Vísindakreppan 2. Aðferð, inntak og endurgerð

Árið 2005 skrifaði grísk-bandaríski lækningatölfræðingurinn, John P.A. Ionanidis (f. 1965), grein í vísindatímarit um aðferð og endurgerð rannsókna. Titillinn var ógnvænlegur: „Hvers vegna flestar birtar rannsóknaniðurstöður eru rangar“ (Why Most Published Research Findings Are False). Það er óhætt að segja, að rannsóknarniðurstöður hans hafi valdið titringi í vísindasamfélaginu – og varla hefur um hægst.

John komst að þeirri niðurstöðu, að það væri býsna algegnt, að athuganir væri ekki unnt að endurtaka eða endurgera, svo sannreyna mætti fyrri niðurstöður. Niðurstöður hans hafa síðar verið staðfestar að töluverðu leyti í öllum greinum, ekki síst í lækningafræðum og félagsvísindum. Þetta er kallað endurgerðarkreppan (replication crises eða reproduction crises). Því er einboðið, að niðurstöður verði að skoða í gagnrýnu, aðferðafræðilegu ljósi.

Kanadiski sálfræðingurinn, Steven Pinker, segir í þessu sambandi: „Virðing fyrir vísindalegri hugsun er ekki fólgin í þeirri óbilandi trú, að allar vísindalegar tilgátur á líðandi stundu séu sannar. Flestar hinna nýju eru það ekki. Hringrás tilgátna og afsönnunar er sjálf lífæð vísindanna. Sett er fram tilgáta og síðan reynir á, hvort hún stenst tilraunir til að hafna henni.“

Hin vísindalega aðferð er haldbest í baráttunni við hindurvitni, fáfræði og dómgreindarbrest. En sjálfsrýni og meðrýni annarra er nauðsynleg á vísindalegum vettvangi sem og annars staðar. Það er auðvelt að gera sig að fífli. Norður-ameríski eðlisfræðingurinn, Richard Phillips Feynman (1918-1988), sagði skorinort um fyrstu reglu vísindanna: „[Þ]ú ættir ekki að blekkja sjálfan þig – og þig er auðveldast að blekkja.“

Í alvöru vísindum eru gerðar strangar kröfur um sönnunarfærslu, þ.e. að skoða, hvort ákveðin kenning, tilgáta eða fullyrðing, hafi við rök að styðjast, sé raunsönn. Því þarf í sjálfri tilgátunni að segja til um, hvaða niðurstöður eða rannsóknargögn muni annað tveggja, sanna eða afsanna (falcification) hana. Rannsaka má í sjálfu sér, hvað sem er, en samt sem áður er gerð sjálfsögð krafa um, að rannsóknarefnið sé fræðilega undirbyggt með tilliti til þess, sem aðrir hafa gert og í fullum samhljómi við fræðilega (og almenna) skynsemi.

Niðurstöður vísindalegra athuganna verða sem sé að standast gagnrýna skoðun, svo leggja megi mat á áreiðanleika niðurstaðnanna og gildi þeirra mælinga og hugtaka, sem notast er við. Þess vegna er leitast við að staðfesta niðurstöðu með endurtekinni athugun annarra vísindamanna.

Bandaríski stærðfræðingurinn, James A. Lindsay (f. 1979) og breski sagnfræðingurinn, Helen Pluckrose, eru ómyrk í máli um þróun vísindanna:

„Eitthvað hefur farið úrskeiðis í æðri menntastofnunum – sérstaklega á vettvangi hugvísinda. Fræðimennska miðar síður að því að leita sannleikans, en snýst þess í stað um félagsleg harmkvæli (social grievance). [Þetta] er margstaðfest, jafnvel alls ráðandi á nefndum sviðum. [Hlutaðeigandi] fræðimenn iðka það í auknum mæli að þvinga (bully) nemendur, skrifstofumenn og aðrar deildir til að deila heimsmynd sinni. Þessi heimsmynd er ekki vísindaleg, hún er laus í reipunum (not rigorous).“

Það hlýtur að vekja ákveðna undrun og skelfingu jafnvel, að svo sé komið vísindunum. Ætla má, að verulegur hluti þeirra rannsóknaniðurstaðna, sem almúginn og þjónar hans, t.d. heilbrigðisstarfsmenn og stjórnmálamenn, taka mark á, sé ómarktækur.

Bandaríski vísindablaðamaðurinn, David H. Freedman, segir í grein sinni: „Lygar, bannsettar lygar og læknavísindi“ (Lies, Damned Lies, and Medical Science): “Margar af þeim niðurstöðum, sem rannsakendur á sviði lækninga komast að – og í verulegum mæli – eru blátt áfram rangar. Svo hvernig má það vera – í verulegum mæli – að læknar nýti sér falsupplýsingar í daglegu starfi sínu?“

Það eru vafalaust mörg svör við spurningunni. Samkeppni vísindamanna um styrki sem og virðing meðal starfsbræðra og -systra, gæti skipt máli. Hver vill ekki vera vísindamaður meðal vísindamanna. Sumum þykir það hnekkir að þurfa að leiðrétta sjálfa sig, fari þeir villu vegar eða nýjar upplýsingar breyti forsendum niðurstöðu. Vísindamenn eru undir sömu sök seldir og fólk flest.

Áðurnefndur John segir einnig, að aðferðir séu oft og tíðum bjagaðar (bias), villi vísindamönnum sýn. Hann segir: „[S]amansafn alls konar fyrirkomulags (design), gagna, greininga og atriða við framsetningu, skapar þá tilhneigingu, að framleiða rannsóknaniðurstöður, sem ekki eiga rétt á sér.“

Skömmu, eftir að covid-19 heimsfaraldurinn skall á, hafði John orð á því, að covid-19 vísindin endurspegluðu „sannreyndarklúður, sem [einungis] sæist einu sinni á öld.“ Hann reyndi að koma vitinu fyrir forseta Bandaríkjanna, Donald Trump, með skírskotun til vísindalegrar aðferðar, en án árangurs. Yfirlitsrannsóknir hans á andlátstíðni sökum covid-19 sýkingar sýndu miðgildi á bilinu 0.24 til 0.9%.

Hagsmunir skipta greinilega einnig töluverðu máli við vísindalegar rannsóknir. Rannsóknir John benda til, að þegar lyfjafyrirtækin panti rannsókn á virkni lyfja sinna, sýni þau yfirleitt meiri virkni en samanburðarlyfið (head to head inferiority ramdomized trials). John komst að því, sjálfum sér til mikillar undrunar, að þetta ætti við í 97% tilvika. Síðar hefur t.d. komist upp um margs konar óheiðarleika í rannsóknagögnum Pfizer á covid-19 lyfinu, m.a. að stinga undan gögnum um aukaverkanir. Það eru mörg villuljósin í vísindunum.

Skoski heimspekingurinn, David Hume (1711-1776), sagði um villuljós hugsunarinnar: „Þorri fólks hefur náttúrulega tilhneigingu til að vera fullvist í sinni sök og standa fast á skoðunum sínum. ... Þurfi þeir að hika og vega málin og meta, þá fipar það skilningsgáfu þeirra og tefur þá við verk sín. Þeir eru því ekki í rónni fyrr en þeir losna við allar þessar amasömu vöflur og reyna því að ganga sem allra lengst í kokhraustri vissu og halda í skoðanir sínar af sem mestri þrákelni.“ (Rannsókn á skilningsgáfunni. Þýðandi: Páll Árdal.)

Skýringa er vafalaust einnig að leita í hinni nýju þekkingarfræði, svokallaðri síðnýtímafræði (postmodernism). Í stuttu og einfölduðu máli segja þau fræði, að í reynd séu engar staðreyndir til í vísindum, heldur margs konar sjónarhorn. Sannleikurinn sé í valdinu fólginn.

Þessi kennisetning um þekkingarfræði er víða áberandi við vísindaiðkun. Hún tröllríður eins og áður er ýjað að, samfélags- og hugvísindum. Hér eru nokkur dæmi úr kvenfrelsunarfræðunum, sem í sjálfu sér gilda í grundvallaratriðum um vantrúarkenningar og hin ýmsu fórnarlambs- eða harmkvælafræði (woke theory, social grievance theory, cynical theories, critical theory):

Í ritgerð sinni: „Áleiðis til aðferðafræði kvenfrelsunarrannsókna,“ (Towards a Methodology for Feminist Research), segir Renate Klein (f. 1945): „Í stað þeirrar fullyrðingar, að rannsóknir séu óháðar gildum [og] hagsmunum – og séu óhlutdrægar gagnvart viðfanginu, þarf að koma meðvituð hlutdrægni. ... Óhlutdræg og íhugandi „þekking rannsakandans“ verður að víkja fyrir aðgerðum, hreyfingum og baráttu fyrir frelsun kvenna.“

Barbara du Bois, segir í ritgerðinni „Tilfinningaþrunginni fræðimennsku“ (Passionate Scholarship): „Í hefðbundnum vísindum er brugðist við samkvæmt samhljóma skilningi á veruleikanum. Gengið er að slíkum skilningi sem gefnum, raunverulegum, innan seilingar hugans. Hver sem er getur borið kennsl á hann utan frá, hlutlægt og hlutlaust. Kvenfrelsarar vísa á bug skilningi feðraveldisins á veruleikanum.“

Elizabeth Fee (1946-2018) heldur sig við svipað heygarðshorn. Hún segir í ritgerðinni „Eðli konunnar og vísindalegri hlutlægni“ (Women´s Nature and Scientific Objectivity), að vísindaleg frjálslyndishugsun grundvallist á „röðum kynfólskulegra tvígreininga (sexist dichotomies).“ Hún ítrekar: „Við ætlum, að eiginleikar vísinda séu eiginleikar karla; ... kaldir, hörkulegir, ópersónulegir, hlutlægir. ... Ef við samsinnum róttækum kvenfrelsurum, verður að umhverfa vísindunum. … stofna til nýrra tengsla milli mannveru og eðlisheimsins …“

Þróun samkvæmt fyrrsögðu hefur leitt til ofstækis, rétttrúnaðar, útskúfunar og skerðingar tjáningarfrelsis, þvingunar, brottrekstar og umfjöllunarbanns. T.d. bannaði tiltekinn prófessor við bandarískan háskóla gagnrýna umræðu um hjónabönd samkynhneigðra, fóstureyðingu, hreyfinguna „Líf blökkumanna skiptir máli“ (Black Lives Matter) og svo framvegis. Nemendum, sem dirfðust að daðra við slík umræðuefni af röngum kögunarhóli, yrði vísað úr kennslu.“

Í öðrum háskóla vestan hafs er einungis tekið við nemendum í framhaldsnám í „blakkskinnafræðum“ (black studies). Í þeim þriðja eru nemendur skyldaðir til að gerast sögusmettur gagnvart meðnemendum, sem sýna „kynbundna mismunun“ af einhverju tagi.

 

En það þarf ekki að leita langt yfir skammt. Við háskólann í Gautaborg hefur verið stofnaður rannsóknahópur um „bleikskinnagagnrýni“ (vithetskritik). Við Konunglega tækniháskólann þurfa nemendur að skrifa ritgerð um forréttindi gagnkynhneigðra, karlkyns bleikskinna.

Við íslenska háskóla eru kennarar reknir eða kallaðir á teppið, dirfist þeir að viðra hugsun í blóra við ofangreindan rétttrúnað.

