Moðreykur um Múhammeðstrú og djöfulsleikar í Miðausturlöndum. V: Bræðralag múslíma og íslamskar baráttuhreyfingar

Bræðralag Múslíma er meiðurinn, sem spruttu af hreyfingar eins og Hisbolla (Hesbollah), Hamas, heilagir stríðsmenn í Afganistan (Mujahideen) og Alkæda (Alkaida). Sú síðastnefnda var undir stjórn CIA-liðans, Osama bin Laden (1957-2011), sem myrtur var af Bandaríkjamönnum.

Bæði Jórdaníumenn og Ísraelar hafa stutt íslamska öfgahópa og beitt þeim gegn Sýrlendingum. Bandaríkjamenn hafa einnig beitt þeim í Téténíu og öðrum múslímskum hlutum Rússneska ríkjasambandsins.

Leiðir Bræðralagsins lágu víða eins og til breska embættismannsins og múftans (æðstaprestins) í Jórsölum, Hai Amin Al-Husseini (1895-1974), sem átti í vinfengi við þýska nasista og sótti m.a. Adolf Hitler (1889-1945) heim. Haj Amin skipulagði meira að segja sérstaka „Schutzstaffel“- hersveit (SS) Múslíma. Flestir liðsmanna hennar komu frá Bosníu. Múftinn var síðar ráðinn að áróðurútvarpsstöð Breta í Kaíró.

CIA og MI16 höfðu reyndar augastað á öllum, sem að gagni mættu koma í baráttunni gegn Ráðstjórnarríkjunum í veröldinni. Þeir leituðu einnig uppi hæfa Nasista eins og Reinhard Gehlen (1902-1979), fyrrum njósnaforingja Þjóðverja. Reinhard var gerður að yfirmanni Gehlen-gengisins. Í þessu gengi eða stofnun, sem CIA setti á laggirnar, störfuðu fyrrum njósnarar nasista. Gengið varð vísirinn að nýrri Vestur-þýskri leyniþjónustu.

Segja má, að Bræðralagið hafa komið að flestum myrkraverkum Vesturveldanna í Miðausturlöndum og Vestur-Asíu. Um miðja síðustu öld höfðu Frakkar enn þá umtalsverð ítök á svæðinu, sbr. Sykes – Picot samkomulag þeirra og Breta um skiptingu svæðisins við lok fyrstu heimstyrjaldarinnar.

Súezskipaskurðurinn hafði verið grafinn fyrir tilstilli Frakka og þjónaði sem mikilvæg flutningsleið milli Evrópu og Asíu. Þegar Nasser, sem var þjóðernissinni, vildi þjóðnýta skurðinn, háðu Bræðralagið, Ísrael, Bretar og Frakkar, stríð gegn Egyptalandi. Nasser skyldi steypt af stóli.

CIA (Allen Dulles (1893-1969)) og utanríkismálaráðuneyti Bandaríkjanna (John Foster Dulles (1888-1959)), unnu markvisst að því að efla al-íslömsku (pan Islamic) Wahhabi hreyfinguna í Sádí-Arabíu og fengu hana til liðs við sig í andófinu gegn Nasser - og styrktu Bræðralagið samtímis.

Einn af framámönnum í þessari hreyfingu var Sheikh Abdel Aziz bin Baz (1912-1999), stundum kallaður blindi sjeikinn. Hann var andvígur nútímavæðingu í Sádí Arabíu og talaði fyrir ofbeldi og hryðjuverkum. Í huga Abdel Aziz var jörðin flöt. Þeir, sem héldu öðru fram væru guðleysingjar og andsnúnir Kóraninum og Spámanninum.

Anwar Sadat (1918-1981), sem tók við, þegar Nasser var steypt af stóli, var „bróðir Múhammeðs.“ Fáir hafa líklega verið jafn hollir Bandaríkjamönnum við að auka áhrif sín í Miðausturlöndum, t.d. með því að sundra Aröbum, gera Camp David samkomulagið við Ísrael, styðja uppreisn (jihad) múlíma á vegum Bandaríkjamanna í Afganistan og greiða götu þeirra umhverfis Persneska flóann.

