Óður um ófrið. Evrópski kjánakórinn

Hinn skelfilegi ófríður í Úkraínu er margþættur eins og gefur að skilja. Hann er að sumu leyti eins og leikrit. Söguþráðurinn og handritið er að miklu leyti mótað, þ.e. að reyna einu sinni enn að koma Rússum á kné. En stundum er skipt um leikara.

Leyniþjónustur Vesturlanda, sem skrifa handritið að mestu í samráði við auðvalda í Úkraínu, réðu atvinnuspaugara, Gyðinginn, Volodomyr Zelensky, í aðalhlutverkið, forseta Úkraínu, þegar þær höfðu kollsteypt löglega kjörinni stjórn. En það var sá hængur á, að hún – eins og fleiri á undan – tók rangar ákvarðanir. Volodomyr tók líka upp á því, að semja nýjan texta, var um það bil að semja við Vonda-Valda um vopnahlé. Þá kippti leikstjórinn í spottana.

Í næsta þætti var Volodymyr gerður að lýðræðis- og frelsisdýrlingi í lifanda lífi. Fjölmiðlahernaðurinn bar þann árangur, að almúginn á Vesturlöndum sagði hann holdgerving vestrænna dygða og Úkraínu fyrirmyndar lýðræðisríki.

Almúgi og stjórnvöld flögguðu úkraínska fánanum við hlið regnbogafánans. Það var órækur vitnisburður um fjölbreytni, kven- og kynfrelsun, sanngirni, mannréttindi, frelsi og lýðræði.

Volodymyr flögraði um Vesturlönd, þar sem honum var klappað lóf í lófa, hann var kysstur og kjassaður, og leystur út með stórar fjárfúlgur upp á vasann. Vopnasendingar fylgdu.

Volodomyr óx skiljanlega ásmegin (trúlega hafa fíkniefnin líka haft áhrif í þá veru). Nýjasti þáttur leikritsins var sýndur í Hvíta húsinu um daginn. Volodomyr hafði greinilega ekki gert sér grein fyrir, að handritinu hafði verið breytt og kominn var nýr aðalleikari, Donald John Trump, sem er ögn hrifnari af sjálfum sér, en Volodomyr.

Dónaldur Jón býr við manngerðarbrest, sýnir hefnigirni, takmarkaða einbeitingu, skerta tjáningarhæfni (talar mest í vígorðum og á erfitt með að halda þræði), endurtekningaráráttu (sem minnir á bergmálstal – echolalia), samhygðar- og þekkingarskort. Aukin heldur er minnið gloppótt og sjálfsgagnrýni er víðs fjarri.

Sumir telja þetta til marks um stjórnmálasnilli Bandaríkjaforseta, þ.e. að rugla fólk í ríminu til að skapa svigrúm til góðra athafna. Aðrir tala um sturlunarheilkenni (derangement syndrome). Það hefur líka verið ýjað að því, að fíkniefnadrifinn uppskafningsháttur og dómgreinarleysi Volodomyr á téðum fundi, beri líka vott um stjórnkænsku.

En reyndar er margt skynsamlegt að finna í stjórnmálastefnu Dónaldar Jóns. Nefna má hugmyndir um að bæta heilsu Bandaríkjamanna. Þess vegna á m.a. að endurskoða lyfjaframleiðslu og bólusetningar. Það er virðingarvert. Andóf gegn eyðileggjandi eymdarhyggju (vókisma) er lofsvert, en kynni að keyra um þverbak. Það verður oft og tíðum skammt öfgana á milli.

Mikilvægasta stefnumálið er þó friðarumleitanir í Úkraínu, stríði, sem Bandaríkjamenn bera mesta ábyrgð á. (Hins vegar er kynnt undir krossferðinni í Miðausturlöndum.) Yfirdrifinn áhugi á auðævum Úkraínu, sókn í sjaldgæfa málma í jörðu, vekja þó grunsemdir um, að hér sé um að ræða frekari viðleitni alþjóðaauðvaldsins til að auðgast á kostnað Úkraínumanna, sem margt hafa þurft að þola frá glæpsamlegum stjórnmálamönnum innan lands og utan. Nú þegar eiga vestrænir auðhringar verulegan hluta náttúruauðæfa Úkraínu.

