Styðja, styðja, hægri, vinstri. Kosningar fram undan

Í ungdæmi mínu var kenndur dans í Vogaskóla. Það þótti menningarlegt. Ég átti í stökustu erfiðleikum með „Tja, tja, tja.“ Hægri, vinstri, tja, tja, tja, sagði kennarinn. En áttavitinn í huga mér hringsnerist og mér fipaðist fóturinn.

Aftur á móti þótti það ekki menningarlegt að kenna strákum handavinnu. Þegar ég – andófsmaðurinn – leitaði til Brynhildar handavinnukennara um málið, tjáði hún mér höstuglega, að „strákar lærðu ekki að sauma.“ Þegar ég nokkrum árum síðar sótti um skólavist í Kvennaskólanum var mér undurblíðlega tjáð, að skólinn væri fyrir stelpur.

Eftir að nýju kynfrelsunarlögin tóku gildi, hefur sú hugsun gerst áleitin, hvort ég sé ekki fæddur í röngum líkama. Eiginlega sé ég Louise Henriette Josephine Vandencryce (skírð í höfuð á forföður mínum frönskum).

Ég skal ekki um það segja, hvort landar afa míns í Þinghúsinu í París hafi átt í sömu erfiðleikum með áttavitann og ég. En það skiptist einmitt í hægri og vinstri, meðan á Frönsku byltingunni stóð. Byltingarmenn sátu til vinstri augliti til auglitis við þingforseta, en konungsmenn til hægri.

Smám saman öðlaðist þessi grófi áttaviti nýtt gildi. Hægri menn voru sagðir íhaldssamir og vinstri menn róttækir, þ.e. þeir vildu breytingar eða jafnvel byltingar í anda þeirrar frönsku.

Orðin fara vel í munni og hafa þann stóra kost, að fólkinu, sem notar þau, er hlíft við að hugsa of mikið. Það hlýðir „danskennaranum“ eins og ég reyndi að gera. Enn tala frambjóðendur til Alþingis um, að þeir séu til hægri og vinstri. En eins og nærri má geta, fer ég þá gjarnan í hring eins og stjórnmálin hafa raunar einnig gert.

Franska byltingin er trúlega fyrsta byltingin, sem alþjóðaauðvaldið, þá í burðarliðnum, atti fólki út í. Réttur þorra manna var fyrir borð borinn, fólk var fátækt og svangt. Krafist var réttlætis og brauðs fyrir karla, konur og börn. Sama var upp á teningnum, þegar iðnbylting auðjöfranna hafði leitt til myndunar verkalýðsstéttar í borgum.

Vígorð byltingarmanna hinnar nýju verkalýðsstéttar var: „Öreigar allra landa sameinist.“ Þannig skyldi frelsa fólkið og gefa því lýðræði eins og vopnfærum, frjálsum körlum í Aþenu til forna. Hinir spaugsömu áróðursmenn nasista lögðu síðar sérstaka áherslu á gildi vinnunnar við frelsunina: „Arbeit mact frei.“ Konur trúðu þessu eins og nýju neti.

Það vill svo til, að vígorðin og byltingarhugsunin var sótt til lögfræðingsins, Karls Marx (1818-1883), sem auðjöfurinn, Friedrich Engels (1820-1895), styrkti til skrifa um framtíðarlandið. Þar ríkti réttlæti, eindrægni og sæld. Þar með gengu gamlir draumar um allsnægtalandið í endurnýjum lífdaganna og alþjóðaauðvaldið eignaðist vegvísi um fyrirheitna landið, „Alheimskringluna,“ undir þeirra stjórn. Frelsi og lýðræði voru vitaskuld boðorðin.

Friðrik var einnig liðtækur kenningasmiður, taldi t.d. konuna kúgaða og fjölskylduna kúgunartækið. Hugmyndir þessara fóstbræðra hafa orðið grundvöllurinn að hernámi heimsins og huga alþýðu. Auðjöfrarnir, sem þegar eiga 99% af auðævum veraldar, kalla hernámið fjórðu (eða jafnvel fimmtu) iðnbyltinguna.

