Evrópa Lurki lamin

Það er kalt og dýrt umhorfs í Evrópu um þessar mundir eins og var á Íslandi, þegar fólk þreyði þorra og góu með hor í nös. Þá ríkti einu sinni Lurkur. Vonandi mun þó ekki rigna kýrhausum og klakatorfi eins og elstu kerlingar muna að hafi gerst.

Dýrtíðin er óskapleg, hroll setur að fólki, og kaupmáttur launa lækkar. Á meginlandinu mun allt loga í verkföllum eins og á Íslandi. Sífellt færri trúa því, að Pútín, skratta bæði og særingamanni, sé fyrst og fremst um að kenna, heldur vitfirrtum stjórnvöldum Vesturlanda, sem hófu viðskiptastríð gegn Rússlandi, fóru í heilaga lýðræðisfýlu og strengdu þess heit að kaupa ekki ódýrt gas. Víðs vegar í Evrópu mótmælir almenningur. RÚV finnst það ekki fréttnæmt.

Þrátt fyrir heitstrengingar og heróp skjaldmeyja á borð við Úrsúlu, Þórdísi Kolbrúnu og Önnulenu, fagurgræns Rússahatara og utanríkisráðherra þýskra, miðar Úkraínustríðinu heldur hægt, en þar skal berjast til síðasta drenghnokka. Rússar búa sig undir og eru komnir vel áleiðis með að gereyða Úkraínu, samkvæmt bandarískum innrásarsiðum.

Íbúar Úkraínu stynja og þjást, gráta og gnístra tönnum. En yfirvöld þeirra safna auði með augum rauð og segja þeim að flýja. Margir munu vafalítið koma til Íslands. Þeir vita sem er, að Íslendingar eru raungóðir og flytja jafnvel hunda þeirra og ketti í þar til gerðum loftförum. Þeir fylgjast með forsætisráðherra vorum, Katrínu, sem ekkert aumt má sjá, og á nóga peninga í skjóðu sinni.

Þórdís Kolbrún og Annalena hvetja til kvenfrelsunarbaráttu gegn Íran. Í herópinu felst utanríkisstefna Íslendinga í hnotskurn: „Fyrir konur, lífið og frelsið.“ (Samkvæmt ræðu Þórdísar Kolbrúnar á aukafundi Mannréttindaráðs Sameinuðu þjóðanna 22. feb. 2022 – sem hún boðaði til ásamt nefndri stöllu sinni.) Vinir þeirra í Ísrael vilja hins vegar vígtóla stríð við Íran.

Skærur aukast innan Nató. Flugskeyti var skotið á Miklagarð (Istanbul) af hernumdu svæði Bandaríkjamanna í Sýrlandi. Tyrkir fnæstu við samúðarkveðjum þeirra og sendu eldflaugar í staðinn, minnugir tilburða Leyniþjónustu Bandaríkjanna til að steypa tyrkneskum stjórnvöldum af stóli.

Bretar og Bandaríkjamenn hafa eyðilagt enn eina gasleiðsluna til Evrópu. Þær síðustu í eigu Þjóðverja, Hollendinga og Frakka – ásamt Rússum. Volodymyr liggur undir gruni um tilburði til að eyðileggja gasleiðslu Tyrkja og Rússa og lýgur að samherjum sínum í Nató og Evrópusambandinu, skýtur eldflaugum á fjandvini sína, Pólverja. En þeir afþakka aftur á móti Patriot eldflaugar frá þýskum vinum sínum.

Tyrkir eru eins og oft áður, tvöfaldir í roðinu. Tryknesku refirnir eiga samstarf austur á bóginn um flutning á gasi og vilja gerast helsta gasdreifingarstöð ríkjanna í Evróasíu, löndum Kákasus, til Evrópu, og jafnvel víðar um veröldu. Þeir taka að einhverju leyti þátt í viðskiptastríðinu gegn Rússum, en styrkja samtímis tengsl sín við þá, Kínverja og Írani, gæla meira að segja við þá hugmynd að taka þátt í hinu nýja fleirþjóðasamstarfi, sem kallað er BRICS (Brasilía, Rússlandi, Indland, Kínverja og Suður-Afríka). Fleiri eru á biðlista.)

Vestur-Evrópa, þ.m.t. stríðsríkið, Ísland, verður utanveltu í BRICS. Færeyingar sleppa trúlega með skrekkinn, enda semja þeir við Rússa. Vinsældir Evrópuþjóða og Nató á erlendri grundu dvína, heljartak þeirra slaknar. Indverjar fara í skaðabótamál við Bill Gates og lyfjarisana hans.

