Fokkum feðraveldinu og fjárfestum í kynjakennurum. Kvennaárið brestur á

Sigrún Birna Björnsdóttir Kaaber skrifar grein í Vísi í dag (26. nóv. 2024). „Höfundur er sérfræðingur í vinnuumhverfis- og jafnréttismálum hjá Kennarasambandi Íslands.“ Greinin ber fyrirsögnina:

„Ofbeldisvarnir og alhliða kynfræðsla alla skólagönguna.“ Sigrún Birna segir m.a.: „Ofbeldisfaraldur gegn konum geisar á Íslandi og víðar í heiminum eins og fjallað hefur verið um. Bretar og Þjóðverjar hafa lýst yfir neyðarástandi og rannsóknir sýna að við stefnum hraðbyri á sama stað ef við erum þar ekki nú þegar því staðreyndir tala sínu máli. …

[R]annsóknir sýna að 40% kvenna á Íslandi hafa orðið fyrir kynferðisofbeldi á lífsleiðinni og að konur og kvár eru líklegri til að verða fyrir kynferðisofbeldi en önnur. 15% stúlkna í 10. bekk og 6% drengja hafa orðið fyrir kynferðisofbeldi af hendi annars unglings og 58% stúlkna og 35% drengja hefur orðið fyrir stafrænu kynferðisofbeldi.“

Hvorki fylgir það sögunni, hvers konar rannsóknir er um að ræða, né skilgreining á "kynferðisofbeldi." Í kvenfrelsunarrannsóknum er það t.d. ofbeldi telji kona karlmann líta sig girndarauga. Það getur jafnvel verið "hatursorðræða" í hljóði.

Fullyrðingin um neyðarástand í Bretlandi er grundvölluð á umfjöllun kvenfrelsunarfréttastofu RÚV um kvenfrelsunargrein í Guardian og könnun af sama toga í Þýskalandi, ef að líkum lætur. Heimildir eru ekki gefnar upp.

Skólinn þarf að gera gangskör að því að efla kynvitund og jafnréttisnæmi, segir Sigrún Birna:

„Menntakerfið leikur stórt hlutverk en ekki einleik þegar kemur að ofbeldisvörnum og fræðslu. Kvennaár 2025 krefst þess að kynjafræði, hinseginfræði og menntun um birtingarmyndir kynbundins ofbeldis og samskiptafærni verði færð inn í námskrá grunn- og framhaldsskóla.

Krafan rímar vel við samþykkt frá 8. þingi Kennarasambands Íslands sem haldið var 2022 hvar jafnréttisnefnd KÍ skoraði á stjórnendur allra skólastiga „að vinna markvisst og kerfisbundið að vandaðri kynfræðslu og ofbeldisvörnum og að slík fræðsla verði í höndum kennara og þannig sjálfbær í skólum.““

Um eitt hundrað þúsund kúgaðar konur komu saman í fyrra, vildu fokka feðraveldinu og aflétta kúguninni. Enn eru konurnar ófullnægðar og því hafa þær tekið höndum saman um Kvennaár 2025.

Nú er eins gott fyrir oss, kúgarana, að skríða í skjólið, sem Regnbogasysturnar, Kristrún Frostadóttir og Þorgerður Katrín Gunnarsdóttir, vafalaust munu veita okkur. Ófullnægðu konurnar segja m.a.:

„Til að fylgja eftir Kvennaverkfallinu höfum við, fjölmörg samtök femínista, kvenna, launafólks, fatlaðs fólks og hinsegin fólks tekið höndum saman og leggjum fram kröfur okkar. Við gefum stjórnvöldum eitt ár eða til 24. október 2025 til að breyta lögum og grípa til aðgerða til að tryggja fullt og endanlegt jafnrétti kynjanna.

