Það ber að stöðva covid-19 bólusetningar barna. Vernon Coleman

Hópur áttatíu breskra sérfræðinga, sem kallar sig „Ráðgjafahóp um covid-bólusetningar barna“ (Children‘s Covid Vaccine Advisory Group) hefur skrifað breskum heilbrigðisyfirvöldum og beðið um, að bólusetningar barna verði stöðvaðar. Annar hópur þrjátíu sérfræðinga hefur áður skrifað áskorun sama efnis.

Hópurinn bendir á á kunnu staðreynd, að engar nothæfar rannsóknir á áhrifum lyfjanna hafi átt sér stað. Einnig er bent á aðra staðreynd; þ.e. að ungir karlmenn „hrynji niður“ af völdum bóluefnisins. Rannsókn í Hong Kong sýndi eitt dauðsfall meðal u.þ.b. 2.500 bólusettra drengja. Harmsögur eru sagðar daglega.

Það er hlaupinn fiðringur í Pfizer. Fyrirtækið undirbýr hlutahafa undir minni ofsagróða en áætlaður hafði verið, og biður nú um frestun á umsókn um markaðsleyfi fyrir barnabólusetningarefni sitt. Sömuleiðis hefur fyrirtækið dregið til baka neyðarleyfisumsókn sína á Indlandi. Indversk stjórnvöld kröfðust nefnilega frekari tilrauna og sannprófana á gagnsemi og öryggi. Dómur í Bandaríkjunum þess efnis, að Pfizer skuli birta skuli tugþúsundir leyniskjala í sambandi við framleiðslu mRNA bólefnis og kjánalegt andóf fyrirtækisins við dómnum, ógnar líka afkomu þess.

Í efstu krækjunni er áhugavert spjall breska læknisins, Vernon Coleman (f. 1946) um bólusetningar barna. Staðreyndaflugumennirnir kalla hann í Wikipedíu samsæriskenningasmið, andófsmann gegn bólusetningum, AIDS afneitara m.a. En það eru hér um bil fastir liðir í umsögnum þeirra um sérfræðinga, sem ekki rekast rétt.

https://dailyexpose.uk/2022/02/12/dr-vernon-coleman-myocarditis-cover-up/

https://cdn.substack.com/image/fetch/f_auto,q_auto:good,fl_progressive:steep/https%3A%2F%2Fbucketeer-e05bbc84-baa3-437e-9518-adb32be77984.s3.amazonaws.com%2Fpublic%2Fimages%2F7fb53641-86d7-4814-9ef6-666dfcdc1865_1920x1020.png

https://dailyexpose.uk/2022/02/14/pfizer-vaccine-not-recommended-in-india-due-to-side-effects-lack-of-safety-data/#respond

https://childrenshealthdefense.org/defender/fda-postpones-meeting-covid-shots-kids-pfizer/?utm_source=salsa&eType=EmailBlastContent&eId=e20315d7-3b00-46f5-a054-4fb3c3f96f32 https://childrenshealthdefense.org/defender/vaers-cdc-child-vaccine-induced-myocarditis-deaths-injuries/?utm_source=salsa&eType=EmailBlastContent&eId=e20315d7-3b00-46f5-a054-4fb3c3f96f32 https://www.reuters.com/article/health-coronavirus-india-pfizer-idUSKBN2A50GE

https://dailyexpose.uk/2022/02/12/cvag-urges-immediate-pause-to-rollout-for-children/

Góð ræða af götuvígi í Ottawa. Brian Peckford, Justin og Katrín

Alfred Brian Peckford (f. 1942) er kanadískur kennari og fyrrum forsætisráðherra Nýfundnalands (ríki í kanadíska ríkjasambandinu). Hann er einlægur lýðræðissinni og rennur til rifja gerræðistilburðir alríkisstjórnarinnar og forsætisráðherra hennar, Justin Trudeau.

Sjálfur tók Brian þátt í að skrifa og samþykkja ”Stjórnarskrárlögin” (Constitution Act), árið 1982, þar sem kveðið er á um almennan rétt til frjálsra ferða, mótmæla og tjáningar m.m. Hann er síðasti núlifandi forsætisráðherra í Kanada, sem tók þátt í að semja þessa löggjöf.

Brian er reyndar svo ofboðið, að hann hefur höfðað mál á hendur alríkisstjórninni fyrir veiruvarnir hennar. Nýlega hélt hann svo ræðu í tengslum við mótmæli vörubifreiðastjóra í Ottawa.

