Fljúga hvítu Rússaflygildin. Rússaveikin

Það er nú almælt í ranni íslenskra stríðsmanna, að Rússar ógni Nató um austurvíglínuna endilanga frá Grikklandi til Samalands. Óþokkarnir hafa lagt síg í líma við að stríða Mette-minnkabana, sem dreymir um að verða Rússabani.

Hún er stórtækari en íslenska stríðsráðfrúin, sem lætur sér nægja (í bili) að stofna íslenskan her og kaupa sér kafbát. Mette-minnkabani ætar að ganga i berhögg við ráðleggingar Mogens Glistrup (1926-2008) og kaupa sér flugskeyti frá Dónaldi ”pabba” Jóni. Að öðrum kosti hætti hann að kaupa sér beikon í Baunalandi – og osta jafnvel.

Snillingurinn, Mogens, vildi koma upp gjallarhornum um gervalla danska mörk, þar sem lýst væri yfir uppgjöf Danmerkur, ef birtust herir, gráir fyrir járnum. Þá voru stríðsflygildin ekki komin til sögu.

Í ljósi þess að hvissast hefir út, að fannhvít flygildi, merkt rússneska fánanum (eða ætli það hafi verið sá bélarússneski eins og RÚV hefði sagt) væru á flögri við Sumba á Suðurey (Færeyjum), væri rétt að senda F35 eða 6 á loft.

Flygildin gætu hafa verið á leiðinni til Finnafjarðar, annað tveggja til að mynda hann eða varpa á hann sprengjum. Rússar hafa vafalaust hlerað, að verstu óvinir þeirra á Vesturlöndum, Íslendingar, hyggi á herbækistöð þar, og ætli sér meira að segja að gefa Nató alla Melrakkasléttu líka.

Enda þótt Rússar séu ekki sleipir í stærðfræði, hafa þeir vafalítið lagt saman tvo og tvo og reiknað út, að þar muni íslenska stríðsráðuneytið koma sér upp kafbátalægi. En vonandi er þetta allt ranghermi, falsfréttir eða barasta upplýsingaóreiða. Greiningardeild stríðsráðuneytisins mun ugglaust brjóta fregnir og fiskisögur til mergjar.

En það er fjör í falsfréttaflutningi um þessar mundir. RÚV skýrir nú frá því, að Rússar hafi afskipti af kosningum í Moldóvu eins og áður í Bandaríkjunum. Vondi-Valdi Putin er samur við sig, holdgervingur Rússagrýlunnar, sem er bæði leið og ljót, enda var bandarískum börnum í upphafi kalda stríðsins kennt að skýla sér undir borðunum í skólastofunum fyrir yfirvofandi árás kommúnista.

Eins og allir vita var líka stofnað Rússagrýlufélag á Íslandi. Skelfingin í garð Rússa greip um sig frá fjöru til fjalla og varð að nýju tilbrigði við ofsafælni og aðsóknarkennd; Rússaveikinni. Íslendingar eru enn þá illa haldnir af þessum fjára, langveikir eins og af „langa-covid-19.“

Rússagrýlufélagið stjórnar utanríkismálum Íslendinga af röggsemi, gaf Rússum langt nef og sleit við þá talsambandi eins og eistneska undrabarnið, Kaia Kallas, sem einu sinni var forsætisráðherra Eistlands, en stjórnar nú – ásamt annarri undraynju, Úrsúlu frá Læjen – Evrópusambandinu. Stjórn Rússagrýlufélagsins dreymir um að bindast Evrópusambandinu tryggðaböndum og gerast vopnasystur þess, enda þótt það sé nár eins og Nató, öflugasta stríðsbandalag veraldar.

Í því efni er þó hængur á. Volaði-Valdi í Úkraínu og Bensi-barnamorðingi hafa verið svo þurftafrekir á drápstól, að birgðir eru uppurnar – líka vestan hafs. Því er hætt við að stjórnmálaskörungurinn, Dónaldur „pabbi“ Jón, hafi bara loft og rándýrt gas að selja.

En, en! Hann gæti loksins lifnað úr litlum vonum, þó varla hjálpi í bráð að skipta um skoðun. Það gerði hann nýlega um stríðið í Úkraínu. Hann er steinhættur við að stöðva stríðið og hvetur nú Volaða-Valda og Dvergana sjö í Evrópu til að leggja undir sig Rússland að sléttum Úralfjalla.

