Rússneska lánið og börn Júdasar; Gyðingarnir

Moses Mordecai Levy (1818-1883), betur þekktur sem Karl Heinrich Marx, fæddist í Trier í Þýskalandi. Þar ólst hann upp í efnaðri Gyðingafjölskyldu. (1)

Karl var afkastamikill fræðimaður. Rit hans eru í senn undirstaða hagfræða, samfélagsfræða og byltingarfræða. Flestir þekkja hann sem höfuðsmið byltingarkenninga.

En Karl lét málefni líðandi stundar til sín taka, m.a. svokallaðan „Gyðingavanda“ (Judenfrage). Það er einkar fróðlegt og lærdómsríkt að glugga í skrif hans með hliðsjón af heimsmálunum um þessar mundir.

Þann fjórða janúar 1856 birtist grein eftir Karl í “New York Daily Tribune,“ undir fyrirsögninni; “Rússneska lánið.” Gyðinga kallaði hann “Börn Júdasar.” Hér fylgja nokkrar glefsur:

„Því er það, að bakhjarl sérhvers harðstjóra er Gyðingur, eins og Jesúíti [hermaður Guðs eða páfa] sérhvers páfa. Í sannleika sagt, fengu fýsnir kúgarans ekki útrás og framkvæmd stríða væri óhugsandi, ef ekki gætti … reytings Gyðinga, sem létu greipar sópa um vasa [fólks]. … Verkið sjálft er unnið af Gyðingum og aðeins þannig getur það verið. Því þeir einoka svikamylluna (machinery), hina dularfullu lánamyllu, með því að leggja megináherslu á verslun með lánaábyrgðir. ..

Hér og þar og hvarvetna, þar sem leitað er fjárfestingar fyrir smáræðisfjármagn, er ævinlega einhver þessara smáu Gyðinga tilbúinn til að veita ráð eða leggja af mörkum eða ráðstafa litlum hluta lánsins….

Með þessu móti verða lánin að hamingju fyrir börn Júdasar, en bölvun almenningi, rýja lántaka inn að skinninu og skapa ríkisstjórnum hættu. Samtök lánabraskara Gyðinga eru jafn viðsjárverð fólki og samtök landeigendaaðalsins. … Þau eru gríðarleg auðævin, sem þessir lánaprangarar raka saman. Enn er farið í launkofa með þau rangindi og þjáningar, sem almenningur er látinn sæta, svo og hvernig kúgararnir sækja í sig veðrið fyrir bragðið.

Staðreyndin er sú, að fyrir 1855 árum síðan rak [Jesús] Kristur lánaprangarana út úr hofinu. Það er kannski ekki einskær, söguleg tilviljun, að lánadrottnararnir í þjónustu harðstjóranna á voru méli, séu [líka] að miklu leyti Gyðingar.

Lánaprangarar meðal Gyðinga Evrópu stunda einungis það í meira og andstyggilegra mæli, sem margir aðrir stunda í smærri sniðum og þýðingarminni. En það er einungis vegna þess, að Gyðingar eru svo valdamiklir, að nú er hyggilegt að fletta hulunni af samtökum þeirra og úthrópa.“

Karl setti fram svipaðar hugleiðingar í ritinu, „Hinni heilögu fjölskyldu: „„… mestu varðar að losna úr viðjum Gyðingleika hins borgaralega samfélags, ómennskrar samtímatilveru, sem tákngervist fjármálakerfinu.“

Svipaðar vangaveltur og staðhæfingar má finna í greininni „Gyðingavandanum“ (On the Jewish Question), sem kom fyrir almennings sjónir 1844:

„Um leið og tekst að uppræta raunkjarna Gyðingsdóms – brask og forsendur þess – hverfur Gyðingurinn, því vitund hans hefur ekki lengur rætur í veruleikanum. … Félagsleg frelsun Gyðingsins er frelsun samfélagsins frá Gyðingdómi.“

„Frelsun undan braski og peningum, og þar með undan starfsemi raunverulegs Gyðingsdóms, ber að skoða sem frelsun nútíma samfélags. Samfélagsskipulag, sem fjarlægði forsendur til að geta braskað og þar með braskið sjálft, myndi kippa fótunum undan Gyðingnum. …

Þess vegna má í Gyðingdómi bera kennsl á [þennan] almenna, andfélagslega þátt í samfélagi samtímans. Gyðingar hafa ötullega lagt af mörkum til þessarar meinsemdarþróunar, sem í sögulegu samhengi hefur náð hæsta stigi og hlýtur því að fara að leysast upp.

