Rændu börn Rússa

Alþjóða sakamáladómstóllinn (International Criminal Court – ICC) gaf út handtökuskipun á hendur Vladimir Putin og mannréttindafulltrúa barna, Maria Lvova-Belova.

Þau eru sökuð um rán (deportation) úkraínskra barna af stríðshrjáðum svæðum í Austur-Úkraínu. Þar heitir í Donbass. Íbúar eru flestir rússneskumælandi og neituðu að samþykkja valdrán Nató 2014. Stjórnin í Kænugarði sagði þeim þá stríð á hendur. Þar hafa fallið um 14.000 manns. Rússneskumælandi íbúar Krím höfðu áður farið sömu leið.

Nató hefur nú viðurkennt, að stríð þess í Úkraínu hafi hafist 2014.

Donbassbúar sendu ákall til Rússa um hjálp. Þeir höfðu forgöngu um tvo friðarsamninga, kennda við Minsk. Þá braut Úkraína með virkri hvatningu frá Vesturveldunum, sem hugðu flátt.

Friður var saminn til að gefa Úkraínumönnum og Nató andrými til að efla her sinn. U.þ.b. mánuði eftir, að Rússar réðust inn í Úkraínu, gerðu Úkraínumenn við þá friðarsamning. Honum var líka spillt af Vesturlöndum.

Donbassbúar eins og Krímverjar áður, óskuðu eftir innlimun í Rússland. Þingið, Dúman, varð við þeirri beiðni.

Samkvæmt alþjóðalögum (Law of Armed Conflict) um vopnuð átök ber stríðsaðiljum að vernda almenna borgara og stofnanir. Það var á þeim grundvelli, að Rússar hófu björgunarstarf árið 2014.

Almennum borgurum – og börnum vitaskuld – var komið í skjól, ýmist í Rússlandi eða í Donbass, enda þótt Rússar ættu þá ekki beina aðild að stríðinu. Mörg barnanna eru munaðarlaus. Þeim er séð fyrir fæði, húsnæði og menntun. Sum þeirra eru ættleidd.

Hlutlausir, erlendir fréttamenn eins hafa ekki þá sögu að segja, sem tvær síðustu ríkisstjórnir Íslands hafa sagt. Þær fylgja réttum söguþræði áróðursmiðla Vesturlanda. Áróðurssögunni hefur verið lyft á háskólastig af skrifstofu í Yale háskóla, sem er fjármögnuð af bandarískum yfirvöldum. Sögu fréttamannanna má lesa í hjálögðum krækjum.

Fyrrverandi utanríkisráðherra Íslands segir mörlandanum nefnda áróðurssögu. Hún fer hér á eftir: (Viðtal á morgunvaktinni á rás 1 18. ágúst 2025).

Þórdís Kolbrún lýsir þeirri sannfæringu sinni að virða eigi alþjóðleg landamæri Úkraínu og styðja enn við bakið á þjóðinni við að uppræta spillingu, og berjast fyrir lýðræði, mannréttindum og frelsi. Til þess hafi þjóðin einmitt kosið Volodomyr Zelensky til valda.

Árangur úkraínska foringjans hafi skelft Vladimir Putín, „yfirlýstan stríðsglæpamanninn,“ og því hafi hann hafið „allsherjarinnrás“ í Úkraínu. En Þórdís Kolbrún telur, að en geti Úkraínumenn unnið stríðið með stuðningi Vesturlandabúa.

Vondi-Valdi á ekki að komast upp með að „taka land og terrorisera“ fólk. Það er óneitanlega „dálítið óþolandi,“ segir Þordís Kolbrún. Hann rennir hýru auga til Evrópu. Það á heldur ekki að semja við forsetann rússneska, því hann heldur ekki samninga.

Steininn tók þó úr, þegar Vondi-Valdi tók að ræna börnum Úkraínumanna. Úkraínsk yfirvöld eiga í fórum sínum – samkvæmt Þórdísi Kolbrúnu – lista yfir tugþúsundir rændra barna. Hún upplýsir enn fremur, að Yale háskóli í Bandaríkjunum sé að „trakka“ 35.000 börn.

En útlitið í þessu efni er miklu svartara segir utanríkisráðherrann fyrrverandi, því á yfirráðasvæði Rússa í Úkraínu hafi þeir stolið (allavega eru börnin týnd og tröllum gefin) 1.6 milljón barna.

Þordís Kolbrún fer ekki í grafgötur með, hver örlög þeirra séu: „… þau eru heilaþvegin, ættleidd, sögu þeirra er eytt.“ Rússar undirbúa þessi börn fyrir hermennsku og til að „ráðast á móðurlandið sitt og mögulega einhverja aðra.“

Væntanlega mun sagan geyma minningu Þordísar Kolbrúnar sem versta utanríkisráðherra í sögu þjóðarinnar, m.a. fyrir að slíta stjórnmálasambandi við Rússa.

Það gætu verið þessir heilaþvegnu hermenn, sem sitjandi utanríkisráðherra, Þorgerður Katrín – sem er einlægur aðdáandi forveru sinnar - óttast að muni skulda á Frón og ræna börnum mörlandans eins og Hundtyrkir frá Alsír forðum. Þess vegna m.a. ætlar hún að kaupa okkur kafbát.

p.s. Herþjálfunarbúðir Úkraínumanna fyrir börn þykja hvorki sakarefni né fréttir.

https://www.ruv.is/utvarp/spila/morgunvaktin/23614/ave15d https://savageminds.substack.com/p/a-new-foreign-policy-for-europe?utm_source=post-email-title&publication_id=65949&post_id=171418509&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.globalresearch.ca/military-training-for-young-children-at-ukraines-neo-nazi-summer-camp-recruitment-of-ukraines-child-soldiers-financed-by-us-nonlethal-military-aid/5472801 https://www.globalresearch.ca/ukraine-repression-leads-to-humanitarian-crisis-thousands-of-refugees-leaving-donbass-for-russia/5386745 https://michelchossudovsky.substack.com/p/icc-arrest-warrant-vladimir-putin?utm_source=post-email-title&publication_id=1910355&post_id=171281625&utm_campaign=email-post-title&isFreemail=true&r=ry8jq&triedRedirect=true&utm_medium=email