Alheimsauðvaldið lærði fljótt og vel, nýtti sér alls konar hugmyndir og hreyfingar sjálfu sér til framdráttar. Þeim var beitt fyrir vagn alheimsyfirráðanna. Það byrjaði t.d. snemma að frelsa konur. Taldi þeim trú um, að reykingar væru hollar í upphafi síðustu aldar. Hin „nýja kona“ var þar með fædd. Síðar lærði hún, að fóstureyðingar að eigin geðþótta (þ.e. án samráðs við föður), fram að fæðingu barns, væri helsta dygð hinnar frjálsu konu.

Bragð er að, þá barnið finnur. Blásið var í gamlar, hugmyndafræðilegar glæður um kúgun kvenna og fjölskyldu. Borið var fé á kvenfrelsunarhreyfingar. Þær börðust hugmyndinni trúar gegn körlum og fjölskyldu – og þar með hefðbundnu uppeldi barna.

Hin nýja kona væri maður með mönnum, hefði „fyðilinn“ milli fingra sér og fnæsti að barneigum og barnauppeldi. Þannig tókst auðjöfrunum að lækka launakostnað og skapa fleiri skattgreiðendur.

Konur (og karlar) urðu holl trúnni. Karlar, feður og drengir, eru meira eða minna utan garðs, fjölskyldan alvarlega löskuð. Mikla móðir er í öflugri sókn og mæður hafa mestar áhyggjur af því, að hið opinbera ali ekki nógsamlega upp börnin og fóðri, þ.e. þau, sem þrátt fyrir allt koma í heiminn, sleppa við eyðingu í móðurkviði. Frjálsar konur eiga helst ekki börn eins og gefur að skilja.

Svokölluð verkalýðshreyfing er samróin kvenfrelsunarhreyfingunni. Hún minnir oss stöðugt á, að enn þá séu konur ekki nógsamlega frelsaðar, því enn þá sitji karlar um um þær, tali óviðurkvæmilega og hatursfullt til þeirra, klappi þeim á afturendann, slái gullhamra eða – og allra helst – nauðgi þeim. Svo vilja karlar vitanlega ekki „hleypa konum sínum upp á dekk“ eins og Vigdís forseti sagði.

Allt er þetta staðfest í fréttum RÚV, ríkismiðlinum ósnertanlega. Kvenfrelsunarforinginn úr Kristilega jafnaðarmannaflokknum (Sjálfstæðisflokknum), Hann Birna Kristjánsdóttir, segir þetta. Það segja líka kvenfrelsunarforingjar Viðreisnar, Þingræningja (Pírata), Samfylkingar, Jafnaðarmannaflokks (Sósíalistaflokks), Vinstri-grænna og Flokks (hunda)fólksins.

Mikilvægasta kosningamálið er í raun hvorki framfærsla, heilsa eða húsnæði, heldur hvað sé kona og hvort karl sé karl. Ég gæti sem best trúað því, að fóstbræðurnir gömlu, Kalli og Frikki, hafi af þessu góða skemmtun í Valhöll, þjóri bjór og skelli sér á lær: „Sögðum við ekki.“

Kynlausir eða kvenfrelsaðir öreigar allar landa“ eru nefnilega um það bil að sameinast. Byltingarforingjarnir eða stríðsforkólfarnir, hvort tveggja þeir, sem háðu kynja- og menningarstríðið inn á við og vopnastríð út á við, hafa þjónað sínum tilgangi meira eða minna. Bráðum stýra þeir hugum manna – og kyni jafnvel – gegnum örmerkingar og örflögur.

Hvað á ég að kjósa? Mér sýnist flokkarnir stefna sofandi að feigðarósi á vit öreigaparadísar alþjóðaauðvaldsins. Stundum rumska þó atgervismenn í Miðflokknum og Lýðræðisflokkurinn býður upp í Tja, tja, tja. En dansgólfið skal þó vera Nató. Það mætti þó fyrirgefa, bara ef flokkurinn leysir gátuna:

„Hvað er kona, hvað prýðir hina frjálsa konu, íslensku Fjallkonuna.“ Ætli hún sé þrílimuð hið neðra og skeggjuð?

(Hér fylgir samtal við Paul Kingsnorth og fróðleg grein eftir hann. Innblástur í sama anda):

https://www.youtube.com/watch?v=faaTLrTKwOE https://paulkingsnorth.substack.com/p/donald-and-the-pincer

Besta ræða Donald Trump. Vitfirringarnir í Washington. Úkraínustríðið

Vitfirringarnar í Washington, búktalarar hins aldurhnigna forseta, hafa heimilað bandaríska hernum í Úkraínu að skjóta meðaldrægum sprengjuflaugum inn í Rússland. Það hefur þegar raungerst. Orðið var við bón Breta, Frakka og Úkraínumanna.

