Heimskur er jafnan höfuðstór. Eru ADHD börnin gáfuðust barna

Fyrir nokkrum árum birtust áhugaverðar fréttir í sumum helstu fjölmiðla heims um ADHD.

The Telegraph sagði: „ADHD er heilasjúkdómur, en ekki heiti fyrir slæmt uppeldi, segja vísindamenn“; Newsweek sagði: „Rannsóknir leiða í ljós, að heilar þeirra, sem þjást af ADHD séu minni en annarra.“ CNN sagði: „Svæði í heila ADHD sjúklinga, tengd tilfinningum, eru minni um sig.“ WebMD sagði: „Myndgreiningar staðfesta mun á heila ADHD sjúklinga og annarra.“ Yahoo gerði sér í hugarlund, að nú væri loksins staðfest, að ADHD væri raunverulegur sjúkdómur eins og lyfjafyrirtæki og ADHD trúboðar halda fram.

Skýrt var frá skírskotaðri rannsókn í tímaritinu, Lancet. Hún heitir: „Mismunur á umfangi svæða í neðanhvelaheila fullorðinna og barnungra þátttakenda með athyglisbrests- og ofvirknisjúkdóm. Samanburður við yfirlitsgreiningu“ (Subcortical brain volume differences in participants with attention deficit hyperactivity disorder in children and adults: A cross-sectional mega-analysis. https://www.thelancet.com/pdfs/journals/lanpsy/PIIS2215-0366(17)30049-4.pdf

Á mannamáli merkir þetta, að höfundar, sem eru hvorki meira né minna en 82 að tölu, hafa sjúkdómsgreint börn og fullorðna samkvæmt skilmerkjum DSM (Diagnostic and Statistical Manual) sjúkdómsgreiningakerfisins eða ICD (International Classification of Diseases). Þátttakendur voru einnig greindarprófaðir.

Þessi höfundafjöld, undir forystu hinnar hollensku Martine Hoogman, taugasálfræðings, komst að því, að fólk með ADHD hafi minni heila en hinir heilbrigðu. Skoðaðir voru 1713 ADHD sjúklingar. Í samanburðarhópi voru 1529, sem ekki höfðu fengið slíka sjúkdómsgreiningu – reyndar án frekari athugunar. Þeir eru sagðir „heilbrigðir.“ En það fór engin heilsufarsskoðun fram á þeim frekar en ADHD greining. Greiningar voru aukin heldur ósamstæðar, ýmist á grundvelli ICD eða DSM, gerðar af hinum og þessum, kennurum og foreldrum.

Engar viðhlítandi upplýsingar er að finna um þennan „heilbrigða“ samanburðarhóp. Sama má raunar um rannsóknarhópinn segja. Það lá ekki fyrir mat á alvarleika einkenna hjá stórum hluta hans og upplýsingar um aðra sjúkdóma/fylgikvilla voru ófullkomnar.

Það er ekki að sjá, að höfundar hafi haft áhuga á að gera samanburð við alla hina sjúklingahópana, t.d. þunglyndissjúklinga. Sömu greiningaratriði er að finna við greiningu fjölda annarra geðsjúkdóma. Það er einfaldlega nauðsynlegt standi hugur til þess að sýna fram á, að ADHD sé sérstakur sjúkdómur.

Niðurstaðan er í stuttu máli sú, „að umfang aðlegukjarna ([nucleus] accumbens), möndlungs (amygdala), rófukjarna (caudate [nucleus]), dreka (hippocampus), gráhýðis (putamen) og umfang heilabús (intracranial volume), væri minna í einstaklingum, sjúkdómsgreindum, miðað við þá í samanburðarhópnum.“

Tilgreind svæði er að finna í þróunarlega eldri hluta heilans, þ.e. neðan hvelaheila eða nýheila (neo cortex). Þau eru virk við athygli, hvatir, áhuga og tilfinningar.

Niðurstaðan er undarlega og glannalega fortakslaus: „Gögnin úr þessari öflugu rannsókn staðfesta, að sjúklingar með ADHD búa við breytta heila (altered brain) og þess vegna er ADHD heilasjúkdómur.“

Í fyrri sambærilegum rannsóknum höfðu sést vísbendingar í þá veru, að ADHD lyfin yllu heilaskorpnun. Því er vísað á bug. Í rauninni fer engin trúverðug skoðun fram á hugsanlegum áhrifum lyfjanna á ADHD þátttakendur. Það er heldur engin vitræn umræða um það, hvort ofvirki og athyglisbrestur gætu átt rætur í mismunandi miðtaugakerfisferlum.

Það er síður en svo traustvekjandi, að rannsókn þessi sé unnin á vegum Þjóðarheilbrigðisstofnunar Bandaríkjanna (National Health Institute). Hún er kunn að nánum tengslum við lyfjaiðnaðinn. Það á einnig við um hluta vísindamannanna.

Þegar betur er að gáð kemur í ljós fjöldi skringilegra ágalla. Þýðin eru ósamstæð, sótt héðan og þaðan um veröldina. Notuð eru misjöfn viðmið eins og t.d. við myndgreiningu. Dreifing mælinga á umfangi heilasvæða er nálægt því sú sama í öllum þýðum (effect size).

Höfundar sjá ástæðu til að „stinga undir stól,“ að ADHD sjúklingarnir, þrátt fyrir heilaskorpnum sína, stóðu sig betur greinarprófum. (Leita þarf í viðauka til að finna þessar upplýsingar.) Sé út frá því gengið, að um sé að ræða stöðluð greindarpróf, er líklegt, að þau endurspegli greindargetu þátttakenda nokkurn veginn. Það veldur líka furðu, að þessi gögn séu ekki rædd. Það er erfitt að varast þeirri hugsun, að þau hafi fallið illa að gefinni niðurstöðu. Kannski sannast nú hið fornkveðna, að heimskur sé jafnan höfuðstór.

Hefðu blaðamennirnir haft rænu á að brjóta rannsóknina til mergjar, hefðu fyrirsagnir hugsanlega litið svona út: „ADHD börn eru gáfaðri en önnur börn.“ Eða: „Kappkosta ber að gefa börnum ADHD greiningu, því þá verða þau svo gáfuð.“

Það yrði of langt mál að skoða hvern krók og kima rannsóknarinnar. Bendi á þessa viðbrigðagóðu grein til frekari glöggvunar: https://www.madinamerica.com/2017/04/lancet-psychiatry-needs-to-retract-the-adhd-enigma-study/

Höfundar greinarinnar, vísindablaðamaðurinn glöggi, Robert Whitaker, og sál - og tölfræðingurinn, Michael W. Corrigan, setja greinina í ruslflokk og fara fram á, að hún verði fjarlægð eins og greinin góða um kúgandi kynlíf hunda og pantaðar þvælugreinar um covid-19.

Robert og Michael spyrja: „Gæti svo verið búið um hnútana, að börn, sjúkdómsgreind með ADHD, séu greindari en almennt gerist? Gæti verið að dópaðar séu milljónir glöggra barna? Það sækja auðveldlega að þeim leiðindi [sökum skorts á áskorunum og áhuga] og skólarnir láta hjá líða að veita þeim örvandi námsumhverfi.“

Hvers konar sjúkdómur ætli ADHD sé í raun? Í þriðju útgáfu DSM var ADHD kynnt til sjúkdómasögunnar og varð fljótlega að tískusjúkdómi, sem að sögn áhugamannafélaganna og lyfjarisanna hrjáir um 15% þjóðanna.

„Einkenni sem í dag teljast til ADHD hafa lengi verið þekkt. Til dæmis lýsti Hippókrates, árið 473 fyrir Krist, ýktum viðbrögðum við áreitum og eirðarleysi hvað varðar athygli hjá sjúklingum sínum.

ADHD eins og við þekkum hana í dag er þó tiltölulega nýskilgreind röskun. Almennt er litið svo á að breski læknirinn George [Frederic] Still [1868-1941] hafi árið 1902 fyrstur formlega lýst hegðun sem líkist ADHD hjá börnum sem læknisfræðilegri röskun í röð fyrirlestra sem birtust seinna í tímaritunu Lancet. ...

Tímamót urðu varðandi ADHD í kringum árið 1960, meðal annars með skrifum [barnageðlæknisins] Stellu Chess [1914-2007]. Á þessum tíma kom hugtakið ofvirkni (e. hyperactivity) fram og áhersla fór að færast yfir á einkenni í stað orsaka ásamt því að hugmyndin um að ofvirkni gæti verið til staðar án heilaskaða fór að ryðja sér til rúms.

Í kjölfarið var farið að tala um væga heilatruflun (Minimal Brain Dysfunction, MBD) í stað vægs heilaskaða auk þess sem hugtakið tilfinningatruflun (e. emotional disturbance) var notað yfir svipaðan klasa einkenna.

Árið 1968 var röskunin svo fyrst innleidd í greiningarkerfi bandaríska geðlæknafélagsins en þá var hún kölluð ofvirkniröskun í bernsku (e. hyperkinetic reaction of childhood). Það var hins vegar ekki fyrr en árið 1994 sem röskunin var tekin inn sem greining í greiningarkerfi Alþjóðaheilbrigðismálastofnunarinnar, ICD. (Baldvin Logi Einarsson. Áhrif ADHD á aðlögunarfærni hjá börnum með röskun á einhverfurófi.)

Vinnuhópur Landlæknisembættisins greindi þrjá kjarnaþætti sjúkdómsins:

1)„Athyglisbrestur; „hugar illa að smáatriðum og gerir oft fljótfærnislegar villur, á erfitt með að halda athygli við verkefni eða leiki, virðist ekki hlusta þegar talað er beint til hennar/hans, fylgir ekki fyrirmælum til enda og lýkur ekki við verkefni, á erfitt með að skipuleggja verkefni og athafnir, forðast viðfangsefni sem krefjast mikillar einbeitingar (t.d. heimanám og skólaverkefni), týnir oft hlutum sem hann/hún þarf á að halda til verkefna sinna eða annarra athafna, truflast auðveldlega af utanaðkomandi áreiti, er gleymin/n í athöfnum daglegs lífs.“

2) Ofvirkni: „Er oft stöðugt á ferðinni eða eins og þeytispjald, talar óhóflega mikið, hendur og fætur á sífelldu iði, fer úr sæti í skólastofu eða við aðrar aðstæður þar sem ætlast er til kyrrsetu, hleypur um eða prílar óhóflega við aðstæður þar sem slíkt á ekki við, á erfitt með að vera hljóð/ur við leik eða tómstundastarf.“

3) Hvatvísi: „á erfitt með að bíða eftir að röðin komi að honum/henni í hópvinnu eða leik, grípur fram í eða ryðst inn í samræður eða leiki, grípur fram í með svari áður en spurningu er lokið.“

Hér eru viðmiðanir greinilega sóttar til dæmigerðs umhverfis í leik- og grunnskóla. Kastljósinu er beint að barninu sjálfu. Áhrif umhverfis eða samskipti við barnið eru virt að vettugi.

Í síðustu útgáfu DSM er felld niður sú greiningarkrafa, að einkenni skuli hafa komið í ljós fyrir sjö ára aldur og hafa valdið hömlun við tvenns konar aðstæður. Listanum svipaðar til matseðils. Það dugar að velja fimm (eða sex) af níu einkennum. Þá er sjúkdómurinn í höfn.

Söluaðiljar lyfja hafa útbúið handhægar leiðbeiningar til sjálfssjúkdómsgreiningar, svo auðvelda megi aðgengi að lyfjunum. Afskaplega fróðlegt! Að lokinni sjúkdómsgreiningu fjölskyldunnar væri vafalaust hægt að fá fjölskylduskammt af örvandi lyfjum. https://www.youtube.com/watch?v=Gj5VYYMeUZk

Skoðum fleiri gögn frá ríkisvaldinu:

„ADHD er alþjóðlega viðurkennd röskun á taugaþroska sem kemur fram sem frávik í athygli, virkni og sjálfsstjórn sem eru það mikil að þau valda einstaklingnum, fjölskyldu hans og umhverfi víðtækum og langvinnum vanda. … Þrátt fyrir að enginn vafi sé á því að ADHD sé af líffræðilegum toga er það svo að beinar orsakir eru oftast ekki þekktar,“ segir í skýrslu Félags- og tryggingamálaráðuneytisins frá 2008.

Í prýðilegri, íslenskri rannsókn segir:

„Vaxandi notkun ADHD lyfja er umdeild í ljósi mögulegrar of- og misnotkunar vegna óvissu um langtímaáhrif lyfja. Enn er lítið vitað um langtímaáhrif örvandi lyfjameðferðar og þekkingu vantar um áhrif meðferðar á námárangur barna með ADHD. …

Lægst var algengið í Finnlandi (1.2 á hverja 1000 íbúa) en hæst á Íslandi (12.5 á hverja 1000 íbúa). Árið 2007 voru íslensk born (7-15 ára) nærri fimm sinnum líklegri en sænsk born til að fá útleyst ADHD lys. Angengi notkunar var rúmlega fjórfalt hærra hjá norrænum drengjum (7-15 ára) en norrænum stúlkum.“ (Helga Zoëga, lýðheilsufræðingur.)

Í nefndri rannsókn kom fram um tengsl lyfjagjafar og árangurs í skóla, að námsárangur versnaði við inntöku örvunarlyfja, mest hjá þeim, sem hófu lyfjatöku tveim til þrem árum, eftir fjórða bekk.

Það er engum blöðum um það að fletta, að börn – einkum „úngir drengir“ - geti átt í erfiðleikum með sjálfsstjórn, biðlund og athygli, samkvæmt reglum fjölskyldu og skóla. Það er líka ljóst, að öll hegðun eigi sér rót í miðtaugakerfi og jafnframt forsendur í erfðum. En ennþá hefur hvorki heilaskaði þeirra fundist, né greiningartæki til að greina hann. Sama á við um líðseðlisleg skilmerki.

„Úngir drengir“ (fyrst og fremst) áttu líka í brösum, þegar ég var vígður til starfa við sérdeild fyrir börn með allra handa þroskaskerðingar og -raskanir. Þá beittum við hugtökunum, „smávægilegum heilaskaða“ (minimal brain damage), „ofvirkni“ (hyperactivity) og „athyglibresti“ (attention deficit).

Bandaríski taugasálfræðingurinn, (Carmen) Keith Conners (1933-2017), lagði á þessum árum til heitið „athyglibrest og ofvirkni“ eða ADHD, sem eins konar safnheiti yfir þann fjölda truflana á vitmunum, sem vafalítið mátti rekja til meina í miðtaugakerfi. Og enn er það svo.

Keith samdi við rannsóknir sínar ágætan gátlista, sem nýttist prýðilega til að sundurgreina hinar ýmsu svipmyndir andlegra brenglana. Hann var frumkvöðull rannsókna á virkni örvunarlyfja eins og rítalíns (methylphenidate) . Þá var reyndar ekki talað um sjúkdómsgreiningu.

