007 lýðræði Vesturlanda. „Licence to kill.“ Eða með morðleyfi frá miðjumoðsstjórnmálamönnum

Hinn gáfaði, franski félagsfræðingur, Emmanuel Todd, sagði: Það mætti með nokkrum sanni kenna vestræn lýðræðisríki við njósnarann, 007. Þau veita eins og ofursnillingurinn breski, James Bond, sjálfum sér leyfi til að drepa.

Þetta stunda Natóríki; Serbía, Libýa, Afganistan, Sýrland, Írak, Palestína, Líbanon og svo framvegis. Bandaríkjamenn eru iðnastir við kolann. Það hefur varla liðið eitt ár, frá lokum annarrar heimsstyrjaldarinnar, að þau hafi ekki komið sér upp stríði, beitt þjóðir ofurvaldi vopna og viðskiptaþvinganna. Þær eru ekki síður skeinuhættar.

Viðskiptaþvinganir drepa einkum börn. Magdaleiee Albright (1937-2022), utanríkisráðherra Bandaríkjanna, þótti það góður kostur í framhaldsstríði við Íraka vegna sjálfsspunninnar lygi um gereyðingarvopn. Þar var drepin um hálf milljón barna eða „dýra.“

Lygar eru snar þáttur í hernaði. Lygar Ísraelsmanna um varnir gegn síðustu hryðju drápsflauga frá Íran voru þuldar af skyldurækni af frétta stofu RÚV. Nú er reynt að telja fólki trú um, að Sýrlendingar séu í þann mund að koma sér upp kjarnorkuvopnum og að 40.000 manna herlið Jemena stefni á hernumdar Gólanhæðir.

Hrumi öldungurinn, Jospeh Biden, lofar hefndum. Bandaríkjamönnum og Frökkum tókst ekki að verja Ísrael. Íranar sendu þeim – eins og Hisbolla og Yemener líka geta gert – nokkrar ofurhraðaflaugar, sem Vesturlönd hafa fá svör við. Íranar beindu flaugunum að hernaðarmannvirkjum. Þeir hafa enn þá ekki fundið hjá sér þörf til að drepa almenna borgara. Virða alþjóðalög.

Bandaríkjamenn sendu SM-varnarskeyti gegn kveðjum Írana. Þau eru líklegust til árangurs. En sá er gallinn á gjöf Njarðar, að framleiðsla þeirra og viðhald skipakostsins hefur stöðvast. Það er þáttur í því allsherjarhruni, sem blasir við Bandaríkjunum, ef fram fer sem horfir.

Stóru tíðindin á leiksviði dauðans eru hins vegar þau að telja megi líklegt, að Rússar séu að snúa baki við Ísraelum. Það má leiða að líkum, að Íranar hafi átt samráð við Rússa um gagnárásina á Ísrael. Þeir þurfa nefnilega að vera undirbúnir undir hefndarárás Ísraela og Nató.

Andsvar við henni verður vafalítið tortíming herstöðva Nató í Miðausturlöndum. Ráðist Nató að olíustöðvum Írana sjá allir í hendi sér, hvað verður um efnahag Vesturlanda - og Asíu reyndar einnig.

En hvernig sem heimurinn velkist og veltist, sitja Síonistarnir við sinn keip. Meðan sprengjum rignir yfir Landið helga, ber Yitzchak Ginsburgh, sér á brjóst og staðhæfir, að Guð hafi gefið Ísraelsmönnum Líbanon – eins og stórar sneiðar úr Miðausturlöndum.

Þennan speking þyrfti að fá til kennslu í Sunnudagskóla Sjálfstæðisflokksins. Aumingja „Sjálfstæðisparið“ kvartar eins og Landlæknir hástöfum yfir „upplýsingaóreiðunni“ í veröldinni í sambandi við loftlagshamfarir, lyfjafyrirtæki, Rússa og Ísraelsmenn.