Skotið var sex sprengjuflaugum (Army Tactical Missile Systems - ATACMS) á skotmark í Rússlandi um miðja nótt, enda óþarfi að teygja lopann samkvæmt fíkniefnasjúklingnum, umboðslausum forseta Úkraínu. En ákvörðunin og sjálft skotið er Bandaríkjamanna.

Þegar í september gerði Vondi-Valdi heiminum það ljóst, að litið yrði á slíkt háttalag sem stríðsyfirlýsingu þeirra þjóðar, sem ábyrg væri. Af sama tilefni var stefna þeirra um beitingu kjarnorkuvopna uppfærð, en eins og kunnugt er hafa Bandaríkjamenn bæði sagt upp tvíhliða samningum um vopnakapphlaup og meðaldrægar flaugar sérstaklega.

Bandaríkjamenn reyna sem sé ekki lengur að fela beina aðilda sína að stríðinu. Því er ekki lengur um að ræða staðgengilsstríð, heldur stríð milli Bandaríkjanna, Nató og Úkraínu annars vegar og Rússa hins vegar. Þetta er skilningur þingmannsins, Dennis Kuchinich, og væntanlega allra, sem hafa yfir að búa almennum málskilningi og skynsemi.

Donald Trump, yngri, hefur sagt þennan gjörning til þess fallinn að torvelda föðurnum friðarsamninga í Úkraínu. Engu að síður ráðleggja sumir stuðningsmanna pabbans að ybba frekar stríðskífið, svo bæta megi samningsstöðuna.

Donald Trump, eldri, lét þessi orð falla af ofangreindu tilefni:

„Aldrei hefur þriðja heimstyrjöldin gerst nærgöngulli en nú undir stjórn Joe Biden. Alheimsátök kjarnorkuvelda bjóða heim dauða og tortímingu, sem mannkyn hefur aldrei orðið vitni að. Það yrðu kjarnorkuragnarök. Við erum í færum um að komast hjá þeim, en nýrra leiðtoga er þörf.

Á hverjum og einum degi staðgengilsstríðsins í Úkraínu vofir yfir hættan á heimstyrjöld. Það verður að verða algjörlega skýrt í huga okkar, að hætta verður ófriði tafarlaust. Allar skotárásir verður að stöðva. Það er kjarni málsins. Frið verður að skapa umsvifalaust.

Aukin heldur verður af gera gangskör að því af fullum heilindum að aftengja stjórnkerfi nýíhaldsssinna (neocon), sem stöðugt dregur okkur inn í stríðin endalausu og þykist vera að berjast fyrir frelsi og lýðræði á erlendum vettvangi. Á meðan allt er lagt í kalda kol heima við. Við erum að verða þriðja heims ríki, þar sem ríkir þriðja heims alræði.

Í því skyni að reka djúpríkisforkólfana og setja Bandaríkin á oddinn, verður að endurhæfa og endurreisa ráðuneyti utanríkis- og varnarmála og afganginn [af skrifræðinu]. Hagsmunir Bandaríkjanna eiga að skipa fyrsta sætið.

Að lokum þarf að ljúka því verki, er hafið var [í forsetatíð] minni að brjóta gaumgæfilega til mergjar tilgang og köllun Nató.

Stjórn utanríkismála leggur sig þráfaldlega fram um að etja veröldinni á forað styrjaldar við kjarnorkuvopnabúna Rússa á grundvelli þeirrar lygar, að okkur stafi mest hætta af Rússum. En mestri ógn stafar ekki af Rússum um þessar mundir.

Henni stafar að líkindum allra helst af hræðilegu fólki, sem hatar Bandaríkin og eru fulltrúar okkar. Þessir alheimstjórnarsinnar vilja sóllunda mætti, blóði og auðævum Bandaríkjanna í eltingarleik við skrímsli og vofur handan hafs til að leiða huga okkar frá eyðileggingunni, sem þeir valda innanlands.