Mali hefur fengið nóg af frönskum „góðagjörða- og mannræktarsjóðum,“ sem sumir hverra voru stofnaðir til að hlutast til um stjórnmál fyrrum nýlenduríkja.

Íranir bera sig illa undan sambærilegum „lýðræðisútflutnings- og frelsunarsjóðum“ Natóríkja eins og þeim, sem nú valda usla í Íran. Svo gæti farið, að þeir fnæstu líka að auðkýfingum eins og Bill Gates og George Soros, úr tæpra fjörutíu manna „stjórnarráði“ Alheimsefnahagsráðsins.

Mannréttindaákvæðum sáttmála Sameinuðu þjóðanna beita Natóríkin einnig í stjórnmálahernaði eins og Íslendingar og Þjóðverjar nú gegn Írönum. „Mannréttindi“ eru beitt vopn. Ákvæðið var barið saman undir forystu Bandaríkjanna á sínum tíma. Sjálf Anna Eleanor Roosevelt (1884-1962) var þar að verki. Kröfur kvenfrelsaranna eru nú talin mannréttindi.

Evrópskir og bandarískir alheimssinnar, sem ærast af sjálfumgleði og hrifningu, þegar þeir horfa í spegil, strjúka Volodymyr um vangann og munda Alþjóðadómstól sinn til árásar á Rússa. Þeir segja að Guð sjálfur sé dauður og grafinn, að Klaus Schawb og ráðgjafi hans, Yuval Noah Harari, hafi tekið við hlutverkinu.

Bill hefur krýnt sjálfan sig covid-kóng eins og Loðvík forðum konung Frakka. Hann glottir við tönn eins og Skarphéðinn í brennunni, meðan þegnar hans hrynja niður bráðkvaddir eða verða óvígir sökum aukaverkana af bóluefnum hans.

Lýðir Evrópu beina reiði sinni að eigin stjórnvöldum, sem greiddu fyrir samanteknum ráðum Alþjóðaheilbrigðisstofnunarinnar og „aðaleiganda“ hennar, Bill, og Kínverja, þegar stofnað var til covid-hamfara. „Bólusetja skal alla heimsbyggðina,“ sagði Bill og vikapiltur hans hjá stofnuninni tók undir.

Úrsúla og Albert Bourla, forstjóri Pfizer, föðmuðust vel og lengi. „Úr brjóstum“ Úrsúlu streymdu síðan milljarðar á milljarða ofan úr vösum skattgreiðenda. Lyfjafyrirtækin buðu til teitis býflugnaborgara og glóðarsteikta ánamaðka á boðstólnum. Bill hélt opinberan fyrirlestur um það, hvernig mætti græða á lyfjaframleiðslu.

Alma og Guðrún, svo og kvenskörungarnir í Heilsugæslu höfuðborgarsvæðisins, eru hundtryggar Bólusetninga-Bill, og hvetja fólk til frekari örvunar af sprautum þeirra. Það gerir líka Ingvild Kjerkol, heilbrigðisráðherra Noregs, en hún ætlar ekki frekar en Bill sjálfur og forstjórar Pfizer að láta sprauta sig.

Lyfjafyrirtækinn eiga einnig tryggan viðskiptavin í Katrínu Jakobsdóttur. Í upphafi bólusetningavertíðarinnar fór hún bónleiðina að Úrsúlu og bað um meira af bóluefnum handa covid-hnípinni þjóð sinni og talaði um nauðsyn þess að frelsa konurnar undan eitruðum karlmönnum og börnin undan eitruðum feðrum sínum.

Það má vart á milli sjá, hvor þeirra, Þordís Kolbrún eða Katrín, sé ákafari boðberi íslenskrar utanríkisstefnu, sem er samhljóma stefnu Alþjóðaefnahagsráðsins og markmiðum Sameinuðu þjóðanna.

Já! Það eru svo sannarlega viðsjár og væringar í Vestur-Evrópu. Stjórnvöld grafa henni gröf. Blessuð sé minning álfunnar, þar sem atvinnuvegirnir tapa fluginu einn af öðrum.

