D-dagurinn, sjálfsdýrkun Vesturlanda og kjarnorkusjálfsvígið

Einu sinni var vondur karl, sem hélt Adolf Hitler (1889-1945). Hann fékk þá flugu í höfuðið að drepa alla Gyðinga í veröldinni og leggja undir sig heiminn. Adolf sagði því öðrum Vesturveldum stríð á hendur.

En þá kom krókur á móti bragði. Vesturveldin, sem búa við lýðræði, frelsi og góða siði, urðu fá við og snerust til varnar gegn Andstyggilega-Adolfi. Ungum karlmönnum var milljónum saman smalað í þjálfunarbúðir til að verja lýðræði og frelsi Vesturlanda.

Því næst gersigruðu Bretar, Frakkar og Bandaríkjamenn, andskotann, Adolf. Naglinn í líkkistuna var innrásin í Normandí á Frakklandi 1944. (Hún kostaði 4.414 karlmenn lífið.)

Svona er nýja sagan um aðra heimstyrjöldina í grófum dráttum. Nýlega héldu Vesturveldin mikla athöfn til minningar um atburðinn og kynntu þar nýju heimssöguna. Það gleymdist alveg að minnast á það, að Bretar og Frakkar sögðu Þjóðverjum stríð á hendur, þrátt fyrir ítrekaðar tillögur Þjóðverja um frið.

Athöfnin var að mörgu leyti grátbrosleg. Jósef elliæri Biden var aðalleikari dagsins, eins konar skemmtikraftur. Karlanginn reyndi margsinnis að setjast á ímyndaðan stól, milli þess, að hann flutti söguræðu sína.

Fjarvera Rússa í minningu og athöfn var eftirtektarverð – og ekki síður, að Volodymyr Zelensky og frú skyldu vera viðstödd. Í söguritun búktalara Jóa hefur forseta Rússa, Vladimir Putin eða Vonda-Valda, nú verið skipað á stall með Adolfi Hitler. Yfirhershöfðingi bandamanna, verðandi forseti Bandaríkjanna, Dwigth David Eisenhower (1890-1969), kallaði Rússa í annarri heimstyrjöldinni „hina voldugu (great) bandamenn,“ og þá kallaði hann „sameinuðu þjóðirnar.“ Baráttunni við heri Adolfs er aftur á móti nú líkt við baráttu Nató við rússneska herinn. Frumlegt með afbrigðum!

Slátrunin á strákunum á Normandí skipti ekki sköpum í stríðinu. Þjóðverjar höfðu þá þegar tapað stríðinu í raun á austurvígstöðvunum. Því var harla takmörkuð mótstaða í Evrópu 1944 og 1945. George Smith Patton (1885-1945) hafði þess vegna í hyggju að æða austur um álfuna og m.a. hertaka Berlin.

En það bannaði nefndur yfirhershöfðingi. Það hafði nefnilega verið gert samkomulag við Josef Stalin (1878-1953) um, að Rauði herinn, vígvæddur af Vesturveldunum – einkum Bandaríkjunum – skyldi hertaka Berlin.

Rauði herinn frelsaði einnig fanga Þjóðverja úr fangabúðunum í Póllandi, en þar voru flestar þeirra. Dráps-, misþyrmingar- og nauðgunarfýsn rauðliðanna, samkvæmt hvatningu og skipun Lazar Moiseyevich Kaganovich (1893-1991), sem stundum hefur verið kallaður Gyðingur Jósefs, var hryllileg. Ótaldir eru þeir varnarlausu borgarar – ekki síst konur – sem urðu fórnarlömb þessa hryllings.

En Rússar létu hjá líða að bjarga þýskum uppgjafahermönnum úr fangabúðum Bandaríkjamanna. Þar voru drepnar um 1.2 milljónir Þjóðverja til viðbótar þeim milljónum almennra borgara, sem Rauði herinn og flugher Breta og Bandaríkjamanna, drap með köldu blóði með gífurlegu sprengjuregni. T.d. féllu jafnmargar sprengjur í Dresden og Hamborg og Brjálaði-Bensi hefur nú varpað yfir íbúa á Gasa, um 70.000 tonn. (London er reyndar meðtalin.)

Það er heldur hvergi minnst á þær um 27 milljónir Rússa, sem drepnar voru í stríðinu. Margfalt fleiri kristnir Rússar voru drepnir en Gyðingar af ýmsum þjóðernum. Drápum á þeim er hins vegar stöðugt haldið á lofti af „Bandamönnum,“ þ.e. drápum Þjóðverja sérstaklega. Króatar t.d. sleppa oftast, en Þjóðverjar „björguðu“ um 40.000 þeirra úr „sláturhúsi“ Króata og fluttu í þýskar fangabúðir.

Helförin (holocaust) eru dráp Þjóðverja á Gyðingum kölluð. Söfn um hana spretta upp eins og gorkúlur. Þeir, sem gera athugasemdir á grundvelli staðreynda um þessa áróðurssögu, eru kallaðir helfararafneitendur. Aðrar „helfarir“ þykja ekki ýkja merkilegar eins og t.d. helför Armena, sem Tyrkir stóðu fyrir. Þar var drepin um ein milljón manna.

Helförin er reyndar orðinn eins konar iðnaður og enn er haldið á loft eldgamalli áróðurstölu frá því löngu fyrir stríð, þ.e. 6 milljónum útrýmdra Gyðinga. Í síðustu pólsku rannsókninni var hampað tölunni 1.2 milljónum eða svipuðum þeim fjölda þýskra hermanna, sem lést í bandarískum fangabúðum.

Rauði krossinn segir 271.000 hafa farist í fangabúðum Þjóðverja, flestir úr veikindum. Herlögregla Bandamanna í stríðslok sagði engin ummerki um kerfisbundna útrýmingu fanga í þessum búðum.

Skjalið frá Wahnsee um „Endlösung“ (lokalausnina, þ.e. útrýmingu Gyðinga) virðist vera klaufalega falsað. En fiskisögurnar fljúga engu að síður um útrýmingarbúðir fyrir Gyðinga.

Þá eru ótaldir þeir þýsku uppgjafahermenn, sem vesluðust upp í Gúlaginu sovéska. Það er einnig sjaldan minnst á um það bil 70.000 Frakka, sem Bandamenn sprengdu í tætur. Sömuleiðis er farið hljótt með kjarnorkusprengjur Bandaríkjamanna, sem grönduðu hundruðum þúsunda Japana. Það voru skelfileg grimmdarverk unnin í styrjöldinni, bæði af Öxulveldunum og Bandamönnum.

Það er sorglegt til þess að vita, að þessar mannfórnir – eins og í fyrsta heimsstríði – hafi verið færðar á altari alþjóðlegs peningaauðvalds. Gyðinglegur hluti þess er áberandi. Nú má segja, að þriðja heimstyrjöldin sé í raun hafin fyrir atbeina sömu afla.

Sömu leiðtogar og minnast dauðra drengja í Normandí nú hvetja til frekari stríðsátaka. Um hálf milljón ungra karla liggur nú þegar í valnum bara í Úkraínu fyrir utan alla rússneska kynbræður þeirra. Þá eru ótaldir almennir borgarar. En leiðtogarnir vilja enn dauða og eimyrju. Heróp þeirra er það sama og Þórdísar Kolbrúnar; stríð, stríð, meira stríð.

Bandamenn eða Nató hafa tekið þátt í stríðsátökum í Úkraínu frá upphafi stríðsins og stjórnað ma. eldflaugunum, að mestu innan landamæranna. En nú hefur öllum takmörkunum verið létt af vopnaburði Úkraínumanna.

Langdrægar eldflaugar hafa þegar verið sendar langt inn í Rússland og fleiri eru á leiðinni, samkvæmt leiðtogunum. Aðflutningsleiðir hergagna og herliðs frá Natólöndunum til Úkraínu og Rússlands eru skipulagðar. Rússar vara við. Vondi-Valdi hefur tekið af sér sikihanskana.

Bandaríkjamenn sögðu upp samningum um að beita ekki langdrægum kjarnavopnum. Rússar undirbúa notkun bæði skamm- og langdrægra vopna. En þeir búa líka yfir ofurflaugum (hypesonic), sem bandamenn hafa ekkert svar við. Vondi-Valdi talar um ósamhverfa (asymmetric) svörun, þ.e. að útvega öðrum andstæðingum Vesturvalda þessi viðbjóðslegu vopn.

En sjálfum yrði þeim ekki skotaskuld úr því að senda óvinveittustu þjóð Vesturlanda, Íslendingum, heita kveðju. Þá þarf ekki að spyrja að leikslokum.

Stríðsóvitanir á Íslandi næðu ekki einu sinni að rumska við slíkt kjarnorkusjálfsvíg.

https://realnewsandhistory.com/anyt-06-06-24/ https://www.globalresearch.ca/watching-washington-foment-nuclear-war/5858854 https://www.globalresearch.ca/watching-washington-foment-nuclear-war/5858854 https://english.almayadeen.net/news/politics/far-more-bombs-dropped-on-gaza-than-london--dresden--hamburg https://www.globalresearch.ca/red-army-operation-bagration-not-d-day-landings-broke-back-german-fascism/5859026 https://www.visir.is/g/20242581657d/tengdi-stridid-i-ukrainu-vid-bar-attuna-gegn-fas-ismanum?fbclid=IwZXh0bgNhZW0CMTAAAR10UbNTipae4Tj7E0GlhngxoZKOmdv6F-7xSt2lfyl5y9W0UVqJmPsxZsc_aem_AcTKpDjD41EtDtcm0rLmgTcPqyFg8VEU_L4VAc_noNMdSdCHEeq4-EKkc2qw1TKw8jBdfrf6tEz0RcsB3NT8oLUe https://denniskucinich.substack.com/p/d-day-1944-e-day-2024-and-the-advancement?utm_source=post-email-title&publication_id=1441588&post_id=145421730&utm_campaign=email-post-title&isFreemail=true&r=ry8jq&triedRedirect=true&utm_medium=email

Torg hins himneska friðar og himnasælan í lyginni

Þeir, sem komnir voru til vits og ára fyrir rúmum þrem áratugum síðan reka vafalaust minni til „fjöldamorðanna“ á Torgi hins himneska friðar í Bejing, dagana 2-6. júní 1989. Alþjóðlegir fjölmiðlar eða fréttaveitur – með þær bandarísku og bresku í forystu eins og nú – sögðu okkur frá hryllingsverkum kínverskra yfirvalda, sem notuðu skriðdreka til að fletja lifandi, saklausa stúdenta.