Þessi öfl valda Bandaríkjunum meira tjóni heldur en Rússar og Kínverjar gætu látið sig dreyma um. Uppræting (evicting) sjúks og spillts stjórnkerfis er gríðarlegt átak fyrir næsta forseta.“

Það veitir svo sannarleg ekki af. Leiðtogadruslurnar í Evrópu undir stjórn Úrsúlu frá Leyen, berja sér á brjóst og ætla sér frekari hernað gegn Rússum. Nýr framkvæmdastjóri Nató er að vonum engu skárri en forverinn, haldinn sömu hugvillu um úkraínskan Natósigur í Úkraínu. Sá fyrri hefur nú fengið feita stöðu hjá kjarna alheimsstjórnarsinnanna í Bilderbergfélaginu.

Það er einmitt á áætlun alheimsstjórnarsinna að eyða veröldinni – jafnvel með kjarnorkuvopnum – og „endurbyggja betur“ í „endurræsingunni miklu.“ Djúpríkið í Bandaríkjunum og Evrópu stjórnar bak við tjöldin. Það hlakkar í erkidjöflinum í Davos. Þó ber ekki á öðru, en að bandaríska djúpríkið sé klofið eins og kosning Donald Trump gæti gefið vísbendingu um. MAGA (Make America Great Again) virðist að sumu leyti andsnúið alheimsstjórnarsinnum.

Alþjóðamálagreinandinn, Peter Koenig, segir: „Í upphafinu kynni svo að virðast, að klofningur hafi verið í djúpríkinu. MAGA deildin, sem er andsnúin alheimsstjórnarsinnum og eymdarhyggjunni (woke) og berst fyrir fullveldi Bandaríkjanna, leyfði kosningu Donald Trump si svona sem yfirskin.“

Alþjóðastjórnmálaskýrandinn, Thomas Fazi, segir: „Ákvörðunar Biden um að leyfa Úkraínumönnum að beita langdrægum eldflaugum ATACMS til árása á Rússland mun verða minnst í sögubókum sem glæfralegasta gjörnings stjórnvalda. {Þetta bætist við] afar langan lista glæfralegra, viðbjóðslegra glæpaverka frá Úkraínu til Gaza. Svo það fari ekki milli mála: Biden – hugsljótt forsetaslytti (lame-duck) flokks, sem goldið hefur afhroð í kosningum – kynni með þessu að hafa lýst yfir stríði á hendur Rússum.“

Annar alþjóðamálaskýrandi og sagnfræðingur, Gilbert Doctorow, hefur þó góðar vonir um, að langlundargeð, skilningur og skynsemi Vonda-Valda, dugi til að stemma stigu við frekari blóðsúthellingum.

Hernaðarsérfræðingurinn, Will Schryver, telur, að Rússar muni nú leggja áherslu á að eyða njósnakerfum Vesturlanda (njósnaflugvélar og -hnettir – Intelligence Surveillance, Reconnaissance – ISR). Upplýsingar úr þeim eru notaðar til að gera árásir á þá. Rússar hafa verið seinþreyttir til vandræða í þessu efni, en eyddu þó ómönnuðu njósnaflygildi (MQ-9 drone) yfir Svartahafi. Því kveiktu þeir hreinlega í. Þeir gætu hugsanlega einnig lagt til atlögu við flygildi (RQ-4), sem eru ómönnuð, svo og mannaðar njósnavélar, sem sveima í námunda við landamæri þeirra í Rúmeníu og Póllandi. Þar í landi hefur verið reist ný, bandarísk herstöð.

Dópistinn í Kænugarði neitar að grafa stríðsöxina og boðar hættuna af 100.000 manna herliði Norður-Kóreumanna, sem fyrst muni veita innrásarher Nató í Kursk ráðningu og síðan halda áfram í vesturátt eins og riddarar Gengis Kan. Hernaðarbandalag Rússa og Norður-Kóreumann er alþekkt, sem og æfingar til að samhæfa heraflann. En það hefur engin staðfesting fengist á fullyrðingum Nató og RÚV þess efnis, að þeir taki þátt í bardögum.

Þó kynni að vera, að stríðstryllingurinn sé að sefast hjá Olaf Scholz, enda þótt þýskir hermenn séu nú þjálfaðir til stríðs við Rússa. Hann sló á þráðinn til Vonda-Valda til að kanna horfur á friði. Hann fékk sama svar og áður. Landsvæði rússnesku mælandi íbúa í Úkraínu yrðu rússneska eins og þeir hafa kosið um og rússneska þingið staðfest. Sömuleiðis yrði að sjá til þess, að öryggisskilmálum Rússa yrði fullnægt. En Vondi-Valdi var, þrátt fyrir stöðug samningssvik, býsna vinsamlegur og bauð að senda Þjóðverjum ódýrt gas eins og áður en Bandaríkjamenn og Norðmenn sprengdu leiðsluna þeirra.