Keith lítur eins og ég á ADHD-sjúkdómsgreiningarbólguna með skelfingu. Hann segir:

„Í árafjöld horfði ég á ADHD umsvifin í jákvæðu ljósi: aukið fé til rannsókna og fleiri rannsóknaniðurstöður; meiri athygli fagmanna; aukin áhersla á örvandi lyfjameðferð; áhugi foreldra og kennara; löggjöf um sérkennslu fyrir ADHD börn; og jafnvel stuðningur lyfjafyrirtækjanna við læknanám og hagsmunasamtök foreldra.“

En það varð breyting á, ekki síst fjöldi óvandaðra rannsókna og sjúkdómsgreininga, þó með undantekningum. T.d. faraldsfræðileg rannsókn Adrian Christopher Angold og Elizabeth Jane Costello við Duke háskólann, upp úr síðustu aldamótum.

Keith heldur áfram: „Niðurstöður þessarar einstöku könnunar voru óvæntar. Einungis 1-2% greindust með ADHD. Aukin heldur kom í ljós, að fjöldi heilbrigðra barna hafði fengið örvandi lyf. … Þessar niðurstöður voru síðar staðfestar í fjölda eftirfylgdarrannsókna.“

Keith víkur að sjúkdómsáróðri og spillingu lyfjafyrirtækjanna:

„Vitaskuld bera læknar drjúgan skerf af ábyrgðinni. Ávísanir á örvunarlyf koma bara frá læknum. Flestir almennra barnalækna og heimilislækna eru góðgjarnir, en gefa sér ekki tíma til að kynnast sjúklingum sínum og þekkingu þeirra er of ábótavant til að þeir geti goldið varhug við villandi áróðri lyfjafyrirtækjanna.“

Það telja sumir kórvillu að láta hjá líða að dópa börn, sem fengið hafa ADHD sjúkdómsgreiningu. Meira um það síðar.

Ábending um lesefni: Michael W. Corrigan. Debunking ADHD: 10 Reasons to Stop Drugging Kids for Acting Like Kids. - Marilyn Wedge. A Disease called Childhood: Why ADHD Became an American Epidemic. - Alan Schwarz’s book ADHD Nation: Children, Doctors, Big Pharma, and the Making of an American Epidemic. - Jeff Emmerson og fl. Beyond ADHD: Overcoming the Label and Thriving. - Paula Caplan. They Say You’re Crazy: How the World’s Most Powerful Psychiatrists Decide Who’s Normal.

https://www.madinamerica.com/2023/04/new-study-shows-music-therapys-positive-impact-on-adhd-treatment/ https://www.ncbi.nlm.nih.gov/pmc/articles/PMC2672740/ https://adhdhistory.com/sir-george-f-still/ https://today.duke.edu/2017/07/duke-flags-lowered-c-keith-connors-noted-researcher-hyperactive-children-dies https://www.cchrint.org/2022/10/07/cchr-warns-children-labeled-adhd/ https://archive.org/details/b24976295/page/n3/mode/2up https://www.nytimes.com/2017/07/13/health/keith-conners-dead-psychologist-adhd-diagnosing.html?_r=1 https://www.mbl.is/frettir/innlent/2012/06/25/tengsl_milli_einkunna_og_lyfjamedferdar_vid_adhd/ https://www.psychologytoday.com/intl/blog/abcs-child-psychiatry/201805/adhd-is-real-brain-differences-in-preschool-age-children https://www.huffpost.com/entry/conclusive-proof-adhd-is-overdiagnosed_b_10107214 https://www.psychologytoday.com/intl/blog/saving-normal/201603/keith-connors-father-adhd-regrets-its-current-misuse https://www.psychologytoday.com/intl/basics/nootropics https://publications.aap.org/pediatrics/article-abstract/130/6/1012/30306/Age-Academic-Performance-and-Stimulant-Prescribing?redirectedFrom=fulltext https://www.madinamerica.com/2023/04/adult-symptom-deficiency-disorder/ http://www.landlaeknir.is/servlet/file/store93/item23317/ADHD%20loka%C3%BAtg%C3%A1fa_2014.pdf - http://www.landlaeknir.is/servlet/file/store93/item14259/ADHD-7.%20mars%202012.pdf.) (http://skemman.is/stream/get/1946/9869/24779/1/HelgaZoega_PhDThesis_FINAL.pdf) https://www.madinamerica.com/2023/05/psychiatrogenesis/ https://www.madinamerica.com/2023/05/systemic-harms-psychiatry/ http://skemman.is/en/stream/get/1946/11886/30011/1/Baldvin_Logi_B.S._verkefni.pdf https://notendur.hi.is//~sbs5/adhd/islenska%206%20til%208%20ara%20born.pdf) https://www.stjornarradid.is/media/velferdarraduneyti-media/media/acrobat-skjol/adhdskyrslaapril2008.pdf https://www.huffpost.com/entry/conclusive-proof-adhd-is-overdiagnosed_b_10107214

Gef oss í dag vort daglega dóp

Í grennd við Gaustad geðsjúkrahúsið í Noregi má finna Ris kirkjugarðinn. Þar má berja augum minningarstein, sem oft og tíðum er kallaður, ”Skammarsteinninn.” Þessi minnisvarði er reistur á fjöldagröf geðsjúklinga, sem ekki þoldu lækningarnar og guldu fyrir með lífi sínu. Það er að sönnu athyglisvert, að þarna voru grafnir geðsjúklingar fram til ársins 1989.

Það vekur undrun og angurværð að hugsa til þessa fólks. Margt var beitt ofbeldi, þegar við innlögn. Hvers vegna ætli yfirvöld hafi reynt að hindra minningarstund þeim til heiðurs og okkur til áminningar? Ég fylltist líka hryggð, þegar ég rölti milli ómerktra grafa við geðsjúkrahúsið í Nyköbing.

Norski rithöfundurinn, Per-Aslak Ertesvåg, fjallar um þetta í bók sinni, ”Sofðu nú vært, litli Noregur” (Sov, mitt lille Norge). Þarna eru mörg leyndarmál grafin með fólki sem hlaut geðlækningu.

Leyndarmálið er svo viðkvæmt, að valdhafar neita að upplýsa um fjölda líkamsleifa og dánarorsakir. En það má gera sér tiltölulega skýrt í hugarlund, að þarna hvíli fórnarlömb meðferðartilrauna á sviði geðlækninga. Hinir fróðu geta sér til um, að þarna kynni að hvíla hluti þeirra, sem urðu fyrir heilaskurðlækningum (lobotomi – hvítuskurður, geiraskurður).

Í sögu geðlækninganna er mannvonska áberandi, enda þótt dæmi séu um annað eins og t.d. sveitamennsku sem og hvíldar- og næringarkúrainnlagnir Silas Weir Mitchel (1829-1914).

Áberandi eru aðferðir eins og til dæmis köld böð, raflost (electrochock), einangrun, spennitreyjur, strekkingarbekkir, lyfjadá (krampadá), innkirtlabrottnám, gelding, höfuðkúpuborun, skynvillulyf og svo framvegis. Sumum þessara aðferða hefur verið beitt við pyndingar.

Nokkrar aðferðanna eru enn við líði eins og spennitreyjur, einangrun og raflost. Það er nú kallað rafkrampalækning (electro convulsive therapy). Einhverra hluta vegna hafa geðlæknar mikið dálæti á krömpum, sem flestir læknar reyna þó að koma í veg fyrir. Og nú eru skynvillulyfin komin í tísku. Það er margt skrítið í geðlækningum ekki síður en í kýrhausnum.

Við lyfjatilraunir á sjötta áratugi síðustu aldar uppgötvuðu læknar óvænta aukaverkun. Sjúklingarnir urðu værir og sljóir. Geðlyf hafði séð dagsins ljós. „Chlorpraomzine“ var afkvæmið skýrt. Í Bandaríkjunum gekk það undir nafninu „Thorazine.“

Það var þá sem nú; kært barn hefur mörg nöfn. T.d. heitir einn ADHD lyfjaflokkanna „Methylphenidate,“ en lyfjaheiti eru m.a.: Ritalin, Medikinet, Delmosart, Equasym.

Það er býsna algengt, að nýjum lyfjum sé bætt við þau gömlu. Stundum er þó skipt um lyf. Öll eiga það sameiginlegt að lækna engan, þótt þau ýmist hvetji eða letji starfsemi miðtaugakerfisins. Öll hafa þau í för með sér margvíslegar og alvarlegar aukaverkanir.

Þegar fyrrnefnd uppgötvun var gerð, sáu lyfjafyrirtækin sér leik á borði, góða viðskiptahugmynd. Þau hafa heldur ekki setið auðum höndum. Það upphófust alls konar tilraunir með áhrif hinna margvíslegustu lyfja á hugann, meðal annars í samstarfi við leyniþjónustu Bandaríkjanna, sem hafði sterkan áhuga á hugstjórnun (mind control).

Það höfðu/hafa einnig ýmsir geðlæknar eins og John Rawling Rees (1890-1969), breskur hergeðlæknir og stofnandi Tavistock Clinic, ásamt Hugh Crichton-Miller (1877-1959). Hann sagði m.a.:

„Við verðum að stefna að því að gera þær [geðlækningar] snaran þátt í lífi þjóðarinnar. Áhrifa okkar ætti að gæta í opinberu lífi, stjórnmálum og iðnaði. – Herinn og aðrir hópar í þjónustu hans eru tilvaldir hópar til tilrauna, þar sem þeir eru í sjálfu sér heil samfélög. Því er unnt að skipuleggja tilraunir, sem erfitt væri að fást við í lífi almennra borgara.“ (Það breyttist að vísu með covid-19.)

Annar merkur hergeðlæknir, William Menninger (1899-1966), tók sig til og skrifaði yfirlit um hegðun, sem honum þótti samrýmast geðveiki. Það var í senn yfirlit um lyfjagjöf, en örvandi lyf voru óspart notuð, svo hermönnum yxi ásmegin. Það var forstigið að gervigreindarhermönnunum, sem nú er verið að búa til.

Heftið litla William, varð grunnurinn að bíblíu geðlækna (og fleiri heilbrigðisstétta), Diagnostic and Statistical Manual of Mental Disorders. Skömmu eftir miðja síðustu öld voru þar skráðir 112 geðsjúkdómar, í 1968 voru þeir orðnir 178. Í endurskoðaðri, annarri útgáfu, hafði þeim fjölgað í 259. Í fjórðu útgáfu voru skráðir tæpir þrjú hundruð sjúkdómar. Fimmta útgáfa, DSM-5-TR (2022), liggur nú fyrir. Geðsjúkdómar eru nú á fjórða hundrað, en það virðist torvelt að henda reiður á nákvæmum fjölda.

Í þriðju útgáfu DSM á níunda áratugi síðustu aldar komu nýjar tískugreiningar eins og athyglisbrestur (ADD) og athyglisbrestur og ofvirkni (ADHD). Þessar greiningar hafa valdið miklum usla og aukið gróða lyfjafyrirtækjanna til muna. Notkun lyfja (fíkniefna) við ADHD jókst fjórfalt í Noregi frá 2004 til 2018.

DSM bólgnaði og bólgnaði sem sé. Sjúkdómsbólgan er komin á verulega alvarlegt stig. Það eru sífellt fleiri svið mannlegrar hegðunar, sem talin eru merki um geðsjúkdóm. Sjúkleg ást Stígamóta og eitruð karlmennska kvenfrelsunarsamtakanna hafa þó ekki ratað þangað enn þá. En samkynhneigð og kynami eru rokin út.

Við samningu DSM hefur aldrei verið krafist þekkingar um orsakir geðsjúkdóma. Ákvarðanir um sjúkdóma eru teknar af hópi geðlækna á vegum bandarísku geðlæknasamtakanna. Fleiri stéttir hafa bæst í hópinn.

DSM er skrá um tilbrigði mannlegar hegðunar og hugsunar af hugmyndafræðilegum og stjórnmálalegum toga, en ekki tæki til vísindalegrar sjúkdómagreiningar.

David Schaffer, geð- og barnalæknir, lýsir samkomunni svo: Okkur var troðið inn í allt of þröngt herbergi. Robert Leonard Spitzer (1932-2015), leiðtoginn sjálfur, spurði spurninga. Þeir sem kölluðu hæst, fengu mestan hljómgrunn. Mér þótti samkoman alltaf minna meira um tóbaksuppboð en ráðstefnu.

Sálfræðingurinn, Renee Carfinkel, sagði: „Mér rann þekkingarskorturinn (low level of intellectual effort) til rifja. Sjúkdómsgreiningar urðu til við handauppréttingar, rétt eins og valið snerist um veitingastað. Mig langar á ítalskan, mig á kínverskan – jæja! Förum barasta á kaffihús. Það [orðavaðallinn] var svo færður til bókar [tölvu]. Athöfnin kynni að lýsa einfeldni okkar, en við trúðum því engu að síður, að tilraun yrði gerð til að skoða með vísindalegu hugarfari.“

Þessi skemmtilega geðsjúkdómafæðingarsmiðja er nú leynileg, en bandaríska geðlæknafélagið upplýsir, að um tvö hundruð sérfræðingar víðs vegar úr veröldinni komi að verkinu. DSM skráin hefur að nokkru marki verið samhæfð sjúkdómaskrá Alþjóðaheilbrigðisstofnunarinnar WHO), International Classification of Diseases eða ICD-11 (2022).

Rannsóknir og tilraunir með geðlyf hófust til flugs, þegar Joseph J. Schildkraut (1934-2006), datt í hug, að andlegar kaunir fólks stöfuðu af ójafnvægi boðefna í miðtaugakerfi – heila. Á Norðurlöndunum er það líklega Erik Strömgren (1909-1993), geðlæknirnn danski, sem er kunnastur fyrir þessar hugmyndir. Og reyndar er einungis um hugmynd eða tilgátu að ræða.

Mauriðnir geðlæknar, lífefnafræðingar og lífeðlisfræðingar, yfirleitt á mála hjá lyfjafyrirtækjunum, hafa í áratugi leitað dyrum og dyngjum að geðveikisveiru, skorti á boðefni og ójafnvægi boðefnanna, en ekkert fundið. Nýjustu myndrannsóknaaðferðir hafa heldur engu skilað. (Þetta á ekki við um taugahrörnunarsjúkdóma af ýmsu tagi og þroskahamlanir.)

Marica Angell (f. 1939), fyrrum ritstjóri, „The New England Journal of Medicine,“ orðar þessa staðreynd svo: „Eftir viðleitni um áratuga skeið til að færa sönnur á (boðefnaójafnvægið), hafa vísindamenn gengið bónleiðir til búðar.“

Hvað þunglyndi varðar, segir sálfræðiprófessorinn, Irving Kirsch (f. 1943), við Harvard læknaskólann:

„Niðurstöður rannsókna, áratugum saman, á boðefnarýrnun, leiða til einnar óumflýjanlegrar ályktunar; takmarkað magna boðefna (serotonin, norepinephrene, dopamine), veldur ekki þunglyndi.“

En það má í sjálfu sér einu gilda. Lyfjaiðnaðurinn hefur komið ár sinni vel fyrir borð hjá yfirvöldum, háskólum, vísindamönnum og embættismönnum, enda er alvarleg vísindakreppa í algleymingi í heilbrigðisvísindunum Öflug markaðsetning og áróður – stundum hrein lygimál – hefur greinilega enn sín áhrif.

