Greindin sem glutraðist niður. Vísinda- og menningarkreppan. VIII: Greind og kvenfrelsunarvísindi

Síðustu áratugi hafa kvenfrelsarar riðið röftum í æðri menntastofnunum á Vesturlöndum, með þann arf í farteskinu, sem áður er gerð grein fyrir.

Steven Goldberg, (f. 1941) benti, þegar árið 1973, á kvenfrelsunarfræðafúskið: „Það er [vísinda]blekking, þegar kvenfrelsarar í nafni fræðilegra rannsókna, eru svo fúsir til að upphugsa staðreyndir, hafna þeim eða taka til sín, eftir því, hvernig [staðreyndirnar] höfða til tilfinninga þeirra.“

Það sama gerði þýsk-argentínski læknirinn og sálfræðingurinn, Esther Vilar: „[K]onur bera enga virðingu fyrir vísindalegum staðreyndum og sýna eingöngu áhuga því, sem kemur þeim að gagni hér og nú.“

Kvenfrelsarar hafa leitast við að glæða lífi augljósa fásinnu, bábiljur, trölla- og goðsögur, með fræðum og vísindum, sem iðulega hafa reynst villuljós.

„Kvenfrelsarar hafa verið óvandaðir að virðingu sinni í því, er lýtur að staðreyndum,“ segja hagfræðingarnir, Diana Furchtgott Roth og Christine Elba, í bók sinni „Kvenfrelsunarkreppunni.“ (The Feminist Paradox.)

Steven Pinker, sem áður er nefndur til sögu, tekur í sama streng: „Kvenfrelsunarbarátta fyrir jafnrétti í stjórnmálalegu og félagslegu tilliti er mikilvæg, en kvenfrelsunarfræðaklíkur á háskólastigi, sem einbeita sér að furðukennisetningum, eru það ekki. ... [því] kynerfðakvenfrelsun steytir gegn vísindunum. ... [Kvenfrelsararnir] berjast með kjafti og klóm gegn rannsóknum á kynferði og mismuni kynjanna. ... [Það er] meginástæðan fyrir því, að heiftúðlega er spyrnt gegn beitingu vitneskju um þróun, erfðafræði og taugafræði, í umræðu um mannshugann.“

Bandaríska sálfræðingnum, Shari L. Thurer, rekst svo sannarlega rétt orð á munn, þegar hún segir: „Upplýsingar af vísindalegum toga eiga erfitt uppdráttar, þegar vinsælar goðsagnir eru annars vegar, sérstaklega þegar þær ganga í berhögg við hleypidóma, sem fólki er annt um.“

Í alvöru vísindum eru gerðar strangar kröfur um sönnunarfærslu, þ.e. að skoða, hvort ákveðin kenning, tilgáta eða fullyrðing, hafi við rök að styðjast, sé raunsönn. Því þarf í sjálfri tilgátunni að segja til um, hvaða niðurstöður eða rannsóknargögn muni annað tveggja, sanna eða afsanna (falcification) hana. Rannsaka má í sjálfu sér, hvað sem er, en samt sem áður er gerð sjálfsögð krafa um, að rannsóknarefnið sé fræðilega undirbyggt með tilliti til þess, sem aðrir hafa gert og í fullum samhljómi við fræðilega (og almenna) skynsemi.

Niðurstöður vísindalegra athuganna verða sem sé að standast gagnrýna skoðun, svo leggja megi mat á áreiðanleika niðurstaðnanna og gildi þeirra mælinga og hugtaka, sem notast er við. Þess vegna er leitast við að staðfesta niðurstöðu með endurtekinni athugun annarra vísindamanna.

Bandaríski stærðfræðingurinn, James A. Lindsay (f. 1979) og breski sagnfræðingurinn, Helen Pluckrose, eru ómyrk í máli um þróun vísindanna:

„Eitthvað hefur farið úrskeiðis í æðri menntastofnunum – sérstaklega á vettvangi hugvísinda. Fræðimennska miðar síður að því að leita sannleikans, en snýst þess í stað um félagsleg harmkvæli (social grievance). [Þetta] er margstaðfest, jafnvel alls ráðandi á nefndum sviðum. [Hlutaðeigandi] fræðimenn iðka það í auknum mæli að þvinga (bully) nemendur, skrifstofumenn og aðrar deildir, til að deila heimsmynd sinni. Þessi heimsmynd er ekki vísindaleg, hún er laus í reipunum (not rigorous).“

Bandaríski vísindablaðamaðurinn, David H. Freedman, segir í grein sinni: „Lygar, bannsettar lygar og læknavísindi“ (Lies, Damned Lies, and Medical Science): Margar af þeim niðurstöðum, sem rannsakendur á sviði lækninga komast að, eru iðulega blátt áfram rangar. Svo hvernig má það vera, að læknar nýti sér falsupplýsingar í daglegu starfi sínu í verulegum mæli?

