Joseph Biden dreginn fyrir dóm með veiruvinunum

Veröldin kynni að vera að vakna til vitundar um skollaleikinn í sambandi við bólusetningarnar gegn Covid-19, sem raunar engar bólusetningar eru, heldur arfberameðferð (gene therapy). Í Evrópu hafa alþjóðleg alþýðuréttarhöld (Grand Jury Proceeding by the Peoples‘ Court of Public Opinion) átt sér stað og nú er forseta Bandaríkjanna, embættismönnum Malvæla- og lyfjaeftirlitsins (Food and Drug Administration - FDA) og Sjúkdómseftirlits- og heilsuverndarstofnunar Bandaríkjanna (Centers of Disease Control and Prevention - CDC), stefnt fyrir rétt.

Það er David E. Martin, eitt vitnanna í alþýðuréttarhöldunum, sem leggur málið fyrir dóm í Utath í Bandríkjum Norður-Ameríku. David hefur um árabil rekið alþjóðlegt vottunarfyrirtæki, sem m.a. hefur vottað umsóknir um einkaleyfi á uppgötvunum á vettvangi örveirufræða og lækninga, bólusetningar þar með taldar.

Eins og flestum mun kunnugt er veiran margumrædda búin til á rannsóknarstofu í Wuhan í Kína með þátttöku háskólans í Norður-Virginíu og fjármögnuð af bandarískum yfirvöldum, CDC og Anthony Fauci, sóttvarnalækni Bandaríkjanna.

Veiran var á sínum tíma skoðuð af Varnarannsóknadeild Varnarmálaráðuneytis Bandaríkja Norður-Ameríku (Defense Advanced Research Projects Agency – DARPA) með tilliti til lífvopnahernaðar. (Bandaríkjamenn hafa fjölda slíkra rannsónarstofa á sínum snærum víðs vegar um heim, m.a. í Úkraínu.)

Svokölluðu mRNA bóluefni er sprautað inn í líkamann, sem veldur því, að ónæmiskerfið er rekið til starfa, skapar andsvör og framleiðir mótefni gegn veirusýkingunni. Tilbúna veiran er sérhönnuð til að sýkja lungu. Áberandi hluti hennar er ákveðin broddhvíta (protein), sem auðveldar aðgengi að frumunum.

Í dómsskjölum er m.a. eftirfarandi lagt til grundvallar: „Líkamanum er umbreytt í lífvopnaverksmiðju, framleiðir broddhvítu, skráða sóttkveikju með arfberaröð (genetic) úr SARS-CoV-2 [Severe acute respiratory syndrom coronavirus 2 - heilkenni alvarlegrar, bráðnar lungabólgu], sem er þekkt eiturefni á lista yfir skráð lífeiturefni (toxin) samkvæmt [skilgreiningar]lykli Bandaríkja Norður-Ameríku.

Sprautan stuðlar ekki að nokkru ónæmi við SARS-Cov-2. Í besta falli fæst ónæmi við fyrsta tölvuafbrigði broddhvítunnar, sem menn í fyrstu héldu að væri tengt SARS-CoV-2. Einasta ónæmi, sem halda mætti fram að hefði myndast, var gegn fyrsta broti broddhvítunnar í frumgerð [veirunnar].“

Reynslan rennir frekari stoðum undir fullyrðingar Davíðs. Hvaðanæva berast tilkynningar um geigvænlegar aukaverkanir (veirunni er vísast kennt um margar þeirra) og ónæmisskorti, þrátt fyrir villuljósaaðgerðir lyfjafyrirtækja og stjórnvalda. Nú er um að ræða faraldur hinna sprautuðu.

Þekktir örverufræðingar vöruðu strax í upphafi við þessari þróun og bentu á hættu á alvarlegum skemmdum á ónæmiskerfinu sjálfu. Þær kynnu að vera að raungerast í sjálfsónæmissjúkdómum (autoimmune), áunnu alnæmi (acquired immune deficiency syndrome - AIDS) og áunnum mótefnaáauka (andibody dependent enhancement), sem í afar stuttu máli felur í sér, að mótefni, sem til verða í baráttu ónæmiskerfisins við veiruna, bera kennsl á sóttkveikjuna, en eru ófær um að koma í veg fyrir smit. Þess í stað greiðir mótefnið veirunni leið inn í frumurnar. Það er jafnvel öllu alvarlegra, að nýjar rannsóknir benda til þess, að bóluefnið valdi varanlegum breytingum á DNA kjarnsýrunni (DNA), þ.e. „erfðaforriti“ líkamans.

