Tátiljujötnarnir í Jemen. Aðgerð Hagsældarvörður (Prosperity Guardian)

Ein fárra þjóða í veröldinni tóku Jemenar upp á því að styðja við bakið á frænkum sínum á Gaza. Öndvert við það sem flestir gera, lásu þeir ekki alþjóðalög eins og fjandinn Bíblíuna. Lög bjóða þjóðum heims nefnilega að steðja til hjálpar, þegar þjóðarmorð er framið.

Um er að ræða þann hluta þjóðarinnar, sem stundum er kenndur við Ansar Allah (skæruliða Guðs) hreyfinguna eða Húta (Houthis). Ansar Allah hreyfingin var stofnuð 2003 af Sayyed Hussein Badr al-Din al Houthi (1959-2004).

Nafnið vísar til ættkvíslar af ættbálki Hamdani í Norður-Jemen, deild í Banu Hamdan ættstofninum. Deildin rekur ættir til Zayd ibn Ali ibn Hussein (695–740), sem kom til Jemen á áttundu öldinni. Forfeðurnir höfðu gert uppreisn gegn Umayyad kalífatinu á sínum tíma. Hann nýtur virðingar sem sögulegur trúarleiðtogi, bæði meðal Sunni og Sía (Shia) múslíma.

Hreyfingin var stofnuð til að veita andóf Ali Abdullah Saleh (1947-2017), fyrrum forseta. Hann naut stuðnings Sáda og Vesturlanda í borgarastyrjöldinni, sem fylgdi í kjölfarið 2014.

Ali Abdullah skundaði umsvifalaust á fund Bandaríkjaforseta, eftir að hann lýsti yfir styrjöld gegn hryðjuverkamönnum í Vestur-Asíu í kjölfar 9/11, minnugur refsingar Bandaríkjamanna, þ.e. aðstoðarmissi, þegar Jemenar þráuðust við að fylgja honum að málum við innrásina í Írak. „Þeir, sem ekki fylgja okkur, eru andstæðingar okkar,“ sagði George yngri.

Ali Abdullah gerðist þó um hríð bandamaður Húta og snerist gegn varaforseta sínum, Abdrabbuh Mansur Hadi, sem Vesturveldin, Sádar og Sameinuðu furstadæmin, treystu betur til að gæta hagsmuna sinna, þ.e. að koma á lýðræði í Jemen. En það sló í brýnu og Hútar drápu fyrrum forseta sinn.

Um árabil logaði allt í óeirðum hagsmunaaðilja og ættflokka, málaliða Alkæda og Isis, svo og bandarískra leigumorðingja, sem Sameinuðu furstadæmin sendu ríkisstjórninni til hjálpar – til að berjast gegn hryðjuverkamönnum, sem herja á hinn frjálsa heim, sögðu þeir.

Á meðan lét stjórn Sádi-Arabíu rigna sprengjum yfir landsvæði Húta. Vopnin komu frá Bandaríkjunum í forsetatíð Barrack Obama og Donald Trump (fyrri forsetatíð).

Vesturlandabúar vilja iðulega hafa, að Hútar séu staðgengilsstríðsmenn Írana og því hryðjuverkamenn. En því er ekki að heilsa, segja Hútar. En bandmenn eru Íranar og Hútar.

Hútar eru sárfátækir, en búa þó yfir langdrægum ofurhraðaeldflaugum, sem þeir notuðu til að ógna olíuiðnaði Sáda. Það dróg úr þeim mestu bardagagleðina. Flaugarnar hafa þeir bæði sent Ísraelum og skipum þjóða, sem styðja þjóðarmorð Samrunaheimsveldisins (Ísraela, Bandaríkjamanna og Breta) á Gazabúum, Palestínumönnum.

Þannig komu stríðsmenn Húta að miklu leyti í veg fyrir, að aðföng bærust til Ísraels um Adenflóa og Rauðahafið. Þeir hafa laskað herskip, fælt þau frá, skotið niður orrustuflugvélar Bandaríkjamanna og tekið ísraelsk kaupskip herfangi. Hútar beita einnig fjarstýrðum sprengjufleyjum. Samtímis hafa þeir unnið skemmdarverk á neðansjávarstrengjum og truflað þannig fjarskiptasamband milli Evrópu og Asíu.

