Alþjóðagjaldeyrissjóðsins (International Monetary Fund) m.a. sölu á olíu- og gasauðlindum þjóðarinnar, meðan stjórnvöld kaupa rússneska dísilolíu til að knýja stríðstólin sín fyrir bandarískan og íslenskan skattaur.

Í Úkraínu gefst auðhringunum kostur á að beita aðferðum, sem eru litnar hornauga eða jafnvel bannaðar á Vesturlöndum. Úkraína er nefnilega eitt af spilltustu ríkjum veraldar og hefur lengi verið, enda þótt íslensku ráðherrasysturnar telji úkraínsk stjórnvöld dygðaljós lýðræðis og frelsis, faðma þau jafnvel og kyssa fyrir bragðið.

Olíuiðnaðurinn fer sömu leið og lyfjaiðnaðurinn. Notfærir sér spillt stjórnvöld til að beita saklausa þegna þeirra órétti og ofbeldi undir yfirskini lækninga og velgjörða.

Það er í þessu sambandi skemmst að minnast framferðis bandarískra stjórnvalda og olíuauðhringa í Írak, þar sem Bretar og Bandaríkjamenn drápu um eina milljón manna. Bandarískum stjórnvöldum (og breskum) flökrar heldur ekki við að stela gjaldeyrivaraforða þjóða, sbr. Rússland, Afganistan og Venesúlela. Þau eru líka ófeimin við að stela olíulindum, sbr. Sýrland. Úkraína er næst í röðinni, þó „löglegur“ sé stuldurinn.

Bandarísk, úkraínsk og íslensk stjórnvöld eiga það raunar sameiginlegt að vera í stríði gegn eigin þjóð, bæði efnahagslega og menningarlega. Úkraínsk stjórnvöld þó sýnu grimmilegust; senda ungsveinana í dauðann fyrir alþjóðaauðvaldið, ráðast gegn trú- og málfrelsi, og svipta vinnandi fólk réttindum sínum. Morð og annað ofbeldi gegn minnihlutahópum hefur verið landlægt í áratugi.

Alþjóðlegir fjölmiðlar og stjórnvöld Nató slá stöðugt glýju í augu fólks. Úkraínskir sálarhermenn búa að dyggri aðstoð áróðursmeistara Breta og Bandaríkjamanna. Þeir hafa náttúrulega tileinkað sér sama áróðursbragð og íslenska Landlæknisembættið, að kalla skoðanir annarra á bólusetningatrúboði embættisins, „upplýsingaóreiðu.“ Illia Vitiluk, yfirmaður sálhernaðar Úkraínumanna, notar hugtakið „falsfréttir“ um skoðanir, sem ekki falla úkraínskum stjórnvöldum í geð. (Það hefur hann vísast lært á námskeiði hjá bandarísku leyniþjónustunni.)

Áróðurs- eða sálhernaðardeildirnar vilja fá oss til trúa því, að Rússar séu einir ábyrgir fyrir harmleiknum í Úkraínu, rétt eins og Þjóðverjar fyrir öðru heimsstríði. Þetta er síbylja eins og sú augljósa firra, að Bandaríkjamenn/Nató séu að vinna stríðið með fórn úkraínsku þjóðarinnar. Enn boða þeir kokhraustir endurheimt Krímskaga og annarra rússneskra byggða, sem nú eru hluti Rússlands eins og fyrrum.

Þrátt fyrir áróður úr glymskrattanum er raunveruleikinn annar eins og t.d. pólski hershöfðinginn Rajmund Andrzejczak hefur ámálgað. Það hefur víðar heyrst, m.a. í herbúðum bandarískra stjórnvalda. Samtímis vex andstaðan gegn stríðinu víða um lönd – nema á Íslandi.

Viðlagið við þessa vitfirringu er enn; Úkraína í Nató, sungið holróma af dúettinum Volodymyr Zelensky og Jens Stoltenberg.

https://www.theguardian.com/world/2023/mar/16/ukraine-poland-fighter-jets-mig-29 https://www.npr.org/2003/12/22/1559574/examining-halliburtons-sweetheart-deal-in-iraq https://strategic-culture.org/news/2022/02/04/how-american-duplicity-on-nato-expansion-ultimately-led-today-crisis/ https://strategic-culture.org/news/2023/04/28/nato-boss-ukraine-membership-stupid-comment-explained/ https://declassifieduk.org/u-s-intel-leak-reveals-50-elite-british-troops-in-ukraine/ https://www.leefang.com/p/how-the-fbi-helps-ukrainian-intelligence?sd=pf https://steigan.no/2023/04/ukrainakrigen-forandrer-det-politiske-landskapet-i-tyskland/?utm_source=substack&utm_medium=email https://korybko.substack.com/p/polands-top-military-official-confirmed https://korybko.substack.com/p/polands-top-military-official-shared?utm_source=substack&utm_medium=email https://edition.cnn.com/2023/01/18/politics/biden-ukraine-new-tipping-point/index.html https://steigan.no/2023/04/seymour-hersh-utrolig-sorgelig-det-som-har-skjedd-med-usas-nyhetsmedier/?utm_source=substack&utm_medium=email https://sonar21.com/ukraines-promised-counter-offensive-destined-for-abject-failure/ https://www.businessinsider.com/halliburton-company-got-395billion-iraq-2013-3?r=US&IR=T https://ir.halliburton.com/news-releases/news-release-details/dick-cheney-resumes-role-chairman-halliburton-company https://www.ft.com/content/c1f06f80-7165-4f07-9fbb-04e225d7d7d9 https://geopoliticaleconomy.com/2022/06/26/cia-special-ops-ukraine-proxy-war-russia/ https://www.irishtimes.com/business/commercial-property/losses-at-world-s-biggest-fracking-provider-halliburton-1.2510030 https://www.theguardian.com/environment/2022/oct/26/rishi-sunak-ban-on-fracking-uk-no-10 https://www.naftogaz.com/en/news/naftogaz-ta-halliburton-posylyuyut-strategichnu-spivpratsyu https://mronline.org/2022/08/01/west-prepares-to-plunder-post-war-ukraine-with-neoliberal-shock-therapy/ https://geopoliticaleconomy.com/2022/07/28/west-neoliberal-recovery-conference/ https://www.sec.gov/news/press-release/2017-133 https://geopoliticaleconomy.com/2022/09/09/zelensky-selling-ukraine-wall-street/ https://www.ips-journal.eu/topics/democracy-and-society/a-full-scale-attack-on-ukraines-labour-rights-6501/ https://expose-news.com/2023/04/29/the-ukraine-biden-russia-invasion-connection/ https://steigan.no/2022/08/ukraina-bruker-krigen-som-unnskyldning-for-a-angripe-arbeidernes-rettigheter/ https://www.businesswire.com/news/home/20220905005440/en/President-H.E.-Volodymyr-Zelenskyy-rings-bell-at-NYSE-to-signify-Ukraine-is-open-for-business https://geopoliticaleconomy.com/2023/04/28/us-corporations-ukraine-oil-gas/https://geopoliticaleconomy.com/2023/04/28/us-corporations-ukraine-oil-gas/ https://geopoliticaleconomy.com/2023/01/25/ukraines-zelensky-thanks-us-corporations-big-business/

Kalda stríðið fyrra, leyniþjónustan og bankaveldið

Nasistarnir í iðnaðar- og bankageiranum, í samvinnu við bandaríska auðjöfra, voru potturinn og pannan í ofurseðlabankanum í Sviss (Bank for International Settlements - BIS), sem stofnaður var m.a. að undirlagi bandaríska seðlabankans (Federal Reserve), samkvæmt Young áætluninni (bandarísk áætlun um endurreisn Þýskalands, eftir fyrstu heimstyrjöldina).

Þar var hluti Gyðingagullsins síðar geymdur, þ.e. ránsfengur Þjóðverja á millistríðsárunum og í annarri heimstyrjöldinni. En upphaflega var til þessa banka stofnað til að annast milligöngu um stríðsskaðabótagreiðslur Þjóðverja, eftir „friðarsamningana“ í París og Versölum, að loknu fyrsta heimsstríði. Þjóðverjar voru þvingaðir til að samþykkja skaðabætur, m.a. vegna hungursneyðar af völdum hafnbanns breskra yfirvalda.

BIS heldur enn velli og er nú orðinn eins konar seðlabanki seðlabankanna. Þar hittast bankastjórnar þeirra til leynilegs skrafs og ráðagerða.

Einn umræddra nasista var „gullintannarbankamaðurinn,“ hagfræðingurinn og ráðgjafi kanslara Þýskalands, Adolf Hitler (1889-1945), Walther Funk (1890-1960), síðar efnahagsráðherra Þýskalands og bankastjóri seðlabanka þess. Hann er sagður hafa geymt gull úr tönnum fanga í fangabúðum nasista. Walther sá fyrir sér sameinaða Evrópu undir stjórn Leiðtogans og samdi tillögur að frjálsri verslun og sameiginlegri mynt.

Gulli og öðrum verðmætum var víða stolið í annarri heimstyrjöldinni, stundum kallað Gyðingafullið. Bandaríkjamenn komust yfir verulegan hluta þess með hjálp leyniþjónustu nasista, sem þeir áttu góða samvinnu við og notuðu að nokkru leyti sem fyrirmynd að eigin leyniþjónustu (Central Intelligence Agency CIA). Þýfið skilaði sér aftur sem Marhall aðstoð til Þýskalands, Íslands og annarra Evrópuríkja í kalda stríðinu.

Auðjöfrum Bandaríkjanna óx svo ásmegin í fyrsta heimsstríði, að þeir sóttu fram bæði á alþjóðavettvangi og á heimavelli. Á kreppuárunum á fjórða áratugi síðustu aldar, en fjármálakreppuna sköpuðu þeir sjálfir, lögðu þeir á ráðin um stjórnarbyltingu í Bandaríkjunum sjálfum, vildu nýta eigin kreppu út í ystu æsar.

Gróðafíkn og tvískinnungur auðjöfranna og sjóða þeirra var óbreyttur í öðru heimsstríði. Það á einnig við um stríðin í Kóreu og Víetnam – og reyndar í flest stríð og vopnaskak síðan. Það má færa gild rök að því, að sömu fjármagnstæknilegu bolabrögð gildi sömuleiðis í veirustríðunum, sem háð eru um þessar mundir.

Þegar Joseph Vissarionovich Stalin (1878-1953), Winston Leonard Spencer Churchill (1874-1965) og Franklin Delano Roosevelt (1882-1945), höfðu samið um skiptingu heimsins, að öðru heimsstríði loknu, sótti hið nýja heimsveldi , Bandaríki Norður-Ameríku, stöðugt í sig veðrið í öllum heimsálfum.