Að sögn breska hjartalæknisins, Aseem Malorta (f. 1977), eru lyf þriðji stærsti orsakavaldur andláta. Í því sambandi bendir hann á niðurstöður rannsókna John Ioannidis (f. 1965); hagsmunatengsl stuðla að óvandvirkni við vísindarannsóknir. Um það er mýgrútur dæma.

Aseem segir: Leiddu hugann að viðskiptahugmyndafræði lyfjaiðnaðarins. Hún felst í því að sannfæra eins marga og kostur er til að taka eins mörg lyf og kostur er og eins lengi og kostur er. … Ávísuð lyf læknanna er þriðja helsta dánarorsökin á heimsvísu. Hún kemur á eftir hjartasjúkdómum og krabba.

Markaðssetningin á árabilinu 1985 til 2008 skilaði fimmtíufaldri sölu þunglyndislyfja og geðlyfja í Bandaríkjunum. Einn af átta Bandaríkjamönnum – ungabörn meðtalin – ganga nú fyrir geðlyfjum (psychothropic medication). Andvirði lyfjanna er 24.2 milljarðar (billion) dala. Geðlæknar sækja vit sitt og aðferðir að töluverðu leyti til lyfjafyrirtækjanna.

Lyfjasölumaðurinn, Gwendolyn (Gwen) Leslie Olson, lýsti sambandi lyfjaiðnaðarins og geðlæknanna svo: Það leikur enginn vafi á því, að það ríki heilagt bandalag milli geðlækna og lyfjafyrirtækja. Það er eins og himnaríkishjónaband.

Spillingin er stundum spaugileg eins og t.d. þegar hagsmunaaðiljar í rafkrampalækningum töldu Maltvæla- og lyfjastofnunina (Food and Drug Administration) á að flokka rafstuðarana, sem gefa frá sér í einu losti rafmagn, sem dugar til að knýja þrjár lyftur, í sama áhættuflokk og smokka og augnlinsur.

Það er einnig alkunna, að þekktir vísindamenn láni nöfn sín fyrir dágóða þóknun við ritun vísindagreina, oft sérpantaðra. En það tíðast líka að fela „skriftarfyrirtækjum“ að skrifa heilu vísindaritin fyrir „höfundanöfnin.“ (Snjallmennin taka nú við.)

Lyfjaáróðrinum er beint að börnum, rétt eins og bóluefnaáróðrinum. Svona lítur geðlyfjaát barna í Bandaríkjunum út, nokkurn veginn. Öll geðlyf meðtalin. Sami einstaklingur kynni að vera tví- eða margtalinn, taki hann fleiri en eitt lyf á ársgrundvelli. Um er að ræða börn á aldrinum 0 til 17 ára:

Heildarfjöldi 6.155.852. Rúmur helmingur er ADHS lyf. Rúmlega þrjú hundruð reifabörn eru ADHD sjúklingar. Heildarfjöldinn skiptist svo eftir aldursflokkum:

Á fyrsta ári: 85.003; tveggja til þriggja ára: 138.822; fjögurra til fimm ára: 57.010; sex til tólf ára: 1.750. 481; þrettán til sautján ára: 1.409.348.

Það er sem sé á lokastigum leikskóla, að fjöldi geðsjúklinga meðal barna rýkur upp og u.þ.b. þrefaldast í fyrstu bekkjum grunnskóla.

Geðlæknar eru gjöfulir, þegar börn eru annars vegar. Í Bandaríkjunum skrifa þeir upp á geðveikilyf eins og Zyprexa og önnur þvíumlík, en þau eru – eins og önnur geðlyf – kunn að margvíslegum aukaverkunum.

Það er full ástæða til að óttast, að jafnvel skammvinn lyfjagjöf hafi vond áhrif á þroska til frambúðar. Tilraunir á dýrum benda til langvarandi þroskatruflunar í miðtaugakerfi.

Það er ekki að ósekju, að kunnáttumenn taki svo til orða, að um sé að ræða stórfenglega tilraun, þar sem vöntun er á rannsóknum á langtíma áhrifum lyfjanna.

Það er ekki síður sorglegt, að það séu engin haldbær, vísindaleg rök fyrir því, að kaunir barnanna eigi rætur í brengluðu miðtaugakerfi. Ungir hugar þeirra eru dópaðir og deyfðir, án einasta snifsis sannana, gildra greiningaraðferða, lífeðlislegra einkenna (biological markers) eða áreiðanlegra sannindamerkja af erfðafræðilegum toga.

Þvert á móti sýna rannsóknir, svo ekki verður um villst, að „geðsjúkdómarnir,“ sem læknar – og því miður vaxandi fjöldi sálfræðinga í geðlæknisgervi – staðfesta, lýsa í raun og sann tilbrigðum (stundum þreytandi) við heilbrigðan þroska.

Stundum er um seinþroska að ræða, sem er uppeldisáskorun í sjálfu sér. En þol uppeldisstofnana er lítið og örvasa foreldrar, sem alltaf eru að vinna, hafa takmarkaða afgangsorku. Því virðist auðveldast að setja sjúkdóm í barnið og fá geðlækni til að dópa það með vondum afleiðingum til lengri og skemmri tíma.

Einn af merkilegustu geðlæknum veraldar fyrr og síðar, Thomas Szasz, sagði eitt sinn:

„Það er forsmán (stigmatization) að segja barn geðsjúkt, en ekki sjúkdómsgreining. Það er eitrun að gefa barni geðlyf, en ekki lækning. … Ég hef lengi haldið því fram, að barnageðlæknar séu meðal varhugaverðustu andstæðinga barna og einnig fullorðinna, sem halda í heiðri börn og frelsi, tvennu því í lífinu, sem mest hætta er búin.“

Að síðustu nokkrar ábendingar um viðbótarfræðsluefni: James Davies: Cracked. Why Psychiatry Is Doing More Harm Than Good. - Robert Whitaker: Anatomy of an Epidemic: Magic Bullets, Psychiatric Drugs, and the Astonishing Rise of Mental Illness in America. - Martin Whitely. Overprescribing Madness: What’s Driving Australia’s Mental Health Epidemic. - Marcia Angell. The Truth About the Drug Companies. -Gwen Olson. Confessions of an Rx Drug Pusher. - Elliot S. Valenstein. Great and Desparate Cures. Sami höfundur: Blaming the Brain: The Truth About Drugs and Mental Health.

https://www.cchrint.org/psychiatric-drugs/children-on-psychiatric-drugs/https://www.psychiatry.org/psychiatrists/practice/dsmhttps://fee.org/articles/antipsychiatry-quackery-squared https://journals.library.columbia.edu/index.php/bioethics/article/view/5993 https://www.minnpost.com/second-opinion/2010/05/ex-editor-nejm-tells-how-big-pharma-has-corrupted-academic-institutions/https://www.psychiatrictimes.com/view/requiem-dsm https://www.lifevisionseminars.com/gwen-olson-d-c/ http://www.szasz.com/ https://cchri-zgph.campaign-view.com/ua/viewinbrowser?od=3z6cdfd8546f24cd5b9b2d9564f764cdea0e85fd49de58101b377365f9817838bc&rd=1b10678f7c82fbc6&sd=1b10678f7c82795d&n=11699e4c078cb7f&mrd=1b10678f7c827947&m=1 https://www.encyclopedia.com/psychology/dictionaries-thesauruses-pictures-and-press-releases/rees-john-rawlings-1890-1969 https://www.huffpost.com/entry/dsm-5-unveiled-changes-disorders_n_3290212 https://www.psychologytoday.com/intl/basics/child-development https://www.youtube.com/watch?v=kOW8LNU2hFE https://en.wikipedia.org/wiki/William_C._Menninger https://cchri-zgph.campaign-view.com/ua/viewinbrowser?od=3z6cdfd8546f24cd5b9b2d9564f764cdea0e85fd49de58101b377365f9817838bc&rd=1b10678f7c6eea78&sd=1b10678f7c6e958f&n=11699e4c1daeae9&mrd=1b10678f7c6e9551&m=1 https://www.cchrint.org/2022/08/26/replacing-prozac-with-lsd-is-like-switching-seats-on-the-titanic/ https://cchri-zgph.campaign-view.com/ua/viewinbrowser?od=3z6cdfd8546f24cd5b9b2d9564f764cdea0e85fd49de58101b377365f9817838bc&rd=1b10678f7c709c4e&sd=1b10678f7c70569d&n=11699e4c14a7996&mrd=1b10678f7c70567f&m=1 https://cchri-zgph.campaign-view.com/ua/viewinbrowser?od=3z6cdfd8546f24cd5b9b2d9564f764cdea0e85fd49de58101b377365f9817838bc&rd=1b10678f7c7a576f&sd=1b10678f7c79c2fc&n=11699e4c0c1472d&mrd=1b10678f7c79c2e2&m=1 https://www.psychologytoday.com/intl/basics/dopamine https://www.cchr.org/documentaries/making-a-killing/introduction.html https://www.psychologytoday.com/intl/blog/kids-being-kids/201503/mind-bottling-malarkey-medicine-or-malpractice https://steigan.no/2023/05/forretningsmodellen-til-bigpharma-er-a-gi-folk-sa-mye-medisiner-som-mulig/?utm_source=substack&utm_medium=email https://steigan.no/2021/10/legemiddelindustrien-er-dypt-involvert-i-studiene-de-betaler-for/ https://www.youtube.com/watch?v=gigZD4RIXhg https://www.madinamerica.com/2014/02/adhd-diagnosis-war-semantics-waged-children/ https://www.madinamerica.com/2014/02/adhd-bigfoot-missing-links-research/ https://www.madinamerica.com/2014/06/news-flash-4-5-million-children-forced-daily-caretakers-cocaine-like-drugs/ https://www.madinamerica.com/2015/04/young-young-part-1-prescribing-psychiatric-drugs-infancy-toddlerhood/ https://www.psychologytoday.com/intl/blog/mad-in-america/201011/new-rat-study-ssris-markedly-deplete-brain-serotonin https://www.psychologytoday.com/intl/blog/mad-in-america/201010/samhsa-alternatives-and-a-psychiatrists-despair-over-the-state-of https://www.psychologytoday.com/intl/blog/mad-in-america/201106/now-antidepressant-induced-chronic-depression-has-name-tardive-dysphoria https://www.psychologytoday.com/intl/blog/mad-in-america/201102/disability-in-the-age-prozac https://psykologisk.no/2022/03/stor-okning-i-bruk-av-antidepressiva/ https://www.madinnorway.org/2019/12/bruk-av-psykofarmaka-i-norge/ https://steigan.no/2023/04/psykiatri-myten-om-kjemisk-frelse/?utm_source=substack&utm_medium=email https://www.psychologytoday.com/intl/blog/mad-in-america/201005/schizophrenia-mystery-solved https://www.regjeringen.no/no/dep/hod/org/styrer-rad-og-utvalg/tidligere-styrer-rad-og-utvalg/paulsrud-utvalget/id612314/ https://www.regjeringen.no/no/dokumenter/nou-2011-9/id647625/?ch=1 https://www.regjeringen.no/contentassets/edc9f614eb884f1d988d16af63218953/no/pdfs/nou201120110009000dddpdfs.pdf https://www.madinamerica.com/2023/03/does-psychiatry-improve-outcomes-we-dont-know-according-to-jama-psychiatry/ https://www.madinamerica.com/2023/05/breaking-blind-antipsychotic-drug-efficacy-may-be-overestimated/ https://www.psychologytoday.com/intl/blog/mad-in-america/201012/do-psychiatric-medications-impair-normal-brain-development https://blogs.scientificamerican.com/cross-check/are-psychiatric-medications-making-us-sicker/ https://www.madinamerica.com/2023/03/martin-harrow-the-galileo-of-modern-psychiatry-1933-2023/ https://www.madinamerica.com/2023/02/chemicals-have-consequences-antidepressants-pregnancy-adam-urato/ https://www.madinamerica.com/2023/02/psychiatrys-cycle-of-ignorance-and-reinvention-an-interview-with-owen-whooley/ https://www.psychologytoday.com/intl/blog/mad-in-america https://www.psychologytoday.com/intl/blog/mad-in-america/201111/can-unethical-research-ever-lead-best-evidence https://www.psychologytoday.com/intl/blog/mad-in-america/201103/when-government-propaganda-masquerades-science https://www.psychologytoday.com/intl/blog/mad-in-america/201012/the-glaxosmithkline-ghostwriting-documents-part-two https://www.nytimes.com/2010/11/30/business/30drug.html https://www.psychologytoday.com/intl/blog/mad-in-america/201011/a-ghostwritten-psychiatric-book-hints-at-a-much-larger-problem https://www.psychologytoday.com/intl/basics/psychopharmacology https://pubmed.ncbi.nlm.nih.gov/29960692/ https://www.scientificamerican.com/article/has-the-drug-based-approach-to-mental-illness-failed/ https://www.psychiatrictimes.com/view/psychiatrys-new-brain-mind-and-legend-chemical-imbalance https://blogs.scientificamerican.com/cross-check/psychiatrists-must-face-possibility-that-medications-hurt-more-than-they-help/

Drengir reka á reiðanum – strákafarsóttin. Leonard Sax

Leonard Sax er norður-amerískur sálfræðingur og læknir, sem töluvert hefur skrifað um kynin og samskipti þeirra. Fyrir nokkrum árum kom út ný útgáfa af bók hans:

„Drengir á reki: Þættirnir fimm, sem knýja vaxandi farsótt áhugaleysis og dvínandi áorkunar meðal drengja og ungra karlmanna“ (Boys Adrift: The five Factors Driving the Growing Epidemic of Unmotivated Boys and Underachieving Young Men).

Þættirnir fimm, sem að dómi höfundar skýra, hvers vegna drengi skortir áhuga og eljusemi og láta vaða á súðum, eru; Breytingar á skólastarfi, tölvuleikir, óeirðarlyf (ADHD), innkirtlaskaðvaldar og hefnd hinna yfirgefnu guða. (Nánari skýring: „Sundrun og lítilsvirðing (devaluation) karlmennskuhugsjónarinnar er fimmti orsakavaldur að þeirri öru farsótt, sem hér hefur verið til skoðunar.“ (Bls. 225)

Hér verður í hnotskurn fjallað um umhverfisspjöll, kynþroska og miðtaugakerfi á grundvelli bókarinnar.

Kynlitningar kvenkyns eru táknaðir með XX, en karlkyns með XY - alveg eins og í þeim dýrum, sem nánust eru okkur að skyldleika, þ.e. simpönsum. Sameiginlegt erfðaefni karldýra meðal þeirra og karlmanna er 99.4%, heldur meira en milli karla og kvenna.

