Píslarvættir, skjaldmeyjar og eitruð karlmennska. Donald Trump og Evrópuherinn

Kvenfrelsarar geta ekki á heilum sér tekið, allra síst í dag (8. mars 2025), á alþjóðlegum píslarvættisdegi kvenna. RUV hitaði upp og bauð á sinn fund „hershöfðingja“ Kvenfrelsunarstofnunar sameinuðu þjóðanna (UN Women), Stellu Samúelsdóttur, og fyrrum „kvenfrelsunarhershöfðingja“ Vesturlanda í Afganistan, Ingibjörgu Sólrúnu Gísladóttur, til að ræða „kvenfrelsunarbakslagið,“ sem þær svo kalla.

Í því efni er Donald John Trump aðalskelfirinn. Hann gerðist svo djarfur að fyrirskipa, að Bandaríkjamenn skyldu aftur búa við tvö kyn, forréttindi kvenna skyldu afnumin og kynin keppa í réttum kynjaflokkum.

Forsetinn hefur líka boðað, að nú skuli fólk metið að verðleikum, en ekki samkvæmt kyni eða húðliti – eða einhverju öðru – samkvæmt torræðum lögmálum um fjölbreytni, sanngirni og meðveru (inngildingu – DEI). Þessi „óregla,“ í raun stríð gegn körlum, ýtir undir hrörnun og úrkynjun. Eins og allir vita er það háð með góðum árangri á Íslandi. DEI iðnaður er reglan stundum kölluð.

Ráðstöfun Dónaldar Jóns er liður í átökum innan djúpríkisins, þar sem menn eru mishallir undir alþjóðaauðvaldið í Alheimsefnahagsráðinu. Kven- og kynfrelsunarhreyfingin er nefnilega dyggur bandamaður Ráðsins við undirbúning að kynlausum töluvmennum í alheimsríki.

Því er ekki nema von, að lærðustu kvenfrelsurum ofbjóði og finni hjá sér þörf til að greina vandann samkvæmt kynjafræðinni. Og niðurstaðan liggur fyrir í spurningunni; Dónaldur Jón er haldinn eitraðri karlmennsku eins og ég og fleiri.

(Það eru að sönnu ömurleg örlög að vera eitraður karlmaður. Því skrapp ég til læknis um daginn í þeirri von, að lækning fyndist. Mér bar boðin bólusetning og námskeið hjá Stígamótum. Þangað gæti forsetinn náttúrulega leitað.)

Karrin Vasby Anderson, prófessor í fjölmiðlafræði, skilgreinir eitraða karlmennsku svo: „Eitruð karlmennska er tilbrigði við karlmennskuna, letjandi til samhygðar. [Þeir, sem henni eru haldnir] drottna til að sýna vald sitt, gera lítið úr (normalize) ofbeldi gegn konum og tengja stjórnun hvítu föðurveldi. Lítið er gert úr hátterni, sem þykir „kvenlegt“ og gefið er til kynna, að leiðin til að afla sér virðingar af annarra hálfu felist í því að sækjast eftir áhrifum og völdum.“

Karrin Vasby tíundar einnig, hvernig Kamala Harris lokkaði Dónald Jón til að opinbera óöryggi sitt, sem einmitt var fólgið í hvítu karlmennskunni. Snilli Kamala kynni að tengjast húðlitnum. Alla vega þykir dökkt hörund eftirsóknarvert í herbúðum kvenfrelsara um þessar mundir.

Amanda Zavitz, kanadískur prófessor í kynjafræðum, hélt til að mynda um þetta sannfærandi ræðu á einum píslarvættisfundi Sameinuðu þjóðanna. Þessi ósk verður skiljanlegri í ljósi vígorðanna: „Líf hvítra skipta ekki máli“ og „vandinn á rætur í forréttindum hvítra.“

En, en! Kvenleiðtogar Evrópu hrista af sér píslarvættisslenið. Íslensku skjaldmeyjarnar, Þorgerður Katrín, Kristrún Slava Úkraíni og Þórdís Kolbrún Reykfjörð Gylfadóttir, skipa sér í glæsilega skjaldmeyjadeild, ásamt Maia Sandu frá Moldóvu, Annalena Baerbock frá Þýskalandi, Kaja Kallas frá Eistlandi, Sanna Marin frá Finnlandi, Mette minnkabana Frederiksen frá Danmörku og ofurnorninni, Ursula von der Leyen, frá Þýskalandi. „Einkennisbúningur“ nornanna er í úkraínsku fánalitunum.

Þessi vígreifi skjaldmeyjahópur ætlar að jafna um Vonda-Valda, aðalskrímslið um þessar mundir. Mette, sem hefur yfirskilvitlega hernaðargáfu, segir rússneska skrímslið bíða í ofvæni eftir að ráðast á Danmörku.

Og það er vissulega rétt hjá íslenska skjaldmeyjaþríeykinu, að þá sé stutt til Íslands. En eftir því sem ég best veit ætla þær ekki að mæta á vígvöllinn í eigin persónu heldur smala strákunum þangað. Kvennaherdeildir með skírskotun til jafnréttis kynjanna, hefur heldur ekki borðið á góma.