Það er sótt að bandarískum yfirvöldum úr fleiri áttum. Bandaríkir sjóliðar mótmæla covid-19 bólusetningarskyldu og viðurlögum við óhlýðni. „Frelsisráð“ þeirra hefur nú höfðað mál til að fá henni hnekkt. Herlæknirinn, Theresa Long, hefur í þessum réttarhöldum borðið vitni um, að henni hafi verið skipað að þegja um skaðsemi bólusetninganna.

Það þarf væntanlega dóm til að stöðva þessa arfberameðferð eins og dóm þurfti til að stöðva kynumbreytingalyfjagjöfina. Nú boðar Þórólfur fjórðu covid-sprautu eins og embættisnautar hans í útlöndum. Pfizerforstjórinn er tilbúinn með sprautuna.

Samtímis því, að sprautan er munduð hjá lyfjafyrirtækinu, Pfizer, sem færa má gild rök fyrir, að sé það spilltasta, ósvífnasta og glæpsamlegasta í veröldinni, er frumtilraunagögnum þess mjatlað til almúgans. Þar opinberast svik og yfirhylmingar. Í fyrsta skjalaskammti má sjá, að um miðjan nóvember 2021 hafði fyrirtækið fengið tilkynningar um 42.986 aukaverkanir, 1.223 dauðföll þar á meðal.

Upplýsingar úr gögnum Pfizer og uppljóstranir munu vafalaust styðja málatilbúnað þeirra, sem nú leita réttar síns gagnvart covid-19-bólusetningarstjórnvöldum. Það mun vafalaust einnig hjálpa til, að sumir meginstraumsmiðla, sem þátt taka í skollaleiknum, virðast einnig vera að rumska um blekkingarleikinn með tölur til að valda fólki ótta og vernda ásjónu sjálfra sín, embættismanna og kosinna stjórnvalda. Ætli RÚV vakni?

https://vrevealed.com/c19/trailer https://stevekirsch.substack.com/p/how-can-they-explain-any-of-this?s=r https://www.youtube.com/watch?v=-a7nld57f2M https://dailyexpose.uk/2022/03/23/pfizer-documents-and-john-campbell-is-red-pilled/ https://childrenshealthdefense.org/defender/cdc-removes-tens-of-thousands-deaths-covid/?utm_source=salsa&eType=EmailBlastContent&eId=c5f35b29-11c5-4f3e-b631-3fa7093b0ee8 https://www.mdpi.com/1467-3045/44/3/73/htm#B39-cimb-44-00073 https://lc.org/newsroom/details/031122-dramatic-testimony-on-military-shot-mandate-case https://amgreatness.com/2022/01/24/lawyer-thomas-renz-miscarriages-and-cancers-up-300-neurological-problems-up-1000-in-past-year/ https://dailyexpose.uk/2022/03/25/military-doctor-testifies-ordered-suppress-covid-vaccine-injuries/ https://rumble.com/vuua5n-dr-john-campbell-hugo-talks-lockdown.html https://steigan.no/2022/03/hvor-kommer-maktelitens-tankegods-fra/ https://www.vardfokus.se/nyheter/omfattande-samsjuklighet-bland-avlidna-i-ostergotland/ https://dailyexpose.uk/2022/03/24/uk-gov-data-92-percent-covid-deaths-fully-vaccinated/ https://www.anti-spiegel.ru/2022/die-usa-haben-in-georgien-und-der-ukraine-an-fledermaus-coronaviren-geforscht/?doing_wp_cron=1647851996.4903810024261474609375 https://www.svt.se/nyheter/lokalt/ost/aldre-med-covid-19-dog-ofta-av-andra-orsaker https://steigan.no/2022/03/en-lang-historie-med-covid-19-dodsfalltriksing/ https://brandnewtube.com/watch/bulgarian-journalist-expose-pentagon-biolabs-amp-bioweapons-research-in-ukraine-amp-georgia-di_IwiEbLhgD86Xeg3.html https://lakartidningen.se/aktuellt/nyheter/2020/08/covid-19-oftast-inte-ensam-orsak-vid-dodsfall-bland-aldre/ https://www.msn.com/en-xl/news/other/why-the-chaotic-way-deaths-were-recorded-in-the-pandemic-could-mean-thousands-were-wrongly-blamed-on-covid/ar-AAVgY2a https://brandnewtube.com/watch/dr-david-martin-files-lawsuit-against-biden_Z9kJRKxBqkwP987.html https://dailyexpose.uk/2022/03/23/david-martin-files-lawsuit-against-joe-biden/