Það er eins gott fyrir íslenska herinn (Landhelgisgæsluna og Víkingasveitina) að vígbúast. Hershöfðinginn, Björn Bjarnason, og lærisveinka hans, Þorgerður Katrín, eru vígreif og skekja skildi.

Eins og fyrr sagði er nú kynnt undir kötlunum í Moldóvu. Í næsta ríki er Rúmenía, þar sem Nató hefur öfluga herbækistöð. Hreinsun andspyrnufólks úr stjórnmálunum er lokið. Bæði í Moldóvu og Rúmeníu – eins og í Georgíu, Armeníu, Aserbædsjan, Íran og Úkraínu – starfar hulduher Vesturlanda undir stjórn MI6 og CIA. Milli Úkraínu og Moldóvu liggur Transnistría, landræma þeirra, sem enn hafa ekki séð frelsisljós Vesturlanda. Þar hafa Rússar friðargæslulið, sem telur um hundrað manns.

Hin forna rússneska Svartahafsborg Katrínar miklu, Ódessa – þar sem Síonfasisminn kom undir – er rétt handan landamæra Moldóvu og í grennd við Transnistríu. Þar er önnur tveggja meginaðflutningsleiða Nató með hergögn til Úkraínu.

Í ljósi þess, að Rússar hafa gefist upp á friðarsamningum í anda Minsk (sem Vesturlönd misnotuðu) og Miklagarðs (sem Nató hindraði), er stefnan nú (vafalítið) að ná yfirráðum yfir Ódessa - og Kænugarður (sem RÚV kallar Kéf) mun tekinn í kjölfarið.

Þetta er enn eitt stríðið, sem alþjóðaauðvaldið háir gegn fólki, sem vill frið fyrir hermönnum og sturluðum stjórnmálamönnum.

Það eru mörg börn í Úkraínu og Rússlandi, sem gráta feður sína og syrgja. En íslensku valkyrjurnar ætla að berjast til síðasta Úkraínumanns, svo tryggja megi frelsi, mannréttindi og lýðræði.

Sumir binda enn vonir við, að Dónaldi „pabba“ Jóni snúist hugur. Hann var barasta að æfa sig í kaldhæðni, þegar hann hvatti Evrópumenn til stríðsdáða í austurveg, segja jafnvel gleggstu greinendur eins og Larry Johnson.

En ég er ekki öldungis viss um – eins og svissneski leyniþjónustumaðurinn, Jacques Baud – að forsetinn sé í vitsmunalegum færum til þess. Armageddon-hirð hans kynni að hafa párað á Truth Social töflu leiðtoga síns skilaboðin furðulegu, sem öll veröldin tók andköf yfir, hér í þýðingu Halls Hallssonar frá 25. september:

““Eftir að hafa kynnt mér og skilið Úkraínustríðið og áttað mig á hernaðarlegum og efnahagslegum vandræðum sem stríðið er að valda Rússlandi, þá held ég að Úkrar og Evrópusambandið séu í stöðu til að berjast og vinna alla Úkraínu eins og þeir upphaflega ætluðu. Með tíma og þolinmæði og fjárhagsstuðningi Evrópu og alveg sérstaklega Nato, þá er hægt að vinna aftur sömu landamæri og voru þegar stríðið hófst.

Af hverju ekki?

Rússar hafa barist án markmiða í 3 1/2 ár í styrjöld sem átti að taka viku að vinna. Þetta lýsir ekki Rússum heldur líta þeir út eins og Pappírs-tígur. Þegar fólk í Moskvu og öllum hinum miklu borgum, bæjum og héruðum um allt Rússland kemst að því sem raunverulega er að gerast, sú staðreynd að nánast ómögulegt er að fá olíu nema vera í löngum biðröðum, sú staðreynd að mest af peningum þeirra fer í stríðsefnahag og stríð við Úkraínu, þar sem bjartsýni ríkir. Úkraína ætti því að vera fært [um] að taka land sitt til baka miðað við ítrustu kröfur og upphafleg landamæri.