Það hlyti líka að verða pláss fyrir Amichai Cikle, ráðherra í morðsveit Bensa-Banamorðingja. Hann segir líka, að Líbanon sé eiginlega ekki ríki. Því hafi Ísraelsmenn rétt til að gera þar innrás.

Sama á við um Sýrland og Íran. Nató mistókst að leggja undir sig Sýrland. En nú kynni að vera komið að Íran, samkvæmt áætlunum um hina nýju öld Bandaríkjanna og áætlun Ísraelsmanna um hreina skurðinn.

Það er alla vega enginn hörgull á mannvitsbrekkum í Landinu helga, enda er aðalframkvæmdastjóra Sameinuðu þjóðanna bannað að tylla þar niður fæti. En trúlega yrði fráfarandi utanríkismálastjóra Evrópusambandsins, Joseph Borell, boðið á rauðan dregil. Hann sagði nefnilega, að í Evrópu blómstri hámenning, en villimennskan utan hennar. Og eins og allir vita eru Síonistar Austur-Evrópumenn að mestu leyti.

https://www.aei.org/op-eds/the-u-s-navys-missile-production-problem-looks-dire/ https://steigan.no/2024/10/iran-har-truffet-flere-israelske-baser-i-massive-rakettangrep/?utm_source=substack&utm_medium=email https://korybko.substack.com/p/true-promise-ii-did-iran-restore?utm_source=post-email-title&publication_id=835783&post_id=149699085&utm_campaign=email-post-title&isFreemail=true&r=ry8jq&triedRedirect=true&utm_medium=email https://steigan.no/2024/09/israelsk-minister-libanon-er-ikke-en-stat-tar-til-orde-for-a-ta-den-sorlige-delen/ https://beeley.substack.com/p/israels-war-on-lebanon-syriana-analysis?utm_source=podcast-email&publication_id=716517&post_id=149701812&utm_campaign=email-play-on-substack&utm_content=watch_now_button&r=ry8jq&triedRedirect=true&utm_medium=email https://gilbertdoctorow.com/2024/10/02/washington-pushes-china-into-russias-arms-pushes-iran-into-russias-arms/ https://missilethreat.csis.org/country/iran/ https://alexkrainer.substack.com/p/iran-missile-attack-what-we-learned?utm_source=post-email-title&publication_id=1063805&post_id=149702215&utm_campaign=email-post-title&isFreemail=true&r=ry8jq&triedRedirect=true&utm_medium=email https://steigan.no/2024/10/uutholdelig-middelmadighet/?utm_source=substack&utm_medium=email https://www.middleeastmonitor.com/20241001-jerusalem-post-deletes-article-claiming-lebanon-is-part-of-israels-promised-land/ https://glenndiesen.substack.com/p/economic-collapse-and-the-post-american?utm_source=post-email-title&publication_id=2670149&post_id=149698160&utm_campaign=email-post-title&isFreemail=true&r=ry8jq&triedRedirect=true&utm_medium=email https://libertarianinstitute.org/articles/americans-have-learned-nothing-since-9-11/ https://www.kitklarenberg.com/p/collapsing-empire-the-day-sanctions?utm_source=post-email-title&publication_id=552010&post_id=149608672&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.construction-physics.com/p/why-cant-the-us-build-ships - https://steigan.no/2024/09/hvorfor-kan-ikke-usa-bygge-skip/?utm_source=substack&utm_medium=email https://mearsheimer.substack.com/p/john-mearsheimer-and-jeffrey-sachs?utm_source=post-email-title&publication_id=1753552&post_id=149008038&utm_campaign=email-post-title&isFreemail=true&r=ry8jq&triedRedirect=true&utm_medium=email https://cluborlov.blogspot.com/2019/07/war-profiteers-and-demise-of-us.html https://caitlinjohnstone.com.au/2024/09/10/the-us-empire-can-only-exist-in-a-continuous-state-of-mass-military-violence/ https://www.jpost.com/israel-hamas-war/article-821752

Stríð er Guðs vilji. Verði hans vilji, svo á jörðu sem á himni

Kanadíski sagnfræðingurinn, Matthew Ehret, er vel í stakk búinn að kenna um stríð og frið í veröldinni, enda er hann sjálfur fjölfróður. Í greinarkorni og tveim spjallþáttum býður hann upp í fróðleiksdans.