Eins og nærri má geta snerust Bandaríkjamenn, Bretar, Sádi-Arabar og Ísraelsmenn til varnar. Eins og stundum áður í stríðum Breta og Bandaríkjamanna tóku Norðmenn einnig þátt. Það sætir undrum, að þessi miklu herveldi hafi þurft að hörfa undan tátiljuhermönnum Jemena. Hernaðaraðgerðir þeirra gegn Jemen (Aðgerð Hagsældarvörður) voru aldrei samþykktar af Sameinuðu þjóðunum.

Vesturveldin létu að sönnu rigna yfir Húta sprengjum, en allt kom fyrir ekki. Jemenar láta engan bilbug á sér finna. (Mæli með athyglisverðu viðtali, sem Max Blumenthal hjá Greyzone átti við einn leiðtoga þeirra, Mohammad al-Bukhaiti.)

Mohammad er hvergi deigur, segir Jemena muni svara í sömu mynt, ef Ísraelar og Nató ráði leiðtoga þeirra af dögum eins og leiðtoga Íran, Írak, Líbíu og fleiri. Enginn virðist óhultur. Fyrrum bandamenn eins og Saddan Hussein (1937-2006) og Osama bin Laden (1957-2011) eru vegnir, þegar þeirra er ekki þörf lengur.

Það er mikill sannleikur í orðum Henry (Heinz) Kissinger (1923-2023), að það sé varasamt að vera óvinur Bandaríkjanna, en lífshættulegt að vera vinur þeirra.

Þegar velt er vöngum yfir djörfung og einurð Jemena, er óhjákvæmilegt að líta um öxl og skoða söguna.

Upp úr síðustu aldamótum sömdu Donald Rumsfeld (1932-2021), varnarmálaráðherra Bandaríkjanna, og Arthur Karl Cebrowski (1942-2005), flotaforingi, áætlun um að eyða öllum stjórnarinnviðum ríkja í Miðausturöndum hinum meiri (Greater Middle East), þ.e. svæði, sem teygir sig frá Algeríu til Kasakstan og Sómalíu, að undanskildu Ísrael og Marokkó.

Írak og Afganistan eru bæði fallin (og risin upp aftur), arabíska vorið, þar sem Bandaríkin kyntu undir óánægju með stjórnvöld, er liðið. Sýrland féll í fyrra. Eftir standa Íran og Jemen. Líbanon – nema suðurhlutinn – er leppríki Bandaríkjanna eins og Jórdan og Egyptaland. Sádi-Arabar eru nánir bandamenn eins og furstadæmin við Persaflóa.

Áætlanir Ísraels (Oded Yinon plan) um að leggja undir sig Líbanon og Sýrland (A Clean Break: A New Strategy for Securing the Realm) eru samhæfðar fyrrgreindri hernaðaráætlun Bandaríkjamanna.

Bandaríkin hafa um tveggja áratuga skeið vopnvætt Sádi-Araba og furstadæmin til árása á Jemena. Þetta er hernaðarbandalag mesta herveldis allra tíma og ríkustu þjóða veraldar gegn einu fátækasta ríki heims.

Frá því skömmu eftir aldamót hafa þeir sjálfir gert um fjögur hundruð árásir á landið úr lofti, láði og legi. „Flotaselirnar“ (Navy Sea, Air, and Land Teams - SEAL) frömdu 2017 – í forsetatíð Donald Trump - fjöldamorð á almennum borgurum.

Í þessu ljósi er Þjóðaröryggisstefna Bandaríkjanna frá 2022 óneitanlega fróðleg:

„… Bandaríkin munu ekki leyfa erlendum ríkjum … að hleypa í uppnám frjálsum siglingum um leiðir í Miðausturlöndum. Það á við um Hormuz-sund og Bab al Mandab. [Sundið milli Jemen annars vegar og Eritrea og Djíbútí hins vegar.] Ei heldur munum við þola nokkru ríki yfirgang gagnvart öðru – eða heimshlutanum – með hernaðaruppbyggingu, árásum eða ógnum.“

Jemenar standa enn keikir, þrátt fyrir linnulausar árásir, síðan 2014. Um 400.000 manns hafa beðið fjörtjón. Um tvær milljónir íbúa eru á vergangi. Efnahagur Jemena hefur einnig beðið mikið tjón vegna árása og rána á skipum þeirra og gasauðlindum undan ströndinni. Viðskiptaþvinganir hafa valið skelfilegu tjóni og hungursneyð.

