Eistar ybba kíf og ætla í stríð með Íslendingum

Þegar tíðindamanneskja RÚV spurði utanríkisráðfrú Íslands, Þorgerði Katrínu Gunnarsdóttur, að því, hverju Íslendingar ætluðu sér að verjast í boðaðri öryggisáætlun, m.a. með kafbátakaupum, svaraði hún því til, að Íslendingar þyrftu að verjast Rússum, vegna þess, að þeir skemmdu neðansjávarstrengi og stælu börnum eins og Hund-Tyrkir forðum daga.

Hvort tveggja er að öllum líkindum tilbúningur úr smiðju upplýsingaherdeilda Vesturlanda með bresku snillingana á oddinum. Óháðir blaðamenn, sem hafa grafist fyrir um meint barnrán hafa ekki fundið neitt misjafnt. Sama máli gildir um skemmdir kínverskra og rússneskra skipverja á neðansjávarstrengjum.

En það er ekki bitið úr nálinni. Eistar hafa lagt hendur á skipshöfn rússnesks olíuskips úr svokölluðum skuggaflota Rússa. Um er að ræða skip, sem Loyds í Lundúnum neitar að tryggja. Það er þáttur í viðskiptaþvingunum á þá.

Eistar – ásamt hinum Eystrasaltsþjóðunum – eru meðal herskáustu þjóða og hafa tilkynnt þátttöku í félagi hinna „viljugu þjóða“ til að andæfa tilburðum Donald John Trump til friðarsamninga. Félagið vill meira stríð.

Hinn nýi kanslari Þýskalands, Friedrich Merz – sem Gilbert Doctorow líkir í sjálfan Adolf Hitler - virðist nú ætla að taka forystuna frá hinum fulltrúum alþjóðaauðvaldsins, Emmanuel Macron og Keir Starmer. Allir eru þeir lærisveinar Klaus Schwab, stofnanda Alheimsefnahagsráðsins (World Economic Forum).

Friðrik er afar stríðsgraður og lofar að senda Volodymyr sprengjuflaugar, sem gætu dugað til að eyðileggja skotmörk í Rússlandi eins og Kersch brúna, sem Bretum og Úkraínumönnum mistókst að gjöreyðileggja.

Eins og fólk væntanlega hefur haft veður af er nýju lífi nú blásið í upplýsingahernaðinn. RÚV þylur áróðursskeyti frá Volodomyr Zelensky í belg og biðu. Það mætti ætla, að RÚV sé orðið almannatengill fíkniefnaforsetans. Hinn hörmulegi atburður í Sumy, þar sem almennir borgarar voru drepnir í árás Rússa, er vel til áróðurs fallinn.

Volodomyr og RÚV halda því fram, að nú hafi Rússar brugðið út af venjunni og tileinkað sér árásarsiði Úkraínumanna, þ.e. að gera sérstakar árásir á almenna borgara. Sjálfir segja þeir, að skotmarkið hafi verið samkoma úkraínskra hermanna og Nató-liða. Yfirvöld buðu hins vegar almennum borgurum að taka þátt, segja þeir.

Andstyggilegur atburður, sem andófsfylkingin í hirð Dónaldar Jóns – nú undir forystu Keith Kellogg, sem markvisst andæfir samningamanni forsetans – gerir sér mat úr.

Alþjóðlegt auðvald gefst ekki svo auðveldlega upp. Það ætlar að sölsa undir sig auðævi Rússlands, sama, hvað tautar og raular. Aukin heldur eru stríð arðvænleg.

En kannski leggst stríðsauðvaldinu til íslenskur her, floti, herskipahöfn í Finnafirði og gríðarstór flugvöllur á Melrakkasléttu. Það gæti skipti sköpum. Og svo ætlar Þorgerður sem sagt að kaupa sér kafbát og jafnvel endurnýja kafbátalægin í Hvalfirði.

Svo innan skamms mætti jafnvel vænta þess, að Hvalur dragi rússnesk skemmdarverka- og njósnaskip að landi fremur en hvali. Það yrði að sönnu hvalreki fyrir sameiginlegar varnir friðelskandi lýðræðisþjóðir Vesturlanda.

https://krisis.info/it/2025/04/aree/europa/thomas-fazi-precisi-interessi-materiali-spingono-i-leader-europei-a-perpetuare-il-conflitto-in-ucraina/ https://gilbertdoctorow.com/2025/04/15/friedrich-merz-the-most-dangerous-german-leader-since-adolf-hitler/ https://sonar21.com/when-alleged-western-military-experts-insist-that-russia-is-not-making-progress-just-show-them-this/ https://korybko.substack.com/p/explaining-russias-restrained-response?utm_source=post-email-title&publication_id=835783&post_id=161277387&utm_campaign=email-post-title&isFreemail=true&r=ry8jq&triedRedirect=true&utm_medium=email https://korybko.substack.com/p/sumy-war-crime-terrible-mistake-or?utm_source=post-email-title&publication_id=835783&post_id=161366947&utm_campaign=email-post-title&isFreemail=true&r=ry8jq&triedRedirect=true&utm_medium=email