Umhverfisvá, valkyrjur og Volodymyr. Þórdís Kolbrún og Katrín í Kífinu

Umhverfisvá, valkyrjur og Volodymyr. Þórdís Kolbrún og Katrín í Kífinu Íslensku valkyrjurnar, Þórdís Kolbrún og Katrín, eru nú væntanlega komnar alla leið til Kænugarðs (eða Kíf eins og RÚVarar segja). Þær ætla að hugga hann og styrkja, fullvissa hann um stuðning við úkraínska hunda, ketti, konur og börn þeirra. Þær ferðast með leynd, svo Rússar grandi þeim síður.

Allt er þetta gert í þeirri kvenfrelsunarsannfæringu, að konur séu ævinlega fórnarlömb í lífinu, sama hvað á gengur. Hillary Clinton er ein spákvenna þeirra. Hún sagði fyrir aldarfjórðungi síðan eins og sumir vafalaust muna, að konur væru ævinlega mestu fórnarlömb stríðsátaka, því þær misstu (eitraða) karlmenn sína, syni, bræður, frændur og eiginkarla.

Þennan boðskap endurtók hún á síðasta hátíðardegi kvenna, en bætti við því, sem áður út af stóð, að þjáningarsystur hennar á jörðinni væru haldnar „ofsaumhverfiskvíðaheilkenni“ (psychoterratic syndrome). Það liggur fyrir fjöldi vísindalegra rannsókna á sviði kvenfrelsunarumhverfisfræða (eco-feminism), sem sýna þetta svart á hvítu. Þær skoðar Tom Golden í hjálagðri umfjöllun.

Glögga lesendur rekur sjálfsagt minni til, að fjöldi vísindarannsókna kvenfrelsunarfræðimanna sýnir líka fram á, að konur hefðu verið sérstaklega kúgaðar, meðan á síðasta veirufaraldri stóð. Þær þurftu nefnilega að sinna hættulegum störfum, hjúkra og sinna fólki innan stokks og utan, elda mat, skúra gólf og sinna börnum. Þær stóðu bæði þriðju og fjórðu vaktina eins og það heitir á kvenfrelsaramáli.

Sjaldan launar kálfur ofeldið. Þakklætið var meiri áreitni, fleiri nauðganir og byrlunarfaraldur. En eins og kunnugt er lauma karlar ólyfjan í vínglös stúlkna/kvenna til að nauðga þeim í (meira) óráði. Það er ekki nema von, að þær hrópi „við viljum njóta öryggis, við eigum það skilið.“ Og hver er ekki sammála því?

Ungar konur í framhaldsskólum Íslendinga berjast í stöðugri nauðgunarnauðvörn við graða og eitraða karlkyns meðnemendur sína. Það er bæði nauðgunarmenning innan og utan veggja skólans, samkvæmt Skólameistarafélaginu og Stígamótum. Og þar blómstrar sjúka ástin, sem Stígamót fræða nemendur um.

Katrín og Þórdís Kolbrún munu vonandi vara Volodymyr við þessu ástandi og kenna honum eitt og annað. Hann leiðir nefnilega baráttuna gegn rússneskum nauðgurum á stinningarlyfjum, samkvæmt Sameinuðu þjóðunum og RÚV.

En nú er það bæði eitrað umhverfi og eitruð karlmennska sem ógnar konustofninum, segja Katrín og António Guterres, framkvæmdastjóri Sameinuðu þjóðanna. Katrín hefur reyndar líka lýst áhyggjum af nýju vopni í búri feðraveldisins; karllægri gervigreind.

Það er eins gott að vera á verði gegn ógnum feðraveldisins og sýna úkraínskum systrum í kúguninni samstöðu. Orð Madeleine Jana Korbel Albright (1937-2022), fyrrverandi utanríkisráðherra Bandaríkjanna, eru refsivöndur kvenstjórnmálamanna í þessu efni. Hún sagði Kölska sjálfan hafa útbúið sérstakan kima í Helvíti handa konum, sem skirrðust við að leggja kynsystrum sínum lið í baráttunni gegn karlpeningnum.

