Fimbulfamb um flögrandi flygildi og fölsk flögg. Rússneskar herþotur yfir Eistlandi

Fyrir fáeinum dögum síðan tóku fréttamenn RÚV andköf og sögðu frá því, að Rússar hefðu gert flygindaárás á Pólland. En einhverra hluta vegna gleymdu þeir flygildinu yfir Rúmeníu.

Stjórnmálamenn og herforingjar Póllands hafa þó ekki komið sér saman um, hversu mörg flygildi flögruðu um pólska lofthelgi og hversu mörg voru skotin niður. Alla vega lenti eitt þeirra óskemmt á hænsnakofa, sem var óvenju sterkbyggður. Hann stóð af sér árásirnar.

Síðustu fréttir frá hernum herma, að þrjú flygildi hafi verið skotin niður. Pólverjar og Úkraínumenn voru sammála um, að flygildin væru rússnesk. Nokkur Nató-ríki sendu herþotur til að berjast við gerviflygildin. Pólverjum brást bogalistin og skutu á eigin ættjörð, hús friðsamra bænda.

Hver á flygindin og hver á sök? Rússar skutu þeim ekki á Pólland með hjáleið um Hvíta-Rússland. Þau eru of skammdræg til þess. Hvorki báru þau vopn né njósnaútbúnað. Rússar báðu um viðræður um málið. Því var hafnað.

Að athuguðu máli er líklegast, að Volaði-Volodomyr og breska leyniþjónustan (með vitorði CIA), sé að leika nýjan tálbeituleik, þ.e. að æsa Nató (Bandaríkin) til sóknar gegn Rússum.

Pólverjar (Duda) hafa viðurkennt, að það hafi forseti Úkraínu áður reynt – drap reyndar tvo Pólverja við þá tilburði – og sömuleiðis reynt að draga Pólverja frekar á asnaeyrunum til átaka við Rússa. Fjöldi Pólverja hefur barist í liði Úkraínumanna. Pólverjar, Nató (Mark Rutte) og Evrópusambandið hafa fordæmt Rússa og hótað öllu illu. Það hefur líka íslenska stríðsmálaráðfrúin gert. Samráð hafa átt sér stað innan Nató og farið var fram á, að Öryggisráð Sameinuðu þjóðanna fjallaði um málið.

Það eru óumdeilanlega blikur á lofti. Nató hefur síðustu mánuði elft hernaðargetu sína á austurvígstöðvunum um Evrópu endilanga, skilgreint Eystrasalt sem Natóhaf, kynnt áætlanir um hertöku Kalingrad og abbast upp á olíuflutningaskip Rússa á Eystrasalti.

Bandaríkjamenn senda enn hergögn fyrir eigin reikning og fyrsta sending, greidd af evrópskum skattgreiðendum, er í undirbúningi.

Evrópubúar og Bandaríkjamenn hafa „fryst“ eigur rússneskra skattgreiðenda og nota vextina af þeim til að greiða stríðsrekstur gegn þeim niður. Nú er leitað leiða til að stela höfuðstólnum „löglega.“ Venesúelabúar eru í sömu stöðu.

Samtímis eykst stöðugt stríðsglamrið í Mark Rutte, Úrsúlu og eistneska undrabarninu hennar, Kaia Kallas. Nú boðar þrenningin t.d. enn þá fleiri viðskiptaþvinganir bæði gegn Rússum og þeim, sem við þá versla. Og valkyrjurnar taka undir stríðsópin.

Líklega er svo komið, að Rússum sé farið að leiðast þófið og taki af sér silkihanskana. Ætli sé nú komið að „allsherjarinnrásinni,“ sem RÚV – í samræmi við uppskrift „hinna trúverðu miðla“ – jórtrar stöðugt á. Það klikkar stundum, en Dagný Hulda Erlendsdóttir klikkar aldrei.

Ég geri því ekki skóna, að fyrrnefndir fréttamenn skyggnist á bak við skeytin og reyni að kynna sér staðreyndir. En bendi lesendum á merkilegt viðtal Glenn Diesen við Harald Kujat, þýskan herforingja, sem var einn af innstu koppum í búri Nató.

Og Guð forði okkur frá því, að þriðja heimstyrjöldin breiðist frekar út. Aðrir virðast ekki ætla að gera það.