Alið var á andúð gagnvart Kínverjum eins og Þjóðverjum áður. Nú hafa Rússar tekið við þessu nauðsynlega hlutverki í vitundar- múgsefjunarstjórnun yfirvalda á almúga Vesturlanda. Nató foringjarnir hafa samþykkt, að Rússar séu helstu óvinir bandalagsins. Kínverjar koma þar næst á eftir. Bandarísk yfirvöld undirbúa í gríð og erg stríð gegn þeim líka.

En það er eins með þessi morð og gereyðingarvopn Saddam Hussein, dráp írakskra hermanna á reifabörnum í Kúvæt, vændisbúr japanska hersins í Kóreu, og svo mætti lengi áfram telja. Þetta eru lygar. Þeim er beitt til að rugla fólk í ríminu, brengla vitund þess og búa til andstæðing, svo réttlæta megi stríð. Ritskoðun og brengluð kennsla tryggir heilaþvottinn!

Því miður er það svo, að lygin verður svo snar þáttur í jafnvægi sálarinnar, að fáir leggja sig eftir hinu sanna og fyrtast jafnvel við ábendingar og fræðslu. Hugarróin er mikilvæg.

Eftir því sem næst verður komist var enginn drepinn á Torginu. Hins vegar fórust um tvö hundruð mótmælendur og hermenn í götuóeirðum, sem mótmælendur áttu frumkvæði að.

Bandaríska og breska leyniþjónustan sá sér leik á borði, þegar ungir flokksmenn mótmæltu Kínverska byltingarflokknum á Torginu himneska, og blésu lífi í glæðurnar í samvinnu við kínverska málaliða sína og flugumenn, m.a. Chai Ling (f. 1966), sálfræðinema við Bejing háskóla.

Chai, sem var einn af forystumönnum stúdentanna, hefur síðar ljóstrað því upp, að mótmælakænskan hafi falið í sér að ögra yfirvöldum ofbeldis. Að hennar dómi þurfti blóðið að renna til að vekja kínverska alþýðu til vitundar um kúgun sína. Hún var tilnefnd til friðarverðlauna Nóbels 1990.

Chai hlaut fyrir þjónustuna heiðursgráðu frá Princeton háskólanum í Bandaríkjunum. Öðrum óeirðaseggjum var skutlað til Bandaríkjanna, samkvæmt áætlun, „Gulfuglinum“ (Yellow bird).

Yfirleiðtogi óeirðaseggjanna var hins vegar Zhao Ziyang (1926-2005), aðalritari kínverska byltingarflokksins frá 1987, þekktur stuðningsmaður Alheimsefnahagsráðsins (en þar er George Soros mikilvægur koppur í búri) og ákafur talsmaður samruna manna og véla (transhumanism).

Zhao komst til áhrifa fyrir tilstuðlan Deng Xiaoping (1904-1997), sem leiddi iðnvæðingu landsins og umbótaviðleitni. Zhao var stundum kallaður Gorbasjoff (Gorbachev) Kína. Zhao var varpað í stofufangelsi með samþykki velgjörðamanns síns, Deng.

Þarna var meira að segja staddur sjálfur „litskrúðsbyltingar-hugmyndafræðingurinn,“ bandaríski stjórnmálafræðingurinn, Gene Sharp (1928-2018). Aðgerðin var fjármögnuð af þeirri deild bandarísku leyniþjónustunnar, sem kölluð er „Lýðræðistrúboðsdeildin“ (US National Endowment for Democracy – NED).

Hugmyndin var að kollsteypa kínversku stjórninni. En það fór út um þúfur. Breskir fjölmiðlar í Hong Kong fluttu skelfingarfalsfréttirnar og New York Times sá um að festa þær í sessi.

Það fylgir sögunni, að undirróðursmaðurinn geðbilaði, Gyðingurinn, George Soros, var gerður brottrækur úr Kína með dali sína og undirróðursfélög. Georgíumönnum stendur hugur til þess líka, en eiga aðra litskrúðsbyltingu á hættu fyrir vikið.

Litskrúðsbyltingin í Kína var eins konar frumsýning fyrir svipaða byltingu í Ráðstjórnarríkjunum skömmu síðar. Í kjölfarið fylgdu byltingar af svipuðu tagi í Serbíu, Norður-Afríku (Afríska vorið), Georgíu, Hvíta-Rússlandi, Úkraínu og víðar. Í Íran og Tyrklandi hafa þær mistekist.

https://frettin.is/2022/04/04/fjolmulavil/ https://frettin.is/2022/12/08/kvenfrelsun-uppthot-og-arodur-i-iran/ https://arnarsverrisson.blog.is/blog/arnarsverrisson/entry/2302325/ https://steigan.no/2024/06/mytisk-beijing-massemord-i-1989/?utm_source=substack&utm_medium=email https://en.wikipedia.org/wiki/Chai_Ling https://www.bbc.com/news/world-asia-china-50097221 https://en.wikipedia.org/wiki/The_Gate_of_Heavenly_Peace_(film) https://www.washingtonpost.com/archive/opinions/1991/06/02/the-great-escape-from-china/5da31d0d-aca1-4c56-9178-767d14c29f62/ https://chinarising.puntopress.com/2020/06/04/every-4-june-the-wests-big-lie-propaganda-machine-blpm-spews-tiananmen-projectile-vomit-across-earth-hoping-to-destroy-the-chinese-people-and-their-communist-socialist-way-of-life-china/ https://canadianpatriot.org/2020/12/17/who-is-creating-a-new-chinese-boogey-man-an-examination-of-modern-psychological-warfare/ https://canadianpatriot.org/2021/08/20/the-comprehensive-tiananmen-square-massacre-hoax-dossier/ https://canadianpatriot.org/2022/04/04/tiananmen-square-the-failure-of-an-american-instigated-1989-color-revolution/ https://canadianpatriot.org/2021/08/20/how-chinas-gorbachev-was-flushed-in-1989/ https://matthewehret.substack.com/p/the-tiananmen-square-hoax-massacre-6ac?utm_source=post-email-title&publication_id=260045&post_id=145317459&utm_campaign=email-post-title&isFreemail=true&r=ry8jq&triedRedirect=true&utm_medium=email https://militarywatchmagazine.com/article/the-truth-behind-the-myth-of-the-tiananmen-square-massacre-opinion-piece-by-dr-dennis-etler

Valkyrjan valinkunna og stríðsóvitarnir á Alþingi Íslendinga

Valkyrjan, Þórdís Kolbrún, spyr: Hví kaupum við vopn handa Úkraínumönnum? Hún svarar:

“Vegna þess að fólk sem berst fyrir sjálfstæði sínu og frelsi gegn blóðugri innrás þarf vopn til að verja sig. Ef við ættum vopn, þá myndum við senda þau. En þegar kemur að fjármagni þá viljum við nýta það til brýnustu þarfa Úkraínu, samkvæmt þeirra eigin mati.“ …

„Varnir eru ekki andstaða við frið heldur eru varnir til að verja friðinn.“ …

„Ísland er og verður á hernaðarlega mikilvægum stað.“ …

„Það hefur því verið áhersla mín, í góðu samráði við utanríkismálanefnd Alþingis og ríkisstjórn að Ísland leiti allra leiða til þess að sýna vina- og bandalagsþjóðum okkar fram á að við séum verðugir bandamenn. Sú skuldbinding sem aðrar þjóðir hafa gert gagnvart okkur krefst þess að við séum fær um að taka skýra afstöðu með þeim þegar ógnir steðja að þeim.“ …

„Höfum líka í huga að öll helstu vina- og bandalagsríki ganga mun lengra í stuðningi við Úkraínu og ekkert þessara ríkja lætur beinar hótanir og ógnandi talsmáta Rússa slá sig út af laginu.“ …

„Ísland er friðsælt. Fjarlægð frá heimsins vígaslóð hefur verið okkar besta trygging fyrir þessari friðsæld gegnum aldirnar. Nútíminn virðir slíkar fjarlægðir engu.“ …

Það er næsta augljóst, að Þórdís Kolbrún hefur gengið í utanríkismálaskóla herskáasta jafnaðarmannaflokks þjóðarinnar og þess kristilegasta. En hún mætti að ósekju læra rökhugsun og framsetningu á íslensku, bæði í ræðu og riti. Þekking skiptir reyndar ekki máli í þessu sambandi, því um utanríkistrúmál er að ræða.

En sumir lesenda kynnu að hafa áhuga á því að vita, að Úkraína er ekki aðildarríki Nató (ennþá) og þar af leiðandi eiga Íslendingar engum varnarskyldum að gegna gagnvart íbúum hennar.

En hins vegar gæti Þórdís Kolbrún, ásamt ríkisstjórn og utanríkismálanefnd, orðið sér úti um hjálm og byssu, lagst í austurvíking og höggvið mann og annan.

Andstætt öfugsnúnum þankagangi stríðsóvitanna á Alþingi Íslendinga, hafa Rússar ævinlega verið Íslendingum vinveittir, þrátt fyrir trúboðshyggju stjórnvalda í Kreml á tímum Ráðstjórnarríkjanna.

Það er grandskoðað og almælt, að úkraínsk samfélag sé meðal alspilltustu ríkja heims, og þar eru öll lýðréttindi fótum troðin. Bandaríkin og Bretar (Nató) steyptu lýðræðislega kjörinni stjórn Úkraínu af stóli og málamyndastjórn tók við. Þegar ný stjórn var lýðræðislega kjörin, var friður eitt af kosningaloforðunum. En borgarstríðið, sem málamyndastjórnin lýsti á hendur rússneskumælandi íbúum Donbass, hélt áfram.

