Forsetinn sem vildi frið og fór (fer) í stríð. Drottinn hans dýri

Svona skrifar valdamesti maður heims, Donald John Trump:

„Aðvörun: Stöðva verður öll viðskipti með olíu og olíuafurðir frá Íran. Þeim verður að hætta nú þegar. Sérhver þjóð eða einstaklingar, sem festa kaup á svo miklu sem olíudreitli (any amount) eða afurðum frá Íran, munu mega þola viðbótar viðskiptaþvinganir (seconday). Hlutaðeigandi mun ekki fá leyfi til að eiga viðskipti við Bandaríkin í nokkru tilliti.“

Ætli forsetinn bíði eftir því, að fleiri þjóðarleiðtogar biðji um að sleikja á honum rassinn (kiss my ass)? Annar afburðamaður í ræðu og riti, mannvitsbrekkan Peter Hegseth skrifar:

„Skilaboð til Írans: Við gefum banvænum stuðningi ykkar við Húta [Ansar Allah] gaum. Okkur er fullkunnugt um, hvað fyrir ykkur vakir. Ykkur ætti að vera ljóst til hvers Bandaríkin eru megnug. Þið hafið verið varaðir við. Þið verðið að þola afleiðingarnar, þegar og þar sem þið viljið.“

Hér mælir Þjóðaröryggisráðgjafi mesta stríðsveldis allra tíma (á leið til annarra verkefna). (Kannski hann gerist þroskaþjálfi í Hvíta húsinu?)

Er það nema von, að heimurinn sé á heljarþröm? Bandaríkjamenn fóru enn á ný í stríð við eina fátækustu – en hugprúðustu þjóð veraldar. Hún er svo óforskömmuð að reyna að hindra djöfulskap Tvíhöfða þursins í Palestínu. Í þessari umferð hafa Bandaríkjamenn látið öflugum sprengjum rigna yfir Jemena, eitt þúsund skotmörk, hvorki meira né minna.

Friðarforsetinn hefur drepið almenna borgara hundruðum saman eins og Ísraelar í Gaza, Líbanon og Sýrlandi. Flugvélar þeirra detta líka af himni ofan. Sérstaklega rándýr njósnaflygildi (MQ-9 Reaper drone), líklega sjö að tölu, að andvirði 245 milljóna dala.

Flugskeyti Jemena hrella og skemma hinn ósigrandi flota Bandaríkjamanna, engu að síður. Árásarflugvél datt fyrir borð á einu flugvélamóðurskipanna. Þar fóru 70 milljónir til viðbótar. Hernaðarlega láta Jemenar engan bilbug á sér finna.

Dónaldur Jón reynir í sífellu að sverja af sér stríðið í Úkraínu, enda þótt hann ætti að axla sína ábyrgð. Í stjórnartíð hans var lögð gjörv hönd á þjálfun og útbúnað eins öflugasta (Nató)hers Evrópu.

Forsetinn segist vilja frið í Úkraínu. Það bólar ekkert á friðinum enn þá. Jafnvel þótt Evrópumenn – Íslendingar meðtaldir – séu honum andvígir, dygði að hætta austri fjármagns og vopna til landsins – og hætta njósnum í þágu brjálæðinganna í Kænugarði.

Hirð forsetans gælir enn við þá firru, að Rússar muni hörfa og hrynja. Markmið þeirra hafa verið ljós í þrjú ár eða svo og stefna þeirra í öryggismálum í aldarfjórðung.

Jafnvel þótt John Neely Kennedy hafi hótað að mauka fiskafóður úr Rússum, ætti heilvita fólki að vera ljóst, að Rússar hafi unnið stríðið við Nató í Úkraínu. Nú hóta Nató ríkin hins vegar framhaldsstríði. Rússar búa sig undir það eins og Íranar við stríðið gegn Tvíhöfða þursinum, Íslendingar kaupa kafbát og ætla sér að styrkja Víkingasveitina.

Er það ekki með ólíkindum, að sú eina þjóð í veröldinni, sem beitt hefur kjarnorkuvopnum, og samþykkir kjarnorkuvopnaeign Ísraela, skuli ætla í stríð um hugarfóstur sitt, kjarnorkuvopna Írana. Tja! Þeir fóru líka í stríð þarna í grenndinni til að eyða gereyðingarvopnum, sem heldur ekki voru. Sams konar erindi átti Nató í Líbíu. Átyllan er orðin eilítið þvæld.

Hvaðan kemur Bandaríkjamönnum og Nató annars rétturinn til að angra fólk í þessum heimshluta? Frá Drottni? Ætli þeir séu enn á kommaveiðum? Hroki Dónaldar Jóns er skelfilegur, rétt eins og hroki Bensa-barnamorðingja.

Tvíhöfða þursinn eða Samrunaheimsveldið hefur varpað 100.000 sprengjum á Gaza. En líklega vara þeir sig ekki á því, að mengað ryk af sprengjum, byggingum og lífvana kroppum, gæti orðið þeim sjálfum skeinuhætt?