Þetta gæti þess vegna merkt, að karldýr beggja tegunda horfi, heyri og lykti með svipuðum hætti. Þannig eiga mennskir karlar meira sameiginlegt með tilgreindum öpum á þessum sviðum en með kvenkyninu.

Hegðun karlkyns ungviðis meðal simpansa er áþekkt því, sem gerist meðal drengja. Þeir eru rásgjarnari, eirðarlausari, slást meira og líta síður eftir þeim, sem yngri eru. (Bls.29)

Eins og gefur að skilja er munur á miðtaugakerfi kynjanna, enda þótt kvenfrelsarar haldi öðru fram: „Síðasta áratuginn hefur borist straumur rannsóknaniðurstaðna, sem sýna fram á mismun í heilaþroska telpna og pilta.“ (Bls.19) (En það var raunar löngu vitað.) …

„Þykjustuleikurinn um einsleitni kynjanna - að kynfærum frátöldum - hefur engan veginn fært heim jafnréttisdýrðina, þar sem drengir virða stúlkur og heiðra.“ (Bls. 257)

Meginsmíðaefni heilans, gráninn (grey matter), þroskast fyrr og hraðar hjá stúlkum. Á unglingsárum hefur stúlkan að meðaltali þroska tveggja ára sem forskot.

Magn karlkynvaka (testosterone) veldur meiri þykkni í sjónberki heilans (visual cortex) hjá drengjum, andstætt því, sem verður hjá stúlkum. Mismunandi heilasvæði þroskast mishratt hjá kynjunum einnig. Sömuleiðis er framvinda þroskans mismunandi.

Gráninn í hvirfilblöðum (parietal) þroskast með svipuðum hætti, en hraðar hjá stúlkum, sem nemur tveggja ára meðalþroska. Á þessu svæði á sér stað samþætting upplýsinga frá skilningarvitunum.

Aftur á móti gætir nokkru hraðari þroska hjá drengjum í gagnaugablöðum. Þar eru borin kennsl á hluti (object recognition) og þar á rúmskynjun (spatial perception) sér stað.

Í sjónheila eða hnakkablöðum gætir verulegs misræmis í þroska. Þroski þessa svæðis er hraður á aldrinum sex til tíu ára hjá stúlkum. Því er ekki þannig farið um drengi. Í upphafi gelgjuskeiðs verður aftur á móti hrörnun hjá stúlkum, meðan þroskinn tekur stökk hjá drengjum. (Bls. 20)

Það er líklegt, að heilinn starfi einnig með ólíkum hætti að einhverju leyti. Svo kann að virðast sem karlheilinn mótist af starfsemi innan heilahvelanna, en kvenheilinn af starfsemi þvert á þau bæði. Karlheilinn virðist sérhæfður til að auðvelda tengingu skynjunar og athafnar, en kvenheilinn greiningar og innsæis. (Bls. 282)

Karlmaðurinn er frá náttúrunnar hendi flóknari smíð en konan. Því er oftar ágalla að finna í miðtaugakerfi drengja. Það virðist einnig eiga við um kynkerfi, sem eru viðkvæm fyrir umhverfisspjöllum, gerviefnum, svokölluðum innkirtlaskaðvöldum. Einn þessara er vaki (hormón), sem líkist kvenkynvökum, og stuðlar að kvengervingu (feminization), bæði hjá mönnum og dýrum. Innkirtlaskaðvaldar í umhverfinu brengla kynþroskann.

Stúlkur verða fyrr kynþroska. Í Bandaríkjum Norður-Ameríku (BNA) telja barnalæknar nú eðlilegt, að stúlkur séu kynþroska og noti brjóstahöld um átta ára aldur.

Kynþroski drengja brenglast einnig, en með öfugum formerkjum. „Vísindamenn skýra nú frá því, að ... síðkominn kynþroski, ofþyngd og ofvirkni /athyglisbrestur (ADHD) séu einkennandi fyrir svipmynd, sem birtist oftar en ætla mætti, ef tilviljun réði för – en einungis hjá drengjum.“ (Bls. 12)

Ágallar í gerð og starfsemi kynfæra drengja eru einnig áberandi: Líkur á því, að drengir fæðist með kynfæragalla hafa tvöfaldast síðustu hálfa öldina eða svo. Ágallar eru einkum; örfyðill (smaller-than-normal penis), eista, sem ekki gengur niður, og neðanrás (hypospadias ), þ.e.þvagrásin opnast á neðanverðum bellinum.

Aukin heldur er tíðni krabbameins í eistum áberandi og dregið hefur úr framleiðslu kynvaka, Ófrjósemi hefur aukist, hugsanlega vegna fyrrnefndra kirtlaskaðvalda í umhverfinu. Rannsóknir í BNA hafa einnig leitt í ljós, að mæður, sem höfðu mikið magn plastþjálniefnisins, þalats (phtalate), í líkamanum, eignuðust hér um bil tífalt oftar drengi með kynfæraágalla. (Bls. 146 -147)

Draumur Alþingis um ofbeldissnautt samfélag

Alþingismenn eiga sér draum. Drauminn um samfélag án ofbeldis – sérstaklega þó kynferðislegs og kynbundins (karlaofbeldis). Svipaðan draum hefur marga dreymt áður. Hann rættist í Hálsaskógi, en hvergi annars staðar. En draumurinn er vitaskuld fagur - og því enn má reyna, þrátt fyrir aukið eftirlit, skriffinnsku og álögur á almenning.

Skólakerfið kemur óhjákvæmilega í brennidepil í þessu efni, enda er nú stofnaður hópur valinkunnra ellefu kvenna (og tveggja stráka), sem á að vísa okkur leið. Ferðalagið hefst þegar í leikskólum landsins. Lilja menntamálaráðherra gat með engu móti fundið fleiri stráka eða karla í vinnuhópinn. En ekki virðist hafa verið hörgull á snjöllum, sætum konum og kvenfrelsurum.

Hópurinn á að taka mið af neðangreindum þingsályktunum. Athygli vekur m.a. áherslan á „mee-too“ arfinn og kynferðislegt og kynbundið ofbeldi, þ.e. kynofbeldi karla, þátttöku Stígamóta og Kvennaathvarfs beint og óbeint í fyrirhuguðum aðgerðum. Fræðsluefni Stígamóta um sjúka ást og eitraða karlmennsku verður m.a. gert hátt undir höfði.

Hér eru nokkrar glefsur úr viðeigandi þingsályktunum:

Þingsályktun um aðgerðir gegn ofbeldi og afleiðingu þess (7. júní 2019): Um að vinna bug á ofbeldi: „… ekki síst kynbundið ofbeldi, einelti, haturstal og myndbirtingar á stafrænum miðlum sem hvetja til ofbeldis. Horft verði meðal annars til frásagna og umræðu sem birtist í samfélaginu undir myllumerkinu #églíka/#metoo.“

„Kynning og innleiðing [á fyrirmyndarstarfi í íþrótta- og æskulýðsstarfi] verði skipulögð í samráði við samstarfsaðila og viðeigandi fræðsla veitt ásamt eftirfylgni í samræmi við aðgerðir á vegum mennta- og menningarmálaráðuneytisins í kjölfar frásagna úr íþróttahreyfingunni í tengslum við #églíka/#metoo.“

Kennsla um kynheilbrigði og kynhegðun: „… fræðsla um kynferðislegt og kynbundið ofbeldi. Þetta stuðli að því að einstaklingar taki ábyrga afstöðu til kynlífs, kláms, kynbundins ofbeldis og kynferðislegra birtingarmynda eineltis og haturstals sem og eigin framkomu á netmiðlum og birtingar myndefnis. Kennsla verði endurskipulögð í ljósi þeirrar umræðu sem átt hefur sér stað í samfélaginu undir myllumerkinu #églíka/#metoo, þ.m.t. kennsla til nemenda, kennara og annarra sem vinna með börnum.“

Þingsályktun um forvarnir meðal barna og ungmenna gegn kynferðislegu og kynbundnu ofbeldi og áreitni (3. júní 2020):

„Kennsla grundvallist á gagnreyndri þekkingu sem hæfi aldri og þroska nemenda.“

„Skólaskrifstofur sveitarfélaga, með stuðningi frá forvarnafulltrúa Sambands íslenskra sveitarfélaga, miðli þekkingu og veiti leikskólum og grunnskólum, ásamt frístundaheimilum og félagsmiðstöðvum, stuðning til að tryggja að forvarnir gegn kynferðislegu og kynbundnu ofbeldi og áreitni verði samþættar skólastarfi, einkum í kennslu, og að starfsfólk hljóti fræðslu. Skólaskrifstofurnar tryggi að forvarnir gegn kynferðislegu og kynbundnu ofbeldi og áreitni verði markviss þáttur í skólastefnu sveitarfélaga og í forvarnastefnu hvers skóla um sig.“ „

Innan Menntamálastofnunar starfi ritstjóri/verkefnisstjóri í a.m.k. hálfu starfi sem hafi það hlutverk að byggja upp þekkingu á námsefnisgerð sem styðji forvarnir gegn kynferðislegu og kynbundnu ofbeldi og áreitni, þar á meðal gerð námsefnis í jafnréttis- og kynjafræðum. Verkefnisstjórinn skal fylgja eftir þeim verkefnum sem Menntamálastofnun eru falin samkvæmt aðgerðaáætlun þessari.“

„Tryggt verði að leikskólar hafi aðgang að vönduðu námsefni sem stuðli að forvörnum gegn kynferðislegu og kynbundnu ofbeldi og áreitni og henti leikskólabörnum á öllum aldri, sbr. grunnþætti menntunar samkvæmt aðalnámskrá leikskóla.“

„Í hverjum grunnskóla starfi teymi sem hafi það hlutverk að tryggja kennslu í öllum árgöngum um kynbundið og kynferðislegt ofbeldi og áreitni sem hæfir aldri og þroska nemenda.“

„Fræðslu um kynferðislegt og kynbundið ofbeldi og áreitni verði beint til unglinga í gegnum félagsmiðstöðvar. Stígamótum verði falið að halda áfram fræðslu til starfsfólks félagsmiðstöðva sem fram hefur farið í tengslum við átakið Sjúk ást.

„Staðið verði að kynningarátaki um gildi kynjafræðikennslu í framhaldsskólum og þar á meðal um gildi þess að gera kynjafræði að skyldufagi, sbr. 23. gr. laga um jafna stöðu og jafnan rétt kvenna og karla, nr. 10/2008. Samhliða verði námsefni um kynferðislegt og kynbundið ofbeldi og áreitni og um kynheilbrigði og kynhegðun kynnt fyrir framhaldsskólakennurum, …“

https://www.stjornarradid.is/efst-a-baugi/frettir/stok-frett/2020/12/15/Solborg-leidir-starfshop-um-eflingu-kynfraedslu-i-grunn-og-framhaldsskolum-/

"Það er lýjandi fyrir stráka að hlusta alltaf á að þeir séu vandamálið,“ segir Áslaug Arna

Svo mælti Áslaug Arna Sigurbjörnsdóttir, háskóla-, iðnaðar- og nýsköpunarráðherra, í viðtali við Morgunblaðið. Hún talar meira að segja „með [af] festu,“ segir blaðamaðurinn. Er komið nýtt hljóð í strokkinn ráðherrans? Ágrip:

„Stór hluti háskólanemenda í dag, til dæmis í Háskóla Íslands, eru konur og strákarnir skila sér ekki nægilega vel inn í háskólana, eins og í löndunum sem við berum okkur saman við.“

Orsakanna gæti verið að leita í kerfinu. Við „verðum að átta okkur á því að kerfið er að bregðast ákveðnum hópum.“

Í því sambandi er „brýnt að líta til drengja …. Staða drengja á landsbyggðinni er líka töluvert verri en þeirra á höfuðborgarsvæðinu …

Ég hugsa að rótin gagnvart strákunum liggi mjög snemma í skólakerfinu, … [Þ]egar litið er til strákanna sérstaklega er það námsárangur sem er stærsta ástæðan þar, þeir sjá ekki tilganginn með menntuninni og finna ekki áhuga sínum farveg.

Kerfið er vandamálið. Það er líka lýjandi fyrir stráka að hlusta alltaf á að þeir séu vandamálið. Ég myndi ætla að við gætum horfst í augu við að það er eitthvað að í kerfinu sem gerir það að verkum að strákarnir okkar ná ekki meiri árangri í lestri, ekki meiri námsárangri en raun ber vitni og skili sér ekki inn í háskólana. …

Það er ekki samfélaginu til góðs að við eigum Evrópumet í að ungir strákar séu ekki í námi. Okkur langar að sýna þeim nám í því ljósi að það greiði þeim leið inn í spennandi framtíð og efli getu þeirra, líðan og stöðu og þá er mjög mikilvægt að háskólarnir haldi vel utan um nýnema.“

Það er ekki barasta lýjandi fyrir stráka að heyra stöðugan óhróður um sjálfa sig, kyn sitt, afa, bræður, feður og frændur. Það er beinlínis mannskemmandi.

Það er karlskemmandi, að drengir séu nær eingöngu aldir upp af konum. Þær kunna ekki karlmennsku. Drengir eru kvengerðir og tileinka sér kvenlega hegðun og dygðir. Kvenfrelsararnir hafa sagt okkur að þær séu þroskavænlegar fyrir stráka. Sérstaklega fyrir „únga drengi,“ sem eru aðsópsmiklir.

Konurnar á leikskólanum og mæðurnar, sem stjórna uppeldi barna í raun, ná vel saman. Kvenfrelsunarandinn svífur yfir vötnum eins og í barnaverndinni. Börn eru kvennamál. Hinn góðkunni félagsráðgjafi, Guðrún Kristinsdóttir, hefur vakið athygli á svonefndri „barnaverndargildru.“ Í þessu hugtaki felst, að í umfjöllun starfsmanna verður móðirin miðdepill athyglinnar, en börnum og feðrum er vikið til hliðar. Drengir í skóla lenda í hliðstæðri gildru.

Kvenfrelsunarkennarar leggja almennt fæð á drengi. Segja þá eitraða eins feðurna. Ástralski kvenfrelsunarforinginn, Jane Caro, skrifaði fróðlega grein í „Sydney Morning Herald“ með fyrirsögninni: „Hvernig má koma drengjum til bjargar í skóla: hættið að liðsinna þeim utan hans“ (How to help boys do better at school. Stop giving them a leg up in the outside world).

Litlu skattakollarnir vita nefnilega fullvel, að þeir þurfi ekkert á sig að leggja. Vegur þeirra verði engu að síður beinn og breiður í heimi karlkúgara.

Aðrar kvenfrelsunarkonur taka svo til orða, að oss sé nýr nauðgari fæddur, þegar drengur er í heiminn borinn. Enn aðrir vilja gelda verulegt hlutfall þeirra til að stuðla að kvenvænni veröld. Skynsömustu kvenfrelsunarmæðurnar láta eyða drengfóstrum í móðurkviði. Það eru í senn kven- og mannréttindi, enda varla munur á.