Við ætlum ekki að bíða lengur! Til að fylgja kröfunum eftir og halda byltingunni áfram boðum við jafnframt Kvennaár 2025 þar sem við fléttum saman baráttu okkar fyrir samfélagi þar sem öll búa við jöfn tækifæri og möguleika.“

Við lestur þessara fórnarlambsherópa verður mér hugsað til Ásdísar Aðalsteinsdóttur, húsamálara. Rúmlega tvítugri fól fokking feðraveldið henni að ryðhreinsa og mála Lóransmastrið á Gufuskálum, sem er 411 eða 412 metra hátt. Þetta var á því kvenfrelsunarári 1980. Ætli hún taki þátt í næsta verkfalli til að fokka feðraveldinu eins og væntanlega hundrað þúsund íslenskar og kúgaðar kynsystur á kvenfrelsunarárinu 2015. Varla!

En ef til vill er skelfing Kvennaársynjanna skiljanleg. Ungur dóni í Bandaríkjunum, karskyns auðvitað, Nicholas J. Fuentes, sagði meira að segja: „Líkami þinn, mitt val um alla eilífð.“ Jafnréttisafturkippurinn er augljós eins og Hanna Birna, kvenfrelsunarfrömuður Sjálfstæðisflokksins, hefur bent á. Ungi Nikulás þyrfti að vara sig, því skjaldmeyjarnar hafa í hótunum um að drepa hann.

Nikulás gæti átt í vændum banvæna ástleitni frá samtökum kvenna, sem ráðgast um, hvernig megi eitra fyrir eiginkörlum sínum. Þessi félagsskapur (MATGA) kallar eld og eimyrju yfir Donald Trump eða öllu heldur eitur (Aqua Tofana), sem hefur reynst vel kúguðum konum um aldir.

Önnur kvenréttindasamtök hafa í orðum piltsins séð flóðbylgju nauðgana. Konur reita hár sitt í örvinglan og búa sig undir nauðgun, alvöru nauðgun en ekki hér-um-bil nauðgun eins og RÚV greindi frá um árið, þegar kvenfrelsunarhópurinn, Öfgar, voru þar tíðir gestir í einu kvenfrelsunarflogi miðilsins.

Enn einn hópur kúgaðra kvenna kallar Nikulás helfararafneitara og nasista. Það er næsti bær við kvenkúgara.

Monica Hesse hjá Washington Post getur ekki á heilli sér tekið: „Þetta er upphafið af hryllilegum, nýjum veruleika í því skyni að ógna, hlutgera og drepa vonina.“

Van Badham, blaðamaður hjá Guardian, tók undir allsherjarkarlhatur kóreanskra kvenfrelsara (4B movement), og sagði „erfitt að firra sig tilfinningu aðsteðjandi alheimsmyrkurs. Þessir karlar ofsækja okkur á alnetinu.“

Kúgaðar konur allra landa; sameinist og sýnið aðgát í nærveru karla. Nauðgun er fótum nær en hyggur. Það er þó huggun harmi gegn, að konur leiti enn að ljósinu í Ljósagöngu Kvenfrelsunarstofnunar Sameinuðu þjóðanna. Þar fór í fríðum flokki kvenna Kvenfrelsunarríkislögreglustjóri vor, meðan tölfræðideild hans bjó til skrítin kökurit um dráp á konum, sbr. fréttir RÚV (26. nóv).

https://www.facebook.com/photo/?fbid=10159785658151570&set=a.10151885380471570 https://timarit.is/page/1882493#page/n19/mode/2up https://fiamengofile.substack.com/p/the-tweet-that-launched-a-thousand?utm_source=post-email-title&publication_id=846515&post_id=152205803&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.pbs.org/newshour/politics/no-sex-no-dating-no-marriage-no-children-interest-grows-in-4b-movement-to-swear-off-men https://kvennaar.is/ https://www.visir.is/g/20242655660d/ofbeldisvarnir-og-alhlida-kynfraedsla-alla-skolagonguna- https://edition.cnn.com/2024/11/09/us/4b-movement-trump-south-korea-wellness-cec/index.html

Það mælti mín móðir; vertu ekki hræddur við valdskonur. Uppreisn karlanna og kosningar á Íslandi

Eins og allir vita sigraði Donald Trump í forsetakosningunum í Bandaríkjunum gegn gegn Kamala Harris. Áður gekk hann af hólmi með sigur gegn Hillary Clinton. Báðar eru kunnir kvenfrelsarar. Framtíðin er kvenna og konur þjást mest í stríðum, sagði Hillary.