Svo fór, að Anwar féll fyrir flugumanni úr eigin hreyfingu, öfgafyllsta armi hennar (Islamism) undir forystu Abdul Rahman, sem lagði CIA lið við að útvega heilaga stríðsmenn til stríðs þeirra í Afganistan. Stjórnmálaarmur öfga-Íslam var fjármagnaður af arabísku olíuríkjunum (Kúvæt, Katar, Sádí) og fjármálastofnunum þeirra, sem bankamenn Vesturlanda komu á koppinn. Bræðralagið fékk einnig fjárstuðning frá Ísrael og Jórdan.

Ísraelsmenn studdu þá viðleitni Bræðralags Múslíma að skjóta rótum á hernumdum svæðum Palestínumanna til að andæfa Frelsissamtökum þeirra (Palestine Liberation Organization - PLO). Þeir voru innan handar Ahmed Yassin (1936-2004), leiðtoga þeirra, við stofnun Hamas. Þetta staðfestir m.a. Charles Freeman (f. 1943), fyrrum sendiherra Bandaríkjanna í Sádí-Arabíu og bendir á, að stofnun Hamas hafi verið samkvæmt áætlunum Shin Bet, innanríkisleyniþjónustu Ísraels, til að vinna gegn PLO.

Ísraelsk yfirvöld hafa síðar beitt Hamas markvisst til að berjast gegn sjálfstæðishreyfingu Palestínumanna á Gaza og á Vesturbakkanum. Ariel Sharon t.d. notfærði sér Hamas, Heilögu hersveitirnar (Islamic Jihad) og Hisbolla. Samkvæmt yfirlýsingum barnamorðingjans, Benjamin Netanyahu (f. 1949), er þetta enn þá hornsteinninn í stefnu Ísraels gagnvart Palestínumönnum.

Hugmyndafræðilegur grundvöllur að Hamas var þó til staðar í Palestínu allar götur frá fjórða áratugi síðustu aldar, er múftinn fyrrnefndi, Haj Amin al-Husseini, í senn bæði vinur Breta og Þjóðverja, hvatti til uppreisna gegn landnáms- og landtökumönnum Gyðinga. Múftinn hitti fulltrúa Bræðralagsins árið 1935. Það opnaði bækistöðvar í Jórsölum tíu árum síðar.

Said Ramadan (1926-1995) var mikilvægur bandamaður Bandaríkjanna eins og Adul og fleiri. Svissneska leyniþjónustan sagði hann erindreka CIA. Said var samtímis fulltrúi Jórdan hjá Sameinuðu þjóðunum og helsti alþjóðahernaðarhugsuður Bræðralagsins. Hann stofnaði m.a. Miðstöð Múhameðstrúarmanna í Genfar 1961. Það urðu höfuðstöðvar Bræðralagsins.

Það má geta þess, að konungur Jórdaníu, Hussein bin Talai (1935-1999), var á launaskrá hjá CIA. Öðru máli gegndi um Bashir Assad (f. 1965), forseta Sýrlands, Yasser Arafat (1929-2004), yfirmanns Sjálfstæðishreyfingar Palestínu (PLO) og Saddam Hussein (1937-2006), forseta Íraks, sem voru einarðir andstæðingar Bræðralagsins og allra þess afsprengja.

Moðreykur um Múhammeðstrú og djöfulsleikar í Miðausturlöndum. IV: Landvinningar, stjórnmál og heimsveldi

Smám náðu Múslímar undirtökunum á Arabíuskaga, löndunum fyrir botni Miðjarðarhafs, í Norður-Afríku, Persíu (Íran), suðurhluta Spánar, Tyrklandi og víðar.

