Samfélag hinna dofnu og sljóu sálna

Fljótum við sofandi að feigðarósi? Það er óneitanlega margt uggvænlegt að sjá, þegar litast er um í „aldingarði“ Íslands (og Vesturlanda). Það hefur t.d. ekki farið fram hjá neinum, að menntun barna – sérstaklega pilta – hrakar á Íslandi og utan landssteina einnig. Ný evrópsk rannsókn bendir t.d. til, að um 780.000 Svíar á fullorðinsaldri og 400. 000 Norðmenn séu fákunnandi um lestur og skrift.

Kennarar og skólayfirvöld virðast leggja áherslu á annars konar menntun. Viðhorf í skólastarfi endurspegla óhjákvæmileg almenn viðhorf í samfélaginu. Í því efni er af nógu að taka, en vek sérstaklega athygli á menningarbyltingunni, sem kennd er við kvenfrelsun og kynleysu, lyfja- og bólusetningarheilbrigðisþjónustu, svo og stafræna tæknibyltingu.

Flestir þekkja menningarbyltingu Maós formanns og hippabyltinguna á Vesturlöndum. Í fyrra tilvikinu var áherslan á stjórnmálalegan rétttrúnað, í því seinna á frjálsar ástir, uppreisn og fíkn. Færri hafa líklega gert sér grein fyrir því, að við erum á bólakafi í þeirri þriðju, kvenfrelsunar- og kynleysubyltingunni, þar sem karlhatur er í fyrirrúmi. Að sumu leyti má líta á þá menningarbyltingu sem framhald af hippabyltingunni. Gömlum gildum, siðvenjum og þekkingu er kastað fyrir róða með ýmis konar ofbeldi og áróðri.

Frjálsar ástir og kynlíf er nú beinlínis kennt í skólum, svo dæmi sé tekið. Þar er líka kennt, að kyn sé síbreytilegt og háð ákvörðun hvers og eins. Sama á við um þekkingu yfirleitt. Staðreyndir eru púkalegar og gagnslausar í sannleiksleitinni.

Skjábyltingin hefur alið af sér nýja fíkn og gerbreytt samskiptaháttum. Í Bandaríkjunum benda kannanir til þess, að fólk verji um tíu tímum á dag við að sýsla á netinu. Þekktir eru áhrifavaldar og kimar, sem geta haft afdrifarík áhrif á líf fólks, ekki síst barna og unglinga, sem inni í þeim lokast.

Kynskiptakiminn er einn þeirra og endurómar umræðu og baráttu kvenfrelsunar- og kynleysisbaráttumanna í þjóðlífi og skóla. Ungmenni finna þar oft og tíðum farveg fyrir óöryggi og einsemd. Þar er að finna lífsspeki og samhug, sem einnig bergmálar í heilbrigðisþjónustunni og stjórnmálum.

Kynskiptaspekin rennur þó ekki ósjaldan af fólki. Þá er verr farið en heima setið, sbr. kynskiptinginn eða karlkonuna, sem fyrir skömmu stytti sér aldur, eftir fjöldamorð í Bandaríkjunum. Hún hafði orð á því, að hún héldi í síða hárið sem hinsta tákn þess, að hún væri kynskiptingur. „Ég er svo þreytt á því að vera kynskiptingur. Ég óska þess að hafa aldrei heilaþvegið sjálfa mig,“ sagði hún.

Menningarbyltingar eru vitanlega heilaþvottur, múgsefjun. Slíkar byltingar verða vitaskuld ekki til af sjálfu sér. Hugmyndafræði, loforð eða lausnir á vanda, eru nauðsynlegur þáttur í menningarbyltingu. En byltingar, sem eitthvað kveður að, eru knúnar áfram af eiginlegum valdhöfum, leynt og/eða ljóst. Vald yfir miðlun og fjölmiðlum er augljóslega mikilvægt og nauðsynlegt.

Í menningarbyltingu, múgsefjun og áróðri er nefnilega fólgin lýðstjórnun. Það hljóta Jón og Gunna að hafa skynjað í bólusetningabyltingunni. Henni er reyndar ekki lokið. Nýjar veirur eru í smíðum.

Þegar skyggnst er að baki byltinganna er skilmerkilegast að beina sjónum að hagsmunum. Það orkar varla tvímælis, að lyfjaiðnaðurinn græddi á tá og fingri á bóluefnunum eins og öðrum lyfjum. Bólusetningaherferðin var öðrum þræði tilraun í múgsefjun, þ.e. kúska fólk til hlýðni og auðsveipni við að magna sóttarótta og kvíða.

En lyfjaiðnaðurinn á fleiri svör við ótta, kvíða og depurð. Stór hluti vestrænna þjóða er háður hinum ýmsu geðlyfjum, sem hann býður stórum og smáum upp á í boði hins opinbera og lækna. Skattgreiðendur borga brúsann. Allir þekkja væntanlega yfirgengilegar sjúkdómsgreiningar á ofvirkni og athyglisbresti hjá börnum. Færri gera sér þó grein fyrir, að geðlyf séu orðin ótrúlega algengur kostur barna, enda er hegðun þeirra stöðugt sjúkdómsgerð. Sums staðar er janvel talað fyrir skipulagðri leit að andlegum kvillum hjá skólabörnum yfirleitt.