Bandaríkjamenn tóku nú að ástunda leynihernað í áður óþekktum mæli. Leyniþjónusta hersins umbreyttist árið 1947 – varð CIA - og hefur síðan unnið margt myrkraverkið víða um heim. Hún lætur hvergi deigan síga og vinnur oft og tíðum með frjálsum félagasamtökum (non-governmetal organization), auðjöfrum og sjóðum þeirra, að undirróðri, uppreisnum, uppþotum og öðrum myrkraverkum. Þar ber nafn auðkýfingsins, George Soros, iðulega á góma.

Upplýsingahernaður leyniþjónustunnar jókst einnig stig af stigi, því með einhverjum hætti þurfti að réttlæta ódæðisverkin fyrir bandarískum skattgreiðendum og alþjóðasamfélaginu.

Bandaríski stjórnmálafræðingurinn, Samuel Phillips Huntington (1927-2008), afhjúpaði þá staðreynd, að frásögnin um „kalda stríðið“ hefði verið samin í áróðursskyni til að réttlæta bandarísku heimsvaldastefnuna og reyndar einnig til að skapa skelfingu á Vesturlöndum. Samuel sagði:

„Það verður að haga sölunni [þ.e. réttlætingu á íhlutun í málefni annarra ríka] með þeim hætti, að fólk ruglist í ríminu og haldi, að barist sé við Ráðstjórnarríkin (Sovét-). Það er einmitt það, sem Bandaríkin hafa stundað, síðan Truman stefnan (Truman Doctrine) sá dagsins ljós.“ („Truman Doctrine“ er sú stefna bandarískra stjórnvalda, kennd við Harry S. Truman (1884-1972), Bandaríkjaforseta, að veita aðstoð hverju því lýðræðisríki, sem þau teldu að stafaði ógn af byltingaröflum.)

T.d. var bandaríska þinginu kynnt hernaðar- og fjármagnsaðstoð til Grikklands og Tyrklands árið 1947 til að kæfa uppþot almennings, sem Harry sagði að undirlagi Ráðstjórnarríkjanna. Ætlunarverkið var að efla frið, frelsi og lýðræði, eins og Joseph Biden gerir nú í Úkraínu, með dyggum stuðningi Íslands og annarra Evrópuríkja.

Á kaldastríðsárum virtist eins og upphæfist meðal Bandaríkjaforseta samkeppni um fjölda myrkraverka. Til dæmis lagði Dwight David Eisenhower (1890-1969) blessun sína yfir 104 leyniaðgerðir í fjórum álfum á átta árum. En John F. Kennedy sló honum þó við með 163 aðgerðir í forsetatíð sinni.

Samfara upplýsingahernaði voru njósnir elfdar til muna. Sameiginleg yfirlýsing um þróun og framtíð í Evrópu (Atlantic Charter), sem Franklin Roosevelt og Winston Churchill komu sér saman um árið 1941, var jarðvegur þeirra. Ári síðar hlaut yfirlýsingin stuðning 26 þjóða, þar á meðal Ráðstjórnarríkjanna.

Umrædd yfirlýsing lagði grundvöll að samstarfi margra ríkja í Evrópu og Eyjaálfu. Þar varð til vísir að Sameinuðu þjóðunum, sem stofnaðar voru 1945.

Fleiri ríki tóku einnig þátt í samstarfinu um njósnir; Ástralía, Kanada og Nýja-Sjáland. Það er stundum kallað „Fimmaugna“ (Five Eyes) njósnasamstarfið. Með stofnun CIA og FBI (Federal Bureau of Investigation) má segja, að bandaríska „öryggisríkið“ (seccurity state) hafi verið komið á koppinn.

Á Íslandi var „kaldastríðsógnin“ kölluð „Rússagrýlan.“ Hún hefur verið endurvakin, eftir að stríðið í Úkraínu braust út. Um þessar mundir er blásin upp ógnin af njósnum Rússa á Norðurlöndum í sameiginlegu átaki ríkissjónvarpsstöðvanna í fjórum þeirra. Það er reyndar alkunna, að njósnir eða söfnun upplýsinga sé stunduð af flestum ríkjum veraldar.

Það stafar svo gríðarlegri ógn af Rússagrýlunni góðkunnu, að jafnvel fluggáfað og menntað fólk hrekkur í kút og missir „sans og samling.“ Enda er ætlunum að firra borgarana dómgreind og gagnrýninni hugsun, rétt eins og tekist hefur með veirugrýlunni. Við lifum á afturgöngu- og tröllatímum.

Það var með skírskotun til Rússagrýlunnar, að Bandaríkin gengust fyrir stofnun Norður Atlantshafsbandalagsins (Nato – North Atlantic Treaty Organization) árið 1949. Íslendingar hoppuðu á vagninn, þrælslundin leyndi sér ekki, enda hafði þjóðin búið við nýlendukúgun um aldir og hersetu Breta og Bandaríkjamanna í áratug eða svo.

Það fór með íslenska þjóð eins og fangann, sem var látinn laus úr langri fangavist. Hann vildi heldur helsi en frelsi og grátbað um framhaldsfangavist. Á Íslandi er Nató kallað varnarbandalag, svo sauðsvartur almúginn velkist ekki í vafa um tilgang þess.

En samkvæmt fyrsta aðalframkvæmdastjóra Nató og herforingja Breta, Hastings Lionel Ismay (1887-1965), var tilgangur Bandalagsins að halda Ráðstjórnarríkjunum utan garðs, Þjóðverjum í skefjum og hinum í sama báti.

Stofnun Sameinuðu þjóðanna átti sér stað í kalda stríðinu. Samtökin voru stofnuð í Bandaríkjunum árið 1945 eins og fyrr sagði.. Forseti Austurríkis, Kurt Josef Waldheim (1918-2007), fyrrum her- og leyniþjónustumaður úr þýska hernum, var gerður að fjórða aðalritara þeirra á tímabilinu 1972-1981, þ.e. áður en hann gegndi forsetaembættinu.

Það má, með skírskotun til reynslunnar af Þjóðabandalaginu (World League of Nations), velta því fyrir sér, hvort hinn raunverulegi tilgangur með stofnun hins nýja bandalags hafi í raun verið sá sami og með stofnun Þjóðabandalagsins, að tryggja stórveldunum – einkum þeim vestrænu – tögl og haldir í veröldinni.

https://thecritic.co.uk/issues/june-2020/nazi-blueprint-for-postwar-integration/ https://contemporarythinkers.org/samuel-huntington/biography/ https://www.bbc.com/news/world-56970640 https://www.youtube.com/watch?v=PLAx_LpJslU https://www.encyclopedia.com/reference/encyclopedias-almanacs-transcripts-and-maps/ismay-hastings-lionel-ismay-1st-baron http://www.inquiriesjournal.com/articles/899/the-british-blockade-during-world-war-i-the-weapon-of-deprivation https://www.history.com/topics/world-war-i/world-war-i-historyhttps://www.history.com/topics/world-war-i/world-war-i-history https://www.britannica.com/biography/Kurt-Waldheim https://worldpopulationreview.com/country-rankings/five-eyes-countries https://www.britannica.com/event/Truman-Doctrine https://www.britannica.com/biography/Samuel-P-Huntington https://spartacus-educational.com/GERfunk.htm https://www.bis.org/ https://www.historylearningsite.co.uk/nazi-germany/nazi-leaders/walther-funk/ https://history.state.gov/milestones/1914-1920/paris-peace https://history.state.gov/milestones/1921-1936/dawes#:~:text=Under%20the%20Dawes%20Plan%2C%20Germany's,currency%2C%20the%20Reichsmark%2C%20adopted. https://alphahistory.com/coldwar/truman-doctrine/ https://www.history.com/news/world-war-i-russian-revolution https://responsiblestatecraft.org/2023/02/21/we-made-putin-our-hitler-zelensky-our-churchill-and-the-media-fell-in-line/ https://kitklarenberg.substack.com/p/anatomy-of-a-coup-how-cia-front-laid?utm_source=profile&utm_medium=reader2 https://www.history.com/topics/world-war-ii/atlantic-charter

Kosningaklækir Robert Kennedy? Feigðarflan?

Robert Francis Kennedy yngri (f. 1954) er sumum að góðu kunnur fyrir baráttuna gegn varhugaverðum bólusetningum barna og heill þeirra yfirleitt. Hann er stofnandi samtakanna “Verðir barnaheilsunnar” (Children’s Health Defense). Hann var formaður þeirra um árabil.

Robert hefur skrifað bækur um efnið. Í einni þeirra, “Hinn raunverulegi Anthony Fauci” (The Real Anthony Fauci), afhjúpaði Robert líf og leyndarmál hins volduga einvalds Bandaríkjanna í lyfja- og bólusetningamálum – löðrandi í spillingu, bæði með tilliti til stjórnsýslu og vísinda.

Einhvern tímann sagði þessi einvaldur á þá leið, að árásir á hann jöfnuðust á við árásir á vísindin sjálf. Honum flökraði heldur ekki við því að panta vísindalegar niðurstöður til að reyna að fela spillingarsöguna.

Áhrif Anthony náðu að nokkru leyti til veraldarinnar allrar, þar eð hann og vinirnir, m.a. Bill Gates, tóku virkan þátt í starfi Alþjóðaheilbrigðismálastofnunarinnar og lögðu- í samstarfi við Alheimsefnahagsráðið – á ráðin um veirusefasýkisfaraldurinn, sem ekki er bitið úr nálinni með.

Meinviðbrögð við bólusetningunum eru margs konar eins og flestum ætti að vera kunnugt. T.d. er bent á þroskaskerðingu barna. Ein rannsóknanna bendir til, að þau yngstu hafi glutrað niður 22 greindarstigum.

Robert er hugleikin sú staðreynd, að aldrei hafi börn í Bandaríkjunum verið heilsutæpari, samtímis því að bólusetningum fjölgar stöðugt. Bólusetning við covid-19 er sú nýjasta á þeim meiði. Nú benda staðtölur til, að eitt af hverju þrjátíu og sex börnum greinist með einhverfu á einhverju stigi. Aukin heldur bendir nú rannsókn til, að bólsett börn séu heilsutæpari en þau óbólusettu. Hentugleikasjúkdómsgreiningar eins og „athyglibrestur- og ofvirkni“ (ADHD) eru þekktar.

Til viðbótar má geta þrálátra sjúkdóma á borð við offitu, ofnæmi og ýmissa kvilla í miðtaugakerfi. Robert vill beita sér fyrir rannsóknum á orsökum þessa. Hann hefur nefnt ónauðsynlegar bólusetningar í því sambandi.

Róbert hefur ekki einasta barist djarflega gegn sjálfu fúskinu og spillingunni í sambandi við kófið. Hann hefur einnig kröftuglega andmælt samvinnu yfirvalda og lyfjaauðhringanna, sem m.a. lýsir sér í fjárhagslegum hagsmunatengslum og margvíslegri spillingu í sambandi við leyfisveitingar. Þessa samvinnu kallar Róbert „þjófræði“ (kleptocracy).

