Bólusetningabjargráð, heilbrigðisnjósnir og gervigreindargeðlækningar

Breski læknirinn, Vernon Coleman, hefur skrifað athyglisverða bók; „Sá lýgur sem heldur því fram, að bólsetningar séu öruggar“ (Anyone who tells you vaccines are safe and effective is lying).

Vernon segir m.a.:

„Hrifning [heilbrigðisstarfsmanna] á bólusetningum er trúlega sá þáttur heilbrigðisþjónustunnar, sem síst er studdur vísindalegum gögnum. Hún líkist miklu fremur skottulækningum en nokkru því, sem vísindalegt má kallast.

Bóluefni eru ónógsamlega prófuð fyrir notkun og engin rannsókn fer fram á því, hvort mismunandi bóluefni séu samrýmanleg hvoru öðru eða öðrum lyfseðilsskyldum lyfjum.

Engar langtímarannsóknir eru unnar til að ganga úr skugga um áhrif bóluefna á ónæmiskerfið.

Það kastar þó líklega tólfunum, þegar öllum fullorðnum er gefið sama magn bóluefnis (og jafnvel börnum líka). Sami skammtur er gefinn, hvort heldur er um að ræða karla eða konur, unga eða aldna, granna eða spikaða. [En gervigreindin gæti bætt úr þessu – eða hvað?]

Ei heldur er magn bóluefnis miðað við þyngd sjúklings. … Það þykir ekki áhugavert að skoða, hvor sjúkdómar eins og krabbamein séu algengari meðal bólusettra en óbólusettra. [Þetta hefur þó breyst á undanförum misserum, einkum í sambandi við bóluefni við covid-19.]

Það er [óbrigðult] hald manna, að bólusetningar séu bjargráð og hver sá, sem efagirni sýnir, er umsvifalaust kallaður andófsmaður bólusetninga. Sumir leggja slíkt háttalag að jöfnu við hryðjuverkastarfsemi.“

Það birtast stöðugt niðurstöður nýrra rannsókna á meinviðbrögðum við covid-19 bóluefnunum. Ný rannsókn sýnir fram á 86 hættumerki um geðtruflanir af þeirra völdum á borð við sjálfsvígshugsanir, vitsmunabrest, glöp, geðveiki og árásarhegðun. Rannsóknin er unnin á grundvelli tilkynninga um aukaverkanir hjá bandaríska lyfjaeftirlitinu. Rannsóknin hefur þó enn ekki verið ritrýnd.

Það hafa átt sér stað miklar breytingar, síðan Vernon skrifaði bók sína 2019. Heilbrigðisyfirvöldum og alþjóðlegum heilbrigðisstofnunum er mjög í mun að safna upplýsingum um heilsufar. Það er venjulega kallað þjónusta við þegnanna. Alþjóðlegt heilbrigðisvegabréf er innan seilingar.

Ísraelar eru framarlega á þessu sviði sem öðrum í sambandi við njósnir og eftirlit. Nýlega gerðu þeir samning um samvinnu á þessu sviði við fyrirtæki, sem samið hefur geðlækningaforritið, Taliaz. Það er þeim töfrum búið að geta á grundvelli samanburðar og greiningar á aragrúa heilbrigðis- og erfðaupplýsinga veitt sérsniðnar geðlyfjalækningar fyrir hvern og einn.

Þetta er greinilega þáttur í tölvuuppfærslunni á mannskepnunni, sem unnið er að, bæði til hugstjórnar og hernaðar. Samtímis eru undirbúin rafræn skilríki, sem tengd verða alþjóðlegum og þjóðlegum gagnabönkum, þar sem m.a. koma fram upplýsingar um bólusetningar og heilbrigði. Þau eru þegar í notkun í Kína og fyrsti vísir þeirra verður senn gefinn út í Bandaríkjunum og Evrópusambandinu.

Læknirinn, Mandy Dixon, segir: „Í kjölfar faraldursins hefur þörfin fyrir nýjungar í geðheilbrigðisþjónustu vaxið og sértaklega með hliðsjón af aukinni þekkingu á efnahagslegum áhrifum bágrar geðheilsu á efnahagslega endurreisn.“

Það eru svo sem ekki nýmæli að heilbrigðisvöld stjórni heilsu fólks og geði með hjálp lyfja. Á Íslandi er geðlyfjaneysla fullorðinna og barna í víðum skilningi skuggaleg. Konur eru gerðar glaðar með þunglyndislyfjum, órói er sefaður með róandi lyfjum og hressir drengir koðna niður undan ADHD-lyfjum.

Lyfja-, bólusetninga- og taugatækniiðnaðurinn blómstra sem aldrei fyrr.

https://www.amazon.co.uk/Anyone-Tells-Vaccines-Effective-Lying/dp/1091757712/ https://expose-news.com/2025/04/17/vaccines-and-vaccination-are-quackery/?jetpack_skip_subscription_popup https://michaeltsnyder.substack.com/p/33-shocking-facts-that-prove-that?utm_source=publication-search&utm_medium=email https://michaeltsnyder.substack.com/p/once-the-deadline-on-may-7th-arrives?utm_source=post-email-title&publication_id=1520363&post_id=161504194&utm_campaign=email-post-title&isFreemail=true&r=ry8jq&triedRedirect=true&utm_medium=email https://expose-news.com/2025/04/18/sentient-world-simulation/?jetpack_skip_subscription_popup https://www.youtube.com/watch?v=6n4ab9UCK60 https://beeley.substack.com/p/predictix-dna-ai-and-the-zionist?utm_source=post-email-title&publication_id=716517&post_id=161516285&utm_campaign=email-post-title&isFreemail=true&r=ry8jq&triedRedirect=true&utm_medium=email https://michaeltsnyder.substack.com/p/drugged-into-oblivion-more-than-60?utm_source=post-email-title&publication_id=1520363&post_id=161571250&utm_campaign=email-post-title&isFreemail=true&r=ry8jq&triedRedirect=true&utm_medium=email https://steigan.no/2025/04/ny-studie-86-alvorlige-nevropsykiatriske-faresignaler-knyttet-til-covid-19-vaksinen/