Á síðmiðöldum og nýöld (1400) voru í uppsiglingu þrjú islömsk heimsveldi; Ósmanar í Anatólíu (Tyrklandi – Ottóman heimsveldið), Safavidar í Persíu (Íran) og Mógúlar [Mughal] á Indlandi. (Mughal er afbökun úr Mongol, vísar til mongólsks uppruna drottnaranna.)

Heimsveldi Ottómana og Safavida voru reist á rústum Seljuka (Seljuk Turks), sem í byrjun elleftu aldar hertóku þessi svæði. Aðrir tyrkneskir ættbálkar höfðu ráðið ríkjum á Norður Indlandi.

Mógúlaríkið var stofnað af afkomendum Chinggis Khan (Gengis Kan), sem vann lönd einkum á Norður-Indlandi. Það festist enn frekar í sessi í byrjun sextándu aldar fyrir atbeina tyrknesks-mongólsks hershöfðingja, Zahir-ud-din-Muhammad Babur (1483-1530), sem lagt hafði undir sig Afganistan.

Um sautján hundruð tók ríkið meira eða minna til alls Indlandsskaga. Persneska var opinbert mál í heimsveldinu. Gerðar voru miklar stjórnarumbætur með tiltölulega sjálfstæðum héraðsstjórum. Skipan fjögurra ráðherra; fjármála, hermála, dóms- og trúmála, og innanríkis- og samgöngumála.

Í fyrrgreindum veldum Íslams voru reist stórkostleg og fögur mannvirki, persneskri skrúðgarðahefð (gardening) var gert hátt undir höfði, ásamt ýmis konar list og menntun. Um miðja fimmtándu öldina lágu mikilvægar verslunarleiðir um ofangreind heimsveldi.

Á ofanverðri átjándu öld áttu íslömsku heimsveldin í vök að verjast. Safavidaveldið féll á fyrsta fjórðungi aldarinnar. Bretar lögðu undir sig Bengal um miðja átjándu öld. Næstu öldina réð Austur-Indía félag þeirra lögum og lofum á Indlandi.

Undir forystu Suleiman I (1494-1566) náði Ottóman heimveldið fótfestu við innanvert og sunnanvert Miðjarðarhaf. Það náði frá Egyptalandi til Anatólíu. Í norðri og vestri tók það til Ungverjalands, Rúmeníu, Moldavíu, sneiðar úr Póllandi og Úkraínu, og allar götur norður og austur að Kaspíahafi og til Mesópótamíu (Iraks). Mikligarður (Istanbul, Constantinobel) var höfuðborg veldisins.

Tyrkneska ríkið var stofnað, þegar Ottóman heimsveldið leið undir lok. Stofnandi þess og aðalhugmyndafræðingur var hinn frjálslyndi múlími, Mustafa Kemal Atatürk (1881-1938). Hann færði líf og trú hins forna Ottóman heimsveldis nær vestrænum samfélögum, t.d. með innleiðingu lýðræðis.

Mustafa gagnrýndi íslamskan fasisma. Hugtakið felur í sér andúð og gagnrýni á svonefnt guðaveldi eða klerkaveldi (theocracy) í Múhammeðstrú og viðleitni þeirra hreyfinga, sem vilja innleiða það. Um þessar mundir er iðulega átt við Íran, Sádí-Arabíu, Algeríu og Súdan, en skírskotun til fasisma er grundvölluð á fjöldamorðum leiðtoga Ottóman heimsveldisins eða kalífadæmis, Yavuz Sultan Selim (1465-1520), í byrjun sextándu aldar, á tyrkneskum ættflokkum (Turcomans).

Eftir fyrstu heimstyrjöldina fetuðu Bandaríkjamenn í slóð Breta, sem voru, ásamt Frökkum, atkvæðamesta heimsveldið fyrir botni Miðjarðarhafs, sem og í Afríku, á Indlandi og í Asíu. Bretum og Frökkum hafði verið falin umsjón með löndum íslamska Ottómans-heimsveldisins. Það gerði Þjóðabandalag sigurvegaranna.