Þegar uppeldiskonurnar, mæður og kennarar, verða úttaugaðar og vita ekki sitt rjúkandi ráð, er farið með ódæla drengi í greiningu. Í landinu er notaður listi um virkni drengja, sem íslenskir vísindamenn útbjuggu í samvinnu við mæður og leikskólakonur fyrir áratugum síðan. Þar segir, hvernig drengir eigi að hegða sér og hvenær þolmörkum kvenuppaldenda sé náð.

Sé hegðun þeirra mæld einu staðalfráviki undir hinu „eðlilegri hegðun,“ fá þeir greininguna „athyglisbrest og ofvirkni“ (ADHD). Vandvirkustu greinendurnir kalla þá líka í greindarpróf í nýju og framandi umhverfi.

Þar eru þeir greindir sjúkir. Geðlæknarnir segja þá vanta boðefni í miðtaugakerfið. Það er allsherjar skýring á allra handa geðvanda, sagði danski geðlæknirinn, Erik Strömgrein (1909-1993) á sínum tíma.

Efnið dularfulla hefur þó ekki fundist enn, þrátt fyrir þrautseigjuleit vísindamanna á vegum lyfjafyrirtækjanna. (Sum börn – fyrst og fremst drengir – geta þó átt við starfrænan miðtaugakerfisvanda að stríða, seinþroska miðtaugakerfi á tilteknum sviðum.)

Að sjúkdómsgreiningu fenginni eru drengirnir dópaðir inn í kvenlegt hegðunar- og hugsanamynstur. Umfram allt er þeim kennt að pissa sitjandi og tala um tilfinningar eins og konur gera. Það þykir ofur mikilvægt, prófsteinn á hinu nýju karlmennsku, sem kvenfrelsararnir hafa skilgreint; þ.e. fyðilhafi, sem talar um tilfinningar eins og konur. Þetta er meginuppeldismarkmið kvenfrelsunarmæðra og -kennara.

Þegar pjakkarnir hafa þörf fyrir ærsl og at, að kanna veröldina, taka áhættu, takast á um stöðuna innan hópsins og iðka hagnýta eðlifræði, eru þeir lokaðir inni með perlur og liti.

Ætli orð Áslaugar Örnu séu fyrirboði þess, að ADHD greiningum fækki, dregið verði úr lyfjavæðingu uppeldis, og karlmennska verði hafin til vegs og virðingar í skólakerfinu.

Ætli orð Áslaugar Örnu séu fyrirboði þess, að ríkisstjórnin beiti sér fyrir jafnrétti í leikskóla- og grunnskóla og ráði viti borið karlfólk til að ala drengi upp? Marga þeirra skortir föðurfyrirmyndir. Það sama á við um stúlkurnar, sem fara á mis við karlsálina – nema í spéspegli mæðra sinna og opinberrar umræðu. Það er ófögur mynd, sem þar er upp dregin.

Áslaug Arna kynni að vera á öðru máli en kvenfrelsunarstríðskonan breska, Rose Hackman. Hún hefur líka fjallað um utangarðspilta og -karla í grein í „Guardian.“ Fyrirsögnin er: „Ég bað ekki um að fæðast gagnkynhneigður, hvítur á hörund og karlkyns: eru karlmenn líðandi stundar kynpíslarvættir?“ (I didn‘t choose to be straight, white and male: are modern men the suffering sex?“

Höfundur átti viðtöl við nokkra karlmenn um reynslu þeirra af mismunun og andúð. Hún komst að þeirri niðurstöðu, að í raun ættu þeir ekki betra hlutskipti skilið. Þjáningar þeirra væru eðlilegar í ljós þess, að þeir hefðu þurft að láta sér lynda brotthvarf karlforréttinda í jafnréttissamfélagi.

Ætli fyrir Áslaug Örnu vaki að knýja fram vopnahlé í stríðinu gegn drengjum? Þá þyrfti hún að eiga orðastað við sjálfan karlastríðsráðherrann, Katrínu Jakobsdóttur. Þær gætu spjallað um Kynungabók Katrínar.

Áslaug gæti líka spjallað við Lilju Alfreðsdóttur. T.d. innt hana eftir skýringum á því, hvers vegna nefndin um stefnumótun um jafnréttisfræðslu í skólum var skipuð ellefu konum og tveim körlum.

Það væri ekki úr vegi, að Áslaug ráðherra skimaði ofurlítið um kerfið, sem hún segir réttilega, að sé andstætt drengjum. Þar eru „kvenfrelsunarhliðverðir“ hvarvetna, ekki síst á Menntavísindasviði Háskóla Íslands. Kvenfrelsarar- og kynleysufræðingar hafa skrifað umtalsverðan hluta námsefnis um kyn og leiðbeiningar um kynfræðslu. Enda eru samtök kennara að ganga af göflunum, dáleiddir af kvenfrelsunar- og kynleysudellunni.

Stríðinu gegn drengjum verður að linna í samfélaginu öllu. Skólinn er spegilmynd þess. Ætli það vaki í alvöru fyrir Áslaugu Örnu?

Það á eftir að koma í ljós. Alla vega er batnandi fólki best að lifa. Hljóðlátt og hikandi húrra fyrir Áslaugu Örnu, ráðherra.

https://www.smh.com.au/lifestyle/life-and-relationships/how-to-help-boys-do-better-at-school-stop-giving-them-a-legup-in-the-outside-world-20160811-gqqhyj.html?utm_source=substack&utm_medium=email https://www.theguardian.com/world/2016/sep/05/straight-while-men-suffering-sex-feminism?utm_source=substack&utm_medium=email https://formannslif.blog.is/blog/formannslif/entry/2258884/ https://www.mbl.is/frettir/innlent/2023/04/30/strakarnir_ekki_alltaf_vandamalid/

Sálfræðingar sem andæfa sálhrellistjórnvöldum

Það eru óneitanlega tíðindi til næsta bæjar, þegar félög sálfræðinga/sállæknenda brýna raustina opinberlega um ósvinnu stjórnmálanna. Sálfræðingar beina sjaldnast sjónum sínum út yfir svið einstaklinga og hópa. Þeim hefur heldur ekki verið tamt að taka afstöðu til þjóðþrifamálefna eða siðspillingar valdsins.

En nú gera breskir bragarbót. Christian Buckland, formaður Sállæknendaráðs (Council for Psychotherapy) þarlendra, hefur nú sent ríkisstjórn sinni opið bréf, er lýtur að aðförum hennar í covid-19 faraldrinum. Þar segir hann m.a.:

„Það er trúa mín, að mér beri atvinnumannsleg skylda til að skrifa þér í þeirri viðleitni að koma í veg fyrir frekara tjón af völdum siðlausrar beitingar rannsókna og aðferða sálfræðinnar.

Ég fordæmi heils hugar, hvernig ríkisstjórn Bretlands beitir siðlaust sálfræðilegri tækni til að vekja ótta í brjósti fólks, skömm og sekt, í gervi atferlisvísinda og innsæis, í því skyni að breyta hegðun almennings, án vitundar hans og vilja. … Við urðum einnig vitni að því, hvernig boðskapur ríkisstjórnarinnar stuðlaði að félagslegri vanþóknun og sekt.“

Christian gerir einnig að umtalsefni, hvernig blekkingin var samhæfð í málflutningi stjórnvalda og fjölmiðla og hvernig þaggað var niður í heilbrigðisstarfsmönnum, sem viðruðu hugmyndir, andstæðar boðskapi ríkisstjórnarinnar.

Ríkisstjórn Bretlands hefur sett á stofn sálhernaðardeildir til að berjast gegn þjóðinni. Þær ganga undir ýmsum nöfnum eins og „Hnippteymi“ (Nudge Unit eða Behavioural Insights Team) og Sálhernaðardeild (Psychological Warfare Unit).

Sálhernaðaráætlun eins og „Hugarfylgsnin: Hvernig hafa má áhrif á hegðun í opinberri stefnumótun“ (Mindspace: Influencing behaviour through public policy), er sérstaklega áhugaverð.

Stjórnvöld eða leyniþjónustur þeirra í Bretlandi og Bandaríkjunum hafa sýslað með hugstjórnun (mind control) í áratugi, sbr. MK-Ultra áætlun bandarísku leyniþjónustunnar.)

Í einni hernaðaráætluninni (Scientific Pandemic Insight Group on Behaviours) má t.d. lesa:

„Enn er það svo, að töluverður fjöldi fólks finnur ekki nægilega fyrir persónulegri ógn.“ Því eru þessi ráð gefin:

„Hinir sjálfumglöðu verða í auknum mæli að skynja ógnina með því að beina hnitmiðað að þeim tilfinningaþrungnum skilaboðum. [Einnig þarf að beita þá] nauðung og félagslegri vanþóknun.“

Bréfritari bendir á, að sumir kynnu ekki að bera sitt barr, eftir slíkar aðfarir. Þær gætu einnig leitt til sundrungar og aukið hættu á sjálfsvígum.

Christian bendir sálfræðingum líka á ábyrgð sína og góða siði. Hann segir um heilindi og ráðvendni:

Sálfræðingur starfar af heilindum, þegar heiðarleiki og sannindi ráða för, þegar hann er nákvæmur og samkvæmur sjálfum sér í því, er hann fæst við, í orðum, ákvörðunum, aðferðum og ályktunum.

Sálfræðingar skulu hafa að leiðarljósi gildi eins og réttsýni, heiðarleika, nákvæmni, skýrleika og sanngirni í samskiptum við hvern og einn og leggja sig fram um að koma á framfæri ráðvendni í hvívetna í starfi og vísindum.

Lokaorð Christian eru þessi: „Það veldur þungum áhyggjum, að almenningur skuli hafa verið sviptur tækifæri til að gefa upplýst samþykki. [Sama á við um] alvarlegar og hættulegar afleiðingar þess að beita innsæi og tækni atferlisvísinda á andvaralausan almúgann.“

Christian gerir orð David Solomon Halpern (f. 1966) að sínum:

„Að mínum dómi ber það vott um siðleysi breskra stjórnvalda að beita innsæi og sálfræðilegri tækni til að losa úr læðingi tilfinningar eins og ótta, skömm og sekt, síðan í mars 2020. Enn er ekki bitið úr nálinni með afleiðingar, en þær virðast m.a. vera skert tiltrú til stjórnvalda og stofnana þeirra, heilbrigðiskerfis (NHS) og vísindamanna.“ (Úr bókinni: Inside the Nudge Unit: How small changes can make a big difference. David er sálfræðingur, formaður Hnippteymis breskra stjórnvalda.)

Í þessu sambandi má geta kenninga pólska sálfræðingsins, Andrzej Lobaczewski/Andrew M. Lobaczewski (1921-2007). Hann hefur m.a. skrifað bókina, „Stjórnmálafræðileg illskufræði“ (Ponerologia Polityczna), sem útgefin var á frummálinu árið 1984 og þýdd á ensku ári síðar. Enski titillinn er: „Political Ponerology: A Science on The Nature of Evil adjusted for Political Purposes.“ Aukin útgáfa forlagsins, Red Pill, heitir: „Political Ponerology: The Science of Evil, Psychiatry and the Origins of Totalitarianism.“

Höfundur segir rannsóknir sínar og félaganna hafa snúist um „kjarnasálsýki“ (essential psychopathy). Samfélög, sem búa við forystu hinna sálblindu eða geðveiku kallar hann „brjálræði“ eða „sturlunarræði“ (pathocracy).

Andrzej heldur því fram m.a., að í sérhverju samfélagi stofni siðblindingjar og aðrir afbrigðungar (deviants) á þeirra valdi, félög til leynimakks og undirróðurs. Félög þessi eru bara að litlu leyti á vitorði almennings, enda þótt þau séu iðulega rekin fyrir skattfé þeirra.

Að þessu sögðu má bæta við, að gervigreind er beitt í auknum mæli í sálhernaði. Heimpekingurinn, James Giordano (f. 1953), lýsir þessari þróun eins og hverjum öðrum stríðsvettvangi og aðvarar gegn misnotkun tækninnar. Skyldi engan undra. Nató hefur þegar fundið smjörþefinn. Áætlun þess heitir: „Hugstríðsáætlunin“ (Cognitive Warfare Project). Þar segir m.a.:

„Hugstríð er því að skilja sem óhefðbundinn hernað, þar sem tölvutækni (cyber) er beitt til að skapa hugarfarsbreytingu og nýttir eru hleypidómar eða spegilvirk (sjálfhverf) hugsun (reflexive thinking) til að brengla hugarfar, hafa áhrif á ákvarðanatöku og koma í veg fyrir hegðun, sem hefði neikvæðar afleiðingar, hvort heldur sem einstaklingur eða múgur á í hlut.“

Höfundur umrædds bréfs segir, að nú sé mál að linni hugstríði eða sálhrellingum yfirvalda. Þetta tekur bandaríski blaðamaðurinn, Alex Berenson, undir. Hann segir:

„Öll misstum við vini. Flest okkar ættingja líka. Það var vitaskuld ekki covidveiran sem varð þeim að fjörtjóni. Þó eru þar sorglegar undantekningar á, fólk yfir miðjum áttræðisaldri eða óhóflega vel í holdum eða fársjúkt. Við misstum vini sökum aðgerða stjórnvalda og lokunaræðis, sem fjölmiðlar kyntu undir ….“

Glæpsamlegt athæfi stjórnvalda er nú víða til skoðunar, nema á Íslandi. Ríkisstjórn Florída hefur þegar hafið rannsókn á lyfjafyrirtækjunum og „covid-vísindunum.“ Texas hefur nú einnig bæst í hópinn. Samtímis stendur lögsókn víða yfir, nema á Íslandi.

https://frettin.is/2022/05/31/tolvuagnastyring-huga-og-heilsu-liftolvuagnfraedi-og-sjalfbaera-saelurikid/ https://igorchudov.substack.com/p/covid-reckoning-is-underway-texas?utm_source=substack&utm_medium=email https://www.theepochtimes.com/masks-had-no-effect-on-covid-cases-among-children-study_5228347.html?src_src=partner&src_cmp=ZeroHedge https://frettin.is/2023/04/21/sidblindir-samferdamenn-og-stjornmalaleg-illskufraedi-brjalraedi/ https://arnarsverrisson.blog.is/blog/arnarsverrisson/entry/2278984/ https://arnarsverrisson.blog.is/blog/arnarsverrisson/entry/2275849/ https://alexberenson.substack.com/p/on-friendship-with-self-righteous?utm_source=substack&utm_medium=email https://www.middleeasteye.net/news/twitter-executive-also-part-time-officer-uk-army-psychological-warfare-unit https://www.history.com/mkultra-operation-midnight-climax-cia-lsd-experiments https://ahrp.org/1953-1964-operation-midnight-climax-cias-lurid-ventures-into-sex-hookers-and-lsd/ https://www.cs.mcgill.ca/~rwest/wikispeedia/wpcd/wp/p/Project_MKULTRA.htm https://jermwarfare.com/tnt/vaccine-history https://expose-news.com/2022/11/06/warfare-manual-on-dealing-with-political-dissidents/ https://www.instituteforgovernment.org.uk/sites/default/files/publications/MINDSPACE.pdf https://expose-news.com/2022/11/25/modern-psychological-and-spiritual-warfare-1/ https://www.pandata.org/responsible-inflicting-nudges-on-british/ https://unherd.com/2022/01/how-the-government-abused-nudge-theory/ https://www.instituteforgovernment.org.uk/explainers/nudge-unit https://www.theguardian.com/politics/2018/nov/10/nudge-unit-pushed-way-private-sector-behavioural-insights-team https://www.telegraph.co.uk/news/2023/03/24/suicide-rates-mental-health-units-covid-lockdown/ https://www.gov.uk/government/publications/options-for-increasing-adherence-to-social-distancing-measures-22-march-2020 https://expose-news.com/2023/05/01/to-rishi-sunak-ceaseuse-of-all-behavioural/

Sorgir, spilling og eymd í Úkraínu

Þúsundir ungra karlmann falla í hinu viðbjóðslega stríði í Úkraínu um þessar mundir. Samtímis því, að um fjórðungur Bandaríkjamanna lifir undir fátæktar mörkum, fjármagna stjórnvöld þeirra dauða, eymd og eimyrju. Það gera íslensk stjórnvöld líka.