Ég vona þess vegna, að valkyrjur Íslands, Þórdís Kolbrún og Katrín, séu þessara orða minnugar í Kænugarði og fallist í faðma við útvörð lýðræðis og frelsis, hinn volduga Volodymyr. Nýlega skerti hann trúfrelsi í ríki sínu. Áður hefur hann bannað verkalýðssamtök og þreytandi fjölmiðla.

Því er varla von til þess, að skytturnar þrjár gefi sér tíma til að ræða, hvernig vinir okkar, almenningur í Úkraínu, er hafður að leiksoppi í stórveldastríði, sem sameinaðir auðdrottnar heims kynda undir.

En hvernig sem því líður gleymdi hinn sæli leiðtogi ekki að þakka konum Úkraínu fyrir fórnfýsi sína á Alþjóðadegi kvenna (International Women‘s Day). Hann skal njóta sannmælis.

Ég treysti því, að hann þakki íslensku skjaldmeyjunum, sendiboðum íslenska stríðsríkisins, innvirðulega. Varla fara þær á aftökulistann hans.

https://scheerpost.com/2023/03/12/chris-hedges-ukraines-death-by-proxy/ https://fiamengofile.substack.com/p/the-specter-of-needle-spiking-haunts?utm_source=substack&utm_medium=email https://menaregood.substack.com/p/hillary-at-it-again?utm_source=substack&utm_medium=email#play

Hitler og heill þjóðanna

Þegar „friðarviðræður“ í lok fyrstu heimstyrjaldar voru haldnar í París og Versölum, hafði franskur hershöfðingi orð á því, að hér væri í raun einungis verið að semja um tuttugu ára vopnahlé. Hann varð sannspár.

Blekið hafði varla þornað á samningunum, þegar uppbygging Þýskalands hófst. Hún var fjármögnuð af alþjóðlega iðnaðar- og bankaauðvaldinu með aðsetri í City of London, Wall Street, Bern og víðar. Henry Ford og Rothschild ættin fór þar fremst í flokki. Þessir auðjöfrar og þýskir, fjármögnuðu einnig þýska nasistaflokkinn. Adolf Hitler var að öllum líkindum Rothschild ættar. Það er æði oft svo, að fjármagni sé beitt sem tortímingarvopni.

Hér er sýnt myndskeið (Rumble), með enskum textum, af snilldarræðu Adolf Hitler, þar sem hann sannfærir þýsku þjóðina um friðar- og framfaravilja sinn. Það vakti fyrir honum að fá lýðræðislegt umboð til að gerast löglegur einvaldur Þýskalands. Yfirgnæfandi meirihluti kjósanda veitti Adolf það umboð. Þar með var Weimar lýðveldinu (lýðræðinu) komið fyrir kattarnef.

Það er ekkert nýtt í sjálfu sér, að stjórnmálamenn tali þvert um geð sér, tali tveim tungum og slái ryki í augu fólks. Það gerir t.d. Katrín Jakobsdóttir um þessar mundir. Kvenfrelsunar- og hatursorðræðutal hennar og viðeigandi löggjöf í kjölfarið, er einungis til þess fallin að skerða lýðréttindi og styrkja ríkisvaldið í stríði hennar gegn körlum/drengjum og tjáningarfrelsi.

Sama tilgangi þjónar barátta Jóns Gunnarssonar, dómsmálaráðherra, og Ríkislögreglustjóra, fyrir eflingu njósnastarfsemi og auknum vopnaburði lögreglu. Í stað rafbyssunnar, sem skötuhjúin eru svo uppnumin yfir, mætti nota net, t.d. endurunnið þorskanet. Það kemur að jafn góðum notum. Skerðing mannréttinda í tilbúnum veirufaraldri þjónaði sama tilgangi.

