Til komi hennar ríki. Draumurinn rætist

Fyrir um það bil sex öldum síðan kom út merkilegt rit, „Borgríki kvennanna“ (Le Livre de la Cite des Dames), eftir hina fransk-ítölsku Christine de Pizan (1364-1430). Christine var nafntogaður rithöfundur við nokkrar hirða Evrópu. Í kvenfrelsunarsögunni er henni hampað sem fyrsta atvinnuhöfundi af kvenkyni. Christine átti efnaðan maka, en varð ung ekkja. En farborði hennar og barnanna var tryggður. Hún naut velvildar Frakkakonungs og fleiri karlkyns velunnara.

Það gleymist þó iðulega að nefna, að bók hennar er að miklu leyti unnin upp úr kvennasögu ítalska sagnfræðingsins, Giovanni Boccaccio (1313-1372), „Af frægum konum“ (De Claris Mulieribus). Hann var einn hinna fyrstu, sem gerði garð kvenna frægan í sagnritun af ýmsu tagi. Ritun sagna af merkiskonum var raunar bókmenntagrein á miðöldum Evrópu. Höfundar voru karlar.

Í bók Christine kennir ekki þess fjandskapar í garð karla, sem síðar varð áberandi og ei heldur gekk hún grublandi um kvennavöld, sbr. eftirtalin orð hennar:

„Raunar býr sá, sem talinn er veikari, oft og tíðum yfir siðferðilegum krafti eins og þegar konur, sem eru líkamlega veikburða og hlédrægar, leggja sig fremur fram um að stuðla að friði og sneiða hjá stríði [heldur en karlar].“ (Það má nú reyndar draga mjög í efa.)

Öldum síðar kvað við annan tón. Elizabeth Cady Stanton (1815-1902), sú er ritaði „Sjálfstæðisyfirlýsingu kvenna“ árið 1848, kennd er við Seneca Falls, sagði t.d.: „Yfirburðir kynferðis okkar sem kvenna eru óendanlegir.“ Og:

„Karlinn er þrunginn tortímingu; harðneskjulegur [og] sjálfselskur. Hann unnir stríði, ofbeldi [og] sigurvinningi, miklast af sjálfum sér og leggur að fótum sér. Eins og í hinum veraldlega heimi sáir hann í siðferðið ósætti, glundroða, sjúkdómum og dauða.“

Boðskapur Elísabetar hefur legið til grundvallar kvenfrelsun æ síðan. Það á bæði við um svonefnda réttindabaráttu og fræðimennsku. Kvenfrelsunarfræðimennirnir klifa sífellt á órum sínum um endurreisn hins ímyndaða kvenveldis. Ísraelsk-hollenski sagnfræðingurinn, Martin Van Creveld (f. 1946), lýsir þessu svo: Í aldingarðinum, á dýrðartíma mildilegrar stjórnar kvenna, lifðu karlar og konur af landinu í ást og friðsemd, dýrkuðu frjósemisgyðjuna og höfðu ekki hugmynd um þátt karla í fjölgun mannkyns. Svo kom skrattinn úr sauðarleggnum. Karlar tóku sig saman um stofnun feðraveldisins, innleiddu virðingarstiga, samkeppni og efnishyggju, hófu stríðsrekstur og gerðu konum lífið leitt.

Barátta nútímakvenfrelsara fyrir draumaríkinu er hvergi nærri unnin fyrir gýg. Það er á níunda mánuði meðgöngu (og því reyndar hætt við fóstureyðingu). Kynfræðingurinn, Bettina Arndt, bendir á, að stjórnsýslan í nútímasamfélagi sé að miklu leyti í höndum kvenfrelsaranna. Hún tekur svo djúpt í árinni að tala um yfirtöku. Bettina tiltekur hlutdeild kvenna á nokkrum stjórnsýslusviðum í Ástralíu:

Félagsþjónusta 70%; heilbrigðisþjónusta 70%; saksóknaraembætti 68%; ríkisstjórnir og forsæti þeirra 67%; menntun, þróun og atvinna 62%; utanríkismál og verslun 59%; skattstofa 57%; hagstofa 53%; fjármálasýsla (treasury) 51%, ríkisfjármál (finance) 50% og varnarmál 46%.

Svokölluð þróunarhjálp er einnig dæmigerð fyrir þessa þróun og endurspeglar viðhorf og ásetning Sameinuðu þjóðanna (og Íslendinga sömuleiðis). Nokkur dæmi: Stuðla að framleiðsluaukningu og tekjuauka í landbúnaði – en eingöngu fyrir konur; leggja áherslu á samfellda skólagöngu og gæði menntunar – en drengir útilokaðir; kenna fjármálavit og auka starfshæfni – en einvörðungu fyrir konur; stuðla að útrýmingu ofbeldis – en eingöngu gegn konum.

Allar líkur eru til, að svipmyndin sé keimlík á Íslandi. Því má svo við bæta, að hlutdeild kvenna í æðri menntun er um það bil 70%. Ofbeldisiðnaðurinn á Íslandi (Kvennaathvarf, Stígamót og fleiri) er afar kvenlægur. Áróðursdeild Kvennadeildar Sameinuðu þjóðanna (UN Women) er vitaskuld hreinræktað kvennaríki eða því sem næst. Það er eins og að leita að saumnál í heystakki að finna karlmann í barnavernd. Víða er að finna kvennaráðuneyti. Á Íslandi er því komið fyrir undir pilsfaldi Katrínar Jakobsdóttur, sem sópað hefur undir ráðuneyti sitt flestum svokölluðum jafnréttismálum.

Kvenfrelsunarstjórnsýslan er stundum beinlínis sorgleg. Kynofbeldi á netinu er nútíma óþverraskapur, sem drengir verða fyrir ekki síður en stúlkur, jafnvel í heldur meira mæli. Í Ástralíu eru slík mál á könnu embættis, sem heitir „Australia‘s Digital Platforms Regulators.“ Það er skipað fjórum konum. Netöryggisfulltrúinn um borð heitir Julie Inman Grant. Hún lýsir viðhorfum sínum svo: „Tækninni er iðulega beitt gegn konum til að lítillækka og stjórna, svo endanlega megi þakka niður í þeim.

Enn fremur segir Julie: „Konur eru skotspónn sérhvers tilbrigðis misnotkunar á netinu, sem við höfum afskipti af í öryggisdeildinni.“ Við tæknivædda misnotkun „eru fórnarlömbin hér um bil alltaf konur og ofbeldismaðurinn nær ævinlega karlmaður.“ (Þetta minnir óneitanlega á tölfræði íslenskra kvenfrelsara, t.d. Drífu Snædal, sem í blaðagrein fullyrti, að karlar beittu konur kynofbeldi í 95% tilvika.) Þessi boðskapur liggur til grundvallar þjálfunar starfsmanna á vígstöðvum heimilisofbeldis. Stofnun þessa embættis lýsti fyrrverandi ráðherra og ríkissaksóknari, Michaelia Cash svo; „þetta snýst um að valdefla konur og taka stjórnina á netinu.“

Samtímis karldjöflaveiðum neteftirlitsins vara lögregluyfirvöld við vaxandi misnotkun drengja, sem stundum leiðir til sjálfsvíga. Það er hluti að auðmýkingu og kvengervingu karla - til framdráttar valdeflingu kvenna - að láta þjáningar drengja og karla sem vind um eyru þjóta. Það er eins konar jafnréttismismunun eins og víðar á sér stað, t.d. í atvinnulífinu.