Bandaríski sálfræðingurinn, Linda Susanne Gottfredson (f. 1947) bendir á, að ástandið við bandarískar menntastofnanir dragi dám af rétttrúnaði við austur-evrópskar stofnanir fyrir hrun Ráðstjórnarríkjanna. Bandarískir vísindamenn játast opinberum rétttrúnaði stjórnvalda og sýsla með sitt. Hún segir:

Vísindasamfélag skal byggt á grunni „fræðilegrar viðmiðunar um hæfni, sköpunargáfu og agaðrar rökvísi (intellectual rigor). En slíkt samfélag verður samt sem áður uppspretta spillingar hugans, þegar félagar þess beita vísindalegum viðmiðunum í þágu annarra hvata – eins og peninga, stjórnmála, trúarbragða [eða] ótta.“

Það er ekki bara svo, að lygar hafi umhverfst í sannleika, heldur er rétttrúnaðaráróður á vegum vísindasamfélagsins, stjórnvalda, fjárglæframanna, fjölmiðla og iðnaðarauðvaldsins, svo yfirgengilegur, að þaggað er miskunnarlaust niður í fólki, vísindalegar niðurstöður fjarlægðar af vefnum og sniðgengnar af almenningsbókasöfnum og upplýsingaveitum.

Danski líffræðingurinn, Kåre Fog (f. 1949) hefur rannsakað fyrirbærið. Hann skrifaði greinina, „Kvenfrelsunarritskoðun,“ í „Tímarit fyrir upplýsingasiðferði“ árið 2018. Hann segir m.a.:

„Formælendur kvenfrelsunar eiga greiðan aðgang að fjölmiðlum. Öðru máli gegnir um þá, sem andmæla málflutningi þeirra, jafnvel þótt í anda jafnréttis sé. Sömu sögu er af sjónvarpsþáttum að segja. Sé kvenfrelsurum andmælt, er tjaldið samstundis dregið niður og aðgangur bannaður. Það er afar erfitt að finna útgefanda að bók, þar sem kvenfrelsun er gagnrýnd. Takist það á annað borð, er líklegt að hún fái ekki umsögn í fjölmiðlum og falli í gleymsku og dá. Þetta á einnig við um fræðibækur, þar sem umfjöllun er mildileg og með skírskotun til margra heimilda.

Rannsókn á alþjóðlegum bókaskrám tíu þúsunda bókasafna leiddi í ljós, að kvenfrelsunarbækur – jafnvel þær, sem boðuðu svæsið karlhatur – eru keyptar inn í meira mæli, heldur en bækur, sem fjalla um sjónarmið karla. Venjulega eru þær einnig þýddar á miklu fleiri tungumál. Bækur, sem höfundur gefur út, eru óvíða aðgengilegar.

Í Bandaríkjum Norður-Ameríku voru skoðuð átta yfirlitstímarit (review jounals) og þrjátíu og fjórir útgefendur. (Dwyer 2016). Niðurstaðan er sú, að 78% almenns starfsliðs eru konur, í framkvæmdastjórn er hlutfallið 58%.

Kvenfrelsarar boða hugmyndafræði, sem elur á hatri gagnvart körlum, sérstaklega þó hatri á karlmönnum, sem kynnu að verða elskhugar þeirra [kvenkyns kvenfrelsara]. Er líklegt, að þeim sé umhugað að ganga með höturum sínum í eina sæng? Hugsanlega mun karlfæðin stuðla að færri barnsfæðingum. Í Danmörku og víðar sjást vísbendingar um samhengi aukinnar kvenfrelsunar, upplausnar fjölskyldna og lækkunar fæðingartíðni.“ …

Þegar allt kemur til alls, er líklegt „að óheft kvenfrelsun muni stuðla að niðurrifi einmitt þeirra samfélaga, sem betur hlúa að og búa í haginn fyrir konur. En það er nýtt í mannkynssögunni.“

Helstefnan í heilbrigðiskerfinu

Flest okkar gera sér trúlega í hugarlund, að heilbrigðiskerfið hafi verið sett á laggirnar til að stuðla að heilbrigði – jafnvel hollustu og hamingju. Fólk hefur trúað eins og nýju neti, flestu, sem frá því kom. Ætli fólk sé jafn auðtrúa, eftir reynsluna af heilbrigðisyfirvöldum og heilbrigðisþjónustu í covid-19 fárinu?

Enn þá hvetja yfirvöld til bólusetningar, enda þótt hrannist upp óháð vísindagögn, sem fletta ofan af þekkingarleysi sömu yfirvalda eða illgirni, eftir atvikum.