Jón kallar íslensku leyniþjónustuna, sem sífellt vex ásmegin, afbrotavarnir og lækningu. Svandís Svavarsdóttir, þáverandi heilbrigðisráðherra, og Landlæknisembættið, kölluðu bóluefnin heilsuvernd. Ríkisstjórnin kallaði skerðingu lýðréttinda og sviptingu atvinnufrelsis, öryggisráðstafanir. Ríkisstjórnin og Landlæknisembættið kallar gagnrýna umræðu, um aðgerðir þeirra, „dreifingu falsfrétta“ og „upplýsisngaóreiðu.“

Lýðskrumarar og aðrir þeir, sem tvöfaldir eru í roðinu, flytja sauðsvörtum almúganum iðulega þann boðskap, að ofbeldi í orði og á borði sé í hans þágu. Það gerði Adolf í meistaralegri áróðursræðu sinni. Það gerði líka Volodymyr Zelensky, þegar hann hét þjóð sinni eflingu lýðræðis og umfram allt friði í ríkinu. Allir vita, hvernig það fór.

Í framhaldi af veiru- og Úkraínustríðinu sækir sameinað alþjóðaauðvald í sig veðrið, meðan kynnt er undir efnahags- og bankakreppu, og verðbólgan eyst. (Les: eignaupptaka alþjóðaauðvaldsins.)

Fjárfestingasjóðurinn, „Svarti klettur“ (Black Rock) undirbjó okkur undir kreppuna, sem nú vex fiskur um hrygg, árið 2019. Hún birtist okkur í dulbúningi veirufaraldurs og umhverfishamfara og stríðs í Úkraínu.

Kanslari Alheimsefnahagsráðsins, Klaus Schwab – af gömlum og grónum nasistaættum (eins og Ursula von der Leyen – boðar leifturorrustu gegn skelfingu lostnum almenningi til að smala honum inn í stundarfjórðungsborgir, inn í heim snjalllífis og fjarstýringar þeirra, sem rauðeygðir yfir auðnum ráða. Þar fær hann að gæða sér á rannsóknastofugervifæðu og skordýrum, þ.e.a.s. geti hann lagt frá sér snjallsímana og tölvuskjáina.

Stríð og kreppugerð eru kunnuglegar brellur til að auðgast og skerða frelsi fólks og réttindi. Vistkreppa Sameinuðu þjóðanna, Rómarklúbbsins (David Rockefeller og fl.) og Al Gore, er enn þá eitt dæmi. Fólk svíður í budduna sína. Fjármagns- og bankakreppur þekkja allir af eigin raun.

Það eru margir Adolf inn við beinið. Við skyldum halda vöku okkar og gæta þess að greina sauðina frá höfrum stjórnmálanna.

https://steigan.no/2023/03/bankkollapsen-i-usa-hvorfor-kommer-den/?utm_source=substack&utm_medium=email https://articles.mercola.com/sites/articles/archive/2023/03/13/health-officials-deploying-fear-staging-coverup.aspx?ui=50823ccf152775dc8e8154c0ff79da522ef0aa959b384df904857f2fc49c6730&sd=20221129&cid_source=dnl&cid_medium=email&cid_content=art1HL&cid=20230313_HL2&cid=DM1362957&bid=1744343169 https://corbettreport.substack.com/p/who-is-behind-the-great-food-reset https://e24.no/boers-og-finans/i/APx0vr/silicon-valley-banks-toppsjef-dumpet-aksjer https://steigan.no/2020/11/hvorfor-pandemikrisen-er-kapitalens-favorittkrise/ https://expose-news.com/2023/03/13/inflation-figure-in-the-uk-is-now-over-35/ https://finance.yahoo.com/news/regulators-seize-signature-bank-in-third-largest-us-bank-failure-231404695.html https://www.realhistorychan.com/video.html https://rumble.com/v2cphx6-1936-speech.html