Madame Anne Louise Germain de Stael (1766-1817) sagði: „Leitin að sannleikanum er göfugasti gjörningur mannsins. Birting hans er skylda hvers manns.“

Minnugur orða hennar, ætla ég að skjótast á Bankastræti klöbb og lyfta mér upp.

https://www.youtube.com/watch?v=91mY59RdM_M https://korybko.substack.com/p/the-us-hybrid-war-on-turkiye-just?utm_source=profile&utm_medium=reader2 https://www.youtube.com/watch?v=Ko6i7IyKNoY https://www.facebook.com/109949178473697/videos/929542778025674 http://www.informationclearinghouse.info/57366.htm https://korybko.substack.com/p/malis-banning-of-all-french-funded?utm_source=profile&utm_medium=reader2 http://www.informationclearinghouse.info/57363.htm https://www.politico.com/newsletters/national-security-daily/2022/11/22/u-s-and-russia-cant-stop-turkeys-new-syria-incursion-00070431 https://www.lifesitenews.com/news/died-suddenly-documentary-shining-light-on-fibrous-clots-goes-viral/ http://www.informationclearinghouse.info/57362.htm https://www.europereloaded.com/french-billionaire-talks-to-stew-peters-appeals-to-donald-trump/ https://expose-news.com/2022/11/25/fusion-of-physical-digital-and-biological-identities-schwab/ https://korybko.substack.com/p/a-top-indian-financial-portal-made?utm_source=profile&utm_medium=reader2 https://steigan.no/2022/11/__trashed-2/?utm_source=substack&utm_medium=email https://steigan.no/2022/11/har-massevaksineringen-vaert-katastrofal/?utm_source=substack&utm_medium=email https://expose-news.com/2022/11/25/modern-psychological-and-spiritual-warfare-1/ https://labornotes.org/2022/11/strike-wave-rocks-britain-unions-confront-cost-living-crisis https://www.youtube.com/watch?v=qLLyNzQylxg https://www.economist.com/leaders/2022/11/24/europe-faces-an-enduring-crisis-of-energy-and-geopolitics

Heilbrigðiskerfi í heljargreipum lyfjaiðnaðarins. Bólusetningar

Á lífsleiðinni hef ég marsinnis velt vöngum yfir gagnsemi bólusetninga, bæði, þegar mín eigin börn voru bólusett, og þegar bólusetningarherferðir fyrir hinu og þessu – einkum flensum – riðu yfir. Hvernig má það vera, að sjúkdómur, sem bólusett hefur verið fyrir, herji á fólk, þrátt fyrir ónæmið, sem fylgja átti í kjölfarið. Og hvernig mátti það vera, að lyfjafyrirtækin fengju markaðsleyfi fyrir bóluefnum og lyfjum, sem höfðu margvíslegar aukaverkanir í för með sér og stundum dauða.

Ég fékk í sjálfu sér hvergi nærri fullnaðarsvör við þessum spurningum, leita þeirra enn. En covid-19 faraldurinn kom aftur róti á hugann, að þessu leyti. Um það hef ég áður skrifað töluvert, svo ég læt það liggja í láginni hér. En ég fór að líta betur um öxl.

Gömul, áströlsk heimildarmynd, þ.e. bráðum aldarfjórðungs gömul (1998), hafði farið fram hjá mér. Titill hennar er: Hulinn sannleikur um bólusetningar. Hvað eru foreldrar ekki upplýstir um? (The Hidden Truth About Vaccines; What Parents Are Not Being Told). Bronwyn Hancock er framleiðandi hennar. Hún hefur einnig skrifað bókina: „Bólusetning. Banvæn mistök“ (Vaccination: A Fatal Error).

Þrátt fyrir misjöfn hljóðgæði, er myndin vel þess virði að sjá. Boðskapurinn enn í fullu gildi og hefur öðlast nýtt gildi í ljósi þeirra bólusetningahamfara, sem yfir okkur hafa dunið og enn munu dynja, samkvæmt Alþjóðaheilbrigðisstofnuninni og eftirtektarverðum „hluthafa“ hennar, auðkýfingnum, Bill Gates, og samherjum hans hjá Alheimsefnahagsráðinu.

Í myndinni kemur fram fjöldi heilbrigðisstarfsmanna. Þeir eru allir kynntir til sögu í grein frá „Upplýsingaþjónustu um bólusetningar“ (Vaccination Information Service).

Meðal þátttakenda er slóvakísk/ástralski jarðvísindamaðurinn, Viera Scheibnerová/Scheibner (f. 1935), sem rannsakaði bólusetningar um langt skeið. Hún hefur m.a. gefið út bækurnar: „Bólusetningar. Hefðbundnar rannsóknir síðastliðna öld sýna, að bólusetningar eru árás á ónæmiskerfið“ (Vaccination. 100 years of Orthodox Research Shows That Vaccines Represent an Assault on the Immune System). Og: „Hegðunartruflanir í bernsku. Tengsl við bólusetningar“ (Behavioural Problems in Childhood: The Link to Vaccination).