Kanadíski enskuprófessorinn, Janice Fiamengo, fjallar um nefnda kvengervingu karla í tengslum við covid-faraldurinn. En meðan á honum stóð buldi á okkur áróðurinn um sérstakar fórnir kvenna: „Kvengerving karla á sér langan aðdraganda og meðan á covid-faraldrinum stóð, bar hún ávöxt. Körlum var um megn að veita konunum í lífi sínu hugarró og veita viðspyrnu bernskunartilburðum (infantilize) hins móðurlega ríkisvalds (Mother State).“

Grein hennar ber titilinn: „Ég el þá von í brjósti, að framtíðin verði ekki kvenlæg.“

https://bettinaarndt.substack.com/p/taking-them-on?utm_source=substack&utm_medium=email https://bettinaarndt.substack.com/p/women-in-charge?utm_source=substack&utm_medium=email https://www.theguardian.com/media/2016/sep/06/higher-proportion-of-men-than-women-report-online-abuse-in-survey https://journals.sagepub.com/doi/pdf/10.1177/0894439319865518 https://www.pewresearch.org/internet/2021/01/13/the-state-of-online-harassment/ https://fiamengofile.substack.com/p/i-hope-the-future-isnt-female https://bettinaarndt.substack.com/p/anonymity-for-the-falsely-accused?utm_source=substack&utm_medium=email https://7news.com.au/sunrise/on-the-show/australian-federal-police-issues-warning-over-rise-in-sexual-extortion-targeting-boys-c-7223370 https://edition.cnn.com/2022/05/20/us/ryan-last-suicide-sextortion-california/index.html https://bettinaarndt.substack.com/p/protecting-boys-from-sexploitation?utm_source=substack&utm_medium=email

Föðurleysi til feigðar - veira og vitfirring

Markvisst stríð kvenfrelsaranna gegn karlmennsku og karlmönnum – ekki síst feðrum – hefur nú geisað í drjúga hálfa öld. Stríðið er fjármagnað af sjóðum auðjöfra og ríkisvaldinu, sem ósjaldan lýtur þeim beint og óbeint. Stríðið gegn feðrum felur einnig í sér stríð gegn fjölskyldunni og kyninu. Það er aragrúi kynja – kennir ríkisvaldið - og öll eru þau góð og gild, bara þau séu nógu kvenleg eða kvengerð - og kunni að fella tár eins og Justin Trudeau. Fjölbreytninni er fagnað að því marki, en refsað af öðrum kosti með kvenlegum refsivendi; niðrun, kjaptagangi, ásökunum, baknagi, lítillækkun og útskúfun.

En þetta er bjúgverpilstríð, samfélagslegt sjálfstortímingarstríð. Ungviðið missir fótanna. Feður eru oft og tíðum týndir og tröllum gefnir. Aðrir kvengerðir. Verulegur hluti barna vex úr grasi, án náinna tengsla við föður sinn. Hið opinbera hefur í verulegum mæli komið í föður stað með velferðarkerfi, löggjöf (eða skorti á henni), kvenvænni stjórnsýslu og kvenmiðuðu dómskerfi.

Afleiðingarnar koma æ skýrar í ljós. Skortur á aga, föðurleiðsögn og -samsömun leiðir til kvíða, depurðar, einangrunar, ístöðuleysis, ýgi og ofbeldis. Árásargirni ungviðisins beinist gegn því sjálfu og öðrum. Drengir flosna upp úr skóla og verða tossar. Börnum er boðin „kynleiðréttingarmeðferð,“ þegar þeim verður verulega illt í kyninu sínu. Stúlkur reyna að bæta sér upp föðurleysið með því að gerast karlar. Drengir láta vana sig. Sjálfseymdin er útskýrð með einfeldingslegri hugmyndafræði. Kjarni hennar er einatt karlillskan og hið dularfulla, meinlega föðurveldi. Það eru hin nýju eymdarfræði (wokeness).

Heimskan ríður ekki við einteyming. Karlillskan er talin orsök að vondu mannlífi á öllum sviðum, svo og vondum náttúrufyrirbrigðum eins og loftlagsbreytingum. Alþjóðastofnanir vilja breyta veröldinni með því kvenfrelsunarmennta konur og stúlkur sérstaklega, og vernda þær fyrir karlmönnum, feðrum. Baráttan fyrir betri líðan og velferð barna felst í því að hegna karlmönnum og frelsa börn frá sambandi við þá. Frelsun frá áleitni karla er meira að segja orðin mannréttindi kvenna (eða kvenréttindi öllu heldur, því mannréttindi geta ekki náð til kvenna á nýíslensku, RÚVsku. Konur eru ekki lengur menn).

Hinn opinberi móðurfaðmur þrýstir stöðugt þéttar og rúmar sífellt stærri hluta sálar og mannlífs. Hann er kæfandi. Þeir, sem aldrei losna úr þeim faðmi, læra aldrei til gagns um veröldina utan hans, verða eins konar tilfinningareköld. Sjálfstæð hugsun og hátterni verður þeim um megn. Sjálfsvissa og -vald er þeim framandi. Þeir láta reka sig eins og hrædda bjöllusauði á beit – kynleiðréttir (með ýmsum hætti) og bólusettir.

Nýlegt dæmi um þetta er veiru- og bólusetningaratlaga stjórnvalda og embættisveldis á þjóðir heims. Sú múgsefjun átti greiða leið að hjörtum fólks og huga, rétt eins og frásögnin um konur sem fórnarlömb, sbr. grein Vísis um viðbrögð forkonu og varaforkonu nemendafélagsins við Fjölbrautaskólann á Selfossi. Áróður kvennadeildar Sameinuðu þjóðanna, Stígamóta, Kvennaathvarfs, RÚV og Katrínar Jakobsdóttur hefur greinilega haft áhrif.

https://www.visir.is/g/20222303328d?fbclid=IwAR2SOmaXixADNcw1SaLRHidiErsXQBZIco6KLHWlzqRW6gjXHYzR-pk1GEc https://fiamengofile.substack.com/p/canadas-boy-emperor-is-a-son-of-feminism https://stundin.is/grein/15645/?fbclid=IwAR2ZpaYqY1McO2cHWclfFEfAWgCtoueMUE9BE44NnS0Wt5v5e-lCf6_odxk https://fiamengofile.substack.com/p/feminism-as-a-victim-mentality-disorder https://fiamengofile.substack.com/p/i-hope-the-future-isnt-female https://menaregood.com/the-revolt-of-the-fatherless-2/

Bólusetningaleynd og óheilindi

Rannsóknablaðamenn breska miðilsins, Exposé, hafa lagst yfir opinber gögn um covid-19 bóluefnin og trúnaðarskjöl frá lyfjafyrirtækjunum. Niðurstöður rannsóknar þeirra má lesa í hjálagðri grein. Þeir tilgreina allar heimildir, svo að við, vantrúa bjöllusauðir, mættum brjóta þær til mergjar og ganga úr skugga um, að rétt sé farið með staðreyndir.

Það er í sjálfu sér fjarstæðukennt, að lýðræðisleg yfirvöld og embættismenn hafi vitað um alvarlegar aukaverkanir (eða hefðu átt að vita), en þagað þunnu hljóði. Vona, að einhver mér viti bornari fari nákvæmar í saumana á þeim gögnum, sem liggja þessum fullyrðingum til grundvallar - og fræði mig og aðra. Og allra helst ógildi niðurstöðurnar með réttu.