Friðarsamningarnir tveir, sem kenndir eru við Minsk, og Rússar áttu frumkvæði að, voru sviknir af Úkraínustjórn, Nató og Öryggiráði Sameinuðu þjóðanna (þ.e. þeir síðari).

Rússar hafa í aldarfjórðung beðið um frið, jafnvel þátttöku í Nató. Þeir hafa þrásinnis bent á, að innganga Úkraínu væri öryggisógn. Þegar þýsku ríkin voru sameinuð og Kremlverjar drógu herlið sitt í Þýskalandi og Austur-Evrópu tilbaka, var þeim lofað, að útþensla Nató í austur myndi ekki eiga sér stað.

Ítrekað hafa Rússar beðið um samninga, síðast á árinu 2021, áður en innrásin í Úkraínu hófst. En Nató hefur skellt skollaeyrum við – og Íslendingar með. Þess má líka geta, að Bandaríkjamenn sögðu upp samningunum um langdræg kjarnorkuvopn, og stofnuðu í Úkraínu og víðar í nágrenni Rússlands, rannsóknastofur, sem sýsluðu með lífefna- og eiturvopn.

Hvar var þá hin friðelskandi þjóð á landinu, sem „.. er og verður á hernaðarlega mikilvægum stað,“ fjarri „heimsins vígaslóð [sem] hefur verið okkar besta trygging... Nútíminn virðir slíkar fjarlægðir engu.“

Ég geri ráð fyrir, að Þórdís Kolbrún eigi við, að fjarlægð dugi ekki til varna. (Það hefur hún reyndar aldrei gert.) Þar rekst henni nefnilega rétt orð á munn.

Þórdís tíundar ógnir frá Rússum. Þeir hafa reyndar engu ríki í Evrópu ógnað, nema Úkraínu nú. Austan Svartahafs vörðust þeir „litskrúðsbyltingum“ (color revolution) Bandaríkjanna og málaliða þeirra í Tétníu og árásum Georgíumanna í Abkasíu.

Öðru máli gegnir um bandamenn okkar, Bandaríkin og Nató. Nató sprengdi Líbíu, Afganistan, Írak og Beógrad, í tætlur, hernam Kosovó og hluta Sýrlands. Ætli Þórdís Kolbrún hafi hugmynd um það? Bandaríkin, sem Nató skópu, hafa stundað sífelldar árásir á önnur ríki á „friðartímum.“ Norðmenn hafa verið sérstaklega liðtækir við að sprengja fólk í loft upp.

Því er það nú sem fyrr, að líklega stafar Íslendingum helst ógn af svokölluðum bandamönnum sínum; Bretum, Bandaríkjamönnum, Dönum og Norðmönnum. Þeir síðastnefndu efndu til borgarastyrjaldar á Íslandi og þráuðust við að viðurkenna sjálfsstæði þjóðarinnar. Hinar þjóðirnar hafa allar hernumið Ísland.

Þórdís Kolbrún lætur hjá líða að nefna, að Natóríki eins og Slóvakía og Ungverjaland, taka afstöðu gegn stríðsbröltinu í Úkraínu. Meira að segja Ítalir harðneita að senda þangað hermenn. Þórdís skipar sér í stríðsóðustu Natósveitina með þjóðum eins og Finnum, Eistum, Lettum, Pólverjum og Frökkum.

Ætli Þórdís Kolbrún, ríkisstjórnin og utanríkismálanefnd, átti sig á því, að veröldin sé á barmi kjarnorkustyrjaldar?

Hvar er nú Þorgeir Ljósvetningagoði?

https://www.visir.is/g/20242581243d?fbclid=IwZXh0bgNhZW0CMTEAAR3NJ1fUa34voisXcVCZHD3A0VX2C6D0JWA5Ht3yEFigTJIO5t62Kf8B7JE_aem_AS09fMn0rdijPUa2LGFCK6zzCbzDKtkm78dvZ6z9L0On3YlR7EV_DbzF1dmgva7lw1Cxs8r2KctMkMYXxSiyVDZH

Robert Fico "upprisinn.“ Fyrsta ræðan: Tilræðismaðurinn var ekki einn á báti

Eins og menn muna væntanlega var Robert Fico, forsætisráðherra Slóvakíu, sýnt morðtilræði þann 15. maí. Hann lifði af og hefur nú flutt sína fyrstu ræðu. Endursegi nokkur aðalatriði:

Robert segist ekki bera kala til tilræðismannsins. Hann sé boðberi illsku og stjórnmálahaturs, fullyrðir Robert. „Ég hef ekki ástæðu til að ætla, að hér sé um að ræða vitfirring, sem einn sé á báti.“

Hann rekur misbeitingu valds fyrrum stjórnvalda í Slóvakíu gegn stjórnarandstæðingum og blaðamönnum, fangelsun og morðum jafnvel, án athugasemda frá alþjóðastofnunum.

Undirgefni fyrri stjórnvalda í Slóvakíu gagnvart stórþjóðum og hagsmunagæslu í þeirra þágu, er honum einnig hugleikin. Sjálfstæð utanríkisstefna var illa séð. Vegið var að fullveldi þjóðarinnar á vettvangi Nató, Evrópusambandsins og af hálfu erlendra félagssamtaka.

Robert lýsir andófinu innan Evrópusambandsins og Nató vegna afstöðu hans til Úkraínustríðsins, stöðvun vopnasendinga og ákalls um friðarsamninga. Það virðist eins konar þráhyggja að koma þurfi Rússum á kné, sama hvað það kosti. Þeir, sem ekki kokgleypa það fagnaðarerindi, eru sakaðir um að ganga erinda Rússa, og þeim útskúfað.

Það gætti óhamingju í Nató, þegar ég neitaði að taka þátt í loftárásum á Beógrad (Serbíu, Júgóslavíu), segir Robert ennfremur eða þegar ég kallaði heim hermenn okkar frá Írak.

Í Evrópusambandinu vakti það ekki lukku, þegar Robert stóð í vegi fyrir afnámi neitunarvaldsins og samþykktar skyldukvóta fyrir ólöglega flóttamenn. Rétturinn til mismunandi skoðana í Evrópusambandinu er horfinn, segir Róbert.

Hví eigum við ekki stjórnmálamenn af þessu bergi á Íslandi?

https://steigan.no/2024/06/robert-fico-jeg-tilgir-attentatmannen-noen-sto-bak-ham/?utm_source=substack&utm_medium=email

Tjáningarfrelsið og kjarnorkuváin. Scott Ritter meinað að ferðast til Rússlands

Úkraínsk stjórnvöld skilgreina bandaríska vopnaeftirlitsmanninn, Scott Ritter, sem „upplýsingahryðjuverkamann.“ Því skal hann tekinn úr umferð, jafnvel drepinn. Hann er á svarta lista þeirra með velþóknun yfirvalda í Bandaríkjunum. Scott hefur gagnrýnt utanríkismálastefnu Bandaríkjanna.

Á John F. Kennedy flugvellinum var hann gripinn glóðvolgur á leiðinni til Sankti Pétursborgar. Hann var sviptur vegabréfi sínu, án skýringa.

Í umræðuþætti Andrew Napolitano, sem reyndar var einnig á leið til sama staðar, er um atvikið fjallað og sömuleiðis um yfirvofandi kjarnorkustríð. Hvernig munu Rússar svara frekari eldflaugaárásum Vesturveldanna inn í Rússland? Skoðanir Scott og Gilbert Doctorow í þessu sambandi eru afar áhugaverðar.

Rússnesk yfirvöld hafa þráfaldlega varað við þessari þróun og leggja áherslu á að beitt verði skammdrægum kjarnorkuvopnum. Scott gerir sér í hugarlund, að Natólönd verði skotmörk, Gilbert ímyndar sér hins vegar, að Kænugarður verði fyrsta skotmark. Reynslan mun skera úr um það. Vesturlönd eru í raun varnarlaus, sökum yfirburða Rússa á vopnasviðinu.

Samtímis heyja bandarísk yfirvöld stríð gegn eigin þegum til að svipta þá lýðréttindum eins og tjáningarfrelsi og ferðafrelsi í nafni lýðræðis, frelsis og þjóðaröryggis. Sömu þróunar gætir víðar eins og t.d. í Kanada. Justin Trudeau sendi fanta sína til að þakka niður í „Rússafræðingnum,“ Patrick Armstrong. Hann gagnrýnir stefnu Kanadastjórnar og Vesturlanda. Hann kallar Nató „pappírskisu.“

https://gilbertdoctorow.com/2024/06/04/10461/ https://www.globalpolitics.se/har-usa-blivit-en-polisstat/ https://www.unz.com/mwhitney/every-escalation-brings-washington-closer-to-defeat-in-ukraine/ https://www.globalresearch.ca/russia-victory-ukraine-near/5859083 https://www.youtube.com/watch?v=0PGxPvK0Bw4 https://patrickarmstrong.ca/author/gparmru/ https://patrickarmstrong.ca/2021/12/16/csis-comes-to-call/ https://patrickarmstrong.ca/2021/12/16/csis-comes-to-call/ https://denniskucinich.substack.com/p/us-targets-journalists-who-criticize?utm_source=post-email-title&publication_id=1441588&post_id=145302471&utm_campaign=email-post-title&isFreemail=true&r=ry8jq&triedRedirect=true&utm_medium=email https://gilbertdoctorow.com/2024/06/04/freedom-of-speech-in-the-u-s-a-think-again/

Sögukennsla Jeffrey Sachs og Vladimir Putin. Heimur á hverfandi hveli

Flestum ætti að vera ljóst, að Íslendingar eru stefnulausir í utanríkismálum eins og Þórdís Kolbrún hefur bent á. Við fylgjum hinum, sagði hún. „Hinir“ eru í raun stríðssjúklingarnir, sem Bandaríkjunum stjórna í blóra við vilja almennings.

Flestum ætti líka að vera ljóst, að bandarísk stjórnvöld hafa háð nær látlaus stríð frá annarri heimstyrjöldinni og þverbrotið alla góða siði, reglur og alþjóðalög, eins og náinn bandamaður, Ísrael – og Nató vissulega einnig.