Eins og vænta mátti mótmæla Ungverjar og Slóvakar. En íslensku, þrælslunduðu stjórnmálamennirnir eru samir við sig, þegja þunnu hljóði.

Íslendingar ættu að vita, að notkun herstöðvar Nató í Keflavík gæti fallið undir skilgreiningu á óvinaríki í nýrri stefnu Rússa um beitingu kjarnorkuvopna. Verndarenglar vorir í vestrinu kæmu engum vörnum við. Og heldur ekki, ef við fengjum heita kveðju á ofurhraða, svipaða þeirri, sem Jemenar nota til að laska herskipin þeirra.

Íslendingar ættu ef til vill fara að dæmi Svía, búa sig undir frekara brjálæði og safna niðursoðinni fæðu. „Opnið Ora dós og gæðin koma í ljós.“

https://rumble.com/v5r317h-wef-insider-elite-planning-ww3-within-weeks-to-rebuild-world-from-nuclear-a.html https://steigan.no/2024/11/ungarn-og-slovakia-kritiserer-usas-for-a-stotte-langdistanseangrep-i-russland/?utm_source=substack&utm_medium=email https://responsiblestatecraft.org/trump-putin-ukraine/ https://www.thomasfazi.com/p/has-biden-just-declared-war-on-russia https://korybko.substack.com/p/everyone-missed-the-most-important?utm_source=post-email-title&publication_id=835783&post_id=151768067&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.youtube.com/watch?v=DuOcRdfaoAM&t=8s https://www.globalresearch.ca/uk-france-begging-biden-escalate-russia/5872785 https://korybko.substack.com/p/russias-updated-nuke-doctrine-aims?utm_source=post-email-title&publication_id=835783&post_id=151914483&utm_campaign=email-post-title&isFreemail=true&r=ry8jq&triedRedirect=true&utm_medium=email https://steigan.no/2024/11/putin-forteller-den-tyske-lederen-at-ukraina-fredsavtale-er-mulig/?utm_source=substack&utm_medium=email https://steigan.no/2024/11/rapport-biden-lar-ukraina-angripe-russland-med-amerikanske-langtrekkende-missiler/?utm_source=substack&utm_medium=email https://x.com/Megatron_ron/status/1858266351116190146?ref_src=twsrc%5Etfw%7Ctwcamp%5Etweetembed%7Ctwterm%5E1858266351116190146%7Ctwgr%5E4f3559a17ed6ee6c99d3699bb947ae6d101ab1de%7Ctwcon%5Es1_&ref_url=https%3A%2F%2Fsteigan.no%2F2024%2F11%2Frapport-biden-lar-ukraina-angripe-russland-med-amerikanske-langtrekkende-missiler%2F https://x.com/imetatronink/status/1757927746683228479?ref_src=twsrc%5Etfw%7Ctwcamp%5Etweetembed%7Ctwterm%5E1757927746683228479%7Ctwgr%5E512bcca154817780d7fcb44719df0b81a68de4cc%7Ctwcon%5Es1_&ref_url=https%3A%2F%2Fwww.unz.com%2Fmwhitney%2Fgoing-out-with-a-bang%2F https://gilbertdoctorow.com/2024/11/18/north-korean-troops-in-kursk-pretext-for-american-escalation-or-cause/ https://korybko.substack.com/p/the-moment-of-truth-how-will-russia?utm_source=post-email-title&publication_id=835783&post_id=151809838&utm_campaign=email-post-title&isFreemail=true&r=ry8jq&triedRedirect=true&utm_medium=email https://denniskucinich.substack.com/p/bidens-missile-crisis?utm_source=post-email-title&publication_id=1441588&post_id=151888364&utm_campaign=email-post-title&isFreemail=true&r=ry8jq&triedRedirect=true&utm_medium=email https://gilbertdoctorow.com/2024/11/19/what-happens-now-after-the-ukraines-atacms-strike-on-an-arms-storage-site-in-bryansk-oblast-russian-federation/ https://www.youtube.com/watch?v=Go--8rh8Kx0 https://www.unz.com/mwhitney/going-out-with-a-bang/