Bretar sáu til þess, að Síonistum, þ.e. heimalandshreyfingu meðal Gyðinga í Evrópu, yrði „úthlutað“ landi, sem þá var Palestína (Balfour yfirlýsingin). Það átti eftir að hafa afdrifaríkar afleiðingar fyrir þróun heimshlutans.

Gyðingar kölluðu landnám sitt Ísrael og lýstu einhliða yfir sjálfstæði 1948. Ríkið hlaut viðurkenningu smávaxinna Sameinuðu þjóða, m.a. með atkvæði Bandaríkjamanna og Íslendinga, sem hafa verið dyggir stuðningsmenn Bandaríkjanna og Ísraels allar götur síðan.

Ísraelsríki var hernaðarfleygurinn, sem Bandaríkjamenn og Bretar beittu í sókn sinni eftir olíu, áhrifum og völdum, í heimshlutanum. Síðar hafa Bandaríkin líkt Ísraelsríki við flugmóðurskip eða herstöð.

Bretar höfðu – eins og bent var á - deilt og drottnað í Miðausturlöndum eins og í Kína og á Indlandi. M.a. öttu þeir ættkvíslum Araba ýmist saman eða sameinuðu til að berja á Ottómönum, sem voru komnir að fótum fram. Raunar hafa Bretar meira eða minna sett örlagaríkan svip sinn á lönd og ríki fyrir botni Miðjarðarhafs. Þeir „bjuggu“ t.d. til bæði Jórdan og Sádí-Arabíu.

Það var sömuleiðis draumur Breta og Bandaríkjamanna að vinna gegn áhrifum Ráðstjórnarríkjanna (Sovét-) í Vestur-Asíu. Því var haldið fram, að þau reyndu að bera víurnar í Miðausturlönd eins og heiminn allan reyndar. Þessi fásinna er enn á ný borin á borð fyrir Evrópumenn, svo efla megi Nató.

Bandaríkjamenn ætluðu sér að endurtaka Nató-leikinn í Miðausturlöndum, þ.e. að stofna „varnarbandalag“ gegn Ráðstjórnarríkjunum í Miðausturlöndum; t.d. „Varnarbandalag Miðausturlanda“ (Middle East Defense Organization), „Bagdað- bandalagið (Baghdad Pact) og „Miðaustur bandalagið“ (Central Treaty Organization – CENTO). Það fór út um þúfur. Í staðinn var Nató þanið út og umlykur hér um bil rússneska ríkjasambandið.

Eitt helsta vopn Bandaríkjamanna var ein öfgahreyfinga Múslima, kölluð Bræðralag Múhameðstrúarmanna (Ikhwan al Muslimin - Moslem Brotherhood). Öfgatrú þeirra er iðulega kennd við Wahhabism (Salafism – Sunni Islam), eftir spámanni þeirra, Mohammad ibn Abdul Wahhab (1703-1792), sem vildi taka upp lifnaðarhætti fyrri tíma.

Stofnandi Bræðralagsins var Hassan al-Banna (1905-1949). Það var stofnað 1928 í Egyptalandi með styrkjum frá Súesskurðarfélagi Englendinga. Bræðralagið var einnig dyggilega stutt af Sádum. Stofnaðar voru deildar í Amman, Jórsölum og Damaskus.

Bræðralagið sótti innblástur í önnur öfgasamtök, Al-Íslam (pan-islamic movement). Stofnandi þeirra var frímúrarinn, Jamal Eddine al-Afghani (1838-1897), á seinni hluta nítjándu aldar. Hann var Bretahollur mjög og vildi að þeir tækju að sér forystu samtakanna. Í annarri heimstyrjöldinni bættist sú þriðja við, „Íslamska fylkingin“ (Islamic Group) í Pakistan. Foringi hennar var Abul-A‘la Mawdudi (1903-1979).