(Efni stóðu til að nefna nokkrar rússneskar heimildir. En netsambandið hefur verið rofið.)

https://www.mindingthecampus.org/2022/03/24/modern-day-brownshirts-suppress-free-speech-at-yale-law-school/?utm_source=NAS+Email+General&utm_campaign=252e02c32c-RSS_EMAIL_CAMPAIGN&utm_medium=email&utm_term=0_407924b2a9-252e02c32c-236730470&mc_cid=252e02c32c&mc_eid=3f29f8eb4a https://expose-news.com/2022/05/19/unprecedented-attacks-on-doctors-and-experts/ https://www.mindingthecampus.org/2022/05/28/how-diversity-promotes-racial-rancor/?utm_source=NAS+Email+General&utm_campaign=ac0f72d14f-RSS_EMAIL_CAMPAIGN&utm_medium=email&utm_term=0_407924b2a9-ac0f72d14f-236730470&mc_cid=ac0f72d14f&mc_eid=3f29f8eb4a https://www.ncbi.nlm.nih.gov/pmc/articles/PMC9062939/?fbclid=IwAR0Nrwc8DpGOlOvX7xh5PbwBgNtTijhyN_hHyHBGKlYSN7FWTM5WN8fyQpw https://childrenshealthdefense.org/defender/pfizer-document-doctor-gates-foundation-deleted-trial-vaccine-injury/?utm_source=salsa&eType=EmailBlastContent&eId=0d597c71-4f48-4437-9c39-0d29bbbf8360 https://www.openthebooks.com/the-ingraham-angle-on-fox-news-nih-hides-350m-royalty-payment-stream/ https://expose-news.com/2022/05/22/government-scientists-paid-to-hide-data/ https://childrenshealthdefense.org/defender/pfizer-document-doctor-gates-foundation-deleted-trial-vaccine-injury/?utm_source=salsa&eType=EmailBlastContent&eId=0d597c71-4f48-4437-9c39-0d29bbbf8360 https://www.theepochtimes.com/english-professor-bans-disagreement-with-woke-topics_3468352.html https://childrenshealthdefense.org/defender/manipulation-guilt-shame-vaccine-compliance/?utm_source=salsa&eType=EmailBlastContent&eId=e732db12-5c35-4f6c-a7e5-f12633833251 http://xn--knsdebat-54a.dk/blog/?p=318 https://nyheteridag.se/kth-studenter-maste-skriva-uppsats-om-fordelarna-med-att-vara-en-vit-heterosexuell-man/ https://expose-news.com/2022/05/19/covid-lies-high-lethality-no-prior-immunity-none-are-safe/ https://www.mindingthecampus.org/2022/05/16/bending-the-knee-for-diversity-inclusion-and-equity/?utm_source=NAS+Email+General&utm_campaign=93e88c4070-RSS_EMAIL_CAMPAIGN&utm_medium=email&utm_term=0_407924b2a9-93e88c4070-236730470&mc_cid=93e88c4070&mc_eid=3f29f8eb4a https://libjournal.uncg.edu/ijcp/article/viewFile/249/116 https://areomagazine.com/2018/10/02/academic-grievance-studies-and-the-corruption-of-scholarship/ https://www.mindingthecampus.org/2022/03/25/soviet-style-surveillance-at-a-connecticut-university/?utm_source=NAS+Email+General&utm_campaign=252e02c32c-RSS_EMAIL_CAMPAIGN&utm_medium=email&utm_term=0_407924b2a9-252e02c32c-236730470&mc_cid=252e02c32c&mc_eid=3f29f8eb4a https://journals.plos.org/plosmedicine/article?id=10.1371/journal.pmed.0020124 https://www.bitss.org/why-most-published-research-findings-are-false/ https://www.ncbi.nlm.nih.gov/pmc/articles/PMC1896210/ https://www.bmj.com/content/351/bmj.h4992 https://www.statnews.com/2020/03/17/a-fiasco-in-the-making-as-the-coronavirus-pandemic-takes-hold-we-are-making-decisions-without-reliable-data/ https://www.sciencedirect.com/science/article/pii/S089543561500058X https://www.theepochtimes.com/university-of-chicago-english-department-accepts-applications-only-for-black-studies_3506628.html https://www.gp.se/kultur/kultur/bo-rothstein-acceptera-inte-kr%C3%A4nkthetsstudierna-p%C3%A5-g%C3%B6teborgs-universitet-1.10169896?fbclid=IwAR2nPbhI8j_BiJaX7TvZwGSlNd_YvDXl-9a9s0jcrtxWjULc4FkqdkKzs2M https://www.theatlantic.com/magazine/archive/2010/11/lies-damned-lies-and-medical-science/308269/ -

Öðruvísi heilbrigðishugsun. Alþjóðaheilbrigðisráðið

Fyrsta tilraun bandarískra yfirvalda – í boði lyfjaiðnaðarins – til að skapa alþjóðaalræði í heilbrigðismálum, nánar tiltekið alræði um viðbrögð við faröldrum, sem Alþjóðaheilbrigðisstofnunin telur vera ógn við heilsu heimslýðsins, mistókst fyrir skemmstu á Alþjóðaheilbrigðisþinginu (World Health Assembly). Þingið tekur ákvarðanir í málefnum, er lúta að Alþjóðaheilbrigðisstofnuninni (World Health Organization – WHO.)

Eins og vænta mátti greiddu angló-saxískar þjóðir (og fylgihnettir þeirra) atkvæði með. En andstaðan var sterk. Það var eftirtektarvert, að tæplega fimmtíu Afríkuríki greiddu atkvæði gegn og sameinuðust um sameiginlega yfirlýsingu. Það gerðu einnig fleiri ríki eins og Kína. Það kom á óvart. Brasilíumenn voru óstýrilátir að vanda og hótuðu að segja sig úr félagsskapnum. Eins og lesendur vafalaust muna, andæfðu þeir einnig skilgreiningu WHO á covid-19 heimsfaraldri og viðbrögðum við honum.

En það væri einfeldingslegt að trúa því, að nefndir hagsmunaaðiljar og áhugamenn um heimsyfirráð séu af baki dottnir. Eftir tvö ár verður önnur atlaga gerð.

Nokkurn veginn samtímis var haldinn önnur athyglisverð samkoma í hinni fornu lækningaborg Keltanna, Baði (Bath) á Englandi, þ.e. 20. til 22. maí 2022. Skipuleggjandi ráðstefnunnar var

Alþjóðaheilbrigðisráðið (World Council for Health), sem er eins konar svar við Alþjóðaheilbrigðisstofnuninni. Aflvaki ráðsins er Tess Lawrie, sem er ráðgjafi við heilbrigðisrannsóknir. Alþjóðaheilbrigðisráðið er rekið á frjálsum fjárframlögum. Það er ekki gróðafyrirtæki og ekki ein af mörgum velgjörðasamtökum (non-governmental organization) á vegum auðkýfinga eða stjórnvalda með vafasaman tilgang.

Í stefnuyfirlýsingu segir m.a.: „Starf okkar er helgað varðveislu mannréttinda og frjálum vilja, ásamt viðleitni til að hjálpa fólki til að taka stjórn á eigin heilsu og vellíðan.“ …

Samtökin segja einnig: Við höfum trú á heimi, þar sem heilbrigði ríkir, og allir hafa óheft aðgengi að upplýsingum, sannreyndum lyfjum og njóta jafnframt raunverulegra heilbrigðisráðstafanna, þegar sjúkdómar herja. Við viljum, að virtar séu ákvarðanir fólks um heilsu sína, án ótta við mismunun eða ofsóknir. Við berjumst fyrir veröld með aðgengi að vatni, hreinu lofti, ómengaðri fæðu og samheldni í fjölskyldum.

Kynnirinn, Del Bigtree, lét nokkur skynsamleg orð falla um vísindi, sem eiga undir högg að sækja sökum ofríkis þeirra, sem eignleg völd hafa og hagsmuna hafa að gæta. Hann segir:

Vísindi ber ekki að skilja sem rétttrúnaðaríþrótt (consensus sport). Þau eru ekki einræður vísindamanna og fréttamanna víðs vegar um heiminn. Þau spyrja spurninga, sem okkur er ljóst, að aldrei verður svarað til fullnustu. Endanlegar vísindaniðurstöður eru ekki til. Þrátt fyrir þetta höfum við neyðst til að halda út hræðilega reynslu. Þau okkar, sem búum yfir hæfileikanum til gagnrýninnar hugsunar, höfum lifað erfiðasta skeið í lífi okkar.

Í fréttatilkynningu frá skipuleggjendum ráðstefnunnar kemur m.a. fram, að þátttakendur úr öllum heimshornum hefðu kynnt hugmyndir um heilbrigðisþjónustu og velsæld á grundvelli eiginábyrgðar, sjálfsvalds og upplýsts samþykkis.

Ráðstefnugestir ljáðu rödd sína fórnarlömbum aukaverkana af bólusetningum og vörpuðu ljósi á hæfileika mannkyns til að endurheimta vísindin, efla virkni fólks og umbylta lögum og fjölmiðlum í því skyni að skapa mannkyni betri framtíð. Þátt tóku þúsundir fulltrúa frá rúmlega sextíu ríkjum, ýmist á staðnum eða gegnum fjarfundabúnað.

https://www.facebook.com/StephenAndrewMP https://steigan.no/2022/05/om-a-finne-en-bedre-vei/ https://worldcouncilforhealth.org/ https://betterwayconference.org/ https://www.youtube.com/watch?v=wDwu4vKB_Rk

Tölvuagnastýring huga og heilsu – líftölvuagnfræði og sjálfbæra sæluríkið

Forsjárhyggjan tekur stöðugt á sig nýjar myndir í ljósi nýrrar tækni. Sögulega eru kunnar tilraunir stjórnvalda, t.d. bandarísku leyniþjónustunnar, með notkun lyfja til að gera hugann móttækilegan fyrir ákveðnum skoðunun og til að móta tiltekið hátterni.

Sálfræðingurinn Henry Alexander Murray (1893-1988) stjórnaði rannsóknum í þessa veru fyrir bandarísku leyniþjónustuna á sjöunda áratugi síðustu aldar. Þekkt er saga stærðfræðingsins, Theodore John Kaczynski (f. 1942) í þessu sambandi.

Theodore var einn tuttugu og tveggja nemenda við Harvard háskólann, sem þátt tóku í tilraunum Henry. Þegar þeir höfðu útlistað fyrir sálfræðingunum sögu sína og viðhorf, voru þeir baðaðir í sterkum ljósum og tengdir rafskautum. Síðan hófust yfirheyrslur, „ofsafengnar, yfirgripsmiklar og persónulega meiðandi,“ segir Henry. (Þessar aðferðir eru enn notaðar við pyndingar í dag.)

Þessari reynslu ríkari skrifaði Theodore: „Ekkert félagskerfi, hvort heldur sem er löggjöf, stofnanir, siðir eða siðareglur, er fært um að veita vernd gegn tækninni. … Gerum okkur t.d. í hugarlund, að lagt yrði blátt bann við erfðahönnun (genetic engineering) manna eða notkun hennar, sem ógnaði frelsi þeirra og virðingu. Engu að síður myndi tæknin vera til reiðu.“

Ofangreindar tilraunir voru hluti CIA MKULTRA áætlunarinnar. En það voru líka aðrar spennandi tilraunir nefndrar leyniþjónustu í samstarfi við vændiskonur, Operation Midnight Climax. Vændiskonurnar ginntu graðfolana til að taka ofskynjunarlyfið, LSD. Síðan tók leyniþjónustan til við að móta hugi fórnarlambanna.

Nú er hins vegar leitað auðveldari leiða til að ná tökum á fólki en með heilaþvotti, sefjun, yfirheyrslum, auglýsingum, dáleiðslu og áróðri, sem eru alþekktar leiðir til að ná yfirráðum yfir hugsun manna, þ.e. beinum inngripum í miðtaugakerfið.

José Manuel Rodriguiez Delgado (1915-2011), var brautryðjandi við flöguígræðslu (chip) í heilabú manna og dýra. Hann skrifaði árið 1969 bókina: „Efnisleg stjórnun hugans: Áleiðis til sálsiðaðs samfélags (Physical Control of the Mind: Toward a Psychocivilized Society). Hann segir m.a.:

„Maðurinn hefur engan rétt til eigin hugþroska. Frjálslyndisleg viðhorf í þessu efni hafa víðtæka skírskotun. Það verður að raftengja heilann. Sá dagur mun koma, að herjum og hershöfðingjum verði stjórnað við raförvun heilans.“

Aukin þekking í líffræði og tölvutækni býður forsjárhyggju- og stjórnlyndisfólkinu sífellt upp á nýjar aðferðir við notkun tölvuagnstýra (nanobot). Fræðigreinin um þetta kallast tölvuagnfræði (nanobotics). Ofursmáar agnir úr gerviefnum eru forritaðar, svo þær megi örva eðlileg boð líkamans eða yfirtaka þau. Þetta er t.d. gert með tilraunalyfjum eða bóluefnum í sambandi við covid-19.

Raymond Kurzweil (f. 1948) hefur skrifað um þetta bók, „Sérstaðan er nálæg: Þegar mannkind rýfur múra eðlisins (The Singularity is Near: When Humans Transcend Biology). Hann hefur einnig skrifað um þetta grein í The Guardian.

Agntölvuna eða tölvurnar, sem streyma um blóðrásina, má forrita með ýmsum hætti, t.d. til að greina og virkja varnir gegn sjúkdómum, endurræsa frumur eða styrkja, hugsanlega með þeim árangri, að við yrðum ódauðleg. Slík inngrip gera manninn að tölvumanni (transhumanism, cyborg (tölvuvélmenni)), blending lífveru og tölvu. Líftölvuagnfræði heitir sú grein (bionanotechnology.