Hann bendir t.d. á þá skelfilegu hættu, sem af friðinum stafar, þeim, sem hafa nautn af drápum og fórnum, og þrífast að öðru leyti á átökum og vopnasölu. Þetta er gamalgróin djöflamafía, sem birtist okkur í gervi engla, sem segjast berjast í okkar þágu gegn illsku á annan bóginn og fyrir friði, mannréttindum og lýðræði á hinn.

Þetta fólk er að finna í öllum Abrahamstrúarbrögðunum (kristni, Múhammeðstrú og Gyðingtrú). Það trúir því að tortíma þurfi veröldinni, svo hana megi bæta. Þessi boðskapur endurómar í Friðarsáttmála Sameinuðu þjóðanna og Alheimsefnahagsráðsins. Almenningur hlýtur að fara að átta sig á þessum fagurgala. Það drýpur lygi og hræsni af hverju strái.

Sannfæring stríðsbrjálæðinganna, sem er næstum mælanleg á hlutabréfamörkuðum hins frjálsa heims, bergmálar í hugvitundariðnaðinum, þ.e. þegar stríðsdjöflarnir telja almenningi trú um, að þeir séu að drepa óvini þess í þágu fósturlands, frjálsræðis, lýðræðis eða mannréttinda.

Í þessu skyni eru jafnvel heilu þjóðirnar gerðar að skrímslum. Aðalskrímsli kristinna Vesturlandabúa eru um þessar mundir Rússar og Múhammeðstrúarmenn, Palestínumenn þó sérstaklega.

Meginhugsuðir Síonista (ruglið ekki saman við Gyðinga) í Bandaríkjunum, Ísrael og á Íslandi, kalla Palestínumenn „mennsk dýr“ eða þá barasta „dýr.“ Það gæti skýrt þá sérstöku þörf Ísraelsmanna að sprengja almenna borgara í tætlur, sérstaklega lítil börn.

Í samræmi við kenningar þessara fasista, skal hinum óæðri útrýmt með einum eða öðrum hætti, því Guðs útvalda þjóð hefur rétt á því að verja hendur sínar, sbr. orð rússneska Gyðingaprestsins (rabbi), Abraham Isaac Kook (1865-1935). Hann var fyrsti prestaleiðtogi Jórsala (Jerúsalem) og síðar allrar Palestínu, einn aðalhugmyndafræðinga Ísraelsríkis og meðal stofnfeðra þess.

Abraham taldi gagngeran mun vera á sál Ísraelsmanna og annarra þjóða. Hvergi gæti hinn gyðinglegi andi blómstrað, nema í Ísrael. Hann mótaði hugmyndina um Ísraelska stórveldið (Eretz Israel). Ofstækisfyllstu fylgismenn hans segja það fela í sér Levantíu (löndin fyrir botni Miðjarðarhafs), hluta Egyptalands, Tyrklands, Sádí-Arabíu, Írans og Íraks.

Abraham skrifaði m.a. á þá leið, að sannleikann um land mætti finna í dulfræðum Gyðingdómsins (cabala, Kabbalah). Túlkun hans leiddi í ljós, að það ætti fyrir Ísraelum að liggja að berjast fyrir landinu. Í stríði kæmi sömuleiðis í ljós, hvað í þjóðina sé spunnið. Í stríði milli þjóða birtist vilji Guðs, sem muni, þegar vestræn menning hrynur, fela Ísraelum það heilaga verkefni að móta andlegan grundvöll nýrrar heimsskipunar. Yuval Noah Harari, kenningasmiður hjá Alheimsefnahagsráðinu, er önnum kafinn við einmitt þetta verkefni.

