Rússar mega ræna, rupla og drepa í Evrópu, segir Donald Trump

Það er gömul saga og ný, að forsetar eða forsetaframbjóðendur í landi hinna frjálsu og hugprúðu hverfi af sjónarsviðinu, vilji þeir hefta völd djúpríkisins eða stuðla að friði. John F. Kennedy (1917-1963) og bróðir hans, Robert F. (1925-1968), eru líklega kunnustu dæmin. Það á reyndar líka við um þá, sem ljóstra upp um svik og ólifnað áhrifamanna eins og Clinton og Obama.

Veröldinni er að miklu leyti stjórnað af auðkýfingum, auðhringum og stofnunum þeirra, eins og Sameinuðu þjóðunum (áður Þjóðabandalaginu), Black Rock, hergagna- og lyfjasamsteypunum, Alþjóðagjaldeyrisvarasjóðnum, Alþjóðabankanum, Alheimsefnahagsráðinu (World Economic Forum) og Nató.

Nató (North Antlantic Treaty Organization) var stofnað fyrir tilstilli Bandaríkjanna í lok annarrar heimstyrjaldarinnar. Þá höfðu Íslendingar búið við hernám frelsisunnandi Breta og Bandaríkjamanna, þar á undan Dana.

Eins og bændur og hestamenn vita leitar klárinn þangað, sem hann er kvaldastur. Það gera líka tvífættir Íslendingar. Þeir gengu böðlum sínum á hönd og tóku þátt í stofnun þessa bandalags til varnar sovésku veirunni eða Rússagrýlunni. Slíkt samband er líka þekkt milli pyndingaböðla og fórnarlamba þeirra.

Bandaríski þingmaðurinn, Robert Alphonso Taft (1889-1953), greiddi atkvæði gegn stofnun þessa félagskapar árið 1949, með orðunum:

„Nú þegar hefur verið stofnað til sameiginlegra hernaðaráætlana. … Því mun það [Nató] verða varnar- og árásarbandalag gegn Rússum. Það er trúa mín, að utanríkisstefna okkar ætti fyrst og síðast að miða að öryggi og fríði, og að mínu viti leiðir slíkt bandalag fremur til stríðs en friðar. Þriðja heimstyrjöldin yrði skelfilegasti harmleikur, sem yfir mannkyn gæti dunið.

Jafnvel þótt við ynnum slíkt stríð yrðum við að þola gífurlega eyðileggingu, hagkerfi okkar myndi brotna saman og frelsi okkar og frjáls samfélagsskipan myndi fara forgörðum eins og átti við um Evrópu í seinni heimstyrjöldinni. Hún gæti sem hægast eytt öllu lífi af jörðinni.

Hvernig ætli okkur myndi líða ef Rússar tækju upp á því að vígvæða ríki á landamærum okkar eins og Mexíkó, til dæmis? Og svo má spyrja, hvort við höfum efni á þessari nýju aðstoð í útlöndum? …“

Því miður hefur Róbert reynst sannspár. Nató hefur stundað látlaus stríð frá stofnun þess eða hér um bil. Heilaþvottur almennings hefur dugað þessu drápssvalli til framdráttar og réttlætingar.

En það er með heilaþvottinn eins og bólusetningarnar. Máttur þeirra þverr smám saman. Því hafa eigendur hergagnaiðnaðarins og nátttröll þeirra í stjórnmálunum, svo og atvinnuhermenn, hafið upp ófagra raust sína enn á ný og sá Rússaveirunni í sálir fólks með dyggri aðstoð fjölmiðla sinna og samherja.

Líklega hefur Donald Trump skotið þeim skelk í bringu. Honum er eins og Davíð forðum, illa við óreiðumenn, og ætlar að láta þá éta það, sem úti frýs, þegar óvígir herir óvildarmannsins, Vonda-Valdimars, sýna á sér fararsnið og stefna vestur.

Það þarf varla að orðlengja það, að steinum var dreift í götu framboðs Roberts til forseta 1952. Hann var sonur fyrrum forseta, William Howard Taft (1857-1930), sem Gyðingaauðkýfingarnir unnu gegn 1912, svo koma mætti handbendi þeirra og stríðsæsingamanni, Thomas Woodrow Wilson (1856-1924), að.

Woodrow okkar tíma er hinn elliæri, Jósef Biden, sem styður dyggilega við kynskiptaaðgerðir á tíu ára börnum og dráp þeirra í hrönnum á Gaza. Annars er ekki víst, að hann reki minni til, hvar Gaza er á jörðinni.

https://www.newworldencyclopedia.org/entry/Robert_Taft https://www.history.com/topics/us-presidents/william-howard-taft https://www.realnewsandhistory.com/anyt-02-12-24/ Viðbót: https://korybko.substack.com/p/trumps-nato-comments-are-actually?utm_source=post-email-title&publication_id=835783&post_id=141626696&utm_campaign=email-post-title&isFreemail=true&r=ry8jq&utm_medium=email https://sputnikglobe.com/20240212/european-nato-members-know-russia-threat-rhetoric-is-a-lie---expert-1116744370.html https://www.globalpolitics.se/glenn-diesen-biden-vs-trump-har-djupgaende-konsekvenser-for-varldsordningen/

Stríðið og sagan. Valdimar Putin og Hróbjartur Kennedy

Það geisa skelfileg stríð í veröldinni þessa dagana. Þau eru hluti af (þriðju) heimstyrjöldinni. Eins og venjulega er þeim hrundið af stað sökum græðgi hinna valdasjúku, ofsaríku og siðblindu, sem hafa fólk að leiksoppi, beita það valdi, blekkingum og áróðri.

