Anthony Fauci og samsæri lyfjarisa, embættismanna og stjórnvalda. Heimildamynd

Anthony Fauci (f. 1940) kom í sviðsljósið, þegar hann var skipaður yfirmaður ”Ofnæmis- og smitsjúkdómastofnunarinnar” (National Institute of Health and Infectious Diseases) í Bandaríkjum Norður-Ameríku. Anthony er firna ánægður með sjálfan sig. Hann segir:

„«Atlaga að mér, jafngildir atlögu að vísindunum.“ Á sviði læknavísinda eru það orð að sönnu. Anthony hefur verið nær alvaldur fjárveitinga til rannsókna um áratugi, bæði í heimalandinu og á alheimsvísu, stundum í samráði við samherja sína í Alþjóðaheilbrigðisstofnuninni (World Health Organization – WHO) og einkasjóði auðmanna eins og Bill Gates (f. 1955) og Wellcome Fund. Hann ávaxtar pund lyfjafyrirtækjanna, sjálfs sín, og stofnunar þeirrar, sem hann veitir forstöðu, eins furðulega og það hljómar.

Anthony var t.d. mjög í mun að telja almenningi trú um, að upphaflega covid-19 veiran hefði fundist í náttúrunni. Hann gekk meira að segja svo langt að sérpanta rannsóknir í því skyni að gera lygar sínar trúverðugri.

Þar með er saga Anthony ekki sögð. Ferill Anthony er ófagur, að dómi Vera Sharav (f. 1937), stofnanda „Samtaka um mannvernd við rannsóknir“ (Alliance for Human Research Protection). Hún hefur grandskoðað rannsóknir á börnum í Bandaríkjunum og víðar um árabil. Vera sagði: „Fauci fægði barasta öllum dauðu ungbörnunum undir teppið. Þau voru hliðartjón (collateral damage) á framabraut hans. Þau voru sorpbörn (throw away).“ (Úr pistlinum: „Loðnir lófar og lygar. Anthony Fauci. Týnda traustið.“)

Robert Kennedy yngri (f. 1954) hefur skrifað merka bók um þetta embættis- og vísindaofurmenni. Hún er grunnurinn að þeirri heimildamynd, sem hér má berja augum.

Spillingin er rakin frá áttunda áratugi síðustu aldar eða svo, þegar stofnun Fauci og samverkamaður hans, Robert Gallo (f. 1937), höfðu fengið að láni rannsóknarniðurstöður franska örveirufræðingsins og Nóbelsverðlaunahafans, Luc Montagnier (1932-2022) og staðhæfðu, að alnæmisveian (HIV-human immunodefiniency virus) væri orsök alnæmis (AIDS -aquired immunodeficiency syndrome). Þeir beittu m.a. PCA örverugreiningu annars Nóbelsverðlaunahafa, Kary Mullins (1944-2019) til að greina sjúkdóminn. En það vill svo til, að hann sagði það misbeitingu aðferðar sinnar, og sá fyrrnefndi hélt því aldrei fram, að alnæmisveiran væri orsök alnæmis. Þessi fróðlega saga er rakin í myndinni.

Einnig er brotin til mergjar sóðaleg og glæpsamleg saga lyfjarisanna við tilraunir á þroskaheftum börnum og/eða fósturbörnum á stofnunum í BNA og Afríku. T.d. er viðtal við fyrrnefnda Vera Sharav.

Þegar svipt var hulunni af svívirðilegum tilraunum lyfjafyrirtækjanna, í samráði við yfirvöld, skall á hrina lögsókna á fyrirtækjunum, sem beittu áhrifum sínum til að firra sig slíkri ábyrgð með lögum. Þetta er sams konar ábyrgðarfirring og þau hafa í veröldinni í dag í hinni risavöxnu tilraun sinni og heilbrigðisyfirvalda með covid-19 bóluefnin. Minnisstæðir eru í þessu sambandi tilburðir Kára Stefánssonar og Þórólfs Guðnasonar til að gera Íslendinga að sérstökum tilraundýrum Pfizer.

Það er af mörgu að taka, en læt hér staðar numið. Boðskapur myndarinnar og þær staðreyndir, sem þar eru bornar á borð, eru í alla staði ónotalegur kostur þeim, sem lifa og hrærast í þeirri barnatrú, að öll yfirvöld séu okkur góð og hliðholl, að allir læknar og aðrir heilbrigðisstarfsmenn. vilji okkur vel og að vísindi séu ein og söm, birtingarmynd sannleikans sjálfs. Myndin skekur óneitanlega tilvistartraustið, gæti komið okkur úr jafnvægi.

Það er hálf nöturleg tilviljun, að sama dag og heimildamyndin kemur fyrir sjónir almennings, skuli hinn nýi sóttvarnalæknir hvetja landa sína til að láta sprauta sig enn einu sinni með bóluefni eða lyfi, sem óvilhallir rannsakendur hafa sýnt fram á með óyggjandi hætti að séu afar varhugaverð heilsu fólks og steindrepi fjölda manns. Nýi sóttvarnalæknirinn fetar ótrauður í spor forvera síns og Pfizervinar, sem kvaddi kóng og prest með fingurkossi í beinni útsendingu RÚV, og kvaðst sáttur við embættisgjörning sinn.

https://www.therealanthonyfaucimovie.com/viewing/

Karlmannslaus kona er eins og fiskur án reiðhjóls. Nauðgunarmenningin og keirarnir

Óhróður um pilta og karla er ekki nýr af nálinni í kvenfrelsunarbaráttunni, hinni eilífu baráttu fyrir auknum völdum stúlkna og kvenna. Ásakanir um ofbeldi karla í kynlífi hafa reynst vel í þessu tilliti, ekki síður en ofbeldi gegn börnum.