Stjórnvöld beggja þjóða – og fleiri - fjármagna einnig spillingu hinna ríku í Úkraínu. Þeir eru blóðsugur á þjóð sinni. Allt frá því, að Bandaríkjamenn og Nató fóru að undirbúa kollsteypu lýðræðislega kjörinnar ríkisstjórnar Úkraínu til að vernda lýðræðið og stuðla að frelsi, hefur spillingin þrifist, sbr. þátt Biden feðga.

Þegar hergagnasendingar hófust fyrir alvöru, keyrði um þverbak. Verulegur hluti vopnanna var seldur á svarta vopnamarkaðnum og umtalsverður hluti fjármunanna rataði inn á bankareikninga úkraínsku mafíunnar, sem, ásamt bandarískum og breskum stjórnvöldum, stjórna strengjabrúðunni, Volodymyr.

Tvöfeldnin og yfirdrepsskapurinn er yfirgengileg. Meðan úkraínskir unglingar eru strádrepnir í sláturhúsinu á austurvígstöðvunum eru verðmæti úkraínsku þjóðarinnar sett á brunaútsölu á Wall Street og í einkasamningum við bandarískt/alþjóðlegt auðvald.

Það er kaldhæðni örlaga úkraínsku þjóðarinnar, að leiðtogar hennar og mafía skuli leggja á ráðin um eignayfirtöku erlendra aðilja undir leiðsögn Alþjóðagjaldeyrissjóðsins (International Monetary Fund) m.a. sölu á olíu- og gasauðlindum þjóðarinnar, meðan stjórnvöld kaupa rússneska dísilolíu til að knýja stríðstólin sín fyrir bandarískan og íslenskan skattaur.

Í Úkraínu gefst auðhringunum kostur á að beita aðferðum, sem eru litnar hornauga eða jafnvel bannaðar á Vesturlöndum. Úkraína er nefnilega eitt af spilltustu ríkjum veraldar og hefur lengi verið, enda þótt íslensku ráðherrasysturnar telji úkraínsk stjórnvöld dygðaljós lýðræðis og frelsis, faðma þau jafnvel og kyssa fyrir bragðið.

Olíuiðnaðurinn fer sömu leið og lyfjaiðnaðurinn. Notfærir sér spillt stjórnvöld til að beita saklausa þegna þeirra órétti og ofbeldi undir yfirskini lækninga og velgjörða.

Það er í þessu sambandi skemmst að minnast framferðis bandarískra stjórnvalda og olíuauðhringa í Írak, þar sem Bretar og Bandaríkjamenn drápu um eina milljón manna. Bandarískum stjórnvöldum (og breskum) flökrar heldur ekki við að stela gjaldeyrivaraforða þjóða, sbr. Rússland, Afganistan og Venesúlela. Þau eru líka ófeimin við að stela olíulindum, sbr. Sýrland. Úkraína er næst í röðinni, þó „löglegur“ sé stuldurinn.

Bandarísk, úkraínsk og íslensk stjórnvöld eiga það raunar sameiginlegt að vera í stríði gegn eigin þjóð, bæði efnahagslega og menningarlega. Úkraínsk stjórnvöld þó sýnu grimmilegust; senda ungsveinana í dauðann fyrir alþjóðaauðvaldið, ráðast gegn trú- og málfrelsi, og svipta vinnandi fólk réttindum sínum. Morð og annað ofbeldi gegn minnihlutahópum hefur verið landlægt í áratugi.

Alþjóðlegir fjölmiðlar og stjórnvöld Nató slá stöðugt glýju í augu fólks. Úkraínskir sálarhermenn búa að dyggri aðstoð áróðursmeistara Breta og Bandaríkjamanna. Þeir hafa náttúrulega tileinkað sér sama áróðursbragð og íslenska Landlæknisembættið, að kalla skoðanir annarra á bólusetningatrúboði embættisins, „upplýsingaóreiðu.“ Illia Vitiluk, yfirmaður sálhernaðar Úkraínumanna, notar hugtakið „falsfréttir“ um skoðanir, sem ekki falla úkraínskum stjórnvöldum í geð. (Það hefur hann vísast lært á námskeiði hjá bandarísku leyniþjónustunni.)

Áróðurs- eða sálhernaðardeildirnar vilja fá oss til trúa því, að Rússar séu einir ábyrgir fyrir harmleiknum í Úkraínu, rétt eins og Þjóðverjar fyrir öðru heimsstríði. Þetta er síbylja eins og sú augljósa firra, að Bandaríkjamenn/Nató séu að vinna stríðið með fórn úkraínsku þjóðarinnar. Enn boða þeir kokhraustir endurheimt Krímskaga og annarra rússneskra byggða, sem nú eru hluti Rússlands eins og fyrrum.

Þrátt fyrir áróður úr glymskrattanum er raunveruleikinn annar eins og t.d. pólski hershöfðinginn Rajmund Andrzejczak hefur ámálgað. Það hefur víðar heyrst, m.a. í herbúðum bandarískra stjórnvalda. Samtímis vex andstaðan gegn stríðinu víða um lönd – nema á Íslandi.

Viðlagið við þessa vitfirringu er enn; Úkraína í Nató, sungið holróma af dúettinum Volodymyr Zelensky og Jens Stoltenberg.

https://www.theguardian.com/world/2023/mar/16/ukraine-poland-fighter-jets-mig-29 https://www.npr.org/2003/12/22/1559574/examining-halliburtons-sweetheart-deal-in-iraq https://strategic-culture.org/news/2022/02/04/how-american-duplicity-on-nato-expansion-ultimately-led-today-crisis/ https://strategic-culture.org/news/2023/04/28/nato-boss-ukraine-membership-stupid-comment-explained/ https://declassifieduk.org/u-s-intel-leak-reveals-50-elite-british-troops-in-ukraine/ https://www.leefang.com/p/how-the-fbi-helps-ukrainian-intelligence?sd=pf https://steigan.no/2023/04/ukrainakrigen-forandrer-det-politiske-landskapet-i-tyskland/?utm_source=substack&utm_medium=email https://korybko.substack.com/p/polands-top-military-official-confirmed https://korybko.substack.com/p/polands-top-military-official-shared?utm_source=substack&utm_medium=email https://edition.cnn.com/2023/01/18/politics/biden-ukraine-new-tipping-point/index.html https://steigan.no/2023/04/seymour-hersh-utrolig-sorgelig-det-som-har-skjedd-med-usas-nyhetsmedier/?utm_source=substack&utm_medium=email https://sonar21.com/ukraines-promised-counter-offensive-destined-for-abject-failure/ https://www.businessinsider.com/halliburton-company-got-395billion-iraq-2013-3?r=US&IR=T https://ir.halliburton.com/news-releases/news-release-details/dick-cheney-resumes-role-chairman-halliburton-company https://www.ft.com/content/c1f06f80-7165-4f07-9fbb-04e225d7d7d9 https://geopoliticaleconomy.com/2022/06/26/cia-special-ops-ukraine-proxy-war-russia/ https://www.irishtimes.com/business/commercial-property/losses-at-world-s-biggest-fracking-provider-halliburton-1.2510030 https://www.theguardian.com/environment/2022/oct/26/rishi-sunak-ban-on-fracking-uk-no-10 https://www.naftogaz.com/en/news/naftogaz-ta-halliburton-posylyuyut-strategichnu-spivpratsyu https://mronline.org/2022/08/01/west-prepares-to-plunder-post-war-ukraine-with-neoliberal-shock-therapy/ https://geopoliticaleconomy.com/2022/07/28/west-neoliberal-recovery-conference/ https://www.sec.gov/news/press-release/2017-133 https://geopoliticaleconomy.com/2022/09/09/zelensky-selling-ukraine-wall-street/ https://www.ips-journal.eu/topics/democracy-and-society/a-full-scale-attack-on-ukraines-labour-rights-6501/ https://expose-news.com/2023/04/29/the-ukraine-biden-russia-invasion-connection/ https://steigan.no/2022/08/ukraina-bruker-krigen-som-unnskyldning-for-a-angripe-arbeidernes-rettigheter/ https://www.businesswire.com/news/home/20220905005440/en/President-H.E.-Volodymyr-Zelenskyy-rings-bell-at-NYSE-to-signify-Ukraine-is-open-for-business https://geopoliticaleconomy.com/2023/04/28/us-corporations-ukraine-oil-gas/https://geopoliticaleconomy.com/2023/04/28/us-corporations-ukraine-oil-gas/ https://geopoliticaleconomy.com/2023/01/25/ukraines-zelensky-thanks-us-corporations-big-business/

Kalda stríðið fyrra, leyniþjónustan og bankaveldið

Nasistarnir í iðnaðar- og bankageiranum, í samvinnu við bandaríska auðjöfra, voru potturinn og pannan í ofurseðlabankanum í Sviss (Bank for International Settlements - BIS), sem stofnaður var m.a. að undirlagi bandaríska seðlabankans (Federal Reserve), samkvæmt Young áætluninni (bandarísk áætlun um endurreisn Þýskalands, eftir fyrstu heimstyrjöldina).

Þar var hluti Gyðingagullsins síðar geymdur, þ.e. ránsfengur Þjóðverja á millistríðsárunum og í annarri heimstyrjöldinni. En upphaflega var til þessa banka stofnað til að annast milligöngu um stríðsskaðabótagreiðslur Þjóðverja, eftir „friðarsamningana“ í París og Versölum, að loknu fyrsta heimsstríði. Þjóðverjar voru þvingaðir til að samþykkja skaðabætur, m.a. vegna hungursneyðar af völdum hafnbanns breskra yfirvalda.

BIS heldur enn velli og er nú orðinn eins konar seðlabanki seðlabankanna. Þar hittast bankastjórnar þeirra til leynilegs skrafs og ráðagerða.

Einn umræddra nasista var „gullintannarbankamaðurinn,“ hagfræðingurinn og ráðgjafi kanslara Þýskalands, Adolf Hitler (1889-1945), Walther Funk (1890-1960), síðar efnahagsráðherra Þýskalands og bankastjóri seðlabanka þess. Hann er sagður hafa geymt gull úr tönnum fanga í fangabúðum nasista. Walther sá fyrir sér sameinaða Evrópu undir stjórn Leiðtogans og samdi tillögur að frjálsri verslun og sameiginlegri mynt.

Gulli og öðrum verðmætum var víða stolið í annarri heimstyrjöldinni, stundum kallað Gyðingafullið. Bandaríkjamenn komust yfir verulegan hluta þess með hjálp leyniþjónustu nasista, sem þeir áttu góða samvinnu við og notuðu að nokkru leyti sem fyrirmynd að eigin leyniþjónustu (Central Intelligence Agency CIA). Þýfið skilaði sér aftur sem Marhall aðstoð til Þýskalands, Íslands og annarra Evrópuríkja í kalda stríðinu.

Auðjöfrum Bandaríkjanna óx svo ásmegin í fyrsta heimsstríði, að þeir sóttu fram bæði á alþjóðavettvangi og á heimavelli. Á kreppuárunum á fjórða áratugi síðustu aldar, en fjármálakreppuna sköpuðu þeir sjálfir, lögðu þeir á ráðin um stjórnarbyltingu í Bandaríkjunum sjálfum, vildu nýta eigin kreppu út í ystu æsar.

Gróðafíkn og tvískinnungur auðjöfranna og sjóða þeirra var óbreyttur í öðru heimsstríði. Það á einnig við um stríðin í Kóreu og Víetnam – og reyndar í flest stríð og vopnaskak síðan. Það má færa gild rök að því, að sömu fjármagnstæknilegu bolabrögð gildi sömuleiðis í veirustríðunum, sem háð eru um þessar mundir.

Þegar Joseph Vissarionovich Stalin (1878-1953), Winston Leonard Spencer Churchill (1874-1965) og Franklin Delano Roosevelt (1882-1945), höfðu samið um skiptingu heimsins, að öðru heimsstríði loknu, sótti hið nýja heimsveldi , Bandaríki Norður-Ameríku, stöðugt í sig veðrið í öllum heimsálfum.

Bandaríkjamenn tóku nú að ástunda leynihernað í áður óþekktum mæli. Leyniþjónusta hersins umbreyttist árið 1947 – varð CIA - og hefur síðan unnið margt myrkraverkið víða um heim. Hún lætur hvergi deigan síga og vinnur oft og tíðum með frjálsum félagasamtökum (non-governmetal organization), auðjöfrum og sjóðum þeirra, að undirróðri, uppreisnum, uppþotum og öðrum myrkraverkum. Þar ber nafn auðkýfingsins, George Soros, iðulega á góma.

Upplýsingahernaður leyniþjónustunnar jókst einnig stig af stigi, því með einhverjum hætti þurfti að réttlæta ódæðisverkin fyrir bandarískum skattgreiðendum og alþjóðasamfélaginu.

Bandaríski stjórnmálafræðingurinn, Samuel Phillips Huntington (1927-2008), afhjúpaði þá staðreynd, að frásögnin um „kalda stríðið“ hefði verið samin í áróðursskyni til að réttlæta bandarísku heimsvaldastefnuna og reyndar einnig til að skapa skelfingu á Vesturlöndum. Samuel sagði:

„Það verður að haga sölunni [þ.e. réttlætingu á íhlutun í málefni annarra ríka] með þeim hætti, að fólk ruglist í ríminu og haldi, að barist sé við Ráðstjórnarríkin (Sovét-). Það er einmitt það, sem Bandaríkin hafa stundað, síðan Truman stefnan (Truman Doctrine) sá dagsins ljós.“ („Truman Doctrine“ er sú stefna bandarískra stjórnvalda, kennd við Harry S. Truman (1884-1972), Bandaríkjaforseta, að veita aðstoð hverju því lýðræðisríki, sem þau teldu að stafaði ógn af byltingaröflum.)