Það má til fróðleiks geta þess, að Myrotvorets (morðlisti) Úkraínumanna skilgreinir andstæðinga á barnsaldri. Það yngsta er þriggja ára. Svo stríðið tekur til sífellt fleiri aldursskeiða, þótt það sé tapað á vígvellinum.

Úkraínumenn ætla sér t.d. að drepa Lula de Silva, Viktor Orban, Woody Allen og Roger Waters og marga fleiri. Svo það er nóg að sýsla á þeim vígstöðvum.

https://glenndiesen.substack.com/p/harald-kujat-former-head-of-the-german?utm_source=podcast-email&publication_id=2670149&post_id=174032380&utm_campaign=email-play-on-substack&utm_content=watch_now_button&r=ry8jq&triedRedirect=true&utm_medium=email https://www.globalresearch.ca/eu-supercharges-war-bundeswehr-quadruple-poland-training-mothers/5900459 https://glenndiesen.substack.com/p/dmitry-polyanskiy-drones-in-poland?utm_source=post-email-title&publication_id=2670149&post_id=173750853&utm_campaign=email-post-title&isFreemail=true&r=ry8jq&triedRedirect=true&utm_medium=email https://thjodolfur.is/aras-russa-sem-eydilagdi-hus-i-pollandi-reyndist-polskt-flugskeyti/?fbclid=IwY2xjawM3vcZleHRuA2FlbQIxMQABHvBWnPSOOkVvQHLNjNQIKhnrm6PcAQ3DbgfrYy0Kx_eoM9T883TkaieIJhGD_aem_xdxJSAUuAPQ6sMZbZ7ipnA https://forumgeopolitica.com/article/geopolitical-overview-by-simon-hunt https://www.globalresearch.ca/nato-false-flag-operations-warn-russian-drone-incursions-europe/5900333 https://www.globalresearch.ca/video-false-flags-playing-with-fire-michel-chossudovsky-and-drago-bosnic/5900296 https://www.globalresearch.ca/nato-false-flag-operations-warn-russian-drone-incursions-europe/5900333 https://glenndiesen.substack.com/p/lawrence-wilkerson-america-is-retrenching?utm_source=post-email-title&publication_id=2670149&post_id=173412305&utm_campaign=email-post-title&isFreemail=true&r=ry8jq&triedRedirect=true&utm_medium=email https://marksleboda.substack.com/p/russia-has-every-right-to-strike?utm_source=post-email-title&publication_id=1083041&post_id=173479425&utm_campaign=email-post-title&isFreemail=true&r=ry8jq&triedRedirect=true&utm_medium=email https://libertarianinstitute.org/news/germany-to-add-more-than-100000-troops-to-army-in-preparation-for-war-with-russia/ https://sonar21.com/the-murder-of-charlie-kirk-and-unrelated-the-polish-false-flag/?jetpack_skip_subscription_popup https://steigan.no/2025/09/russland-benekter-at-de-skjot-droner-inn-i-polen/?utm_source=rss&utm_medium=rss&utm_campaign=russland-benekter-at-de-skjot-droner-inn-i-polen https://www.globalresearch.ca/poland-claims-russian-drone-attack-ukrainian-false-flag/5900385 https://korybko.substack.com/p/did-the-polish-deep-state-try-to?utm_source=post-email-title&publication_id=835783&post_id=173827706&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.youtube.com/watch?v=ShWxrWtCiKI https://www.globalresearch.ca/kiev-regime-adding-children-kill-list/5900647 https://glenndiesen.substack.com/p/russian-mig-31-fighters-breach-nato?utm_source=post-email-title&publication_id=2670149&post_id=174049293&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.bbc.com/news/articles/czrp6p5mj3zohttps://www.bbc.com/news/articles/czrp6p5mj3zo https://korybko.substack.com/p/the-reported-russian-drone-incursions?utm_source=post-email-title&publication_id=835783&post_id=173328806&utm_campaign=email-post-title&isFreemail=true&r=ry8jq&triedRedirect=true&utm_medium=email https://korybko.substack.com/p/duda-belatedly-confirmed-that-zelensky?utm_source=post-email-title&publication_id=835783&post_id=173328485&utm_campaign=email-post-title&isFreemail=true&r=ry8jq&triedRedirect=true&utm_medium=email