Mestu hugsuðir kvenfrelsaranna hafa tekið býsna skýrt til orða eins Catharine McKinnon og Adrienne Rich. Sú fyrrnefnda sagði eina mun nauðgunar og samfara vera þann, að samfarir sé svo algengar, að fólki yfirsjáist, að um nauðgun sé að ræða. Svona mætti lengi telja. Sú síðarnefnda telur, að konur verði að sýna samstöðu með kynsystrum sínum með því að sýna karlmönnum í engu manngæsku sína. Hver nýfæddur drengur væri nýr nauðgari, sagði sú þriðja.

Konur ættu því að gæla hver við aðra, karlmanns væri ekki þörf. Gloria Steinem eru eignuð hin ódauðlegu orð: „Karlmannslaus kona er eins og fiskur án reiðhjóls.“ (A woman needs a man like a fish needs a bicycle.)

Það virðist ofraun mennta- eða framhaldsskólameyjunum að halda sig frá piltunum (nema þeir elti þær upp í skjóli myrkur), enda er þeim óspart nauðgað, segja grenjandi frenjur á Selfossi og í Hamrahlíð. Talsmaður Skólameistarafélagsins tekur undir og fullyrðir, að í framhaldskólum landsins þrífist nauðungarmenning. Það mætti ætla, að piltar nauðgi stúlkum umvörpum. Hvorki hefur félagið útskýrt hugtakið nánar, né fært frekari rök fyrir staðhæfingunni.

Það er á Íslandi eins og í Kanada, að kvenfrelsurum hefur liðist að bera karlkynið hinum aðskiljanlegustu sökum. Þetta bendir Janice Fiamengo á í grein sinni. Ein af eftirminnilegum mótmælum gegn karlkynsnauðgurum (kvenkynsnauðgarar sleppa yfirleitt) var haldin í Vancouver árið 1978, þegar nauðgari var drepinn eins og um fórn væri að ræða. Það var að vísu dúkka í þetta sinn.

Kvenhermenn eru engin lömb að leika við eins og sagan sýnir, svo ekki verður um villst. Andi Amasónanna og valkyrjanna yljar þeim enn um hjartarætur, sbr. framhaldsskólafrenjurnar um þessar mundir. Þær eru hvattar til dáða af einum svæsnasta kvenfrelsara Íslendinga, Gyðu Margréti Pétursdóttur. Hún stóð fyrir aðförinni að Jóni Baldvini Hannibalssyni í HÍ - og skrifaði meira að segja ritrýnda grein í kvenfrelsunartímarit um hetjudáð sína. Stuðningur við kröfur frenjanna koma einnig frá Ríkislögreglustjóra og stjórnvöldum. Stuðningur RÚV er svo sjálfsagður, að varla þarf að drepa á því.

Í þessu ljósi skýtur það skökku við, að hreyfingar karla (Men that go their own way – MGTOW) , sem taka boðskapnum alvarlega og vilja forðast konur, liggja líka undir ámæli fyrir kynfólsku. En rökhugsun hefur heldur aldrei verið styrkur kvenfrelsaranna.

Janice spyr: Er það ekki svo, að kvenfrelsarar þrástagist á því, að karlar skuli láta af drottnun sinni og kúgun kvenna, hætti að angra þær og áreita, stjórna og valda óþægindum. Það er einmitt það, sem „Karlar einir á röltinu“ (keiri/keirar) leggja sig fram um.

Hún segir: Keirar halda sig fjarri konum eins og kostur er, sneiða hjá hjónaböndum og sambúð. Þeir sýna árvekni, þegar nálægð við konur er óhjákvæmileg, sérstaklega gagnvart konuum, sem gætu fyrir tilstuðlan ríkisvaldsins logið upp á þá eða notað þá sjálfum sér til framdráttar. Í hnotskurn hafa karlar einir á röltinu ákveðið, að kvenmannsþörf þeirra sé jafnvel minni en þörf goðsagnafiska fyrir hjólreiðar.

Vonandi komast hinar grenjandi frenjur, Félag skólameistara, barnamálaráðherra, formælendur ofbeldisiðnaðarins, hatursorðræðuráðið og Ríkislögreglustjóri, að því, að þrígreina skuli nemendur framhaldsskólanna, þ.e. konur, karla og hinsegin/kynsegin og svo framvegis.

Og það væri ekki úr vegi að fylgja fordæmi kanadískra og stofna til sextán daga mótmæla í framhaldsskólum landsins gegn kynbundnu ofbeldi, kynferðisbrotum, kynlegri ásælni, nauðgun og kynfólsku, af hálfu karla. Samtímis mætti endurhæfa starfslið skólanna með róttækri kynjafræðikennslu. Þá verður líklega þeim háska afstýrt, sem barnamálaráðherra varar okkur við. Það fer illa fyrir okkur, ef við látum ekki að óskum frenjanna, sagir hann ábúðarmikill.

https://www.ruv.is/frett/2022/10/06/ef-vid-hlustum-ekki-a-thau-fer-illa-fyrir-okkur https://www.msn.com/en-ca/news/canada/poilievre-faces-calls-to-apologize-explain-misogynist-youtube-tags/ar-AA12G7Us https://www.ruv.is/frett/2022/10/06/oasaettanlegt-ad-enn-se-verid-ad-refsa-tholendum https://www.posgrado.unam.mx/musica/lecturas/Maus/viernes/AdrienneRichCompulsoryHeterosexuality.pdf https://www.ctvnews.ca/politics/poilievre-condemned-for-use-of-youtube-tag-targeting-misogynistic-groups-1.6099418 https://fiamengofile.substack.com/p/earth-to-poilievre-mgtow-have-good?utm_source=post-email-title&publication_id=846515&post_id=77295574&isFreemail=true&utm_medium=email