Og hver veit, jafnvel lengra. Pútin og Rússar eru í MIKLUM efnahagsvanda, svo þetta er tíminn fyrir Úkraínu að bregðast við. Hvernig sem allt veltur, þá óska ég báðum þjóðum velfarnaðar og við munum halda áfram að selja vopn til Nato til að gera það sem Nato vill. Bestu óskir til allra. DONALD JOHN TRUMP, FORSETI BANDARÍKJANNA.“”

Og svo dreymir Dónald „pabba“ Jón vota drauma um stríð í Venesúela og Íran, og um yfirráð yfir Grænlandi og gamalli herstöð Ráðstjórnarríkjanna sálugu í Afganistan.

https://covertactionmagazine.com/2025/02/11/the-next-nato-russia-proxy-war-could-be-in-a-country-youve-never-heard-of/ https://steigan.no/2024/03/novorossiya-reiser-seg-som-fugl-foniks-fra-asken/?utm_source=substack&utm_medium=email https://www.rt.com/russia/554330-uprising-transnistria-donbass-ukraine/ https://www.voltairenet.org/article149653.html https://www.voltairenet.org/article215271.html https://korybko.substack.com/p/will-moldova-soon-attack-transnistria?utm_source=post-email-title&publication_id=835783&post_id=153565363&utm_campaign=email-post-title&isFreemail=true&r=ry8jq&triedRedirect=true&utm_medium=email https://glenndiesen.substack.com/p/supporting-or-destroying-democracy?utm_source=post-email-title&publication_id=2670149&post_id=152813802&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.youtube.com/watch?v=9dH_dE2lk64 https://www.youtube.com/watch?v=1fkxC_3dVzY&list=UUkF-6h_Zgf9zXNUmUB-MzTw&index=3 https://www.youtube.com/watch?v=yz89ux5TTHQ&list=UUDkEYb-TXJVWLvOokshtlsw&index=2 https://www.youtube.com/watch?v=QuAzS6he3Tk&list=UUDkEYb-TXJVWLvOokshtlsw&index=4 https://www.youtube.com/watch?v=PUBaDd4287w&t=1531s https://expose-news.com/2025/09/27/us-dod-key-role-in-global-covid-crisis/?utm_medium=email&utm_source=es https://marksleboda.substack.com/p/nato-eager-to-shoot-down-russian?utm_source=post-email-title&publication_id=1083041&post_id=174658836&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.youtube.com/watch?v=04ZFTQ9jOA0&list=UUkF-6h_Zgf9zXNUmUB-MzTw&index=12 https://www.youtube.com/watch?v=WpstsiS2Suk&list=UUDkEYb-TXJVWLvOokshtlsw&index=5 https://glenndiesen.substack.com/p/mike-benz-how-ngos-and-the-cia-hijacked?utm_source=post-email-title&publication_id=2670149&post_id=173258231&utm_campaign=email-post-title&isFreemail=true&r=ry8jq&triedRedirect=true&utm_medium=email https://korybko.substack.com/p/svr-revealed-that-british-and-french?utm_source=post-email-title&publication_id=835783&post_id=174512318&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.youtube.com/watch?v=duS5PYgYRhc&list=UUDkEYb-TXJVWLvOokshtlsw&index=4 https://www.youtube.com/watch?v=o_shXxrGTEc https://glenndiesen.substack.com/p/jeffrey-sachs-nato-warmongers-and?utm_source=post-email-title&publication_id=2670149&post_id=174679235&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.youtube.com/watch?v=PtiOOI-1XlA https://marksleboda.substack.com/p/europes-war-lust?utm_source=podcast-email&publication_id=1083041&post_id=174287349&utm_campaign=email-play-on-substack&utm_content=watch_now_button&r=ry8jq&triedRedirect=true&utm_medium=email https://steigan.no/2025/09/usa-reduserer-kapasiteten-og-alliansene-faller-fra-hverandre/?utm_source=rss&utm_medium=rss&utm_campaign=usa-reduserer-kapasiteten-og-alliansene-faller-fra-hverandre https://pascallottaz.substack.com/p/on-the-road-not-taken?utm_source=post-email-title&publication_id=2735407&post_id=173633835&utm_campaign=email-post-title&isFreemail=true&r=ry8jq&triedRedirect=true&utm_medium=email https://21stcenturywire.com/2025/09/26/the-invisible-enemy-beware-of-nato-cognitive-warfare/