Robert segir m.a. á þessa leið: Ef fyrir okkur vakir að heiðra skyldur okkar sem kynslóð, menning [og] þjóð, verðum við að taka til óspilltra málanna við að skapa börnunum umgjörð, sem gerir þeim kleift að öðlast virðingu, góða heilsu, [og] að þroskast og blómstra eins og okkur var gefinn kostur á.

Robert hefur aukin heldur margsinnis bent á og mótmælt þeirri svívirðilegu sviptingu lýðréttinda, sem Bandaríkjamenn hafa mátt þola af hendi stjórnvalda, þ.á.m. skerðingu ferða- og málfrelsis. Ástandið er svipað á Íslandi.

Robert er sömuleiðis ómyrkur í máli um stríð Bandaríkjamanna í Úkraínu og harmar skelfilegt mannfall meðal hermanna og óbreyttra borgara. Þetta stríð fjármagna bandarískir skattgreiðendur, þ.e. þeir, sem ekki svelta. En um fjórðungur þjóðarinnar lifir undir fátæktarmörkum.

Á meðan þessu vindur fram eru seðlaprentararnir rauðglóandi og skuldir hrannast upp eins og stundum áður, þegar bandarísku samfélagi var steypt í glötun af eigendum Seðlabankans og vinum þeirra.

Helsti boðskapurinn í framboðsræðu Robert er þessi, samkvæmt bandaríska sagnfræðingum og blaðamanninum, Mike King:

Stjórnvöld ljúga; fjölmiðlar ljúga; öllum er það ljóst, að stjórnvöld og fjölmiðar ljúga; samtök stjórnvalda og fjölmiðla ráðast gegn öðrum fjölmiðlum, vegna ógnarinnar, sem af þeim stafar; stjórnvöld og mörg stórfyrirtæki leggja stund á samsæri; bræðurnir, John Fitzgerald (1917-1963) og Robert Francis Kennedy (1925-1968), voru andvígir stríðinu í Vietnam; New York Times andæfði framboði Robert 1968; stjórnmálamenn skipta fólki í stéttir og kynþætti; lokanir í kófinu voru bæði ónauðsynlegar og lífshættulegar; aukning atvinnuleysis, sem nemur einum af hundraði, veldur afkomuótta og 30.000 aukadauðsfalla; þyngdaraukning og sjálfsvíg í tengslum við innilokun juku enn á fjölda látinna; fulltrúar djúpríkisins lugu að John forseta um innrásina í Svínaflóa á Kúbu og hrundu næstum af stað þriðju heimstyrjöldinni; það vakt fyrir honum „að mylja leyniþjónustuna (CIA) í þúsund mola;“ Bandaríkin ættu ekki að stuðla að því „að steypa rússneskum yfirvöldum“ af stóli heldur beita sér fyrir friði í Úkraínu; spurt er, hvort Úkraínumönnum sé ekki beitt í staðgengilsstríði Bandaríkjamanna; stríð, björgun bankanna og lokanir atvinnustarfsemi, voru fjármagnaðar með prentun peninga, en hún er völd að verðbólgu um þessar mundir; í verðbólgunni felast skattar stjórnvalda á þá, sem minnst mega sín, og millistéttirnar; Bandaríkjamenn drápu eina milljón Íraka; Bandaríkjamenn ullu uppnámi í Sýrlandi og stökktu fólki á flótta til Evrópu; Lýðræðisflokkurinn (Democrats) er orðinn flokkur „ný-íhaldssamra“ (neocons) stríðsæsingamanna með harmkvælafroðuheila (woke bobble-heads), sem fráleitt eru lýðræðissinnar í anda John F.

En nú er svo komið, að Robert tekur hugumstærsta skrefið í lífi sínu, fetar í fótspor föðurins og föðurbróðurins, John, og býður sig fram til forseta fyrir Lýðræðisflokkinn.

Faðir og föðurbróðir voru báðir ráðnir af dögum. Það eru yfirgnæfandi líkur á, að bandaríska leyniþjónustan, CIA, og sú ísraelska, Mossad, hafi ráðið John af dögum, og hafi væntanlega tekið þátt í morði Robert eldri einnig.

Fyrsti harmleikurinn reið yfir Kennedy fjölskylduna, þegar elsti bróðirinn, Joseph Patrick (1915-1944) var drepinn í annarri heimstyrjöldinni, sem Frank Delano Roosevelt (1882-1945) atti Bandaríkjamönnum út í.

Fjórði harmleikurinn var sviplegt andlát John F. Kennedy yngri (1960-1999). Hann fórst í flugslysi, að sögn. Það er reyndar þekkt aftökuaðferð myrkraaflanna, rétt eins og „sjálfsmorðin.“ John yngri og fyrrverandi forseta, Donald Trump (f. 1946), hafði verið vel til vina. Það hafa verið færð rök að því, að mafían í kringum Clinton-hjónin séu ábyrg fyrir „slysinu.“ Það hafa þó aldrei verið færðar á það sönnur, eftir því sem ég best veit.

Samkvæmt Robert eru einnig vísbendingar um, að leyniþjónustan (CIA) hafi verið viðriðin skipulagningu og undirbúning á þeim gervifaraldri, sem kófið var og er, í því skyni að undirbúa gerræðisstjórn yfir veröldinni.

Mike King spyr sig eins og vafalaust margir aðrir, hvað fyrir Robert vaki. Þó er varla ástæða til að draga baráttumál hans í efa. En Mike viðrar þá hugmynd, að hér sé um að ræða samvinnu Donald og Robert, þ.e. að brúka sömu brellu og „eigendur“ Theodore Roosevelt (1858-1919), þegar hann var látinn stofna til mótframboðs gegn fyrrum vini og samstarfsmanni, (William) Howard Taft (1857-1930), í þeirri viðleitni að koma (Thomas) Woodrow Wilson (1856-1924) að kjötkötlunum. Það tókst.

Takist Robert að kljúfa Lýðræðisflokkinn í næstu kosningum, aukast líkur á sigri Donald Trump. Það má vænta þess, að heppnist slík hernaðaráætlun, hafi það í för með sér, að hinn stríðsbrjálaði öldungur, Joseph Robinette Biden (f. 1942), lúti í lægra haldi.

http://www.informationclearinghouse.info/57506.htm https://childrenshealthdefense.org/defender/bp-who-gates-foundation-seek-reverse-falling-childhood-vaccination-rates/?utm_source=luminate&utm_medium=email&utm_campaign=defender&utm_id=20230425 http://www.informationclearinghouse.info/57500.htm http://www.informationclearinghouse.info/57499.htm https://www.medrxiv.org/content/10.1101/2021.08.10.21261846v1.full.pdf https://childrenshealthdefense.org/defender/rfk-jr-presidential-campaign-chronic-disease-children/?utm_source=luminate&utm_medium=email&utm_campaign=defender-wk&utm_id=20230423 https://rumble.com/v2jow02-rfk-jr.-and-others-expose-the-cias-involvement-in-the-covid-plandemic.html http://www.informationclearinghouse.info/57493.htm https://www.realhistorychan.com/anyt-04-21-2023.html https://www.youtube.com/watch?v=68MhtliIAvk

Útþenslustefna Bandaríkjanna fram að fyrstu heimstyrjöld

Alþjóðleg stórsókn evrópsk-bandaríska auðvaldsins hélst í hendur við þróun stjórnmála í Bandaríkjunum innan lands sem utan. Það náði sérstöku tangarhaldi á iðnaði Norðurríkjanna og færðist mjög í aukanna á nítjándu öldinni.

Áherslur í utanríkismálum endurspegluðust í stefnu James Monroe (1758-1831), Bandaríkjaforseta, frá 1823, sem skilgreinir í raun álfuna, Ameríku, sem áhrifa- og yfirráðasvæði Bandaríkja Norður-Ameríku. Þar segir nefnilega, að litið yrði á ásókn Evrópuríkja á vesturhveli jarðar sem fjandskap gegn Bandaríkjunum. Þessi stefna markaði átök við evrópsku nýlenduveldin í Ameríku, Rússland, Frakkland, Spán og Bretland sjálft.

Hugur auðdrottna og stjórnvalda, stóð til landvinninga. Thomas Jefferson (1743-1826), keypti t.d. Louisiana af Frökkum (1803), og sagði Spánverjum stríð á hendur. Flórída var innlimað 1845.

En græðgi eftir landi og auðlindum var óseðjandi. Bandaríkin og auðkýfingar þeirra höfðu augastað á spænsku nýlendunum, Kúbu og Mexíkó. James Knox Polk (1795-1849), Bandaríkjaforseti, taldi það guðleg forlög Bandaríkjamanna að þenja út ríkið og boða lýðræði og auðvaldsskipulag (capitalism) um Ameríku gervalla. Stefnan var kölluð, „Yfirlýst örlög“ (Manifest Destiny), mótuð árið 1845.

James Polk innlimaði Texas (sjálfstætt ríki 1836) og bar víurnar í Oregon, Kaliforníu , Utah, Nevada, Arizona og Nýju-Mexíkó. Mexíkó þráaðist við að selja. Bandaríkjamenn plægðu þá stríðsakurinn með vopnaskaki á landamærunum. Það var sem sé tálbeitan. Svo sagði Hiram Ulysses S. Grant (1822-1885), herforingi og síðar forseti.

Bandaríkin sögðu í kjölfarið grönnum sínum stríð á hendur, árið 1846. Stríðið stóð til 1848, þegar friðarsamningur (treaty) var gerður í Guadalupe Hidalgo.

Útþenslustefna Bandaríkjanna kemur greinilega fram í orðum utanríkisráðherra þeirra, William Henry Seward (1801-1872), árið 1848, þegar fyrsta kvenfrelsunarþing veraldar var haldið í Seneca Falls:

„Það eru forlög þjóðar okkar að streyma sem óstöðvandi flóðbylgja væri í átt að ísflákum (ice barriers) norðursins og eiga stefnumót við menningu Austurlandabúa á ströndum Kyrrahafsins.“ Enda fór það svo, að Andrew Jackson (1808-1875), Bandaríkjaforseti, keypti Alaska af Rússum (1867).

Þegar þjóðir indíána höfðu verið gersigraðar af sameinuðum ríkjum Norður-Ameríku (að Kanada undanskildu) og fluttar úr heimahögum sínum, samkvæmt löggjöf Andrew Jackson (Indian Removal Act), voru lögð á ráðin um alþjóðlega útþenslustefnu, þ.e. heimsvaldastefnu Bandaríkjanna.