Helstu efnisatriði eru þessi:

Opinberar skýrslur (OS) yfirvalda víðs vegar um veröldina sanna feikilega umframdánartíðni í samanburði við meðaltal síðustu fimm ára.

OS sanna, að bólusetningin við covid-19 hafði orðið 1 af 73 að aldurtila undir lok maí 2022.

OS sanna, að covid-19 sprauturnar leiða að minnsta kosti 75 sinnum oftar til dauða en öll önnur bóluefni samtals. OS sanna, að dánartíðni miðað við 100.000 íbúa er lægst meðal óbólusettra í sérhverjum aldurflokki.

OS sanna, að aukning dánartíðni raungerist aðeins fimm mánuðum, eftir bólusetningu. OS sanna, að covid-19 bólusetningar veikja ónæmiskerfið.

OS sanna, að 9 af hverjum 10 andlátum af völdum covid-19 árið 2022 voru meðal hinna bólusettu.

OS sanna, að tíðni fæðinga lækkar og nýburadauði hefur náð alvarlegu stigi. OS sanna, að líkur á fósturláti aukast um 1.517% við covid-19 bólusetningu.

OS sanna, að covid-19 bólusetning eykur líkur á krabbameini.

Þess ber að geta, að hér er miðað við opinberar skráningar á aukaverkanalista. Það er vel rökstuddur grunur um og rannsóknir, sem benda til, að einungis einn tíundi hluti raunverulega meinviðbragða rati í þessa gagnagrunna.

Í trúnaðarskjölum frá lyfjafyrirtækjunum kemur m.a. fram:

Pfizergögnin afhjúpa, að 90% þungaðra kvenna í tilraunahópnum misstu fóstur. Lyfjastofnanir héldu þessu leyndu.

Opinber skjöl sanna, að bæði Pfizer og heilbrigðisyfirvöld létu hjá líða að upplýsa um hættur á meðgöngu, því rannsóknir á dýrum bentu til aukinnar hættu á fæðingargöllum og skerðingu frjósemi.

Trúnaðargögn frá Pfizer sýna, að covid-19 bóluefnið safnast fyrir í öllum líkamshlutum, þar með taldir eggjastokkarnir. Krabbamein í eggjastokkum eru nú tíðari en nokkru sinni.

Trúnaðargögn Pfizer sýna fram á aukaverkanir eins og sjálfsónæmissjúkdóma (auto immune) og bólusetningatengda sjúkdómstíðni (vaccine-associated enhanced disease), en yfirvöld völdu að láta þessa vitneskju sem vind um eyru þjóta. Trúnaðargögn frá Pfizer afhjúpa þúsundir tilkynninga um meinviðbrögð og andlát, 90 dögum, eftir að bólusetningar hófust. En yfirvöld völdu að þegja þunnu hljóði um þetta.

Því má svo við bæta, að óháðar rannsóknir á innihaldi „bóluefnisins“ sýna, að þar er að finna alls konar aðskotaefni, m.a. fjölda iðnaðarmálma. Sannleiksfrömuðafyrirtæki iðnaðarins og yfirvalda hafa fyrir löngu vísað þessu á bug sem „falsfréttum.“

Að síðustu: Bandaríski fjölmiðlunarprófessorinn, Mark Crisp Miller, hefur verið iðinn við að halda til haga fréttum af skyndidauða og dularfullum slysum í lofti og á láði víðs vegar um heiminn. Í fréttayfirliti hans neðanmáls má kynna sér nokkur dæmi.

https://markcrispinmiller.substack.com/p/ben-afflecks-mother-rushed-to-hospital?utm_source=substack&utm_medium=email https://expose-news.com/2022/08/28/biostructures-in-blood-vessels-deaths-have-just-begun/ https://expose-news.com/2022/08/28/depopulation-covid-vaccination-gov-knew-happen/

Kynngimögnuð kynleysa og múgsefjun

Athyglisverður fyrirlestur um námsskrá skóla í Portland í Bandaríkjunum. Þar er börnum talin trú um, að kyn sé í raun ekki til og því verði þau að taka ákvörðun um kyn sitt sjálf. Þessi kynleysukennslufræði hefur einnig náð til Íslands, sprottin úr hugmyndaheimi kvenfrelsaranna, sem eru í þann mund að útrýma karlmennsku og "vana" karlmenn. Í Reykjavík eru þegar til leikskólar, þar sem fræðin eru kennd. Í einum grunnskólanna er börnum kennt um stráka, sem eru stelpur að innanverðu. Hvernig ætli standi á því, að börnum og unglingum líði illa?

Valdafíknar- forsjárhyggjustjórnmálamenn beita hinu opinbera valdi í sífellt auknum mæli til að ná valdi yfir hugum ungviðisins, foreldrum og fjölskyldum. Við látum þetta gerast og förum í gleðigöngu yfir öllu saman. Kynjafjölbreytnin eða kynleysan er frábær - ekki satt? Það segir allavega Katrín Jakobsdóttir og fjólubláa ríkisstjórnin hennar.

Ætli það sé tilviljun eða jafnvel falsfrétt að benda á, að þessi hreyfing náði sért fyrst verulega á strik fyrir rúmri hálfri öld síðan, þegar auðmenn á Vesturlöndum (Bandaríkjunum fyrst og fremst) tóku að fjármagna hana. Það eru reyndar sömu auðmenn, hringar þeirra og sjóðir, sem ráða að mestu fjölmiðlum og æðri menntun, hittast í Davon í Sviss, kalla sig Alheimsefnahagsráðið, og vilja eina alheimsstjórn. Það er auðvelt að stjórna villuráfandi, ístöðulausu og fáfróðu fólki.

https://www.youtube.com/watch?v=W4q3YkE-05I

Evrópumenn eiga í allsherjar stríði við Rússa, segir Josep Borrell

Í viðtali við spænska dagblaðið, El País, tók hinn spænski Josep Borrell, utanríkismálastjóri Evrópusambandsins, af allan vafa um eðli stríðsins í Úkraínu. „Við eigum í allsherjar stríði við Rússa,“ lét hann hafa eftir sér í viðtalinu. Nú þurfa efasemdarmenn varla lengur að velkjast í vafanum.

Josep skírskotar til bræðra- og systralags Vestur-Evrópubúa. Nú sé að duga eða drepast og skipta systurlega á milli sín kostnaðinum við Rússastríðið. Því ber er hver á bakinu, nema sér systur eigi. Frelsi og lýðræði sé í hættu svo bráðri, að langdregið stríð sé nauðsynlegt - eins og Bandaríkjamenn hafa einnig boðað.

Þeirri viðleitni Vesturlanda hefur sjálfur Vladimir Pútín veitt athygli og haft nokkur orð um. Nú er eins gott að Katrín og fjólubláa ríkisstjórnin kíki aftur í handraða skattgreiðendakistilsins. Þar mætti ef til vill finna fleiri krónur til vopnakaupa.

Slík gjöfli gæti orðið hughreysting úkraínska kvenþingmanninum, sem nú fer um með betlistaf í kjölfar ávarps forseta síns á Alþingi. Konan hefur lagt til, að Vesturlandabúar fari að dæmi Bandaríkjamanna og steli bókstaflega rússneskum („frystum“) eignum og gefi þær Úkraínumönnum.

