Stórar, saklausar stelpur og graðir græskugaurar. Kynrándýr

Mér hefur stundum dottið í hug, að Alþingismenn og RÚVarar væru með kynofbeldi á heilanum. Fréttaval RÚV hefur nefnilega oft og tíðum valdið mér heilabrotum.

Einu sinni var til að mynda sagt frá afa í indversku fjallaþorpi, sem sýnt hafði stúlkuskinni ósæmilega kynhegðun. Öðru sinni var mikið úr því gert, að kvenfélagsráðgjafi í Kenýu hefði sagt frá því, að landamæraverðir færu fram á kynmök við konur á faraldsfæti.

Áður en «mee-too-bylting» RÚV brast á, valdi miðill allra landsmanna að velja frétt af karlklerki í Danmörku, sem borinn hafði verið sökum um „kynbundið“ ofbeldi. Svo virðist sem danskar fréttir hafi vakið sérstaka athygli fréttamanneskja miðilsins um þær mundir, því einnig var fjargviðrast yfir strákum, sem hópnauðguðu ungri stúlku. En það þótt ekki fréttnæmt, þegar fórnarlambsgyðjan viðkenndi að hafa logið til um verknaðinn. Slíkt athæfi er reyndar ekki fágætt.

Öðruvísi mér áður brá, þegar RÚV skýrði frá „ástarsambandi“ fyrrverandi barnamálaráðfrú við unglingspilt, þá kona snemma á þrítugsaldri. Það minnti mig á mál frá Zimbave, þar sem fullorðin kona hlaut alþýðudóm fyrir samræði við fimmtán ára pilt. En hvað um það? Ráðfrúin sagði af sér ráðfrúardómi. Flokksforleghafi hennar sagði það hetjudáð.

Sitt sýndist hverjum og nú upphófust í miðlum landskvenna miklir útreikningar á aldri elskenda og getnaði. Karlar snerust til varnar ráðfrúnni eðli málsins samkvæmt, því þeir eru forritaðir til að bjarga leghafa í neyð. Höfð voru kunnugleg endaskipti á hlutverkunum.

Strákhvolpurinn var gerður að ódæðismanni, graður og ófyrirleitinn eins og karlmenn eru frá náttúrunnar hendi. Aukin heldur gerðist þetta fyrir löngu síðan, áður en kvenfrelsarar uppgötvuðu „kynbundið ofbeldi.“

Sökum þessa máls, er kvenfrelsunareyjan í Atlantshafi orðin fræg utan landssteina. Í Kanada gerir hin glögga Janice Fiamengo grein fyrir sinni afstöðu. Hún er fróðleg.

Kynofbeldi kvenna er venjulega litið öðrum augum en ofbeldi af karla hálfu, jafnvel skilgreint burtu, segir Janice. Samtímis er sjaldnast um það fjallað. En hún er svo óforskömmuð að gera það.

Janice vekur einnig máls á annars konar ofbeldi af hálfu kvenna. Í fróðlegri grein fjallar Janice um Jacquline Ma, hálffertugan grunnskólakennara. Jacqueline var kosin „kennari ársins.“

Þegar betur var að gáð um afrek kennarans, kom í ljós, að hún er síbrotaleghafi, sem hafði beitt fjölda stráklinga kynofbeldi. En svo undarlega bar þó við, að maður gekk ekki undir manns hönd til að afsaka hátterni hennar. Ætli vindar séu að snúast? En þó, varla!

Sumir fjölmiðla völdu svipaða leið og RÚV og töluðu um „kynlífssamband“ verðlaunakennarans og nemendanna. Kennarinn er stundum kölluð „stúlka“ í fjölmiðlaumfjölluninni. Það er líka kunnugleg leið til að brengla veruleikann, bera blak af konum og um leið að virkja „hvíta riddarann“ í fari karlmanna.

Íslensku reiknimeistararnir komust að svipaðri niðurstöðu með barnaráðfrúna, sem ýmist var sögð 22 eða 23. Þegar betur er að gáð, hefur verið fjallað um svipuð mál í erlendum fjölmiðlum með keimlíkum hætti.

Kynjafræðingar, bæði í íslenskum háskólum og erlendum, hafa haldið því fram, að karlmenn væru eitraðir. Það er t.d. skír boðskapur Stígamóta og Kvennaathvarfanna, sem njóta stuðnings hins opinbera og starfa í náinni samvinnu við RÚV, eitt af höfuðvígjum sameinaðra kvenfrelsara á Íslandi.

Kvenfrelsunargyðjan, Susan Brownmiller, segir t.d.: „Það gæti talist ein þýðingarmesta uppgötvunin á forsögulegum tíma, þegar karlinn komst að því, að reðnum mætti beita til að skapa ótta. [Uppgötvun sem] er hliðstæð uppfinningu steinaxarinnar og beislun eldsins.“

Af þessu má sjá, að konan varð fórnarlamb karla snemma í þróunarsögu mannkyns. Og það er hún vissulega enn eins og sést á „bakslaginu“ í kvenréttindabaráttunni. Konur eru óþreytandi að benda á þessa staðreynd. T.d. muna konur vafalaust sérstakar þjáningar sínar, meðan á síðasta veirufári stóð.