Friðarumleitanir Bandaríkjamanna, sem er alger viðsnúningar stefnu þeirra, kom flestum í opna skjöldu. Sjónhverfingamaðurinn, Dónaldur Jón, ætlaði að redda þessu í síma á sínum tíma, en það fórst fyrir. Nú hafa samningamenn hans fundað með Rússum um samvinnudrögin, sem Vondi-Valdi sendi Bandaríkjastjórn í desember 2021, svo og friðarsamkomulagið, sem Vesturveldin höfnuðu í apríl 2022 – fyrir einni milljón mannslífa eða svo. Það er grundvöllurinn, sem viðræðurnar byggjast á.

Bandamennirnir í Nató brugðust ókvæða við, svo vægt sé til orða tekið. Þeir segja bandarísk yfirvöld semja brjáluðum Rússum í vil. Ótti þeirra við ímyndaðan óvin vex dag frá degi. Hvorki Emmanuel Macron né Keir Starmer höfðu erindi sem erfiði í Hvíta húsinu, þó Dónaldur Jón talaði út og suður.

En þegar krúttsprengjan, Volodomyr, var sendur sömu erindagjörða, þ.e. að í raun fara fram á, að Bandaríkjamenn tækju þátt í stríðinu, svo gersigra mætti Rússa, hafði Dónaldur Jón varaforseta sinn til halds og trausts. Á umræddum fundi þeirra þriggja, setti varaforsetann þó niður fyrir óþroskaða framkomu, þrátt fyrir snjalla ræðu á Öryggismálaráðstefnunni í München fyrir skemmstu. En aðalleikendurnir komu ekki á óvart eins og ýjað var að.

Leiðtogar Evrópu eru í uppnámi og koma með stórkerlingalegar yfirlýsingar. En Volodomyr á þar hauk í horni. Íslenskum kvenleiðtogum er sérstaklega annt um stráksa, jafnvel þótt kappinn sé eiginlega ekki forseti samkvæmt úkraínskum lögum. Það gerir ekkert til, segir Þorgerður Katrín.

Foringjar Evrópu hafa keppst um að senda hinum volaða Volodomyr stuðningsyfirlýsingar, allar nær samhljóða (líklega samkvæmt tilmælum „aðgerðastjórnarinnar“).

Kristrún er sjálfstæð eins og íslenskri valkyrju sæmir, víkur ofurlítið frá handritinu og bætir við kunnuglegri úkraínskri nasistakveðju: „Slava Ukraíni.“ Kristrún er líka sérstaklega ástúðleg eins og kvenerindrekar okkar hafa verið. Upphaf bréfsins til hljómar svo: „Kærasti Zelinsky.“

Ursula von der Leyen skrifar samkvæmt handritinu: „Virðing þín ber vitni hugrekki úkraínskrar þjóðar. Vertu öflugur, vertu hugrakkur. Þú verður aldrei einsamall, kæri forseti.“

(„Vertu alltaf sanni, góði drengurinn,“ söng amman hér á árum áður í „Ömmubæn,“ svipað og Úrsúla nú. Hún er líklega sár yfir því, að Dónaldur Jón skyldi ekki vilja fá hana líka á sinn fund. Trúlega hefur karlinn óttast (kyn)töfra kerlingar.)

Nákvæmlega sama texta senda margir aðrir eins og Roberta Metsola, Valdis Dombrovski og Manfred Weber.

Evrópukjánakórinn hefur nýlokið æfingu í hringleikahúsi sínu (eða Alheimsefnahagsráðsins) í Lundúnum. Stefið er það sama og lesa má út úr stuðningsyfirlýsingunum; við styðjum stríð, uns réttlátur, langtíma fríður kemst á. Við sendum meiri peninga og fleiri vopn til Úkraínu, jafnvel þótt Rússar haldi áfram að granda vopnaflutningaskipum okkar. Og viljugar Evrópuþjóðir munu senda hermenn á vettvang. Það má lifa í þeirri trú, að Dónaldur Jón muni mýkjast og taka þátt, þegar fleiri evrópskir hermenn verða drepnir af Rússum.