Það hefur reyndar markvisst verið unnið að þessari nýju heimsskipan. Stofnun ísraelsks stórveldis er snar þáttur hennar, samkvæmt nokkrum áætlunum eins og (Oded) Yinon (1982); Réttlátri hefndaraðgerð (Operation Justified Vegeance eða Dagan Plan) frá 2001 (hernám alls landrýmis Palestínumanna); Aðgerð þyrnagrundum (Operation Fields of Thorns) (2003), þ.e. morðið á Yasser Arafat (1929-2006); Réttlætingu blóðsúthellinga (2000) (Bloodshed Justification), þ.e. árás á Gaza í kjölfar sjálfsvígsárásar; Aðgerð varnargnípu (Operation Protective Edge), þ.e. hernaðaraðgerð gegn Gaza, sem minnir mjög á innrásina 2014.

Ótaldar eru innrásir og hernám í Líbanon.

Sú þriðja stendur nú yfir.

Svissneski herfræðingurinn, góðkunni, Jacques Baud, bendir einmitt á, að tilvist Ísraelsríkis ráðist í stríði, en ekki friði. Ísrael hefur í sjálfu sér engin landamæri.

Landamæri hafa aldrei verið Ísraelum til trafala frekar en alþjóðalög og velsæmd. Fyrir skemmstu drápu þeir forystusveit Hesbolla (Flokki Guðs). Bandarísk yfirvöld hafa látið í ljósi ánægju sína með morðin. Sjálfir eru þeir engra eftirbátur í leiðtogamorðum.

Eftirtaldir eru meðal þeirra, sem myrtir hafa verið:

Antoun Saadeh (1904) var tekinn af lífi í Beirút 1949. Hann var stofnandi sýrlenska þjóðernisjafnaðarflokksins.

Rageb Hareb (f. 1952) líbanskur stjórnmálamaður, var myrtur af Ísraelum í Suður-Líbanon 1984.

Abbas al-Musawi (f. 1952), foveri Sayyed Hassan Nasrallah, var myrtur 1992.

Ahmed Ismail Hassan Yassin (f. 1937), stofnandi Hamas, var myrtur af Ísrael á Gaza 2004.

Abdel Aziz al-Rantisi (f. 1947), meðstofnandi Hamas, var myrtur á sama ári á Gaza. Morðingjarnir voru Ísraelar.

Qasem Soleimani (f. 1957), herforingi Írana, var myrtur af Bandaríkjamönnum (Donald Trump) í janúar 2020, í Bagdad.

Ismail Haniyeh (f. 1962/63), einn forystumanna Hamas, var myrtur af Ísraelum í júlí 2024 í Teheran.

Í ljósi þessara afreka samrunnaheimsveldisins er skiljanlegt að glatt sé á hjalla og menn berji sér á brjóst. Utanríkismálaráðherra hinna hugprúðu og frjálsu hefur digurbarkalega lýst því yfir, að bandarískum hermönnum skuli att út í stríð í Miðausturlöndum eins og í Rússlandi.

Nú gæti verið komið að ögurstundu. Þriðja innrás Ísraela í Líbanon er sem sagt hafin og Íranar hafa sent nokkrar meinlitlar kveðjur til Ísraels. En þetta verður í sjálfu sér bara flugeldasýning, nema kné verði látið fylgja kviði. En vonandi varpa Ísraelar af sér oki vitfirringastjórnar, áður en að því kemur.

En ætli allir hafi gleymt orðum Yitzhak Rabin (1922-1995), óþokkans, sem bætti ráð sitt, merkilegasta leiðtoga Ísraelsmanna. Hann sagði eitt sinn, að þeirra væri friðurinn, sem hefðu burði til að breyta sannfæringum sínum, því þær séu sjaldan byggðar á þekkingu og rökvísi. Það er hverju orði sannara.