Forstig þessarar þróunar má sjá í mRNA lyfinu eða bóluefninu eins og ýjað er að hér að framan. Agnir (nano eða nanometre eða agnmetri er einn milljarðasti úr metra) voru t.d. notaðar til að koma hluta covid-19 veirunnar inn í frumur líkamans, sem dreifðist með blóðrásinni og virkjaði ónæmiskerfið til varna, þ.e. gegn hluta veirunnar. Tæknin hefur líka verið notuð til að hnitmiða notkun krabbameinslyfja.

Þessi tækni er rannsökuð gagngert í því sem kallað er „Heilastormsáætlunin“ (Brainstorms project) undir forystu Gaurav Sharma. Unnið er að því að hanna örsmá tengivirki (interface system), sem tengir ytri tengildi (móttaka og sendi) við rafsegulsviðsorkubreyta (nanotransducer). Þessi tækni hefur þann augljósa kost, að útbúnaðnum má sprauta inn í fólk, í stað þess að skera í það og höggva bein. Darpa styður þessa þróun dyggilega.

Fyrrnefndur Gaurav Sharma starfaði einnig á vegum Varnarmálaráðuneytis Bandaríkjanna, skrifstofu þess, sem ber heitið „Ógnvarnaskrifstofan (Defense Threat Reduction Agency), við áætlun, sem miðaði að því að rjúfa hindranir millum blóðrásar og heilabús (Blood-Brain Barrier Program). En það er einmitt það, sem lyfin/bóluefnin gegn covid-19 gera, nánar tiltekið broddhvítan (spike protein).

Fjöldi óháðra vísindamanna vinnur nú að því að greina innihald covid-19 bóluefnisins. Einn þessara, rannsóknahópur Ricardo Delgado Martin við háskólann í Santiago, Chile, hefur komist að þeirri niðurstöðu, að í blöndunni megi finna grafen (grafít), sem er kolefnisfjölgervingur (carbon allotrope), öragnarsmátt efni með refsegulseiginleika, notað m.a. í tölvuagntækni/nematækni, stundum kallað undraefnið.

Hann segir m.a.: „Raunverulega er mRNA [bóluefninu] ætlað að hjúpa grafítið til að koma því „óséðu“ fram hjá ónæmiskerfinu og í samband við taugafrumur í heila. … það er einasti tilgangurinn. Og þetta er hin gagngera blekking, sem fólk almennt er beitt.“ (Sannleiksfyrirtækin segja þetta að sjálfsögu rangt.)

Það kemur varla á óvart, að sjálfur mannvinurinn, Bill Gates, sjái tækifæri í samtvinnun bólusetninga og tölvuagntækni til að ná markmiðum sínum um fólksfækkun og minnkun kolefnis. Í rúmlega áratugargömlum fyrirlestri segir hann m.a.:

„Mannfjöldi heimsins nemur í dag 6.8 milljörðum. Hann stefnir í níu milljarða. Nú, ef við leggjum okkur fram við ný bóluefni, heilsuvernd og æxlunarþjónustu, gætum við fækkað [fólki] jafnvel um 10 eða 15 af hundraði …“ (Upprunalegur fyrirlestur var fjarlægður af You Tube.)

Í þessu sambandi er það óneitanlega forvitnilegt, að Microsoft skuli hafa sótt um einkaleyfi á rafmynt (cryptocurrency), þar sem vægi hefur ýmis líkamsstarfsemi eins og heilabylgjur og líkamshiti, við notkun alnetsins.

Bill Gates og vinir hans í Alþjóðaefnahagsráðinu (World Economic Forum) eru vitaskuld miklir áhugamenn um tölvumennið, sem er í deiglunni. Klaus Schwab tengir það beinlínis fjórðu iðnbyltingunni, þegar endurreisnin mikla rennur upp. Hann segir byltinguna „leiða til sjálfsskilnings, sem er samþætting líkama, tölvutækni (digital) og lífeðlis.“ Leitað verður leiða – t.d. við fjarstýrða raförvun – til að fólk uni sælt og glatt við sitt, enda þótt það sé öreigar. En það er framtíðarsýnin í sjálfbæra sæluríki Alþjóðaefnahagsráðsins. Slíkri raförvun, þ.e. örvun sælustöðvarinnar í heilanum, hefur verið beitt með góðum árangri á rottur.

Nicholas Negroponte (f. 1943) er annar vísindamaður, sem hefur skoðað notkun tölvutækni við stjórnun mannshugans. Hann bendir á, að upplýsingum megi koma fyrir í heilabúinu með agntölvu, t.d. ritsafni Sigmund Freud (Gesammelte Werke). Tæknin býður einnig upp á, að draumur forsjársinna um að stjórni fólki að vild gæti ræst.

Nú þegar er í Leyniþjónustu Bandaríkjanna til safn aðferða til að stjórna hugum fólks. (Vafalítið búa miklu fleiri leyniþjónustur eða hliðstæðar stofnanir yfir slíkri kunnáttu.) Og enn er ekki bitið úr nálinni.

Bólusetningarannsóknir skarast við rannsóknir í líftölvuagnfræðum. Charles M. Lieber (f. 1959) er meðal virtustu vísindamanna á þessu sviði, styrktur af DARPA (Defense Advanced Research Projects Agency) í bandaríska varnarmálaráðuneytinu. Rannsóknaáætlunin heitir: „Heilarannsóknir við að veita að brautargengi nýjungum í taugatæknifræðum“ (Brain Research through Advancing Innovative Neurotechnologies).

Charles þessi hefur skýr tengsl við Wuhan í Kína (þar sem covid-19 veiran var framleidd) og lyfjafyrirtækið, Moderna, eða nánar tiltekið við Robert Langer (f. 1948), sérfræðing í agntækni við lyfjagjafir. Charles hefur einnig verið bendlaður við áætlun Kínverja, „Þúsundir hæfileikamanna“ (Thousand Talents Plan).

Tölvuagnastýring er náskyld gervigreind (artificial intelligence), gerð tölvuvélmenna (cyborg) og líf-tölvu-tengivirkja (computer interface) þeim, sem taugatæknifyrirtæki eins og Neuralink Corporation (Elon Musk) vinna að.

Það sama gerir Richard A. Normann, líftæknifræðingur við háskólann í Utah. Rannsóknahópur hans hefur smíðað rafskautatengil (array), þ.e. samskipan fjölda örnála eða einangraðra rafskauta (electrode), sem komið er fyrir í heilabúinu. Þar fylgjast þær með taugaboðum miðtaugakerfisins og hafa áhrif á þau samkvæmt forritun. Vonir standa til, að þeim megi t.d. beita til að lækna sjúkdóma í miðtaugakerfi.

Richard þessi tengist einnig „Heila frumkvæðinu“ (Brain Research through Advancing Innovative Neurotechnologies) bandarískra stjórnvalda, þ.e. sameiginlegri áætlun opinberra stofnanna og einkaaðilja til rannsókna á notagildi taugatækni.

Tækniheimspekingurinn, Kevin Kelly (f. 1952), talar um tækniveruna (technium) í bók sinni: Hvað er tækninni á höndum (What Technology Wants). Þar segir hann m.a.:

„Hún [tækniveran] kann einu sinni að hafa verið jafn einföld í sniðum og gamalt tölvuforrit, sem eingöngu gerði það, sem fyrir það var lagt. En núna hefur hún svipmót miklu flóknari veru, sem oft er á valdi eigin hvata.“

Heimpekingurinn, James Giordano (f. 1953), lýsir þessari þróun eins og hverjum öðrum stríðsvettvangi og aðvarar gegn misnotkun tækninnar. Skyldi engan undra. Nató hefur þegar fundið smjörþefinn. Áætlun þess heitir: „Hugstríðsáætlunin“ (Cognitive Warfare Project). Þar segir m.a.:

„Hugstríð er því að skilja sem óhefðbundinn hernað, þar sem tölvutækni (cyber) er beitt til að skapa hugarfarsbreytingu og nýttir eru hleypidómar eða spegilvirk (sjálfhverf) hugsun (reflexive thinking) til að brengla hugarfar, hafa áhrif á ákvarðanatöku og koma í veg fyrir hegðun, sem hefði neikvæðar afleiðingar, hvort heldur sem einstaklingur eða múgur á í hlut.“

https://techstartups.com/2021/10/06/bill-gates-talked-using-vaccines-control-population-growth-unedited-2010-ted-talk-video/ https://www.ndtv.com/indians-abroad/brainstorms-indian-origin-scientist-gaurav-sharma-to-help-us-soldiers-control-robots-using-thoughts-2041259 https://www.cia.gov/library/abbottabad-compound/12/129E144131F2E093FB1E441C737ACF92_SearchForTheManchurianCandidate.rtf.pdf https://www.sciencedirect.com/topics/chemistry/graphene https://www.sciencedirect.com/science/article/pii/S0142961221001058 https://www.innovationhub-act.org/cw-documents-0 https://medicine.temple.edu/news/sars-cov-2-spike-proteins-disrupt-blood-brain-barrier-potentially-raising-risk-neurological https://link.springer.com/article/10.1007/s11481-021-10029-0 https://www.youtube.com/watch?v=ynt37tTdvGU https://www.theguardian.com/books/2016/jun/12/kevin-kelly-interview-the-inevitable-book-song-ai-future https://www.history.com/mkultra-operation-midnight-climax-cia-lsd-experiments https://ahrp.org/1953-1964-operation-midnight-climax-cias-lurid-ventures-into-sex-hookers-and-lsd/ https://www.cs.mcgill.ca/~rwest/wikispeedia/wpcd/wp/p/Project_MKULTRA.htm https://unherd.com/?p=432032?tl_inbound=1&tl_groups[0]=18743&tl_period_type=3&mc_cid=a5ff977696&mc_eid=1c4c09eceb https://ukcitizen2021.org/Case_Briefing_Document_and_lab_report_Ref_AUC_101_Report%20.pdf https://www.orwell.city/2021/06/ricardo-delgado-graphene-oxide.html https://www.darpa.mil/program/our-research/darpa-and-the-brain-initiative https://www.en-journal.org/journal/view.html?doi=10.5607/en.2018.27.6.453 https://patents.google.com/patent/US5289438A/en https://groups.google.com/g/alt.tv.survivor/c/H5rGBARu6yA/m/sULKiRH5mLIJ?pli=1 https://blogs.scientificamerican.com/cross-check/tribute-to-jose-delgado-legendary-and-slightly-scary-pioneer-of-mind-control/ https://bigthink.com/articles/computers-that-you-eat-or-that-eat-you/ https://bigthink.com/videos/nicholas-negroponte-on-the-future-of-biotech/ https://en.wikipedia.org/wiki/Nanorobotics https://www.theblackvault.com/documentarchive/cia-mkultra-collection/ https://www.computerworld.com/article/2530000/mit-project-uses-nanotech-to-deliver-drugs-for-fighting-cancer--aids.html https://www.computerworld.com/article/2531837/nanotech-blasts-cancer-cells-with-tumor-killing-genes.html http://singularity.com/ https://www.computerworld.com/article/2534637/-smart-bomb--nanoparticles-stop-cancer-s-spread.html https://www.computerworld.com/article/2526693/mit--nanotech-treatment-kills-ovarian-cancer-in-mice.html https://www.youtube.com/watch?v=_dWkpfuSf44 https://www.shutterstock.com/image-illustration/nanobots-going-through-bloodstream-repairing-some-50373961?id=50373961&src=id https://expose-news.com/2022/05/27/monkeypox-launching-a-remake-of-covid/ https://bigthink.com/videos/big-think-interview-with-nicholas-negroponte/ https://bigthink.com/videos/nicholas-negroponte-on-the-future-of-biotech/ https://expose-news.com/2022/03/19/new-my-name-is-spartacus-covid-19-deep-dive-part-i/ https://expose-news.com/2022/03/20/new-spartacus-covid-19-deep-dive-part-ii-vaccine-complications/ https://expose-news.com/2022/03/22/spartacus-covid-19-deep-dive-part-iv-mind-control/ https://www.computerworld.com/article/2528330/nanotech-could-make-humans-immortal-by-2040--futurist-says.html https://expose-news.com/2022/05/27/carbon-nanotech-and-thulium-in-covid-injections/ https://expose-news.com/2022/05/24/nanobots-in-your-blood-brain-and-ingestible-computers/ https://www.theguardian.com/commentisfree/2007/nov/22/comment.comment

Eru komnir brestir í bandalagið gegn Rússum?

Ætli undur og stórmerki séu að gerast í stríði Nató/Evrópusambandsins og Rússlands í Úkraínu. New York Times, sem hvatt hefur bandarísk stjórnvöld til stríðsdáða á öllum vígstöðvum, þ.á.m. að gauka að þeim fleiri herþjálfurum, fleiri og betri vopnum; einangra Rússa, beita þá áróðri, efnahagsþvingunum og svo framvegis.