Til fróðleiks má geta þess, að svipuð leið var farin, eftir seinni heimsstyrjöldina. Þá stálu Bandaríkjamenn þýfi nasistanna og lánuðu síðar Evrópumönnum, sem voru í sárum eftir stríðsvitfirringu. Þeir kölluðu þetta Marshallaðstoð.

https://steigan.no/2022/08/eus-utenrikssjef-vi-er-i-full-krig-med-russland/?utm_source=substack&utm_medium=email https://www.eeas.europa.eu/eeas/el-pa%C3%ADs-josep-borrell-%E2%80%9Clos-europeos-debemos-estar-dispuestos-pagar-un-precio-por-apoyar_en https://laptrinhx.com/news/europeans-must-be-willing-to-pay-to-support-ukraine-top-eu-diplomat-8boAePG/ https://elpais.com/internacional/2022-08-11/josep-borrell-los-europeos-debemos-estar-dispuestos-a-pagar-un-precio-por-apoyar-a-ucrania-y-mantener-la-unidad.html

Heilbrigðisstarfsmenn vakna af covid-19 bólusetningarblundi

Samtök heilbrigðisstarfsmanna í Ástralíu (Australian Medical Professional‘ Society) hafa skrifað til allra þingmanna í einstökum ríkjum Ástralíu, á sjálfstjórnarsvæðum og Alríkisþinginu, sem og allra læknaháskóla álfunnar, í þeim tilgangi að benda á, hversu varhugaverð bóluefnin við covid-19 séu.

Bréfið er vitaskuld grundvallað á fjölda vísindalegra gagna, m.a vísindalegri samantekt Phillip M. Altman, lögfræðilegri álitsgerð í sambandi við yfirlýsingu heilbrigðisstarfsmanna og álitsgerð félagsskaps Ástrala um áhættu af bólusetningum.

Hér eru nokkrar stiklur úr fyrrnefndubréfi:

Félögum ofannefndra samtaka heilbrigðisstarfsmanna var í raun bannað að draga gagnsemi og framkvæmd bólusetninga við covid-19 í efa, þar sem stjórnvöld höfðu staðhæft við almenning, að bóluefnin væru bæði „örugg“ og „gagnleg.“

Ritrýnd rannsókn hefur sýnt fram á, að broddhvítan (spike protein), sem mRNA (boðkjarnsýra), hvetur til framleiðslu á, smýgur inn í kjarna frumunnar og hefur áhrif á erfðaefnið (DNA).

Málhelsi eða þöggun heilbrigðisstarfsmann var til þess fallin að styðja við bólusetningu með efnum, sem engin hafði sýnt fram á með fullnægjandi hætti, að virkuðu, hvorki í bráð né lengd.

Fram að þessu hafa engin efni í mannkynssögunni valdið fleiri dauðsföllum, veikindum, skaða og fötlun samkvæmt opinberum skráningum. En í raun og reynd eru aukaverkanirnar miklu fleiri.

Í Ástralíu hafa verið skráð fleiri aukaverkanir á einu og hálfu ári en síðustu hálfa öld fyrir önnur bóluefni.

Úr skýrslu Phillip M. Altman:

„Bólusetning um heim allan með covid-19 erfðabóluefninu (gene-based vaccine) hefur í bráð stuðlað að miklu fleiri dauðsföllum, sjúkdómum, skaðsemi og fötlunum, heldur en nokkurt lyf í sögu læknisfræðinnar. Sökum þess, að algjörlega er gagna vant um áhrif [bóluefnanna] í lengd, er viðbúið, að hugsanleg skaðsemi (þar með talin krabbamein, sjúkdómar í taugkerfi og ónæmiskerfi) gætu orðið enn þá afdrifaríkari.“

Meðan ástralskir heilbrigðisstarfsmenn mótmæla og yfirvöld sitja við sinn covid keip, heldur Pfizer fúskið áfram eins og ekkert hafi í skorist, m.a. með bólusetningum barna.

Ísraelski ónæmisfræðingurinn, Zvika Granot, segir t.d. á þessa leið: Meðan á covid-fárinu hefur staðið, höfum við orðið vitni að margs konar misþyrmingu á vísindum, auk lyga og vafasamra sanninda. Oftsinnis höfum við heyrt ágeng stjórnvöld boða aðgerðir á grundvelli vísinda i skötulíki.

https://rumble.com/v18qeyh-dr-clare-craig-on-why-the-fda-should-not-have-granted-vaccine-approval-for-.html https://steigan.no/2022/06/trenger-barn-under-5-ar-en-mrna-sproyte/ https://steigan.no/2022/08/trenger-barn-under-5-ar-en-mrna-sproyte-3/?utm_source=substack&utm_medium=email https://rumble.com/v1f6ud7-prof.-granot-of-the-pecc-on-pfizer-covid19-vaccine-trial-in-babies-and-todd.html https://wsau.com/2021/12/31/robert-f-kennedy-jr-explains-why-fauci-is-going-after-children/ https://www.foxnews.com/opinion/tucker-carlson-politicians-continuing-use-covid-pretext-force-agendas https://www.commonsense.news/p/us-public-health-agencies-arent-following https://www.commonsense.news/p/us-public-health-agencies-arent-following?triedSigningIn=true https://nypost.com/2022/07/14/us-agencies-arent-following-the-science-on-covid/ https://energycommerce.house.gov/sites/democrats.energycommerce.house.gov/files/documents/Witness%20Testimony_Hoeg_OI_2021.09.22.pdf https://expose-news.com/2022/08/14/gov-reports-prove-hundreds-thousands-dying-covid-vaccine/ https://avn.org.au/ https://amps.redunion.com.au/healthreformdeclaration?utm_source=hs_email&utm_medium=email&_hsenc=p2ANqtz-8AUTHaSFnppNrGRqhFIdKmBiksb8c15HJ8jVzoIIbr86VytivL0Cyx8ZChhHRIwMcoOAVy https://8630368.fs1.hubspotusercontent-na1.net/hubfs/8630368/AMPS/Altman%20Report%20Final%20Version%2011-8-22%20(1).pdf?utm_source=hs_email&utm_medium=email&_hsenc=p2ANqtz-8AUTHaSFnppNrGRqhFIdKmBiksb8c15HJ8jVzoIIbr86VytivL0Cyx8ZChhHRIwMcoOAVy https://informedchoice.substack.com/p/amps-puts-all-medical-organisations http://npaq-8630368.hs-sites.com/covid-19-an-update-of-evidence-based-information

Karlasláturhúsið Úkraína

”Utanríkismál” (Foreign Affairs) er eitt þeirra rita í Bandaríkjunum, sem að töluverðu leyti endurspeglar og mótar utanríkisstefnu stjórnvalda. Fyrir skömmu birtist áhugaverð grein með fyrirsögninni, „Nú er kominn tími til, að Nató láti að sér kveða í Úkraínu.“ Greinarhöfundar boða beina hernaðaríhlutun bandalagsins, en láti ekki þar við sitja að puðra til Úkraínu vopnum og fjármunum. Síðustu sex mánuði hafa Úkraínumenn þegið átta milljarða dala.