Tvíhöfða þursinn sækir réttlætingu fyrir morðum, hernámi, og öðru ofbeldi, í ritninguna eins og á árum áður.

Fyrsti forseti Ísraels, rússneski Ofstækissíonistinn, Chaim Weissmann (1874-1952), lýsti því einu sinni sem oftar yfir við „friðarsamningana“ i kjölfar fyrri heimstyrjaldarinnar, að í Bíblíunni væru fyrirmæli Síonista/Gyðinga að finna.

Í fimmtu bók Mósesar (Deuteronomy), er t.d. í ýmsum úrskurðum og lagagreinum kveðið á um rétt Gyðinga (eða ættkvíslar Levíta) til að „eyða að fullu og öllu,“ „uppræta“ og „kúga“ annað fólk. Ein tilskipananna hljómar svo:

„Þegar Jehóva Guð þinn leiðir þig inn í landið sem þú ert að fara til að taka til eignar, og rekur margar þjóðir burt undan þér – Hetíta, Gírgasíta, Amoríta, Kanverja, Peresíta, Hevíta og Jebúsíta, sjö þjóðir sem eru stærri og öflugri en þú – og Jehóva Guð þinn gefur þær þér og þú sigrar þær, þá skaltu helga þær eyðingu. Þú skalt ekki gera sáttmála við þær né sýna þeim miskunn.

Þú skalt ekki mægjast með þeim. Þú skalt ekki gefa syni þínum dætur þeirra og ekki taka dætur þeirra fyrir syni þína. Því að þær myndu leiða syni þína frá því að fylgja mér og þeir myndu dýrka aðra guði. Þá myndi reiði Jehóva kvikna gegn ykkur og hann myndi fljótt eyða ykkur.

Þannig skuluð þið fara með þær: Þið skuluð rífa niður altari þeirra, brjóta niður stólpa þeirra, höggva niður helga stólpa þeirra og brenna skurðgoð þeirra í eldi. Því að þú ert heilög þjóð Jehóva Guðs þíns. Jehóva Guð þinn hefur valið þig til að vera sérstök eign hans meðal allra þjóða á jörðunni.“

Og slíkur gjörningur er Guði þóknanalegur:

„Þú munt vera blessaður umfram allar þjóðir. Enginn karl eða kona meðal ykkar eða meðal búfjár ykkar verður ófrjór. Jehóva mun halda frá þér öllum sjúkdómum og ekki láta neina af þeim hræðilegu plágum, sem þú þekktir frá Egyptalandi, koma yfir þig. Hann mun láta þær koma yfir alla sem hata þig.

Þú skalt eyða öllum þjóðum sem Jehóva Guð þinn gefur þér. Þú skalt ekki sýna þeim miskunn og ekki dýrka guði þeirra, því að það yrði þér til gildru. Ef þú hugsar með sjálfum þér: 'Þessar þjóðir eru fleiri en við. Hvernig getum við rekið þær burt?' þá skaltu ekki óttast þær.

Mundu hvað Jehóva Guð þinn gerði við faraó og alla Egypta. Þú sást með eigin augum þær miklu refsingar, tákn og undur, sterka hönd og útréttan arm sem Jehóva Guð þinn notaði til að leiða þig út. Þannig mun Jehóva Guð þinn gera við allar þjóðir sem þú óttast.

Jehóva Guð þinn mun senda hornetinn [geitungur, vespa] meðal þeirra þar til þeir sem eftir eru og fela sig fyrir þér verða útrýmdir. Þú skalt ekki skelfast vegna þeirra, því að Jehóva Guð þinn, hinn mikli og ógurlegi Guð, er með þér.

Jehóva Guð þinn mun reka þessar þjóðir burt undan þér smám saman. Þú munt ekki geta eytt þeim öllum í einu, því að þá myndu villidýr fjölga sér gegn þér. En Jehóva Guð þinn mun gefa þær þér og valda mikilli ringulreið meðal þeirra þar til þær eru útrýmdar. Hann mun gefa konunga þeirra í hendur þér og þú munt eyða nöfnum þeirra undir himninum. Enginn mun geta staðist gegn þér þar til þú hefur útrýmt þeim.“ (Nýja Biblíuþýðingin.)

Tja! Það er eins gott að dansa ekki kringum gullkálfinn eins og nokkrir fylgismanna Mósesar reyndu í Sínæ eyðimörkinni, enda hafa Öfga- og ofstopagyðingar lifað samkvæmt þessu lögmáli um aldir og það er enn í heiðri haft, sbr. útrýmingu Palestínumanna.

Svoleiðis fólk í bland við kristna trúarbrjálæðinga, sem vilja heiminn feigan til að auðvelda endurkomu Krists, skipar hirðina í kringum Dónald Jón. Hluthafarnir í honum eru flestir af þessu sauðahúsi. Sumir embættis- og stjórnmálamanna í hirðinni eru ísraelskir ríkisborgarar.