Það virðist mörgum nú ljóst, að Bandaríkjamenn beiti evrópskum Nató-ríkjum fyrir stríðsvagninn. Það eru augljósir brestir í þeirri samstöðu. Fram að þessu hafa forystumenn smáríkja rifið kjaft, en uppreisnarandi Charles de Gaulle blundar enn í Frökkum. Það urgar í þeim.

Efnahagsbandalagið virðist hafa orðið hernaðarbandalag í Nató sjálfu. Það má vart á milli sjá, hvort er stríðsóðara, forseti framkvæmdastjórnar Evrópusambandsins, Ursula Gertrud von der Layen (f. 1958), eða Jens Stoltenberg (1959), framkvæmdastjóri Nató og verðandi seðlabankastjóri Noregs.

Það hefur vafalítið snuggast í Evrópumönnum, þegar Victoria Jane Nuland (f. 1961), herstjóri í stjórnarbyltingunni í Úkraínu árið 2014, sagði Evrópusambandinu að fara norður og niður („fuck the EU“). Victoria þess var embættismaður á vegum þáverandi varaforseta Bandaríkjanna, Joseph Robinette Biden (f. 1942), og forsetans sjálfs, Barrack Hussein Obama (f. 1961).

Ritstjórnar NYT hafa hugsanlega numið kurr lýðsins. Það rennur nefnilega upp fyrir honum smám saman, að öll veröldin tapi á þessu bannsetta, ónauðsynlega stríði. En það er saga til næsta bæjar, að beinlínis sé komið kul í iljar ritstjóra New York Times, þess kunna stríðæsingarits, að töluverðu leyti fjármagnað af lyfjarisunum.

Þeir vísa m.a. til talsmanns Leyniþjónustu Bandaríkjanna, en hún er öllum hnútum kunnug í Úkraínu, eftir að hafa grafið markvisst undan stjórnvöldum þar í landi í áratugi – ásamt þeirri bresku - og steypt lýðræðislega kjörinni stjórn ríkisins af stóli. Leyniþjónustan hefur áhyggjur af ófyrirséðri þróun stríðsins og þeim mikla kostnaði, sem skattgreiðendur í Bandaríkjunum bera. (Það kemur reyndar úr hörðustu átt.)

Ritstjórarnir slá nú varnagla við því, að Bandaríkjamenn steypi sér á bólakaf í stríð við Rússa. Meira að segja gamli stríðshaukurinn, Henry Alfred Kissinger (f. 1923), ljær þeim röddu sína.

Engu að síður – segja ritstjórarnir - skulu boð stjórnar þeirra vera skýr; Tryggja skuli frelsi Úkraínumanna. Þá eiga ritstjórarnir væntanlega við það frelsi, sem fólst í því að steypa stjórn þeirra ásamt undirróðri til undirbúnings þeirra frjálsu kosninga, sem síðar komu í kjölfarið. Frelsi hefur greinilega margs konar merkingu á þeim bæ.

Ritstjórarnir eiga í vandræðum með að átta sig á eiginlegum tilgangi stjórnvalda með stríðinu. Ætla þau sér að grafa undan Rússum efnahagslega og stjórnarfarslega? Ætla þau að sigra Rússa á vígvellinum, sbr. margs konar aðstoð við að drepa Rússa og sökkva herskipi þeirra?

Ritstjórarnir vara við þeirri grillu, að Úkraínumenn beri sigurorð af Rússum og reki þá út fyrir landamærin, þrátt fyrir lina framgöngu í stríðinu. (Líklega samkvæmt ríkjandi herkænskubollaleggingum Bandaríkjahers, þ.e. gereyðingarstríði, sbr. Írak, Sýrland og Líbíu. En slíkt stríð þvertaka Rússar fyrir að vilja heyja.) Ritstjórarnir leggja að bandarískum stjórnvöldum og þingmönnum sínum að lækka stríðsrostann og gera Úkraínuhaukunum grein fyrir því, að stuðningur við stríðsreksturinn verði ekki ótakmarkaður og botnlaus. (Þetta virðist nú vera að renna upp fyrir Volodymyr Oleksandrovych Zenlenskyy (f. 1978), forseta Úkraínumanna, sem færist allur í aukanna og skammar Vesturlönd fyrir að láta deigan síga í hernaðinum.)

Ætli fall vígisins í Mariupol, þar sem harðskeyttustu stríðsmenn Úkraínumanna (kjarni nasistahersveita þeirra) gáfust upp (eða yfirgáfu svæðið samkvæmt fréttum RÚV), hafi hrist upp í ritstjórum NYT? Það kynni að vera, að þeir sjái í hendi sér eins og fyrrum yfirhershöfðingi í Ísraelsher, Yakov Kedmi (f. 1947), að BNA og Nató hafi þegar hafið þriðju heimsstyrjöldina og því mál að linni.

Það er einnig hugsanlegt, að ritstjórarnir séu svo heilsteyptir, að þeim hrylli við hræsni eigin stjórnvalda og Nató, ekki síst stríðsæsingamanninum norska, Jens Stoltenberg. Hann hefur reyndar tilkynnt, að Nató muni enn færast í aukana í austurátt. T.d. hefur Norður-Makedóníu og Svartfjallalandi verið boðin aðild. (Þegar hin hryllilegu morð í Útey og Ósló voru framin, lagði Jens áherslu á mátt kærleikans. Nú virðist máttur tortímingarinnar hafa náð á honum heljartökum.)

Nató hefur einnig stofnað til einhvers konar vinatengsla við ríki utan bandalagsins eins og t.d. Kólumbíu. Fyrrum forseti þess, Juan Manuel Santos (f. 1951), sá hinn sami og gerði innrás í Ekvador, var síðar sæmdur friðarverðlaunum Nóbels árið 2016, rétt eins og sjálfur Barrack Obama, sem lét steypa lýðræðislegri stjórn Úkraínu. Óvíða er hræsnin meiri en á norska Nóbelbænum.

Stjórnmálafræðingurinn, Sergio Rodriquez Gelfenstein, frá Venesúela, bendir eftirminnilega á yfirþyrmandi hræsni BNA og Nató. Bandaríkjamenn eru nú komnir með betlistafinn til heimalands hans. En það hafa þeir, ásamt Bretum, lagt gjörva hönd á að eyðileggja. Þeir grátbiðja nú um olíu.

Slíka betliför hafa Bretar einnig farið til Arabalandanna, en fengu heldur snautlegar viðtökur. Bretar eru reyndar útverðir Nató á Suður-Atlantshafi, þar sem þeir hersitja Falklandseyjar. Að sögn Sergio hafa þeir komið þar fyrir kjarnorkuvopnum.

Mótsagnir, hugmyndafræðileg hentistefna og betlifarir kynnu að hafa komið ofangreindum ritstjórum spánskt fyrir sjónir. Samtímis kynnu þeir að hafa skoðað kortið, sem sýnir, hvernig BNA hafa umkringt Rússa með herstöðvum, þótt nóg færst í fang í stríðsleikjum – eða frelsisbaráttu eins og það einatt heitir – á kostnað bandarískra skattgreiðenda.

Herþjálfun úkraínskra nasista er einn þáttur slíkrar hræsni. Ritstjórarnir kynnu að hafa rifjað upp fjöldamorð og önnur voðaverk þeirra fyrr og nú – og orðið bumbult af eins og heiðvirðari þingmönnum Bandaríkjanna.

Kostnaður skattgreiðenda við stríðsrekstur yfirvalda þeirra eykst stöðugt, enda eru leiðtogar Evrópuríkja að gugna í samstöðu um það, sem Vladimir Putin kallar efnahagslegt sjálfsvíg Vesturlanda.

En öfugmæla-Úrsúla skammast stöðugt út í Rússa fyrir að vilja ekki selja Evrópumönnum olíu, gas, áburð og matvæli á lægra verði, jafnvel þótt þvingunum þeirra sé um að kenna. Kröfu um greiðslu í rúblum kallar endemis-Úrsúla tilburði Rússa til kúgunar. Það er svo margt skrítið í kýrhausnum.

Vonandi tekst ritstjórunum að koma vitinu fyrir stjórnvöld í heimalandinu. Og hver veit nema rússnesk stjórnvöld leiti annara leiða en stríðs til að tryggja öryggishagsmuni sína.

https://lapupilainsomne.wordpress.com/2022/04/30/stoltenberg-y-noruega-talante-guerrerista-e-hipocresia-total-por-sergio-rodriguez-gelfenstein/ https://www.globalpolitics.se/stoltenberg-och-norge-krigshetsare-och-hycklare/ https://radio.uchile.cl/edruch/author-book/sergio-rodriguez-gelfenstein/ https://www.youtube.com/watch?v=kPkJaxQLi2A https://steigan.no/2022/05/fra-den-gale-siden/?utm_source=substack&utm_medium=email https://niccolo.substack.com/p/hubris?token=eyJ1c2VyX2lkIjo0Njk0NzAxNCwiXyI6Im9UTDhMIiwiaWF0IjoxNjUzNTU4MjUyLCJleHAiOjE2NTM1NjE4NTIsImlzcyI6InB1Yi0zOTgyMSIsInN1YiI6InBvc3QtcmVhY3Rpb24ifQ.eghXkXAbiMebGjFhaDJQ_9-3kPjx3POVB1nux83tODE&s=r https://www.youtube.com/watch?v=-vHQiTgrvf4 https://steigan.no/wp-content/uploads/2022/05/Min-utskrift-Fra-den-gale-siden.pdf https://steigan.no/2022/05/krigen-mellom-nato-og-russland-new-york-times-antyder-splittelse/ https://steigan.no/2022/05/store-diplomatiske-nederlag-for-usa-i-midt-osten-og-overfor-india/?utm_source=substack&utm_medium=email https://www.jstor.org/stable/41708340 http://infobrics.org/post/35740 https://steigan.no/2022/05/nye-lavmal-i-debatten-om-russland%ef%bf%bc/?utm_source=substack&utm_medium=email https://greenwald.substack.com/p/twenty-two-house-republicans-demand?token=eyJ1c2VyX2lkIjo0Njk0NzAxNCwicG9zdF9pZCI6NTYyNDM2ODUsIl8iOiJvVEw4TCIsImlhdCI6MTY1MzQyNzgzOSwiZXhwIjoxNjUzNDMxNDM5LCJpc3MiOiJwdWItMTI4NjYyIiwic3ViIjoicG9zdC1yZWFjdGlvbiJ9.5r1tVaCjgrBujXEsIMB_BEin9fw2Pp0IB2T8-F0ayrw&s=r https://www.globalpolitics.se/stoltenberg-och-norge-krigshetsare-och-hycklare/ https://expose-news.com/2022/05/24/western-leaders-manipulating-food-shortages/ https://www.wsws.org/en/articles/2022/05/21/nyti-m21.html https://www.reddit.com/r/BreakingPoints/comments/utyaco/the_war_in_ukraine_is_getting_complicated_and/ https://www.nytimes.com/2022/05/19/opinion/america-ukraine-war-support.html

Vísindakreppan 1: Hugmyndafræðilegt holhljóð

Gríski sagnaritarinn, Hómer (f. -928), var tilbeiðandi blóðsúthellinga; enska skáldið, John Milton (1608-1674) misnotaði dætur sínar; austurríski tónjöfurinn, Wolfgang Amadeus Mozart (1756-1791) og þýski tónsnillingurinn, Ludwig van Beethoven (1770-1827) voru kynóþokkar, eins og gríski heimspekingurinn, Aristóteles (-384-322); enska skáldið, Jane Austin (1775-1817), var nýlendukúgari.

Og eiginlega stálu karlvísindamenn oftast vísindaheiðrinum af eiginkonum sínum, sem er enn þá ein sönnun eitraðrar karlmennsku. Þetta er nokkur dæmi af mörgum um áherslur og þróun í hug- og félagsvísindum hinna betri háskóla í vesturvegi.