Nýlenda Spánar, Kúba, var næsta viðfangsefni og fórnarlamb, árið 1898. Árinu áður hafði væntanlegur forseti Bandaríkjanna, Theodore Roosevelt (1858-1919), hlotið vegtyllu á frambrautinni. Hann var skipaður aðstoðarflotamálaráðherra (assistant secretary of the U.S. Navy). Hann sagði:

„Ég myndi skoða stríð við Spán úr tveim sjónarhornum; annars vegar, hversu ráðlegt stríð væri með tilliti til mannkyns og fýsileika inngrips með hliðsjón af eiginhagsmunum Kúbverja, að taka enn þá eitt skref í átt til fullkominnar frelsunar Ameríku frá drottnun Evrópubúa; hins vegar þeirri velgjörð að gefa þjóð vorri eitthvað það að hugsa um, sem ekki felur í sér efnalegan vinning – og sérstaklega gagnsemi þess fyrir herafla vorn, að gefa bæði sjó- og landher tækifæri til að æfa sig í raun.“

Stríðstálbeitan var árás á herskipið, „Maine,“ sem Theodore eða Teddy lét fyrirvaralaust sigla inn í höfnina í Havana. Fleiri hundruð sjóliða létu lífið í sprengingu, sem Spánverjar höfðu ekkert með að gera.

Þrátt fyrir, að Spánverjar bæru af sér sök og Bandaríkjaforseti - eins og Adolf Hitler áratugum síðar – biðlaði til páfa um friðarumleitanir - kom allt fyrir ekki. Auðkýfingafjölmiðlarnir (yellow press) kröfðust stríðs og hefnda fyrir sjóliðana á Maine.

En þegar Bandaríkjamenn viðurkenndu sjálfstæði Kúbu, var Spánverjum nóg boðið og lýstu yfir stríði. Þótt tregur væri, svaraði William McKinley (1843-1901), Bandaríkjaforseti, með stríðsyfirlýsingu.

Bandríkjamenn gersigruðu Spánverja eins og nærri má geta. Enn þá halda Bandaríkjamenn fast í skika á Kúbu, þar sem þeir eiga herstöð og reka m.a. alræmt fangelsi fyrir svokallaða, alþjóðlega hryðjuverkamenn.

Teddy var undarlega brenglaður náungi eins og tilvitnunin ætti að bera vitni um. Uppdráttarsýkin og stórmennskubrjálæðið var dæmafátt. Honum var t.d. mjög í mun um að vera hetja í eigin augum og þjóðarinnar. Það er reyndar opinber ímynd hans, mótuð í „falsfréttunum og samsæriskenningum“ frá ferlinum.

En stórskáldið, Mark Twain/Samuel Langhorne Clemens (1835-1910), var glöggt eins og góðir listamenn oft eru á mannlegt eðli. Hann sá í gegnum uppdráttarsýki, lygar og stórmennsku. Mark sagði m.a.:

„Aldrei nokkru sinni höfum við haft á að skipa forseta, sem var gjörsneyddur sjálfsvirðingu og virðingu fyrir hinu háa embætti sínu; aldrei höfum við áður átt forseta, sem ekki var heiðursmaður; aldrei áður höfum við átt forseta, sem ætlað var að yrði slátrari, markmaður eða yfirgangsseggur, og glutraði niður ætlunarverkinu við aðstæður, sem hann hafði enga stjórn á.“

Síðar sagði skáldið, að í sanngirni mætti að líta svo á, að sem stjórnmálamaður og ríkiserindreki (statesman) væri hann bæði óábyrgður og brjálaður.

Með Spánarstríðinu, sem teygði sig til Filippseyja 1901, lagði Teddy – eða auðkýfingarnir, sem stjórnuðu honum – grundvöllinn að Kyrrahafsveldi Bandríkjanna; Filippeyjar, Guam og Hawai. Herfang Bandaríkjamanna í Spánarstríðinu var ríkulegt.

Teddy sendi flota Bandaríkjanna í heimssiglingu til að sýna veröldinni mátt og megin þjóðarinnar. Kólumbíu var líka ógnað í sambandi við skipaskurðinn, sem nú er kenndur við Panama, gerviríki, sem Bandaríkjamenn sneiddu af Kólumbíu árið 1903. Tveim árum síðar lögðu þeir undir sig Dómínikanska lýðveldið.

Sigur á evrópsku nýlenduveldunum og frumbyggjunum, samfara landakaupum og landvinningum í Vesturálfu, auðgaði Bandaríkin svo um munaði. Því var gósentíð hjá bresk-bandaríska iðn- og fjármagnsauðvaldinu í City of London og Wall Street, hinni lögmætu mafíu sem sumir kalla.

Auðkýfingarnir voru þó ekki alls kostar ánægðir með William McKinley. Hann dró lappirnar og skorti stríðsvilja. Því vildi það svo heppilega til, að hann var ráðinn af dögum af villuráfandi byltingarsinna. Það er alla vega hin opinbera skýring.

Auðdrottnarnir voru heldur ekki ánægðir með (William) Howard Taft (1857-1930). Þeim stafaði reyndar svo mikil ógn af honum, að þeir notfærðu sér Teddy til að tefla kosningarefskák gegn Howard.

Auðkýfingaráðið lagði á ráðin um framboð Teddy með alls konar sjónhverfingum, t.d. banatilræði á framboðsfundi. Viðskiptajöfurinn, Benjamin Harrison Freedman (1890-1984), Gyðingur, sem snerist til kristinnar trúar, hefur lýst því í ræðu, hvernig auðjöfrarnir, þar á meðal Jacob Henry (Jakob Heinrich) Schiff (1847-1920), náinn samstarfsmaður og skjólstæðingur Rauðskjöldunga (Rothschild) og formaður í Bandaríska Gyðingaráðinu (The American Jewish Committee), settust á rökstóla.

Benjamin spáði þriðju heimstyrjöldinni í tengslum við arabískt frelsisstríð í Palestínu/Ísrael með þátttöku Bandaríkjamanna. Ræða hans, haldin 1961, er afar merkileg: https://archive.org/details/benjamin-h.-freedman-speech-unedited-version-1961 - https://rense.com/general34/amaz.htm

Á nefndum fundi var líka Bernard Mannes Baruch (1870-1965), sem gárungarnir sögðu síðar að hefði (Thomas) Woodrow Wilson (1856-1924), sem þeir gerðu að Bandaríkjaforseta, í taumi. Benjamin segir hann „þorpara, sem væri ekki meira virði en púðrið, sem þyrfti til að senda hann til helvítis.“ Engan þekkti Benjamin „sjálfsbólgnari“ mann.

Benjamin lýsir fundum forsetans með „ráðgjöfum“ sínum: „Woodrow Wilson var ámóta glöggskyggn á gang mála og nýburi.“

Næsta skref í heimsvaldastefnunni var tekið í fyrstu heimsstyrjöldinni, sem hafði verið í undirbúningi um all nokkurt skeið. M.a. hafði Rússakeisara og borgarstjóra Sankti Pétursborgar verið sýnt banatilræði.

Rússneskir byltingarmenn á mála hjá alþjóðaauðvaldinu eins og Leon Trostsky/Lev Davidovich Bronstein (1879-1940) og Vladimir (Ilyich Ulyanov) Lenin (1870-1924), voru reknir úr landi, eftir misheppnaða byltingartilraun árið 1905. Þeir nýttu sér brauðbyltingu mæðra í borginni til að ota sínum tota.

Nú eru slíkar byltingar framkvæmdar undir litskrúðugum fánum og lófaklappi frá fjölmiðlum, sem fagna byltingu í þágu frelsis, lýðræðis og umfram allt mannréttinda, sbr. byltinguna í Úkraínu.

Það var sótt að Rússum innan frá sem utan. Í Japan lánaði sama auðvald og sendi laumuhermenn sína og morðingja til Sankti Pétursborgar, fé til uppbyggingar japanska flotans, sem beitt var til árása á þann sama flota og bjargaði Norðurríkjunum í forsetatíð Abraham Lincoln (1809-1865) úr klóm Vestur-Evrópuríkjanna í borgarastríðinu.

Japanir gersigruðu Rússneska sjóherinn í Asíu. Það skapaði ókyrrð og uppreisn í Rússlandi. Ósigurinn varð mikilvægur þáttur í falli rússneska keisaradæmisins.

Styrjöld í Evrópu bauð upp á ný auðgunartækifæri fyrir hernaðar- og bankaauðvaldið. Það kemur vart á óvart, að Teddy vildi ólmur draga Bandaríkin inn í styrjöldina í Evrópu. Hann endurómaði áróður Breta, þ.e. að Þjóðverjar krossfestu konur og nauðguðu, og bæru ungabörn á byssustingjum.

Hinum snatanum, Woodrow Wilson, var líka heitt í hamsi. Hann gelti grimmdarlega og vildi ólmur stríð. Tilgangurinn var að tryggja lýðræði í veröldinni (making the world safe for democracy).

Heimildir:

Mike King: The real Roosevelts. An omitted history. pdf. Tomatobubble. com https://www.presidency.ucsb.edu/documents/letter-introducing-w-averell-harriman-stalin https://archive.org/details/benjamin-h.-freedman-speech-unedited-version-1961 https://nationalvanguard.org/2010/10/a-jewish-defector-warns-america/ https://www.history.com/topics/19th-century/manifest-destiny https://www.history.com/topics/19th-century/mexican-american-war https://www.youtube.com/watch?v=26raYPP4n7Q https://www.history.com/this-day-in-history/u-s-takes-possession-of-alaska https://www.smithsonianmag.com/history/how-the-louisiana-purchase-changed-the-world-79715124/ https://www.britannica.com/biography/James-Monroe https://www.britannica.com/event/Monroe-Doctrine https://spartacus-educational.com/GERfunk.htm https://www.bis.org/ https://history.state.gov/milestones/1914-1920/paris-peace https://history.state.gov/milestones/1921-1936/dawes#:~:text=Under%20the%20Dawes%20Plan%2C%20Germany's,currency%2C%20the%20Reichsmark%2C%20adopted. https://propagandainfocus.com/wall-street-the-nazis-and-the-crimes-of-the-deep-state/ https://alphahistory.com/coldwar/truman-doctrine/ https://www.history.com/news/world-war-i-russian-revolution https://propagandainfocus.com/wall-street-the-nazis-and-the-crimes-of-the-deep-state/ https://www.britannica.com/event/Truman-Doctrine

Katrín, kristin trú og klerkurinn, sem segir sjálfbærnimarkmiðin gildru

Ríkisstjórn vor, með græna byltingarleiðtogann, Katrínu Jakobsdóttur, í broddi fylkingar, berst á vegum alheimsauðvaldsins í Sameinuðu þjóðunum og Alheimsefnahagsráðinu, fyrir þróun, samkvæmt svokölluðum sjálfbærnimarkmiðum, Áætlun 2030.