Hillary er gríðarlega herská eins og títt er um kvenfrelsara. Hún var utanríkisráðherra, þegar Bandaríkjamenn og Norðmenn, þ.e. Nató, sprengdi Líbíu í tætlur, eftir að arabískir leiguliðar þeirra höfðu skapað grundroða í landinu. Við komum og við drápum hann, sagði Hillary, alveg „hilarious“ í bragði, þegar Muammar al-Gaddafi (1942-2011) hafði verið myrtur á hroðalegan hátt. Madeleine Jana Korbel Albright (1937-2022) sagði dráp á hálfri milljón barna i Írak ásættanlegan fórnarkostnað í árásarstríði Bandaríkjamanna.

Kamala og Hillary eru vitaskuld eymdarhyggjusinnar (woke), þ.e. aðhyllast samskipunarkvenfrelsun (intersectional feminism - samsteypa allra sem bágt eiga; konur, kynleysingjar, litskinnar - og Gyðingar hafa nú bæst í hópinn) og heimsyfirráðastefnu Bandaríkjamanna. Þetta var markhópur Kamala í kosningabaráttunni gegn Donald.

Donald kom með krók á móti bragði. Harris teldi djarft, sagði Donald kvenkúgara og karlrembu, óalandi og óferjandi. En líklega eru þetta að einhverju leyti látalæti í kosningaleikhúsi Bandaríkjamanna. Það er trúlega ekki djúpt á gamla vinskapnum. Dæturnar eru enn bestu vinkonur. En nú hefur Donald sem sé tvisvar brugðið fæti fyrir framboð til kvenforseta.

Í kosningabaráttunni gerði Kamala hosur sínar grænar fyrir nýju, afeitruðu og mótstöðulausu karlmönnunum. Eitt af þrástefjum kvenfrelsara í stríðinu gegn körlum segir, að þeir þoli ekki kvenyfirvald. Sömuleiðis er þeim núið um nasir að sýna ekki tilfinningar eins og konur og hegða sér eins og þær.

Það kemur því varla á óvart, að unninn hafi verið áróðursmynd, þar sem höfðað er til karla samkvæmt fyrrgreindum stefjum. Myndin er undursamleg. Einn karlanna segir það enga skömm að fella tár, annar lætur sig ekki muna um að greiða hár dótturinnar og sá þriðji segir; það mælti mín móðir að trúa bæri konum, virða þær og vera ekki bleikur, þegar þær tækju völdin.

Varla þarf að orðlengja það, að bæði konur og ungir karlar sneru baki við Kamala og kusu erkikvenfjandann, Donald. Einu sinni sagði reyndar ein af stríðsdrottningum kvenfrelsaranna, Simone de Beauvoir (1908-1986), að konur vildu ekki kynsystur sem leiðtoga. En það er nú svo. Því má svo við bæta, að „mee-too“ - orrustan gegn körlum var fyrst háð í forsetatíð Donald. Hún geisar enn.

Önnur kunn baráttukona – að vísu fyrir réttindum karla – hin ástralska Bettina Arndt, telur, að nú sé hafin uppreisn karla gegn kvenfrelsunarfasismanum, þ.e. allsherjarstríði kvenfrelsara gegn körlum; feðrum og sonum. Öllum ráðum og alls konar óþverrahætti er beitt. Tilgangurinn helgar meðalið. Stríðið er fjármagnað af auðkýfingum og yfirvöldum. Bettina telur jafnframt, að höfðuðvígi kvenfrelsaranna sé að finna í hinum angló-saxiska menningarheimi. Þar er Ísland vitaskuld að finna.