Eins og allir vita eru slík hagsmunastríð háð með vopnum fyrir botni Miðjarðarhafs, á Arabíuskaganum, í Írak, Sýrlandi og Kongó. Samtímis eru háð áróðursstríð til að réttlæta ófögnuðinn.

Leiðtogar Evrópu vopnvæðast af kappi, samtímis því, að efnahagi þjóða þeirra hnignar. Pólverjar og Þjóðverjar hafa á ný hafið kapphlaupið um völdin í Evrópu. Andlegur vígbúnaður á Norðurlöndunum er eftirtektarverður. Herforingjar og stjórnmálamenn hvetja til viðbúnaðar og vígvæðingar, því Rússarnir eru að koma.

Í vestrænum áróðursfjölmiðlum er tekið undir stefið. RÚV fann meira að segja hjá sér hvöt til að leyfa norskum hershöfðingja að messa yfir landsmönnum gamla óttatuggu herskáustu þjóðar Norðurlanda, sem hvarvetna er til staðar, þegar drepa skal fólk.

Það kynnu þó að vera heillavænlegar breytingar á fjölmiðlasviðinu (varla hjá RÚV). Bandaríski blaðamaðurinn, Tucker Carlson, átti viðtal við manninn, sem engin má eða nennir að hlusta á, Vladimir Putin, sem gaf veröldinni gagnlega kennslustund í sögu og alþjóðastjórnmálum. Það hefði Sergei Lavrov – sem Bogi Ágústsson kallar bullara – vafalaust líka getað gert.

Viðtalið við Valdimar hefur orðið Cynthia Chung, einum hinna markverðu úr hópi samtímasagnfræðinga, hvati til greinarskrifa, sem áhugasamir um staðreyndumræðu og alþjóðamál ættu ekki að láta fram hjá sér fara.

Hróbjartur (Robert) Kennedy, forsetaframbjóðandi og verndari Ísraels, hefur líka fjallað um stríðið í Úkraínu. Hann bendir m.a. á þær hvatir Bandaríkjanna og Nató, sem búa að baki; græði í peninga og auðlindir. Í máli hans kemur svo sem ekkert nýtt fram, að það er sérstakt, að forsetaframbjóðandi á hinu harmþrunga eða grátbroslega leiksviði stjórnmála í landi hinna frjálsu og hugprúðu, skuli tíunda þetta. Og svo er góð vísa aldrei of oft kveðin.

Það sem hinum ágæta baráttumanni, Hróbjarti, virðist þó sjást yfir, er, að það eru sömu meginöfl, sem heyja stríð í Úkraínu, Ísrael, Kongó og Miðausturlöndum. Þar berjast þau bæði með vopnum og undirróðri. Í heimahögunum há þau veirustríð, stunda kynbyltingu og annars konar menningarupplausn. Nú er það hræðsla við innrás frá Rússlandi, sem enn þá einu sinni skal berja okkur til undirgefni við stríðsbrjálaða stjórnmálamenn og sölumenn dauðans. Heróp þeirra bergmála í fjölmiðlum eins og hvert annað fagnaðarerindi.

Stríðshaukarnir vísa einu sinni enn á bug tilboði Rússa um friðarsamninga.

https://steigan.no/2024/02/robert-f-kennedy-med-noen-sannhetsord-om-krigen-i-ukraina/?utm_source=substack&utm_medium=email https://steigan.no/2024/02/usa-avviser-putins-siste-tilbud-om-forhandlinger-om-ukraina/?utm_source=substack&utm_medium=email https://www.youtube.com/watch?v=fOCWBhuDdDo https://cynthiachung.substack.com/p/on-president-putins-interview-with?utm_source=cross-post&publication_id=309240&post_id=141536470&utm_campaign=260045&isFreemail=true&r=ry8jq&utm_medium=email Viðbót: https://michelchossudovsky.substack.com/p/tucker-carlson-and-vladimir-putin?utm_source=post-email-title&publication_id=1910355&post_id=141603627&utm_campaign=email-post-title&isFreemail=true&r=ry8jq&utm_medium=email

Vondi karlinn, Vladimir Putin

Allar götur síðan Vladimir Putin þráaðist við að veita Norðmönnum og fleirum leyfi til að reyna að bjarga kafbátnum, Kursk, sem fórst í Barentshafi árið 2000, hef ég litið á hann með ygglibrún.