Stríð og dráp yfirvalda hafa kostað bandarískan almenning gríðarlega fjármuni og orðið hundruðum þúsunda að fjörtjóni, en að sama skapti tryggt Bandaríkjunum yfirburðastöðu með tilliti til stjórnmála, hernaðar og viðskipta. Bandaríkin hafa herstöðvar í 80 löndum eða hér um bil, um 800 að tölu. Ísland er raunverulega slík herstöð.

Herstöðvum Bandaríkjamanna fjölgar skart á Norðurlöndunum og við Eystrasalt, þar sem tekist hefur að æra stjórnvöld til að vígbúast af kappi og blása lífi í Rússafælnina. Norski stríðsfautinn, Jens Stoltenberg, á þar drjúgan hlut að máli.

Stríðið í Úkraínu og Gaza – enn þá háð að mestu við hjálp staðgengla – eru síðustu afrekin. RÚV og ríkisstjórnin hafa viljað telja okkur trú um, að ýmist Rússar eða Palestínumenn hafi tekið frumkvæði að þessum stríðum að tilefnislausu og allt sé þeim að kenna. Í þeirra fátæklega huga byrjaði veraldarsagan í þessu viðfangi annars vegar 7. okt. 2023 og 24. febrúar í 2022.

Þeir, sem söguna þekkja, og eru lausir við stjórnmálatrú, vita, að svo er ekki. Hér gefst áhugasömum kostur á að fræðast af tveim afburðakennurum, sem báðir hafa lifað og hrærst í atburðarásinni um áratugi, gagnmenntaðir báðir.

Jeffrey Sachs er hnífskapur greinandi, bandarískur hagfræðingur og afi. Hinn þekkja trúlega allir af vondu umtali, lögfræðinginn, Vladimir Putin eða Vonda-Valda, forseta Rússneska ríkjasambandsins, sem er maður gagnfróður og snjall, jafnvel þótt hafi látið blekkjast af fagurgala stjórnmálamanna í „Villta vestrinu,“ hvað eftir annað. En það er komið annað hljóð í strokkinn. Nú skulu Bandaríkin og Nató ekki komast upp með meiri moðreyk.

Tucker Carlson er viðmælandi beggja og ferst það hlutverk ljómandi vel úr hendi, enda er maðurinn fróður og beinskeyttur. Sagnfræðingurinn, T.P. Wilkinson, skrifar fróðlegar athugasemdir um viðtölin.

Afskaplega fræðandi, meira að segja um veirustríðin. Fróðleiks- og viskubrunnur! Ausið úr honum, sérstaklega þið, sem hafið látið telja ykkur trú um, að við séum að verjast Rússum, og hugrekki hafið. Rússagrýluafturgangan fer ljósum logum í fjölmiðlum og á ríkisstjórnarfundum. Afinn, Jeffrey, gefur okkur ráð; göngum ekki fram á gnípu kjarnorkustyrjaldar.

Þá er heldur ekki úr vegi að minna á rússneska kafbátaforingjann, sem forðaði heiminum frá kjarnorkustyrjöld 1962, Vasily Arkhipov (1926-1998). Við stöndum öll í þakkarskuld við hann. (Sbr. bók Martin Sherwin (1937-2021), „Heimstortímingaráhættuleikinn: Kjarnorkurúllettuna frá Hirosima til Kúbukreppunnar“ (Gambling with Armageddon: Nuclear Roulette from Hirosima to the Cuben Millile Crises).

Dómgreindarskorturinn og vitfirringin, sem er svo dæmigerð fyrir vestræna stjórnmálamenn um þessar mundir, lýsir sér vel í orðum finnska forsætisráðherrans, Alexander Stubb. „Leiðin til friðar liggur um vígvöllinn.“

Fleiri forystumannaóvitar hafa látið svipaða speki út úr sér eins og Kaja Kallas og okkar ástsæla stríðsgyðja, Þórdís Kolbrún.

Íslensk stjórnvöld beita íslenska skattgreiðendur siðferðilegu og lýðræðislegu ofbeldi með milljarðaflóði skatta þeirra til gjörspilltra og stríðsbrjálaðra yfirvalda í Úkraínu. Það er rík ástæða til að ætla, að drjúgur skerfur þessara fjármuna rati inn á einkareikninga stjórnmála- og embættismanna í „fyrirmyndarlandinu.“

Enn eru nokkrir stráklingar á lífi þar um slóðir, sem etja má á blóðforaðið.

https://www.msn.com/en-us/news/world/finnish-president-stubb-s-grim-forecast-the-path-to-peace-in-ukraine-is-through-the-battlefield/ar-BB1m9cfV https://www.amazon.com/Gambling-Armageddon-Roulette-Hiroshima-1945-1962/dp/0307266885 https://www.bbc.com/news/world-europe-24280831 https://www.vice.com/en/article/bvmdqa/the-story-of-the-soviet-submarine-officer-who-saved-the-world-is-now-an-opera https://allthatsinteresting.com/vasili-arkhipov https://www.globalresearch.ca/unbecoming-american-tucker-carlson-jeffrey-sachs/5858828

Forsætisráðherra friðar í Ungverjalandi og ódælu, íslensku ófriðarmennirnir

Einhver stærsta friðarganga Evrópu fór fram í Budapest nýlega, um það leyti sem valkyrjan íslenska, Þórdís Kolbrún, seildist í vasa íslenskra skattgreiðenda eftir ógnarlegum fjármunum til stríðsins í Úkraínu. Á meðan reyndi Viktor Orban að hugga óhamingjusama landa sína í Úkraínu. Stríðinu lýkur senn, sagði hann.

En það eru óneitanlega blikur á lofti. Nató (og Íslendingar þar með taldir) ætla að orna sér við kjarnorkuelda, eftir því sem best verður séð.

Viktor, sem lengst hefur setið forsætisráðherra í Evrópusambandinu, þykir ódæll alheimssinnum og eymdarhyggjufólkinu (woke); hann hefur stöðvað óheftan flaum flóttamanna, sem hrekst undan stríðum Bandaríkjamanna, Ísraels og Nató. Og svo gefur hann – eins og Vondi-Valdi Putin – kynja- og kynleysufræðingum langt nef. Lengra er varla unnt að komast í skömminni.

Í ræðu sinni, sem Viktor m.a.:

Stríð færir okkur engan sigurvinning, heldur tjón. Fyrrum vorum við neyddir inn á vígvöllinn. Og við lutum í lægra haldi. Og þannig mun það fara nú, á þessu Herrans ári 2024. Í fyrstu heimstyrjöldinni urðum við að sjá á eftir tveimur þriðju hlutum lands okkar. Í öðrum heimsófriðnum var herjum Ungverja tortímt á framandi grundu.

Það voru engir eftir á ættjörðinni til að vernda hana, konur okkar og börn. Við vorum svo magnþrota, að friðarsamningar við sigurvegarana voru torveldir. Í heimstyrjöldunum féll hálf önnur milljón Ungverja – og með þeim börn og barnabörn, sem hinir látnu hefðu eignast.

Ó, hversu sterkt hefðum við ekki staðið, væri þetta fólk meðal okkar í dag. Enn þá einu sinni er þess krafist, að við geysumst fram á vígvöll. En ég skal tala hægt og skýrt, þannig að Brussel megi skilja: Við ætlum okkur ekki í stríð. Við örkum ekki í austurátt í hið þriðja sinn, við höldum ekki til rússnesku víglínunnar aftur.

Við höfum verið þar áður og höfum enga ástæðu til að vera þar. Við ætlum ekki að fórna ungu kynslóðinni á altari stríðsglæframanna og peningapúka. Við höfnum stríðsgróðaáætlunum, svo stríðsherrarnir megi leggja undir sig eignir Úkraínumanna og gæta hagsmuna stórveldanna.

Þessar áætlanir eru ekki nýjar af nálinni og við erum þeim kunnugir. Þegar, fyrir þrem áratugum síðan, skrifaði George Soros [ungversk-bandarískur auðjöfur, sem hagnaðist óhemjulega á falli breska pundsins] eigið undirróðurshandrit. Samkvæmt því átti að leggja Rússa að velli með vestrænni tækni og ódýru, austur-evrópsku vinnuafli. Hefði því verið tortímt mætti nota flóttamenn í staðinn.

P.s. Í umfjöllun Steigan.no um málið er frá því sagt, að norskir vopnaframleiðendur (Kongsberg Gruppen) hefði gert sölusamning að andvirði 141 milljóna Bandaríkjadala um eldflaugar (Joint Strike Missiles) fyrir F-35A (bandarískar) orrustuþotur.

https://steigan.no/2024/06/orban-europa-taler-ikke-en-ny-krig/?utm_source=substack&utm_medium=email https://telex.hu/english/2024/06/03/orban-the-time-has-come-for-exorcism-because-the-only-other-option-is-world-war https://magyarnemzet.hu/english/2024/06/the-biggest-ever-life-changing-peace-march-starts-today#google_vignette https://www.msn.com/en-us/news/world/orb%C3%A1n-stages-a-peace-march-in-hungary-in-a-show-of-strength-before-european-parliament-election/ar-BB1nskDF

Ógæfan í Úkraínu. Nató ætlar að orna sér við kjarnorkuelda

Á því Herrans ári 1997 gerðu Rússar og Nató merkan samning: „Gagnkvæm tengsl, samvinna og öryggi milli Rússneska ríkjasambandsins og Nató“ (Mutual Relations, Cooperation and Security between NATO and the Russian Federation.)

Þessi samningur hefur reynst jafn léttur á metunum og Minsk samningarnir um lok borgarastríðsins í Úkraínu, sem upphófst með árásum Kænugarðsstjórnarinnar á rússnesku mælandi íbúa Donbas.