Forsöngvararnir, Keir Starmer og Emmanuel Macron, leggja svo til tímabundið vopnahlé, sem Rússar hafa fyrir löngu hafnað. Því er ljóst að það er dauðvona fætt. Með hjálp fjölmiðla tekst þeim vafalaust að telja fólki trú um, að vondum Rússum sé um að kenna. Þessir heiðursmenn eiga greinilega bágt. En þjónustulund þeirra gagnvart alþjóðaauðvaldinu í Alheimsefnahagsráðinu er óbrigðul.

Á heimahaugnum er haninn frakkastur var sagt í minni sveit. Sjónhverfingasigrar Evrópumanna eru í senn hégómlegir og aumkunarverðir. Evrópuþjóðirnar eiga hvorki fé né hernaðarmátt til að gera annað en senda stöku eldflaug inn í Rússland eða hryðjuverkasveitir. Bretar hafa verið sértaklega iðnir við það.

Auðvitað heldur upplýsingastríðið áfram. Evrópuríkin verða að halda almenningi á Vesturlöndum volgum í þeirri trú, að skattféð renni til varnarstríðs, því nú séu bölvaðir Rússarnir að detta inn fyrir landamærin, þar sem Bandaríkin séu hætt við að vernda mannréttindi, frelsi, góð gildi og lýðræði í Evrópu.

Stríðsbandalagið, sem dulbúið var sem varnarbandalag, Nató, er dautt, og farið hefur fé betra. Vonandi verða hryðjuverkadeildir (Gladio) þess, sem einkum hefur verið beitt inn á við, einnig upprættar.

Ófáir Íslendingar, einkum þeir, sem fengu kaldastríðsáróður Anglósaxa inn í merg og bein, eru líka skelfingu lostnir. Valkyrjurnar verjast í vök og hóta Vonda-Valda öllu illu. Þær sækja innblástur til vinkvenna okkar á Norðurlöndunum, mannvitsbrekkna á borð við Mette minnkabana og Jens Stoltenberg: Stríð er leiðin til friðar og friðurinn er hættulegri en stríðið, segja þau.

Eftirmáli: Upplýsingastríðið ruglar okkur í ríminu. Mæli með þessum greinum (1, 2 og 3), vilji fólk kynna sér staðreyndir og sögu Úkraínustríðsins:

1)https://steigan.no/2025/03/russland-og-ukraina-i-historiens-og-geopolitikkens-lys/?utm_source=substack&utm_medium=email (greinasafn Knut Erik Aagaard) 2)https://singjupost.com/transcript-jeffrey-sachs-on-the-geopolitics-of-peace-in-the-european-parliament/?singlepage=1 3) https://www.indianpunchline.com/trump-takes-on-the-collective-west/ https://www.youtube.com/watch?v=RCGtyGgi7Ig&list=UUkF-6h_Zgf9zXNUmUB-MzTw&index=1 https://steigan.no/2025/03/london-motet-veldig-villige-men-akk-sa-impotente/?utm_source=substack&utm_medium=email https://simplicius76.substack.com/p/the-eu-carnival-brings-same-old-show https://michaeltsnyder.substack.com/p/could-it-be-possible-that-this-was-b66?utm_source=post-email-title&publication_id=1520363&post_id=158258142&utm_campaign=email-post-title&isFreemail=true&r=ry8jq&triedRedirect=true&utm_medium=email https://michaeltsnyder.substack.com/p/will-the-pre-determined-failure-of?utm_source=post-email-title&publication_id=1520363&post_id=158264678&utm_campaign=email-post-title&isFreemail=true&r=ry8jq&triedRedirect=true&utm_medium=email https://gilbertdoctorow.com/2025/03/03/keir-starmers-4-point-ceasefire-plan/ https://www.youtube.com/watch?v=jLTvIEIPhiY https://geopoliticaleconomy.substack.com/p/trump-ukraine-us-economic-colony-minerals?utm_source=post-email-title&publication_id=457596&post_id=158219233&utm_campaign=email-post-title&isFreemail=true&r=ry8jq&triedRedirect=true&utm_medium=email https://sonar21.com/usaid-and-the-cia/?jetpack_skip_subscription_popup https://steigan.no/2025/03/trump-vurderer-a-avslutte-all-bistand-til-ukraina/?utm_source=substack&utm_medium=email https://x.com/KristrunFrosta/status/1895579992312201451?ref_src=twsrc%5Etfw%7Ctwcamp%5Etweetembed%7Ctwterm%5E1895812604632642030%7Ctwgr%5Ec19ee032aee3f54e9e447835724103043282634e%7Ctwcon%5Es3_&ref_url=https%3A%2F%2Ffrettin.is%2F2025%2F03%2F01%2Fopid-bref-til-zelenskyy-forseta-ukrainu%2F https://glenndiesen.substack.com/p/trump-and-zelensky-clash-in-the-oval?utm_source=post-email-title&publication_id=2670149&post_id=158154237&utm_campaign=email-post-title&isFreemail=true&r=ry8jq&triedRedirect=true&utm_medium=email https://steigan.no/2025/03/der-sprakk-nato/?utm_source=substack&utm_medium=email https://x.com/BrianJBerletic/status/1895645869770490317?ref_src=twsrc%5Etfw%7Ctwcamp%5Etweetembed%7Ctwterm%5E1895645869770490317%7Ctwgr%5Ee35a23250a5f81e7a678c0f3271771d8d2f43caf%7Ctwcon%5Es1_&ref_url=https%3A%2F%2Fsteigan.no%2F2025%2F03%2Fder-sprakk-nato%2F https://korybko.substack.com/p/putins-praise-of-trumps-approach?utm_source=post-email-title&publication_id=835783&post_id=158156081&utm_campaign=email-post-title&isFreemail=true&r=ry8jq&triedRedirect=true&utm_medium=email https://korybko.substack.com/p/zelensky-picked-his-fight-with-his?utm_source=post-email-title&publication_id=835783&post_id=158159348&utm_campaign=email-post-title&isFreemail=true&r=ry8jq&triedRedirect=true&utm_medium=email https://gilbertdoctorow.com/2025/03/01/the-trump-zelensky-fracas-in-the-white-house/ https://korybko.substack.com/p/zelensky-picked-his-fight-with-his?utm_source=post-email-title&publication_id=835783&post_id=158159348&utm_campaign=email-post-title&isFreemail=true&r=ry8jq&triedRedirect=true&utm_medium=email https://gilbertdoctorow.com/2025/03/01/a-lengthy-chat-with-professor-glenn-diesen/ https://www.youtube.com/watch?v=44_6wejNGu4 https://www.youtube.com/watch?v=oACKUxA-1Qc&list=UUDkEYb-TXJVWLvOokshtlsw&index=6 https://www.youtube.com/watch?v=bXyiG60g5yw&list=UUDkEYb-TXJVWLvOokshtlsw&index=2 https://www.youtube.com/watch?v=CpeEpo048e8&list=UUkF-6h_Zgf9zXNUmUB-MzTw&index=1 https://www.youtube.com/watch?v=9Ih6Y65Lihc&t=462s https://www.youtube.com/watch?v=WWcKw2eUWis https://www.youtube.com/watch?v=tcxSavCciZw&list=UUDkEYb-TXJVWLvOokshtlsw&index=5 https://www.youtube.com/watch?v=TfW5aZJW96s&t=4256s https://www.youtube.com/watch?v=1lQX3d3gfOY&list=UUDkEYb-TXJVWLvOokshtlsw&index=1 https://www.voltairenet.org/article221820.html https://www.voltairenet.org/article221863.html https://trendcompass.substack.com/p/whats-the-deal-with-ukraines-rare https://steigan.no/2025/02/ukrainas-nasjonalforsamling-nektet-a-forlenge-zelenskys-mandat/?utm_source=substack&utm_medium=email https://www.globalresearch.ca/rofar-new-russian-tech-keeps-nato-toes/5880507 https://www.voltairenet.org/article221786.html https://www.thomasfazi.com/p/slava-ukraini-how-the-british-media?utm_source=post-email-title&publication_id=560592&post_id=156986709&utm_campaign=email-post-title&isFreemail=true&r=ry8jq&triedRedirect=true&utm_medium=email https://chrishedges.substack.com/p/the-deep-state-and-trump-full-interview?utm_source=post-email-title&publication_id=778851&post_id=158204244&utm_campaign=email-post-title&isFreemail=true&r=ry8jq&triedRedirect=true&utm_medium=email https://sonar21.com/ukrainian-food-fight-in-the-oval-office/