Enrico Mattei. Systurnar sjö, kalda stríðið og Bíblíubrjálæðið

Ítalinn, Erico Mattei (1906-1962), skipulagði andspyrnuna á Norður-Ítalíu gegn Benito Mussolini (1883-1945) í annarri heimstyrjöldinni. Þegar henni lauk stofnaði hann lítið efnatæknifyrirtæki í Mílanó. Síðar fékk Enrico það verkefni að ganga af olíuríkisfyrirtæki Ítala dauðu. En hann vildi ekki taka þátt í niðurlægingu þjóðar sinnar og efldi fyrirtækið í staðinn.

Enrico bakaði sér með þessu uppátæki óvinsældir glæpasamtaka á Ítalíu og olíudrottnanna á Vesturlöndum. Hann gaf þeim nafnið, „systurnar sjö.“ Það voru bresk, hollensk og bandarísk fyrirtæki, sem saman höfðu náð tangarhaldi á nær allri olíuframleiðslu heims. Fyrirtækin nutu stuðnings yfirvalda í heimi, þar sem nú ríkti köld styrjöld en ekki heit.

Eins og allir vita sátu Rússar (Ráðstjórnarríkin) og Kína og aðrir ljótir menn, um saklaus Vesturveldi, m.a. aumingjans Íslendinga. Þar hrukku börn upp við martraðir um Rússagrýluna og kjarnorkustyrjöldina, sem ljótu karlarnir vildu heyja. Þó höfðu Bandaríkjamenn einir beitt slíku vopni.

Skömmu eftir að bókstaflegu hernámi lauk og Íslenskir stríðsfangar höfðu verið leystir úr haldi og dæmdir fyrir landráð, þótti Íslendingum ráð að leita aftur til kvaldara sinna eins og hrossin gera. Þeir fólu öryggi sitt og sál í hendur þeim í Varnarbandalagi vestrænna ríkja, Nató (North Anlantic Alliance Organization), sem stofnað var af Bandaríkjunum í því skyni að verja frelsi, lýðræði og mannréttindi á Vesturlöndum. Nú nær þetta hernaðarbandalag um hálfan hnöttinn.

Það voru þó þjóðarleiðtogar, sem höfðu aðrar hugmyndir um veröldina og valdatafl en forystumenn alþjóðaauðvaldsins í City og London, Amsterdam og Wall Street, og stjórnmálabrúður þeirra.

Einn þeirra var John F. Kennedy (1917-1963), forseti Bandaríkjanna. Hann var skotinn. Annar var Charles de Gaulle (1890-1970), sem vildi bæta fyrir og gera upp franska nýlendustefnu, frelsa Algeríu og tengjast bæði Ráðstjórnarríkjunum og Kína. Hvað hann gerði. Hann andæfði líka drottnum Breta og Bandaríkjamanna í Nató. Hann lifði af fjölda morðtilrauna.

Enrico andæfði líka alþjóðaauðvaldinu. Hann stofnaði til viðskiptatengsla í trássi við systurnar sjö. Enrico sá fyrir sér ríki „þriðja heimsins“ blómstra og auðgast af eigin náttúruauðæfum. Hann beindi sjónum líka austur á bóginn, til Miðausturlanda og Austur-Evrópu. Enrico bauð eigendum náttúruauðævanna fyrirkomulag við olíuvinnslu, sem færði þeim 75% hagnaðar. Það var ótækt.

Það vildi svo vel til, að flugvél hans fórst. Þrír menn létu þar lífið. Einn þeirra var flugmaðurinn, verðlaunaður stríðskappi. Það var bara svo vont veður, sögðu ítölsk yfirvöld í áratugi. En hið sanna hefur komið í ljós, sprenging var um borð.

Bretar og Bandaríkjamenn hafa lengi barist heiftúðlega fyrir hagsmunum sínum í Miðausturlöndum með öllum tiltækum ráðum, undirferli og stríði, t.d. í Íran. Undir aldamótin brugguðu þeir launráð með hreyfingu Síonista til að koma á fót Gyðingaríki í Palestínu. Það kallaði bandaríski hershöfðinginn, Alexander Haig (1924-2010), landfast flugmóðurskip.

„Stríðsfleyinu,“ Ísrael, hefur verið beitt í þágu landvinninga, bandalaga, yfirráða og efnahagsstríðs. T.d. var þessu vopni beitt gegn Egyptum 1967 í svokölluðu sex daga stríði, þegar Gamal Abdel Nasser (1918-1970) gerðist svo djarfur að þjóðnýta Súez skipaskurðinn. Aftur 1973 í Yom Kippur tálbeitustríðinu. Það var runnið undar rifjum Henry Kissinger (1923-2023) og alþjóðlega djúpríkisins til að hækka olíuverð.