Þetta veldur ýmsum áhyggjum. T.d. kanadíska blaðamanninum, Rex Murphy (f. 1947). Hann hlaut menntun í enskum bókmenntun í heimalandi sínu og við háskólann í Oxford í Englandi. Rex hefur um langa ævi fylgst með þróun vísindanna. Hann segir m.a.:

„Hugvísindin eru samkvæmt mínum dómi hin versta lágkúra – vansæmd. … Það sorglegasta, sem yfir Vesturlönd hefur dunið, er innkoma annars flokks hugsuða, pótintáta stjórnmálanna með áróður í farteskinu í stað kennslu. Við höfum nær því gengið af sál háskólanna dauðri.“

Það er af sem áður var: Háskólarnir „dýrkuðu bestu sköpunarverkin, það besta, sem efst var á baugi, hverju sinni, afburðahugsuði, fáguðustu vísindin. Og þau lögðu að nemandanum þakklæti fyrir framlag þeirra afbragðshugsuða, sem skipt hafa sköpum fyrir mannkyn allt.“

Hann ráðleggur foreldrum að senda börn sín ekki í háskóla, nema þá helst til að nema raungreinar. En þar eru reyndar einnig blikur á lofti. Kvenfrelsunarþekkingarfræðin hefur sömuleiðis náð þar fótfestu, þ.e. sú trú, að tilfinningalegt hugboð í anda kvenfrelsunar sé undirstaða algildrar þekkingar. Jákvæð mismunun, þ.e. ráðning kvenna í stað hæfari karla til að bæta fyrir kúgun kvennanna frá upphafi vega, er einnig orðin áberandi. Í þessum jarðvegi er nú kennd kvenfrelsunareðlisfræði, -stærðfræði, -jöklafræði, -landbúnaðarfræði og þar fram eftir götunum.

Philip Carl Salzmann, prófessor i mannfræði við McGill háskólann í Kanada, tekur í svipaðan streng:

„Stjórnmálaleg hugmyndafræði hefur komið í stað fræðimennsku og rannsókna, því hugmyndafræðingar hafa á reiðum höndum svör við öllum spurningum. Þetta á einkanlega við um félagsvísindi, hugvísindi, menntunarfræði, félagráðgjöf og lögfræði. Og þrátt fyrir, að þung lögð sé áhersla á fjölbreytileika við háskólana með tilliti til kynþáttar, kyns, kynlífs, þjóðernis, stéttar, svo og andlegrar og líkamlegrar hæfni, er horfin fjölbreytni skoðana.“

Hin kanadíska Janice Fiamengo, fyrrum prófessor í ensku við háskólann í Ottawa, tekur undir orð Philip:

Nú snýst nám í háskóla ekki lengur um „að nema tiltekna háskólagrein, heldur lífið sjálft, sjálfseflingu, umhverfisnæmi, stjórnmálalega aðgerðahyggju, sniðgöngu Ísraels, kvenfrelsunarskuldbindingu – allt, nema bækur.“

Hún heldur áfram: „Síðustu fjóra ártugina hefur geisað óviðri, sem skekið hefur innviði háskóla, svo þeir eru vart þekkjanlegir; námsskrár, viðhorf og hátterni nemenda og kennara – en gildi og köllun hefur beðið alvarlegt tjón.“

Stjórn háskólans í Ottawa segir nám ekki hafa gildi í sjálfu sér, heldur snúist það um að sameina fræðimennsku og félagslegan tilgang, þ.e. menningarfjölhyggju, sjálfbæra þróun og jafnrétti.

Kennarar eru ráðnir að æðri menntastofnunum, samkvæmt stjórnmálalegri sannfæringu, þ.e. kvenfrelsun og/eða eymdarróttækni (woke) og/eða afstöðu til kynþátta og/eða færni í kynleysufræðum. Wenyuan Wu, framkvæmdastjóri félagskaparins, „Kaliforníubúar í þágu jafnréttis“ (Californians for Equal Rights), segir:

„Háskólinn í Kaliforníu er ein umsvifamesta stofnun æðri menntunar í veröldinni. Haustið 2018 innrituðust þar 286.271 námsmenn. Við þessa tröllauknu stofnun fara sífellt minni fjármunir til kennslu og ráðningar kennara. Kennsla í vitundarvakningu (woke) um réttlæti og jafnrétti fer hins vegar vaxandi.

Lögfræðideildin í Borg Englanna (LA) auglýsti t.d. fyrir skemmstu eftir forstjóra átaksverkefnis á sviði gagnrýninna kynþáttafræða. Samtímis auglýsti annar skóli eftir forstjóra stefnumótunar, en hann skal „hafa umsjón með stefnumótun, rannsóknun og skrifum um kynhneigð og lög um kynrænan sjálfsskilning.“

Hermt er, að Háskólinn í Berkeley eyði 25 milljónum dala árlega til fjármögnunar fjögur hundruð manna liðs til að stuðla að „réttlæti og innlimun.“

„Bæði opinberar og einkareknar stofnanir æðri menntunar eyða og spena gríðarlegum upphæðum til ráðningar alls konar óþarfastarfsmanna. [Þær] eyða [sömuleiðis] ótæpilega í tilskipanir um rétttrúnað, réttlæti og innlimun. Flestar hinna tíu merkustu menntastofnanna í Bandaríkjum Norður-Ameríku taka þetta fram í yfirlýsingum um ætlunarverk (mission) sitt - eða [þá] andkynþáttahyggju. Fjölbreytni í hugsun er varla nefnd á nafn.“

Það er miklu víðar, að kennarar séu ekki ráðnir, nema yfirlýsingar í ofangreindum anda séu undirritaðar eða gerð grein fyrir þeim með öðrum hætti. Wenyuan heldur áfram:

„En þessar ónauðsynlegu uppljóstrunarsæringar (social engineering) hafa ekki haft í för með sér aukinn árangur við æðri menntastofnanir. Niðurstöður nýrrar rannsóknar frá “Þjóðhagsrannsóknarstofnun“ (National Bureau of Economic Research) bendir t.d. til, að brottskráningar úr háskólum ráðist af lægri kröfum og einkunnabólgu. Hnignun æðri menntunar hefur einnig haft í för með sér slæmar afleiðingar með tilliti til samkeppnishæfni á heimsvísu.“ Fyrirsjáanlegur er skortur á fólki með menntun á tækni- og raunvísindasviði (STEM).“

Wenyuan segir að lokum: „Það gæti verið tími til kominn að stokka upp og endurvekja trú á eiginlega víðsýni og frelsi (liberal) í æðri menntun.“

Öruggu svæðin (safe spaces) eru önnur nýlunda í starfi háskóla. Þau eru sprottin úr jarðvegi kvenfrelsunaráróðurs í þá veru, að karlnemendur sitji um kvennemendur til að beita þá kynofbeldi. Því þurfi þær á slíkri vernd að halda – og sömuleiðis fyrir fræðilegum áskorunum. (Náskylt fyrirbæri eru kynáreitnivarnabílastæðin í Hörpu fyrir konur.)

Í þessu ljósi skyldi engan undra, að kennt sé sérstaklega um óværuna, ofbeldiskarlinn. T.d. er við háskólann í Kansas boðið upp á fræðigreinina; „karlbleiknefjabræðifræði“ (Angry white male studies), þar sem kafa á niður til „hinnar dýpri uppsprettu þessa tilfinningaástands og samtímis ígrundaðar nýlegar birtingarmyndir þess“ í Bandaríkjum Norður-Ameríku og Bretlandi frá miðri síðustu öld.

Í námsskrá stendur: „Í þessu námsskeiði er rýnt af þverfaglegum sjónarhóli og til mergjar brotið, hvernig bæði drottnunar- og undirlægjukarlmennska tákngerist og myndbirtist á hraðbergi í menningu á hverfanda hveli - í tengslum við nútímann sem og kvenréttindahreyfingar, hörundsdökkt fólk, samkynhneigða og kynskiptinga.“

https://www.foxnews.com/us/kansas-university-to-offer-angry-white-male-studies-course http://www.safs.ca/newsletters/2015/september/CAN%20THE%20UNIVERSITY%20BE%20SAVED%20FROM%20SOCIAL%20JUSTICE.pdf https://www.washingtonpost.com/news/morning-mix/wp/2015/11/12/a-course-originally-called-the-problem-of-whiteness-returns-to-asu-as-racial-tensions-boil-over-on-campuses/ https://www.mindingthecampus.org/2021/11/01/attacking-merit-in-a-bumbling-bureaucracy-the-university-of-california-leads-again/?utm_source=NAS+Email+General&utm_campaign=5fa90908c2-RSS_EMAIL_CAMPAIGN&utm_medium=email&utm_term=0_407924b2a9-5fa90908c2-236730470&mc_cid=5fa90908c2&mc_eid=3f29f8eb4a https://www.youtube.com/watch?v=7Yrrm5qccig https://www.mindingthecampus.org/2019/04/24/how-nine-universities-pander-to-radical-groups/ https://www.youtube.com/watch?v=dncyXvPR8uU https://www.mindingthecampus.org/2018/09/19/the-growing-threat-of-repressive-social-justice/ https://www.mindingthecampus.org/2018/09/04/what-your-sons-and-daughters-will-learn-at-university/

Bólusetningalýðræðið og ”áunna alnæmið”

Í lýðræðisríkjum er þegnunum að töluverðu leyti stjórnað í samvinnu stjórnvalda, þ.e. stjórnmálamanna og embættisveldis annars vegar og auðjöfra eða auðvalda (ólígarka) hins vegar. Þeir fela sig oft og tíðum í alls konar sjóðum, jafnvel „góðverkasjóðum.“

Samvinnan er oftsinnis þannig vaxin, að tvinnaðir eru saman hagsmunir ofangreindra, jafnvel í alþjóðastofnunum eins og Alþjóðaheilbrigðisstofnuninni, þar sem t.d. bólusetningaáhugamaðurinn og bóluefnaframleiðendahluthafinn, Bill Gates, er stór ”hluthafi.”

Sjaldan hefur slík lýðstjórnunarsamvinna birst með skýrari hætti en einmitt í veirufárinu. Stjórnvöld veittu lyfjafyrirtækjunum undanþágu frá refsilöggjöfinni og keyptu tilraunalyf fyrir nær yfirskilvitlegar upphæðir – í þágu almennings að sjálfsögðu. Samtímis voru fyrirskipaðar staðlaðar, alþjóðlegar veiruvarnaaðgerðir, sem höfðu í för með sér stórkostlegt fjárhagstjón, skuldasöfnum, frelsissviptingu og andlegar meinsemdir.

Veiran var ræktuð á tilraunastofum í Bandaríkjunum og Kína. Uppátækið var fjármagnað af bandarískum yfirvöldum, þ.e. skattgreiðendum. Faraldurinn var svo skilgreindur hjá Alþjóðaheilbrigðisstofnuninni á grundvell PCR próf svokallaðs, sem er vísindalega marklaust sem sjúkdómsgreiningartæki.

Sums staðar sátu fulltrúar embættisveldis og stjórnmála beggja megin borðs og mötuðu krókinn á sölunni. Vísindafúsk fyrirtækjanna var látið óátalið og jafnvel gengið svo langt að panta falsrannsóknir til að blekkja lærðan og leikan. Þó létu ekki allir blekkjast og dómstólar hafa krafist þess, að leynileg rannsóknagögn væru opinberuð.

Um þessar mundir mótmæla 17.000 heilbrigðisstarfsmenn og vísindamenn vísindafúski og -óheilindum í sambandi við bóluefnin eða -lyfin. Óheilindin taka m.a. til útskúfunar og þöggunar vísindamanna og annarra, sem gert hafa athugasemdir við gerræði yfirvalda og fyrirtækja.

Meðan stendur á málarekstri fyrir dómstólum hrannast upp tilkynningar um líklegar aukaverkanir hjá heilbrigðisyfirvöldum – þó líklega ekki nema að hámarki tíundi hluti þeirra. Sömu yfirvöld leggja sig yfirleitt í líma við að hafna orsakasambandi tilkynntra kvilla við bólusetningar.

En blaðamenn Exposé hafa brotið til mergjar opinberar tölur í nokkrum löndum og komist að því, að í kjölfar bólusetninga væri hlutfallsaukning alnæmistengdra kvilla, krabbameina og sýkinga, á bilinu 1.145% til 33.715%.

Samkvæmt könnun áhugamannsins og töluvtæknijöfurins, Steve Kirsch, gæti um hálf milljón manna hafa látið lífið í þessari „bólusetningarhelför“ í Bandaríkjunum. Aðferðinni er lýst í kræktri grein. Þar er miðað við svonefnd Bradford-Hill skilmerki um samband bólusetninga og fylgikvilla. Sjálfur vísar hann til umfangsmikilla, hlutlausra rannsókna, þar sem niðurstöður eru nær samhljóma; þeim mun oftar, sem sprautað er, því meira aukast líkur á heilsufarslegum skakkaföllum og andláti.

