Sameinuðu þjóðirnar IV: Aðdragandi og kalda stríðið fyrra

Iðnaðarnasistarnir voru potturinn og pannan í ofuralþjóðabankanum í Sviss (Bank for International Settlements), sem stofnaður var m.a. að undirlagi bandaríska seðlabankans (Federal Reserve), samkvæmt Young áætluninni. Þar var hluti Gyðingagullsins síðar geymdur.

Einn þessara nasista var gullintannarbankamaðurinn, hagfræðingurinn og ráðgjafi Adolf Hitler, Walther Funk (1890-1960), síðar efnahagsráðherra Þýskalands og bankastjóri seðlabanka þess. Hann er kunnur fyrir að hreinsa gull úr tönnum fanga í útrýmingarbúðum nasista. Bandaríkjamenn komust yfir verulegan hluta Gyðingagullsins með hjálp leyniþjónustu nasista, sem þeir áttu góða samvinnu við. Þýfið skilaði sér aftur sem Marhall aðstoð til Íslands og annarra Evrópuríkja.

Auðjöfrum Bandaríkjanna óx svo ásmegin í fyrsta heimsstríði, að þeir sóttu fram bæði á alþjóðavettvangi og á heimavelli. Á kreppuárunum lögðu þeir á ráðin um stjórnarbyltingu í Bandaríkjunum sjálfum, vildu nýta eigin kreppu út í ystu æsar.

Gróðafíkn og tvískinnungur auðjöfranna og sjóða þeirra var reyndar í fullu gildi síðar í öðru heimsstríði, Kóreu og Víetnam stríðunum – og reyndar í flestum stríðum og vopnaskaki síðan. Það má færa gild rök að því, að sömu fjármagnstæknilegu bolabrögð gildi sömuleiðis í veirustríðinu, sem háð er um þessar mundir.

Þegar Stalin, Churchill og Roosewelt höfðu samið um skiptingu heimsins, að öðru heimsstríði loknu, sótti hið nýja heimsveldi stöðugt í sig veðrið í öllum heimsálfum. Þeir tóku nú að ástunda leynihernað í áður óþekktum mæli. Leyniþjónusta þeirra var stofnuð árið 19 . Hún hefur unnið margt myrkraverkið víða um heim og lætur hvergi deigan síga. Hún vinnur að sumu leyti eftir fyrrgreindu „sameignarfyrirkomulagi.“ Undirróður, uppreisnir, uppþot og önnur myrkraverk eru oft og tíðum unnin í samvinnu við auðjöfra og sjóði þeirra. Þar ber nafn George Soros hátt.

Upplýsingahernaður þeirra jókst einnig stig af stigi, því með einhverjum hætti þurfti að réttlæta myrkraverkin fyrir bandarískum skattgreiðendum og alþjóðasamfélaginu. Samuel Huntington afhjúpaði þá staðreynd, að frásögnin um „kalda stríðið“ hefði verið samin í áróðursskyni til að réttlæta bandarísku heimsvaldastefnuna og reyndar einnig til að skapa skelfingu á Vesturlöndum.

Samuel sagði: „Það verður að haga sölu [íhlutunar í málefni annarra ríka], svo fólk ruglist í ríminu og haldi, að barist sé við Ráðstjórnarríkin (Sovét-). Það er einmitt það, sem Bandaríkin hafa stundað, síðan Truman stefnan (Truman Doctrine) sá dagsins ljós.“ („Truman Doctrine“ er sú stefna bandarískra stjórnvalda að veita aðstoð hverju því lýðræðisríki, sem þau teldu ógnað af byltingaröflum. Þinginu var kynnt hernaðar- og fjármagnsaðstoð til Grikklands og Tyrklands árið 1947 til að kæfa uppþot almennings, sem Harry S. Truman (1884-1972), Bandaríkjaforseti, sagði að undirlagi Ráðstjórnarríkjanna. Ætlunarverkið var að efla frið, frelsi og lýðræði, eins og Joseph Biden gerir nú í Úkraínu, með dyggum stuðningi Íslands og annarra Evrópuríkja.)