Vopnin, þar á meðal hreyfanlegar eldflaugar (High Mobility Artillery Rocket Systems), eru talin auðvelda gagnsóknir og varnir. En það eru einmitt þessi vopn, sem Rússar hafa eytt, m.a. í Ódessa. Bent er á ályktun síðustu Nató ráðstefnu, þar sem Rússar eru úthrópaðir sem aðalfjendur Nató. Greinarhöfundar túlka sem svo, að þessi ályktun ætti hafa í för með sér meiri hernaðarumsvif. Þjálfa beri fleiri úkraínska hermenn. En Bandaríkjamenn hafa verið, ásamt Bretum og Kanadamönnum, sérstaklega iðnir við þann kolann – einkum eftir valdaránið árið 2014.

Boðskapur höfunda skýtur þó að sumu leyti heldur skökku við, því ekki ber á öðru en að vestræn stjórnvöld séu í anda raunsæisstjórnmála að gefa eftir í efnahagsstríðinu við Rússa; útbúnaði til gasleiðslunnar, Nord Stream I, var hleypt til Rússlands; flutningar til Kalingrad með járnbraut eru leyfðir; bresk tryggingafélög eiga samstarf við rússnesk; ESB gerir undantekningu á vissum viðskiptum með landbúnaðarvörur, áburð og olíu - samtímis því, að Tyrkir og Rússar endurnýja ástir sínar og blása lífi í viðskipti sín á milli. Þar að auki má aftur ræða gjörspillinguna í Úkraínu í meginstraumsfjölmiðlum. Meira að segja RÚV flytur fréttir af ómannúðlegri meðferð fatlaðs fólks (án þess að bendla Vladimir Putin við skömmina).

Staðan á sláturvöllunum, þar sem ungum karlmönnum frá Rússlandi og Úkraínu er att á foraðið, virðist allt öðruvísi en greinarhöfundar og vestrænir miðlar óska sér. Úkraínskur hermaður segir á þessa leið: Það er varla svo, að árásum sé svarað frá varnarvirkjum okkar. Andskotarnir skjóta sprengjum fyrirhafnarlaust í skotgrafirnar og sprengja múrveggi þeirra í tætlur á svipstundu. Við hörfum stöðugt - ekkert hlé og engin hvíld. … Þetta er hakkavél helvítis þar sem hermennirnir nota líkami sína sem skildir væru.

Amnesty International sendi skoðunarhóp til Úkraínu. Í skýrslu hans var Úkraínumönnum álasað fyrir þá herkænsku, að staðsetja bardagasveitir og vopn í íbúðabyggð og í stofnunum. Það þarf varla herfræðinga til að gera sér í hugarlund, að það hafi í för með sér dráp á almennum borgurum. Þetta fór að vonum illa fyrir brjóstið á Volodomyr. Samtökin hafa nú sent afsökunarbeiðni (eða því sem næst). Amnesty benti einnig á, að samtökin hefðu fundið vísbendingar um tilefnislausar árásir Rússa á íbúðarhverfi.

Meðan drápsæðið geisaði í Úkraínu, sátu stjórnvöld vestrænna ríkja, Íslendingar meðtaldir, á rökstólum um það, hvernig reisa mætti Úkraínu úr rjúkandi rústum þess stríðs, sem mörg þeirra eru beinlínis meðábyrg fyrir. Hrossalækningar, þ.e. nýfrjálshyggjulækningar, samkvæmt aðferðum Alþjóðabankans (World Bank) og Alþjóða gjaldeyrissjóðsins (International Monetary Fund) voru til umræðu. Þessi aðferð var m.a. reynd á Rússum á síðasta áratugi síðustu aldar. Rannsókn frá Barnahjálparstofnun Sameinuðu þjóðanna (UNICHEF) gaf til kynna, að þetta ævintýri undir leiðsögn William (Bill) Jefferson Clinton og Boris Nikolayevich Yeltsin (1931-2007), hefði kostað 3.2 milljónir Rússa lífið.

Leiðandi Úkraínuherfræðingar í Bandaríkjunum og Evrópu beita nú fyrir sig „samskipunarfrelsunarfræðunum“ (intersectionalism) þ.e. baráttufræðum kvenfrelsaranna, þar sem öllum, sem aumir teljast, er skipað í sömu stríðsskör. Enda er kveðið á um það í svokallaðri Lugano áætlun Nató, að jafnrétti kynjanna og meðveru (inclusion) annarra hópa, sem telja sig beitta misrétti, skuli tryggð. Hér ganga í heilagt hjónaband nýfrjálshyggja (neoconservativism) og félagsleg stríðshyggja (social justice warriors). Eymdarhyggjuheimsveldið (woke imperium) kynni að vera í deiglunni.

En það á ekki af íbúum Úkraínu að ganga – sérstaklega karlmönnum. (Konum, börnum, hundum og köttum er komið í skjól.). Drápin halda áfram og berjast skal til síðasta karls. Nýjasta aðildarþjóð Nató, Svíar, ætlar nú opinberlega að leggja sitt lóð á drápsvogarskálina með herþjálfun fleiri úkraínskra pilta. Óskhyggjan um úkraínskan sigur er lífseig og á henni alið.

https://www.reuters.com/world/europe/amnesty-regrets-distress-caused-by-report-rebuking-ukraine-2022-08-07/?fbclid=IwAR0NpAFYaq2oOxKVI-50os9ApguRwwez5Z0Pzsf2JZRnQe8U__h6r3dgpF4 https://steigan.no/2022/08/ostfronten-i-ukraina-kollapser-videre-krig-vil-bare-forsterke-katastrofen/ https://www.indianpunchline.com/ukraine-war-is-losing-its-sparkle-wheres-the-lady-with-the-lamp/ https://steigan.no/2022/08/medier-i-usa-gjenoppdager-korrupsjonen-i-ukraina/?r=ry8jq&utm_source=substack&utm_medium=email https://multipolarista.com/2022/02/23/nato-atlantic-council-ukraine-nazi-azov/ https://www.youtube.com/watch?v=_DwOZOaJfY4 https://steigan.no/2022/08/vesten-frykter-det-stadig-tettere-samarbeidet-mellom-tyrkia-og-russland/?r=ry8jq&utm_source=substack&utm_medium=email https://multipolarista.com/2022/03/21/cnn-nazi-ukraine-azov/ https://steigan.no/2022/08/ukraina-mens-vi-venter-pa-godot-eller-offensiven-som-aldri-kom/?utm_source=substack&utm_medium=email https://peacediplomacy.org/2022/06/27/woke-imperium-the-coming-confluence-between-social-justice-and-neoconservatism/ https://derimot.no/the-saker-intervjuer-michael-hudson-det-blir-lite-hyggelig-a-vaere-europeere-i-arene-som-kommer/ https://multipolarista.com/2022/03/10/nato-arming-training-nazis-ukraine-azov/ https://www.youtube.com/watch?v=PqCu_gmRLBo https://www.occrp.org/en/the-pandora-papers/pandora-papers-reveal-offshore-holdings-of-ukrainian-president-and-his-inner-circle https://uploads-ssl.webflow.com/621f88db25fbf24758792dd8/62c68e41bd53305e8d214994_URC2022%20Lugano%20Declaration.pdf https://www.epsu.org/article/leaked-documents-show-uk-government-supports-anti-union-labour-reform-ukraine-undermining https://multipolarista.com/2022/03/18/cia-trained-ukrainians-2014/ https://www.19fortyfive.com/2022/08/ukraine-needs-a-miracle-to-drive-russias-military-out-of-kherson/ https://www.friatider.se/forsvarsmakten-ska-utbilda-soldater-zelenskyj https://www.urc2022.com/ https://multipolarista.com/2022/02/27/us-nato-expansion-ukraine-russia-intervene/ https://mronline.org/2022/08/01/west-prepares-to-plunder-post-war-ukraine-with-neoliberal-shock-therapy/ https://www.nachdenkseiten.de/?p=86079 https://nationalinterest-org.translate.goog/feature/ukraine-needs-solutions-not-endless-war-203858?_x_tr_sl=uk&_x_tr_tl=no&_x_tr_hl=no&_x_tr_pto=op,wapp https://www.foreignaffairs.com/ukraine/time-nato-take-lead-ukraine?utm_medium=newsletters&utm_source=twofa&utm_campaign=China%20on%20the%20Offensive&utm_content=20220805&utm_term=FA%20This%20Week%20-%20112017