Nú virðist sem verstu spár óháðra sérfræðinga hafi ræst; áunnið alnæmisheilkenni (aquired immunodeficiency syndrome). Þrátt fyrir reynslu af varasömum lyfjunum (bóluefnum), afhjúpun vísindafúsks og allra handa áróðurs, óheilinda og leynimakks, halda yfirvöld áfram að bólusetja fólk og meira að segja mæla með því.

https://www.mdr.de/nachrichten/deutschland/panorama/corona-impfung-nebenwirkungen-impfschaeden-100.html https://stevekirsch.substack.com/p/jackpot-over-500000-killed-by-the?s=r https://metatron.substack.com/p/us-mortality-pre-and-post-vaccine?s=r https://jglobalbiosecurity.com/articles/10.31646/gbio.109/ https://stevekirsch.substack.com/p/the-more-we-vaccinate-the-higher?s=r https://steigan.no/2022/05/17-000-leger-og-medisinske-forskere-den-medisinske-unntakstilstanden-ma-opphore/ https://www.amazon.com/COVID-19-Great-Reset-Klaus-Schwab/dp/2940631123 https://steigan.no/2022/05/tyske-forskere-tallet-pa-vaksineskader-kan-vaere-40-ganger-hoyere-enn-antatt/ https://unherd.com/2022/05/bill-gates-wants-to-build-a-dystopia/?tl_inbound=1&tl_groups[0]=18743&tl_period_type=3&mc_cid=8d6ddb90b3&mc_eid=1c4c09eceb https://expose-news.com/2022/05/15/evidence-c19-injections-have-killed-500k-americans/ https://expose-news.com/2022/05/15/vaccinated-people-emitting-mac-addresses/ https://doctors4covidethics.org/wp-content/uploads/2021/12/end-covax.pdf https://www.bitchute.com/video/fHIT55iM4Zv9/ https://www.youtube.com/watch?v=C5vpDyDK9MU https://expose-news.com/2022/05/15/your-gov-confirmed-fully-vaccinated-have-a-id-s/

Æðri menntun á undanhaldi. Konan frá Kóreu norður, Yeonmi Park

Kona er nefnd Yeonmi Park. Hún fæddist árið 1993 i Norður-Kóreu í námunda við landamæri Kína. Faðir hennar var handtekinn fyrir ólöglega verslun, smygl. Þrettán ára gömul flúði hún ánauðina, ásamt systur, þremur árum eldri. Hungurvofan vofði yfir eins og stórum hluta heimsbyggðarinnar um þessar mundir.

Yeonmi lýsir eigin reynslu af kúgandi samfélagi og leiðtogadýrkun. Hugsun fólks, jafnvel tungumálið sjálft, var undir eftirliti stjórnvalda. Yeonmi nefnir í fyrirlestri spaugilegt dæmi. Henni hafði ævinlega verið sagt, að Foringinn legði nótt við nýtan í þágu þjóðar sinnar. Fyrir hugskotasjónum Yeonmi var hann hálfhorfallinn eins og almúginn, sem hann skammtaði hrísgrjón úr hnefa. Það var fyrst, þegar hún kom suður fyrir landamærin, að það rann upp fyrir henni, að karl væri sílspikaður. Hún lærði þar með nýtt hugtak.

Foreldrar Yeonmi sameinuðust dætrunum í Kína. Þegar faðir hennar lést, afréð hún og móðirin að flýja til Mongólíu. (Eldri systirin hafi skilist frá þeim.) Þær komust við illan leik yfir Gobi eyðimörkina, tilbúnar með hnífana til að stytta sér aldur, ef illa færi, og þær neyddar til að hverfa aftur til Norður-Kóreu. Mútur dugðu til að þeim væri hleypt inn í Mongólíu.

Flótta Yeonmi var þar með ekki lokið. Árið 2009 tókst henni og móðurinni að komast til Suður-Kóreu. En Kim il-sung (1912-1994) og sonurinn, Kim Jong-un (f. 1984) höfðu tekið sér bólfestu í huganum. Yeonmi trúði því enn, að Foringinn gæti lesið hugsanir hennar.

Þegar hún las bók George Orwell (1903-1950) um „Dýrabýlið“ (Animal Farm), náði hún að hrista Leiðtogann af sér. En það var, þegar hún las framtíðarskáldsögu hins breska höfundar, „1984,“ að rann upp fyrir Yeonmi, að það hafði einungis þurft alræði yfir þrem kynslóðum til að skapa hliðstætt ríki í Norður-Kóreu.

Líf Yeonmi er þyrnum stráð. Hún var m.a. seld í ánauð og nauðgað. En frelsisbaráttan er sigur hennar. Fórnarlamb er ég ekki, segir hún. Frelsi til að heyra um og lesa hugmyndir, andstæðar hinum viðurkenndu og leyfðu, er kjarninn í frelsishugtaki þessarar hugdjörfu og gáfuðu konu. „Fjölmiðlun og upplýsing handan kerfisins frelsa okkur,“ segir hún.

Yeonmi lauk grunnmenntun í Suður-Kóreu. Árið 2014 sótti hún framhaldsmenntun til Bandaríkja Norður-Ameríku. Hún settist á skólabekk í einum af stjörnuháskólum BNA, Columbia. Smám saman sótti að henni hrollur. Minningarnar frá Norður-Kóreu gerðust ágengar. Á námskeiðunum var gerð krafa um stjórnmálalegan rétttrúnað og rétta hugsun. Yeonmi neyddist að temja sér eins konar sjálfsritskoðun. „Raunar hvarflaði að mér, að hér færi fram menningarmorð, að við værum að ganga af okkur dauðum,“ segir hún.

Til að mynda lærði Yeonmi, að leyfði hún karlmanni að opna fyrir sig dyr, væri hún þar með að samþykkja drottnun hans. Þegar Yeonmi maldaði í móinn og sagði það háttprýði og umhyggju, stóð ekki á svari kennarans. Það er innræting frá móðurlandinu.

Spurningu kanadíska sálfræðingsins, Jordan Bernt Peterson (f. 1962) um mat hennar á náminu, segir Yeonmi: „Maður lifandi! Þessi fjögur ár frá 2016-2020 voru algjör vitfirring.“ Hún lauk þó námi í hagfræði, en lærði á leiðinni, að austurríski tónjöfurinn, Wolfgang Amadeus Mozart (1756-1791) hefði verið kreddukarl og enski rithöfundurinn, Jane Austin (1775-1817), varhugaverður nýlendusinni.

Það var draumur pabba, að ég hlyti háskólamenntun. En menntun mín við Columbia háskólann var tímaeyðsla, gagnslaus og dýr. Ég mun ekki greiða fyrir slíka menntun sonar míns, segir Yeonmi.

Hún skrifaði baráttu- og reyslusögu sína: „In Order to Live. A North Korean Journey to Freedom,“ sem kom út árið 2015.

Frelsisskerðing og hugstjórnun færist hratt í vöxt í veröldinni. Norður-Kóreumenn feta dyggilega í fótspor Kínverja í öllu því, sem að eftirliti og skerðingu málfrelsis lýtur. Í flokksræðisríkjum eða alræðisríkjum kemur það varla á óvart.

En því miður gætir sömu tilhneigingar á Vesturlöndum. Ríkisstjórnir auka stöðugt eftirlit með þegnunum og leggja áherslu á rétttrúnað og skerðingu málfrelsis eins og nýlega hefur sést í veiruvitfirringunni og í Úkraínustríðinu.

Með hliðsjón af sögu Yeonmi er hollt að hugsa sinn gang. Henni hefur nefnilega lærst, að frelsið þurfi að vernda og fyrir því að berjast.

https://www.aljazeera.com/news/2014/10/15/escaping-north-korea-one-refugees-story/ https://www.utvarpsaga.is/leknar-heimildir-esb-vill-nota-gervigreind-til-ad-skanna-skilabod-a-milli-einkaadila/?fbclid=IwAR2q81OWN_F1Ey4_eFxWR1fEzxIATyD_dw9B5O3TrPOj-XdlHEuok4P9sKU https://www.independent.ie/irish-news/one-young-world/why-is-the-world-allowing-a-holocaust-to-happen-again-brave-north-korean-shares-harrowing-story-of-escape-30673558.html https://www.telegraph.co.uk/news/worldnews/asia/northkorea/11138496/Escape-from-North-Korea-How-I-escaped-horrors-of-life-under-Kim-Jong-il.html https://www.youtube.com/watch?v=JMd6Rs-g6TQ https://www.youtube.com/watch?v=JFd8bnupsQY https://www.youtube.com/watch?v=h-hS8A85_RE https://www.youtube.com/watch?v=UyWsJ6NFMpE https://www.youtube.com/watch?v=mLzTo-y8Ef0 https://www.youtube.com/watch?v=8yqa-SdJtT4

Stríð og friður í Úkraínu. Blekkingar og grimmd

Um það leyti, þegar Ráðstjórnarríkin (Sovétríkin) voru að leysast upp og forsvarsmenn Nató gáfu Mikhail Gorbachev (f. 1931) ádrátt um, að Bandalagið yrði ekki stækkað að landamærum Ráðstjórnarríkjanna, hélt aðalritari „The Atlantic Alliance and European Security,“ síðar framkvæmdastjóri Nató, Manfred Wörner (1934-1994) merka ræðu.

Þar sagði hann m.a. á þá leið, að ef stuðla ætti að því, að draumurinn um frið í frjálsri Evrópu mætti rætast á grundvelli sameiginlegra grunngilda, þ.e. mannréttinda, frjáls vals, jafnréttis fyrir lögum, opinna landamæra, sjálfsákvörðunarréttar, lýðræðis og verndunar réttinda minnihlutahópa, þyrftu Varsjárbandalagið og Nató að ganga í eina sæng saman.

Manfred segir: „Evrópumenn eiga tvo grundvallarkosti: annað hvort hverfa þeir á vit fornra valdastjórnmála og valdajafnvægistafls eða þeir stika götuna fram eftir veg á vit nýs fyrirkomulags friðs og frelsis, …“

Þetta er einn kaflanna í þeirri viðleitni stjórnmálamann í Evrópu, eftir seinni heimsstyrjöldina, til að samþætta hagsmuni ríkja í Evrópu og þar með stjórnmálin. Þá vildu flestir frið. Venjulega fer fólk í stríð vegna hagsmuna eða græðgi eða til að vernda ásjónu sína. Nú er öldin önnur. Nýjar kynslóðir kyrja stríðssöng og gömlu ófriðarspottin gjamma.

Ádráttur eða loforð Nató og Bandaríkja Norður-Ameríku fyrir þrjátíu árum síðan hafa verið svikin. Aðalstríðshaukurinn, öldungurinn og ófriðarsinninn, Joseph Robinette Biden (f. 1942), veit fullvel af þessum loforðum. Árið 1997 lét hann hafa eftir sér, að stækkun Nató til baltnesku ríkjanna myndi vekja „heiftarleg og fjandsamleg“ viðbrögð frá Rússum. Þau leggur hann sig nú í líma við að mana fram eins og Bretar, aftaníossar hans, sem af gjörsamlegu ábyrgðarleysi – eins og Úkraínumenn - hjala um beitingu kjarnorkuvopna og heimsstyrjöld. Og uppskera vissulega jafn ábyrgðarlaus viðbrögð. Stjórnmálamenn í vestri virðast upp til hópa hafa gengið af vitinu.

Það þarf varla að orðlengja, að stríð varð fyrir valinu hjá stjórnmálamönnum Evrópu, fólki til fjörtjóns, meins og fátæktar, sem ekki er séð fyrir endann á. Ef almenningur grípur ekki í taumanna, eru verulegar líkur á kjarnorkustríði. Það væri ósigur fyrir mannsandann, en ekki nauðsynlega fyrir þá, sem skipuleggja hinu miklu endurreisn á rústum heimsins. Þeir ætla að byggja land betur og setja lög og finna upp bóluefni við ótækilegri hugsun.

Stríðið kostar skattgreiðendur óheyrilega fjármuni. Fyrstu þrjá mánuði stríðsins námu fjárveitingar Bandaríkjaþings upphæð í námunda við hernaðarfjárlög Rússa á einu ári, sem þó eru einungis einn tíundi hluti þeirra bandarísku. Hernaðarfjárlög lýðræðisvinanna í vestri eru þrefalt hærri en Kínverja. Fjárveitingar Bandaríkjamanna til stríðsins í Úkraínu eru nú þegar hærri en í meðalári í stríði þeirra gegn Afgönum í viðleitni sinni til að tryggja sér aðgengi að olíu – eða uppræta illskuna eins og þeir segja. Hergagnaframaleiðendur ráða sér ekki fyrir kæti. Þeir misstu markaðinn í Afganistan, en vígvellirnir í Úkraínu koma í staðinn.

En það er með Jósef eins og ömmu, sem sat á þakinu og spilaði og söng, meðan húsið brann. Jósep kyrjar sinn ófriðarsöng, söng þeirra, sem vilja leggja veröldina í rúst. Á meðan fuðrar gjaldmiðillinn upp og fátæktin grefur um sig í landi hinna frjálsu.