Það kynni að vera áhugavert áhugamönnum um málfrelsi, vísindalega umræðu og sannleiksleit, að umfjöllun um Vieru hefur verið breytt á Wikipediu, sem nú er komin í eigu auðjöfranna. Hún er nú kölluð „andbólusetningasinni“ (anti-vaxxer), sem er skammaryrði þeirra, sem er um megn að taka málefnalega, vísindalega umræðu um efnið.

Í grófum dráttum er niðurstaðan á þá leið, að bólusetningar barna hafi fremur í för með sér sýkingarnæmingu eða sýkingaofnæmi (anaphylaxis) í stað sýkingavarna.

Þegar Viera og eiginmaðurinn höfðu um þriggja ára skeið brotið vísindagreinar úr viðkenndum læknatímaritum til mergjar, varð niðurstaða þessi: „Bólusetningar drepa ungbörn. … Það er þaulrannsökuð staðreynd, að algengi og dauðsföll af völdum smitsjúkdóma féll með 90%, löngu áður en [skipulegar] bólusetningar jafnvel tíðkuðust.“

Um bólusetningar við bólusótt, sagði Archivides (Archcie) Kalokerinos (1927-2012): „Það lá í augum uppi, að það hafði verið alvarlega villt um fyrir mér eins og öðrum læknum… Það kom greinilega í ljós, að þeir tvíbólusettu voru þeir einustu, sem sýktust af bólusótt.“

Lyfjaiðnaðurinn óx og dafnaði sem aldrei fyrr í lok annars heimsstríðs sem og „vísindaleg“ læknisfræði. Allra handa lyf voru framleidd, sum gagnleg, önnur bráðdrepandi, og allt þar á milli. Senn voru til lyf við öllu mannlegu, sem misjafntþótti, eins og vondum hugsunum.

Samfara þessu styrkust jafnaðarmennskusamfélög Vesturlanda. Þáttur hugmyndafræðinnar var „ókeypis“ heilbrigðisþjónusta fyrir alla. Það fól í sér stofnun heilbrigðiskerfis, sem beint og óbeint var fjármagnað af ríkisvaldinu, þ.e. stjórnmála- og embættismenn tóku sér ákvörðunar- og skattheimtuvald. Þetta fól í sér ríkisinnkaup á lyfjum. Hinir eiginlegu „gjaldkerar“ eru læknar, markhópur lyfjafyrirtækjanna.

Markaðssetning lyfja er stundum svo nærgöngul, ósvífin og ósiðleg, að stundum er full ástæða til að draga hlutleysi lækna í efa. Sama á við um bóluefni. Læknar hafa ekki frekar en heilbrigðisyfirvöld annað en rannsóknaniðurstöður lyfjafyrirtækjanna að styðjast við, þegar lyf og bóluefni eru sett á markað. Margsinnis hefur það gerst, að lyf hafi verið tekin af markaði vegna alvarlegra og banvænna aukaverkana. Bóluefnafyrirtækin eru nú ósnertanleg, þ.e. þau má ekki sækja til saka vegna ágalla vörunnar.

Saga hættulegra bóluefna er í senn bæði ný og gömul. Hún hefur rifjast upp með skruðningum í covid-19 kreppunni. Í téðri heimildarmynd eru afhjúpaðar eldri heimildir og reynsla, þess efnis, að bólusetningar hafi iðulega haft gagnstæð áhrif á hina bólusettu, miðað við þau, sem tilætluð voru - að sögn.

Læknastéttin sem slík hefur venjulega þagað þunnu hljóði, með fáum heiðarlegum undantekningum. Sumir þeirra lifa eftir orðum fræðaföðurins, Hippókratesar. „Þér skulið ekki vinna tjón.“ En það getur valdið búsifjum að vera heiðarlegur. Útskúfun „erfiðra“ lækna er ekkert nýnæmi.