Eymdarhyggjukirkja hinna ofsóttu og undirskipuðu

Kanadíski mannfræðingurinn, Philip Carl Salzmann, er heiðursprófessor i mannfræði við McGill háskólann í Kanada. Hann hefur m.a. skrifað athygliverðar hungurvökur í Epoch Times. Titill einnar þeirra er ”Trúarhiti meðal réttlætisdýrkenda” (Religious Fervor Among the Woke). Hér er einnig vitnað til annarrar greinar hans um svipað efni: „Karlar eru frábrugðnir konum, konur frábrugðnar körlum“ (Men are Different From Women, Women From Men).

Í vangaveltum sínum um réttlætis- eða eymdardýrkunina leggur hann skilgreiningu bandarísks fræðabróður síns, Clifford Geertz, til grundvallar. Þar segir:

„Í trúarbrögðum felst (1) táknkerfi, sem stuðlar að því að (2) vekja öfluga, umlykjandi, djúprætta tilfinningu og tilhvöt í brjósti fólks af karlkyni, kvenkyni og hvorugkyni (non-binary); að (3) móta hugtök um almennar tilvistarreglur, og að (4) gæða þessi hugtök svo sannfærandi skini staðreynda, að; (5) tilfinningar og tilhvatir öðlast einstakan raunveruleikablæ.“

Kanadísku fræðimennirnir, Katherine K. Young og Paul Nathanson, sem um áratuga skeið hafa rannsakað viðhorfin gegn körlum, benda á svipaða skilgreiningu, þegar kvenfrelsunarfræðin eiga í hlut, þ.e. trúna á karlillskuna. Þau segja:

„Boðskapurinn er skýr: Í sjálfu sér er ekkert gott og jafnvel ekkert viðunandi í fari karla. Þar af leiðir, að karlar séu einungis alandi og ferjandi að því marki, að þeir annað tveggja umbreytist í konur (við líkamlega geldingu) eða tillíkist konum (við andlega eða greindarfarslega geldingu). Í hnotskurn; góður karl er annað hvort nár eða kona. ... [Það] má með sanni segja, að kvenfrelsunarhugmyndafræðin eins og [reyndar] öll önnur hugmyndafræði, þjóni sama tilgangi og trúarbrögð.“

Það vekur athygli, að bandaríski bókmenntafræðingurinn og kvenfrelsarinn (að eigin sögn), Camille Paglia, tekur í sama streng og ofangreindir. Hún færir sannfærandi rök að því, að kvenfrelsunarhugmyndafræðin sé okkar tíma trúarbrögð. (Kvenfrelsunarhreyfingin fordæmir hana reyndar fyrir villutrú.)

Eymdardýrkunina í heild sinni má skoða í ljósi ofannefndra skilgreininga. Til frekari glöggvunar: Eymdar- eða fórnarlambsdýrkunin var hafin til vegs og viðingar með kvenfrelsunarhreyfingunni. Hún náði sér verulega á flug fyrir atbeina auðmannasjóða eins og „Rockefeller Foundation,“ á áttunda áratugi síðustu aldar. Fjölmargir hópar hafa síðan hoppað um borð í fórnarlambalestina. Hún er stundum kölluð „samskipunarkvenfrelsun“ (intersectional feminism). Allir hafa farþegarnir harma að hefna. Skotspænirnir eru almennt hvítir karlar (sérstaklega gráhærðir og rosknir).

Philip Carl segir: „Eymdarfræðingar (woke) hafa ekki einungis tileinkað sér hugmyndafræði „réttlætis“ (social justice), „fjölbreytni, réttlætis og meðveru“ (diversity, equity, inclusion) og [tamið sér] fullyrðingar á borð við: „í fjölbreytninni er styrkur okkar fólginn“ (forsætisráðherra Kandada, Justin Trudeau), heldur aðhyllast þeir þessa hugmyndafræði sem óskeikul trúarsannfæring væri, en hvorki æskilegar leiðbeiningar né vísindalegar tilgátur.“

Eymdaraðgerðasinnarnir hafna skilningi vísindanna með hugmyndafræðilegum fullyrðingum eins og að „karlmennska sé eitruð, kerfisbundna kynþáttahyggju megi finna hvarvetna, gripdeildir séu ekki ofbeldi heldur vísindin, framtíðin sé kvenkennd, hörundshvíta sé ills viti, aðgreining kynþátta sé réttlæti, og svo framvegis.“

Og aðgerðasinnarnir taka einnig djúpt í árinni um kyn. „Kyn er ekki tvískauta heldur róf, karlkonur eru konur [að eðlisfari], það eru til tylftir kynja, karlkonur í íþróttum eru ekki frábrugðnar eðlislægum konum, karlar geta haft blæðingar og átt börn og börn geta valið sér kyn að vild (eða það má leiða þeim fyrir sjónir).“

Litið er á þá sem trúvillinga, sem efast um óskeikulleika trúboðins. Þeim er steytt út í ystu myrkur, gerðir skógargangsmenn, sendir í útlegð, þaggað niður í þeim, þeir ritskoðaðir, reknir úr starfi, beittir lagaofbeldi og afmáðir úr samfélaginu. Þeir eru haldnir kynfólsku (sexism), kynþáttahyggju (racism), samkynhneigðarfælni (homophobia), kynskiptingafælni (transphobia), Múhameðstrúarfæð (Islamophobia) og þvíumlíku.

Aðgöngumiðinn að eymdarkirkjunni er samkvæmt ofansögðu, huglæg tengsl hins trúaða við eitthvert tilbrigða mannleikans, oft og tíðum skilgreint á grundvelli kynferðis, kynþáttar, kynlífs, uppruna, færni ellegar vanfærni. En söfnuðurinn mismunar fólki. Það er ekki alls konar sjálfsskilningur (identity), sem er boðlegur. Sumt fólk er beinlínis litið neikvæðum augum. Því skal ekki halda hlífskildi yfir. Það getur meira að segja borið nauðsyn til ráðast á það.

Bleikskinnar eru álitnir illir, Asíubúar litlu skárri, Gyðingar jafnvel illir og „ofurbleikir.“ Gyðinglegir sameiningarsinnar eða síónistar eru skaðræði, karlmenn eitraðir og kristnir menn eru fasistafautar. Gengið er út frá hinni fornu skilgreiningu þýska byltingarfrömuðarins, Karl Heinrich Marx (1818-1883), um tvær öndverðar fylkingar manna, kúgara og þolendendur. Kúgararnir njóta forréttinda, eru yfirskipaðir, þ.e. (hvítir) karlar. Þessi bábilja gengur eins og rauður þráður um eymdarfræðin og kvenfrelsunarbaráttuna.