Samfara upplýsingahernaði voru njósnir elfdar til muna. Það átti sér uppruna í Atlantic Charter, sem Churchill og Roosevelt komu sér saman um, en þróaðist í samstarf milli fleiri ríkja í Evrópu og Eyjaálfu. Það er stundum kallað „Fimmaugna“ (Five Eyes) njósnasamstarfið. Með stofnun CIA og FBI má segja, að bandaríska „öryggisríkið“ (seccurity state) hafi verið komið á koppinn.

Á Íslandi var kaldastríðsógnin kölluð „Rússagrýlan.“ Einnig hún er endurvakin. Meira að segja fluggáfað og menntað fólk hræðist hana enn. Enda er ætlunum að firra borgaranna dómgreind og gagnrýninni hugsun, rétt eins og tekist hefur með veirugrýlunni. Við lifum á afturgöngu- og tröllatímum.

Það var engu líkara en Bandaríkjaforsetar væru í samkeppni um fjölda myrkraverka. Eisenhower lagði blessun sína yfir 104 leyniaðgerðir í fjórum álfum á átta árum, John F. Kennedy sló honum við með 163 aðgerðum á þriggja ára tímabili.

Það var með skírskotun til Rússagrýlunnar að Bandaríkin gengust fyrir stofnun Norður Atlantshafsbandalagsins (Nato – North Antlantic Trety) árið 1949. Íslendingar hoppuðu á vagninn, þrælslundin leyndi sér ekki, enda hafði þjóðin búið við nýlendukúgun um aldir og hersetu Breta og Bandaríkjamanna í áratug eða svo.

Það fór með hana eins og fangann, sem var látinn laus úr langri fangavist. Hann vildi heldur helsi en frelsi. í Á Íslandi er Nató kallað varnarbandalag, svo sauðsvartur almúginn velkist ekki í vafa um tilgang þess.

Sþ voru stofnaðar 1945. Kurt Waldheim, fyrrum leyniþjónustumaður úr þýska hernum, var gerður að aðalritara þeirra á tímabilinu 1972-1981.

https://www.presidency.ucsb.edu/documents/letter-introducing-w-averell-harriman-stalin https://www.history.com/topics/19th-century/manifest-destiny https://www.history.com/topics/19th-century/mexican-american-war https://www.youtube.com/watch?v=26raYPP4n7Q https://www.history.com/this-day-in-history/u-s-takes-possession-of-alaska https://www.smithsonianmag.com/history/how-the-louisiana-purchase-changed-the-world-79715124/ https://www.britannica.com/biography/James-Monroe https://www.britannica.com/event/Monroe-Doctrine https://spartacus-educational.com/GERfunk.htm https://www.bis.org/ https://history.state.gov/milestones/1914-1920/paris-peace https://history.state.gov/milestones/1921-1936/dawes#:~:text=Under%20the%20Dawes%20Plan%2C%20Germany's,currency%2C%20the%20Reichsmark%2C%20adopted. https://propagandainfocus.com/wall-street-the-nazis-and-the-crimes-of-the-deep-state/ https://alphahistory.com/coldwar/truman-doctrine/ https://www.history.com/news/world-war-i-russian-revolution https://propagandainfocus.com/wall-street-the-nazis-and-the-crimes-of-the-deep-state/ https://propagandainfocus.com/in-a-compromised-media-environment-western-intelligence-agencies-escalate-natos-proxy-war-in-ukraine-unchallenged/ https://thegrayzone.com/2022/04/01/war-us-weaponized-ukraine-russia/ https://thegrayzone.com/2022/11/03/british-spies-terror-army-ukraine/ https://jackmurphywrites.com/169/the-cias-sabotage-campaign-inside-russia/ https://www.mintpressnews.com/facebook-fact-checking-organizations-ukraine-funded-washington/281618/ https://responsiblestatecraft.org/2023/02/21/we-made-putin-our-hitler-zelensky-our-churchill-and-the-media-fell-in-line/ https://www.britannica.com/event/Truman-Doctrine https://kitklarenberg.substack.com/p/anatomy-of-a-coup-how-cia-front-laid?utm_source=profile&utm_medium=reader2