Einn læknanna, Mark Donohoe, sem fram kemur í umræddri mynd, segir t.d. á þessa leið: Læknar njóta ekki lengur trausts í samfélaginu. Það er svo sem ekki kyn, þegar þeir ljúga og lofa góðum árangri af bólusetningum til að lokka fleiri börn í sprautuna. Það væri hyggilegt að vera viðbúinn viðbrögðum þeirra, sem logið hefur verið að, og skiljanlegt, að þeir snúi ekki aftur. …

Það er mér raun að tilheyra stétt, sem kerfisbundið lýgur að fólki um lækningar, sem kynnu að vera áhættusamar. Ég fæ með engu móti séð, að slíkt gæti verið til góðs fyrir samfélagið.“

Það gefur auga leið, að til að lækna sjúkdóma með lyfjum eða „koma í veg“ fyrir þá með bóluefnum, þurfa þeir að vera fyrir hendi. Það er enginn hörgull á sjúkdómum. Þeim virðist stöðugt fjölga, heilsu fólks hrakar og bólusetningar aukast. Á meðan fitna lyfjafyrirtækin. Þetta er „gósentíð“ fyrir bólusetningaframleiðendur. Reikningurinn er sendur skattgreiðendum.

Þess má geta, að um þessar mundir fá barnung börn í Bandaríkjunum bólusetningar við um tuttugu sjúkdómum. Covid-19 er sá síðasti. Þannig m.a. tryggja lyfjafyrirtækin sér markað, búa meira að segja til sjúkdóma eins og svínaflensuna góðu. Þegar mikið liggur við er þjóðarleiðtogum beitt í auglýsinga skyni. Sumir muna ef til vill, þegar Gerald Ford (1913-2006), Bandaríkjaforseti, bretti brosandi upp ermarnar og lét bólusetja sig fyrir sjúkdómi, sem ekki var til.

Það er reyndar með ólíkindum, hversu hin ævaforna kennisetning franska efnafræðingsins, Louis Pateur (1822-1895), um sóttkveikjur (germ), hefur verið lífseig. Hún segir að sóttkveikjur valdi sjúkdómum. Síðar endurskoðaði hann kenninguna á þann veg, að þær yllu einungis sjúkdómum, ef líkaminn næði ekki að sigrast á þeim. Það gera heilbrigðir líkamir venjulega. Og heilbrigt fólk verður til í heilbrigðu umhverfi, þegar það lifir heilsusamlegu lífi. Enda hurfu gamalkunnir smitsjúkdómar að mestu, þegar lífsskilyrði bötnuðu á Vesturlöndum.

Annað er uppi á tengingum víða í „þriðja heiminum,“ en þar fara Bill Gates og lyfjafyrirtækin um eins og logi um akur, með sprautur, úða og töflur. Afleiðingar eru skelfilegar.

Á tíunda áratugi síðust aldar hófu bresk stjórnvöld herferð gegn mislingum. Og auðvitað þurfi að bólusetja öll börn í Bretlandi. Það gekk hér um bil eftir, en fjöldi mislingasjúklinga jókst. Þegar leyndarhjúpnum var svipt af þessu heilbrigðisþjónustuátaki, komu í ljós leyndir hagsmunaþræðir lyfjafyrirtækjanna og stjórnvalda. Fyrirtækin þurftu að losna við birgðir bóluefna. Svipaðar herferðir voru síðar farnar í Ástralíu og Nýja-Sjálandi.

Í þessum efnum eins og mörgum öðrum getur verið örðugt að greina hismann frá kjarnanum. Okkur er tamt að trúa því, sem að okkur er lagt. Heilbrigðisstarfsmenn búa yfir ógnvænlegu valdi, „hvítjakkavaldinu.“ Sumir fara illa með það.

En hvers vegna í ósköpunum ættu þeir að ljúga? Hugsanlega vita þeir ekki betur, fórnarlömb frásagnarvalds lyfjaiðnaðarins eins og sauðsvartur almúginn. En ef svo skyldi vera, þarf að gera meiri kröfur. Líf, heilsa og hamingja fjölda fólks er undir, sbr. nýlegar, óháðar rannsóknir, birtar fyrir tveim árum síðan.

Og enn þá fleiri hafa farið í saumana á vísindalegum rannsóknum um efnið og komist að sömu niðurstöðum, í grundvallaratriðum, sbr. m.a. viðtal við Roman Bystrianyk: „Endir bundinn á tálsýnina um bólusetningar: Sjúkdómar, bóluefni og horfna sagan“ (Dissolving Vaccine Illusions. Disease, Vaccines, and the Forgotten History).