Barátta Húta í þágu systra þeirra á Gaza er mörgum torskiljanleg. Þeir uppskera bara eld og eimyrju frá flestum nágranna og Vesturlöndum. Leiðtogi þeirra, Mohammaed Al-Bukhaiti, reynir að útskýra:

„Hin raunverulega sannprófun siðgæðisins – eru aðgerðir til stuðnings hinum kúguðu… Og hver sá, sem lætur hjá líða að bregðast við þjóðarmorðsglæpnum … hefur tapað mennsku sinni. …

Siðgildi … taka ekki breytingum eftir kynþætti eða trú hlutaðeigandi. … Ef um væri að ræða annars konar fólk, sem þola mætti sams konar óréttlæti og Palestínumenn, myndum við bregðast við því til stuðnings, án tillits til trúarbragða eða kynþáttar. …

Þjóð Jemena er umhugað um … að beita sér fyrir réttlátum friði, sem tryggir virðingu og öryggi þjóða hvarvetna.“

Í orrahríðinni miðri hópast almennir borgarar á götum úti og hrópa: „Við munum halda aðgerðum okkar áfram. Hættið árásum. … Við stöndum með ykkur, Al-Qassam hersveitunum, [sem berjast gegn Ísraelum á Gaza] … þar til sigur er í höfn.“

Skiljanlega fara fáir meira í taugarnar á Vesturlandabúum en Hútar. Þeir vilja ekki bogna, rífa kjaft, kúga konur og láta ekki eftir auðlindir sínar. Konur voru reyndar, þrátt fyrir meinta kynkúgun, virkir þátttakendur í andófi Húta og fylgismanna. Það voru uppreisnarhetjur þeirra á meðal.

Leiðtogi mannréttindabaráttunnar í Jemen, sem hófst af alvöru nokkrum árum áður en svokallað arabískt vor skall á, var hin hugumstóra, gáfaða og kjarkaða kona, Tawakkol Abdel-Salam Khalid Karman (f. 1979), friðarverðlaunahafi Nóbels, og leiðtogi „Óhlekkjaðra kvenblaðamanna“ (Women Journalists Without Chains). Hún var studd af Hútum.

Athygliverð kona fyrir margra hluta sakir, Tawakkul! Innblástur sótti hún til föður síns, Mathama Gandhi (1869-1948), Nelson Mandela (1918-2013) og Benazir Bhutto (1953-2007) m.a.. Hún bauð herforingjunum byrginn, barði sér á brjóst og sótti í sig veðrið. Karlarnir fylgdu henni og studdu á alla lund.

Tawakkul var ekki fórnarlamb eins og kjökrandi konur á Vesturlöndum, heldur góð fyrirmynd kvenna í Jemen og gaf öllu réttsýni fólki innblástur til að berjast fyrir réttlátu samfélagi. Tawakkul hafði áhyggjur af því, að karlar tækju við stjórnvelinum, að byltingu lokinni. Hún hefur reynst sannspá með Jemen.

Sameinuðu þjóðirnar hafa haft nokkra aðkomu að styrjöldunum í Jemen. Öryggisráðið samþykkti fyrir mörgum árum ályktun nr. 2216, þar sem Abdrabbuh Mansur Hadi var lýstur réttkjörinn leiðtogi í Jemen, þó hann væri bara kjörinn til tveggja ára og löngu runninn út á tíma. Hann hvarf af forsetastóli 2022.

Í þessu flókna samfélagi er einnig alþjóðlega viðurkennd ríkisstjórn, sem raunar situr að mestu í Riyadh í Sádi-Arabíu. Sádar hafa deilt og drottnað á svæðinu í áratugi.

En nú er nýr herra í Hvítu húsi Bandaríkjanna, sem heyja eitt af eilífðarstríðum sínum í Jemen. Hverju mun hann taka upp á?