Kanadíski læknirinn, Roger Hodkinson, er ómyrkur í máli. Segir covid-19 fárið fordæmalausa hryllingssviðsetningu í sögu lækninga. Veiran, sem búin var til, var þó ekki skaðvænlegri en flensa. PCR prófanir léku lykilhlutverk. Í 95% tilvika jákvæðra niðurstaðna var um heilbrigt fólk að ræða. Roger fullyrðir, að við höfum verið höfð að ginningarfíflum. Þaggað var niður í þeim, sem reyndu að vara við. Læknar, stjórnmálamenn og fjölmiðlar, bera þá ábyrgð. Grímur, lokanir og fjarlægðarreglur voru út í hött. Engin gögn sýndu gagnsemi þeirra. Bólusetningar lýstu ótrúlegu gerræði.

Kevin Brass, bandarískur læknanemi og vísindamaður, hefur bæst í sístækkandi hóp heilbrigðisstarfsmanna, sem sjá að sér: „Ég var einarður stuðningsmaður viðleitni lýðheilsuyfirvalda í sambandi við covid-19. Mér sýnist sem yfirvöld væru að bregðast við umfangsmestu lýðheilsukreppu á okkar tímum af hluttekningu, kostgæfni og vísindalegri þekkingu. Ég fylgdi þeim heils hugar, þegar blásið var til lokana, bólusetninga og örvunarbólusetninga. [En] ég hafði á röngu að standa. Og það kostaði mannslíf.“

Kanadíski læknirinn, Patrick Provost, prófessor í örveirufræði, smitsjúkdómum og ónæmisfræði, benti á vanskráningu meinviðbragða eða aukaverkana við covid-19 bóluefnunum. „Það er ekki einungis svo, að hætt sé við hjartabólgum (myocarditis - heart inflammation) og öðrum aukaverkunum, heldur hafa börn engan raunverulegan ávinning af bólusetningu, þar eð börn eru ekki viðkvæm fyrir fylgikvillum vegna covid-19 sýkingar. …

„Virkni bóluefnanna hefur sýnt sig að vera neikvæð í Quebec, síðan í desember 2021 (yfirvöld fjarlægðu gögnin úr hlutaðeigandi skýrslum skömmu síðar …). Þetta merkir, að hinum bólusettu er hættara við smiti.“

Það þarf varla að taka fram, að Patrick var rekinn fyrir þessar ábendingar, enda þótt þær kæmu fram í ritrýndu tímariti.

Indversk-bandaríska örveiru- og ónæmisfræðingnum Poornima Wagh, var líka útskúfað fyrir svipaðar sakir. Hún sagði m.a.: Sjúkdómurinn „er tölvuundur. … Það er ekki einvörðungu veiran, sem er fölsk. Sjúkdómafræðin er að töluverðu leyti lík tiltölulega sviksamleg.“

Það er fjöldi óháðra rannsókna, sem varpa ljósi á allra handa aukaverkanir, aðrar en andlát, t.d. á starfsemi æxlunarfæra, ónæmiskerfis og miðtaugakerfis. Deilt hefur verið um, hvort þessar bólusetningar gerðu, þrátt fyrir allt, eitthvað heilsufarsleg gagn. Það efast sjálfur bólusetningapáfi Bandaríkjanna, Anthony Fauci, um. Í réttarhöldum yfir honum koma játningar þess efnis.

En kanadísk heilbrigðisyfirvöld bjóða fórnarlömbum bólusetninga og öðrum, sem þjást, lausn frá þjáningunum; sjálfsvíg með læknisaðstoð (medical assistance in dying – MAID), lækningasjálfvígi.

Lækningasjálfsvíg hafa færst mjög í vöxt, síðan löggjöfin var samþykkt á kanadíska þinginu árið 2016. Hún er trúlega frjálslegasta löggjöf sinnar tegundar á vesturhveli. Á síðasta ári létust rúmlega 10.000 manns við lækningasjálfsvíg eða drjúg 3% allra dáinna, sem er þriðjungsaukning frá árinu á undan. Þeim fjölgar sífellt, sem eiga kost á slíkri heilbrigðisþjónustu. Á næsta ári verður tekið á móti þeim, sem búa við andlegar kaunir eða veikindi (mental illness).

Dómsmálaráðherra Kanada, David Lametti, sagði í umræðum um ákvörðun sérfræðinga um lækninga(sjálfs)víg: „Athugið, að sjálfsvíg er almennt í boði fyrir fólk. [Það] … er hópur meðal þjóðarinnar, sem á örðugt með að taka ákvörðun um að fremja sjálfsmorð á eigin spýtur vegna bágs líkamlegt eða hugsanlega andlegs heilsufars. Þegar allt kemur til alls, er þetta mannúðlegri leið til að taka ákvörðun, sem það hefði að öðrum kosti tekið, væri það í færum til þess.“

Í umræðum í kanadíska þinginu, sagði læknirinn og heilbrigðismálaráðherra, Carolyn Bennett, að allir sjálfsvígsmatsmenn (assessor) og veitendur (provider) lækningasjálfsvíga hafa fengið þjálfun í að útrýma (eliminate) fólki við framangreindar aðstæður.