Hún boðar eins konar himnaríki á jörðu eða draumaveröld. Í nýrri, endurræstri veröld, verða allir sælir og saddir, búa við friðsemd og frjósemi, elska frið og strjúka kvið. Þar ríkir sem sé friður og fjölbreytni, regnbogafáninn blaktir við hún.

Konur hafa þá loksins frelsast undan eitruðum körlum og frá bannsettum barneignunum. Börn eru framleidd í meðgönguverum. Þegar þau skríða úr gervileginu er þeim úthlutað kyni, hvorugkyni. Þegar þau komast til vits og ára geta þau valdið sér kyn eða bara verið kynlaus.

Vilji svo óheppilega til, að enn fæðist óstýrilátir drengir (ADHD) mun uppeldis- og barnavernd sjá til þess, að viðurkenndir skurðfræðingar græði í búk þeirra lyfjaskammtara (Rítalín eða sambærilegt) með sjálfvirkni skömmtunarstjórn samkvæmt vottaðri hegðunarmælingu færustu sálfræðinga um æskilega og viðráðanlega hegðun.

Í skammtara þennan má líka setja önnur lyf. Þunglyndis- og oflátalyf eru bráðnauðsynleg til að halda fólki í hamingjusamlegu jafnvægi.

Ef líffæri fara í taugarnar á fólki, getur það snúið sér til vansældarteymis stjórnvalda, sem endurræsir, dópar eða sker, þangað til þau eru sæl og sátt. En bregði til beggja vona má barasta breyta aftur. Því kynið er svo órætt og þjált.

Kúgun kvenna er á enda runnin í draumaríki sjálfbærninnar og börnin hafa alfaríð frelsast frá feðrum sínum. Karlmenn hafa horfið inn í samkyn fjölbreytninnar. Fólk er næstum örvasa af öreiga- og snjallsímasælu einni saman.

Í umboði Úrvalsins, skipað mörgum „Katrínum,“ býður Bónus heimsendingu á vistum með þyrilskutlu eða flygildi, sem flýgur fæðunni beint úr vottuðum framleiðsluverum. Hamingjunni sé lof! Engin losun koltvísýrings.

En það á reyndar bara við um þá hlýðnu, með nægilegan stigafjölda í miðlægum hlýðnistigagrunni. Hinir óþekku geta etið það, sem úti frýs eða stungið höfðinu inn í sjálfsvígshjúpinn í heilbrigðisþjónustunni.

Úrvalið fylgist með heilsu og hamingju sjálfbæringanna. Þeir mæla heilsufar og hollustu hugsana þeirra ekki síður en mataræðis. Lestur er að mestu óþarfur. Innræting réttra viðhorfa berst með örflögum, sem skotið er undir húð eða beintengdar taugkerfinu.

Örflögur koma reyndar með bólusetningum líka. Þær tryggja öruggar sýkingavarnir. Í draumaríki sjálfbærninnar er engin þörf á Landlæknisembætti lengur, því „upplýsingaóreiðan“ hverfur, samtímis falsfréttum og samsæriskenningum.Það verður gott að lifa.

Það er líka óþarfi að spjalla mikið saman. Fólk hittist bara í sýndarveruleikanum. En þó skal aðgát höfð í nærveru sálar eins og skáldið sagði. Innbyggður ritskoðari mun sjá til þess, að engin verði hatursorðræðan. „Egill-inn-við-beinið“ hefur ekkert að óttast.

Það er svo undarlegt með unga menn og roskna kirkjunnar þjóna eins og Manuel Sánchez Monge. Hann veit þetta allt, en samt hreyfir hann mótmælum, segir draumríkið ekki samræmast kristinni trú og góðum gildum og mætri menningu.

Ja hérna! Þetta er bullandi hatursorðræða, upplýsingaóreiða og samsæriskenningasmíði, segir egill-inn-við-beinið. Manuel leyfir sér að segja.

„Sjálfbærnimarkmiðin [Áætlun 2023]um þróun alheimsins („sjálfbærni“ er töfraorðið um þessar mundir, sem felur í sér, hvað sem er) eru að miklu leyti lofsverð og öllum boðleg: vernd náttúrunnar, útrýming fátæktar og hungurs í heiminum, aðgengi allra að drykkjarvatni, og svo framvegis. Öll eru markmiðið nægilega óljóst orðuð til að leyfa hinar margvíslegustu túlkanir.

En að baki Áætlunar 2030 býr viðleitni til að breyta menningunni, ný heimsskipan, sem knýr fram breytingar á trú fólks. Um er að ræða alheimsyfirráð – sem hafa ekkert með alþjóðavæðingu að gera – í því skyni að setja á stofn ólýðræðislega stjórn embættismanna.

Skjalið geymir svo snjallar, almennar yfirlýsingar, að fólk freistast til að trúa því, að framselji það allt vald til Sameinuðu þjóðanna og samþykki Áætlun 2030, muni allt verða í stakasta lagi. En því fer fjarri. Áætlun 2030 er gildra.“

https://www.eldiariomontanes.es/opinion/manuel-sanchez-monge-agenda-2030-nuevo-orden-mundial-20230415072609-nt.html https://www.lifesitenews.com/blogs/new-world-order-spanish-bishop-exposes-uns-2030-agenda-as-an-anti-christian-trap/

Hamfarahlýnunarhöfuðverkur íslenskra stjórnvalda

Sameinuðu þjóðirnar, sem starfa í þágu alheimsdrottnunaraflanna, hafa lýst því yfir, að þau „eigi“ bókstaflega loftlagsvísindin. Þeim er mikið í mun, rétt eins og aðalframkvæmdastjóranum og íslensku ráðherrunum, að sannfæra okkur um, að óhlýðni við öfgafull boð þeirra og tilskipanir um losun „gróðurhúsaloftegunda“ muni stefna veröldinni norður og niður.

SÞ skírskota til ímyndaðs stuðningshóps. Þetta er gömul áróðurslumma, en er óspart beitt. Fjölmiðlar í bullandi vændi enduróma þennan boðskap sí og æ. Boðskapurinn bunar jafnvel oftar úr munni forsætisráðherra um þessar mundir en boðskapurinn um sigur í Úkraínu, kvenfrelsun og kynleysu.

Guðlaugur Þór, umhverfisráðherra, verður jafnan óskaplega hjárænulegur, þegar hann á að útskýra skort á hamfarahlýnun þeirri, sem Rómarklúbbur auðkýfinganna samþykkti að ætti að eiga sér stað, svo og stöðugt tapstríð íslenskra stjórnvalda við útblásturinn, sem þau líka ýta undir.

Stóra rafbílagjöf ríkisstjórnarinnar til bílaleiganna kynni þó aða vera leynivopnið, sem dugar til sigurs í baráttunni við koltvísýringinn. Það var snjallræðisgjöf. Annars eru umhverfisstjórnmál orðin hálfgert skemmtiefni. Þegar umhverfisvitringarnir í útlöndum samþykkja samdrátt í losun, heimta Íslendingar að fá að menga meira. Nýjasta dæmið er samþykkt Evrópusambandsins um að takmarka flug.

Það rekst hvað á annars horn í umhverfisvafstri ríkisstjórnarinnar. Það gekk best að hemja útblásturinn, þegar hún afnam lýðréttindi og lokaði fólk inni á heimilum sínum.

Það var reyndar alheimsallsherjaræfing fyrir fangelsun lýðsins í svokölluðum stundarfjórðungsfangelsum, þ.e. fólk skal hegða sér eins og hundar í bandi stjórnvalda í grænu öreigaframtíðinni. Ferðalög lengri en sem nema stundarfjórðungi, verða bönnuð.

Skipulagningin er langt komin sums staðar í Englandi t.d.. Það miðar vel með Stóru endurræsinguna, meðan bjöllurnar klingja um háls íslenskra stjórnmálamanna.

Gregory Wrightstone og félögum í CO2 samtökunum datt í hug að kíkja á staðhæfingar SÞ, þess efnis, að 97% vísindamanna væru samþykkir skýrslum þeirra, sem harla misleit hjörð „vísindamanna“ dundar sér við að skrifa. Í ljósi fyrri sambærilegra athuganna komust þeir eins og vænta mátti að þveröfugri niðurstöðu.

Það er engu líkara en kominn sé gagnahrollur í hamfarahlýnunarvísindamenn. Sumir þeirra dunda bardúsa við að fitla við mælingar, gögn og tölur, til að styðja við rétttrúnað SÞ, íslensku ríkisstjórnarinnar og margra fleiri. Það gera menn til að mynda í Ástralíu og á Veðurstofunni, hafi ég rétt skilið. Þar þótti ástæða til að lagfæra gamlar mælingar.

Verslun með losunarheimildir er nýjasta atvinnutækifærið eða öllu heldur fásinnukaflinn í þessu grátbroslega leikriti. Umsvifin eru skráð sem hagvöxtur í þjóðarbókhaldinu.

https://expose-news.com/2023/04/21/climate-change-lockdowns-disguised-as-15-minute-cities/ https://electroverse.info/australias-bureau-of-meteorology-caught-red-handed-cooking-the-temperature-books/?utm_content=cmp-true https://expose-news.com/2023/04/21/less-than-1-scientists-agree-humanity-causing-climate-change/

Siðblindir samferðamenn og stjórnmálaleg illskufræði. Brjálræði

James Corbett er glöggur, kanadískur fréttaskýrandi, afskaplega vandvirkur. Fyrir fjórtán árum síðan samdi hann athygliverðan fréttaþátt um sálblindu/siðblindu (psychopathy/sociopathy). Þátturinn er allrar athygli verður. James leitar einkum í smiðju landa síns, Robert D. Hare (f. 1934), sem varið hefur starfsævinni í að rannsaka fyrirbærið.

James hefur einnig gluggað í merkilega bók, sem ber þann ögrandi titil: „Stjórnmálafræðileg illskufræði“ (Ponerologia Polityczna). Bókin er pólsk að uppruna, útgefin 1984, þýdd á ensku ári síðar. Enski titillinn er: „Political Ponerology: A Science on The Nature of Evil adjusted for Political Purposes.“ Aukin útgáfa forlagsins, Red Pill, heitir: „Political Ponerology: The Science of Evil, Psychiatry and the Origins of Totalitarianism.“

Höfundur er pólski sjúkrasálfræðingurinn, Andrzej Lobaczewski/Andrew M. Lobaczewski (1921-2007). Hann hafði þá einstöku lífsreynslu í farteskinu að hafa lifað og starfað undir tvenns konar gerræðisstjórn; stjórn byltingarmanna (kommúnista) og þjóðernisjafnaðarmanna (nasista).

Bókin fór grýtta leið tilurðar- og útgáfu. Fyrsta handritið rataði í ofninn, skömmu áður en leynilögregla Pólverja gerði húsleit hjá höfundum. Annað handrit höfunda, sem unnu við skilyrði ofbeldis og undirokunar, var sent með sendiboða til Páfans í Róm. Það fór líka í glatkistuna. Páfi gekkst aldrei við að hafa tekið á móti handritinu.