Kenningar Jamal Eddine urðu sagnfræðingnum, Bernard Lewis (1916-2018), og Samuel Phillips Huntington (1827-2008), innblástur að hugtakinu um ásteyting siðmenninga (clash of civilizations). Í hnotskurn felst í hugtakinu sú staðhæfing, að allar götur frá landtöku Mára á Suður-Spáni og fram að öðru umsátri Tyrkja um Vínarborg, hafi Evrópa búið við stöðuga ógn frá Íslam.

Gyðingurinn, Bernard, fyrrum njósnari „hennar hátignar“ og aldavinur fyrrum forseta Ísraels, „jarðýtunnar,“ Ariel Sharon (1928-2014), les og túlkar söguna úr sjónarhorni anglósaxiskrar heimsvaldastefnu og ísraelskrar útþenslustefnu, sbr. Stór-Ísrael og Konungdæmi Gyðinga.

Fyrrgreindu vopni, þ.e. öfgahreyfingum Múslíma, beittu Bretar og Bandaríkjamenn gegn þjóðernishreyfingum Araba, m.a. í Egyptalandi og Íran, steyptu bæði forseta Egyptalands, Gamal Abdel Nasser (1918-1970), og forseta Írans, Mohammed Mossadegh (1882-1967), af stóli.

Í Íran náðu Bretar þannig undirtökunum í olíuiðnaði þjóðarinnar. Leyniþjónusturnar, CIA (stofnuð 1947 á grundvelli leyniþjónustu hersins, Office of Strategic Services - OSS) og MI6, höfðu veg og vanda af þessum ódæðum. (Vísir að MI6 varð til, þegar Bretar lögðu undir sig Indland.)

CIA greiddi íslömskum öfgasamtökum fyrir þátt þeirra í uppreisninni í Íran eins og þeir gera nú við uppþot kvenfrelsara og mannréttindasamtaka á þeirra vegum. CIA nýtur nú að vísu liðsinnis svokallaðra „frjálsra“ félagasamtaka (non-governmental organization) á vegum auðkýfinga eins og George Soros.

Leiðtogi íslamskra öfgamanna í Íran, bandamanna CIA og MI6, var Ayatollah Seyyed Abolqassem Kashnai (1882-1962), lærifaðir Ayatollah Ruhollah Khomeini (1902-1989), sem 1979 tók við völdum í Íran. Hann tók einnig þátt í aðgerð CIA. Íranska grein Bræðralagsins heitir „Aðdáendur Íslams,“ (Devotees of Islam), kennd við Navab Safavi (1924-1956).

Það voru íslamskir CIA-byltingarmenn, sem steyptu – eins og vikið var að - Mossadegh af stóli 1953, til að rýma fyrir Mohammad Reza Pahlavi (1919-1980). Það voru sömu byltingarmenn, sem svo steyptu Mohammad af stóli 1979. Örlaganornirnar eru bæði gráglettnar og kaldhæðnar.

Um miðbik síðustu aldar var CIA þó enn þá lærlingur MI6. Breska leyniþjónustan hafði langa reynslu í að etja fólki, ættkvíslum og þjóðum, gegn hver öðrum. Haldbestu reynsluna öðluðust þeir á Indlandi. Þeirra ær og kýr var að drottna og deila, spilla, stela og há stríð.

Þjófsnautarnir, Bretar og Bandaríkjamenn, skiptu olíuþýfinu á milli sín. Forseti Bandaríkjanna Franklin Delano Roosevelt (1882-1945) komst svo að orði við samningamann Breta, Lord Edward Wood Halifax (1881-1959): „Þið fáið … persnesku (írönsku) olíuna. En olíuauðævum í Kúvæt og Írak skiptum við á milli okkar. Olía Sádi-Arabíu kemur [hins vegar] í okkar hlut.“

Það er svo sem ekki furða, að Bandaríkjamenn hafi haldið hernaðartryggð við Sádí Araba, þrátt fyrir trú þeirra og samfélagshætti. Það er lítið um lýðræði og frelsi á þeim bæ. Hver forsetinn á fætur öðrum hefur játað þeim ást sína og tengst þeim frekari hernaðarlegum tryggðaböndum.