Ofurtækni í Úkraínu. Ríkisvaldið í snjallsíma. Nýja heimsveldið á koppnum

Við eigum okkur draum, segja þeir, sem sjá fyrir sér alheimsríkið með fámennri úrvalsstjórn eða byltingarstjórn, eins og tíðast enn í samfélögum jafnaðarbyltingarmanna (kommúnista). Kína er þar gott dæmi. Þar er um að ræða „snjallstjórn,“ þ.e. úrvalsstjórnin ákveður réttindi og skyldur fólks. Upplýsingar og eftirlit fer fram í skyldusnjalltækjum, auðkenningarmyndavélum og þess háttar búnaði. Fólki er svo ýmist refsað að umbunað. T.d. ætlaði kunnur andófsmaður kínverskur að skreppa í lestarferð, en var hafnað í miðasölunni. Það vantaði þægðareiningar (social credit).

Aukin heldur geyma snjallsímarnir auðkenni, vegabréf, og alls konar upplýsingar, t.d. um bólusetningar og bankareikninga. Alla vega fá þægir Úkraínumenn, sem látið hafa bólusetja sig, aur á reikning sinn. En ríkisstjórnin ákveður – eins og sú íslenska gerði með ferðagjöfina góðu – í hvað má eyða fénu. Þríbólusettir fá stærstu glyrnuna. Það skal ósagt látið, hvort eyða megi fénu í franskar kartöflur og kleinuhringi, eins og bólusetningalömbin fá í Nýju Jórvík (NY).

Alheimsefnahagsráðið (World Economic Forum), Kína og Sameinuðu þjóðirnar, arka hönd í hönd götuna fram eftir veg. Eitt af sjálfbærnimarkmiðum SÞ er einmitt stafrænt auðkenni handa öllum jarðarbúum. Það er t.d. eitt undirmarkmiða, að allir hvítvoðungar fái slík auðkenni í vöggugjöf. Þar verður skráð, hvort þeir hafi fengið „tilhlýðilegar“ bólusetningar samkvæmt reglum Alþjóðaheilbrigðisstofnunarinnar (World Health Organization - WHO). Hún hefur þegar lagt fram tillögu að alheimslögum í þessu efni.

Það kom mér óneitanlega á óvart, að Volodomyr Oleksandrovuch Zelensky (f. 1978) Úkraínuforseta, nemanda Klaus Schwab (f. 1938), forseta Alheimsefnahagsráðsins, hefði tekist – jafnvel þótt með góðri hjálp hefði verið og vestrænni fjármögnun – að skipa sér í annað heimssæti þeirra ríkja, sem eru að taka upp þessa drottnunartækni. Tæknin er gjöf frá útlendum velunnurum Úkraínu. En frá henni er skýrt í hjálögðum heimildum.

Eins og lýðum er ljóst er hin nýja veröld, nýja heimsveldið, í burðarliðnum. Kór Klaus Schwab er býsna stór og margir digurbarkar og spámenn í þeim hópi. Við þekkjum yngri herdeildina, ungu og miðaldra leiðtogana, sem hafa verið útskrifaðar úr æskulýðsskóla Alheimsefnahagsráðsins eins og Katrínu Jakobsdóttur (f. 1976), Angela Dorothea Merkel (f. 1954), Emmanuel Jean-Michel Frédéric Macron (f. 1977), Jacind Ardern (f. 1980) og Justin Pierre James Trudeau (f. 1971), svo fáeinir séu nefndir til sögu.