Árið 2014 var örlagaríkt ár í samskiptum Rússa og Nató. Bandalagið, undir forystu Bandaríkjanna og Breta, steypti löglega kjörinni stjórn Úkraínu. Þá hafði lengi verið róið að inngöngu Úkraínu bæði í Nató og Evrópusambandið. Inngöngu Úkraínumanna í Nató höfðu Rússar túlkað sem þjóðaröryggisógn í áratug eða svo. Þeir töluðu fyrir daufum eyrum, en komu samt með tillögu að öryggis- og friðarsamningi.

Rússar hafa ítrekað skírskotað til umrædds samnings, m.a. til að koma í veg fyrir stríð við Bandaríkin (Nató), síðast 2021. Jens gerir grín að trúgirni Vonda-Valda Putin, rétt eins og Angela Merkel og Emanuel Marcon gerðu í sambandi við Minsk samningana.

Á sama ári tók norski stríðshaukurinn, Jens Stoltenberg, við leiðtogataumunum í Nató. Fidel Castro (1926-2016), leiðtoga Kúbu, leist illa á pilt:

„Það stafar miklu hatri úr andliti hans, [það lýsir] einbeittum ásetningi (empeno) að heyja útrýmingarstríð gegn Rússneska ríkjasambandinu?“

Fidel reyndist sannspár. Jens og fleiri stórmenni Natóríkja hafa lýst því yfir, að Úkraínumönnum sé heimilt að beina vestrænum vopnum inn í Rússland til árásarstríðs. Það hafa þeir reyndar gert margsinnis eða öllu heldur útsendarar Bandaríkjanna, Breta, Þjóðverja, Frakka og Pólverja – einkum og sér í lagi.

Samtímis uppbyggingu svokallaðrar „Baltnesku varnarlínu,“ fjölgar árásum inn í Rússland. Sú síðasta, þ.e. eyðilegging radarstöðva í suð-vestur Rússlandi, sem mikilvægar eru í kjarnorkuvopnavörnum, gæti reynst örlagarík. Hugsanlega snýr stöðin þó meira að öryggi Írana en Rússa sem slíkra. En eyðileggingin hleypir í uppnám aðvörunum vegna hugsanlegra árása Bandaríkjamanna úr herskipum á Miðjarðarhafi og herstöðinni í Bahrain, einni af átta hundruð eða svo.

Vesturlönd leika með kjarnorkueldinn. Rússar vara enn við og æfa stríð með skammdrægum kjarnavopnum. Staðsetning langdrægra eldlauga Vesturlanda í Úkraínu segir Vondi-Valdi einungis vera hársbreidd frá stríðsyfirlýsingu.

Kotroskna Kaja Kallas, forsætisráðherra Eista, sem er ættuð úr sama sauðahúsi og valkyrjan, Þórdís Kolbrún, og Mette minkabani, svo nokkrir merkir forystumenn Vesturlanda séu nefndir, hefur nýlega hótað Rússum; ætlar sér að „koma Rússum á hné.“

Fleiri ISIS málaliðar Vesturlanda (Bandaríkjanna og Ísraels) hafa verið kallaðir til, enda eru flestir vopnfærir úkraínskir karlar ýmist drepnir, særðir eða flúnir. Stöðugt fleiri gefast upp við fyrstu hentungleika til að bjarga lífi sínu.

Stjórnmálafræðingurinn, Michael Whitney, er ekki í vafa: „Eins og sjá má, er lestin þegar lögð af stað. Ákvörðun um að efna til stríðs við Rússa hefur þegar verið tekin. Hún raungerist í þessum töluðu orðum.“

Írski blaðamaðurinn, Finian Cunningham, krefst þess, að geðbiluðum stríðshaukum Nató verði varpað í steininn. En honum verður varla að ósk sinni.

Eins og öllum ætti að vera ljóst eru Vesturlönd og Nató vart samningshæf. Jafnvel þótt Úkraínumenn, að undirlagi Nató, hafi gefið friðarsamningum langt nef, þegar innrás Rússa hafði staðið yfir skamma stund, rétta Rússar enn fram sáttarhönd. Þeim er reyndar ekki boðið til þeirra sýndarfriðarumleitanna, sem fyrir dyrum standa.

En það er eins gott að gjalda varhug við, því Rússar eru „erfðalega illskeyttir“ og forritaðir til árása á saklaus, friðsemdarleg og lýðræðisleg Vesturlönd, eins og einn af ofsóknaruppvakningunum úr Rússafælnideild Leyniþjónustu Bandaríkjanna, hefur frætt okkur um.

https://www.nato.int/cps/en/natohq/official_texts_25468.htm https://jameshfetzer.org/2022/02/mike-whitney-the-crisis-in-ukraine-is-not-about-ukraine-its-about-germany/ https://www.granma.cu/cuba/2014-10-08/el-porvenir-incierto https://gilbertdoctorow.com/2024/05/29/ukrainian-strikes-on-russian-early-warning-radar-installations-a-strategic-blow-or-an-irrelevancy/ https://www.counterpunch.org/2021/11/26/what-are-the-prospects-for-peace-an-interview-with-finian-cunningham/ https://steigan.no/2024/05/kunne-stoltenberg-avverget-russlands-invasjonen-av-ukraina/?utm_source=substack&utm_medium=email https://www.youtube.com/watch?v=GfhwvwSzekc https://korybko.substack.com/p/putin-expects-nato-and-possibly-poland?utm_source=post-email-title&publication_id=835783&post_id=145118049&utm_campaign=email-post-title&isFreemail=true&r=ry8jq&triedRedirect=true&utm_medium=email https://kyivindependent.com/france-to-send-instructors-to-ukraine-for-soldiers-training-surskyi-says/ https://www.youtube.com/watch?v=YNVumzYy5aI https://www.youtube.com/watch?v=-pUj3Vqptx8 https://steigan.no/2024/05/russland-og-kina-har-fatt-nok/?utm_source=substack&utm_medium=email https://www.unz.com/pescobar/russia-and-china-have-had-enough/ https://steigan.no/2024/05/skarpe-reaksjoner-i-italia-mot-stoltenbergs-vilje-til-a-la-ukraina-angripe-russland/?utm_source=substack&utm_medium=email https://gilbertdoctorow.com/2024/05/25/wion-indian-global-broadcaster-discusses-putins-latest-proposal-for-a-ceasefire/ https://www.youtube.com/watch?v=XJ3aWRYCgPE https://derimot.no/blackwater-grunnlegger-til-tucker-carlsonmye-av-vapenhjelpen-havner-i-usas-krigsindustri-eller-forsvinner-i-ukrainsk-korrupsjon/ https://www.realclearpolitics.com/video/2024/05/22/erik_prince_russias_goal_now_is_to_humiliate_the_west_and_make_sure_ukraine_is_never_a_problem_again.html#! https://steigan.no/2023/11/lederen-av-zelenskys-parti-vi-hadde-utkast-til-en-fredsavtale-men-boris-johnson-forkastet-den/ https://steigan.no/2024/05/ukrainske-nazister-hyllet-i-det-britiske-parlamentet/?utm_source=substack&utm_medium=email https://korybko.substack.com/p/the-us-is-now-more-openly-allowing?utm_source=post-email-title&publication_id=835783&post_id=144933643&utm_campaign=email-post-title&isFreemail=true&r=ry8jq&triedRedirect=true&utm_medium=email https://gilbertdoctorow.com/2024/05/22/wion-indian-global-television-on-the-russian-nuclear-weapon-drills-at-the-ukrainian-border/ https://korybko.substack.com/p/analyzing-the-estonian-premiers-remark?utm_source=post-email-title&publication_id=835783&post_id=144865824&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.globalresearch.ca/putin-strategic-blunder/5857716 https://steigan.no/2024/05/krigsdagbok-del-110-11-til-17-mars-2024/?utm_source=substack&utm_medium=email https://strategic-culture.su/news/2024/05/28/arrest-these-insane-nato-warmongers/ https://www.unz.com/mwhitney/washington-attacks-key-element-of-russias-nuclear-umbrella-threatening-entire-global-nuclear-security-architecture/

Gyðjur, goðsagnir og hið góða samfélag kvennanna. Karlinn er ófullkomin kona

Hugmyndir kvenfrelsaranna um gyðjuveldið eða kvenyndissamfélagið, þ.e. um söguskeið hinnar miklu móður eða hinnar frjálsbornu konu, eru einkum sóttar til þriggja karla; þýska fornfræðingsins, Friedrich Wilhelm Eduard Gerhard (1795-1867), svissneska lög- og fornfræðingsins, Johann Jakob Bachofen (1815-1887) og þýska heimspekingsins, Friedrich Engels (1820-1895).

Friðrík Vilhelm setti fyrstur manna fram þá hugmynd, að fornar gyðjur ættu allar ættir sínar að rekja til einnar ævafornrar gyðjumóður. Í hinu mikla verki sínu, „Móðurréttinum“ (Das Mutterrecht), gerði Johann sér í hugarlund, að samfélög manna hefðu þróast úr svokölluðu móðurveldi, þar sem konur og gyðjur réðu ríkjum. Friðrik útfærði hugmyndina og færði rök fyrir því, að eignarhald karla á framleiðslutækjunum hefði valdið syndafallinu. Þar með festi feðraveldið rætur. Aukin heldur taldi Friðrik, að bylting öreiganna myndi færa konunni frelsun frá veldi feðranna.

En það var Marija Gimbutas (Marija Biruté Alseikaité (1821-1994)) hinn víðkunni og mikilhæfi fornleifa- og mannfræðingur, fædd í Vilnius í Lithaugalandi (Litháen), sem gaf gyðjuhugmyndasmiðunum byr undir báða vængi. María var fjölhæfur vísindamaður, m.a.kunn fyrir gyðjurannsóknir sínar, samanteknar í bókinni „Gyðjumenningunni“ (The Civilization of the Goddess), sem út kom árið 1991.

Fornleifar og niðurstöður tungumálarannsókna túlkaði hún á þann veg, að í Evrópu hefði ríkt gyðju-, móður- og kvenmiðuð (gynocentric, matristic) steinaldarmenning, sem einkenndist af jafnræði, jöfnuði, kvenvirðingu og friðsemd. Þessi menning var, samkvæmt túlkunum hennar, upprætt af herskáum föðurveldis- eða karlveldisþjóðflokkum (androcratic, patrhiarchal) frá steppunum austan Svartahafs eða hinni fornu Evrópu, sem hún kallar svo.