Hann segir m.a.: Ríkisstjórnir Kanada halda því nú fram, að þeim sé heimilt að skauta yfir áðurnefnd réttindi með skírskotun til fyrsta kafla laganna. En þeir fara með rangt mál. Þessum ákvæðum skyldi einungis beitt „í stríði, uppreisn, eða, ef ríkið yrði fyrir hótun eða ógn. Því skyldi ekki beita til hernaðar gegn veiru, sem fólk að 99% læknast af og drepur innan við 1%. Það felur ekki í sér ógn gegn ríkinu. Því er ákvæðinu [kafla 1] beitt ólöglega af ríkisstjórnum Kanada.“

Vonandi munu Íslendingar sjá sóma sinn í því að fylgja fordæmi Brian og sækja græn-fjólubláu ríkisstjórnina til saka fyrir brot á stjórnarskrá, mannréttindum og fyrir margvíslegt tjón á heilsu og efnahagi landsins barna.

Því má svo við bæta, að íslensk þjóð hreykir vanhæfum forsætisráðherra sínum á stall, tekur hana í dýrlingatölu, meðan Kandamenn kippa sínum, skólabróður hennar úr auðjöfraskóla Alheimsefnahagsráðsins (World Economic Forum), ofan af sínum.

Það kann að vera, að þessi orð hafi orðið Justin að falli: „[A]ndmælendur [covid ] bólusetninga, [eru] öfgamenn, sem trúa ekki á vísindin, sem oft og tíðum eru kvenhatarar, oft kynþáttahatarar. … Eigum við umbera svona fólk.“ Stjórnarskrárbundin mannréttindi lætur hann sér í léttu rúm liggja: „[Þ]að má einu gilda, hvort vegið sé að rótum grundvallarréttinda. Við höldum ótrauð áfram með þær [bólusetningarnar].“

Katrín sýnir sömu grundvallarviðhorf og kvenfrelsunarbróðirinn, Justin, þótt orðvarari sé, henni til hróss, og heldur hefur hún ekki kallað kjósendur „ömurlega“ eins kvenfrelsunarsystirin, Hillary Clinton. En trúbróðir hennar, Steingrímur Sigfússon, bætti um betur. Andmælendur ríkisyfirráða yfir hálendinu kallaði hann eins og kunnugt er, „örlítinn grenjandi minnihluta.“

https://nationalpost.com/news/politics/this-could-cost-him-his-job-a-blockaded-canada-turning-on-trudeau-poll-finds?fbclid=IwAR2pDvIW3kaZLIhJrp5aru2GoDD7pz5ltYsdmVISoOlasTr9gsP0uWcVFwg

https://www.youtube.com/watch?v=EdhFuMDLBDM

https://www.theepochtimes.com/last-living-premier-to-sign-canadas-charter-in-speech-to-freedom-convoy-section-1-of-charter-being-illegally-used-by-governments_4274213.html

Vísindin, víðsýnin og veiran. Byram W Bridle

”Staðreynd í stað skelfingar,” eru einkunnarorð hins óvenjulega ónæmis- og veirufræðings frá Kanada, Byram W. Bridle. Hann er prófessor í ónæmisfræði við háskólann í Guelph.

Byram hefur, ásamt tveim starfsbræðrum sínum, stutt vörubílstjóranna í Kanada, forsætisráðherra sínum, Justin Trudeau, til mikillar mæðu. Sá mikli stjórnvitringur úr skóla Alheimsefnahagsráðsins (World Economic Forum), hefur látið hafa eftir sér:

„[A]ndmælendur [covid ] bólusetninga, [eru] öfgamenn, sem trúa ekki á vísindin, sem oft og tíðum eru kvenhatarar, oft kynþáttahatarar. … Eigum við umbera svona fólk.“ Stjórnarskrárbundin mannréttindi lætur hann sér í léttu rúm liggja: „[Þ]að má einu gilda, hvort vegið sé að rótum grundvallarréttinda. Við höldum ótrauð áfram með þær [bólusetningarnar].“

Byram, ásamt félögunum, Roger Hodkinson og Paul Alexander, sem báðir eru ónæmis- og veirufræðingar, buðu Justin og þrem embættismönnum í heilbrigðisþjónustunni, sem borið hafa hitann og þungann af sóttvarnaraðgerðum í Kanada, til opinberrar umræðu um aðgerðirnar, og þá vísindalegu hugmyndafræði, sem að baki liggur. Þeir létu ekki sjá sig.

Byram sagði: „Við leggjum land undir fót til höfuðstaðar þjóðarinnar til að gefa til kynna ásetning okkar um að eiga virðingarvert spjall um vísindin og lækningafræðin, sem liggja covid-19 til grundvallar. … Rök í þá veru, að okkur skuli meina um vettvang, sem gefi hugmyndum okkar gildi, eru nú hriplek. … Kanadamenn vakna um þessar mundir til vitundar um þann auðsæja veruleika, að sitthvað sé bogið við ástandið í landinu og langt handan þess.

Það má einu gilda, hvaða skilningur er lagður í málefnið; ritskoðun og hefting virðingarverðrar, vísindalegrar umræðu er röng. Það er nauðsynlegur þáttur vísindanna að fræða alþýðu manna með gegnsæjum hætti.“

https://viralimmunologist.substack.com/p/doctors-supporting-the-freedom-convoy

https://www.bitchute.com/video/clfdugP213LE/