Sagan endurtekur sig. Nú stendur stríð Ísraels og Palestínumanna yfir, trúlega í samvinnu við forystu Hamas, til að tryggja viðskiptahagsmuni Ísraels og Vesturveldanna, m.a. olíu og gas undan ströndum Gaza og flutningsleiðir heimshluta á milli, t.d. nýjan skipaskurð, sem liggja skal í gegnum Gaza.

Okkur er sagt, að hér sé sama guðlega forsjón að verki og þegar Ísrael var stofnað. Guð hafði lofað - eins og stendur í gamalli bók – útvalinni þjóð sinni landi í Palestínu. Þessa túlkun kristni og Gyðingdóms hafa helstu trúfræðingar þeirra sammælst um. En það er engu að kvíða. Upprisa frelsarans er innan seilingar, nú þegar þriðja heimstyrjöldin er í burðarliðnum.

Það gefur auga leið eins og Brjálaði Bensi og Bjarni Ben (utanríkismálaeinræðisherra) segja. Ísraelar mega verja sig. Og vitaskuld hafa Bandaríkjamenn og Bretar ekki verið leystir undan þeirri þungbæru kvöð að verja frelsi, lýðræði og mannréttindi í veröldinni – eins og þeir gerðu á Íslandi í annarri heimstyrjöldinni og nú í Ísrael.

Ég bið frumkristilegar bænir mínar og sofna því fullur trúnaðartrausts í kveld.

https://matthewehret.substack.com/p/frances-historic-bond-with-china?utm_source=post-email-title&publication_id=260045&post_id=141132289&utm_campaign=email-post-title&isFreemail=true&r=ry8jq&utm_medium=email https://www.britannica.com/biography/Enrico-Mattei https://fly.historicwings.com/2012/10/the-mystery-of-enrico-mattei/ https://www.encyclopedia.com/people/history/italian-history-biographies/enrico-mattei https://chinarising.puntopress.com/2024/01/28/president-charles-de-gaulle-made-france-the-first-major-western-power-to-be-mutually-recognized-by-the-peoples-republic-of-china-27-january-1964-china-rising-radio-sinoland-240127/ https://en.wikipedia.org/wiki/Big_Oil#As_the_Seven_Sisters https://en.wikipedia.org/wiki/Enrico_Mattei https://archive.org/details/seven-sisters-oil https://www.aljazeera.com/program/featured-documentaries/2013/4/26/the-secret-of-the-seven-sisters/

Tæknihyggjugerræðið. Mattias Desmet

Við þurfum nýja menningu í stjórnmálunum, þar sem sannleikurinn er hafinn til vegs og virðingar. Við þurfum öðruvísi orðræðu, samtal, sem á uppsprettu sína í sálinni sjálfri og hjartanu, þar sem grunnhyggninni, holum rómi og áróðri er kastað fyrir róða. Við þörfnumst þess, að stjórnmálamenn gerist sannsögulir leiðtogar á nýjan leik, leiðtogar sem gera sér far um beina fólki á rétta braut en ekki villigötur.

Svo mælti sálfræðingurinn, Mattias Desment, í rúmenska þinginu nýlega.

Mattias er prófessor í sálfræði við Háskólann í Ghent í Belgíu. Hann skrifaði bókina, „Sálfræði gerræðishyggjunnar“ (The Psychology of Totalitarianism) og fetar þar í slóð margra merka manna eins og Wilhelm Reich (1897-1957), Theodor W. Adorno (1903-1969), Hanna Arent (1906-1975) og Robert A. Altemeyer (f. 1940).

Hann segir í hnotskurn: Nýtt úrval hefur sprottið úr jarðvegi efnahyggjunnar, sem altekur huga fólks um þessar mundir. Þetta úrval beitir áróðri í því skyni að stjórna alþýðunni, þar sem tengsl hafa rofnað og einsemdar gætir í vaxandi mæli. Fólk einangrast með tækni sinni og verður sífellt næmara fyrir sefjun. Það lýtur valdinu umyrðalítið. Það finnur öryggi í ríkisvaldinu.

Mattias vísar til orð þýska félagsfræðingsins, Hönnu Arendt: Alræðið er afsprengi djöfullegs samnings fjöldans og stjórnmálaleiðtoganna. Hann rifjar einnig upp orð forngríska heimspekingsins, Aristótelesar, um þá dygð að segja satt, jafnvel þótt samfélagið skelli skollaeyrum við.

Samfélagið lifir í lygi, sem sögulega séð er ný af nálinni. Lygin felst í áróðri, sbr. veirukreppuna, Úkraínukreppuna og stríðið í Ísrael/Palestínu. Áróður er leiðin, sem yfirvöld beita til að stjórna hjörðinni. Þannig fæst fólk til að hlýða, gleypa stjórnarstefnuna. Lausnin er ekki áróðurstæknialræði.