Aðgerðahyggjan (wokeness) felst í því að velgja slíkum dyggðafjöndum undir uggunum og steðja til varnar konum (ef ekki er um að ræða róttæka kvenfrelsara, sem útiloka vilja kvenkarla), öllum blakkskinnum, frumbyggjum, litskinnum (BIPOC – black, indigenous, people of color); öllum lespum, hommum, tvíkynhneigðum, kynskiptingum; heimilislausum, fátækum, og fötluðum.

Vitanlega fljóta þeir með, sem gjalda varhug við (are woke to) þeirri „tilvistarógn,“ sem stafar af loftlagsbreytingum og gera sér ljósa nauðsyn þess að hverfa aftur til þróunarstigs fæðusafnara, en þó er grænkerafæði skilyrði.

Philip Carl segir að lokum: „Trúarhiti eymdarhyggjusinna hefur skilað árangri eins og sjá má á yfirtöku þeirra á hér um bil sérhverri meiriháttar stofnun í Bandaríkjunum og á Vesturlöndum almennt; skólum og æðri menntastofnunum, rannsóknasjóðum, fjölmiðlum, stéttum lögfræðinga [og] lækna, mörgum fyrirtækjum, Lýðræðisflokknum (Demókrötum) í Bandaríkjunum og Frjálslynda flokknum (Liberal Party) í Kanada – og á ríkisstjórnum Bandaríkjanna og Kanada, sem beita valdi sínu til að þröngva eymdarhyggjunni upp á þegnana. Gerspillt skólakerfi og æðri menntastofnanir hafa kastað fyrir róða umboði til að veita nemendum grunnþekkingu, temja þeim sannleiksleit og hvetja til þekkingaröflunar, en kenna þess í stað hugmyndir eymdarsinna um „félagslegt réttlæti“ og fólk í úrvalsflokki.“

https://www.theepochtimes.com/men-are-different-from-women-women-from-men_4188141.html https://www.theepochtimes.com/religious-fervor-among-the-woke_4577905.html

„Þetta er eins og hryllingsmynd, sem ég er neyddur til að horfa á.“ Covid-19 bólusetningar barna

Læknirinn, Marty Makary, prófessor við John Hopkins háskólann, og læknirinn, Tracy Beth Höeg, faraldursfræðingur við heilbrigðisráðuneytið í Florida, reyna nú að reisa rönd við óábyrgum bólusetningum barna gegn Covid-19 með bóluefnum frá Moderna og Pfizer.

Þau hafa m.a. tekið viðtöl við sérfræðinga heilsuverndarmiðstöðva í Bandaríkjunum (CDC – Centers for Disease Control), Lyfja- og matvælaeftirlitsins (FDA – Food and Drug Administration) og Þjóðarheilbrigðisstofnunarinnar (NIH – National Institute of Health).

Samkvæmt greininni finnst viðmælendum þrengt mjög að málfrelsi sínu, svo mjög reyndar, að þeir þora ekki að opna munninn um alla þá ósvinnu, fúsk og ábyrgðarleysi, sem þar á sér stað. Málið virðist fyrst og fremst snúast um stjórnmál, en hvorki vísindi né lýðheilsu.

Viðmælendur leyfðu, að eftir þeim væri orðrétt haft, en undir nafnleynd. Svo sterkur er þrælsóttinn. Einn þeirra sagði: „Þetta er eins og að vera neyddur til að horfa á hryllingsmynd. Fólki eru gefin vond ráð og við verðum að þegja.“ Þessi orð féllu í sambandi við leyfisveitingu bólusetningar barna og hvítvoðunga – og örvunarsprautu þar að auki. Enn eru fúskgögn frá lyfjafyrirtækjunum lögð til grundvallar.

Um þau segja greinarhöfundar: „Svo ófullkomnar og hroðvirknislegar niðurstöður rannsókna á svo klénu þýði, hefðu hvergi birst í málsmetandi læknatímariti. En kjarni máls er sá, að þessar niðurstöður hefðu átt að valda lýðheilsufulltrúunum umhugsun og efasemdum.“

Læknir í CDC sagði: „Mér virðist það glæpsamlegt, að við skyldum gefa meðmæli með mRNA Covid bólusetningu ungbarna, án þess að hafa gild gögn í höndunum. Í raun og veru vitum við ekki enn þá, hver áhættan er.“

Grímuskylda í skólum var misráðin og skeinuhætt með tilliti til þroska barna. Aukin heldur hefti hún ekki útbreiðslu smita. Sama átti við um skólalokanir. Náttúrulegt ónæmi var litið hornauga.

Ábyrgum starfsmönnum er ofboðið. Það kynni að skýra fjölmargar uppsagnir að undanförnu. Það „verkjar í“ siðferði þeirra. Sumir ætla þó að þrauka fram á lífeyrisaldur.

https://childrenshealthdefense.org/defender/scientists-nih-cdc-failure-science-covid/?utm_source=salsa&eType=EmailBlastContent&eId=aae370b9-9cb8-45fa-8efb-2643f0908fdf https://voiceforscienceandsolidarity.substack.com/p/vss-scientific-updates-during-pandemic-636?utm_source=substack&utm_medium=email https://childrenshealthdefense.org/defender/fda-pfizer-document-dump-minor-adverse-events-withdraw-trial/?utm_source=salsa&eType=EmailBlastContent&eId=aae370b9-9cb8-45fa-8efb-2643f0908fdf https://childrenshealthdefense.org/defender/michael-yeadon-pfizer-covid-vaccines-hooker/?utm_source=salsa&eType=EmailBlastContent&eId=aae370b9-9cb8-45fa-8efb-2643f0908fdf https://www.commonsense.news/p/us-public-health-agencies-arent-following https://video.foxnews.com/v/6309557805112#sp=show-clips

Hvað er bólusetning? Spillingin í heilbrigðiskerfinu

Flest okkar skilja væntanlega hugtakið, bólusetningu, sem svo, að það sé efni (veikluð útgáfa af smitveiru t.d.), sem sprautað er eða úðað inn í líkamann og veitir vernd gegn sjúkdómi. Þegar glögga Bandaríkjamenn rak í rogastans yfir því, að ábyrgar stofnanir (eins og Þórólfur nefnir þær) mæltu með bóluefnum, sem ekki veittu slíka vernd, kom babb í bátinn. (Anthony Fauci, Þórólfur Bandaríkjanna, hefur reyndar tekið eftir þessu líka.)

Hinum ábyrgu stofnunum datt það snjallræði í hug að endurskilgreina hugtakið. Efni telst nú bóluefni, örvi það ónæmiskerfið til varna gegn smiti. Bandaríski fjölmiðillinn, Epoch Times, komst yfir tölvuvpósta starfsmanna Sjúkdómavarnastofnunar Bandaríkjanna (Centers for Disease Control), sem sýna aðdragandann.