Geðlyfjanotkun fullorðinna er beinlínis óhugnanleg. Rétt um fjórðungur Bandaríkjamanna neytir geðlyfja. Notkun þunglyndislyfja er ofur algeng. Það eru nokkur ár síðan, að þótti jaðra við læknamistök, væri slíkum lyfjum ekki ávísað, ef fólk kvartaði undan kvíða, depurð og tómleika.

Fólk útvegar sér einnig lyf handan opinberrar heilbrigðisþjónustu til að slæva þjáningar. Tæpar 48 milljónir Bandaríkjamanna svöruðu því til, að þeir hefðu neytt ólöglegra lyfja eða fíkniefna síðustu 30 daga. Könnunin er frá 2023.

Aukaverkanir þunglyndislyfja eru algengar. Það leiðir fjöldi rannsókna í ljós. En umræða um þær virðast vera feimnismál eins og aukaverkanir téðra bóluefna. Í nýlegri rannsókn frá Nýja Sjálandi segir 60% sjúklinga, að lyfin geri þá tilfinningalega dofna, 52% finnst þeir vera handan sjálfra sín og tæp 40% fundu til minni umhyggju í garð annarra. En innri ólga og tilhneigingar til ofbeldis gegn sjálfum sér og öðrum eru þó skelfilegastar.

Í Kanada er hópur sagnfræðinga, sem reynir að brjóta aflvaka menningarbyltinga til mergjar. Nýlega kom fyrir almennings sjónir fyrri hluti heimildarmyndar um hippabyltinguna og nýja tónalistarstrauma upp úr miðri síðustu öld. Myndir heitir því skuggalega nafni; „Djöfullinn í Woodstock.“ Þar er bent á þátt kvikmynda- og menningarauðjöfranna í Bandaríkjunum við að koma byltingunni á koppinn.

Það var líka um þær mundir, að auðjöfrarnir tóku upp á arma sér kvenfrelsunar- eða karlhaturshreyfinguna. Kynleysuhugmyndafræðin skaut þar síðar rótum.

Hvaða tilgangi þjónar að raska eða rústa viðteknum gildum, siðum, tilfinningum, þekkingu og hugsun og skapa umrót, óeiningu, ótta og fjandskap. Hverra hagsmuna er gætt? Líklega þeirra, sem fyrir vakir að deila og drottna.

Leyniþjónustumaðurinn sovéski, Yuri Alexandrovich Bezmenov (1939-1993), benti, árið 1984, á fjögur skeið samfélagsniðurrifs: siðrof, ójafnvægi, kreppa og nýsiðun (normalization). Hvar skyldum við vera stödd?

https://ageofmuses.substack.com/p/full-documentary-the-devil-at-woodstock?utm_source=cross-post&publication_id=440277&post_id=171760824&utm_campaign=260045&isFreemail=true&r=ry8jq&triedRedirect=true&utm_medium=email https://www.youtube.com/watch?v=pzeHpf3OYQY https://steigan.no/2023/02/antipsykotika-og-verdensherredomme/?utm_source=substack&utm_medium=email https://steigan.no/2025/08/antallet-analfabeter-oker-og-mange-havner-utenfor-arbeid-og-utdanning/?utm_source=rss&utm_medium=rss&utm_campaign=antallet-analfabeter-oker-og-mange-havner-utenfor-arbeid-og-utdanning https://steigan.no/2025/08/hvorfor-blir-det-flere-analfabeter-i-sverige-og-norge/?utm_source=rss&utm_medium=rss&utm_campaign=hvorfor-blir-det-flere-analfabeter-i-sverige-og-norge https://nypost.com/2025/07/27/us-news/americans-spend-nearly-half-their-day-online-whether-its-work-or-play-eye-opening-poll-shows/ https://www.live5news.com/2025/08/24/mom-believed-have-killed-husband-2-kids-before-killing-herself-apparent-murder-suicide-police-say/ https://drugabusestatistics.org/ https://expose-news.com/2025/08/25/we-are-medicating-our-children-to-death/?utm_medium=email&utm_source=es https://childrenshealthdefense.org/defender/psychiatric-drugs-chemical-restraints-children-mental-health/?utm_source=luminate&utm_medium=email&utm_campaign=defender&utm_id=20231219 https://civicscience.com/trend-to-watch-the-percentage-of-americans-taking-four-or-more-prescription-medications-daily-continues-to-rise/#:~:text=More%20Americans%20Are%20Taking%204,the%20least%20common%20option%20used. https://drmcfillin.substack.com/p/what-i-know-that-most-of-the-public?utm_source=post-email-title&publication_id=1656473&post_id=171192997&utm_campaign=email-post-title&isFreemail=true&r=ry8jq&triedRedirect=true&utm_medium=email https://expose-news.com/2025/01/24/the-side-effects-of-anti-depressants/?jetpack_skip_subscription_popup https://drmcfillin.substack.com/p/the-brainwashing-of-america?utm_source=post-email-title&publication_id=1656473&post_id=170674608&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.oecd.org/en/about/programmes/piaac.html https://www.breitbart.com/2nd-amendment/2025/08/28/report-attacker-who-opened-fire-during-catholic-school-mass-said-he-was-tired-of-being-trans/ https://michaeltsnyder.substack.com/p/the-irrepressible-emptiness-of-modern?utm_source=post-email-title&publication_id=1520363&post_id=172220519&utm_campaign=email-post-title&isFreemail=true&r=ry8jq&triedRedirect=true&utm_medium=email