Mér þótti niður, þegar Rússar töldu sig neydda til innrásar í Úkraínu. En hvað var til ráða? Rússum þótt sér renna blóðið til skyldunnar að stöðva morðin á úkraínskum Rússum á fornu, rússnesku landi. Friðarsamningar við Vesturveldin og yfirvöld í Úkraínu höfðu verið virtir að vettugi og gengið hafði verið á bak öllum loforðum um stækkun Nató í austur.

Jafnvel þótt hlaupið hefði í nöp á mér hjó ég eftir því, hversu fróður Valdimar var um sögu og alþjóðalög – og hversu rökfastur hann var. Þetta sýnir hann líka í bráðmerkilegu viðtali við bandaríska blaðamanninn, Tucker Carlson.

Þeir koma víða við. Valdimar fer með staðreyndir, þegar svo ber undir, og túlkanir hans, bæði á stríðinu við Vesturlönd í Úkraínu, og alþjóðamál eru skynsamlegar.

Ég hefði gjarnan viljað heyra meira um skilning Valdimars á stríðinu í Téténíu og um átökin annars staðar í Kákasus og í Íran, þar sem Leyniþjónusta Bandaríkjanna (CIA) og svokölluð frjáls félagasamtök (nongovernmental organization) með auðkýfinginn, George Soros, í broddi fylkingar, reyna hverja litaskrúðsbyltinguna (color revolution) á fætur annarri.

Það hefði líka verið áhugavert að heyra vangaveltur Valdimars um Pussy Riot og þess konar afbrigði vestrænnar „innrásar“ í rússneskt menningarlíf. Íslenskir Alþingismenn eru sértaklega hrifnir af því frumkvæði. Glamur stúlknanna á gítara og öskur, telja þeir sjálfsögð mótmæli gegn stirðbusalegu siðferði Valdimars og flestra Rússa. Þeir vilja vernda rússneskt ungviði gegn kynleysuhugmyndafræðinni, sem íslenskir kennarar nú kenna samkvæmt námskrá í skólum.

Stúlkurnar fengu lengi vel að glamra og belja tiltölulega óáreittar. En þegar þær svívirtu kirkjur og tóku upp á því að troða frosnu fiðurfé upp í skeið sína með kröfum um að María mey yrði kvenfrelsari, var sómakenndinni misboðið, og skjóðunum var stungið í steininn.

Þegar þær losnuðu úr prísundinni urðu þær kvenfrelsunarflóttamenn. Þáverandi utanríkisráðherra, Þórdísi Kolbrúnu Reykfjörð Gylfadóttur, sem áður hafði kvatt íranskar konur til uppreisnar í nafni kvenfrelsunarmannréttinda, og kysst karla í Kænugarði af sérstakri velþóknun, lýsti ánægju sinni með það, að tvær stúlknanna fengu ríkisborgararétt á Íslandi, svo þær kæmust í skjól fyrir rússneskum yfirvöldum. Það þótti ÞKRG greinilega sæmandi andóf gegn vonda Valdimari, en rúsínan í þeim pylsuenda var vitaskuld heimköllun sendiherra vor í hinu illa ríki rússneskra.

Stjórnvöld á Vesturlöndum hlusta hnuggin og sannleiksfrömuðafyrirtæki þeirra og stríðsmanna leggja nótt við nýtan dag við að sýna fram á upplýsingaóreiðu í máli Valdimars.

Það er ástæða til að þakka Tucker fyrir viðtalið og vonandi verða þau fleiri. Vonandi kemur líka að því, að Bandaríkjamenn þakki Rússum fyrir minnismerkið um fórnarlömbin frá Tvíburaturnamorðunum og að kynfrelsunaraðgerðasinnar komi ekki aftur í veg fyrir þátttöku Rússa í minningarathöfn um rússnesku sjóliðanna átta, sem fórust við björgunarstörf í brunanum mikla í San Francisco 1863. Aðalerindi rússneska sjóhersins var reyndar að bjarga Norðurríkjunum og Abraham Lincoln.

https://geopoliticaleconomy.substack.com/p/putin-tucker-carlson-china-cia?utm_source=post-email-title&publication_id=457596&post_id=141550453&utm_campaign=email-post-title&isFreemail=true&r=ry8jq&utm_medium=email https://www.history.com/this-day-in-history/russian-sub-sinks-with-118-onboard https://stopworldcontrol.com/putin/ https://informationclearinghouse.blog/2024/02/08/carlson-interviews-vladimir-putin/15/ https://steigan.no/2024/02/tucker-carlsons-intervju-med-vladimir-putin-2/?utm_source=substack&utm_medium=email https://www.globalpolitics.se/tucker-carlsons-fullstandiga-intervju-med-vladimir-putin/ https://expose-news.com/2024/02/09/tucker-carlson-interviews-vladimir-putin/ https://www.youtube.com/watch?v=fOCWBhuDdDo