En sama söng hafa sungið þeir eldri eins og George Herbert Walker Bush (1924-2018), Henry Kissinger (f. 1923), James Gordon Brown (f. 1951) og síðast en ekki síst Joseph Robinette Biden (f. 1942).

Eftir valdarán Bandaríkjamanna (með vitorði Nató og Evrópusambandsins) og nasista í Úkraínu árið 2014, skapaðist glundroði, upplausn og lögleysa, kjöraðstæður til að sá fræjum hinnar nýju heimsstjórnar, sem Joseph segir, að Bandaríkin skuli stjórna. Á nefndum grundvelli ætlar hann, fylgimeyjar hans og -sveinar, að endurræsa heiminn -og vanda vel til verka (build back better).

Stafrænutæknivæðingarráðherra Volodymyr er Myhailo Albertovych Fedorov (f. 1991), ungt stafrænutækniundrabarn frá Ukraínu. Alheimsráðið lofar hann í hástert. Það hefur Evrópusambandið einnig gert í þeim gjörningi að viðurkenna skilríki í síma ukraínskra. Á heimasíðu úkraínskra stjórnvalda er upplýst um 43 erlend ríki, þar sem flóttamenn geta reitt sig á snjallsímana. Þar er meira að segja unnt að skrá sig á vinanet.

Á alþjóðavísu fleygir tækninni fram samtímis hugmyndum um rafmynt og verndum umhverfisins, en það er enn eitt af sjálfbærnimarkmiðum SÞ. Snjallsíminn gæti sem hægast reiknað út, hvort það, sem fólk leggur sér til munns, samræmist reglum um kolefnisjöfnun. Snjallsíminn gæti t.d. neitað glorsoltnum borgara um að greiða fyrir gómsætan hamborgara, en benda á gulrót í staðinn. (Þó trúlega ekki, ef um er að ræða blóðborgara Bill Gates.)

Kredittkortafyrirtæki eins og Mastercard, taka þegar þátt í samvinnu við Sameinuðu þjóðirnar um auðkenni, neyslu- og peningastjórn, „leiðbeina“ fólki um æskilega ráðstöfun fjármuna með tilliti til umhverfisverndar til dæmis.

https://childrenshealthdefense.org/defender/ukraine-government-converting-digital-id-system-wartime-tool/?utm_source=salsa&eType=EmailBlastContent&eId=cb2db2c7-ae53-4de4-9fbb-925b0924daca https://steigan.no/2022/03/uforenlig-med-vart-onske-om-a-vaere-frie-mennesker-i-et-fritt-demokratisk-samfunn/ https://brandnewtube.com/watch/the-un-039-s-mastercard-is-actually-the-new-social-credit-system_XDq3xu9rUvzTKhL.html https://brandnewtube.com/watch/biden-talks-about-fourth-turning-new-world-order_COFQlXp59V1KDsO.html https://lb.ua/news/2019/09/27/438454_ukraine_prezentovali_brend.html https://childrenshealthdefense.org/defender/personal-carbon-allowances-surveillance-capitalism/ https://www.nature.com/articles/s41893-021-00756-w https://childrenshealthdefense.org/defender/covid-vaccine-passports-surveillance/ https://tripadvisor.mfa.gov.ua/ https://sdgs.un.org/goals https://news.yahoo.com/york-expands-covid-19-vaccine-160000289.html https://www.onenewspage.com/video/20220323/14560255/Secrets-of-Biden-apos-New-World-Order.htm https://www.weforum.org/people/mykhailo-fedorov https://unstats.un.org/sdgs/metadata/?Text=&Goal=16&Target=16.9 https://strangesounds.org/2022/03/ukraine-silently-implemented-the-wefs-great-reset-by-setting-up-a-social-credit-application-combining-universal-basic-income-ubi-a-digital-identity-a-vaccine-passport-all-with.html https://reliefweb.int/report/ukraine/new-services-idps-presented-diia-summit-kyiv-enuk https://egap.in.ua/en/projects/diia-digital-state/ https://www.wired.com/story/ukraine-digital-ministry-war/ https://childrenshealthdefense.org/defender/digital-surveillance-motive-behind-vaccinate-kids/ https://www.facebook.com/worldeconomicforum/videos/353404092040895/