Eins og venjulega, þegar stríð geisa, leitast stríðsaðiljar við að fegra og rökstyðja eigin málstað og einoka upplýsingar og vitneskju. Það á svo sannarlega við um hið ógæfusamlega stríð í Úkraínu. Rússar hafa fyrir löngu tapað upplýsingastríðinu. En þar er ekki allt sem sýnist. Neðanmáls má finna krækjur á pistla höfunda, sem leitast við að hafa það, sem réttara hefur reynst – eða miðla upplýsingum, sem RÚV og hliðstæðar fréttastofur ekki gera.

Það er m.a. fjallað um öfugmælafréttir eins og þá, þegar úkraínskur fangi úkraínskra nasista (sé lesenda í nöp við þetta heiti, má sem hægast kalla þá róttæka þjóðernissinna) í verksmiðjunni margumræddu í Mariupol, er leystur úr haldi. Þar eru böðlarnir sagðir rússneskir. Sama er upp á teningnum í fréttinni alræmdu, þegar ófrísk kona flúði frá Mariupol, um fjöldamorðin í Bucha og svo framvegis. Áður hafa lík sést skríða úr pokum sínum, rússneskir fangar pyndaðir og drepnir, meðan skyldmenni fylgjast með í síma.

Þetta er fróðleg lesning til umhugsunar um lúalegan hernað og stefnu stjórnvalda í Úkraínu. Þau auglýsa sig sem lýðræðisleg dyggðaljós. Vesturlönd baða Volodomyr Zelensky (f. 1978) leiðtoga þeirra í sviðsljósi fjölmiðla sinna sem holdgerving mannréttinda, frelsis, friðsemdar, umburðarlyndis og þroska. Þessi auglýsing hefur borið tilætlaðar árangur. Fé og hergögn streyma til Úkraínu sem og hermenn, þar á meðal besta leyniskytta Kandamanna. Bendi á fróðleg viðtöl við tvo útlenda hermenn (krækjur neðanmáls).

Því kann okkur, sauðsvörtum almúganum, að koma á óvart, að dygðaljósið, Volodomyr, skuli hafa skipað Natóholla útlendinga í stjórn sína og einnig, hvernig hann réttlætir óhæfuverk úkraínskra, róttækra þjóðernissinna eins og til að mynda ódæðin í Odessa (sjá myndskeið á YouTube).

Varla geislar lýðræðisdygðinni af löggjöf, sem hefur það að markmiði að útrýma tungumáli og menningu minnihlutahópa, eða borgarstyrjöldinni, þ.e. styrjöldinni gegn íbúum Donbass með stuðningi Nató og Bandaríkjanna, peningaþvætti, vændi, verslun með börn og fósturfrumur, spillingu (hans sjálfs og Biden feðga meðtalin), fjölmiðlabanni, handtökum, brottnámi og aftökum andstæðinga í stjórnmálum, svo og hernaðarlíftækni. Viðtalið við samlanda Volodomyr, blaðamanninn, Olga Baysha, er sérdeilis áhugavert í þessu tilliti. Hvernig má Úkraína vera lýsandi dæmi þess samfélags, sem við viljum berjast fyrir í nafni lýðræðis og frelsis? Spyr sá sem ekki veit.

Tilfinningahiti og sefjun torveldar einnig skilning eins og áróður. Fátt veldur meiri titringi en umræða um þetta stríð – einhverra hluta vegna. Veröldin verður svart-hvít, góð eða ill. Þetta minnir óneitanlega á „dönsku umræðuna“ fyrir hálfri öld eða svo. Þá var almennt viðkvæðið, að Danir væru misyndismenn upp til hópa. Nú eru það Rússar.

Meira að segja gamla, grunnhyggna Rússagrýlan er komin á kreik aftur. Það kvikindi var búið til, svo réttlæta mætti kalda stríðið fyrra. Það síðara er nú skollið á. Áróðursfræ Vesturveldanna falla síður en svo í grýttan jarðveg.

Bókabrennur og -bönn, þöggun og útskúfun þeirra, sem hvergi eru smeykir við Grýlu þessa, er daglegt brauð. Það kveður svo rammt að þessum endurvakta fæðarfaraldri, að jafnvel fluggáfað fólk og menntað virðist gersamlega missa fótfestuna í þekkingu, sögu, staðreyndum og rökhugsun. Barnatrúin hríslast um í bein og merg.

Sumir þátttakenda í umræðunni taka djúpt í árinni, segja Rússa einhvers konar undirmálsfólk (eins og úkraínskir þjóðernissinar staðhæfa reyndar), gangast jafnvel upp í yfirlýstu Rússahatri. Hæglátustu sómamenn formæla og senda ókvæðisorð þeim, sem leitast við að rýna í mistur upplýsinganna. Þetta er trúarbrögðum líkast. Biblían er utanríkisstefna Bandaríkjanna, Evrópusambandsins og Nató.

En nú horfir alla vega til betri vegar í upplýsingamálum, því hernaðarhaninn, Joseph Biden, hefur stofnað heila sannleiksdeild í einu ráðuneyta sinna – eins konar sannleiksráðuneyti. Trúlega mun ráðneytið efla enn að allri dáð sannleiksfyrirtæki, fjölmiðla og embætti, sem þegar eru á sannleiksmarkaðnum, ekki síst fyrir þá sök, að valinkunnur kvenfrelsari og stríðshaukur hefur verið valinn þar til forystu.

Nú glottir við tönn í gröf sinni, Joseph McCarthy (1908-1957), fyrrum ofsóknameistari Bandaríkjanna (þar sem menn ku lifa samkvæmt fyrrnefndum lýðræðisdygðum). Andlegir og fræðilegir afkomendur hans stjórna um þessar mundir upplýsingahernaði Úkraínumanna. Þeir eru vel að sér um sögu og áróður.

Í ræðu áróðursmeistaranna handa Volodomyr til íslensku þjóðarinnar, hét Kiev sínu forna nafni, Kænugarður. Menn supu hveljur á Alþingi Íslendinga og brynntu jafnvel músum. Svo vel var ræðan samin og leikarinn góður. Fjólubláa ríkisstjórnin samþykkti umsvifalaust að gauka aukamilljarði til Úkraínuhítarinnar, meðan Íslendingar flagga úkraínska fánanum. Hver veit, nema aurar íslenskra skattgreiðenda renni til að kaupa nýja eldflaug eða herflokk erlendra málaliða eins og þess kanadíska.

Regnbogafáni samtaka homma, lesbía, kynskiptinga, tvíkynhneigðra, kinsegin og hinsegin fólks, hefur fengið óvænta samkeppni á fánastöngum stjórnvalda á Vesturlöndum – meira að segja á Patreksfirði. En vonandi verða ekki slökkt kvenfrelsunarljósin á opinberum byggingum, þegar svo ber undir.

(Af gefnu tilefni tek ég fram, að ég er andvígur öllum stríðum og mér er fullljóst, að rússnesk yfirvöld gerðu innrás í Úkraínu og bera ábyrgð á þeirri ákvörðun.)

https://greenwald.substack.com/p/biden-wanted-33b-more-for-ukraine?token=eyJ1c2VyX2lkIjo0Njk0NzAxNCwicG9zdF9pZCI6NTQzMDY1MDgsIl8iOiJvVEw4TCIsImlhdCI6MTY1MjI1NzMxNSwiZXhwIjoxNjUyMjYwOTE1LCJpc3MiOiJwdWItMTI4NjYyIiwic3ViIjoicG9zdC1yZWFjdGlvbiJ9.LkRfAsrioS93iaUxmPYcYVv_D7a0DRCYQOb4l8SOvPs&s=r https://www.pravda.com.ua/eng/news/2022/05/5/7344206/ https://www.youtube.com/watch?v=zN2NdiFJFh0 https://niccolo.substack.com/p/war-in-ukraine-light-begins-to-escape?token=eyJ1c2VyX2lkIjo0Njk0NzAxNCwiXyI6Im9UTDhMIiwiaWF0IjoxNjUyMjU3MDcwLCJleHAiOjE2NTIyNjA2NzAsImlzcyI6InB1Yi0zOTgyMSIsInN1YiI6InBvc3QtcmVhY3Rpb24ifQ.Wf3SyA1t46QkN0hWoWVS-DiEO2ycDMy-Nen9DlPdtIg&s=r https://twitter.com/ImReadinHere/status/1500782351831662592?ref_src=twsrc%5Etfw%7Ctwcamp%5Etweetembed%7Ctwterm%5E1500782351831662592%7Ctwgr%5E%7Ctwcon%5Es1_&ref_url=https%3A%2F%2Fsteigan.no%2F2022%2F05%2Fkrigsdagbok-del-4-7-til-10-mars-2022%2F https://www.youtube.com/watch?v=nXnOFXUmVv0 https://www.youtube.com/watch?v=ps6HuQRWcWY https://unherd.com/2022/05/the-desperation-of-bidens-disinformation-board/?tl_inbound=1&tl_groups[0]=18743&tl_period_type=3&mc_cid=3359bb0d89&mc_eid=1c4c09eceb https://www.youtube.com/watch?v=WdWoV77CjVY https://sarahwestall.com/ukraine-world-war-iii-and-elites-engineered-perfect-storm-of-human-genocide-or-their-swan-song/ https://steigan.no/2022/05/der-spiegel-knepet-i-bevisst-manipulering-av-informasjon/ https://www.anti-spiegel.ru/2022/wie-leser-belogen-werden-der-spiegel-manipuliert-video-von-zivilisten-aus-asowstal/?doing_wp_cron=1652072299.7911510467529296875000 https://www.nato.int/docu/speech/1990/s900517a_e.htm https://thegrayzone.com/2022/04/03/testimony-mariupol-hospital-ukrainian-deceptions-media-malpractice/ https://thegrayzone.com/2022/03/25/bbc-fixer-war-ukrainian-nationalist-pr-operative/ https://steigan.no/2022/05/intellektuell-flyforbudssone-internettsensur-av-protester-mot-ukraina-er-den-nye-normen/ https://dailyexpose.uk/2022/05/07/googles-unprecedented-powers-to-manipulate/ https://niccolo.substack.com/p/saturday-commentary-and-review-82?token=eyJ1c2VyX2lkIjo0Njk0NzAxNCwicG9zdF9pZCI6NTM4NTEwNTAsIl8iOiJvVEw4TCIsImlhdCI6MTY1MTk1NzI5NywiZXhwIjoxNjUxOTYwODk3LCJpc3MiOiJwdWItMzk4MjEiLCJzdWIiOiJwb3N0LXJlYWN0aW9uIn0.9wfDeIjUZZ9sp_ipZq-A6kOzcRP-RLwDjHDcL7_Rtvs&s=r https://thegrayzone.com/2022/04/28/zelensky-celebrity-populist-pinochet-neoliberal/ https://greenwald.substack.com/p/homeland-securitys-disinformation?token=eyJ1c2VyX2lkIjo0Njk0NzAxNCwiXyI6Im9UTDhMIiwiaWF0IjoxNjUxOTU3NTMwLCJleHAiOjE2NTE5NjExMzAsImlzcyI6InB1Yi0xMjg2NjIiLCJzdWIiOiJwb3N0LXJlYWN0aW9uIn0.FJEE1L3AZhSw0jJY_V6Yal1mCNXAngMpkVjMdADKlgo&s=r https://www.theguardian.com/society/2022/may/09/more-than-2m-adults-in-uk-cannot-afford-to-eat-every-day-survey-finds https://thegrayzone.com/2022/04/20/nazis-us-greece-route-russia/ https://dailyexpose.uk/2022/05/09/former-canadian-general-captured-by-russians/ https://www.visir.is/g/20222258819d/bandarikin-bonnudum-bokum-fjolgar-fra-degi-til-dags?fbclid=IwAR3aITgIh0vX_Atsw3UEeBZ1geTYwueUOuEXbqhkV4nHwTwVwivlo6y9fOQ https://thegrayzone.com/2022/04/17/traitor-zelensky-assassination-kidnapping-arrest-political-opposition/ https://www.bloomberg.com/news/videos/2022-03-17/u-s-is-in-a-proxy-war-with-russia-panetta-video https://twitter.com/vonderleyen/status/1521745710068248577https://twitter.com/vonderleyen/status/1521745710068248577 https://news.err.ee/1608584776/general-ben-hodges-q-a-ukraine-could-push-russia-back-by-end-of-2022 https://southfront.org/ukrainian-leadership-no-peace-treaties-with-russia-only-capitulation-of-moscow/ https://ukranews.com/en/news/854183-there-can-be-no-peace-treaty-with-russia-only-surrender-of-russian-federation-danilov https://www.anti-spiegel.ru/2022/wie-leser-belogen-werden-der-spiegel-manipuliert-video-von-zivilisten-aus-asowstal/?doing_wp_cron=1652072299.7911510467529296875000 https://www.friatider.se/azovstal-kvinna-berattar-att-ukrainska-soldater-haller-civila-som-gisslan-klipps-bort-av-svt https://www.youtube.com/watch?v=T9VS9m8BVo4

Hvað segja bandarískir ráðamenn um stríðið í Úkraínu?