Enn á ný var handrit skrifað af síðasta eftirlifandi höfundinum, Andrew Lobaczewski. En þá brá svo við, að landi hans, Zbigniew Brzezinski (1928-2017) meginhugmyndafræðingur heimsvaldastefnu Bandaríkjastjórnar, kom í veg fyrir birtingu þess.

Eftir hálfa öld grýttrar leiðar til útgáfu, kom verkið loks fyrir almennings sjónir. Á leið sinni urðu höfundar fyrir nákvæmlega þeirri mannillsku, sem þeir skrifuðu sögulega um, þ.e. mannillsku leiðtoganna.

Höfundur segir rannsóknir sínar og félaganna hafa snúist um „kjarnasálsýki“ (essential psychopathy). Samfélög, sem búa við forystu hinna sálblindu eða geðveiku kallar hann „brjálræði“ eða „sturlunarræði“ (pathocracy).

Andrzej heldur því fram m.a., að í sérhverju samfélagi stofni siðblindingjar og aðrir afbrigðungar (deviants) á þeirra valdi, félög til leynimakks og undirróðurs. Félög þessi eru bara að litlu leyti á vitorði almennings.

Hann bendir einnig á þátt tilfinningaalgleymisins (emotionalism) í lífi einstaklinga, hópa og þjóða. Þegar það keyrir úr hófi fram, samþætt dómgreindarleysi og blindu á staðreyndir, örvast sjálfhverfa og sefasýkislegt næmi. Fólk verður ofurviðkvæmt fyrir áreitni, sem veldur sífelldum erjum. Það verður öfugsnúið og ofurgagnrýnið. Slíkt ástand virkar eins og mykjuskán á mý, dregur að sér illa innrætt fólk, sem talar tungum, og kyndir undir hinum illu öflum í samfélaginu.

Víkjum þá aftur að frábærum fræðsluþætti James Corbet:

Sálblindingjar eru undirtegund mannkyns, sem hefur löngum verið viðfangsefni geðlækna, siðfræðinga, trúfræðinga, sálfræðinga og sagnfræðinga. Eins og gefur að skilja er um að ræða fólk, sem skortir samúð og samvisku, kann ekki að skammast sín og þekkir ekki samviskubit. Það gefur siðareglum og lögum langt nef.

Hugsun er órökrétt og óræð. Ofbeldi, sjúkleg stjórnsemi, grimmd og gerræði, er algengt í fari þeirra, enda þótt þessir einstaklingar séu brosmildir viðhlæjendur. Þeir eru alltaf tvöfaldir í roðinu, villa á sér heimildir og ljúga. Þeir eru sjúklega hrifnir af sjálfum sér og telja sannleikann leika sér á tungu. Þeir eru útsmognir, kaldrifjaðir, slóttugir og svífast einskis við að koma ár sinni fyrir borð, rándýr í eðli sínu. Stjórnunar- og eftirlitsþörfin er sjúkleg.

Dæmi úr frétt Daily Mail um stríðskonu í Írakstríðinu: „ Hví í helvítinu ætti ég að sýna eftirsjá, sagði herstúlka, sem misþyrmdi írökskum föngum í Abu Ghraib fangelsinu.“

Sál- og siðblindingjar leita í það umhverfi, sem býður þeim að blómstra – eða þeir skapa sér það. Stríð er dæmigerður vettvangur, stjórnmál er annar. (Þó er ekki þannig að skilja, að allir stjórnmálamenn séu sálsjúkir.)

Í stjórnmálum er mikið um tungulipra froðusnakka og lygara, sem dást að sjálfum sér og eru svo sjálfhverfir, að köllum þeirra í lífinu verður að móta veröldina og okkur hin í eigin mynd. Sjálfsmynd þeirra skal endurspeglast í okkur hinum, hópum, fyrirtækjum og samfélagi.

Frank Delano Roosevelt (1882-1945) er einn kunnasti siðblindingi sögunnar í hópi góðkunningja og siðleysingja eins og Winston Leonard Spencer Churchill (1874-1965) og Iosif Vissarionovich (Jósef) Stalin/Ioseb Dzhugashvili (1878-1953), þríeykisins, sem skipti á milli sín veröldinni, af afloknu öðru heimsstríði.

Þegar samstarfi og vináttu Frank og Jósefs lauk, lét sá fyrrnefndi meira að segja hefja framleiðslu á kjarnorkuvopnum til fjörtjóns Rússum, þrátt fyrir, að í vináttunni fælist margvíslegur stríðsstuðningur Bandaríkjamanna við Rússa.

Jósef gerði þá reginskyssu að snúa baki við angló-saxisku-auðjöfrunum, sem fjármögnuðu uppbyggingu rússnesks samfélags til loka annarrar heimstyrjaldar - og Rauða herinn.

James hefur unnið heimavinnuna sína. Hann leiðir okkur til fundar við heimsþekkt fólk, sem byltist um í sálblindu sinni. Vel gert hjá James.

Blaðamaðurinn snjalli hefur nýlega lokið við gerð þáttaraðar; „Geðveiki andófsins“ (Dissent into madness), sem fjallar um sjúkdómsvæðingu andófs í stjórnmálum eins og við þekkjum svo vel úr gerræðisríkjum á borð við Ráðstjórnarríkin sálugu, og nú er áberandi í vestrænum lýðræðissamfélögum.

Bendi áhugasömum um efnið einnig á verk Robert (Bob) Anthony Altemeyer (f. 1940), sálfræðiprófessors við Manitoba háskólann í Kanada, „Valdlægjurnar“ ( eða undirlægjurnar - The Authoritarians), sem kom út árið 2006.

Róbert sagði m.a.: „Drottnurunum er það að skapi, að þú verðir afhuga stjórnmálum og finnir til vonleysis. Þú flækist fyrir þeim. Þeir óska þess, að lýðræðið líði undir lok, að frelsi þitt verði skert, að jafnræði verði upprætt. Þeir vilja stjórna öllu og öllum, þeir vilja gína yfir öllu. Og undirlægjurnar eru búnar til hergöngu í anda „hinna fornu trúarbragða“, til krossfarar, sem mun eiga sér stað, ef þú spyrnir ekki við fótum.“

Siðblindingar þurfa svo sem ekki að efna til stórstyrjalda í sálsýki sinni. Þeir starfa á fólki og hópum fólks samkvæmt sömu þörf og aðferðum. Við verðum á líðandi stundu vitni að útskúfun, lúalagi og hraksmánun, nær því daglega, þegar fólk spyrnir gegn undirlægjuhætti. Við erum sömuleiðis vitni að því, hvernig annarlegar og skaðlegar bábiljur ná fótfestu meðal stjórnmálamanna, heilbrigðisstarfsmanna og kennara.

Dæmin eru mörg, bæði innan- og utanlands. En spjall læknisins, Scott Jenson, og sálfræðingsins, Jordan Peterson, er einkar fróðlegt í þessu tilliti. Fyrirsögnin er ofríkisskrifræðið“ (Tyranny Through Weaponizing Bureaucracy). Ofríkisfólk beitir skrifræði opinbers valds til að ota sínum tota og auka völd sín.

Þetta blasir við augum í íslensku samfélagi t.d. í sambandi við áróður um hamfarahlýnun, kvenfrelsun og kynleysu. Þar eru opinberar stofnanir vopngerðar í baráttu ákveðinna stjórnmálamanna gegn fólki flest og menningu þess, meira að segja Vinnueftirlitið og Velvirk.

Baráttan fyrrgreindra endurómar í löggjöf, sem þeir keyra í gegn á Alþingi. Aukin heldur koma þeir á fót sérstökum „áróðursherjum“ áhugamannasamtaka með fjármunum úr vösum skattgreiðenda – venjulega í nafni lýðhollustu, jafnréttis, góðmennsku eða mannréttinda. Þetta er stríð svo heilagt, að ekki má beina að því gagnrýnum sjónum.

Lýk þessum pistli með orðum franska sagnfræðingsins, heimspekingsins og skáldsins, Francois-Marie Arouet (1694-1778) eða Voltaire:

„Viljir þú komast að því, hver drottnar yfir þér, má einfaldlega athuga, hvern er bannað að gagnrýna.“

https://mailchi.mp/jordanbpeterson.com/canada-day-1550881-xa3r5x2maj-1551475?e=20ffa53ea9 https://arnarsverrisson.blog.is/blog/arnarsverrisson/entry/2274502/ https://arnarsverrisson.blog.is/blog/arnarsverrisson/entry/2274503/ https://archive.org/details/politicalponerol0000obac https://archive.org/details/ponerologia_politica https://rumble.com/v2ima4g-the-true-story-of-roosevelt-and-the-pearl-harbor-attack.html https://www.redpillpress.com/shop/political-ponerology-expanded/ https://www.serendipity.li/bush/ponerology_preview.pdf http://www.ignaciodarnaude.com/textos_diversos/Ponerologia,Andrzej%20Lobaczewski,Wikipedia.htm https://cassiopaea.org/cass/political_ponerology_lobaczewski.htm https://cassiopaea.org/cass/political_ponerology_lobaczewski_2.htm https://www.sott.net/article/152452-Political-Ponerology-A-Science-of-Evil-Applied-for-Political-Purposes https://laura-knight-jadczyk.com/tag/ponerology/ https://www.corbettreport.com/dissent-into-madness-the-weaponization-of-psychology/ https://www.corbettreport.com/dissent-into-madness-crazy-conspiracy-theorists/ https://www.corbettreport.com/dissent-into-madness-projections-of-the-psychopaths/ https://www.corbettreport.com/flashback-psychopathy/?utm_source=substack&utm_medium=email

Fjölmiðlar fylgja lögmætu mafíunni að málum. Fjölmiðlavændi

Nýlega sagði hinn kunni bandaríski fjölmiðlamaður, Tucker Carlson, á þessa þeið: Ég hef alltof lengi tekið þátt í útskúfunarlygamenningu fjölmiðlanna, þar sem þeir, er okkur þótti öðruvísi og ótilhlýðilega þenkjandi, voru sagðir samsæriskenningasmiðir.

Eini tilgangur fjölmiðla er að ljúga og blekkja. Það er ekki tilgangur þeirra að upplýsa um covid-19, efnahaginn og gang heimsmála, til dæmis, hin stóru mál. Þeir eru í þjónustu fámenns hóps manna sem í raun stjórnar veröldinni, Fjölmiðlar eru þjónar þeirra og lífverðir. Þeir eiga ekkert nema fyrirlitningu skilið.