Nefndar skjaldmeyjar eru væntanlega svo vel valdelfdar, vopnaðar og launaðar, að þær þurfa ekki að beita því ábatasama vopni gegn körlum, sem felst í fölskum ákærum um ofbeldi gegn sjálfum sér og börnum. Í Ástralíu er þessari grein ofbeldisiðnaðarins kölluð „claim farming.“

Yfirnornin, Úrsúla, boðar 800 milljarða (billion) evra til vopnakaupa, og dustar rykið af tæplega áratugar gömlum áætlunum um evrópskt ofurríki og sameiginlegan her. Íslensku stríðsynjurnar hrista líka punginn og ætla sér að tvöfalda framlög til stríðsmála ýmis konar.

Eitraður Dónaldur Jón, sjónhverfingameistarinn úr Vesturálfu, glottir við tönn. Honum hefur tekist að særa Evrópumenn til vopnakaupa í Bandaríkjunum og efla sambandið við Rússa, sem útskýrðu fyrir honum, að bandarískir kaupsýslumenn hefðu tapað um 300 milljörðum dala á brottflutningi fyrirtækja þeirra frá Rússlandi. Þannig gæti friðurinn verið í askana látinn.

Í sama friðarhögginu tryggir Dónaldur Jón yfirráð alþjóðaauðhringanna yfir auðævum Úkraínu og losar um fjármagn til stríðs í Miðausturlöndum og undirbúning annars í Kína. Karl er slægur sem refur. Hann leikur sama leikinn í Panama og forstjóri fjárfestingarsjóðsins, Svarta kletts (Black Rock), leikur við hvurn sinn fingur.

Íslensku skjaldmeyjarnar eru líka slægar. Þær ætla sér að spara í ríkisrekstri eins og Evrópusambandið til að fjármagna ofangreind vopnakaup. Stríðssysturnar hafa nefnilega lýst yfir ævarandi ást á Volodomyr Zelensky. Móðurástin er söm við sig. (Eða er það kynþokki stráksins, sem veldur?)

Það liggur í augum uppi, að Íslendingar verði að leggja meira til stríðsmálanna. Íslenskar krónur, vettlingar og vígaskæði, duga skammt. Það þarf alvöru her.

Því leyfi ég mér að leggja til á þessum hátíðardegi, að stofnaður verði kvennaher á Íslandi í samræmi við drauma Björns Bjarnasonar og fleiri gildra félaga í Kristilega jafnaðarmannaflokkunum (Sjálfstæðisflokknum). Slíkir flokkar eru jafnan herskáastir.

Væri ekki gráupplagt að Víkingasveitin þjálfaði slíkan her eða jafnvel rafbyssusveit Ríkislögreglustjóra? Herkvaðning kvenna væri risaskref í jafnréttisátt.

Íslenska kvennahernum yrði áreiðanlega vel fagnað á vígvöllunum. Því engar konur eru frjálsari í fasi, hugrakkari, herskárri og glæsilegri. Það bera Þórdís Kolbrún, Kristrún og Þorgerður Katrín, órækt vitni um.

Þess má geta, að Úkraínumenn hvetja nú útlendinga til að ganga í her sinn. Nú er sem sé tækifæri til að fara heljarstökk í jafnréttismálum.

Það veitir svo sannarlega ekki af öflugri innspýtingu í úkraínska sláturhúsið, því herir úkraínska leiðtogans og hinna herskáu, erlendu meyja, eru svo ræfilslegir, að hernaðarsérfræðingarnir reka upp hrossahlátur, þegar á þá er minnst. Það á vitanlega ekki við um hernaðarsagn- og sérfræðinga RÚV, sem segja úkraínsku stráklingana hafa unnið stríðið eða hér um bil.

Vestur-Evrópa rambar sem sé á barmi styrjaldar. En það eru líka blikur á lofti efnahagslega. Bretar hafa t.d. þegar skorið burtu styrki til húshitunar fyrir fátæk og kulsækin gamalmenni. En meira þarf að skera víðs vegar um Evrópu. Hrunadansinn kynni að verða stigin, áður en langt um líður. Þá verður líka dansað í Hruna.

En stóra spurningin er þessi: „Hversu lengi ætla konur að telja sér trú um það, að þær séu fórnarlömb.“? Atvinnupíslarvættirnir munu hanga á trúboði sínu eins og hundar á roði til eilífðar nóns.