Óraunverulegt þjóðerni Gyðingsins er þjóðerni kaupahéðinsins eða fjárplógsmannsins – almennt talað. Órökstudd lög Gyðingsins ber að líta á sem skopstælingu haldlauss siðferðis og réttar - almennt séð. [Um er að ræða] inntakslausa helgisiði, umsveipaða sjálfshagsmunasemi.

Hann [Gyðingurinn] lítur svo á, að hann njóti þess réttar að greina sig að frá öðru fólki. Það er grundvallarregla hans að taka ekki þátt í sögulegri framvindu. [Gyðingurinn] horfir til framtíðar, þar sem mannkyn að öðru leyti kemur ekki við sögu. Hann lítur á sjálfan sig sem þegn Gyðingaþjóðar, útvalinnar Gyðingaþjóðar …“

Hugleiðingar Karls eru fróðlegar. Og spámannlega vaxinn var hann. Gyðingar af hans stofni, þ.e. Ashkenazi Gyðingar, ólu á draumum um ríki Gyðinga og alheimsyfirráð, og beittu fjármagnsvaldi sínu til að hlutast til um tvær heimstyrjaldar eða þrjár, ef marka má orð Albert Pike (1809-1891), sem var æðstistrumpur í Frímúrarareglunni. Henni beittu auðjöfrar meðal Gyðinga (og fleiri) oft og tíðum fyrir sig. Albert sagði þriðju heimstyrjöldina myndu brjótast út í Vestur-Asíu. Hann er nákvæmari en Völuspá.

Gyðingar hafa enn þá veruleg ítök í fjármálum heimsins og því stjórnun hans. Sömu Gyðingafjölskyldur, og ríktu á ævi Karls, sitja sem fastast við kjötkatlana enn þann dag í dag. Alheimsauðvaldið á nú um 99% allra auðæva heims og stefna markviss að Alheimsríkinu.

Áfangar í þessari þróun voru stofnanir eins og Þjóðabandalagið og Sameinuðu þjóðirnar, Alþjóðaseðlabankinn (Bank of International Settlements), Alþjóðabankinn og Alþjóðagjaldeyrisvarasjóðurinn.

Aðferðirnar eru í meginatriðum þær sömu; skuldsetningarvald, hugmyndafræði- og undirróðursvald, upplýsingavald og vopnavald. Rothschildfjölskyldan starfaði samkvæmt reglunni; sá, er býr yfir peningavaldinu, stjórnar samfélaginu.

Á líðandi stundu eiga nokkrir fjárfestingasjóðir meginhluta allra eigna og atvinnurekstrar í veröldinni.

(1)Stálpaður var Marx skírður til kristinnar trúar. Vafi leikur á, hvort hann hafi einnig verið skírður því gyðingalega nafni, sem þekkt er úr ýmsum heimildum.

Helgi Viðar Hilmarsson hefur grúskað heilmikið um efnið, m.a. fundið upphaflegt fæðingarvottorð. Hann segir: „Ég tel að gyðinglegt nafn hans [Karl Marx) hafi aðeins verið notað innan fjölskyldunnar og gyðingasamfélagsins. Ljóst er að hann fær nafnið Carl strax við fæðingu og það er því ekki seinni tíma breyting vegna skírnar til lútherskrar trúar.“

Heimildir Helga Viðars: https://marxists.architexturez.net/archive/marx/letters/misc/1818-bc.htm https://germangirlinamerica.com/wp-content/uploads/kurrent.jpg karl marx geburtseintrag standesamt trier günther jauch

Aðrar heimildir: https://en.wikipedia.org/wiki/Jewish_question https://www.jewishpress.com/sections/features/features-on-jewish-world/karl-marx-a-self-hating-jew/2019/05/08/ https://arnarsverrisson.blog.is/blog/arnarsverrisson/entry/2311862/