T.d. var bandaríska þinginu kynnt hernaðar- og fjármagnsaðstoð til Grikklands og Tyrklands árið 1947 til að kæfa uppþot almennings, sem Harry sagði að undirlagi Ráðstjórnarríkjanna. Ætlunarverkið var að efla frið, frelsi og lýðræði, eins og Joseph Biden gerir nú í Úkraínu, með dyggum stuðningi Íslands og annarra Evrópuríkja.

Á kaldastríðsárum virtist eins og upphæfist meðal Bandaríkjaforseta samkeppni um fjölda myrkraverka. Til dæmis lagði Dwight David Eisenhower (1890-1969) blessun sína yfir 104 leyniaðgerðir í fjórum álfum á átta árum. En John F. Kennedy sló honum þó við með 163 aðgerðir í forsetatíð sinni.

Samfara upplýsingahernaði voru njósnir elfdar til muna. Sameiginleg yfirlýsing um þróun og framtíð í Evrópu (Atlantic Charter), sem Franklin Roosevelt og Winston Churchill komu sér saman um árið 1941, var jarðvegur þeirra. Ári síðar hlaut yfirlýsingin stuðning 26 þjóða, þar á meðal Ráðstjórnarríkjanna.

Umrædd yfirlýsing lagði grundvöll að samstarfi margra ríkja í Evrópu og Eyjaálfu. Þar varð til vísir að Sameinuðu þjóðunum, sem stofnaðar voru 1945.

Fleiri ríki tóku einnig þátt í samstarfinu um njósnir; Ástralía, Kanada og Nýja-Sjáland. Það er stundum kallað „Fimmaugna“ (Five Eyes) njósnasamstarfið. Með stofnun CIA og FBI (Federal Bureau of Investigation) má segja, að bandaríska „öryggisríkið“ (seccurity state) hafi verið komið á koppinn.

Á Íslandi var „kaldastríðsógnin“ kölluð „Rússagrýlan.“ Hún hefur verið endurvakin, eftir að stríðið í Úkraínu braust út. Um þessar mundir er blásin upp ógnin af njósnum Rússa á Norðurlöndum í sameiginlegu átaki ríkissjónvarpsstöðvanna í fjórum þeirra. Það er reyndar alkunna, að njósnir eða söfnun upplýsinga sé stunduð af flestum ríkjum veraldar.

Það stafar svo gríðarlegri ógn af Rússagrýlunni góðkunnu, að jafnvel fluggáfað og menntað fólk hrekkur í kút og missir „sans og samling.“ Enda er ætlunum að firra borgarana dómgreind og gagnrýninni hugsun, rétt eins og tekist hefur með veirugrýlunni. Við lifum á afturgöngu- og tröllatímum.

Það var með skírskotun til Rússagrýlunnar, að Bandaríkin gengust fyrir stofnun Norður Atlantshafsbandalagsins (Nato – North Atlantic Treaty Organization) árið 1949. Íslendingar hoppuðu á vagninn, þrælslundin leyndi sér ekki, enda hafði þjóðin búið við nýlendukúgun um aldir og hersetu Breta og Bandaríkjamanna í áratug eða svo.

Það fór með íslenska þjóð eins og fangann, sem var látinn laus úr langri fangavist. Hann vildi heldur helsi en frelsi og grátbað um framhaldsfangavist. Á Íslandi er Nató kallað varnarbandalag, svo sauðsvartur almúginn velkist ekki í vafa um tilgang þess.

En samkvæmt fyrsta aðalframkvæmdastjóra Nató og herforingja Breta, Hastings Lionel Ismay (1887-1965), var tilgangur Bandalagsins að halda Ráðstjórnarríkjunum utan garðs, Þjóðverjum í skefjum og hinum í sama báti.

Stofnun Sameinuðu þjóðanna átti sér stað í kalda stríðinu. Samtökin voru stofnuð í Bandaríkjunum árið 1945 eins og fyrr sagði.. Forseti Austurríkis, Kurt Josef Waldheim (1918-2007), fyrrum her- og leyniþjónustumaður úr þýska hernum, var gerður að fjórða aðalritara þeirra á tímabilinu 1972-1981, þ.e. áður en hann gegndi forsetaembættinu.

Það má, með skírskotun til reynslunnar af Þjóðabandalaginu (World League of Nations), velta því fyrir sér, hvort hinn raunverulegi tilgangur með stofnun hins nýja bandalags hafi í raun verið sá sami og með stofnun Þjóðabandalagsins, að tryggja stórveldunum – einkum þeim vestrænu – tögl og haldir í veröldinni.

https://thecritic.co.uk/issues/june-2020/nazi-blueprint-for-postwar-integration/ https://contemporarythinkers.org/samuel-huntington/biography/ https://www.bbc.com/news/world-56970640 https://www.youtube.com/watch?v=PLAx_LpJslU https://www.encyclopedia.com/reference/encyclopedias-almanacs-transcripts-and-maps/ismay-hastings-lionel-ismay-1st-baron http://www.inquiriesjournal.com/articles/899/the-british-blockade-during-world-war-i-the-weapon-of-deprivation https://www.history.com/topics/world-war-i/world-war-i-historyhttps://www.history.com/topics/world-war-i/world-war-i-history https://www.britannica.com/biography/Kurt-Waldheim https://worldpopulationreview.com/country-rankings/five-eyes-countries https://www.britannica.com/event/Truman-Doctrine https://www.britannica.com/biography/Samuel-P-Huntington https://spartacus-educational.com/GERfunk.htm https://www.bis.org/ https://www.historylearningsite.co.uk/nazi-germany/nazi-leaders/walther-funk/ https://history.state.gov/milestones/1914-1920/paris-peace https://history.state.gov/milestones/1921-1936/dawes#:~:text=Under%20the%20Dawes%20Plan%2C%20Germany's,currency%2C%20the%20Reichsmark%2C%20adopted. https://alphahistory.com/coldwar/truman-doctrine/ https://www.history.com/news/world-war-i-russian-revolution https://responsiblestatecraft.org/2023/02/21/we-made-putin-our-hitler-zelensky-our-churchill-and-the-media-fell-in-line/ https://kitklarenberg.substack.com/p/anatomy-of-a-coup-how-cia-front-laid?utm_source=profile&utm_medium=reader2 https://www.history.com/topics/world-war-ii/atlantic-charter

Kosningaklækir Robert Kennedy? Feigðarflan?

Robert Francis Kennedy yngri (f. 1954) er sumum að góðu kunnur fyrir baráttuna gegn varhugaverðum bólusetningum barna og heill þeirra yfirleitt. Hann er stofnandi samtakanna “Verðir barnaheilsunnar” (Children’s Health Defense). Hann var formaður þeirra um árabil.

Robert hefur skrifað bækur um efnið. Í einni þeirra, “Hinn raunverulegi Anthony Fauci” (The Real Anthony Fauci), afhjúpaði Robert líf og leyndarmál hins volduga einvalds Bandaríkjanna í lyfja- og bólusetningamálum – löðrandi í spillingu, bæði með tilliti til stjórnsýslu og vísinda.

Einhvern tímann sagði þessi einvaldur á þá leið, að árásir á hann jöfnuðust á við árásir á vísindin sjálf. Honum flökraði heldur ekki við því að panta vísindalegar niðurstöður til að reyna að fela spillingarsöguna.

Áhrif Anthony náðu að nokkru leyti til veraldarinnar allrar, þar eð hann og vinirnir, m.a. Bill Gates, tóku virkan þátt í starfi Alþjóðaheilbrigðismálastofnunarinnar og lögðu- í samstarfi við Alheimsefnahagsráðið – á ráðin um veirusefasýkisfaraldurinn, sem ekki er bitið úr nálinni með.

Meinviðbrögð við bólusetningunum eru margs konar eins og flestum ætti að vera kunnugt. T.d. er bent á þroskaskerðingu barna. Ein rannsóknanna bendir til, að þau yngstu hafi glutrað niður 22 greindarstigum.

Robert er hugleikin sú staðreynd, að aldrei hafi börn í Bandaríkjunum verið heilsutæpari, samtímis því að bólusetningum fjölgar stöðugt. Bólusetning við covid-19 er sú nýjasta á þeim meiði. Nú benda staðtölur til, að eitt af hverju þrjátíu og sex börnum greinist með einhverfu á einhverju stigi. Aukin heldur bendir nú rannsókn til, að bólsett börn séu heilsutæpari en þau óbólusettu. Hentugleikasjúkdómsgreiningar eins og „athyglibrestur- og ofvirkni“ (ADHD) eru þekktar.

Til viðbótar má geta þrálátra sjúkdóma á borð við offitu, ofnæmi og ýmissa kvilla í miðtaugakerfi. Robert vill beita sér fyrir rannsóknum á orsökum þessa. Hann hefur nefnt ónauðsynlegar bólusetningar í því sambandi.

Róbert hefur ekki einasta barist djarflega gegn sjálfu fúskinu og spillingunni í sambandi við kófið. Hann hefur einnig kröftuglega andmælt samvinnu yfirvalda og lyfjaauðhringanna, sem m.a. lýsir sér í fjárhagslegum hagsmunatengslum og margvíslegri spillingu í sambandi við leyfisveitingar. Þessa samvinnu kallar Róbert „þjófræði“ (kleptocracy).

Robert segir m.a. á þessa leið: Ef fyrir okkur vakir að heiðra skyldur okkar sem kynslóð, menning [og] þjóð, verðum við að taka til óspilltra málanna við að skapa börnunum umgjörð, sem gerir þeim kleift að öðlast virðingu, góða heilsu, [og] að þroskast og blómstra eins og okkur var gefinn kostur á.

Robert hefur aukin heldur margsinnis bent á og mótmælt þeirri svívirðilegu sviptingu lýðréttinda, sem Bandaríkjamenn hafa mátt þola af hendi stjórnvalda, þ.á.m. skerðingu ferða- og málfrelsis. Ástandið er svipað á Íslandi.

Robert er sömuleiðis ómyrkur í máli um stríð Bandaríkjamanna í Úkraínu og harmar skelfilegt mannfall meðal hermanna og óbreyttra borgara. Þetta stríð fjármagna bandarískir skattgreiðendur, þ.e. þeir, sem ekki svelta. En um fjórðungur þjóðarinnar lifir undir fátæktarmörkum.

Á meðan þessu vindur fram eru seðlaprentararnir rauðglóandi og skuldir hrannast upp eins og stundum áður, þegar bandarísku samfélagi var steypt í glötun af eigendum Seðlabankans og vinum þeirra.

Helsti boðskapurinn í framboðsræðu Robert er þessi, samkvæmt bandaríska sagnfræðingum og blaðamanninum, Mike King:

Stjórnvöld ljúga; fjölmiðlar ljúga; öllum er það ljóst, að stjórnvöld og fjölmiðar ljúga; samtök stjórnvalda og fjölmiðla ráðast gegn öðrum fjölmiðlum, vegna ógnarinnar, sem af þeim stafar; stjórnvöld og mörg stórfyrirtæki leggja stund á samsæri; bræðurnir, John Fitzgerald (1917-1963) og Robert Francis Kennedy (1925-1968), voru andvígir stríðinu í Vietnam; New York Times andæfði framboði Robert 1968; stjórnmálamenn skipta fólki í stéttir og kynþætti; lokanir í kófinu voru bæði ónauðsynlegar og lífshættulegar; aukning atvinnuleysis, sem nemur einum af hundraði, veldur afkomuótta og 30.000 aukadauðsfalla; þyngdaraukning og sjálfsvíg í tengslum við innilokun juku enn á fjölda látinna; fulltrúar djúpríkisins lugu að John forseta um innrásina í Svínaflóa á Kúbu og hrundu næstum af stað þriðju heimstyrjöldinni; það vakt fyrir honum „að mylja leyniþjónustuna (CIA) í þúsund mola;“ Bandaríkin ættu ekki að stuðla að því „að steypa rússneskum yfirvöldum“ af stóli heldur beita sér fyrir friði í Úkraínu; spurt er, hvort Úkraínumönnum sé ekki beitt í staðgengilsstríði Bandaríkjamanna; stríð, björgun bankanna og lokanir atvinnustarfsemi, voru fjármagnaðar með prentun peninga, en hún er völd að verðbólgu um þessar mundir; í verðbólgunni felast skattar stjórnvalda á þá, sem minnst mega sín, og millistéttirnar; Bandaríkjamenn drápu eina milljón Íraka; Bandaríkjamenn ullu uppnámi í Sýrlandi og stökktu fólki á flótta til Evrópu; Lýðræðisflokkurinn (Democrats) er orðinn flokkur „ný-íhaldssamra“ (neocons) stríðsæsingamanna með harmkvælafroðuheila (woke bobble-heads), sem fráleitt eru lýðræðissinnar í anda John F.

En nú er svo komið, að Robert tekur hugumstærsta skrefið í lífi sínu, fetar í fótspor föðurins og föðurbróðurins, John, og býður sig fram til forseta fyrir Lýðræðisflokkinn.

Faðir og föðurbróðir voru báðir ráðnir af dögum. Það eru yfirgnæfandi líkur á, að bandaríska leyniþjónustan, CIA, og sú ísraelska, Mossad, hafi ráðið John af dögum, og hafi væntanlega tekið þátt í morði Robert eldri einnig.

Fyrsti harmleikurinn reið yfir Kennedy fjölskylduna, þegar elsti bróðirinn, Joseph Patrick (1915-1944) var drepinn í annarri heimstyrjöldinni, sem Frank Delano Roosevelt (1882-1945) atti Bandaríkjamönnum út í.

Fjórði harmleikurinn var sviplegt andlát John F. Kennedy yngri (1960-1999). Hann fórst í flugslysi, að sögn. Það er reyndar þekkt aftökuaðferð myrkraaflanna, rétt eins og „sjálfsmorðin.“ John yngri og fyrrverandi forseta, Donald Trump (f. 1946), hafði verið vel til vina. Það hafa verið færð rök að því, að mafían í kringum Clinton-hjónin séu ábyrg fyrir „slysinu.“ Það hafa þó aldrei verið færðar á það sönnur, eftir því sem ég best veit.

Samkvæmt Robert eru einnig vísbendingar um, að leyniþjónustan (CIA) hafi verið viðriðin skipulagningu og undirbúning á þeim gervifaraldri, sem kófið var og er, í því skyni að undirbúa gerræðisstjórn yfir veröldinni.

Mike King spyr sig eins og vafalaust margir aðrir, hvað fyrir Robert vaki. Þó er varla ástæða til að draga baráttumál hans í efa. En Mike viðrar þá hugmynd, að hér sé um að ræða samvinnu Donald og Robert, þ.e. að brúka sömu brellu og „eigendur“ Theodore Roosevelt (1858-1919), þegar hann var látinn stofna til mótframboðs gegn fyrrum vini og samstarfsmanni, (William) Howard Taft (1857-1930), í þeirri viðleitni að koma (Thomas) Woodrow Wilson (1856-1924) að kjötkötlunum. Það tókst.