Kenningar Maríu hafa aukið andagift smiðum gyðju- og nornatrúarbragða, þar sem dýrkaður er frjósemismáttur samlyndis- og jafnréttiskvenna í nánu sambandi við hrynjandi náttúrunnar, firrtar tortímandi og kúgandi körlum, sbr. bók Starhawk (Miriam Simos), „Vafningsdansinn: upprisa hinna fornu gyðjutrúarbragða“ (The Spiral Dance. A Rebirth of the Ancient Religion of the Great Goddess). (Starhawk þessi hefur staðið að gerð heimildarmyndar um Maríu, „Tímanna tákn“ (Signs Out of time)).

Fyrstu hugleiðingar Maríu um gyðjumenninguna komu út um það leyti, sem önnur bylgja kvenfrelsunar reið yfir (á sjöunda og áttunda áratugi síðustu aldar). Kvenfrelsarar gripu hugmyndir hennar á lofti, enda hentuðu þær vel spuna þeirra um kúgun karla.

Norður-ameríski fornleifafræðingurinn og umsjónarmaður safns Maríu, Ernestine Elster, segir: „Það voru kvenfrelsarar, sem í hugmyndum Maríu fundu þá fræðimennsku, sem þeir vonuðu að styðja mundu hugmyndir þeirra sjálfra um, að Guð væri kona. Maríu var lyft til hæstu hæða af hópi áhugasamra kvenna og karla. Sjálf leit hún aldrei um öxl.“

Kvenyndissamfélaginu var sem sé rústað af morðóðum þjóðflokkum að austan og enn var höggvið í sama knérunn, þegar kristni var lögtekin í Rómarveldinu. En, en! Hin forna trú lifði í leynum. Því var það, að kirkjan réðist til atlögu á fjórtándu öldinni til þess að uppræta hina fornu trú endanlega, segja kvenfrelsararnir.

Úr hópi frumherja fyrstu bylgju kvenfrelsunar hafði Matilda Joslyn Gage (1826-1898) hreyft hugmyndum þess efnis, að kirkjan hefði dulbúið útrýmingu stoltra, sjálfráðra og státinna kvenna sem nornaveiðar á miðöldum.

Kvenfrelsarar á borð við Marilyn French (1929-2009), Barbara Ehrenreich (f. 1941), Gloria Steinem (f. 1934) og Deidre English (f. 1948), tóku þessum hugmyndum opnum örmum.

Ofangreindir kvenfrelsarar annarrar bylgju telja það sögulega staðreynd, að sjálfstæðar, keikar og klárar konur, hafi verið ofsóttar í gervi norna af evrópsku feðraveldi . En, en! Það er galli á gjöf Njarðar. Gyðjuveldið er ævintýri. Sömuleiðis kenningarnar um sérstaka útrýmingu klárra kvenna á miðöldum.

Norður-ameríski sagnfræðingurinn, Charlotte Allen (f. 1941) hefur rýnt í tilurð ofangreindra kvenfrelsunarkenninga og kvendýrkunartrúarbragða: „[F]ræðimenn eru almennt einhuga um, að hvorki sé stafkrók að finna né fornleifafundi um fornar þjóðir, sem nokkurn tímann hafa dýrkað eina frumgerðargyðju.“

Niðurstaða rannsókna á nornaveiðum er þessi, segir Charlotte: „Ákærðar nornir voru langt frá því að vera sjálfstæðar konur með bein í nefinu. Flestar þeirra voru fátækar og óvinsælar. Þær voru dæmigert ákærðar af almennum borgara (oft og tíðum öðrum konum), hvorki veraldlegum né kirkjulegum yfirvöldum. Satt best að segja þótti yfirvöldum nornaréttarhöldin ógeðfelld og sýknuðu rúmlega helming hinna ákærðu.“

Í bók sinni, „Goðsagnir um móðurgjörninginn. Hvernig menningin endurskapar hina góðu móður“ (The myths of motherhood: How culture reinvents the good mother), spinnur Shari L. Thurer, sálfræðingur og sálkönnuður, prófessor við háskólann í Boston, áþekkar hugmyndir áfram: „[F]eðraveldið, altæk [alheims]drottnun karla á konum, hefur verið við lýði allar götur, síðan [mæðraveldinu var tortímt].“

Konan varð fórnarlamb: „[F]eðraveldisvaldaránið átti sér stað, áður en ritmál kom til sögunnar. Því hefur sérhvert rit öðlast merkingu (refract through the prism) í [mál]vitund karldrottnunar. Því sem næst allur ritaður boðskapur fyrr og síðar, hvort heldur gefinn í skyn eða ógreinilegur (subliminal, liminal), er þrunginn skynbragði feðraveldisins. Allir [karlkyns] heimssöguritarar eru vilhallir. Heimssagan er skrifuð af sjónarhóli sigurvegara kynjastríðsins. Og þar eð feðraveldið er allsráðandi, er tungan og ritmálið gagnsýrt af því, svo að erfitt er að henda á því reiður.“

Móðirin varð líka fórnarlamb: „[Þ]egar framlag þeirra til æxlunar rann upp fyrir körlum og þeir tók tögl og haldir – og höfðu þannig að mestu leyti hönd í bagga með meginstraumi mannkynssögunnar – var móðirin gerð ómennsk. Það er, annað hvort var hún hafin upp til skýjanna (þannig urðu mæður fangar eigin táknupphafningar) eða gerðar að skynlausum skepnum (degraded) (sem litið var á sem undaneldishryssur). ... Alveg síðan karldrottnunin [brast á] hefur kynferði [konunnar] verið klofið frá móðerni og líkamsstarfsemi. Blæðingar, barnsburður [og] brjóstagjöf, hefur þar með verið talin ótilhlýðileg [eða klúr].“

Norður-ameríski bókasafnsfræðingurinn, Elizabeth Gould Davis (1910-1974), hafði ýmislegt til málanna að leggja um efnið í bók sinni, „Úrvalskyninu“ (The First Sex). Hún segir m.a.:

“Konur eru sjálft mannkynið ... hið öfluga úrvalskyn. Karlinn er lífeðlislegur bakþanki.” ... “Fyrstu karlarnir voru stökkbrigði, viðrini, sem urðu til við tjón á erfðavísum. [Þau] orsökuðust hugsanlega vegna sjúkdóms eða heiftarlegrar geislunar frá sólinni.”

Móðirin er Elísabetu einnig hugleikin: “Æxlunarfæri konunnar eru miklu eldri og þróaðri, heldur en [æxlunarfæri] karlsins. ... Sönnun þess, að reðurinn varð til miklu síðar í þróunarsögunni, heldur en sköp kvenna, er rakinn til ummerkja þess efnis, að karlinn sjálfur sé síðkomin stökkbreyting frá hinni upphaflegu kvenveru. Því er karlinn bara ófullkomin kona.”

Karlinn er einnig ófullkominn í þeim skilningi, að börn hans virða hann varla viðlits: “Hugmyndin um kvenvaldið hefur rækilega skotið rótum í mannlegri undirvitund.

Þrátt fyrir að hafa um aldir búið við föðurrétt, líta börn sjálfkrafa á móðurina sem hið hæsta yfirvald. Barnið lítur á föður sinn sem jafningja í sömu skör settan og það sjálft. Það verður að kenna börnum að elska föður sinn, heiðra hann og virða. Það verkefni tekur móðirin venjulega að sér.”

En þrátt fyrir það þjáist karlinn af þrálátri afbrýði í garð konunnar, sem brýst út í niðurlægingu hennar: “Í menningarsamfélögum samtímans ... tekur snípöfund og skautafbrýði á sig óræðar myndir. Óseðjandi þörf karlsins til að til að smána konuna, auðmýkja hana, meina henni um jafnrétti og gera lítið úr afrekum hennar – eru tilbrigði við meðfædda afbrýði og ótta hans [gagnvart konunni].”

En höfundur elur þá von í brjósti, að aftur muni birta til í kvenheimum: „Í nýjum vísindum tuttugustu og fyrstu aldarinnar verður kraftur andans allráðandi á kostnað hins efnislega. Eftirspurn eftir efnislegum hæfileikum mun réna, en aukast eftir hæfileikum til huga og anda. Skynvit mun víkja fyrir yfirskilviti. Konan mun aftur sýna yfirburði á þessu sviði. Hún, sem einu sinni var dáð og dýrkuð af hinum fyrsta karli fyrir hæfileikann til að rýna í hið óræða, mun aftur verða þungamiðjan – ekki sem kynvera, heldur sem gyðja. Í hinni nýju menningu verður hún miðdepillinn.“ ... “Feðraveldið birtist í skráðri mannkynssögu. Látum framhaldið verða gagnbyltingu mæðraveldisins. Það er einasta vonin um að mannkynið lifi af.”

Geraldine Sharp kynnir í verki sínu, „Slóð sæðisins um aldirnar. Týndi hlekkurinn í kenningum um karlinn“ (A Trail of Semen Down Through the Ages. The Missing Link in the Theories of Male), svipaðar hugmyndir um valdarán karlkynsins og kúgun konunnar í kjölfarið:

„Í upphafi skóp hin Mikla móðir heiminn. Síðan útvegaði hún sér fylgdarsvein. Jafnræði var á með þeim. Síðan tókst honum að ríkja án hennar. Lokatakmarki allsherjardrottnunarinnar [yfir konum] var náð, þegar karlinn hrifsaði til sín fæðinguna.