Hvað sem öðru líður legg ég til, að íslenska stríðsstjórnin verði hrópuð niður. Pereat!

https://www.youtube.com/watch?v=pHOJ2ASlu80&list=UUkF-6h_Zgf9zXNUmUB-MzTw&index=3 https://www.visir.is/g/20252693792d?fbclid=IwY2xjawIsan9leHRuA2FlbQIxMQABHWcBExPQn1Uuk6GdyaoZSVXrk12R4bCpOvwCCMWYnN06L4eUIKZOJIVutA_aem_PTRo6saVKscr9CXh04Rd1w https://www.thomasfazi.com/p/the-eus-propaganda-machine?utm_source=post-email-title&publication_id=560592&post_id=157315867&utm_campaign=email-post-title&isFreemail=true&r=ry8jq&triedRedirect=true&utm_medium=email https://corbettreport.com/eu-unmasked-after-brexit-plans-for-full-eu-superstate-revealed/ https://www.zerohedge.com/geopolitical/blackrocks-purchase-hong-kong-owned-panama-ports-marks-victory-trumps-america-first https://korybko.substack.com/p/the-rearm-europe-plan-will-probably?utm_source=post-email-title&publication_id=835783&post_id=158567146&utm_campaign=email-post-title&isFreemail=true&r=ry8jq&triedRedirect=true&utm_medium=email https://steigan.no/2025/03/hundrevis-av-milliarder-uten-militaer-doktrine-avslorer-dumhet-inkompetanse-og-svindel/?utm_source=substack&utm_medium=email https://www.youtube.com/watch?v=bPYoT24B2uc https://www.globalresearch.ca/modern-feminists-leading-the-charge-for-patriarchy-a-review-of-the-womens-movements-today/5881604 https://beeley.substack.com/p/the-zionist-war-against-turkey-in?utm_source=podcast-email&publication_id=716517&post_id=158511332&utm_campaign=email-play-on-substack&utm_content=watch_now_button&r=ry8jq&triedRedirect=true&utm_medium=email https://bettinaarndt.substack.com/p/wicked-riches?utm_source=post-email-title&publication_id=448263&post_id=157941491&utm_campaign=email-post-title&isFreemail=true&r=ry8jq&triedRedirect=true&utm_medium=email https://bettinaarndt.substack.com/p/dei-is-killing-people?utm_source=post-email-title&publication_id=448263&post_id=157105030&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.nutiminn.is/featured/karlmenn-daemdir-sekir-an-sonnunargagna-i-metoo-byltingunni/ https://www.youtube.com/watch?v=N3NA17CCboA https://bettinaarndt.substack.com/p/madness-in-our-courts?utm_source=post-email-title&publication_id=448263&post_id=156070993&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.nutiminn.is/featured/kynjafraedi-er-visindagrein/?fbclid=IwY2xjawH999lleHRuA2FlbQIxMQABHVYVUxQR84misKVZjopRlbTXbeDciOWiwf6rrYqMB8wj4z2ZmA7GLgtfWA_aem_JiOcsi1fOXKW5EG3U4itJg https://theconversation.com/how-trumps-compulsion-to-dominate-sabotages-dealmaking-undermines-democracy-and-threatens-global-stability-251210?utm_medium=email&utm_campaign=Latest%20from%20The%20Conversation%20for%20March%204%202025%20-%203284533518&utm_content=Latest%20from%20The%20Conversation%20for%20March%204%202025%20-%203284533518+CID_8634f8a1a4f866a515339ae0fb4425b9&utm_source=campaign_monitor_global&utm_term=How%20Trumps%20compulsion%20to%20dominate%20sabotages%20dealmaking%20undermines%20democracy%20and%20threatens%20global%20stability https://www.globalresearch.ca/deep-state-war-truth-waged-doublespeak-delusion-propaganda/5881485 https://fiamengofile.substack.com/p/pity-the-white-feminists?utm_source=post-email-title&publication_id=846515&post_id=158132286&utm_campaign=email-post-title&isFreemail=true&r=ry8jq&triedRedirect=true&utm_medium=email https://glenndiesen.substack.com/p/alex-krainer-economic-collapse-and?utm_source=post-email-title&publication_id=2670149&post_id=158532207&utm_campaign=email-post-title&isFreemail=true&r=ry8jq&triedRedirect=true&utm_medium=email https://glenndiesen.substack.com/p/eu-elites-are-in-panic-over-the-us?utm_source=post-email-title&publication_id=2670149&post_id=157307667&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.thomasfazi.com/p/the-eu-is-dragging-down-the-european?utm_source=post-email-title&publication_id=560592&post_id=156516656&utm_campaign=email-post-title&isFreemail=true&r=ry8jq&triedRedirect=true&utm_medium=email https://unherd.com/2025/02/europe-cant-escape-economic-malaise/?utm_source=substack&utm_medium=email https://libya360.wordpress.com/2023/02/19/ursula-von-der-leyens-nazi-pedigree/ https://unherd.com/newsroom/revolving-wall-street-door-threatens-eu-sovereignty/ https://www.youtube.com/watch?v=djFjzepbcZA&list=UUkF-6h_Zgf9zXNUmUB-MzTw&index=19 https://michaeltsnyder.substack.com/p/european-leaders-warn-that-conscription?utm_source=post-email-title&publication_id=1520363&post_id=158409739&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.youtube.com/watch?v=vWixJte6TEY&list=UUkF-6h_Zgf9zXNUmUB-MzTw&index=1 https://steigan.no/2025/03/ut-med-velferdsstaten-inn-med-krigsstaten/?utm_source=substack&utm_medium=email https://21stcenturywire.com/2025/03/06/21wire-live-euro-war-hawks-guests-freddie-ponton-basil-valentine/ https://nypost.com/2022/10/13/meet-the-tough-women-leaders-taking-on-vladimir-putin/