Þessi fámenni hópur, sem Tucker talar um, á sér mörg nöfn eins og kært barn, m.a.: Þriggja hundraða ráðið, Hin lögmæta mafía, Hinir útvöldu og Ljósálfarnir (Illuminati). Þá er í hnotskurn átt við auðkýfingaættir, sem standa á gömlum mergi, m.a. Rauðskjöldungar (Rothschield) og „Svarti aðalinn.“

Þeir gömlu sameinast hinum nýríku í alls konar hugveitum og alþjóðlegum samtökum eins og Alheimsefnahagsráðinu (World Economic Forum), í viðleitni sinni til að ná enn þá betra taki á oss, aumingjunum. Hópurinn á fulltrúa víða í ríkisstjórnum og stjórnsýslu.

Tucker fetar í fótspor annars blaðamanns, sem hefur helst úr lygalestinni, hins þýska Udo Ulfkotte (1960 – 2017). Skömmu áður en hann varð bráðkvaddur, kom hann með þessa játningu:

„Ég hef verið blaðamaður í aldarfjórðung. Ég var menntaður til að ljúga, svíkja og fela sannleikann fyrir almenningi. En nú er nóg komið og engin leið til baka, þegar ég verð vitni að því, hvernig þýskir og bandarískir fjölmiðlar leitast við að efna til stríðs í heimahögum Evrópubúa og eggja til stríðs við Rússa.

Ég spyrni við fótum og játa fyrri mistök, þ.e. að hafa fólk að ginningarfíflum og semja áróður gegn Rússum. Starfsbræður og -systur hafa rangt við nú sem endranær. Þeim er mútað til að svíkja fólk, ekki einungis í Þýsklandi, heldur um alla Evrópu.“

Í neðangreindu viðtali lýsir Udo, hvernig fjölmiðlaheimurinn lítur út að tjaldabaki. Þar deila og drottna auðmenn, eigendur fjölmiðlanna síðustu öldina eða svo, og panta heimildalausar, upplognar áróðursgreinar, sem styðja við stefnu þeirra og völd. Leyniþjónusturnar – sér í lagi hin bandaríska, CIA – eru oft og tíðum potturinn og pannan í slíkri fjölmiðlun.

Það er svo sem ekki að undra, að Udo hafi fengið hjartaáfall, sem dró hann til dauða. Það er hjartnæmt að heyra hann lýsa æðruleysi sínu: Koma það sem koma vill. Ég hef ekki lengur fyrir börnum að sjá og hef tvisvar fengið hjartaáfall. Mér er ljóst, að uppljóstranir mínar hafi ekkert nema erfiðleika í för með sér.

Udo gaf út bókina „Blaðamenn til leigu“ (Gekaufte Journalisten). Hún er til í enskri þýðingu: „Journalists for hire. How the CIA Buys the News.“ Norski rithöfundurinn, Lars Birkelund, pantaði verkið hjá Amazon fyrir sex árum síðan. Hún er ekki komin enn.

Udo fetar í slóð landa síns, sem sumir hinna eldri lesenda kynnu að muna eftir, Hans Günter Wallraff (f. 1942), rithöfundi og blaðamanni. Hann gaf einnig alþýðu manna innsýn í fjölmiðlasóðaskapinn fyrir áratugum síðan.

Áhugi manna á „fjölmiðlavændi“ er þó hvergi nærri nýr af nálinni eins og ýjað er að. Árið 1998 skrifuðu t.d. Norðmennirnir Björn Nilsen og Finn Sjue bókina, „Dulda dagskrá. Fjölmiðlarnir og leyniþjónusturnar“ (Skult dagsorden: Mediene og de hemmelige tjenestene). Þar er m.a. að finna játningar bandarísks leyniþjónustumanns um ráðningar málaliða úr norskri blaðamannastétt.

https://steigan.no/2020/08/udo-ulfkotte-brente-alle-broer/ https://www.b92.net/eng/news/world.php?nav_id=113347 https://www.youtube.com/watch?v=kAaFEOCHE4I&t=9shttps://www.youtube.com/watch?v=kAaFEOCHE4I&t=9s https://www.youtube.com/watch?v=O3AW2YFbqJE https://www.dailymotion.com/video/x2h265y https://www.youtube.com/watch?v=App8hfb_e1U

Kynami, kynjavitfirring, kennarar og lögreglumenn

Nýlega fordæmdi formaður Kennarasambands Íslands, Magnús Þór Jónsson, félagsmann sambandsins vegna spurninga um fræðslu Samtakanna 78 fyrir kennara. Kennarinn spurði þeirrar einföldu spurningar, hvort fræðsla um kynbreytingar kynni að brjóta i í bága við barnaverndarlög, hvort slík fræðsla gæti skapað andlegt ójafnvægi og kvíða hjá börnum.

Eins og kunnugt er boða Samtökin 78 það fræðilega fimbulfamb, að börn geti valið kyn að vild. Í því efni sé ekkert fast í hendi. Þetta er reyndar áróður en ekki fræðsla í boði ríkisstjórnar Íslands, með kvenfrelsara og kynleysufræðinga VG í broddi fylkingar. Þess má og geta, að Reykjavíkurborg fjármagnar einnig starfsemi Samtakanna. (Líklega á yfirdrætti.)

Kynjafræðingar Landsspítalans eins og formaður Samtakanna 78, segja þá fákunnandi, sem andmæla hugmyndafræði kynbreytingasinna og heilbrigðisþjónustu, veitta á þeim grunni.

Raunar er þessi umræða á villigötum, offors og öfgar eru áberandi. Hún snýst ekki um sjálfsagða umhyggju, lækningu og virðingu fyrir fólki, sem þjáist af kynama (gender dysphoria), ungu og öldnu, eða hefur valið að skipta um kyn. Hún snýst um skilning á fyrirbærinu og hvernig eigi að miðla honum til landsins barna.

En sú spurning hlýtur að vakna, hví Samtökin 78 hafi tekið að sér „fræðslutrúboð“ í samfélaginu, í stað þess að beina kröftunum að því að hlúa að eigin félagsmönnum, heill þeirra og hamingju.

Hvers vegna beita Samtökin 78 óviðurkvæmilegum þrýstingi og útskúfun, sbr. samtal Alexöndru Briem og Örnu Magneu Danks. Sú síðarnefnda segir, þegar Alexandra fagnar fordæminu formanns KÍ:

„En það kom samt ekki af neinu, svo því sé haldið til haga. Ég og aðrir kennarar hafa kvartað og skrifað KÍ í marga mánuði og bent á hegðun viðkomandi kennara og önnur transfóbísk skrif. Það var ekki fyrr en framkvæmdastjóri S78 og sérstök verkefnastýra fóru einnig að beita sér af þunga að KÍ gaf frá sér tilkynningu.

En orð eru ódýr ef ekkert fylgir þeim og ef KÍ fer ekki að ýta á eftir því að farið sé eftir siðareglum kennara um Skóla án aðgreiningar, þar sem kennara ber að nálgast öll börn af sömu virðingu og þjónustu öll börn án fordóma, þá heldur viðkomandi kennari bara áfram á sömu braut og aðrir sem fylgja henni að málum.“

Arna Magnea er herská og beitir sömu lágkúruaðferðum og kvenfrelsararnir, sem sífellt eru kúgaðir og ofsóttir. Þegar málefnið er óskýrt (hegðun og „tansfóbísk skrif“) má alltaf grípa til rógs og útskúfunar. Það er engu líkara, en að heilagt stríð sé í undirbúningi, svipað því og kvenfrelsararnir heyja gegn körlum.

KÍ eins og ríkislögreglustjóri – annálaður kvenfrelsari – hafa gert „fræðslusamning“ við Samtökin 78 um „trúboð“ beint gegn kennurum og lögreglumönnum.

Þessi herferð virðist sambærileg herferð ríkisstjórnarinnar gegn svokallaðri hatursorðræðu og herferð hennar gegn drengjum, feðrum/körlum. Ríkislögreglustjóri er m.a. kunnur fyrir innleiðslu svokallaðrar „austurrískrar leiðar.“ Hún átti sér reyndar upptök í Duluth í Bandaríkjunum eins og flest annað á kynjasviðinu, og felst raunverulega í því að fjarlægja feður/karla af heimilum sínum, þegar í odda skerst, og senda þá í endurhæfingu, en mæðurnar og börnin í kvennaathvarf.

Opinberir starfsmenn eiga líka að læra trúarbrögðin, sem búa að baki haturorðræðufrumvarpi ríkisstjórnarinnar, þ.e. um nauðsyn þess að skerða lýðréttindi. Það snýst um dulbúna málfrelsisskerðingu eða valdhafastýrt málfrelsi. Það á að senda opinbera starfsmenn á námskeið eins og karlana, sem fjarlægðir eru af heimilum sínum. Hver veit, nema Samtökunum 78 verði falið að halda slík námskeið. Þau eru óspör á visku sína.

Þegar öllu er á botninn hvolft, segir reynslan, að í hópi lögreglumanna og kennara sé fjöldi skynsams fólks, þrátt fyrir kynjasannfæringar leiðtoga þess og val á fræðsluefni. Það er beinlínis sorglegt, að því skuli hætt við fordæmingu, velkist það í vafa um visku Samtakanna 78 og yfirmanna sinna, og spyrji spurninga. Því læt ég fylgja fræðsluefni með þessum greinarstúfi. Það er því miður á ensku. (Efni á íslensku má m.a. finna á: arnarsverrisson.is og arnarsverrisson.blog.is.)

Meðal fjölda greina má t.d. finna grein læknisins, Jack Turban. Titill greinarinnar er: „Hvað er kynami.“ (What is Gender Dysphoria?) Hann lýsir hefðbundnum skilningi og nálgun.

Aðalhlutverkið leikur þó geðlæknirinn, Miriam Grossman. Í fyrirlestrum lýsir hún m.a. alvöru skjólstæðingum, baráttu þeirra við umhverfið og heilbrigðiskerfið, hugarvíli og heilsufari – ekki síst, þegar eftirsjáin gerir vart við sig, í kjölfar meðferðar. Því miður er sefjunin slík, að sums staðar er vísindamönnum meinað að rannsaka afleiðingar kynskipta. Meiri þekkingu skortir.

Fyrirlestrunum er hér fylgt upp í viðtali við kanadíska sálfræðinginn, Jordan Peterson, sem öfgakynskiptingar, lærðir og leikir, á Íslandi hafa lýst friðlausan (eða því sem næst). Hann er svo vitlaus, segja delludáleiðendur í Samtökunum 78. Sé Jordan velkominn í hópinn.