Jospeh Robinette Biden, forseti Bandaríkja Norður-Ameríku, lands hinna frjálsu, hefur margsinnis látið í veðri vaka og sagt beinum orðum, að Vladimir Putin verði að fjarlægja, að hann stefni að stjórnarbyltingu í Rússlandi. Það er skemmst að minnast stjórnarbyltingar forvera hans, Barrack Hussein Obama, í Úkraínu árið 2014.

Joseph hefur átt fundi með forsvarsmönnum hergagnaiðnaðarins í BNA og lofað gríðarlegum kaupum á hergögnum, sem sérstaklega henti í stríðinu í Úkraínu. Hann kallar þetta öryggisaðstoð, sem muni send „þráðbeint til vígstöðva frelsisins – til hinna óttalausu og snjöllu bardagamanna Úkraínu, sem berjast í fylkingarbrjósti.“

Leon Edward Panetta, fyrrum varnarmálaráðherra í stjórn Barrack og forstjóri Leyniþjónustunnar (CIA), sagði:

„Einasta leiðin til að eiga raunverulega við Putin er að bæta um betur (double down). Það felur í sér að útvega alla þá hernaðaraðstoð, sem þurfa þykir til Úkraínu, svo þeir geti haldið áfram stríðinu við Rússa. … Við erum á bólakafi í átökunum. Þetta er staðgengilsstríð, hvort sem okkur líkar það betur eða verr. Það ber raun vitni um. Og þess vegna verðum við að tryggja, að við útvegum öll þau vopn, sem nauðsyn ber til. … Því skulið þið trúa, að samningar eru fánýtir án þeirra (leverage). Dráp á Rússum er í hreinskilni sagt leiðin til að öðlast samningsstöðu. Þetta verða Úkraínumenn að gera. Við verðum að blása lífi í stríðið. … Því þetta er valdatafl.“

Fjármálaráðherra BNA, Janet Louise Yellen, sagði um aukna aðstoð til Úkraínu:

„Áætlun okkar er að ráðstafa þessari beinu aðstoð til Úkraínu eins fljótt og auðið er, svo fullnægja megi bráðri þörf. Okkur er kunnugt um, að þetta er einungis upphafið að enduruppbyggingu í Úkraínu.“ Hún vék einnig að alheimsfaröldrum: „Covid-19 verður ekki síðasti alheimsfaraldurinn.“

Utanríkisráðherra, Anthony John Blinken, sagði:

„Rússar hafa þegar tapað stríðinu og Úkraína sigrað, því meginmarkmið Rússa, ásetningur Pútíns, að eign sögn, var að leggja Úkraínu í einu og öllu aftur undir Rússland. … Það hefur ekki gerst.“ (Þetta er reyndar í ósamræmi við orð Pútíns sjálfs.)

Hann heldur áfram:

„Við vitum ekki, hvaða mynd þetta stríð mun taka á sig, en hitt er víst, að fullvalda og sjálfstæð Úkraína mun blífa miklu lengur en Vladimir Pútín. Stuðningur okkar við Úkraínu verður óbrigðull … uns fullum sigri verður náð.“

Varnarmálaráðherra, Lloyd James Austin III, sagði:

„Von okkar er sú, að Rússar verði svo veikburða, að þeir verði ófærir um að endurtaka annað því um líkt og innrásina í Úkraínu. Þegar hefur dregið umtalsvert úr vopnamætti þeirra og herafla – svo skýrt sé kveðið að orði.“ Rússar „hafa reynt að beita hernaðar- og efnahagsmætti sínum. Við sjáum, að það er unnið fyrir gýg. Herinn er verulega veikburða og efnahagur þeirra er í rúst, þökk sé efnahagsþvingunum.“

Nýlega var haldinn fundur í „Ráðgjafahópi um varnir Úkraínu“ (Ukraine Defense Consultative Group) á bandarísku Ramstein herstöðinni í Þýskalandi. Allar Nató þjóðirnar voru boðnar til fundar og fjórtán utan þess, þar á meðal Finnar og Svíar. Lloyd Austin tjáði fundarmönnum, að viðræður myndu fara fram með skír siðgæði að leiðarljósi. Á fimmta tug ríkja tók þátt.

Utanríkisráðherranum varð tíðrætt um bráðahættu þá, sem Úkraínumenn standa frammi fyrir. Hann sagði m.a.: „Því sæi ég fundarmenn kveðja, að fundi loknum, með sameiginlegan og skýran skilning á bráðum öryggisþörfum Úkraínumanna – þar eð við munum enn sem fyrr einskis láta ófreistað til að koma til móts við þær.“ Hann lét einnig þau orð falla, að Úkraínumenn hefðu hrundið árás Rússa á sextíu og tveim dögum.

Hann beindi þessum orðum til „vinar“ síns, utanríkisráðherra Úkraínu, Alexei Reznikov, og fylgdarliðs hans: „Viðspyrna ykkar hefur veitt hinum frjálsa heimi innblástur, gert NATO einbeittara og fært Úkraínu dýrð. Aðstoð okkar mun berast hraðar en dæmi eru um. Og heimurinn allur mun verða vitni að úrslitaáhrifum hennar á vígvellinum.“

https://mronline.org/2022/04/21/the-civil-war-proxy-war-in-ukraine-and-the-russian-offensive/ https://breakingdefense.com/2022/04/from-jordan-to-japan-us-invites-14-non-nato-nations-to-ukraine-defense-summit/ https://www.politico.eu/article/ukraine-war-russia-united-states-defense-consultative-group/ https://www.defense.gov/News/Speeches/Speech/Article/3010300/secretary-austins-opening-remarks-at-the-ukraine-defense-consultative-group-ram/ https://www.youtube.com/watch?v=Ynu-RkPUDF0 https://triblive.com/news/world/janet-yellen-says-new-500m-is-only-the-beginning-of-ukraine-aid/ https://www.washingtonpost.com/world/2022/04/25/russia-weakened-lloyd-austin-ukraine-visit/https://www.washingtonpost.com/world/2022/04/25/russia-weakened-lloyd-austin-ukraine-visit/ https://www.bloomberg.com/news/videos/2022-03-17/u-s-is-in-a-proxy-war-with-russia-panetta-video https://www.newsweek.com/joe-biden-calling-regime-change-russia-this-time-it-isnt-gaffe-1694867

Gæfusnauða covid geitin í Tansaníu. Í minningu John Magufuli

John Pome Joseph Magufuli (1959-2021) – jarðýtan - lést í fyrra. Hann var fimmti forseti Tansaníu. Tansanína er staðsett á austurströnd Afríku, ríki sem varð til við sameiningu fyrrverandi Tankaníku og Zansibar, eyríkis undan ströndum þess. Hinn merki leiðtogi, Julius Kambarage Nyerere (1922-1999) var fyrsti forseti hins nýstofnaða ríkis.

Þessi heimshluti hefur ekki farið varhluta af árásum og ágirnd nýlenduveldanna. Belgar, Arabar, Portúgalar, Þjóðverjar og Bretar hafa leikið þar lausum hala, kúgað og arðrænt eins og nýlenduveldunum er tamt. Flestar hafa nýlendurnar fengið frelsi, en hin gömlu nýlenduveldi hafa hvergi nærri hætt af þeim afskiptum og enn seilast stórveldin til áhrifa með öllum hugsanlegum ráðum – ekki síst efnahagslegum.

Kínverjar gera hosur sínar óspart grænar fyrir Tansaníumönnum og fleiri Afríkuríkjum. Norska ríkisfyrirtækið, Statoil, hefur leitað að gasi undan ströndum Tansaníu, sem og alþjóðafyrirtækið, Exxon Mobil. Auðhringarnir stunda þar námugröft. Evrópusambandið var svo rausnarlegt að veita Tansaníu tuttugu og sjö milljónum evra í styrk til að fara að tilmælum Alþjóðaheilbrigðisstofnunarinnar (WHO) um að skella atvinnu- og mannlífi í lás til að forðast Covid-19 drepsóttina miklu, sem hún bjó til.

En þá dró til tíðinda. John eins og fyrirmynd hans, Julius, hafði megna vantrú á öllum góðverkum Vesturlanda. Hann sló umsvifalaust varnagla við boðskapnum um alheimsdrepsóttina, enda sjálfur menntaður heilbrigðisvísindamaður. Eins og sumir vita beitti WHO vita gagnslausu, þýsk framleiddu PCR prófi til að sannfæra fólk um útbreiðslu veirunnar og hættuna af henni.

Hinn spaugsami forsætisráðherra tók til sinna ráða og gerði merkilega tilraun, lét PCR-prófa ávexti, kindur, hænur, geitur og olíu. Og viti menn! Sýnin úr hænum, geitum og ávöxtunum (paw-paw) reyndust jákvæð. WHO lét þó hjá líða að boða alheimsfaraldur í þess konar ávöxtum og skepnum – góðu heilli. Við svo búið voru erindrekar WHO reknir heim til föðurhúsanna. Það höfðu Hvít-rússar og Búrundimenn einnig gert.

Um miðjan mars (samkvæmt Our World in Statistics) höfðu greinst 509 covid-19 smit, 21 höfðu látist, en 183 fengið bata. (Það fylgir ekki sögunni, hvort þeir hafi læknast af margumræddu „ormalyfi,“ Ivermectin, eins og víðar í Afríku.)

Afstaða og rannsóknaniðurstöður Tansaníumanna þóttu auðvitað hinn mesta vanvirða við vísindin, þróunarhjálp og WHO. Í vestrænum miðlum var John úthrópaður andbólusetningarsinni og samsærismaður. En nú er komið annað hljóð í strokk Tansaníumanna.

Fyrsti kvenforseti þeirra, Samia Saluhu Hassan (f. 1960) eða mamma Samia, ætlar sér að sýna Vesturlöndum auðmýkra viðmót. Það verður fróðlegt að sjá, hvað í því felst, og hvort hún muni þá einnig samþykkja gífurlega efnahagsaðstoð Kínverja, sem forveri hennar vísaði á bug.

Ennþá einn af mikilhæfum leiðtogum Afríkumanna hefur nú hnígið í valinn, John Mangufuli. Hjartakvilli er opinber dánarorsök eins og hjá Pierre Nkurunziza (1964-2020), forseta Burundi. Sá bauð einnig alþjóðastofnunum birginn.

Andstæðingar John segja hann hafa látist af völdum Covid-19 veirunnar. Engar sögur fóru af heilsuleysi hans, áður en kallið kom. Á skömmum tíma blés hann lífi í efnahag Tansaníu, bætti lífskjör fólks, svo um munaði, og sagði alþjóðafyrirtækjum stríð á hendur. Þeim tókst ekki að kaupa hann. Auðvalds- og alheimsyfirráðasinnar glotta nú við tönn, almenningur og baráttumenn gegn spillingu fella tár.

https://markcrispinmiller.substack.com/p/the-new-york-times-latest-news-on?token=eyJ1c2VyX2lkIjo0Njk0NzAxNCwicG9zdF9pZCI6NTI0Mzg0NTMsIl8iOiJvVEw4TCIsImlhdCI6MTY1MDkxODIyMywiZXhwIjoxNjUwOTIxODIzLCJpc3MiOiJwdWItMzgzMDg1Iiwic3ViIjoicG9zdC1yZWFjdGlvbiJ9.dAxjsU42mQkKzawpWLCFxFFFKCdimK9D6pmXExqFBB0&s=r https://www.nytimes.com/2022/04/15/world/africa/tanzania-female-president.html https://www.bbc.com/news/world-africa-56293519 https://afrolegends.com/2020/06/11/pierre-nkurunziza-the-rebel-president-who-said-no-to-icc-who-un-bbc-and-voa-so-long/ https://en.wikipedia.org/wiki/John_Magufuli https://www.bbc.com/news/world-africa-56437852 https://www.tanzania.go.tz//profiles/profiles/details/23 https://en.wikipedia.org/wiki/Tanzania https://www.bbc.com/news/world-africa-14095776 https://afrolegends.com/2021/03/18/so-long-to-president-john-magufuli-of-tanzania-the-bulldozer/ https://home.solari.com/john-magufuli-death-of-an-african-freedom-fighter/#comments