Karlinn áleit sig nú upphaf nýs lífs – skapara, drottnara alheimsins.“ ... „Konur hafa skipað stærsta kynþátt olnbogabarna í veröldinni. Sagan greinir einungis frá helmingi mannkyns - körlum. – Gagnrýninn lestur sögunnar dregur fram í dagsljósið grimmd og ofbeldi við sífelldar árásir karla á konur, allt frá barsmíðum á eiginkonum til nornaveiða, frá löskun kynfæra til morða.“

Hin mikla móðir var miðdepils alls, segir áðurnefnd Shari. Hún var móðurgyðjan, allt í öllu, almáttug, breytti um ham, fæddi börn, dó og endurfæddist. Hinir dauðlegu fylgdu fordæmi hennar. Hún var móðir allra guða og gyðja. Hún samdi reglurnar. Þó hafði hún einnig síðri hliðar, gat verið órökrétt, óraunsæ, óskipuleg og tortímandi. Þegar skoðuð er gyðjudýrkunin í Catal Hüyük (Tyrklandi) á nýsteinöld er engu líkara en gjörvallt mannlífið hafi snúist um tilbeiðslu og dýrkun gyðjunnar, sem ýmist var ólétt og frjósöm eða grönn og geislandi af fjöri.

Móðurgyðjan velur sér elskhuga til fylgilags og hefur af þeim kynferðislega nautn. „Skilaboðin eru þau, að kynlíf móður – jafnvel utan hjónabands, í blóðskömm og án æxlunartilgangs – sé gott. Það er einnig athyglisvert, að karlguð ... er [bókstaflega] fórnarlamb, einnota afæta, kynnautnarleikfang konunnar,“ segir Shari.

Hún bætir svo við: „Í augum sumra kvenfrelsara, ... jafnvel margra skynsamra fræðimanna, eru gyðjurnar í senn bæði fyrirmyndir og innblástur til andlegra iðkana og listsköpunar. ... Þeir færa rök fyrir því, að samsvörun gyðjutilbeiðslu, sáttar og samlyndis, sé [síður en svo] tilviljunarkennd, því í móðureðlinu felist friðsæld og jafnvægi, náttúra og munúð [og losti].“

Simone de Beauvoir (1908-1986) segir: „Móðirin er rótin, er greinist djúpt í iðrum alheimsins. [Hún getur] sogað upp safana; hún er uppsprettan. Þaðan gýs hið lifandi vatn, sem einnig er næringarrík mjólk.“

Móðurgyðjurnar beittu kyntöfrum sínum óspart. Svo var t.d. um hina fornu gyðju Súmera, Inanna, sem var gyðja ástar, frjósemi og vígaferla. Í verkum akkadíska (Akkar voru fornþjóð í Miðausturlöndum) skáldsins og hofgyðjunnar Enheduanna (2285-2250) rennur Inanna saman við Ishtar, hernaðargyðju Semíta (fornþjóð fyrir botni Miðjarðarhafs).

Inanna umbreyttist þannig úr alþýðlegri frjósemisgyðju Súmera (Íraka) í himnadrottningu, sem vinsælust varð meðal gyðja í hinni fornu Mesópótamíu. Faðir Enheduönnu blótaði gyðjuna til frama í stjórnmálum og sigurs á vígvöllum. Meginhof Inönnu eða Ístar var að finna í borginni, Úrúk í Mesópótamíu.

Í fornaldarkviðunni um hetjuna, Gilgames, sem „er afrendur að afli, ...“ eru móðurgyðjur í mikilvægu hlutverki.„Hin mikla móðurgyðja Arúrú mótaði líkamsmynd hans, hún réð hverju hann líktist, fegurstur allra mann, fullkominn.“ Gilgames þekkti gjörla tælingarmátt kvenna. Þegar fyrir veiðimanni nokkrum lá að ná tökum á „manni máttarins,“ Enkídú,“ ráðlagði Gilgames svo:

„Tak þú yndiskonuna Sjamat með úr musterinu. Hún mun sigra manninn með eðli sínu, jafnstyrku afli hans. Fylgstu með því hvenær dýrin drekka úr vatnsbólinu og láttu hana kasta skikkjunni og afhjúpa kyn sitt.“ ... „Sjamat losaði um barminn, afhjúpaði kyn sitt og hann hreif til sín munúðsemi hennar líkt og stormur. Hún hélt ekki aftur af sér, tók honum af fullu afli.

Hún breiddi út skikkjuna og hann lagðist ofan á hana, hún sýndi frummanninum hvers kona er megnug. Hann þrumaði af losta yfir henni; sex daga og sjö nætur hélt Enkídú risi og átti mök við yndiskonuna.“ Þegar samförum þeirra var lokið, leiddi Sjamat ástmann sinn til hofsins „þar sem helgar yndiskonur stilla sér upp prýðilega og úthella munúðsemi sinni hláturmildar en lökin eru breidd á beðinn þegar kvöldar.“ Um Ístar segir m.a.: „Gakktu nærri Eannahofi, þar býr Ístar, aldrei varð nokkur maður né konungur jafningi hennar.“ (Þýðing: Stefán Steinsson.)

Móður- eða frjósemisgyðjur sambærilegar Ístar ástunduðu „helgar“ samfarir. Það sama gerðu hofgyðjurnar og konur almennt. Forngríski sagnfræðingurinn, Herodotus (484?-420?) lýsir samfélaginu á Kýpur svo: Allar konur skulu einu sinni á ævinni mæta í musteri Venusar og hafa samræði við ókunnugan karl. Konan býður sig þeim, er fyrstur greiðir.

Elizabeth Gould Davis ól þá von í brjósti, að konan, mannkynið sjálft, úrvalskynið, yrði miðdepill menningarinnar í ljósi yfirskilvits og yfirburða. Henni er að verða að von sinni.

Ungir karlar lúta í gras segir Bettina Arndt Mikla móðir er gengin aftur

Hin góðkunna Janice Fiamengo, fyrrum kvenfrelsari og enskuprófessor í Ottawa, rifjar upp líf sitt. Þegar hún settist á háskólabekk lagði kennarinn áherslu á, að konur gætu ekið vörubílum til að leggja áherslu á, að konum væru allir vegir færir. Kennarinn efndi til draugaglímu eins og Grettir forðum. Varla hafði mörgum dottið í hug, að konur gætu það ekki. „Menningin var opinskátt kvenvæn, og ég reið á kraftbylgju stúlkna, án þess að gefa því gaum,“ segir Janice.

Hún heldur áfram: „Í uppvextinum komu karlar fram við mig af vinsemd og virðingu í skóla og annars staðar. Faðir minn taldi það sjálfgefið, að úr mér rættist. Ég var í engu kynferðislega áreitt eða auðmýkt og aldrei heyrði ég dæmi um slíkt frá kvenvinum mínum. Foreldrar mínir væntu þess, að ég tæki ábyrgð á lífi mínu.“

Engu að síður sveif andblær kvenlegrar fórnarlambshyggju yfir vötnum í háskólanum. Karlar voru vondir, konur góðar. Þær voru siðferðilega hreinar og tærar. „Ég var kona og þess vegna góð. Karlar þurftu að sýna fram á góðleika sinn með því að snúast á sveif með góðu konunum gegn illu körlunum,“ þ.e. hinum. Þeir fengu þó ekki að koma í öryggisafdrep kvennanna við háskólann.

„Ungu karlarnir ljáðu reglubundið eyra (og andmæltu sjaldan) við orðræðu um að vernda konur, virða konur, biðja um samþykki, trúa konum, valdefla konur og hvetja konur til dáða á vettvangi, þar sem karlar voru í meirihluta.“ Karlar eru hið þögla kyn.

Karlar voru tamdir til að sýna konum fylgispekt og trúa því, að konur í valdastöðum myndu kippa veröldinni í liðinn. Stríð myndu þær ekki líða. Þeir lærðu líka, að konur byggju yfir sérstakri skilningsgáfu, sem væri allt önnur og betri en hin reðurmiðaða karlasál væri fær um.

„Kvenfrelsurunum hefur tekist – jafnvel betur en þá dreymdi um – að skapa menningu, þar sem rými karla er skorið við nögl, nema þegar skatttekna er þörf, svo og framfærslueyris og barnameðlags (með þeim börnum, sem þeir fá ekki lengur að sjá, eftir að þeim var sparkað út af heimilinu).“

Um miðjan áttunda áratug síðustu aldar sagði hinn velþekkti mannfræðingur, Margaret Mead (1901-1978), sem rannsakað hefur manna mest samskipti kynjanna víðs vegar, þó mest á Samóa eyjum:

„Hlutverk kvenna og karla eru á hverfanda hveli. Konur liggja undir þrýstingi … um að leggja trúnað á, að staða þeirra fyrrum skýrist af kúgun karla. Samtímis voru karlar … ásakaðir um að vera kúgarar – og meira að segja heiftúðugir kúgarar. Umbreytingarnar eiga sér stað í andrúmslofi gríðarlegrar skapvonsku.“

Jafnvel þótt konur berji karla ekki síður en karlar konur, er stríðið að mestu leyti háð undir beltisstaði. Kvenfrelsararnir notfæra sér af klókindum eðlilega umhyggju karla og samvisku til að draga þá niður í svaðið. Það eru andleg morð og félagsleg. Þeim er sjaldan refsað.

Ásakanir um kynofbeldi er beittasta vopnið, þegar konur finna hjá sér þörf til að drottna yfir körlum. Þær beita sér á mörgum sviðum; á heimavelli til að öðlast yfirráð yfir börnum feðra, á vinnustöðum og í stjórnmálum – og jafnvel í íþróttum eins og Íslendingar þekkja alltof vel. En í því efni hafa þær vissulega stuðning af karlundirlægjum.

Frægt er að endemum mál í Ástralíu. Þar riðaði ríkisstjórn til falls vegna ásakanna ritara, Brittany Higgins, sem laug nauðgun upp á starfsmann stjórnarinnar. Henni voru meira að segja dæmdar háar bætur fyrir.

Rangar sakargiftir um nauðgun og annað kynofbeldi þykja ekki stórmál meðal siðblindra kvenfrelsara – jafnvel þó sálfræðingar séu. Gina Rafield segir t.d.:

„Kona, sem setur fram falska nauðgunarákæru, gæti haft ástæðu til þess. Ef til vill var henni ekki nauðgað, en augljóslega hefur hann [meintur nauðgari] áreitt hana á einhvern hátt.“

Sefjunarhugsýkin um illsku karla náði líklega hámarki í „Ég-líka-bylgjunni“ (Me too), sem kvenfrelsarar RÚV kalla „byltingu.“ En þá hafði það tíðkast um áratuga skeið, að konum væri leyft að mannorðsmyrða karlmenn (sbr. bók Daphne Patai frá 1998: Heterophobia: Sexual Harassment and the Future of Feminism).