Alþjóðaauðvaldið, sem í meginatriðum stjórnar þessu andstyggðarleikhúsi, er ekki af baki dottið, jafnvel þótt stríðsmenn þess hvarvetna séu reknir á bak aftur. Meira að segja tátiljuhermennirnir í Jemen gereyða landinnrásarteymum Bandaríkjamanna og Ísraela, meðan þeir halda uppteknum hætti og skjóta á skip unnenda Ísraelsstjórnar.

Herskipin ógnarlegu, sem nú eiga að vernda Ísraelsmenn frá Irönum, varð að færa um set, svo þau yrðu ekki Jemenum að bráð. Þeir eru orðnir furðu lunknir drápsskeytaframleiðendur.

Samvinna Úkraínumanna og bardagamanna Bandaríkjastjórnar og Ísraels, ISIS, heldur áfram – eins og samvinna Úkraínumanna og Ísraela. Fyrir skömmu var þurrkuð út ísraelsk herdeild í Kursk og Úkraínumenn hafa sent fólk til að þjálfa ISIS-liða í Idlib í Sýrlandi, til að lúskra á Rússum.

En það er líkt farið á með stríðsmönnum Óðins og Múhammeðs. Þeir geta ekki tapað. Stríðsmenn Óðins voru teknir inn Valhöll (og eru það líklega enn). Hinir heyja „Jihad.“ Þeir munu sigra, hvernig sem niðurstaðan hérna megin verður.

Nýtt sjónarhorn: Bandaríski verkfræðingurinn, Dimitry Orlov, telur, að Bandaríkjamenn muni snúa baki við Ísraelum. Þess vegna séu þeir í þann mund að útmála þessa samgróninga sína sem hryðjuverkamenn. Hann nefnir í því sambandi að varað hafi verið við símboðasprengjunum á Bandaríska sjúkrahúsinu í Beirút. Því hafi það verið Bandaríkjamenn, en ekki Ísraelar, sem frömdu símboða- og talstöðvasprengingarnar.

https://beeley.substack.com/p/the-way-forward-after-the-martyrdom?utm_source=post-email-title&publication_id=716517&post_id=149618120&utm_campaign=email-post-title&isFreemail=true&r=ry8jq&triedRedirect=true&utm_medium=email https://www.youtube.com/watch?v=8gWnuow4Oyw https://www.globalresearch.ca/assassination-nasrallah-not-break-resistance/5868951 https://mearsheimer.substack.com/p/can-israel-remake-the-middle-east?utm_source=post-email-title&publication_id=1753552&post_id=149660638&utm_campaign=email-post-title&isFreemail=true&r=ry8jq&triedRedirect=true&utm_medium=email https://julianmacfarlane.substack.com/p/predictions?utm_source=post-email-title&publication_id=837411&post_id=149403505&utm_campaign=email-post-title&isFreemail=true&r=103ae5&triedRedirect=true&utm_medium=email https://sonar21.com/israels-limited-ground-invasion-so-was-vietnam/ https://www.youtube.com/watch?v=C5O8pkS_mXs https://www.youtube.com/watch?v=SWjld2FxuRo https://www.youtube.com/watch?v=tA7LMTGVj4E https://www.youtube.com/watch?v=Pgs9a2wTZRQ https://www.kyivpost.com/post/33695 https://www.bitchute.com/video/HCFJxl10ea0/ https://rumble.com/v3s4a7d-mel-k-and-matt-ehret-what-is-the-end-game-who-benefits-the-insanity-of-opti.html https://matthewehret.substack.com/p/whos-lighting-the-middle-east-on?utm_source=post-email-title&publication_id=260045&post_id=149633902&utm_campaign=email-post-title&isFreemail=true&r=ry8jq&triedRedirect=true&utm_medium=email