Ég ætla rétt að vona, að Guð langömmu minnar, muni reyna að leiða þessa stríðsvarga til ljóssins og hræra kærleik í brjósti þeirra. Því þeir eru ekki einasta harðbrjósta. Þeir eru andlega rammvilltir og hugsjúkir í trú sinni, orði og æði.

Enn kemur annar keisari, Neró, og önnur amma í hug mér. Bæði spiluðu og sungu, meðan húsið brann. Bandaríkin (og Evrópa) raunar líka eru að fuðra upp eins og bandaríski dalurinn, hluta- og skuldabréfamarkaðurinn.

Þjóðir veraldar sjá líklega ekki lengur hag sinn í því að greiða niður efnahagsofbeldi Bandaríkjanna. Og heldur ekki stríðsofbeldið; 348 vopnaátök á 153 vígvöllum frá lokum annarrar heimstyrjaldarinnar. Til viðbótar koma stríðin í Afganistan og Írak, svo í Úkraínu, Palestínu og bráðum í Íran. Kínverjar eru líka á dagskrá.

Bandaríski rithöfundurinn, Eugene Luther Gore Vidal (1925-2012), sagði um þjóð sína 1995: „Við þjáumst þrálátlega sem Bandaríki gleymskunnar. Við getum ekkert lært, því við erum minnislaus.“ Það eru orð að sönnu.

https://www.youtube.com/watch?v=L6TdD3bdb-o&t=295s https://alexkrainer.substack.com/p/is-trump-actually-taking-on-the-bankers?utm_source=post-email-title&publication_id=1063805&post_id=161977213&utm_campaign=email-post-title&isFreemail=true&r=ry8jq&triedRedirect=true&utm_medium=email https://alexkrainer.substack.com/p/gods-of-finance-and-gods-of-war?r=cpxww https://voicefromrussia.ch/en/the-end-of-illusion/ https://glenndiesen.substack.com/p/criminalizing-speech-to-protect-israel?utm_source=post-email-title&publication_id=2670149&post_id=162240559&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.geopoliticaleconomy.report/p/us-military-war-china-silicon-valley?utm_source=post-email-title&publication_id=457596&post_id=162333493&utm_campaign=email-post-title&isFreemail=true&r=ry8jq&triedRedirect=true&utm_medium=email https://steigan.no/2025/04/i-ungarn-forutser-emmanuel-todd-usas-hoyst-forutsigbare-undergang/?utm_source=substack&utm_medium=email https://canadianpatriot.org/2021/06/15/financial-blowout-ahead-lobotomized-economists-clash-on-the-deck-of-the-titanic/ https://www.youtube.com/watch?v=z9puRcRbUz4 https://glenndiesen.substack.com/p/washingtons-rivalries-coups-wars?utm_source=post-email-title&publication_id=2670149&post_id=162310420&utm_campaign=email-post-title&isFreemail=true&r=ry8jq&triedRedirect=true&utm_medium=email https://responsiblestatecraft.org/f-18-truman-yemen/?ct=t(RSS_EMAIL_CAMPAIGN)&mc_cid=7d78ab04fd&mc_eid=ae33554485 https://sonar21.com/donald-trump-not-barack-obama-is-responsible-for-ukraines-dramatic-military-expansion-between-2011-and-2021/ https://www.geopoliticaleconomy.report/p/donald-trump-us-dollar-system-desai-hudson-dunford?utm_source=post-email-title&publication_id=457596&post_id=162387393&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.voltairenet.org/article222165.html https://steigan.no/2025/04/formueskapitalen-i-usa-krakelerer/?utm_source=substack&utm_medium=email https://imetatronink.substack.com/p/evasive-maneuvers?utm_source=post-email-title&publication_id=1085164&post_id=162499370&utm_campaign=email-post-title&isFreemail=true&r=ry8jq&triedRedirect=true&utm_medium=email https://glenndiesen.substack.com/p/the-economic-collapse-has-already?utm_source=post-email-title&publication_id=2670149&post_id=162511885&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.youtube.com/watch?v=teyFkwi3n3U https://www.youtube.com/watch?v=Gls4MdbFNfk&list=UUDkEYb-TXJVWLvOokshtlsw&index=10&t=141s https://chrishedges.substack.com/p/the-west-serves-as-israels-police?utm_source=post-email-title&publication_id=778851&post_id=162578625&utm_campaign=email-post-title&isFreemail=true&r=ry8jq&triedRedirect=true&utm_medium=email https://sonar21.com/us-is-flummoxed-by-yemen/ https://michaeltsnyder.substack.com/p/we-are-much-closer-to-a-major-war?utm_source=post-email-title&publication_id=1520363&post_id=162644858&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.thomasfazi.com/p/jeffrey-sachs-close-the-us-military?img=https%3A%2F%2Fsubstack-post-media.s3.amazonaws.com%2Fpublic%2Fimages%2F97cd8073-d595-4d2c-a419-52269f7442b0_640x644.webp&open=false https://steigan.no/2025/04/trumps-nedtur/?utm_source=substack&utm_medium=email