Niðurstöðurnar voru í raun þekktar um 1970. Mæli með viðtalinu. Roman hefur einnig skrifað bók með sama heiti. Meðhöfundur er Suzanne Humphries. Á bókarkápu stendur m.a.: „Sé svo, að læknastéttin hafi kerfisbundið mistúlkað og virt að vettugi sögulegar lykilupplýsingar, hljótum við að spyrja: „Hvað er fleira á líðandi stundu, sem þeir hafa mistúlkað og hunsað?““

Ég leyfi mér að benda á ráð breska læknisins, Vernon Coleman, þegar mælt er með bólusetningum barnanna (eða ykkar sjálfra): Biðjið um óháða, vísindalega heimild um sannleiksgildi meðmælanna. Það ætti að vera sjálfsagður þáttur þess að gefa upplýst samþykki fyrir bólusetningum.

Að öllu þessu skoðuðu sendi ég mínum börnum sams konar afsökunarbeiðni og Igor Chudov til sínum:

„Elsku börnin mín. Mér urðu á hryllileg mistök. Ég dró ekki í efa þau orð barnalæknisins [Heilsugæslunnar], að þið þyrftuð að fá „reglulegar sprautur“ til að tryggja heilbrigði ykkar. … Ég hefði átt að vita betur. Ég hefði átt að brjóta til mergjar og spyrjast fyrir. En ég lét hjá líða. Það er með engu móti unnt að vita, hvort einhverjar bólusetninganna, sem þið fenguð, hafi valdið ykkur meini. Ég vona, að svo sé ekki. Í huga mér er þó enginn vafi á því, að fullvissunin um góð áhrif þeirra, voru gefin af hröppum. Ég bið ykkur afsökunar. Þetta var ekki af yfirlögðu ráði.“

https://expose-news.com/2022/11/14/the-hidden-truth-about-vaccines/ https://en.wikipedia.org/wiki/Viera_Scheibner http://www.whale.to/vaccine/sch.html https://surgicalneurologyint.com/surgicalint-articles/covid-update-what-is-the-truth/ https://rumble.com/v1mw7fw-unvaccinated-children-are-healthier-than-vaccinated-dr.-russell-blaylock-fu.html https://jermwarfare.com/tnt/vaccine-history https://childrenshealthdefense.org/?s=child+vaccination https://childrenshealthdefense.org/news/vaccine-safety/childhood-shingles-resulting-from-chickenpox-vaccination-rare-or-predictable/ https://expose-news.com/2022/11/13/the-two-golden-rules-all-doctors-follow/ https://igorchudov.substack.com/p/crooks-who-approved-covid-vaxx-approved https://www.yumpu.com/en/document/read/4586460/autism-dr-viera-scheibner-with-bronwyn-hancock-bsc-feb-visa https://childrenshealthdefense.org/video-post/dangerous-vaccination-of-children-breaking-down-the-science-numbers/ http://www.whale.to/vaccines/hancock4.html https://childrenshealthdefense.org/research_db/preterm-birth-vaccination-and-neurodevelopmental-disorders-a-cross-sectional-study-of-6-to-12-year-old-vaccinated-and-unvaccinated-children/ https://ugetube.com/watch/archie-kalokerinos-talking-on-039-every-second-child-039-in-new-zealand-1995_tbd1C62aR6EiScB.html https://informedconsentdefense.org/ https://unbekoming.substack.com/p/vaccination-the-hidden-truth http://www.whale.to/vaccines/hancock.html https://www.mdpi.com/1660-4601/17/22/8674 http://www.whale.to/vaccines/hancock1.html https://www.mdpi.com/1660-4601/17/22/8674 https://journals.sagepub.com/doi/10.1177/2050312120925344 https://www.youtube.com/channel/UCdpKfgxXFsJjl-o85zK62KA/videos http://www.vaccination.inoz.com/speakerprofiles.html#Greg https://www.informedconsentxpress.com/ https://rumble.com/c/sunfellowhealthhealing https://rumble.com/v1mw7fw-unvaccinated-children-are-healthier-than-vaccinated-dr.-russell-blaylock-fu.html https://rumble.com/v10m6zb-peer-reviewed-ten-year-study-are-vaccinated-kids-healthier-than-the-unvacci.html https://rumble.com/v10m7rn-vaccine-secrets-what-parents-should-know-before-they-vaccinate-their-kids.html https://rumble.com/v1pvbzo-roman-bystrianyk-dissolving-vaccine-illusions.html https://rumble.com/v10m6o7-three-independent-studies-answer-this-question-do-vaccines-make-us-healthie.html https://odysee.com/@QuestionTheAnswers:2/Vaccination.-.The.Hidden.Truth.(1998):6 https://www.youtube.com/watch?v=P9CGfYPXDKg&list=PL5PvyGtE9bhHLseLoa3zat0WL8abgwojx