Takist Robert að kljúfa Lýðræðisflokkinn í næstu kosningum, aukast líkur á sigri Donald Trump. Það má vænta þess, að heppnist slík hernaðaráætlun, hafi það í för með sér, að hinn stríðsbrjálaði öldungur, Joseph Robinette Biden (f. 1942), lúti í lægra haldi.

http://www.informationclearinghouse.info/57506.htm https://childrenshealthdefense.org/defender/bp-who-gates-foundation-seek-reverse-falling-childhood-vaccination-rates/?utm_source=luminate&utm_medium=email&utm_campaign=defender&utm_id=20230425 http://www.informationclearinghouse.info/57500.htm http://www.informationclearinghouse.info/57499.htm https://www.medrxiv.org/content/10.1101/2021.08.10.21261846v1.full.pdf https://childrenshealthdefense.org/defender/rfk-jr-presidential-campaign-chronic-disease-children/?utm_source=luminate&utm_medium=email&utm_campaign=defender-wk&utm_id=20230423 https://rumble.com/v2jow02-rfk-jr.-and-others-expose-the-cias-involvement-in-the-covid-plandemic.html http://www.informationclearinghouse.info/57493.htm https://www.realhistorychan.com/anyt-04-21-2023.html https://www.youtube.com/watch?v=68MhtliIAvk

Útþenslustefna Bandaríkjanna fram að fyrstu heimstyrjöld

Alþjóðleg stórsókn evrópsk-bandaríska auðvaldsins hélst í hendur við þróun stjórnmála í Bandaríkjunum innan lands sem utan. Það náði sérstöku tangarhaldi á iðnaði Norðurríkjanna og færðist mjög í aukanna á nítjándu öldinni.

Áherslur í utanríkismálum endurspegluðust í stefnu James Monroe (1758-1831), Bandaríkjaforseta, frá 1823, sem skilgreinir í raun álfuna, Ameríku, sem áhrifa- og yfirráðasvæði Bandaríkja Norður-Ameríku. Þar segir nefnilega, að litið yrði á ásókn Evrópuríkja á vesturhveli jarðar sem fjandskap gegn Bandaríkjunum. Þessi stefna markaði átök við evrópsku nýlenduveldin í Ameríku, Rússland, Frakkland, Spán og Bretland sjálft.

Hugur auðdrottna og stjórnvalda, stóð til landvinninga. Thomas Jefferson (1743-1826), keypti t.d. Louisiana af Frökkum (1803), og sagði Spánverjum stríð á hendur. Flórída var innlimað 1845.

En græðgi eftir landi og auðlindum var óseðjandi. Bandaríkin og auðkýfingar þeirra höfðu augastað á spænsku nýlendunum, Kúbu og Mexíkó. James Knox Polk (1795-1849), Bandaríkjaforseti, taldi það guðleg forlög Bandaríkjamanna að þenja út ríkið og boða lýðræði og auðvaldsskipulag (capitalism) um Ameríku gervalla. Stefnan var kölluð, „Yfirlýst örlög“ (Manifest Destiny), mótuð árið 1845.

James Polk innlimaði Texas (sjálfstætt ríki 1836) og bar víurnar í Oregon, Kaliforníu , Utah, Nevada, Arizona og Nýju-Mexíkó. Mexíkó þráaðist við að selja. Bandaríkjamenn plægðu þá stríðsakurinn með vopnaskaki á landamærunum. Það var sem sé tálbeitan. Svo sagði Hiram Ulysses S. Grant (1822-1885), herforingi og síðar forseti.

Bandaríkin sögðu í kjölfarið grönnum sínum stríð á hendur, árið 1846. Stríðið stóð til 1848, þegar friðarsamningur (treaty) var gerður í Guadalupe Hidalgo.

Útþenslustefna Bandaríkjanna kemur greinilega fram í orðum utanríkisráðherra þeirra, William Henry Seward (1801-1872), árið 1848, þegar fyrsta kvenfrelsunarþing veraldar var haldið í Seneca Falls:

„Það eru forlög þjóðar okkar að streyma sem óstöðvandi flóðbylgja væri í átt að ísflákum (ice barriers) norðursins og eiga stefnumót við menningu Austurlandabúa á ströndum Kyrrahafsins.“ Enda fór það svo, að Andrew Jackson (1808-1875), Bandaríkjaforseti, keypti Alaska af Rússum (1867).

Þegar þjóðir indíána höfðu verið gersigraðar af sameinuðum ríkjum Norður-Ameríku (að Kanada undanskildu) og fluttar úr heimahögum sínum, samkvæmt löggjöf Andrew Jackson (Indian Removal Act), voru lögð á ráðin um alþjóðlega útþenslustefnu, þ.e. heimsvaldastefnu Bandaríkjanna.

Nýlenda Spánar, Kúba, var næsta viðfangsefni og fórnarlamb, árið 1898. Árinu áður hafði væntanlegur forseti Bandaríkjanna, Theodore Roosevelt (1858-1919), hlotið vegtyllu á frambrautinni. Hann var skipaður aðstoðarflotamálaráðherra (assistant secretary of the U.S. Navy). Hann sagði:

„Ég myndi skoða stríð við Spán úr tveim sjónarhornum; annars vegar, hversu ráðlegt stríð væri með tilliti til mannkyns og fýsileika inngrips með hliðsjón af eiginhagsmunum Kúbverja, að taka enn þá eitt skref í átt til fullkominnar frelsunar Ameríku frá drottnun Evrópubúa; hins vegar þeirri velgjörð að gefa þjóð vorri eitthvað það að hugsa um, sem ekki felur í sér efnalegan vinning – og sérstaklega gagnsemi þess fyrir herafla vorn, að gefa bæði sjó- og landher tækifæri til að æfa sig í raun.“

Stríðstálbeitan var árás á herskipið, „Maine,“ sem Theodore eða Teddy lét fyrirvaralaust sigla inn í höfnina í Havana. Fleiri hundruð sjóliða létu lífið í sprengingu, sem Spánverjar höfðu ekkert með að gera.

Þrátt fyrir, að Spánverjar bæru af sér sök og Bandaríkjaforseti - eins og Adolf Hitler áratugum síðar – biðlaði til páfa um friðarumleitanir - kom allt fyrir ekki. Auðkýfingafjölmiðlarnir (yellow press) kröfðust stríðs og hefnda fyrir sjóliðana á Maine.

En þegar Bandaríkjamenn viðurkenndu sjálfstæði Kúbu, var Spánverjum nóg boðið og lýstu yfir stríði. Þótt tregur væri, svaraði William McKinley (1843-1901), Bandaríkjaforseti, með stríðsyfirlýsingu.

Bandríkjamenn gersigruðu Spánverja eins og nærri má geta. Enn þá halda Bandaríkjamenn fast í skika á Kúbu, þar sem þeir eiga herstöð og reka m.a. alræmt fangelsi fyrir svokallaða, alþjóðlega hryðjuverkamenn.

Teddy var undarlega brenglaður náungi eins og tilvitnunin ætti að bera vitni um. Uppdráttarsýkin og stórmennskubrjálæðið var dæmafátt. Honum var t.d. mjög í mun um að vera hetja í eigin augum og þjóðarinnar. Það er reyndar opinber ímynd hans, mótuð í „falsfréttunum og samsæriskenningum“ frá ferlinum.

En stórskáldið, Mark Twain/Samuel Langhorne Clemens (1835-1910), var glöggt eins og góðir listamenn oft eru á mannlegt eðli. Hann sá í gegnum uppdráttarsýki, lygar og stórmennsku. Mark sagði m.a.:

„Aldrei nokkru sinni höfum við haft á að skipa forseta, sem var gjörsneyddur sjálfsvirðingu og virðingu fyrir hinu háa embætti sínu; aldrei höfum við áður átt forseta, sem ekki var heiðursmaður; aldrei áður höfum við átt forseta, sem ætlað var að yrði slátrari, markmaður eða yfirgangsseggur, og glutraði niður ætlunarverkinu við aðstæður, sem hann hafði enga stjórn á.“

Síðar sagði skáldið, að í sanngirni mætti að líta svo á, að sem stjórnmálamaður og ríkiserindreki (statesman) væri hann bæði óábyrgður og brjálaður.

Með Spánarstríðinu, sem teygði sig til Filippseyja 1901, lagði Teddy – eða auðkýfingarnir, sem stjórnuðu honum – grundvöllinn að Kyrrahafsveldi Bandríkjanna; Filippeyjar, Guam og Hawai. Herfang Bandaríkjamanna í Spánarstríðinu var ríkulegt.

Teddy sendi flota Bandaríkjanna í heimssiglingu til að sýna veröldinni mátt og megin þjóðarinnar. Kólumbíu var líka ógnað í sambandi við skipaskurðinn, sem nú er kenndur við Panama, gerviríki, sem Bandaríkjamenn sneiddu af Kólumbíu árið 1903. Tveim árum síðar lögðu þeir undir sig Dómínikanska lýðveldið.

Sigur á evrópsku nýlenduveldunum og frumbyggjunum, samfara landakaupum og landvinningum í Vesturálfu, auðgaði Bandaríkin svo um munaði. Því var gósentíð hjá bresk-bandaríska iðn- og fjármagnsauðvaldinu í City of London og Wall Street, hinni lögmætu mafíu sem sumir kalla.

Auðkýfingarnir voru þó ekki alls kostar ánægðir með William McKinley. Hann dró lappirnar og skorti stríðsvilja. Því vildi það svo heppilega til, að hann var ráðinn af dögum af villuráfandi byltingarsinna. Það er alla vega hin opinbera skýring.

Auðdrottnarnir voru heldur ekki ánægðir með (William) Howard Taft (1857-1930). Þeim stafaði reyndar svo mikil ógn af honum, að þeir notfærðu sér Teddy til að tefla kosningarefskák gegn Howard.

Auðkýfingaráðið lagði á ráðin um framboð Teddy með alls konar sjónhverfingum, t.d. banatilræði á framboðsfundi. Viðskiptajöfurinn, Benjamin Harrison Freedman (1890-1984), Gyðingur, sem snerist til kristinnar trúar, hefur lýst því í ræðu, hvernig auðjöfrarnir, þar á meðal Jacob Henry (Jakob Heinrich) Schiff (1847-1920), náinn samstarfsmaður og skjólstæðingur Rauðskjöldunga (Rothschild) og formaður í Bandaríska Gyðingaráðinu (The American Jewish Committee), settust á rökstóla.

Benjamin spáði þriðju heimstyrjöldinni í tengslum við arabískt frelsisstríð í Palestínu/Ísrael með þátttöku Bandaríkjamanna. Ræða hans, haldin 1961, er afar merkileg: https://archive.org/details/benjamin-h.-freedman-speech-unedited-version-1961 - https://rense.com/general34/amaz.htm

Á nefndum fundi var líka Bernard Mannes Baruch (1870-1965), sem gárungarnir sögðu síðar að hefði (Thomas) Woodrow Wilson (1856-1924), sem þeir gerðu að Bandaríkjaforseta, í taumi. Benjamin segir hann „þorpara, sem væri ekki meira virði en púðrið, sem þyrfti til að senda hann til helvítis.“ Engan þekkti Benjamin „sjálfsbólgnari“ mann.

Benjamin lýsir fundum forsetans með „ráðgjöfum“ sínum: „Woodrow Wilson var ámóta glöggskyggn á gang mála og nýburi.“

Næsta skref í heimsvaldastefnunni var tekið í fyrstu heimsstyrjöldinni, sem hafði verið í undirbúningi um all nokkurt skeið. M.a. hafði Rússakeisara og borgarstjóra Sankti Pétursborgar verið sýnt banatilræði.

Rússneskir byltingarmenn á mála hjá alþjóðaauðvaldinu eins og Leon Trostsky/Lev Davidovich Bronstein (1879-1940) og Vladimir (Ilyich Ulyanov) Lenin (1870-1924), voru reknir úr landi, eftir misheppnaða byltingartilraun árið 1905. Þeir nýttu sér brauðbyltingu mæðra í borginni til að ota sínum tota.

Nú eru slíkar byltingar framkvæmdar undir litskrúðugum fánum og lófaklappi frá fjölmiðlum, sem fagna byltingu í þágu frelsis, lýðræðis og umfram allt mannréttinda, sbr. byltinguna í Úkraínu.

Það var sótt að Rússum innan frá sem utan. Í Japan lánaði sama auðvald og sendi laumuhermenn sína og morðingja til Sankti Pétursborgar, fé til uppbyggingar japanska flotans, sem beitt var til árása á þann sama flota og bjargaði Norðurríkjunum í forsetatíð Abraham Lincoln (1809-1865) úr klóm Vestur-Evrópuríkjanna í borgarastríðinu.

Japanir gersigruðu Rússneska sjóherinn í Asíu. Það skapaði ókyrrð og uppreisn í Rússlandi. Ósigurinn varð mikilvægur þáttur í falli rússneska keisaradæmisins.

Styrjöld í Evrópu bauð upp á ný auðgunartækifæri fyrir hernaðar- og bankaauðvaldið. Það kemur vart á óvart, að Teddy vildi ólmur draga Bandaríkin inn í styrjöldina í Evrópu. Hann endurómaði áróður Breta, þ.e. að Þjóðverjar krossfestu konur og nauðguðu, og bæru ungabörn á byssustingjum.

Hinum snatanum, Woodrow Wilson, var líka heitt í hamsi. Hann gelti grimmdarlega og vildi ólmur stríð. Tilgangurinn var að tryggja lýðræði í veröldinni (making the world safe for democracy).

Heimildir:

Mike King: The real Roosevelts. An omitted history. pdf. Tomatobubble. com https://www.presidency.ucsb.edu/documents/letter-introducing-w-averell-harriman-stalin https://archive.org/details/benjamin-h.-freedman-speech-unedited-version-1961 https://nationalvanguard.org/2010/10/a-jewish-defector-warns-america/ https://www.history.com/topics/19th-century/manifest-destiny https://www.history.com/topics/19th-century/mexican-american-war https://www.youtube.com/watch?v=26raYPP4n7Q https://www.history.com/this-day-in-history/u-s-takes-possession-of-alaska https://www.smithsonianmag.com/history/how-the-louisiana-purchase-changed-the-world-79715124/ https://www.britannica.com/biography/James-Monroe https://www.britannica.com/event/Monroe-Doctrine https://spartacus-educational.com/GERfunk.htm https://www.bis.org/ https://history.state.gov/milestones/1914-1920/paris-peace https://history.state.gov/milestones/1921-1936/dawes#:~:text=Under%20the%20Dawes%20Plan%2C%20Germany's,currency%2C%20the%20Reichsmark%2C%20adopted. https://propagandainfocus.com/wall-street-the-nazis-and-the-crimes-of-the-deep-state/ https://alphahistory.com/coldwar/truman-doctrine/ https://www.history.com/news/world-war-i-russian-revolution https://propagandainfocus.com/wall-street-the-nazis-and-the-crimes-of-the-deep-state/ https://www.britannica.com/event/Truman-Doctrine