Bettina segir þó ekki uppörvandi sögur úr heimaálfunni. Þar eru engin sannfærandi tákn þess, að uppreisn karla hafi skotið rótum. Sögurnar fjalla um ofsóknir á hendum körlum í anda „mee-too“ - múgsefjunarinnar, falsar ákærur um kynofbeldi, mismunun fyrir dómstólum, útilokun feðra frá börnum sínum og heimilum, svo og áhugaleysi um hag karla og velferð. Allt þetta eru einnig kunnugleg stef frá Íslandi.

Hins vegar er þróunin í Argentínu tilefni til bjartsýni. Þar er í undirbúningi löggjöf um að refsa konum fyrir falskar ákærur gegn körlum og lagt hefur verið niður kvenfrelsunarráðuneytið. Bjartsýni vekur einnig, að samkvæmt skoðanakönnunum víða um heim (eins og El Salvador, Mongólíu, Rúmeníu og Tyrklandi) kemur í ljós, að körlum er farið að ofbjóða forréttindabarátta kvenfrelsara í þágu kvenna. Meira að segja hjá jafnréttisráðherra Danmerkur, Marie Bjerre, er mælirinn fullur.

María segir t.d.: „Nú er kominn tími til að búa svo um hnútana, að misnotaðir karlar og börn þeirra fái sams konar aðstoð og konur, sem falast eftir hjálp. Jafnrétti gildir bæði fyrir konur og karla.“ Það er reyndar algengur misskilningur.

Þegar Tyrkir lýstu því yfir, að þeir ætluðu að gefa langt nef Miklagarðs sáttmálanum um afnám alls konar ofbeldis gegn konum, ætlaði allt um koll að keyra í herbúðum kvenfrelsaranna og mannréttindafrömuðanna. En eins og sumir vafalaust hafa pata af flokka margir kvenfrelsun undir mannréttindi. Enginn samsvarandi sáttmáli um afnám ofbeldis kvenna í garð karla hefur enn litið dagsins ljós.

Að þessu sögðu gæti svo verið, að orð Bettina um uppreisn karla séu ekki úr lausu lofti gripin. Alla vega virðist sumar konur sjá blikur á lofti og hóta kynlífsverfalli eins og grískar kynsystur forðum.´

Engir íslenskir stjórnmálaflokkar hafa í kosningabaráttunni, sem nú geisar, sýnt vilja til að rétta hlut karla, feðra og sona - og spyrna við óhemjugangi kvenfrelsaranna.

https://www.youtube.com/watch?v=CX1pFIbObZQ Kamala Harris uses UN speech to champion women’s role in democracy | CNN Politics Man Enough: Fighting Bears, Voting, and Eating Carburetors | TikTok Bettina Arndt - YouTube American AF 🇺🇸 på X: "This is NOT a drill. Millions of liberal women are going on sex strikes for the next 4 years… 🤣🤣 https://t.co/kgDmPaW4tq" / X ‘A fatal miscalculation’: masculinity researcher Richard Reeves on why Democrats lost young men | US elections 2024 | The Guardian Man Enough (Harris/Walz Ad) Niall Ferguson: The Resurrection of Donald J. Trump | The Free Press https://bettinaarndt.substack.com/p/whistleblower-police?utm_source=post-email-title&publication_id=448263&post_id=150698077&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.youtube.com/watch?v=AfsZjKv_fw0 https://fiamengofile.substack.com/p/the-man-enough-ad-actually-men-have?utm_source=post-email-title&publication_id=846515&post_id=150528812&utm_campaign=email-post-title&isFreemail=true&r=ry8jq&triedRedirect=true&utm_medium=email https://bettinaarndt.substack.com/p/winning-against-the-feminist-machine?utm_source=post-email-title&publication_id=448263&post_id=151300408&utm_campaign=email-post-title&isFreemail=true&r=ry8jq&triedRedirect=true&utm_medium=email