Miriam má einnig sjá og heyra í heimildarmynd frá Daily Wire: „Hvað er kona“ (What Is a Woman). Hún hefur lengi reynt að vara við þeirri þróun, sem nú er orðin, sbr. bók hennar frá árinu 2009: „Hvað er verið að kenna barninu mínu“ (You‘re Teaching My Child What?). Þrjár bækur hefur Miriam skrifað til viðbótar. Verk hennar hafa verið þýtt á ellefu tungumál. Þeirra á meðal er „Villuráfandi í margkynjalandi: Leiðbeiningar barnageðlæknis út úr brjálæðinu“ (Lost in Trans Nation: A Child Psychiatrist‘s Guide Out of the Madness).

Kynami er orðinn að sérstakri féþúfu lyfjafyrirtækja og heilbrigðisstarfsmanna. Ný atvinnugrein hefur skotið rótum; kynbreytingaiðnaðurinn. Grundvöllur alls þessa er sefasýki á grunni fyrrgreindrar hugmyndafræði, öfgafræði dulbúin sem virðing fyrir fjölbreytni, frelsi og mannvirðingu – og lífsgleðinni, sbr. gleðigöngurnar.

Í Bandaríkjunum var þessi öfgahreyfing, sprottin af og náskyld kvenfrelsunarhugmyndafræðinni, fjármögnuð og auglýst af auðjöfrum, fyrirtækjum þeirra og sjóðum, sem sjá sér hag í að hleypa upp samfélögum, skapa upplausn, glundroða og ótta.

Nú hafa dáleiddir stjórnmálamenn séð til þess að þess, að áróðurinn sé líka fjármagnaður af skattgreiðendum á almennum vettvangi, í skólum og löggæslu, alveg eins og fagnaðarerindið um frelsun kvenna. Í Múlaþingi ku sveitarstjórnarmenn illa haldnir af „kynbreytingaveirunni.“

Grundvallarmunurinn er sá, að nú dugar ekki lengur að frelsa konur og börn frá körlum og feðrum. Börn skal líka frelsa frá kyni því, sem þeim var „úthlutað“ (eins og það er orðað í lögum Alþingis).

Að lokum heilræði til foreldra: Látið tilburði til delludáleiðingar sem vind um eyru þjóða. Stingið fingri í jörðina, endurlífgið jarðsambandið og styrkist í trúnni á almenna skynsemi – skynsemi og reynslu kynslóðanna. Greinið á milli alvöru vísinda og hugmyndfræðilegra veðurvitavísinda.

Látið hvorki kennara né heilbrigðisstarfsmenn leiða ykkur inn í vitfirringuna. Heimtið alvöru heilbrigðisþjónustu handa ykkur sjálfum og börnunum. Látið ekki byrla börnum ykkar hinni og þessa ólyfjan í kynbreytingaskyni.

Látið ekki kveða ykkur í kútinn, jafnvel þótt þið séu fordæmd af formanni KÍ eða Samtökunum 78. Það er fjöldi foreldra, sem þjáist með börnum sínum í vanda. Það er fullkomlega eðlilegt. Látið ekki kennara, heilbrigðisstarfsmenn, löggæslumenn eða barnavernd, kljúfa fjölskylduna í herðar niður.

Gætið ykkar á villuráfandi stjórnmálamönnum.

P.s. Í spjalli Jordan og Miriam er fjallað um kanadíska drenginn, sem kynjafræðingsstjarnan, laumukvenfrelsarinn og sálfræðingurinn, John William Money (1921-2006), vildi gera að stúlku með hörmulegum afleiðingum. Þetta hef ég fjallað um hér: https://arnarsverrisson.blog.is/blog/arnarsverrisson/entry/2262632/.

Sjá einnig bók John Colapinto: As Nature Made Him: The Boy Who Was Raised as a Girl.

https://rett24.no/articles/transpersoner-tapte-klagesaker-om-foreldreskap-i-strasburg?fbclid=IwAR0qYUct5sPcIwMNJX5Dln3dxb68rSQ4KJcXwfDdxwjioIIfZhqQfjSsExc https://www.youtube.com/watch?v=_b_2CxHdd-8 https://www.miriamgrossmanmd.com/ https://www.youtube.com/watch?v=0IeKSCHXs-0 https://www.realclearpolicy.com/2023/03/03/humanity_for_sale_885193.html https://jbilek.substack.com/p/who-owns-big-pharma-and-the-billionaires https://www.youtube.com/watch?v=eQJHPQpf6mI https://www.youtube.com/watch?v=kXvJRY9ZWpU https://www.frontiersin.org/articles/10.3389/fgwh.2023.1073053/full?fbclid=IwAR3qzIkcf9iU5ErU1a_moX8fcChQAchA4-xaLJ092_BbKKcrgS3Jwt6kJ94 https://shadowrunners.substack.com/p/the-reactionary-misogyny-of-contemporary https://steigan.no/2022/03/mediekonglomerater-som-markedsforer-kjonnsidentitetsindustrien/ https://www.transkoen.dk/2022/11/18/video-organisationen-wpath-hvis-retningslinjer-rigshospitalet-foelger-samarbejdede-med-maend-fra-et-fetichforum-med-kastrationsfantasier-da-wpath-meldte-ud-at-eunuk-er-den-sidst/ https://hudoc.echr.coe.int/eng#{%22fulltext%22:[%2253568/18%22],%22appno%22:[%2253568/18%22],%22documentcollectionid2%22:[%22CLIN%22],%22itemid%22:[%22002-14047%22]} https://reduxx.info/top-academic-behind-fetish-site-hosting-child-sexual-abuse-fantasy-push-to-revise-wpath-guidelines/ https://www.lifesitenews.com/opinion/new-dead-name-documentary-exposes-the-tragic-deadly-consequences-of-transgenderism/?fbclid=IwAR2fL_ACJrU7S1g2aAmJA_kdEhnkNhB9wJv0KYHeoXroZemtxvLAQ_DKmsI https://www.youtube.com/watch?v=SLFGMWoQaCU https://www.youtube.com/watch?v=6AdKaiBWaF4 https://allthatsinteresting.com/david-reimer https://www.dailywire.com/clips/what-is-a-woman-official-trailer http://www.informationclearinghouse.info/57477.htm https://www.youtube.com/watch?v=Su2Z4_iQHz4 https://www.youtube.com/watch?v=wIh8tvRLqck

Satt og logið um stríðið í Úkraínu

Fréttamaður RÚV lýsti því með andköfum um daginn, að fundist hefði myndband af afhöfðun úkraínsks hermanns. Það lá í orðunum, að hér væru rússneskir hermenn að verki. Rússar sögðust ætla að athuga málið. En síðan hefur allt verið hljótt á áróðursvígstöðvum RÚV.

Væri þessi fjölmiðill samkvæmur sjálfum sér, ætti hann líka að birta neðangreinda frétt, þar sem hermenn frá Úkraínu lýsa því, hvernig þeir eru sendir í dauðann af yfirmönnum sínum, sem hirða hýru fallinna undirmanna. Er þetta satt eða logið?

Nefndur miðill – skal samkvæmt lögum vera hlutlaus í fréttaflutningi og upplýsa um allar hliðar máls – hefur ekki vikið einu orði að spillingu úkraínska leiðtogans, sem íslenskir ráðherrar lofa og prísa, faðma og kyssa.

Hinum kynþokkafulla Volodymyr verður seint fullnægt. Hann betlar stöðugt meira fé. Valkyrjusysturnar af Íslandi lofuðu frekari fjármunum frá íslenskum skattgreiðendum. Betlarinn nuddar líka sífellt í öðrum leiðtogum Vesturlanda. Jósef strýkur honum ofurlítið og hvíslar ljúflega í eyru hans, enda á Jósef honum og auðjöfravinum hans eitt og annað upp að inna – ófáa dali.

Seymour Hersh, blaðamaðurinn góðkunni, skrifaði nýlega grein, þar sem hann heldur því fram, að Volodymyr hafi skammtað sér 400 miljóna dala þóknun af eldsneytisgreiðslum frá bandarískum skattgreiðendum. Olían, sem knýr vígtólin hans (flest frá bandarískum skattgreiðendum líka), kemur frá Rússum, að mestu leyti.

Samtímis raknar lygavefurinn um eðli stríðsins og þátttakendur eins og nýlega lekin skjöl bera með sér. Í raun eru vesalings Úkraínumenn peð í tafli stórveldanna í stríði, sem var vandlega undirbúið af Nató með Bandaríkjamenn og Breta – eins og tíðum – í broddi fylkingar.

Stríðsbandalag Nató hangir saman á lygahorriminni. Það er dáðleysi með eindæmum, að Þjóðverjar og aðrir eigendur gaslagnarinnar, sem Norðmenn og Bandaríkjamenn sprengdu í loft upp, skuli ekki svara slíkri stríðsyfirlýsingu.

Úkraínsku hermennirnir eru skyldaðir til að fórna sér fyrir Bandaríkin/Nató í stríði þeirra og Rússa. Þúsundir bandarískra hermanna eru reiðubúnar til þátttöku í bandalagsríkjunum hringinn í kringum Úkraínu, komi kallið. En engu að síður draga bandarískir piltar lappirnar. Færri vilja út að drepa í þágu lýðræðis, mannréttinda og friðar yfirvalda sinna.

Æ fleiri þeirra virðast gera sér grein fyrir, að stríðstilefnið sé í raun yfirvarp til að opna aftur þá ránsleið, sem Bandaríkjamenn og fyrrverandi forseti Rússlands, Boris Yeltsin (1931-2007), stikuðu við fall Ráðstjórnarríkjanna. Bandarískt og alþjóðlegt auðvald ágirnist auðlindir Rússlands nú eins og áður.

http://www.informationclearinghouse.info/57472.htm https://www.globalpolitics.se/scott-ritter-kort-om-usa-nato-tyskland-nord-stream-sabotaget-och-om-ukraina/ https://steigan.no/2023/04/glenn-greenwald-mediene-avslorte-at-de-jobber-for-fbi-og-cia/?utm_source=substack&utm_medium=email https://frettin.is/2023/03/14/katrin-og-thordis-kolbrun-fa-sneid-af-selenski/ https://frettin.is/2023/04/07/fjarstudningur-islenska-rikisins-vid-ukrainu-nemur-45-milljordum-krona/ https://archive.md/ZiZMI https://www.globalpolitics.se/det-heliga-kriget/ https://steigan.no/2023/04/tucker-carlson-ukraina-krigen-er-en-lognens-krig/?utm_source=substack&utm_medium=email https://frettin.is/2023/04/02/svona-laug-amerika-um-stridsglaep-putins/ http://www.informationclearinghouse.info/57467.htm https://frettin.is/2023/03/31/kynjaverold-faranleikans/ https://www.realhistorychan.com/anyt-04072023.html http://www.informationclearinghouse.info/57466.htm http://www.informationclearinghouse.info/57465.htm https://eurasiantimes.com/ukraine-war-zelensky-embezzled-400-million-allocated-by-the-us-for-purchasing-fuel-seymour-hersh/ http://www.informationclearinghouse.info/57470.htm