Þessi hugsýki kvenna glymur enn um allan heim. Nýlega gengu fulltrúar kvenfrelsunar- og ofbeldisiðnaðarins í Ástralíu fylktu liði til að krefjast meiri peninga til baráttunnar gegn karlmönnum. Mikill meirihluti íslenskra kvenna fór í verkfall til að mótmæla kúgun feðraveldisins.

Hugsýkin endurómar vissulega í hugskoti drengja og karla. Hún er orðin að eins konar fagnaðarerindi. Ætlunarverki kvenfrelsaranna og auðvaldsaflanna, sem – fyrir utan skattgreiðendur – fjármagna stríðið gegn körlum, er senn lokið.

Drengir læra, að þeir séu eitraðir nauðgarar og ofbeldismenn. „Hvernig getum við komið í veg fyrir, að þessi drengur verði skímsli,“ er fyrirsögn, sem endurspeglar umræðuna býsna vel. (Og með henni fylgir mynd.)

Drengir eru aukin heldur gerðir að vitorðsmönnum í ofbeldi annarra. Ástralski kvenfrelsarinn og talsmaður heimilisofbeldisiðnaðarins, Jess Hill, segir vonsvikin:

Það hefur ekki gefið góða raun, að „telja körlum og drengjum trú um, að segi þeir karlrembubrandara eða láti hjá líða að andmæla viðhorfi félaganna, séu þeir þar með ábyrgir fyrir líkamlegu og kynferðislegu ofbeldi sem og morðum kynbræðranna.“

Kynfræðingurinn, Bettina Arndt, segir: „Já, svo gæti farið – ekki satt – að þeir, sem alast upp í menningu, þar sem ríkisstjórnin borgar fyrir herferðir (program) gegn þér og félögunum með falskar ásakanir að vopni um ábyrgð á nauðgunum og morðum á konum, hætti stuðningi við þá hina sömu stjórn?“

Fjandsamlegt viðmót gegn drengjum og samhljóma stjórnvaldsaðgerðir, virðist bera árangur, þegar horft er til til eiginlega tilgangs, þ.e. að efla kvenræði í samræmi við sjálfbærnimarkmið Alheimsefnahagsráðsins (World Economic Forum) og Sameinuðu þjóðanna. Eitt markmiðanna er nefnilega að valdefla konur og dætur þeirra.

„Ég-líka-hugsýkin“ gæti hafa skipt sköpum. Átta af hverjum tíu konum í Bandaríkjunum segjast hafa orðið fyrir kynáreitni. (Þó hefur aldrei verið slegið kynofbeldismet meðal landsfundarmanna Samfylkingarinnar. Allir kvenfulltrúar hafa verið beittir kynofbeldi á þeim bæ.) Kynin færast stöðug fjær hvoru öðru, samtímis endurskilgreiningu í þá veru, að kyn sé valfrjálst. Kvenfrelsunarhugsýkin hefur alið af sér kynleysuhugsýkina.

Bettina bendir á, að „kannanir í Ástralíu og Bandaríkjunum og víðar [t.d. í Noregi, Argentínu og Kóreu] sýni, að ungar konur verði stöðugt öfgafyllri og ungir karlar líklegri til að sýna kvenfrelsurum andúð.“

Í Suður-Kóreu kvarta 80% ungra karla undan misrétti, um helmingur þeirra í Bandaríkjunum. Í Bretlandi telja nær allir karlar undir þrítugu, að kvenfrelsun hafi ekki haft neitt gott í för með sér. Í ástralskri könnun líta ungu karlarnir á sig sem úrkrök. Rúmur helmingur íbúa í 32 þjóðlöndum segir „jafnrétti“ hafa gengið út í öfgar. En umræða og löggjöf um „jafnrétti“ felur jafnan í sér misrétti gegn körlum. Konum er hampað, veitt sérstakt brautargengi og forréttindi.

Margt bendir til, að ungir karlar sýni samfélagi og kúguðum konum langt nef. Þeir sökkva sér niður í tölvuleiki, sulla og svalla, hverfa úr skóla og gerast hallir úr heimi hér. Brotthvarf drengja úr skóla er mest í kvenfrelsunarparadísum veraldar, Íslandi og Noregi.

Sjálfsvíg meðal ungra karla hafa einnig aukist, í Bandaríkjunum um þriðjung frá 2010. Fjórfalt fleiri karla stytta sér aldur en konur, enda lifa þær að meðaltali lengur. Áhugaleysi karla á konum kalla þær líka kúgun.

Nokkrir stjórnmálamenn benda á skaðvænleg áhrif kvenfrelsunar. Javier Milei, hinn litríki forsætisráðherra Argentínu, er einn þeirra. Annar er Yoon Suk Yeol, forseti Suður-Kóreu, sem strengdi þess heit að beita sér fyrir þyngri refsingum fyrir falskar ákærur um kynofbeldi og leggja niður Jafnréttisráðuneytið.

Fóstureyðingaforsætisráðherrann, Katrín Jakobsdóttir, er yfirhershöfðingi íslenskra kvenfrelsara í drengja- og karlastríðinu, samtímis því að vera ötull baráttumaður Alheimsefnahagsráðsins og Alþjóðaheilbrigðisstofnunarinnar. Þessar stofnanir berjast fyrir alheimsvaldi. Þjóðin ætlar sér að heiðra hana með forsetatign.

Draumur kvenfrelsaranna er um það bil að rætast. Mikla móðir, alheimsgyðjan, er snúin heim.

„Mikla móðir var dýrkuð frá Egyptalandi til Indlands, frá Grikklandi til Litlu-Asíu [og] til myrkviða Afríku. [Hún var] alls staðar álitin gyðja veiða og stríðs. Blótsiðir hennar voru blóði drifnir, blótin hömlulaus. Allt er þetta samþætt í eðli sínu. „Blóðlagið,“ djúpt í iðrum hinnar miklu Jarðarmóður skýrir enn frekar, hvers vegna piltarnir, sem hún leggur ást sína á, ættu að óttast geldingu.“ (Erich Neumann)

Um Miklu móður: https://arnarsverrisson.blog.is/blog/arnarsverrisson/entry/2263128/ 1 https://arnarsverrisson.blog.is/blog/arnarsverrisson/entry/2263204/ 2 https://arnarsverrisson.blog.is/blog/arnarsverrisson/entry/2263317/ 3 https://arnarsverrisson.blog.is/blog/arnarsverrisson/entry/2263386/ 4 https://arnarsverrisson.blog.is/blog/arnarsverrisson/entry/2263783/ 5 https://arnarsverrisson.blog.is/blog/arnarsverrisson/entry/2263976/ 6 https://arnarsverrisson.blog.is/blog/arnarsverrisson/entry/2264414/ 7 https://arnarsverrisson.blog.is/blog/arnarsverrisson/entry/2264897/ 8

Fáeinir pistlar höfundar um kvenfrelsun: file:///C:/Users/arnar/Downloads/Gy%C3%B0jur%20go%C3%B0sagnir%20og%20hi%C3%B0%20g%C3%B3%C3%B0a%20samf%C3%A9lag%20kvennanna.pdf https://www.visir.is/g/20191715261d/yfir-burdir-kvenna-kyn-lif-og-kven-frelsun https://www.visir.is/g/20191322558d/leggur-hid-thogla-kyn-arar-i-bat- https://www.visir.is/g/2018180409004/-eg-einnig-byltingin-i-ruv https://arnarsverrisson.blog.is/blog/arnarsverrisson/entry/2264409/ https://www.visir.is/g/20191900819d/fostur-eydinga-for-saetis-rad-herrann

Heimildir: https://edition.cnn.com/2022/12/01/australia/brittany-higgins-sexual-assault-charges-dropped-intl-hnk/index.html https://nyr.ruv.is/frettir/innlent/2024-05-24-brottfall-ungra-karla-mest-a-islandi-413475 https://fiamengofile.substack.com/p/the-feminist-response-to-harrison?utm_source=post-email-title&publication_id=846515&post_id=144852194&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.jstor.org/stable/2381437 https://www.forbes.com/sites/forbestechcouncil/2024/03/18/empowering-female-leaders-of-the-future-will-create-a-better-world/?sh=332a2c404554 https://www.amazon.ca/Different-Voice-Psychological-Theory-Development/dp/0674970969 https://fiamengofile.substack.com/p/male-guilt-before-metoo?utm_source=post-email-title&publication_id=846515&post_id=144699148&utm_campaign=email-post-title&isFreemail=true&r=ry8jq&triedRedirect=true&utm_medium=email https://fiamengofile.substack.com/p/the-making-and-un-making-of-a-feminist?utm_source=post-email-title&publication_id=846515&post_id=144476961&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.msn.com/en-us/lifestyle/lifestyle-buzz/gen-zs-gender-divide-is-huge-and-unexpected/ar-BB1h7vtB https://mitpress.mit.edu/i-want-a-twenty-four-hour-truce-during-which-there-is-no-rape-an-excerpt-from-last-days-at-hot-slit-the-radical-feminism-of-andrea-dworkin/ https://cananmarasligil.net/read/feminism-is-my-lived-reality-mona-eltahawys-seven-necessary-sins-to-fight-patriarchy https://www.mindingthecampus.org/2017/11/30/we-made-this-harassment-law-up-from-the-beginning-and-now-weve-won/ https://pjmedia.com/benbartee/2024/05/18/symptom-of-a-sick-society-feminist-rage-rituals-n4929150 https://ofboysandmen.substack.com/p/look-to-norway https://time.com/6963752/great-global-gender-divide/ https://www.regjeringen.no/no/dokumenter/nou-2024-8/id3035815/?ch=2 https://bettinaarndt.substack.com/p/winning-over-young-men?utm_source=post-email-title&publication_id=448263&post_id=144423991&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.youtube.com/watch?v=UAaLR4UUE0g