En íslensk þjóð stendur með konum, trúir þeim ávallt eins og Kvenfrelsunarstofnun Sameinuðu þjóðanna boðar. Alþingi Íslendinga er meira að segja orðið eins konar sálarhreinsunarstofnun fyrir saklausar þingkonur, sem hafa persónulegra harma að hefna gegn karli.

Og svo er líka „Á allra vörum“ þörfin fyrir að smíða skjól handa konum á flótta, sbr. auglýsingar í RÚV; angistarfull móðir á drungalegu berangri með stálpað barn í fanginu. Það fer ekki milli mála, hvað hún er að flýja. Kvenflóttamönnum fjölgar í réttu hlutfalli við stigmögnun kvenfrelsunarstríðsins.

RÚV rennur þó ekki blóðið til skyldunnar, þegar athvarf karla er annars vegar.

Kvenfrelsunarforseta lýðveldisins flökrar heldur ekki við því að dylgja um kynofbeldi íslenska karla á kvenfrelsunarfundum í útlöndum.

Til allrar hamingju er löggjafinn árvökull og á verði gegn kynbundnu ofbeldi. Fyrir löggjafarþingi Ohio-ríkis liggur nú fyrir lagafrumvarp þess efnis, að það skuli glæp að telja, hafi karlmaður samræði við konu, nema hann ætli sér að „eignast barn.“

Það er svo sem skiljanleg þverstæða, því það er í eðli sínu dæmi um kúgun karla, að kona eignist barn. Svo skorast karlófétin iðulega undan þriðju vaktinni.

Sums staðar eins og í Ástralíu, hafa stjórnvöld stofnað „Karlhátternisráðuneyti“ til að koma böndum á eitraða karlmennsku, reðurofbeldi og hundsun þriðju vaktarinnar. Það gæti verið hugmynd í íslensku kvenfrelsunarparadísinni að fara að dæmi Ástrala.

Í Ástralíu eru konur líka að sölsa undir sig ríkisvaldið. Í álfunni eru þó karlmenn, sem hreyfa mótmælum. Íslenskir karlmenn eru of bleikir til þess arna – sisvona yfirleitt.

Kolbrún Bergþórsdóttir talar um „píkudýrkun.“ Janice segir kvenfrelsunarfræðin hættuleg gervivísindi. En vér mótmælum því vitaskuld allar og öll. Líka Þorsteinn Einarsson.

https://www.visir.is/g/2019190339981/pikudyrkun-?fbclid=IwY2xjawHpEERleHRuA2FlbQIxMQABHSTqNEmaiuZ2yY1JBHxghU1ZHRj7TkRjyoTCkiTcqbywK9JW7NjnSyGx8Q_aem_ovTTHH9HoEvFFkXl2sSgFQ https://www.nutiminn.is/featured/kynjafraedi-er-visindagrein/?fbclid=IwY2xjawH999lleHRuA2FlbQIxMQABHVYVUxQR84misKVZjopRlbTXbeDciOWiwf6rrYqMB8wj4z2ZmA7GLgtfWA_aem_JiOcsi1fOXKW5EG3U4itJg https://bettinaarndt.substack.com/p/former-family-court-judge-spills?utm_source=post-email-title&publication_id=448263&post_id=160304172&utm_campaign=email-post-title&isFreemail=true&r=ry8jq&triedRedirect=true&utm_medium=email Laura Caron arrested: Middle Township Elementary School teacher accused of having sexual relationship and baby with student - 6abc Philadelphia Shocking excuse of female teacher with stripper pole 'who dreamt of sex with boys then raped 10 of them' | Daily Mail Online Former Calif. 'Teacher of the Year' pleads guilty to sexual misconduct with students https://fiamengofile.substack.com/p/worldwide-pandemic-women-most-affected?utm_source=post-email-title&publication_id=846515&post_id=159533465&utm_campaign=email-post-title&isFreemail=true&r=ry8jq&triedRedirect=true&utm_medium=email https://fiamengofile.substack.com/p/pity-the-white-feminists?utm_source=post-email-title&publication_id=846515&post_id=158132286&utm_campaign=email-post-title&isFreemail=true&r=ry8jq&triedRedirect=true&utm_medium=email https://fiamengofile.substack.com/p/fake-feminist-bills-and-histrionic?utm_source=post-email-title&publication_id=846515&post_id=157706032&utm_campaign=email-post-title&isFreemail=true&r=ry8jq&triedRedirect=true&utm_medium=email https://fiamengofile.substack.com/p/feminism-is-a-dangerous-pseudo-religion?utm_source=post-email-title&publication_id=846515&post_id=158632214&utm_campaign=email-post-title&isFreemail=true&r=ry8jq&triedRedirect=true&utm_medium=email https://fiamengofile.substack.com/p/sexual-misconduct-looks-different?utm_source=post-email-title&publication_id=846515&post_id=160198811&utm_campaign=email-post-title&isFreemail=true&r=ry8jq&triedRedirect=true&utm_medium=email