Hörðustu covid-19 bólusetningaðadáendur víðs vegar um heim gera sér nú grein fyrir, að bólusetning með nefndum efnum – mRNA efnin eru yfirleitt í brennidepli – vernda ekki gegn smiti og dreifingu veirunnar, en geta haft skelfilegar afleiðingar fyrir marga. Auk þess snýr veiruskömmin stöðugt á okkur, stökkbreytist sífellt. Nýjasta tilbrigðið kalla markaðsfræðingar lyfjafyrirtækjanna, „Mannfákinn“ (Centaurus). (Gætu hafa fengið stjörnufræðing í lið með sér.)

En misjafnt hafast mennirnir að í bólusetningamálum eins og öðrum. Það er eins og sumir embættis- og stjórnmálamanna séu um þessar mundir að búa sig undir, að réttvísin nái í skottið á þeim. Fullyrðingar hafa eru mildast og ábyrgðarokinu er jafnvel varpað yfir á aðra. Læknarnir eru tilvalinn hópur til þess arna.

Johannes Rauch, heilbrigðismálaráðherra Austurríkis, ætlar alla vega að nota lækna þjóðarinnar sem blóraböggla. Þeir skyldu, segir hann, fræða sjúklinga sína til gagns, svo þeir gætu tekið upplýsta ákvörðun um bólsetningu með efnum lyfjafyrirtækjanna.

En sá kynni að vera hængur á, að flestir læknanna virðast ekki gera sér far um að brjóta vísindi lyfjafyrirtækjanna til mergjar með sjálfstæðum hætti, en trúa boðskapi þeirra og heilbrigðisyfirvalda. Allar ættu að þekkja þá sögu á Íslandi. En það eru vissulega uppörvandi, lýsandi undantekningar frá þessari meginreglu.

Lyfjaiðnaðurinn starfar ekki einungis á einstöku læknum og samtökum þeirra, heldur beitir hann sums staðar heilbrigðiskerfi ríkjanna beinun fjárhagslegum þrýstingi. Þetta er áberandi í ríkjum Afríku t.d. – oft í samstarfi við manngæskusjóði auðmanna – en á sér einnig stað í Evrópu. Árið 2020 dældi Pfizer t.d. 31 milljón evra inn í austurríska heilbrigðiskerfið til rannsókna og þróunar og til að plægja jarðveginn fyrir markaðssetningu nýrra afurða. Líklega á enginn atvinnuvegur svo greiðan aðgang að skatthirslum íbúa.

Þeir, sem starfað hafa í heilbrigðiskerfinu í áratugi, þekkja gjörla þann fræðslu- eða áróðursþrýsting, stundum fylgt eftir með hlunnindum, sem læknar verða fyrir af útsendurum lyfjafyrirtækjanna. Austurríku fjölmiðlarnir, „Wochenblick“ og „Krone Zeitung,“ fjölluðu nýlega um þetta í tengslum við kúvendingu Jóhannesar. Hann hefur nefnilega afnumið bólusetningarskylduna, sbr. greinargerð hans til þingsins.

Hæstiréttur Bandaríkjanna hefur komist að svipaðri niðurstöðu og Jóhannes í Austurríki. Hann hefur mælt fyrir um, að bólusetningarskylda ríkisstjórnarinnar þar í landi skuli takmörkuð við heilbrigðiskerfið.

Enda þótt dómur sé nú fallinn í Hæstarétti Bandaríkjanna um takmörkun bólusetningarskyldu stjórnvalda, er fólk bólusett í gríð og erg, börn ekki síst. Þar í landi sýnist – samkvæmt fjölmiðlum - hafa orðið 500% aukning í sölu á barnalíkkistum. Sum sjúkrahúsanna virðast hafa komið sér upp aukabúgrein, barnalíkbrennslu. (Vonandi bera staðreyndafyrirtækin þetta til baka.)

https://bestnewshere.com/the-supreme-court-in-the-us-has-ruled-that-the-covid-pathogen-is-not-a-vaccine-is-unsafe-and-must-be-avoided-at-all-costs-supreme-court-has-canceled-universal-vax-3/?fbclid=IwAR353csMhbBpd4323xeCsly-r_AXIJeEKFgDNi6llagvo8ETK8V_aRca5UM https://www.cnbc.com/2022/01/13/supreme-court-ruling-biden-covid-vaccine-mandates.html https://law.stanford.edu/2022/01/20/a-look-at-the-supreme-court-ruling-on-vaccination-mandates/ https://www.redvoicemedia.com/2022/07/hospitals-are-covering-up-baby-deaths-by-cremating-babies-themselves-john-olooney-with-maria-zeee/?utm_source=daily-email-breaking&utm_medium=email https://nationalfile.com/stew-peters-show-orders-for-child-size-coffins-spike-more-than-500-in-last-seven-months/ https://markcrispinmiller.substack.com/p/with-sales-of-child-sized-caskets?utm_source=substack&utm_medium=email https://steigan.no/2022/07/faktasjekk-reddet-vaksinen-20-millioner-mennesker/?utm_source=substack&utm_medium=email https://childrenshealthdefense.org/defender/infertility-a-diabolical-agenda-chd-wakefield-documentary-who-vaccines-global-population-cola/?utm_source=salsa&eType=EmailBlastContent&eId=7e133681-7af4-4fdf-b25a-25a7e42ccc05 https://www.dagsavisen.no/nyheter/verden/2022/07/13/vaksinens-effekt-mot-smitte-og-mild-sykdom-er-na-helt-borte/ https://www.wochenblick.at/wp-content/uploads/2022/06/Beantwortung-der-Anfrage.pdf https://www-pfizer-at.translate.goog/verantwortung/transparenz/?_x_tr_sl=de&_x_tr_tl=no&_x_tr_hl=en&_x_tr_pto=wapp https://www.foxnews.com/media/fauci-admits-covid-19-vaccines-protect-overly-well-infection https://steigan.no/2022/07/e-poster-viser-hvorfor-cdc-endret-definisjoner-av-vaksine-og-vaksinert/?utm_source=substack&utm_medium=email https://www.theguardian.com/world/2022/jul/12/centaurus-virologists-express-concern-at-new-covid-subvariant-omicron?CMP=Share_iOSApp_Other https://www.theepochtimes.com/emails-confirm-why-cdc-changed-definitions-of-vaccine-vaccinated_4590628.html https://www.krone.at/2741225 https://www.wochenblick.at/corona/haftungshammer-gesundheitsminister-bestaetigt-aerzte-bei-impfschaeden-verantwortlich/ https://www-wochenblick-at.translate.goog/brisant/immer-wieder-pfizer-impfexperten-der-regierung-und-ihre-verbindungen-zu-big-pharma/?_x_tr_sl=de&_x_tr_tl=no&_x_tr_hl=en&_x_tr_pto=op,wapp https://www-wochenblick-at.translate.goog/corona/im-sold-der-pharmaindustrie-so-eng-verflochten-ist-der-covid-19-beraterstab/?_x_tr_sl=de&_x_tr_tl=no&_x_tr_hl=en&_x_tr_pto=op,wapp https://www-wochenblick-at.translate.goog/brisant/skandaloese-pharmaverbindungen-des-covid-19-beraterstabes-und-immer-wieder-pfizer/?_x_tr_sl=de&_x_tr_tl=no&_x_tr_hl=en&_x_tr_pto=op,wapp https://www-wochenblick-at.translate.goog/brisant/naechster-skandal-impfexperten-der-regierung-mit-finanz-verbindungen-zur-pharma/?_x_tr_sl=de&_x_tr_tl=no&_x_tr_hl=en&_x_tr_pto=op,wapp