Eftirmáli:

Helen Lackner er franskur mannfræðingur, sérfræðingur í málefnum Jemen. Hún hefur m.a. skrifað þessar bækur:

Yemen in Crisis: Autocracy, Neo-Liberalism and the Disintegration of a State, Yemen in Crisis: Road to War og Yemen: Poverty and Conflict.

 

 

https://thegrayzone.substack.com/p/senior-ansar-allah-official-on-why?utm_source=podcast-email&publication_id=474765&post_id=156809498&utm_campaign=email-play-on-substack&utm_content=watch_now_button&r=ry8jq&triedRedirect=true&utm_medium=email https://www.youtube.com/watch?v=ML_O-IYhaEQ https://steigan.no/2024/01/al-qaida-medlemmer-er-en-del-av-usa-stottede-jemenittiske-regjeringsstyrker/?utm_source=substack&utm_medium=email https://www.globalpolitics.se/houthi-iran-och-motstandsaxeln-vimmelkantig-av-vasterlandsk-propaganda/ https://newpol.org/the-yemen-crisis-an-interview-with-helen-lackner/ https://www.declassifieduk.org/uk-struggles-to-prove-houthis-attacked-its-trade-ships/ https://mailchi.mp/mintpressnews/mnar-adley-mohammed-al-bukhaiti-mintcast?e=9fc32eb52b https://steigan.no/2024/01/russland-stiller-seg-bak-houthiene/?utm_source=substack&utm_medium=email https://covertactionmagazine.com/2024/01/19/u-s-is-painting-itself-into-a-corner-in-the-red-sea/?mc_cid=8ad6699398&mc_eid=5cd1ec03b1 https://www.youtube.com/watch?v=G9KQNCESmzIhttps://www.youtube.com/watch?v=G9KQNCESmzI https://beeley.substack.com/p/yemen-a-voice-in-the-wilderness?utm_source=post-email-title&publication_id=716517&post_id=140884171&utm_campaign=email-post-title&isFreemail=true&r=ry8jq&utm_medium=email https://informationclearinghouse.blog/2024/01/17/scott-ritter-how-the-us-misleads-the-world-about-its-involvement-in-yemen/17/# https://www.globalresearch.ca/cia-us-special-forces-raids/5823610 https://theintercept.com/2022/03/16/yemen-war-biden-us-support-saudi-arabia/ https://news.antiwar.com/2022/12/13/sanders-withdraws-yemen-war-powers-resolution-vote-over-biden-opposition/ https://korybko.substack.com/p/yemens-trifurcation-is-arguably-a?utm_source=substack&utm_medium=email https://steigan.no/2024/02/energi-og-geopolitikk-i-rodehavet/?utm_source=substack&utm_medium=email https://www.mintpressnews.com/yemen-unending-nightmare-hidden-consequences-us-uk-airstrikes/286769/ https://www.democracynow.org/2024/2/1/yemen_strikes?utm_source=Democracy+Now%21&utm_campaign=ca06cb71aa-Daily_Digest_COPY_01&utm_medium=email&utm_term=0_fa2346a853-ca06cb71aa-192207545 https://mailchi.mp/mintpressnews/alan-macleod-new-study-shows-media-pushing-us-war-yemen?e=9fc32eb52b https://covertactionmagazine.com/2024/01/30/u-s-israeli-aggression-yemen-and-the-coming-war-with-iran-the-fantastic-achievements-of-propaganda/?mc_cid=f672a03778&mc_eid=5cd1ec03b1 https://www.france24.com/en/europe/20240225-survey-reveals-more-than-half-of-uk-exporters-hit-by-red-sea-shipping-disruption https://indiashippingnews.com/us-and-uk-conduct-fourth-round-of-joint-airstrikes-on-houthi-targets-in-yemen/ https://www.youtube.com/watch?v=cLfs2sWpIuI https://gilbertdoctorow.com/2024/02/22/britains-failed-submarine-launch-of-a-nuclear-missile-set-against-its-proxy-war-with-russia/ https://www.theinteldrop.org/2024/02/26/era-of-us-allies-control-of-international-waters-over-yemeni-defense-minister/ https://www.mintpressnews.com/new-alliances-military-strength-surge-yemen-support-gaza/287094/ https://mailchi.mp/mintpressnews/ahmed-abdulkareem-new-alliances-military-strength-surge-yemen-support-gaza?e=9fc32eb52b