Það eru siðgæðin í hinu opinbera samtali sem er kjarni hins góða samfélags. Þegar upp er staðið, er maðurinn siðvera. Og þegar samtalið er brenglað, verður samfélagið sjálft brenglað. Það er markmið í sjálfu sér að tala satt. Það gerir okkur mannleg. Við berum öll ábyrgð; tölum sannleikanum samkvæmt.

Að þessu sögðu gæti verið hollt og gott að rifja upp orð annarra fræðimanna:

Hannah Arendt (1906-1975), var alræðið hugleikið. Hún segir í bók sinni „Uppruna alræðisins“ (The Origins of Totalitarianism):

„Kjörviðfang alræðisins er hvorki sannfærður nasisti né sannfærður kommúnisti, heldur fólk, sem misst hefur skynbragð á aðgreiningu staðreyndanna og ímyndunarinnar (þ.e. reynslunnar af raunveruleikanum) og aðgreiningu sannleikans og ósannindanna (þ.e. viðurkenndrar hugsunar).“

Kanadíski sálfræðiprófessorinn, Robert (Bob) Anthony Altemeyer (f. 1940), skrifaði merkilega bók með titlinum, „Valdlægjurnar“ ( eða undirlægjurnar - The Authoritarians), sem kom út árið 2006.

Þar segir Róbert m.a.: „Drottnurunum er það að skapi, að þú verðir afhuga stjórnmálum og finnir til vonleysis. Þú flækist fyrir þeim. Þeir óska þess, að lýðræðið líði undir lok, að frelsi þitt verði skert, að jafnræði verði upprætt. Þeir vilja stjórna öllu og öllum, þeir vilja gína yfir öllu. Og undirlægjurnar eru búnar til hergöngu í anda „hinna fornu trúarbragða“, til krossfarar, sem mun eiga sér stað, ef þú spyrnir ekki við fótum.“

Austurríski sálkönnuðurinn, Wilhelm Reich, skrifaði fjölda verka. „Hjarðsálfræði fasismans“ (Massenpsychologie des Faschismus) er trúlega þeirra mikilvægust. Hann segir m.a.:

Fasismi er sprottinn úr íhaldssemi jafnaðarmanna annars vegar og þröngsýni og glöpum auðvaldssinna hins vegar. Fasisminn bjó yfir grimmilegri íhaldssemi, engu minni en þeirri, sem hafði lagt líf og eignir í rústir á miðöldum. Lögð var rækt við svonefnda þjóðlega hefð á goðsögulegan og grimmdarlegan hátt, sem hafði ekkert með sanna þjóðerniskennd eða tengsl við jörðina að gera. Með því að kalla sig bæði byltingarmenn og jafnaðarmenn hlupu fasistarnir í skarðið fyrir jafnaðarmennina.

Í bók sinni (og fl.) „Undirgefnu manngerðinni (The Authoritarian Personality), varaði þýski félagsheimspekingurinn, Theodore Adorno, við því, að enda þótt alræðissamfélög tuttugustu aldar hefðu liðið undir lok, hyrfu ekki hætturnar, þ.e. sefjunarnæmi fjöldans, hjarðarinnar, væri enn til staðar. Fólki stafaði eftir sem áður hætta af fjölmiðlun og þrýstingi yfirvalda, sem leituðust við að móta líf þeirra, hugsun og hátterni.

https://thorsteinn.substack.com/p/mass-formation-and-the-totalitatian https://efrat.substack.com/p/sincere-speech-by-prof-mattias-desmet?utm_source=post-email-title&publication_id=1148466&post_id=139752878&utm_campaign=email-post-title&isFreemail=true&r=ry8jq&utm_medium=email https://winteroak.org.uk/2024/01/29/our-quest-for-freedom-remembering/ https://frettin.is/2022/10/12/eru-stjornvold-illgjorn-arodur-dulsmal-og-daudans-thogn/ https://arnarsverrisson.blog.is/blog/arnarsverrisson/entry/2274502/ https://arnarsverrisson.blog.is/blog/arnarsverrisson/entry/2274503/ https://twitter.com/DesmetMattias/status/1704169340461821958?ref_src=twsrc%5Etfw%7Ctwcamp%5Etweetembed%7Ctwterm%5E1704169340461821958%7Ctwgr%5Ea3ea064edaf32ca0b26a8711aaca6e3bf60394b3%7Ctwcon%5Es1_&ref_url=https%3A%2F%2Fsteigan.no%2F2024%2F01%2Fmattias-desmet-holdt-tale-i-det-rumenske-parlamentet%2F https://lovoghelse.no/2024/01/28/mattias-desmet-holdt-tale-i-det-rumenske-parlamentet/