Yfirvöld eru þjónustulipur, þegar lækningasjálfsvíg eru annars vegar. Christine Gauthier, þátttakandi í Ólymíuleikum fatlaðara árið 2016 og gullverðlaunahafi í róðri, hefur lengi barist fyrir því að fá hjólastólalyftu á heimili sitt. Þjarkið hefur greinilega verið þreytandi, því hið opinbera sendi henni bréf, þar sem segir á þessa leið: Þar sem þú ert svo örvæntingarfull, gæti hið opinbera boðið þér sjálfsvígslækningu.

Það er margt spennandi að gerast í heilbrigðisþjónustunni. Sunnan landamæranna stendur til að bjóða föngum afslátt af refsingu, gefi þér úr sér líffærin. Mig minnir, að Bandaríkjamenn orði viðhorfið svo: „Business before all.“

https://www.rebelnews.com/growing_number_of_manitobans_are_accessing_maid_services_say_health_officials https://alexberenson.substack.com/p/dr-anthony-fauci-now-admits-the-mrna?utm_source=substack&utm_medium=email https://alexberenson.substack.com/p/dr-anthony-fauci-now-admits-the-mrna?utm_source=substack&utm_medium=email https://www.rebelnews.com/liberal_justice_minister_david_lametti_is_again_in_hot_water_after_commenting_that_doctor_assisted_suicide_provides_a_more_humane_way_for_canadians_to_end_their_lives https://www.facebook.com/Washington-DC-News-110344545128047/videos/1213128792944567/ https://subsplash.com/cecapetownnorth-church/media/mi/+wygn6kc https://medmaldoctors.ca/dr-roger-hodkinson/https://medmaldoctors.ca/dr-roger-hodkinson/ https://www.newsweek.com/its-time-scientific-community-admit-we-were-wrong-about-coivd-it-cost-lives-opinion-1776630 https://www.rebelnews.com/massachusetts_democrats_propose_sentencing_reduction_for_prisoners_who_donate_their_organs https://ijvtpr.com/index.php/IJVTPR/article/view/65/170 https://markcrispinmiller.substack.com/p/canadas-minister-for-mental-health?utm_source=post-email-title&publication_id=383085&post_id=100888099&isFreemail=true&utm_medium=email https://www.theepochtimes.com/clinical-and-political-factors-to-blame-for-under-reporting-of-covid-vaccination-adverse-events-study_5006993.html https://www.theepochtimes.com/covid-measures-should-have-been-targeted-says-laval-university-immunology-prof-whose-article-was-abruptly-pulled_4561925.html https://celiafarber.substack.com/p/daily-mail-uk-reports-two-mds-in?utm_source=substack&utm_campaign=post_embed&utm_medium=web https://www.dailymail.co.uk/news/article-11611095/Canadian-doctor-whos-euthanized-400-says-helped-kill-man-deemed-incapable-choosing-suicide.html https://www.dailymail.co.uk/news/article-11507875/America-afraid-Canada-euthanizing-10-000-citizens-year-TOM-LEONARD.html https://www.theepochtimes.com/laval-u-prof-gets-second-suspension-for-covid-vax-comments-4-months-no-pay_5030022.html https://www.thenewatlantis.com/publications/no-other-options https://torontosun.com/news/local-news/warmington-health-canada-deems-400-deaths-after-receiving-covid-vaccine-low https://rumble.com/v1ga1e5-dr.-merritt-interview-with-poornima-wagh-phd-virology.html?fbclid=IwAR2XmwMrzN5F69FN-8DDyPh_1G4n7WSuB3JL01Q-97VUmk9UPz6gFA_mtks https://zeeemedia.com/interview/whistleblower-dr-poornima-wagh-covid-19-the-virus-that-never-existed/ https://truthcomestolight.com/virologist-dr-poornima-wagh-with-dr-lee-merritt-its-not-just-virology-thats-a-scam-most-of-pathology-is-actually-fraudulent-people-are-waking-up-very-quickly-i/ https://www.macleans.ca/opinion/dying-for-the-right-to-live/https://www.macleans.ca/opinion/dying-for-the-right-to-live/ https://www.ctvnews.ca/health/woman-with-disabilities-nears-medically-assisted-death-after-futile-bid-for-affordable-housing-1.5882202 https://twitter.com/PierrePoilievre/status/1621242894366433280?utm_source=substack&utm_medium=email