https://www.declassifieduk.org/rishi-sunaks-yemen-war-has-cost-up-to-19m/ https://steigan.no/2024/03/kina-russland-og-ansarullah-med-strategisk-viktig-avtale/?utm_source=substack&utm_medium=email https://www.declassifieduk.org/rishi-sunaks-yemen-war-has-cost-up-to-19m/ https://peoplesdispatch.org/2024/03/18/china-russia-iran-naval-drills-challenge-us-domination-of-the-seas/ https://steigan.no/2024/03/jemen-vil-utvide-marineoperasjoner-mot-israelske-interesser/?utm_source=substack&utm_medium=email https://www.mintpressnews.com/287018-2/287018/ https://steigan.no/2024/03/jemen-krever-tillatelse-for-skip-som-passerer-rodehavet/?utm_source=substack&utm_medium=email https://gilbertdoctorow.com/2024/02/27/news-flash-houthis-attack-underwater-communications-cables-in-the-red-sea/ https://steigan.no/2024/06/pentagon-blaser-1-milliard-dollar-i-en-uholdbar-marinekampanje-mot-jemen/?utm_source=substack&utm_medium=email https://steigan.no/2024/06/jemen-har-angrepet-145-skip-i-rodehavet-og-indiahavet/?utm_source=substack&utm_medium=email https://steigan.no/2024/05/iran-og-houthiene-har-beseiret-det-amerikanske-militaeret/ https://steigan.no/2024/04/jemen-angriper-skip-fra-israel-storbritannia-og-usa-i-rodehavet/?utm_source=substack&utm_medium=email https://steigan.no/2024/04/usa-mislykkes-i-sin-krig-mot-jemen/?utm_source=substack&utm_medium=email https://steigan.no/2024/12/den-amerikanske-marinen-skyter-ned-sitt-eget-jetfly-under-siste-angrep-pa-jemen/?utm_source=substack&utm_medium=email https://steigan.no/2024/11/jemen-tvinger-us-navy-til-a-trekke-seg-ut-av-rodehavet-etter-sjokkerende-angrep/?utm_source=substack&utm_medium=email https://steigan.no/2024/10/amerikanske-og-britiske-jetfly-bomber-jemen-til-stotte-for-israel/?utm_source=substack&utm_medium=email https://steigan.no/2024/09/jemen-bombet-israel-med-hypersonisk-missil-det-kommer-mer/?utm_source=substack&utm_medium=email https://www.globalresearch.ca/us-war-yemen-20-years-houthis-choke-red-sea/5867456 https://www.kitklarenberg.com/p/collapsing-empire-rip-us-aircraft?utm_source=post-email-title&publication_id=552010&post_id=148542120&utm_campaign=email-post-title&isFreemail=true&r=ry8jq&triedRedirect=true&utm_medium=email https://english.almayadeen.net/news/politics/following-eilat-s-suit--ashdod-port-goes-downhill--loses--7m https://english.almayadeen.net/news/politics/what-the-west-needs-to-know-about-yemen-s-ansar-allah https://english.almayadeen.net/news/politics/following-eilat-s-suit--ashdod-port-goes-downhill--loses--7m https://english.almayadeen.net/news/politics/what-the-west-needs-to-know-about-yemen-s-ansar-allah https://steigan.no/2025/01/jemen-fortsetter-sine-missilangrep-pa-israel/?utm_source=substack&utm_medium=email https://www.youtube.com/watch?v=LSQ-Dj46JWk https://steigan.no/2025/01/jemen-fortsetter-sine-missilangrep-pa-israel/?utm_source=substack&utm_medium=email https://www.voltairenet.org/article221661.html https://marksleboda.substack.com/p/kiev-regime-about-to-launch-new-suicidal?utm_source=post-email-title&publication_id=1083041&post_id=154288070&utm_campaign=email-post-title&isFreemail=true&r=ry8jq&triedRedirect=true&utm_medium=email https://responsiblestatecraft.org/search/?q=Yemen https://www.youtube.com/watch?v=qsO-rULEfrk https://www.youtube.com/watch?v=703OMlknCi4 https://responsiblestatecraft.org/trump-yemen-houthis/ https://informationclearinghouse.blog/2024/06/24/washington-faces-defeat-in-red-sea/13/